شوقر مامي

رغبه غريبه وجديده🤔

الساعه٥:٥٥ دقيقه ص ليوم الاربعاء
٢٠٢٢/٢/٣
بعد ما صعدت لغرفتي حسيت بكلبي كاعد يدك بسرعه مو طبيعيه الخرعه إلي اكلتها مو قليله الا شويه وجان انكشف بينما كاعدة اهدأ نفسي ما اشوف الا موبايلي كاعد ينطي اشعارات فتحته ولكيتها دازتلي طلب صداقه بس سوال انطرح على بالي شلون حصلت رقمي وحسابي واني ليهسه ما دخلت لحسابها ؟
راحت ايدي على جيبي واخذت الورقه وفتحت الحساب قريته اي هو
قررت اتشجع واراسلها بس استحيت لان راحت عيني على الساعه مو ما اراسلها بهل الوقت جايز تريد ترتاح ثم اني قبل نص ساعه جنت يمها خلاص بوقت ثاني اراسلها اروح انام احسلي بعدها الفكره ببالي وهستوني اريد انزع الجاكيت الا واشوف موبايلي طنطن
فتحت الموبايل الا واتفاجئ هي كاعده تراسلني
(المحادثه )
ودق : هاي رنا بشري وصلتي لا؟
رنا: اي الحمد الله وصلت ( ردت اكتبلها شنو إلي صار من قبل شويه بس ماادري اكو شخص ببالي كالي لا مدري ليش منعني )
ودق: تمام هذا حسابي يمج هنا نتراسل زين
رنا: ان شاء الله
ردت اكلها منين حصلتي حسابي بس اجاني الجواب قبل لا اسأل 😫
ودق: طبعا اكيد مستغربه منيلي حسابج صح¿
رنا: ها اي والله الصراحه استغربت يعني اني ما نطيتج حسابي شلون هيج!؟
ودق:😂لا تخافين ولا تستغربين بس من طلعتي ما صبرت لحد ما انتي تسجلين حسابي ودخلين وماكدرتي بسبب استعجال خالج فلفل 🤣
فرحت راسلت سحر وكلتلها ادزلي حسابج وتوته توته خلصت الحتوته 😁
ضحكت من طريقه كلامها وهزليتها المفرطه
فرديت عليها
رنا : ههههههه خالي فلفل خوش لقب😹
ودق: اي والله ماينتضر ابد جنه امي الله يرحمها جانت حيل مستعجله بكل شي المهم ماريد اعطلج عن نومتج يلا روحي ارتاحي 👍
رنا : 👍
سديت المحادثه واني عقلي اجته تساولات انو ليش ماصبرت زين ليش لهل كد مهتمه ولطيفه وياي لدرجه !
وكعت على الجربايه واني كاعده افكر بيها انو ليش هل المعامله الحلوه يمكن اني اصير اقارب صديقتها أو جايز هي معاملتها هيج ويه الناس وصح طلعت أمها ميته مسكينه طلعت يتيمه الله يرحم الجميع خلي انام احسن .
