احنه مو وحدنه ، احنه الله بعظمته ويانه.
.................................................................
سلطان.......
هلا خل اعرفكم عليه إسمي سلطان جبر سلطان اني الأبن
الثالث للعائله ... ابوي سماني سلطان على إسم جدي ..
عمري 27 سنة .... ما متزوج بس محجوز من وعيت على الدنيا انته لـ جميله ... ... كملت دراسه ادارة أعمال و طلعت درست ماستر بالخارج ... و ضليت هنا سنتين دراسه بس من كملت ما رجعت ضليت سنة عايش هناك
لأن بس ارجع راح يزوجوني جميله گبل واني ما احبها ولا بعمري حبيتها ... بعد غياب 3 سنوات عن اهلي قررت
ارجع ... ... رجعت بدون ما اگول لاحد ... و طلعت بأول رحله على العراق .... نزلت بمطار بغداد .... اخذت سيارة و طلعت بوجهي على الانبار.... وصلت و سويت مفاجأة للوالده و للكل بس ما جنت اعرف اني الي راح اتفاجئ
شفت كل العائله و سلمت عليهم ابوي عزم عمامي على شرف رجعتي يعني راح تجي اللزگه جميله .. .. وره الغده
رحت فوگ للغرفة مالتي ارتاحيت لأن بعد ورايه هوسه شكبرها شگدها.... نمت للعصر گعدت سبحت و لبست تراك و نزلت .... أول ما نزلت طبيت للستقبال جان بس ابوي و اخوي الجبير فارس.. صار ابوي يحجي ويگول روح البس دشداشه عمامك على جيه عيب ابن مضايف
و لابس هيج .... و كالعاده رزاله غسل ولبس ... شسوي اذا صارلي 3 سنوات ما حاط الدشداشه على جسمي..
رجعت فوگ طلعت دشداشة من الكنتور لونها أبيض..و لبستها و ساعة لبست وياها و شلت سبحه و خليت السجينه بجيبي هاي السجينه ما تفارگني ابد من جنت بالخارج متعود عليها ما اطلع اله هي وياي .... نزلت و شافتني امي و صارت تهلهل وتگول عريس ما شاء الله
و گالعاده راح يفتحون موضوع جميله الي اشمر بي الي كم سنه ... والله.... الله ما يرضاها اني وين و جميله وين
الي يكتل اسمها جميله. و هي ممشه شهر عن الجمال ...
استغفر الله والله ما جاي اعيب على خلقت ربي بس هاي الحقيقه ....
هااا ما گلت الكم مواصفاتي ....
اني كلش طويل تيل يعني اله شويه هههه
طولي 1،90 سم .. .. وزني 80
جسمي معضل لأن لاعب حديد و مرتبه فه من البس دشداشه تلوگلي ..... عيوني لون رصاصي ... و حادات نضرتي حاده
شعري عالي.. عندي لحيه مرتبه .... اني حنطاوي لون بشرتي عادي لا أبيض ولا اسمر... ...
خل نرجع لسالفتنه ... اجوي عمامي كلهم طبعاً عندي 4 عمام وابوي خامس هم ... و عمات 2 ....
اجوي عمامي و طبيت للديوان سلمت عليهم و على ولد عمي ... و بدو يسألون شلونك ما لونك و من هل حجي
سألت على اخويه امير الي هو ازغر مني ... گالو اخذ
عبدالله ابن اخوي فارس للسوك ... گالو من اجه سأل عليك بس جنت نايم و گال ينتضرك بس عبدالله صار يبجي يريد بايسكل و اخذه يشتري له..و يجي ...
