أبن جــبــر ....

البارت الثالث عشر 13

...🤍...

تأويك مساحة القلب، أكثر مما تأويك الأمكِنة

................................................................

سارة .....

كملت الريوگ و جيت وگفت مقابيل الحجيه و گلت الها

سارة / حجيه كملت الريوگ ... اخلي بالصاله ...

جاوبت المره الجبيره و گالت

هديه ( بيبيه سلطان ) / يمه ليش تكوليلها حجيه گولي عمه هي عمتج ....

خواطر /لا عمه اني مو عمتها... اني عمه جميلة.. و بس

هدية / ما تسكتين يمه هاي هم مريه سلطان ....

خواطر / هيييي روحي خلي الريوگ بالصاله ...

هديه /يمه بدلي ثوبج اول ...

خواطر / لا عمه خل تخلي الاكل اول راح يجون من الجامع فارس و ابو....

اني هزيت راسي و رحت اخذت السفره فرشتها .. بالصاله. و نقلت الاكل عليها .. و حدي .. كملت و رحت
للمطبخ گلت للحجيه كملت كلشي .. سويت سفره مال ريوگ تجنن ... الفضل لمرت خالي الي علمتني على الطبخ هي و ماما ..

گامت ام سلطان .. و هاي المره الجبيره هم... جيت عليها
و گلت الها

سارة / حجيه اساعدج ...

هديه / يمه گولي بيبي اني هم بعمر بيبيتج اذا عندج .. و انتي مريه سلطان .. هم .. يعني اني هم جديتج...

سارة / اي صار ...عندي بيبي هم ثنينهم موجودات ..

هديه/ الله يخليهن الج ... ياله يمه عينيني ....

ساعدتها تگوم ... و جيت امشي بيها و هي مرتجيه عليه..
توني طبيت للصاله .. جان تطلع .. هاي جميلة من وحده من الغرف .. لو شافتني گايده بيبي ... و تخبلت .. طيرت عيونها عليه .. و اجتي طايره عليه عبالي راح تضربني ..
نزلت راسي .. جان تجي و تگول ..

جميلة / هييي يا فصليه .... هديي بيبي لا تلزميهة ولي للمطبخ .... ياله ....

هزيت راسي و هي اخذت ايد بيبي مني .. و اسمع بيبي تحجي عليها ... لأن حاجتني هيج ...

رحت للمطبخ..هو نضيف ..لأن الغراض الي شتغلت بيهم غسلتهم گبل ..و گفت بي .. نوب ما اگدر اصعد اله هي تگولي اصعدي .. دشداشتي مبلله ..الساعة 5:30 الفجر
بعدني ما مصليه .... شويه و نفتح باب المطبخ .. و طب
نفس الولد الي طلع الصبح و يااا هذا الرجال الجبير بالعمر هم .. الرجال من شافني بالمطبخ گال ..

جبر / صباح الخير عمووو ...

ضليت مصدومه أول مره يصبح عليه .. احد منهم وره العجوزه... رجعت رديتله ..

سارة / صباح.... النور ....

الولد ساكت و مخنزر عليه .. رجع طب جوه ... و لحگه الرجال الجبير ... ضليت بالمطبخ .. الى ان صاحت عليه ام سلطان و گالت الچاي ليش ما جبتي ...اي صدك كملته بس ما اخذته نسيت .. وديته الهم .. و گالت .. صبي الابو فارس .. صبيتلهم چاي .. و جيت اطلع للمطبخ جان يصيح عليه الرجال الجبير و گال...