شوقر مامي

تقارب أكثر 😋

بعد ما كضيت وياها ٣ ساعات إلي ما ادري شلون مضن بسرعه حيث كعدنا نحجي ونتعرف على بعض اكثر تناقشنه على أحلامنا حيث كلما اكلها اريد اصير كذا تكولي واو حلو واشوف الايجابيه بعيونها وشلون مهتمه بتفاصيل كلامي عجبني طريقه تفكيرها جانت حيل متطابقة ويه تفكيري ......
انغمسنا بلحجي حتى صارت الساعه ٥ الفجر مقاطعنا صوت الأذان إلي بلجامع هنا اني تداركت أن هل الكائنه من جوي واجوائي هي الوحيده الي تفتهم اني شريد .
طبعا دك عليه خالي وكلي يلا الساعه ٥ الفجر ما خلصتي رديت عليه اي جايه خالي راح اطلع خلصنا قفلت الموبايل وباوعت وكالت الخال
ضحكت وكلت اي الوقت تاخر لازم اروح
ردت اي صح بس تدرين ما حسيت بلوقت وياج
حرفيا كلامج شدني فكريا شلون وحدة مثلج ومثل ضروفج عدها هل الفكر  والطموح العاليه احسد اهلج عليج  فعلا رنا انتي بنيه عظيمه ضليت صافنه بوجها ومااعرف شرد الصراحه عدها حق اتنهدت وتنكد رأسي ليجوه باوعت وانتبهت انها داست على زر من ازرار همومي تنهدت وكالت المهم عوفج من الأشياء الموزينه خليج مدركه ان كل هل الصعوبات راح تنحل وتنزاح وثقي بي راح يجي يوم واهلج يقدرون الشي الي كاعد توصليله( وهي لازمه اجتافي وتضغط عليهن جانت لمساتها جميله حيل) المهم اليوم تعارفنا بس مالحكت اعرفج على المواد والكتب يلا خليها على باجر... قاطعتها باجر
ودق؛ اي باجر ليش ما راح تجين باجر؟
رنا؛ لا بس يعني غير مرتين بلاسبوع حسب ما كلتلي( سحر) !
ودق؛ اي صحيح ليش اجذب عليج اني اطلبت منها مرتين بلاسبوع بس هسه غيرت رأي .
صفنت وكلت بصفاء نيه(ليش؟)
ودق؛ لأن ارتاحيتلج
بعد ما سمعت الكلمه منها حرفيا خجلت وصارت اذاناتي حمر اني من النوع إلي أخجل بسرعه ولا اذاناتي ينطبعن حمر .
بعد ما شافت اذاناتي حمرا ضحكت كالت
هاي شنو استحيتي؟ خجلانه انسه رنا الحالمه
اني طبعا هنا كاعده اتلفت يمين يسار ما اريد اباوع الها . الحمد الله قاطعني خالي للمرة الثاني
انتبهت وكالت يلا يلا البسي وروحي الضاهر خالج فلفل حار ميتحمل ربع ساعه اضافيه
رديت يلا راح اروح اني وكبل التفيت داطلع ومااشوفها تصيحني
رنا رنا اوكفي .....
هنا التفتت عبالي نسيت شي عدها
كالت نسيتي شي
صفنت وكلت صدك شنو ؟
كالت فتشي جيوبج
فتشت موبايلي هذا و جفوفي ( هذني إلي يحمن الايدين من البرد ) هم هنا كلتلها مانسيت شي بس الذني الجايبتهن !
ودق؛ لا اكو بعد شي شي مهم رقمي حتى نتواصل اني وياج ولا شلون تريديني اتواصل وياج عن طريق الحمام مثل ايام قبل ها وبدات تأشر  بايديها .
اني هنا ضحكت .وشفتها تباوع عليها شلون اضحك [قمه الخجل ]
ودق؛ تدرين ضحكتج بريئه وبنفس الوقت حلوة
اني هنا ضليت بس ناصه راسي بلكاع حرفيا ماشلته وصل الخجل فول اكسترا
