"ولا تَبتلينِي فِي قلبي يا الله."
...............................................................؟
سلطان ........
بعد ما حاجيتها و سألت اذا عدها تلفون ... جنت انتضر جوابها ... بس هي ما كذبت عليه گالت اي .. انصدمت .
و گلت شنوو ... و طيرت عيوني عليها... هي گال .. والله ليوم لگيته من رتبت غراضي .. اخوي خاله بدون ما ادري هو و الرساله ...
و گالت اني من البدايه رفضت اجيب تلفون وياي و خليت تلفوني بيت اهلي .. و صارت تحلف ... گلت الها
روحي جيبي .. و تعالي .. راحت هي على الكنتور تمشي .
و اباع عليها حيلها يرجف .. .. صحت وراها و گلت الورقه
هم ... هي ندارت علي و هزت راسها .. و طلعت التلفون و الورقه و جتي تمشي عليه بس ترجف ... اباع عليها
شلون صفرت .. و ترجف يدينها .. جتي وگفت مقابيلي
و مدت ايدها ..اليه بيها التلفون و الورقه .. رفعت راسي
وباوعت على و جها شلون مصفره ... اخذت التلفون من يدها و گلت الها ... اگعدي هنا و اشرت الها على الجرباية
هي گعدت و صارت تلعب باصابيعها من التوتر ... رجعت گالت .. والله على حطته لا فتحته ولا شي مثل ما هو
باوعت عليها و سويت مممممم .... رجعت فتحت الجهاز
بي بس رقم واحد ... گلت الها هذا رقم اخوج گالت اي
اتصلت على الرقم ... و شويه و فتح خط .. فتحت السبيكر .. و أشرت الها. تحجي ... صار الولد .. يحجي و يگول يا بعد حيلي اخوج شلونج و يسأل بيها .. هي صارت تحاجي .. بي .. و گالت زينه والله و تحلف اله و هي تجذب بعدها اول يوم و رادت تموت على ايد جميلة
رجع سألها و گال الشفيه الي اخذج زين وياج فهميني .
من گال هيج طيرت عيوني عليها .. و هي باوعت عليه و رجعت نزلت راسها... و گالت اي زين وياي ... رجعت طلبت تحاجي امها .. شويه و اجه صوت مرة على الخط و تبجي و تعيط .. يمه ارجعي لحضني يمه سارة .. ما شبعت منج بعد ... اباع عليها صارت دموعها تجري عشرة عشرة... ... و گامت تحجي وياها و تمسح بدموعها.. و تگول بخير و من هل حجي ... و المرة ما مصدگه و تگول لا تجذبين عليه گلب ام واعرف بيج مو زينه..... و هي تحلف و تگول ما بيه شي ... اباع عليها العيون صارت حمر الشفايف حمر دم و يرجفن ... صارت حلوه فوگ ما الله منطيها حلا ..... رجعت المرة سألت ..و گالت الماخذج شلونه ... عفيه عائلة كلكم تسألون عليه ..
هي گالت سلطان زين وياي ... اخخ يا اسمي بين الشهگات و البجي شلون طلع حلو من شفايفها.... بس صدمتني الحجيه من گالت سلطان هذا الشايب الي ماخذج ... طلعت شايب و ما ادري بروحي ... هي گالت لا يمه بعده شاب عمره 27 سنة ... امها گالت ابوج گال شايب الي اخذها و سألو راح تزوج منو ما قابل يگول الهم گايل هل شي ما يخصكم ... رجعت هي سألت على ابوهم واحد.... و جاوبتها المرة و گالت بالجامع هو و عماد
ماعرف منوو ... هي گالت سلمي عليهم و على البنات ...
ما اگدر اطول ... شويه واسمع صوت ذاك الولد اخوها رجع يحاجيها ... و هي گالت ما اگدر اطول .. و سدت التلفون .. و شمرته بصفي على الجرباية ... و صارت تبجي... وخاله ايديها على عيونها . و تبجي بشهگات و حرگه ... و صارت تعاتب بالله و تگول شمسويه و هيج تبتليني ..كل عمري اصوم و اصلي وما يوم عصيتك ..
و تبجي ... بحرگه ... قهرتني .. صدگ مالها ذنب ... بالي صار وياها هي هم ضحيه لأغلاط غيرها ... جنت متمدد و مرتجي على تاج الجربايه و اباع عليها شلون تبجي..
عدلت گعدتي و خليت ايدي على جتفها و خرت ايديها عن وجها .. و باوعت عليه و زادت بالبجي عبالك .. شافت مدر شنوو... من شفتها هيج تبجي ما تحملت سحبتها لحضني ..و رجعت تمددت و هي على صدري راسها و تبجي .. واني اسكت بيها ... و اگول اششش كافي... و اطبطب على ضهرها ... و هي مستمره تبجي ..
و رجعت حجت بين شهگاتها .. انته شرايحلك ما عايف اهلك ... ضحكت على كلامها .... لو تدري اريد اعوفهم هسه نو .. من جيت لحد الان و هم ما ضل شي ما سوو اليه ... رجعت گلت الها اريد اعوفهم هسه تدرين من جيت لهسه ما ضل شي ما شمرو عليه اول شي انتي و هسه جميله ... و هي تبجي و تشاهگ و تگول شعليه اني
... صدك هي شعليها هي هم مالها ذنب مثلي بالسالفه
الله واعلم يجوز هم جانت تحب و الها حياتها و تخربت
و نجبرت على هل شي .. ... ضلت تبجي على صدري واني اسكت بيها تگول عوفني افرغ الي بداخلي ...
صدگ الله و اعلم شگد شايله بدااخلها حزن والم .. عفتها تبجي ... دموعها غرگت دشادشي ... شويه و سكتت ضلت بس الشهگات ... ضلت هيج .. جان تحس على روحها هي وين .. و طفرت من حضني . اني بدون وعي گبل سحبت ايدها و دفعتها صارت هي متمدده على الجرباية و اني صرت فوگاها ...رافع روحي عنها بديه ..
صافن اباع على عيونها ... على تفاصيلها مدري شبيه....
هي صارت ترجف .. و گوه فتحت حلگها و گالت .. سلطان .... حجتها مگطع و و گالت شجاي تسوي ....
هو غير لو اعرف شجاي اسوي ... رجعت گلت ما مسوي شي... اباع عليها شلون صارت ترجف جواي ... ... الشيطان صار يوسوس اليه و النفس اماره بالسوء ...
بس لازم روحي عنها ....لأن نطيت كلمه الها ... رجعت فتحت حلگها و گالت سلطان ..انته كلش.. قـ.... جان اقاطعها و گلت كلش غريب عنج مووو..... هي ساكته ..
جان ما احس اله الباب نفتح .. علينه وحنه هيج ... بس اسمع رجدت الباب نداريت و طلعت الضيم الاسود جميلة.
عطت بيها .....
أنت تقرأ
أبن جــبــر ....
Ficción Generalالقصة حقيقية 100% كيف ستكون البداية و النهايه القصه تتحدث عن فتاه تذهب قربان لاحد العشائر المعروفه في العراق ......( جبور ) ..... دم و ديــه........
