شوقر مامي

حازم

الساعه ٥ عصرا
بعد ما تغدينا اني وابويه واخواتي وعشت لحضات حلوه وياهم ابويه قرر بوقتها يودينا للملاهي حتى نلعب، طبعا احنه من الحله فرحنا لملاهي إلي تصير بجوار فندق بابل ( ما اعرف اسمها الصراحه انسيتها 😅)
هنا اني أول مره ادخللها مو بس اني للامانه حتى خواتي الغولات 🤣
بعد ما دخلتلها شفت هواي العاب جبيره والناس جانت بمختلف الاعمار يتونسون ويصيحون وذاك الماخذ مرته ويونسها الحاصل.
اهنا ابويه كللنا يله اتلعبون بلاول لو ناكل اشتريلكم يعني بوقتها كل واحد كام ينطز من مكانه اني من صفحه ردت اجرب العب بس لمن شفت ولد طلع من اللعبه وهو كاعد يستفرغ اهنا اني خفت ورفضت العب لان الصراحه اني اخاف من المرتفعات والاماكن العاليه عندي فوبيا منهن وعندي دوخه مزمنه اسمها(الدوار) وهذا من انولدت واني عندي فما اتحمل هيج نوع من اللعب .
طبعا اخوتي الثانين قرروا يلعبون لعبه سفينه نوح اتوقع هيج اسمها( للامانه اني بس سامعه بيها وشايفتها بس بلتلفزيون بلحقيقه ماراكبتها ولا شايفتها) فابويه كال اني رجال جبير ما راح اركب وياكم ، زيد اخذ خواتك ولعبهن وذربالك عليهن احنا هنا اني وبنيتي رنا عدنا شويه حجي اريد احجي وياها روحوا بابا وذربالكم ها هاك هاي فلوس ، بعد ما انطاه الفلوس راحوا وجرني ابويه وكلي تعالي هناك نحجي اني وياج من زمان ما حاجي ويه بنيتي الجبيره
أني لاكون صادقه حسيت بذاك اليوم حيل اكو لغز يعني ابويه من فتره اني وزغيره نفر عني وبعد ما يحاجيني بس هسه وبهذا اليوم قرر يحجي وياي ويهتم بي تدرون شكلي
حيدر: اي رنا شلون اخبارج؟ شلون العيشه وياج ؟ يعني انتي مرتاحه ؟صح وياي يعني وبيتي
هنا اني مستغربه هذا ابويه لو جني راكبه
منين هل المحنيه طلعت
رديت
رنا : أممم والله ليش اجذب عليك العيشه مو حلوه ابد وياكم
حيل اتغيرتوا
طبعا ردت اكله بعد وكت تسأل عليه ولا بكل عين صلفه بس انعلت الشيطان
رد عليه بعد ما سمعني اكوله هل الكلام
حيدر: ليش يعني ما كاعد تاكلين وتشربين وهم تلبسين وهاي موبايل عندج وسويتلج غرفه وحدج بعد شتريدين  يا بويه
اهنا اني ضحكت وهزيت برأسي  بنفي
رنا : بس هذني ليش والدراسه إلي كعدت اتوسل اريد ارجع وارجع لدراستي وانت ترفض
كم مره كلتلك بس انت حيل هضمتني من ماوافقت ليش عود مو المفروض انته ابويه يعني انته سندي ولازم انته تكون أول واحد يكولي يله واتشجعني وتوكف وياي
اهنا من كلتله هل الكلام حسيت اكو دمع بعيني وغصه بزردومي وكلبي حيل يوجعني
ابويه : بس انتي إلي سويتي مو شويه يا بويه
يعني رحتي زورتي شهادتج وخليتي المديره اتصيح على امج تقبليها شهرتينا كدام عمومتج وشفتيهم شلون اتشمتوا وخاصه عمج الجبير (عدي) شلون جان فرحان من سمع بيج
قاطعته
رنا: اي بسببك انته انته إلي شهرتني انته لو مجذب عليهم وساتر عليه جان ما شفت الشماته بس لا انته ابد ما حبيتني وابد ما وكفت وياي ادري صح جنت طفله بوكتها وجنت اغار من صديقاتي وغلطه شاطر وما تنعاد انت لو معلمني وجاي حاجي وياي جا افتهمت إلي صار غلط
وما لازم اسوي .
