شوقر مامي

حدث مهم

استغربت رنا لما شافت
رجال جبير بلعمر واكف كبالها
وجان مبين عليه هيبه وشخصيه
بس جانت شاكه انها شايفته من قبل
ومشبها عليه
مبتسم الها وكايل
..: أهلا وسهلا عمو رنا شلون الأخبار
مرتاحه هنا !
"شايفها ما ردت عليه وتباعه بنضرات شك "
اي صح الضاهر ما عرفتج
على نفسي حقج تباعيني بهيج نضرات
اني اسف
اني اسمي شاهين زوج امج
و واني جنت جزء من العمليه إلي
خططناها اني وودق ورهف
يعني تذكرين (حازم )
الرجال الجبير إلي اجه يتزوجج ، اي اني هو
بس شنو صح هسه اني شكلي
اصغر ، بس والله مو اني السبب هاي خالتج هي الي سوتلي المكياج وضبطتني
(وهو ياشر على ودق)
ناهي كلامه بقهقه
وهسه اتشرف بيج ...بنيتي.
زين رجعتي لامج سالمه.. ومسامحتها وهاي اهم شي لان حيل امج تعبت
جانت الليل والنهار كله تنغط عليج
(تنغط/ تريدج )
وحتى بسبب حسرتها عليج
تمرضت وها شوفيها شلون ممصوصه عافيتها
...
اتقدمت رهف منها
ومبتسمه بحنان الها
رهف: بنيتي رنا ، روحي هسه لغرفتج نضفي
نفسج وبدلي ملابسج وتعاي نحجي...
زين..
.
انتبهت رنا على أمها وبعدها مصدومه
هازه براسها وعلى كيفها راجعه لغرفتها
لاحكتها ودق إلي اجت وراها وشافت رده فعلها...
.
داخله لغرفتها وبلحمام تحديدا
مباعه  للمرايه وضلت تفكر
داخله عليها ودق وشايفتها صافنه
ملتفته رنا
رنا: يعني الرجال ذاك هو حازم نفسه
إلي... ويعني زواجي جان خطه ؟
.
(متنهده ودق ومقتربه منها ولازمتها من جتافها وبدت تمسد الها بحنان مطمنتها ومحاوله تهديها )
ودق:
حبيبي انتي هسه حاولي تهدئين وتسوين إلي
كالته ماما الج زين
ومن تخلصين راح نفهمج على كل شي
بتفصيل ...
يلا انداري
اندارت رنا للمغسله وبدت ودق تساعدها بغسل وجها .. وبعدها توجهت للخزانه مالتها
وبدت تختارلها ملابس مناسبه
اخذتهن رنا وطبت للمنزع(المنزع/ مكان تغير الملابس)
وغيرت ملابسها وطلعت .
تقربت منها ودق وبابتسامه
ساحبتها بحضنها ومطبطبه عليها..
"كلشي راح يصير زين ، لا تخافين احنه وياج"
وبعدها متقربه منها وبايستها من جبهتها
ونازله على خدودها...
ولازمه ايدها وشابكتها وماشيه وياها للخارج..
.
.
طلعت رنا هي ودق ومستقبلتها أمها (بتعاي يمي
كعدي) ومأشره بطبطه على الكرسي إلي يمها..
.
رهف: تعاي هنا رنا
خلي افهمج كل القصه
(بتنهيده )
لازمه ايديها وبايستهن تحت انضار المستغربه
وكايله بعد ما شافت ودق وشاهين
وهمَ كانوا واقفين على جنب ..
اسمعيني ياروحي
وحاولي تتفهمين كلشي صار وياج
ووياي.. وليش؟صار كل هذا النا
من افتراق وظلم..
حبيبي
اني حبيت ابوج من كل كلبي من أول يوم إلي
شفته وجنت طايشه ومراهقه
حالي حال اي بنيه تحب وتعشق...
وبيوم من الايام فاجئني حيدر بفتح موضوع
الزواج وكلي
راح اطلبج من اهلج، بس خايف
كتله من شنو ، كلي من ابوج خاف يرفضني
هنا اني هم خفت بس كتله خليها عليَ
اني راح احاول اقنعه..
والصراحه بذاك اليوم فتحت ويه اهلي موضوع حيدر واني احبه واريد اتزوجه
وهو راح يتقدم إلي.. بس اهلي
رفضوا وخاصه ابوي..لان جان يدري بي
شلون نذل حقير ،وكلي وحذرني منه
بس اني جان الحب مدري الغباء عامي
على كلبي ..