بعد ماشافتني كالت يلا يلا راح اوكف بعد مااحجي هواي خجوله انتي شدعوة هل كد فدوة لله المهم هذا رقم الفايبر خابريني عود تمام ولزمت ايدي وحطته وقفلت ايدي بايدها وكالت مع السلامه ياحمامه السلام
هنا اني من عداد الموتى بس اتشجعت و بسرعه ركضت للباب وطلعت لخالي حتى ما كلتلها باي
كبل طفرت انو لحد يلومني ما حابه من قبل وما متعودة على هيج سوالف وكلبي ما اكلكم اعليه
لسه أتذكر( شلون جانت ايامي وياها.)
خالها ؛ وين صرتي بعد وكت ضلي لل١٢ الضهر وفضحيني حتى امج تذبحني وابوج يعزيني ؟
رنا؛ ههههههه اي مو زين تروح شهيد يا خالي
خالها؛ لا والله ومن يعيش ولدي حبوبتي
رنا؛ لا اني ولا يهمك أقرب دار أيتام واذبهم بخدمتك اني (حجيتها وبكل ثقه عارمه)
رد عليه لا هايهيه قبضت هواي خدمتيني دمشي دمشي كدامي لا ادك الناقصه واتركج بهل الفجريه وحدج باعي ذنيج الجلاب حرام مايبقن أصبع بيج.
فتحت عيوني وباوعت الخالي وكلت ويهون عليك بنيه مثلي فقيرة وصغيره تنترك وتموت بهل الطريقه( كلتها بطريقه دراميه)
خالها؛ اي حتى سحر تحطني بحضن الله
ضحكنا واحنه نركب السيارة ونتجه للبيت ......
                         ٥:٣٥ دقيقه
وصلت البيت وجانت الدنيا هستوها مكشفه طبعا وصيت خالي قبل لااطب للبيت انو يجيني باجر ونزلت من السيارة باوعت نفس الهدوء شكرت ربي وباوعت المسافه بيني وبين السياج عاليه كلت الاصت شلون ادخل باوعت للحاويه مال الزباله(تكرمون) وحطيتها وصعدت فوكاها ونزلت على السخان مال المي وعلى كيفي نزلت طبعا بوكتها جنت لابسه حذاء رياضه مطلع صوت مال حراميه 😂 واني انفض هدومي ما اشوف الا  ابويه كبالي ضل صافن واني صافنه بعدين استوعب وكال رنا رديت بويه كلي شدسوين بطارمه(حوش البيت) اني هنا باوعت على الطارمه ورجعت عليه واشرت على نفسي كلتلها
رنا؛ اني جنت دا دا واني التفت على اي شي يطلعني من هل الورطه انتبهت على التواليت الخارجيه وحمدت ربي وكلتله اي مو جنت بل تواليت اي
رد عليه وكال زين بس ليش لابسه حذاء؟
انتبهت على رجليه ورجعت باوعت عليه وكلت اممم لان الصراحه اني حسيت بعكره ببطني قويه وروحي كامت حيل تلعب ونفسي انطبك فما اعرف اخذت اي شي برجلي ونزلت على السريع
رد عليه زين زين هسه انتي بيج شي يوجعج شي
رنا : لا لا الحمد الله صرت زينه راح اصعد لغرفتي ارتاح
أبوها : روحي نامي وتغطي زين خاف مستبرده لبسي زين
اؤمئت برأسي وصعدت واني أحمد الله الف مرة
يتبعععع........

شلون الأحوال أن شاء الله خير شلون الروايه
حلوة طبعا بس عندي موضوع صغير
اني الروايه راح انزلها يومين يعني ما عندي جدول للتنزيل لان الصراحه شنو إلي يخطر ابالي مثل اني وكاعدة اغسل اماعين وتخطر بالي أحداث فكبل اكتبها بس والله