شوقر مامي

زواج؟( بارت واحد)

الساعه ٨:٣٠ م
مطعم (العافيه)
وكفت السياره على هذا المطعم ولسه أتذكر تفاصيله شلون جان مطعم بسيط على شط طبعا هذا المطعم من اختياري بعد ما لفينا المدينه كلها وماعجبني ولا مطعم بس هذا اثار اهتمامي لان جان بسيط وعلى شط يقبع وجان الجو حيل حلو هو صحيح الجو بارد بس عجبتني برودته والاجواء مال المطعم مثل أجواء المطاعم إلي بتايلند تكون شعبيه اني احب المناطق الشعبيه والناس البسيطه عكس ودق تمام .......
ودق : ها ننزل ونثبت هنا لو ما عجب حضره الصبيه إلي صارلي افتر على مطاعم وكلها ما عجبتج ها بشري هذا لو
رنا: اي شبيج ثم منو كلج اتعزميني اني احب ادلل لو حرام
بوزت شفتي بزعل ودرت وجهي وعبست وزعلت باعتني ودق انو ماعجبني حجيها
كبل ضلت تتاسف
ودق: اي اسفه ياعمري فديت الزعول اني شبيج والله اشاقه وياج ادللي براحتج اذا انتي متدللين لعد منو يدلل عليه (حبوبتي) قابل
ضحكت وباوعت عليها
رنا: أممم
ودق: المهم هسه ننزل لو نضل هنا
لو شنو الوضع؟
رنا: اي طبعا اريد انزل لان بطني راح توذن من الجوع شوفي حتى عصافير بطني كام تزقزق
ويص ويصويص
ودق : ههههه ما اسمعهن بلله خلي أقرب أكثر جايز اسمعهن
رادت تقترب مني بس اني منعتها
رنا: لا لا مو هنا شداسوين منا ناس شيكولون
ودق: لا تخافين ياعمري تره الكزازمغلف يعني احنه نكدر نشوفهم وهم لا تره انتي راكبه جي كلاس مو سياره عاديه حبيبي انتي
رنا: زين بس خلينه ننزل هسه أحس بعدني ما متعوده على هيج شغلات انطيني شويه وقت واني اتأقلم خوش
كلتلها هل الكلام حتى اريدها تتعلق بي وتعرف اني مو سهله ابد اريدها تقدملي كلشي حتى تحصل عليه
ودق: زين ياروحي اسفه حقج لازم انطيج مساحتج يعني بعدنه تاتي تواتي
يلا خلي ننزل
هنا حسيتها زعلت وضاجت فكلت خلي ارخي الحبل عليها
لزمت ايدها قبل لا تطلع من السياره ما نعتها
التفتت عليه وجان أبوسها من الشفه بوسه سريعه أسرع من الضوء وكلتلها شكرا لان كاعده تتفهميني ونزلت
اهنا هي ضلت صافنه ومصدومه بعدين من استوعبت و اضحكت .....
بعد ما دخلنا للمطعم التفت اهتمامي على رجال جبير وقور ومبين بسيط جان يسوي الجاي والكهوه وبعض المشروبات الشتويه
واكو مره هم جبيره بلعمر من اهل الخير جانت تسوي لبلبي وشلغم وجانت الريحه حيل تفتح النفس
ابتسمت من شفت طفل بعمر ١٠ سنوات اتوقع ابنها أو حفيدها جان يبيع اكلينس ويساعد بيبيتها .......
اهنا قاطعتني ودق كايله
ودق: تدرين انتي أول بنيه اطلع وياها بهيج مطاعم من هذا النوع تكون بسيطه وحلوه الصراحه حتى اني عجبتني ولا مره دخلت لهيج نوع من المطاعم جنت كلما أصاحب بنات كلها مطاعم فاخره يطلبن
كالتها وهي تباوع على المكان وشلون جان التصميم بسيط ومريح للعين والنفس
رنا: طبعا تدرين ليش لان أول شي اني غير عن البنات يعني اني احب البساطه احب اعيش ببيت بسيط وادخل مطاعم بسيطه وحتى اللبس كل شي اريده يكون مو مكلف اريده المهم ارتاح نفسيا بي وثانيا الناس اذواق
ودق : لا هذا هواي عليه انتي جاي تصدميني يوم بعد يوم من كلام حلو وذكيه وبعد جميله ورزنه حيل اني ما متندمه لان اختاريتج رنا بديت احبج أحس صدك اني اريدج ما اريد اتركج مدري ليش هيج عندج طاقه تجذبني نحوج
تدرين من ذيج الليله إلي كضيتها وياج اعرف جنت حقيره بكلامي وياج بس صدكيني كلامج واهتماماتج وحجيج جان يعنيلي مو كاعده اجاملج بس والله هذا إلي شعرت بي وهذا إلي خلاني اتمسك بيج أكثر ولحد هسه كاعده افكر وأحلم بذيج الليله إلي جستج بيها حيل ما متندمه بس متندمه على اني نيمتج وما اعترفتلج بلاول سامحيني رجاء
هزيت راسي بتفهم
رنا: اقدر الكلام إلي كلتي ولا تخافين اني مسامحتج لان انتي مو الوحيده الغلطانه اني هم المفروض اعترف الج بشنو أحس
مسامحتج لان كلنا نغلط بس مو معناها تعيدين غلطج ها اكتلج تره
(كلتها بتحذير على آخر كلمه )
ضحكت وابتسمت وكالت
ودق: اوه اوه ما مكفيج كاعده تكتليني بجمالج وطريقه كلامج وتفكيريج وشخصيتج وكلشي حلو بيج هم ناويه تكتليني بلحقيقه
زين وبشنو ناويه تكتليني بسجينه لو خنك لوحرك ها ؟ كالتها وهي تقترب مني بتسائل وبمزاح
رنا: أممم اتوقع ببوسه
ودق: أخ كلبي هنا مو بس تكتليني تشليني هم
كالتها بتمثيل ولزمت كلبها باديها
ضحكت وكلتلها يلا اطلبينا لان راح اموت من الجوع
ودق؛ من عيوني يا نضر عيوني ......