ضلينه گاعدين و صبو عشه لأن محاجين امير و گايل تعشو فد ربع ساعة واحنه يمكم... ... مرر الوكت الي ان صارت ساعة و هم ما جايين و هو گال ربع ساعة واحنه يمكم....... خابر فارس عليه و جاوب بس الي طلع مو هو على الخط گالو لـ فارس.... اخوك بالمستشفى الفلاني
سوه حادث .... صاح فارس و طلع طاير لحگنا... و گال النه و طلعنه كلنه للمستشفى احنه و .. ولد عمي و عمامي
وصلنه المستشفى.... الكل جان مفكر انو امير الي مسوي الحادث و هو بالسيارة بس من وصلنه و طلعت السالفه ولد داعمه ...... الولد ماخذي الاستخبارات... و امير وضعه حرج كلش متكسر تكسر رجلينه و ايده و ضلعين متكسرات اله... و ضربه على راسه ... گال الدكتور اذا تحاوز 72 ساعة الجايه يعيش ... أما من سأل فارس على
ابنه عبدالله ... گاله الدكتور البقاءلله الطفل من جابوو
جان باخر انفاسه ما گدرنه نسوي شي اله .... صار فارس يبجي ويصيح الله يعينه .... ابنه بعد ... اني اخر مره شفت جان عمره سنه وحده ... اجوي اهل الولد الي داعم هم و گالو شتريدون احنه حاضرين .. اذا تريدون ابنكم نسفره للخارج نعالجه هم ..... بس ابوي ما قبل .. فارس
گال ناخذ ثار واحد بواحد .... بس ابنكم اخذ ثنين من عدنه.... اخوي بين الحياه والموت ... صارو يگولون قضاء وقدر ... و من هل حجي.... عمي گال الهم نگعد گعده عشائريه .....و هم وافقو ...حددو الگعده العشائريه ورا
الفاتحه مال عبدالله .....الله يعين فارس ابنه الجبير
صار فارس يبجي ويگول شلون راح اگول لـ شهد ...
شهد تصير بنت عمي ..... ... ابوي من سمع تخربط لأن ... عبدالله جان الحفيد الاكبر ومدلل عمامي و .. ولد عمي اخذو ابوي للبيت و فارس هم ... ضليت اني بالمستشفى يم امير ... بس احس روحي مخنوگ ... خسرت ابن اخوي و خايف على اخوي هم بين الحياه والموت بعده ما شاف شي من حياته.... .... ضليت يم امير الى ان ثاني يوم ... اجوي الصبح اخذو الجثمان
مال عبدالله من الطب العدلي ... و ابوي گال تعال ويانه
للدفنه... ... و بقه واحد من الولد يم امير رحت وياهم ...
و اخذنه عبدالله للبيت غسلو ... و ابده العياط والطم
على عبدالله شهد ملخت روحها ... امي والبنات ... المهم
اخذنه عبدالله و رحنه للمقبره و دفناه ...و صارت الفاتحه
مالته ... ...يومين واني ما نايم خلاص ... مرت.. 72 ساعة.... و الدكتور كال تجاوز مرحله الخطر... امير... اجوي اهل الولد الي داعم هم رادو يحاجونه ... جنت كلش ضايج ... طلعت هديت عليهم و طلعت حرگه گلبي
فارس ما قبل يحاجيهم و هم صار يعيط عليهم ..ابوي گال الهم ما بينه حجي اله يوم الگعده...و رجعو مشوو
خلصت الفاتحه... و اخر يوم بالفاتحه بالليل ...اجوي شيوخ من عشيرتنه و عشاير ثانيه گعدو بامضيف يم ابوي و صار. يحاجون بي و يگولون انتو و ذيج العشيره ولد عم من نفس الفخذ ... عيب يصير بينكم الدم للركب
ولازم يا ابو فارس تشوفلك حل يسد الثارات بينكم...
ابوي ضل ساكت... و رجع گال الله كريم منا لباجر.....
أنت تقرأ
أبن جــبــر ....
Genel Kurguالقصة حقيقية 100% كيف ستكون البداية و النهايه القصه تتحدث عن فتاه تذهب قربان لاحد العشائر المعروفه في العراق ......( جبور ) ..... دم و ديــه........
