اجمل ما قيل في اللهجة العراقية :
چان يرسم ع الوجه رسمات ، بس مات
وصلت ويا مرحله حَــتىٰ المُر حلة
رسمتك وشم بيدي ، واشم ايدي
تره الماينحجن مرات مُرات
حرت مابين ألم روحــي والم روحــي …
.................................................................
سلطان ......
بعد ما حاجيت امي. و طبيت للغرفه واباع عليها مگرفصه بالگاع و تلملم بروحا ... جيت عليها وگلت اوگفي بس هي ولا عبالك احاجيها ... مطنشتني ... رجعت جريتها من يدها و وگفتها ودفعتها على الحايط و جيت وگفت مقابيلها ... خليت عيني بعينها شلون عيون عدها تصفن الواحد بيها ...... حاجيتها وگلت لها لازم اخلي اثر عليها .. اعرف بيهن باجر راح يدورن على وسم
او علامه عليها .. حته يتأكداً اخذتها ... .. اباع عليها تسأل اثر شنو شراح تسوي ... رفعت شالها و دنگت عليها
اخخ ذاك العطر سطرني سطر. ... رجعت حجيت بصوت ناصي و گلت الها هذا الشي مو بارادتج مثل اول مرة..
و قربت من رگبتها و عضيتها ... بس مو رگبه تگول مرمر
و هي خلت ايدها على صدري احس باصابعها الناعمه من وره الفانيله ... و تدفع بيه ... و اني ساد حلگها ... و هي تصرخ ... گوه فكيت روحي عنها لو باقي شويه انسه الوعد و كلمتي ..الي نطيتها الها اول مرا اكون قريب من مرة هيج ... صح 3 سنوات بالخارج بس عمري ما تجاوزت حدي ويه احد .... ولا كونت علاقات او صداقات
اباع على جتفها يجري دم و الفستان مالتها من شگيت الردن نشگ هواي منه ... طالعه مفاتنها گدامي... حاولت ما اباع عليها قدر الامكان حته لو مرتي گدام الله بس اعرف الضروف الي جبرتنه نتزوج حته اسمها ما اعرفه ..
وخرت عنها و گلت الها تسويلي نفس الشي بس هي ما قبلت و صارت تگول ما اقرب عليك لو مدري شيصير
عبالك بيه جرب ضوجتني ... عطت بيها لأن اني الي جاي اسوي لمصلحتها .... شوازاني على هاي السالفه....
هي سكتت رجعت گلت الها سوي ما عندي اليوم كله ..
و هي ساكته و مغمضه عيونها و مجلبه بفستانها ... رجعت مديت ايدي الها و هي قربت عليها و عضتها بكل قوه احس شلعت قطعه منها تنتقم على الشي الي سويته
صح الي سويته مو هين شگيت جتفها و عضيت رگبتها..
رجعت ثبتت ايديها بضهري و غمضت و سحبتهم حيل
احس جلد ضهري باظافيرها طلع ... من جلبت بكتوفي
وگع الفستنان مالها و نكشف صدرها شويه ... و عمي اني رجال ماكول ما باوعت و اني مو يوسف الصديق ..و هي
مرتي گدام الله و الشهود ... احس روحي صخنت .. حاجيتها گوه و هي گالت سويت الي طلبته مني و جانت مغمضه عيونها ... رجعت ارحت للحمام سبحت بمي بارد
و طلعت لاف المنشفه على خصري اخذت هدوم و اباع عليها على نفس الگعده ... لبست بالحمام و طلعت جيت يمها وگلت الها گومي اوگفي ... و روحي بدلي و دليتها على الشاش و البلاستر ... و رحت صعدت تمددت على الجربايه و سحبت الغضه لحد. خصري ... شويه و اسمع صوت حركه بالغرفه حطيت ايدي على عيوني و اباع عليها من جوه لي جوه .... اخذت ملابس الها من الجنطة و راحت للحمام شويه و طلعت لافه شعرها بمنشفه .. رجعت جتي على الميز الي قريب مني اخذت الشاش و البلاستر ... و رجع للحمام .. شويه و طلعت و راحت على الجنط مالتها .. اخذت خاولي و جتي .. و كل هل حجي و هي ما انتبها عليه گاعد عبالها نايم ... بدت تمسح بالدم الي على الگاع و كل شويه تباوع عليه ... رجعت گامت ويا ما گامت وگع الخاولي من على شعرها .
باوعت عليه شافتني مغمض و حاط ايدي عبالها نايم اخذت راحتها ... و راحت للحمام واني اباع عليها يابه شلون شعر عليها شمال جميله هليسات عطوبها اتذكرهن
شعرها نزل على ضهرها و تمشي تتمايل اوف يابه على المنضر لو كل الفصليات هيج يوميه اخلي امير يندعم .
لا جذب اتشاقه .... رجعت طلعت وره شويه من الحمام
و بدت تمشط بشعرها واني اباع عليها من جوه لجوه ..