وطبعا ابويه من سمع بينا ، كبل راح الها بلمنشأه ومهدده ومحاجي وكلي
اوعك تقترب من بنتي.. اني اعرفك كلش زين
واحد طماع وخسيس...
ضليت اني وياه نلتقي بلسر
رغم انُ ابويه محذرني منه
بس ما سمعت كلامها وياريتني سمعت
تدرين مرات احنه وبفتره المراهقه خاصه نكون كلش حساسين ونعتقد انُ اهلنا يكرهونا بس
عكس تفكيرنا تماما بلعكس
همَ يحبونا ويعرفون مصلحتنا أكثر منا
بس مو بكل المرات اكو مرات يكونون ضدنا...صح..بس يبقون اهلنا ، ولازم نحترمهم ونقدر تعبهم...
.
.
مرت الشهور تقريبا ٣ اشهر
واني احوص
اريده ، وحتى دراستي وصحتي اهملتهن
وتمرضت ، لحد ما اجتني ودق وشافتني تعبانه
ومرهقه.. وابجي ليل ونهار..
فقررت تزوجنا
هي شمدريها بعد، من محبتها إلي وخوفها عليَ
كالتلي خلي ازوجج بلسر
وطبعا هذا الزواج مابي محكمه ولا حقوق
بس مجرد مهر بسيط وشهود عليكم..
زواج عرفي
(يعني مؤقت)
وافقت بدون تردد وبدون اي تفكير
واتزوجنا.... وعشت وياها اجمل ايام حياتي
ما أنكر هل الشي  طبعا ...
وره
٤ اشهر مدري ٢ من زواجنا
طبعا المده جانت سنه واكدر امددها...
فإني خفت لمن
عرفت ببطني طفل
فردت اذبه بعد ما كلت لودق
بس ودق رفضت ، بس جنت مجبوره وخايفه..
كتله وعرف بس تدرين ما
وافق على طلبي...وكلي لا حرام اتذبي
ثم هذا ابن حلال واحنه زواجنا حلال
فقررت ودق تأخذني على اربيل
وتسافر بي هناك...
بحجه دراسه وونسه وتغير جوو
وافقوا اهلي ،
وكضيت هناك.. ٩ اشهر واني حامل بيج
وياما تعبت بحبلي بيج
وشكد جنت اتمرض وييي ايام...
بس واحد يحجيها
هو ما جان يكطع اتصالات ابد
وجان دوم يطمن علينا
اما ودق فجانت ٢٤ ساعه ماتتركني..واكفتلي على الملي ..
متتجازه اخيتي
وبسنه ٢٠٠٢
جبتج للدنيا
وبلكوه طلعتي من بطني
وتعسرتي وييي ماريد اذكر الاحداث المؤلمه...
وضليتي بلمستشفى
اسبوع لان جان عندج ابو صفار حاد(ابوصفار/مرض يصيب حديثي الولاده)*
ووراها ابويه خابرنا
كال امجن مريضه تريد تشوفجن
فأحنا اضطرينا نرجع للحله...
رجعت وطبعا جنت خايفه لا ابويه يكشفني
وماجان عندي اي احد يعتني بيج
غير واحد بس ابوج
هو الوحيد إلي اثق بي
رحت وانطيتج والله وبلكوه ودموعي ١٠/١٠ عليج...
هو ما اعترض واخذج
وكلي بامانتي صدك تحجين هاي بنيتي
(قشمرني الجلب بلاول يسوي نفسه ملاك وبعدين كلب علي)
.
.
بعد اسبوع من جيتي للحله
وطحت على اهلي بذاك الليل وودوني للطوارى
واكتشفوا اني مريضه سرطان
بلمعده... وجاي ياكل بي شويه شويه
وطبعا اني جنت ادري لان قبل لا اجيبج
جنت ازوع دم... فرحت بلسر من ودق
للدكتور وكلي بيج هل المرض ...
طبعا ما اسولفلج الحاله النفسيه إلي جنت بيها من اكتئاب وقلق نفسي... افكر بيج
وافكر بنفسي .. ومنو راح يربيج..وشلون راح اكضي بقيه حياتي...وكل امتياتي وأحلامي توقفت .. وخابت امالي..
الدكتور انطاني علاج وكلي هذا مؤقت
يعني يخليج تعيشين لأطول مده ويحاول يحارب ولو جزء بسيط من المرض...ويسكن الالام...
.
.
.
