وأنا أرفضك بقدر ما أشتاقك ..
|| غادة السمان
سيُدمر الكثير مني إن أفقدكِ .
|| غسان كنفاني
.................................................................
سارة........
ضلينه گاعدين على نفس الگعده للساعة 11:40 الى ان رجعو ابوي و عمامي والولد بس عمار ماكو امي راحت تركض على ابوي و تگوله شكو عمار وينه وليدي وينه عمار وينه ..... گعد ابوي و نزل عينه و گال ما اعرف شگولج يا ام احمد ... امي صارت تعيط عبالها عمار بي شي واني دموعي تجري عشرة عشرة وگعت امي بالگاع و تبجي اجه احمد عليها طاير و گال الها لا تبجين يمه ما بي شي ربج يحلها ...
افراح/ وينةةةةةة لعدددد وين وليدي عمارررررر يمه وليدي وينه
احمد / يمه عمار مسوي حادث بالسيارة ...
افراح / شنوووووو. وليدييييييي راح وينه وليدي عمار
عماد / والله يمه ما بي شي والله ....
افراح / لعد اخوكم وينه ليش ما رجع وياكم هاااا
سارة / فهمونه السالفه فدوه شنوو
احمد / عمار داعم له ولد و طفل بالسياره
افراح /يمه وليدييييييي وينه هسه وينه
احمد / مسجون ما گدرنه نطلعه لأن الولد متكسر و الطفل ميت
افراح / يا يمةةةةةةة وليدييييييي راح يا يمةةةة
و صارت امي تلطم وتعيط واني گعدت بالگاع من هول ما سمعت ...
رحمه / اهدي يا ام احمد لا تسوين هيج ...
افراح / يا ام عمر وليدي راح يا ام عمر ....
سارة / و هسه شلون يعني عمار ما يطلع ... ...
حسين / بابا حاجيناهم بس ما قبلو يتنازلون عنه و طلبو گعده عشائريه الولد الي داعمه من جبوري من عشيره كلش جبيرة
جاسم / بعد 3 ايام الگعده وره الفاتحه مالتهم ...
افراح / هو منو المات
عماد / يمه طفل عمره 4 سنوات مات . و يا عمه ولد شاب متكسر تكسر و ضعه هم ما يطمن ...
افراح / يا يمةةةةة يايمةةةة راح وليدي بين الرجلين
جاسم / هو سرسري هو يسوق سريع مثل الخبل تگول الشارع مال ابو بس هو بي
صار بابا يعيط ويصيح أول مره اشوفه هيج ..... صارت امي تعيط و تبجي و بيبي هم. نسوان عمامي هم البنات يبجن ... اني احس من جيت جبت الهم الفگر بجيتي
عمار هسه مسجون الله اعلم شراح يصير بي ... انوب اهل الولد عشيره كلش جبيرة ... احنه دليم. و هم جبور
وثنينه نرجع لنفس الفخذ ... بس جبور ما يسكتون عن حقهم ابد ..... مرت ذيج الليله مثر السم على الكل محد رفله جفن لو غمضله عين بذاك اليوم .... ابوي طول الليل يخابر على ناس و معارف على مود الگعده العشائريه ..... ثاني يوم من الصبح راحو اخوتي و بابا و عمامي حته يشوفون عمار .. عمار عمره 24 سنة و متهور هواي يسوق سريع ... ما يهتم الله يعينه اول ليله يبات بعيد عن امي والبيت .... امي خطيه لا اكل ولا شرب بس بجي محد حط لگمه بحلگه من البارحه لليوم بيبي بقت يمنه و نسوان عمامي اجوي الصبح على ماما
راحو على عمار ..... للضهر رجعوو حاجين ويه اهل الطفل المات و الولد التكسر بس ما قابلين يحاجوهم هسه اله بالگعده العشائريه .... رجع ابوي مكسور الضهر
و گال ما قبلو يحجون اله بعد 3 ايام ....
أنت تقرأ
أبن جــبــر ....
Ficción Generalالقصة حقيقية 100% كيف ستكون البداية و النهايه القصه تتحدث عن فتاه تذهب قربان لاحد العشائر المعروفه في العراق ......( جبور ) ..... دم و ديــه........