و طلعت شال و لفت شعرها و گعدت صلت و رجعت اجتي اني گلت راح تنام بصفي بعد رجلها اني ... اشو هي صعدت على كيف سحبت المخده و جتي تنزل ... گلت وين موليه ... حاجيتها واني مغمض عيوني ..گامت تمتمت و تگول مو شسمه ... اني ... و خرست گلت الها اي كملي ... گالت ما انام بصف شخص غريب عني ... هنا
ضوجتني ادري ما صار كم ساعه من شفتها بس منو الغريب رحمه لمحمد ... اني رجلها و هي مرتي گدام الله
گعدت على حيلي و گلت منو الغريب ... متمتت شويه و گالت انته الغريب ... رجعت گلت الها اني رجلج مو غريب
و هي گالت تعرف الضروف الي خلتنه نتزوج حته لو رجلي بس انته غريب عني.... گتلها ما تنامي هنا مو
گالت اي ... گتلها بكيفج ولي نطمري بالگاع... هي گالت اي و مشت .. ... اباع عليها لا غطه لا دوشك فرشت سجاده الصلا و العبايه تغطت بيها ... گلت ما طفين المهجوم .. الضو .. و گامت طفته ...سحبت ريمونت السبلت... و خليته على اخر درجه .... شويه و صارت الغرفه ثلاجه .... نوب توني سابح عضامي گامت طگطگ
تغطيت بالحاف. و اباع عليها ترفع براسها و ترجع .... ضحكت و لفيت نفس و نمت ... شويه و گعدت ... لگيتها خطيه مكوره روحها من البرد ... طفيت السبلت ... و رجعت نمت ... اذن الفجر و فتحت عيوني حسيت على حركه ...لگيتها هي تصلي ... باوعت عليها و هي تصلي ما
منتبها اني وراها ... شويه وندگ الباب .. .. باوعت عليه
و اني عطت گلت خيرر ... اجاني صوت نهى گالت خل تنزل الي يمك يريدوها جوه .... گلت الها شويه و تنزل ..
گمت رحت للحمام اسبح و هي دارت وجها ... طبيت سبحت ... واني بعدني بالحمام ... ندگ الباب ... طلعت راسي من باب الحمام و عطت بيهم ... لحو اله تنزل دا يبلشون يلعبون شده يا ورد عليها .... اعرف بنات عمي و اخواتي .. .. راح تشوف الويل وياهم .. و هي مالها ذنب
بالسالفه ... طلعت لاف المنشفه على خصري و هي دارت وجها ... عبالك مو رجلها الي گبالها .. استغفر الله ..
اخذت ملابس من الكنتور و ادردم ويه نفسي ... طبيت للحمام بدلت و طلعت .... گلت الها ياله اذا مكمله و هي كالعاده مثل الهنود تهز بالرأس بس ... وصيتها و گلت الها اذا سألوج على شي گولي اي ... و هي هزت راسها هم
نزلنه اني و هي ... و اجتي امي بوستني و اخذتنا للمطبخ اباع عليها من تمشي وره امي غزال ما شاء الله ... ترة بعدني ما واگع لا تخافون اني سلطان ابن جبر مو بهاي السهوله اوگع .... رحت يم ابوي .. و ابوي گال ها بشر ليش ما دزيت النيشان اشوفه ... گتله ما حاج امي شافت و هو شي خاص بيني و بينها ترة ... و هو سكت گال خاف تجذب يا سلطان ... گتله هاا هيج الحجي .. و هو گال شو ما مصدك سالفتك ... ( عمي ابوي محقق كنن)
گتله هااا سحبت ايدي و شوفته العضه مالتها و گال و من يگول هي يجوز انته مسويها .... گتله يابه البنيه عرمه مثل البزون البري گال هااا و ضحك ... ما مصدگ .. نزعت الدشداشه و شوفته جتوفي و خراميشها .. .. گتله هم گول اني مخرمش روحي ... رجع ضحك .. و گال لا يابه سبع وليدي ما ينخاف عليك .. و گال صدگ بزون ملختك ... و يضحك ... لبست دشداشتي جان يطبون الولد للستقبال عبد الملك و فارس ... و غيث ... شويه
گعدنه نسولف و نحجي لأن اميرةگعد.الحمد الله و وضعه احسن من قبل ... شويه و صاحو على الريوگ... اباع هي ما موجوده عرفت خلنها بالمطبخ ... جاي نتريگ و نسمع صوت عياط .... طلعو طايرين الي جانو گاعدين ... واني بقيت اتريگ و اشرب بچايي على كيف لأن اعرف هاي جميله......؟
أنت تقرأ
أبن جــبــر ....
Narrativa generaleالقصة حقيقية 100% كيف ستكون البداية و النهايه القصه تتحدث عن فتاه تذهب قربان لاحد العشائر المعروفه في العراق ......( جبور ) ..... دم و ديــه........