حيدر؛ لاتنسين انتي هيج هيج جنتي لازم اتبطلين لان امج بوكتها حبلت باختج زينب وما جان اكو احد يعينها غيرج وبعدين شنو حتحصلين مثلا من الشهاده هو انتي اخرتج لرجال  يا بويه
اهنا اني عرفت راح يكول هل الكلمه ردت اكمل حجي وياه وافهمه انو الزواج مو مهم بهل الحياه وحتى لو اتزوجت المراه لازم اكو عدها شهاده حتى خاف تتطلك أو تنخان أو حتى تتعرض للضرب تكدر تطلك وتربي جهالها عن طريق الشهادة والشغل مالتها بس ابويه سد الموضوع وكلي
حيدر: اسمعي عوفينا من هل الحجي هذا ماضي عندي وياج شغله راح اكوله الج احسن من الدراسه تدرين حتى امج لسه ما تدري
لسه ما كلتلها طبعا عندي ولد سايق ويايه جده رجال جبير بلعمر بس شنو عنده كومه فلوس ويريد يزوج ابنيه ازغيره  تقريبا بعمر ال ١٨ ال١٩ ال٢٠ سنه ففكرت انو ليش ما انتي تكونين هل المرأه اله وتعيشين عيشت ملوك هو صحيح عنده مرته الأولى بس لتخافين هي جبيره بلعمر
باجر عكبه تموت وهو يلحكها وتصير هل الفلوس كلها الج ها شكلتي فكري احسن من الدراسه والشغل مو
اهنا اني كبل عقلي انطاني ايعاز انو ابويه من اخذنا الضهر وغدانا وجابنا هنا بس لحتى يفتح وياي هيج موضوع تافه بنضري
( ابويه كاعد يبيعني )
اهنا اني باوعت عليه بنضره خيبت امل عبالي ابويه اتغير وحس انو اني محتاج حنان منه طلع يريد يزوجني أو بمختصر بسيط ( يبيعني)لرجال جبير (زواج قاصرات) والله لهل الدرجه جنت ضاغطتهم بحياتهم، ولا يحجيها بدم بارد
طبعا لسه أتذكر بذاك اليوم بعد ما اكلت الصدمه من اعز الناس على كلبي والمفروض سندي والي هو ابويه قررت افكر بعقلي وأترك مشاعري لان محد يستاهل الحب أول حب وإعجاب لمراه طلعت تستغلني واغتصبتني وهسه ابويه هم اكو بعد اعتقد اي اكو  والاسوء...........هم
😈😈😈😈😈😈😈😈😈😈😈😈😈😈
الساعه ٧:٣٠ م المغرب
بعد ما رجعنا واني محياه الصدمه لسه بوجهي وراسي حرفيا جان فارغ ومشاعري حيل متضاربه أول ما رجعت دخلت للحمام وجوه الدوش كعدت بلمي الحار اسبح وابجي ابجي بقهر عظيم وكلبي حيل متأذي
وعقلي يفكر ليش ليش كل هذا كاعد يصير إلي ليش اني الوحيده من اخواني كاعدة ادمر ليش امي تكرهني وكاعده اشوف الكره بعينها وابويه ابويه ليش يريد يبيعني ليش لعد من البدايه خلفني وخلاني اجي لهل الدنيا لهل الدرجه صرت ثكليه عليهم لهل الدرجه .......
بعدها اصعدت لغرفتي وقفلتها وباوعت على المرايه وصفنت بكلام ابويه إلي قبل ساعتين
وشلون جان كاعديقشمرني ويخليني اقتنع بهل البيعه ولسه أتذكر من كلي الرجال يوم الجمعه الساعه ٤ العصر راح يجي ويشوفج يعني متفق وقابل ومنطي حجايه وهسه يالله كلي واني ما ادري بكل هذا واني غافله ولا مو بس هيج من انطاني الفلوس وكلي هذني تاخذيهن وتروحين انتي وامج وخالتج( رشا ) حتى تشترن ملابس واتضبطين حالج كدامه حتى يقتنع بيج لهل الدرجه واصله بي المرحله من النذاله وما قدر مشاعري ولا حتى الاحساس لمن اسمع بهل الخبر
رجعت ذاكرتي لمن اتصلت عليه ودق
افتحت الفون
ودق: الوووووو يا حلو شلونها الصبيه ما اشتاقتلي؟
رديت عليها بعدم روح
رنا: هلا لا اكيد اشتاقيتلج
اهنا هي استغربت من سمعتني احاجيها بنبره مال (مود معكر)
ودق: خير شبيج حبيبي ليش هيج صوتج تعبان بيج شي ؟ احسج مو على بعضج
رديت بعد ما انفيت
رنا : لا مابي شي بس مقلب حبيت اختبرج واشوف راح تلاحضين نبره كلامي  وكذا
طبعا اني قررت ما احجي الها إلي صار وياي ولا راح ابجي بحضنها قررت بعد ما اخلي احد يشوف ضعفي بس اني لازم اشوفه اني بس ...
ودق: ههههه والله عبالي بيج شي جا اعرف شسويت بيهم المهم هسه انتي لبسي وجهزي نفسج بعد نص ساعه اريدج تنزلين وتجيني ناطرتج بباب البيت .
رنا: بباب البيت واهلي
ودق: باعي راح افهمج واريدج إلي اكوله اتنفذي بلحرف الواحد خوش
رنا: اوك
ودق : الصندوق إلي بي ملابسج اكو بي واحد من العطور لونه اسود كله اسود ملفوف بعلاكه
باعي افتحي كام
كمت وفتحت كامره واشرتلي
علي الصندوق وكلتلي فتحي
فتحته
ولكيت العطور أنواع واشكال
رنا : اي فتحتهن وبعدين
ودق: اكو علاكه سوده ملفوف بيها قنينه افتحيها
دورت وصدك لكيتها ( حياتها اكشن هل البنيه 😂)
وافتحت العلاكه ولكيت قنينه شبيهت مال العطر حذرتني ودق ان لا اشمها
ودق: عفيه لكيتيها عفيه ببنيتي شوفي هذي القنينه بيها غاز منوم  على شكل ابخور ينتشر بل الجوء اريدج اطلعين واتحطيه بحجه البيت بي ريحه مو طيبه واريد ابخره فتحطي و بسرعه تصعدين لغرفتج نص ساعه واني جايه بلباب منتضرتج من اتنزلين راح اتشوفين العائله الكريمه كلها نايمه بس ها قبل لتحطيه لا تشمين وهم لازم كلهم بلبيت موجودين زين
واثقه حدبريها لانج ذكيه يله باي يا كيمر
وقفلته بعد ما فهمتني على كل شي ............
يتبع..........
خرب ١٢١٤ كلمه عزه هذا لان البارحه ما كو بارت تعويض اليوم واحتمال مو اكيد العصر بارت باي.........