١٢م
كعدت على صوت اهلي جوه وهمه يحجون بصوت عالي جنت نعسانه حيل ومالي خلق اكوم فرجعت انام والا الساعه صارت ٣ الضهر هنا كعدت فحطانه من الجوع والتعب يقراء الف
نزلت ليجوه وشفت العائله الكريمه نايمه وغاطه بسابع نومه وخواتي جانن بلمطبخ دخلت وشربت مي وفتحت الثلاجه لكيت بس اجبان
باوعت على الطباخ فارغ ابتسمت بهزء ردت اروح لامي وابعيها واكلها وين غدايه بس نفيتها من راسي شفت اكو بيض واكو طماطه وبتيته كمت حطيتهن وكشرت  وثرمت وكليت فتحت الثلاجه لكيت بطل سفن تفاح اخذته هو صح الببسي أطيب بس شسوي جود بلماجود
اجتني اختي الصغيره
زينب: رنا شطبختي الله خلي اكل وياج حبابه
باوعت عليها بطرف عيني وكلتلها
رنا؛ زينب تولين من جهرتي الزفره لا انعل إليوم الي اجيتي بي ولي منا ( بصوت شبه عالي)
زينب:( بعبوس) اي شبيج والله جوعانه بعدين اني مو اختج
رنا : اختي بطيزي امشي ولي عندج أم وهي تسويلج اكل
بعد ما عبست راحت ركض وهي على وشك البكاء اتنهدت وصحتها لان ادري بس تروح لابويه وهي تبجي كبل يكعد يرزلني 😒
رنا : زينب تعاي تعاي
زينب : (بدموع على الخدين) ها
رنا: باعي راح انطيج بس لفه وحده والله والي خلق هل الكون اذا طلبتي لفه ثانيه انعل البزروج افتهمتي ( بوجه تحذيري)
اؤمئت براسها وانطيتها وولت من خلقتي اخيرا
بعد ما كملت اكلي غسلت ماعيني واني جاي افكر بلمدرسه إلي صورتها اخذت عقلي
ضليت اتخيل أشياء  انو اني وياها بعلاقه
وهي تخطفني من اهلي طبعا برضاتي🙂
ونسافر لاربيل ومناك نروح لتركيا وبعدين لدوله تايلند كثر ما اباوع مسلسلات ثايلنديه:)
وهناك نتزوج واحقق احلامي إلي مدفونه بهل الروح وهل العقل هزيت راسي والحسرة بصدري لحد ما كملت وتوجهت داصعد لغرفتي الا واشوف امي دصيحني
ام رنا؛ رنا
رنا : ها
أمها: راح تصعدين لغرفتج ؟
باوعت عليها عبالي تدكلي سمعت من ابوج انو الصبح تخربطتي !رديت برأسي بأي
أمها: اي خوش لعد جيبيلي الهدوم من فوك مادامج صاعده
اعترضت وكلتلها بعد ما انقهرت حيل
مو عندج ٢ قروده بلبيت بناتج مو كبار وجنت دا أئشر على اختي الوسطانيه تالا وكلتلها دباعيها بكد الفيل مدكوم تحرك طيزها و تساعد لو بس حايرة بلاكل دشوفيها مو راح اصير فيل
وكمت وصعدت ولا درتلها بال بعد ما رزلتني
قفلت علي الباب وكعدت اشتم واغلط عليهم واستغفر ربي لحد ما حسيت ببجيه وبجيت وطلعت كل الطاقه السلبيه .
بعد ما ارتاحيت واهدأت حسيت باشتياق وحسيت اريدها يمي اي منو غيرها ودق أول ما خطرت على بالي كبل عقلي كام يفكر بليله امس وشلون جانت اجوائها طريقه التعامل الحجي الحلو الروائح الطيبه مال ذاك البيت الحنيه مالتها طاغي على عقلي فتحت عيني وكلت حتى الهوى هناك مو مثل اهنا وين هناك  ووين هنا جنه هناك موطني .
صفنت واستغفرت ربي وكلت الا اكو حكمه من هل التعب الا اكو شي فرج متاكده اتنهدت وباوعت على الموبايل ما جايتني اي رساله منها
ضجت وكلت بعقلي شدا تفكرين كل هل الجمال وتنطي الج منو اصلا كلج هي سحاقيه اصلا شفقت عليج لا أكثر ولا أقل اي اصلا هذي الحقيقه بعدني داجلد بذاتي لحد اكتشفت اني مطفيه الwiefie
ض

ربت راسي بقله حيله من غبائي المفرط فتحته وما اشوف الا عدت رسائل من سحر وودق يعني ال٢ مراسلاتني طبعا منو اراسل بلاول اكيد راحت ايدي على ودق ( بس عقلي منعني وكلي لا يا طايحه الحض هيج بعد ما المراه ساعدتج هاي جزاتها فوك ما هي خايفه عليج ) اهنا تأنيب الضمير اشتغل بس بنفس الوقت جان كلبي يكولي( لا تسمعيله هي صح ساعدتج بس مو اهم من مستقبلج مع هل الحاته لازم تراسليها أول ومن تخلصين عود راسلي مرت خالج) دحجت هيج وكلت الحل الوحيد من الحرب العالميه بين العقل والكلب هو اني احسب من واحد  للعشرة وياهو الحساب إلي يطيح عليه أصبعي راح ادخله بلا أدنى شك
كمت وحسبت لحد ما وكع اصبعي على حساب مرت خالي طبعا اني هنا انزعجت بس كلت لا فشله من نفسي انو من انطي كلمه لازم اسويها
دخلت على سحر وشفت المحادثه
سحر : رنا شلون الأخبار ؟ ها شلون شفتيها شنو درستي من تعلكين راسليني تمام وكل شي كليلي بلحرف الواحد.
