أبن جــبــر ....

البارت السابع و العشرين 27

تخيّل أن يُحبك الله فيعلو النداء في السماء: " إن الله يُحب فلاناً فأحبوه " !
................................................................
# روايه أبن جبور فصليه
# بقلم مــــــلاك...
................................................................

سارة ....

طبعاً سلطان سايل شي إسمه مستحه خلاص .. شلون يحجي ويه بيبي و اني وجهي صار احمر من سوالفه ..
شويه و رجع طلع و اجوي يمي البنات نهى و تبارك و ايلاف و اخت سلطان اسماء هاي هم حبابه مثل بيبي شويه و طلعو و ضلت بيبي تلعب بشعري الى ان غفيت .. ضليت نايمه و ما حسيت على روحي .. اله على صوت سلطان .. هو يگعد بيه فتحت عيوني و گال

سلطان / صح النوم ..

جاوبت بنعاس ..

سارة / صباح الخير ..

بيبي / يمه يا صباح الدنيا لليل ..

اباع على سلطان صار يضحك .. عليه .. و رجع .. گعدني .
گلت لبيبي اريد اروح للحمام .. سلطان گال اساعدج .. باوعت عليه و خزرته و هو ضحك .. گتله صيح نهى هو گال جاي تشتغل .. گومني هو على كيف و وصلني للحمام
بيبي اجت و طبت وياي هيه تساعدني .. و هو طلع و ضل بيره.. سويه و طلعت .. اني و بيبي و اجه هو عليه و ساعدني ارجع لمكاني .. رجع اجه انطاني علاج و رجع خله اليه طبقه جديده من الدهن .. من يخلي ايده على جسمي.... جسمي كله يكزبر .. اقرأ بنضرته شي غريب ..
خله الدهن و رجع راح غسل .. ردت اصلي بس لا هو ولا بيبي قبلت گالو انتي مريضه و الله عاذرج .. .. شويه و اجت نهى جايبه عشه اليه اني و بيبي .. و هو نزل جوه
بيبي گعدت توكل بيه .. و تحجيلي على سلطان و اطباعه و شكد هو عصبي و ما ينحمل و نفس جدة بكلشي .. و حجتلي كومه حجي على سلطان .. و انو هو راسه يابس و الي يريده يسوي .. و مشه كلمته على ابو هم .. و درس بغداد ... و درت بالخارج .. هم .. و الصدفة الحلوه اني و هو نفس الدراسة .. ثنينه فرع ادارة أعمال ...

گالت بكلشي مشه كلمته اله بموضوع جميلة ما گدر لابو
و نفرضت عليه .. يعني حسب كلام بيبي بعد سنة جميلة
تجي ضرة عليه .. و راح خوش تشتغلني . عادي ما اهتم . لأن ما احب سلطان دا انقهر .. و هو الها من الاول اني الي جيت و اخذته .. و دخلت حياتهم ..

ضلت بيبي تسولف اليه .. و اني ساكته .. شويه و اجتي نهى و ايلاف عليه .. و بقو هم يمي يسولفون و رجع ندگ الباب و طب سلطان جانت الساعة .. 10:30 تقريباً البنات ترخصو و طلعوو .. و سلطان طب اباععليه اني و بيبي يفتر بالغرفه رايح جاي .. و بيبي خاله شيلتها على وجها و تضحك ... ما فهمت شبي .. رجع اجه گدام بيبي
و گال ...

سلطان / جده لا تفهميني غلط .. بس اذا تنامين هنااا دا احضر الج فراش ..

بيبي / اي يمه ابات هناا ما بيه حيل انزل جوه و افرش لروحك انه انام هناا على الجربايه يم سارة .. و انته افرش بالگاع تريد تنزل للغرفه مالتي تنام بيها ..