من سنه ٢٠٠٢ لحد ٢٠٠٣
واني بلمستشفى جاي اتعالج
منه
وجهي تلف جسمي تعب وحتى شعري
اتساقط... بس كل هذا
واني افكر بيج
جنت يوميا اخابر حيدر
واطمن عليج..
وجان يتوسل بيَ يجيبج لعندي بس اني أرفض جنت اخاف عليج تروحين تتمرضين أو تنعدين
واخاف خاف اهلي يكشفون السر مالتي...
.
.
.
لحد ما صار السقوط
أول ما دخلت سنه ٢٠٠٣
وهنا اني بديت اتحسن بنسبه ٢٥%
يعني قاومت شويه ...الفضل يرجع لابويه إلي ماخله طبيب ودكتور يعتب عليه حتى يداويني ويرجعلي صحتي...
.
بعدها باسبوع من دخول السنه الجديده  ما طولنا
وابويه كبل نقلنا لسوريا احنه
بجنسيات مختلفه واسامي مختلفه حتى لا يكشفونه ويكتلونه لان جنه تحت تهديدات الامريكان وابويه حزبي جبير
فالناس تكرها والامريكان ضده
طبعا هو ما اجى ويانه
لان لسه ما طلعت مالته الجنسيه جانت متأخره
وجان عنده شويه شغل
ما كال عنه شنو بلضبط
الحاصل...
بعدها ضليت هناك واضطريت اعوفج يم ابوج
لان جنت مريضه واهلي ما ناقصهم
مصايب...
بس كل هذا وهم ما تركتج
وضليت اتواصل ويه ابوج واطمن عليج
.
.
أول ما طبيت سوريا
جان ابن خالتي
شاهين يشتغل دكتور
واختصاصه امراض خطره
فهو إلي تكفل بعلاجي... والصراحه
وره مده امي من شافته امين وحنون
ويكن إلي مشاعر
فطلبني للزواج... ووافقت وطبعا جنت
مجبوره اوافق لان
هو وكف وياي وعالجني من مرضي
صح ما نهى المرض من عندي وما راح.
بس هواي قدملي من مساعده
والصراحه ما قبلت ارفضه
ووافقت ... بس قبل لا أوافق اتصلت بحيدر
وكلتله على كلشي وكتله
انُ راح اتزوج واهلي غاصبيني على هل الشي وموبيدي...فهو صار عصبي والصراحه
حقه لان اني هم ما ردت هل الزواج بس شسوي ، هو من مذهبي
(سني )
وحيدر ابوج جان (شيعي )
وجانت الطائفيه منشره عدنه
فجانت قصص الحب والزواج بذاك الوكت مستحيله...
واذا ارفضه اهلي راح يشكون
واذا اكللهم الحقيقه فابويه
ما عنده مانع يروح بذيج الليله ويكتله ويكتلج
وياه....
فخفت وانجبرت وسكتت...
وطبعا حيدر زعل وكطع كل اتصاله وياي
وبعد ما سمعت أخبار عنج....
وهنا اني ضليت احوس عليج
والا شويه جاي اتخبل
واتمنى كل يوم يتصل ويطمني عليج...
جان كل ما يدك موبايلي جنت افز بسرعه
على عسى
انُ هو ..بس يطلع لا....
.
.
.
وره شي اسبوعين .... من شهر الاول
اتصل عليَ رقم
وجان حيدر ...
وطبعا هنا اني حيل فرحت وضليت اتأسف. منه على غلطي
واسألته عليج..بس هو جان حيل متفاهم
ويكلي صار خير، واني اعرف بيج مجبوره
وكعد يطمني
وبعدها قشمرني بكلمتين
واني اعرف نفسي اني غلطانه
بذاك اليوم لمن كتله على مكان ابويه
وطبعا ما جنت ادري جان ناوي يأذي
ابويه بهل الطريقه ..
جان ناوي ينتقم ، لان طول عمره ابويه ما حبه لحيدر جان دوم يعامله بقسوه
ودوم ظالمه ، اوف(تنهدت )
.
.
مقاطعتها ودق؛
شلون ابوي مات مكتول من حيدر
مو عن طريق صاروخ من الامريكان؟
كالتها وهي تقترب" ووجها عليَ الصدمه"
.
.
مباع عليها رهف (والدموع نازله على خدها)
اي ...

يتبع.......
هلا واخيرا كتبته بعد عناء طويل
اوف")
المهم
شلونكم
شخباركم
ارائكم.....
وباي....