معشوقتي متمرده

🏹الفصل التاسع عشر🏹

انتهت تقي وهند من امتحانهما وذهبا إلي منزل تقي دون أي اصطدام بأحد!!

دلفت هند إلي المطبخ تضع الأغراض وتبدأ في اعداد الطعام فقد تناولوا شيئاً خفيفا بكافتريا الجامعه حتي يحين وقت العشاء ويتناولوا جميعهم معا!!

شرعت في التجهيز ولم تنتبه لمرور الوقت سوي وصوت تقي الناعس تقول:

- اتأخرت عليكي

نظرت لها بابتسامه:

- كل دا نوم ايه منمتيش شكلك امبارح كويس يا شقيه

استدارت لجلب الماء لتروي جفاف فمها وهي تقول:

- يا ريت دا احنا لسه متخانقين

نظرت لها هند نظره حانيه وقالت:

- بردو عشان دكتور حسام طيب مصالحتهوش ليه

قطبت جبينها واجابت بحزن:

- جربت بس هو قافل اوي وشكله زعلان جامد

ثم زفرت مردفه بخيبه أمل وتابعت:

- هجرب النهارده معاه تاني ربنا يسهل بقا المهم انتي خلصتي البشاميل ولا لسه

ابتسمت هند وهي تقترب من الفرن بخفه:

- عشر دقايق وهتبقي جاهزه علي ما أكون كلمت أكرم واشوفه فين

هزت تقي رأسها بالايجاب قبل أن تغاردر هند مع هاتفها إلي الخارج

                              ***

- بقا كل دا يحصل من غير ما تقوليلي تتخطفي وتتجوزي من ورايا الاتنين

ضحكت رحمه الواقفه بجوار سهر في الشرفه مستنده بذراعها عليها ثم قالت مجيبه:

- اتجوزت ايه ما أنا متجوزه من بدري انتي شكلك عندك فقدان في الذاكره!!

قطبت سهر حاجبيها وردفت بسخريه من مزاجها الرائق:

- كمان طلع من زمان دا انتي ليلتك سودا معايا النهارده، يلا احكيلي اتجوزتي ازاي من اول ما دخلتي اوضه النوم يا حلوه يلا!!

ارتسمت ابتسامه علي شفتيها وبرقت عيناها بنظره عاشقه وقالت:

- كانت ليله لذيذه كان واحد تاني يا سهر

ضحكت سهر وهي تقول:

- عاصي هو عاصي واحد تاني اي دا عامل زي الانسان الألي

تنهدت رحمه عميقا وهي تقول بجديه:

- تصدقي انتي خساره فيكي ان احكيلك اصلا هسيبك كدا مع فضولك يا رخمه

تمتمت لها سهر بسخط:

- نعم يا ختي طيب والله لو ما قولتيش اي ال حصل هديكي علقه من بتوع زمان وانتي عارفه الباقي بقا!!

قفزت رحمه إلي الداخل مسرعه وهي تهتف بمرح:

- ابقي قابليني!