رنا: ها خاله الصراحه كلش جان اللقاء مو شي
(طبعا جذبت عليها لان ردت اسوي بيها مقلب 😎)
يعني أخلاقها مو كلش وعصبيه ومو على الكلب
حيل مؤذيه وبيانها بخيله لان كلاص مي ما انطتني .
واني كاعدة اضحك عليها ومنتضرة ردت الفعل اجتني مراسله من ودق دخلت على حسابها
ودق: الو الو حول البروفسورة الكيميائيه كاعدة
اهنا اني طرت من الفرحه حسيت حالتي النفسيه تعدلت كمت وكبل حاجيتها فكرت اخذ ميانه وياها ورديت
رنا : انتي وبعدين وياج كلساع اتصنفين عليه
ترة مو بس انتي تكدرين تتنمرين اني هم اكدر اكول عليج واتنمر.
بعد مااكتبتها كعدت انتضر ردت فعلها شلون وما اشوف الا ودازة
ودق: عزة عزة عزة اسفه انسه الصبيه زعلناج اصلا اني ماتنمرت لان انتي البارحه كلتيلي اريد اصير  مدرسه كيمياء مو ثم شلون تتمرين على مدرستج ؟ ها
هنا اني حطيت ايدي على حلكي وكلت عزة ترزلت (أول مرة احب الرزاله 🙂)فكرت شكوللها بعدين رديت
رنا: اكدر بعدين اني ما جبرتج على أن تستمعين إلى احلامي يا سمراء 😋
رجعت ورخيت جسمي على الباج مال الجربايه واني منتضره الرد الا واشوف
ودق: ها ؟ شنو كلتي
هنا اني كمزت وكلبي رجف( عزة فدلا جفصت )اخذت نفس ورديت
رنا : شنو شنو ؟
ودق: شنو كتبتي يا سمراء هاي كل قوتج بلتنمر
بعدين انطتني فويز كايله
حتى بلتنمر كيوت صدقه اسمعي من اليوم ما تصيحيلي الا هل الاسم تمام مو ست ترة اعاقبج😈.
أني سمعت هل الكلام ورجعت اذاناتي حمر حيل 😳كمت واتحديتها وكتبت الها
رديت رنا : شراح اتسويلي مثلا ؟ طبعا اهنا الفضول كاتلني🙄
ودق: راح احضنج حيل حيل وما اهدج ابد
بعد ما شفت الرساله حرفيا لسه أتذكر ذاك اليوم أحس نفسي بركان من الحراره إلي اشتاحتني من وراها شلون هيج اتخليني أخجل بسرعه؟فرديت بعناد أكثر
رنا: أممم ومنو كلج راح اسمحلج تحضنيني؟
بعد ما دزيتها كمت ادفر مثل الثور 😂
ودق: اكدر
واتحديتها أكثر وكلت
رنا : شلون ؟
ودق: بسحري الخاص حبيبي انتي
هنا صطرني العباس وضليت مسبله على كلمه حبيبي فقررت اغير مجرى الحوار إلى آخر جريء😎

رنا : عوفينا من هل الكلام رايدتج بشغله مهم
بعد ما كلتلها اتصلت عليه رديت بعد ما اتفاجئت
هستوني دا اكول الو سمعتها بصوت قلق كايله
شنو اكو شي اهلج اذوج محتاجه مساعده كولي شبيج متحجين بصوت قلق  وبصياح
يتبع..........  ادري دكيت الناقصه بس البارت حيل طويل يله باي 🏃‍♀️🏃‍♀️🏃‍♀️
عدلته لان حسيت ما عجبني كفايه