شوقر مامي

ملاك /شيطان بارت ١

اخذت اكلب بلكتب واحد واحد ريحتهن جانت طالعه جانن جداد وما مستعملات ابد اني استغربت انو ليش كتب جديده مو مستعمله هنا اسألتها
رنا : ست ودق
التفتت عليه وكالتلي ست شنو اني شكلت ها وهي تتقدم عليه شويه شويه وحطت ايديها وتخوصرتلي وكالتلي
ودق: اني موكلت ست وهل الرسميات ماريدها اني موكتلج انتي غير عن البنات مو حجيت لا تصحيلي إلا بسمراء ها ( وهي تحني راسها نحوي) كامت ونقرت خشمي باصبعها وضحكت
أني هنا جنت حيل متفاجئه وخجلانه وحسيت بحراره بسبب القرب إلي احنه بي بعد ما شافتني اتوترت وخرت عني وكالت يوه شكد انتي كيوت عندج نسبه الحياء موطبيعيه صدقه ونذر 😍 وكورت وجهي بايديها بعدين اومئتلي براسها وكالت شنو إلي ردتي يا صبيه (الله ينعلج 👌😢) جنت رايحه بعالم ثاني بلمساتها تخليني لاارادين ادوخ وارتاح واهيم بعالم غير عالمي بعدين صحيت لمن ضربت خدي بخفه
ودق: رنا وين شردتي
رنا: ها لا ماكو شي بس ردت ردت ااا اسأل عن الكتب اي الكتب شنو  ليش ليش هنه جداد يعني قصدي مو مستعملات( ضليت اتلكا بعد ما استوعبت إلي حوليه وكوه طلعت الكلام ضليت اتلفت على شي ينقذني(بي طبع من اتقفص وانحرج اكوم اهمش وراسي يلتفت يمين يسار لحد ما الكه شي يخلصني )
ودق: ها الكتب! ليش تريديهن مستعملات ؟لا حبيبي انتي الجديد دومه يركب على الجديد والغالي دومه يحصل على الغالي والعالي غمزه😉(شوقر مامي شتترجون)
استحيت وابتسمت ابتسام خفيفه بس بداخلي بعدني ما مقتنعه شكلها افتهمتني غلط
رنا : لا بس قصدي انو يعني هذني جداد ويعني اني الكتاب الجديد ادري بي يشتروا بفلوس يعني وعبالي حندرس بلمستعملات.هذني هواي كتب اذا اشتريتيهن بفلوس يطلعن اهواي على حسب علمي الكتاب الواحد يطلع ب٥ الاف
ودق : لا حبيبي انتي اني ما اشتريتيهن بفلوس اني اخذتهن من المطبعه لان عندي هناك كرايب وصيت وجابولي لا تخافين ولمعلوماتج اني حتى لو ما عندي واسطه جا هم اشتريتهن بفلوسي لان انتي مو حياالله بنيه انتي رنا.
من حجت هل الكلام مادري ما حسيت بارتياح واكو شي غلط أحس اكو أن بلموضوع قلبي ما مطمن بعد ما شافتني ما مقتنعه ومستغربه كالت
ودق؛ اااا اقصد يعني انتي من كرايب صديقتي سحر وتره سحر البيست مالي فلازم تكونين غير هيج قصدي!
اهنا هي بدت تتلكا مثل كانو ضامه مصيبه بس جان كلامها مقنع .......
فار الجاي على النار مقاطع نضراتنا أو بلاخص نضراتي الها إلي تكون بين المقتنع والمامقتنع بين تريد تثق وبين لا ......😑
ودق: ها فار الجاي راح اصبه واجي كم خاشوكه
شكر تحبيت احط؟
رنا: خاشوكه وربع ياريت
اومئت برأسها واتجهت اتصب اهنا اني باوعت على الكتب وضليت اكلب بيهن واتذكرت ايامي بلمدرسه ويه صديقاتي وشلون جنت اكضي وقتي وشلون يغشن من عندي والمدرسات وام الحانوت واتذكرت موقف من المواقف الجميله ويه انسانه جانت مثل الاخت ويايه اسمها نبأ
جانت شقرا وسمينه وجانت ما تقبل احد ياذي شعره مني اي البيست بس للاسف الدنيا فرقتنا وفرقت حبنا الاخوي جنت لما نخلص امتحان نطلع بلساحه نتمشى ونشتري من الحانوت حتى بيوم الماعندي فلوس هي تنطيني وتشتريلي من عدها وبيوم المطر نركص ونفتر اني وياها جوه المطر بلساحه مال المدرسه الله على ذيج الايام حلوه حيل اشتاقيت الها ولبنين والكوثر ونور الهدى جنه شله من شله قاطعتني ودق لما قدمت الجاي إلي كعدت اشرب واني مو بوعيي جنت وافكر بلماضي متناسيه العيون إلي جانت تباوع عليه كانما فريسه وتريد تاكلني بعدها مااتذكر اشسصار بتحديد كل إلي اتذكره هو اني كملت الجاي بس حسيت بدوخه ونعس وخدر بجسمي ونحول بكل عضلات جسمي لحد ما استسلمت للنوم ونمت .............
طبعا هذا البارت الأول من ملاك وشيطان 
بلبارت الثاني إلي هو باجر أو عكبه الله اعلم راح تكتشفون شنو ودق شويه شويه
يابه الا اطلع مصارين صبركم أحس احب لمن هيج اشوف شخص فضولي لان صايره بي الصراحه 😅😂 المهم باي افلت🏃‍♀️🏃‍♀️🏃‍♀️🏃‍♀️