بعد ما طلبنا واكلنا ولسه أتذكر شلون جانت تاكل بشراهه وهي تكولي هذا الاكل حيل طيب
جنا طالبين شاورما دجاج وفلافل صحيح اكل بسيط جان بس حيل بي نفس طيبه
وبعدها طلبنا شاي وحليب ووراها بفتره اخذنا لبلبي جنت حيل مشتهيته...
صارت الساعه ١٠ بليل
جنا كاعدين نتمشى بشوارع بغداد وشلون جانت حلوه وأجواء الشتويه بيها الناس كاعده تمشي وتشتري والاطفال تلعب طبعا اني جنت لابسه ماسك لان ماريد احد يكشفني
بعدها دخلنا للمول واشتريت كل الملابس إلي ببالي وكل الاحذيه إلي اريدها وبعدها دخلنا لصاله الالعاب ولعبنا وبعدها دخلنا السينما وشفنا فيلم (هاري بوتر)
١٢ ص
جنت اني وياها تفتر بسياره بشوارع على الخط  السريع وجانت الأغاني مشتغله حرفيا بذاك اليوم عشت كلشي جان نفسي بي
لحد ما صارت الساعه ١:٣٥ ص
اهنا قررنا نرجع للبيت بصراحه اني قررت لان حيل أتعبت ونعست ......
رنا : اوه حرفيا اليوم إلي عشته ما راح انساه حتى لو صابني الزهايمر ههههههه
ودق:ههههه حتى اني ياروحي حيل اتونست وارتاحيت وياج شكرا ربي لان صادفت هيج بنيه
لزمت حنجي بايدها وبدت تصيح
رنا: اش منا الجيران يروح يسمعون
لزمت حلكها وكاعده اسكتها بعد ما طلعنا من السياره وبدت تصيح
ودق: طز بيهم بليل بلا كمر انعلهم المهم انتي واني نتونس والباقي خرى عليهم
رنا: ههههه شكلج سكرتي ما العلم ما شاربه
الخمر
ودق: تؤ تؤ انتي الخمر الاصلي اني اسكرت من وراج شسويتي بي يول شلون هيج وشوكت اطلعتي بوجهي
رنا؛ من سحر غير منين طلعت يعني هي الي جابتني
ودق: لا لا هي جانت وسيله اصغيره حتى اتعرفني عليج اصلا اني اني ..... اعرفج من زمان
ما كملت كلامها بعد ما صفنت بوجهي ونفت وكالت يلا اني اروح
اهنا اني راودني الشك شنو قصدها بتعرفني من زمان ؟ اكيد ضامه شي عليه غلست بس جان اكو خطه ببالي اسويها حتى اريد اعرف منو ودق وليش عاملتني هل المعامله مع العلم اني مجرد سلعه عدها حاله مؤقته بس ليش احس من جننا بلمطعم جانت تحجي وعيونها كلها حب الي حب صادق
غريبه......
لازم اعرف
هواي شكوك بي حولها......
رنا : زين يله مع السلامه أو اكلج ليش ما ادخلين ليجوه ونكعد اني وياج ونسهر الفجر احس ما شبعت منج ومن شوفتج
كلتلها هل الكلام لان ابالي خطه كلش عضيمه
بس للاسف رفضت
ودق: والله حبيبي عذريني ما نمت اليوم وحيل تعبانه ان شاء الله باجر راح اجيج ب١٢الليل واخذج ونتونس وتشبعين مني.......
اهنا اني اومئت وكلتلها
رنا ؛ بس بشرط اني اختار المكان إلي اروحله زين
ودق: طبعا تامرين واني انفذ يلا باي
وتصبحين على الف خير
باستني من خدي وبجبهتي وراحت........
يتبع..........