شوقر مامي

تعارف ذهني وفكري ؛○

انتي رنا ؟
ه ها ( بوجه صاطره العباس) 😂
مو انتي البنيه إلي وصتني عليها سحر ؟ رنا
ااا اي اي اني هي رنا
زين تعاي طبي الجو بارد واحتمال تمطر طبي طبي تعالي منا .
طببتني من الباب وشفت الحديقه الداخليه إلي مليانه ورد جوري وريحه ضاهره جانت حيل طيبه والنخله المزروعه يم الجانب الخلفي من البيت (المنور) طببتي للصاله وجانت حيل حلوة والالوان مال الديكور كلش متناسقه .
ودق انطتني ايدها كسلام .
رنا صافحتها ورديت السلام. ايدها حيل ناعمه وحنينه أن اكيد طبعا تطلع ناعمه لان مهتمه بنفسها هواي حتى حسيت حاطه مرطب لايدها
ودق ؛ قبل كل شي شتحبين اضيفج؟
رنا؛ ااا مايحتاج لا تعبين ن نفسج
ودق؛ لا مو من شيمي ما أضيف، الضيف واجب مو صح (ابتسامتها شكدت كلبي).
رنا ؛ مي اذا امكن
ودق؛ بس بهل الجو البارد لا راح اجيب مي واسويلنا ككو وحليب إلي هو كرك تمام انتضريني هنا وثواني وراجعه اخذي راحتج
راحت واني عيوني عليها مبينه خلوقه حيل وطيبه طبعا كلت بنفسي احنه النساء خلوقات باطباعنا ومحترمات هههه، ضليت اباع على الصاله حيل ديكورها يخبل دحجت على بوفيه جانت مليانه كتب ووصور الها ولعائلتها مبينه جان اكو رجال جبير ومراه جبيرة وطفله مايجاوز عمرها ١٢ سنه وولد شاب انطي ب ٢٤ سنه ردت اروح وافتح الكتب شنو النوع إلي تحب تقراه بس استحيت لان خفت خاف تجي
ماكو الا دقيقه واجت وجايبه كلاص المي وانطتنياه شكرتها وشربته الصراحه ما جنت عطشانه بس استحيت اطلب شي متعب فكلت اطلب مي احسن المهم كلتلي زين تعاي ويايه للمطبخ حتى نسولف ومنها اسوي" كرك"
اومأت براسي واتبعتها للمطبخ واني اتفحص البيت شوفوا اعرف هذا الشي عيب بس والله البيت تصميمه يجبر الواحد يظل يباوع لان الصراحه جان بي شي مثل الطاقه الروحيه شدتني اله وكأن ستايلها بلتصميم نفس ستايلي  أحس اكو قرب بهل الشي محبب بروحي وبجوي خلاني أحس ب الراحه النفسيه فدخلنا المطبخ وكعدت على الكرسي وضلت هي تحضر الحليب والككو واني اباوع عليها مثل الطفل إلي يدحج بامه منتضرها تنطي الاكل هههه حرفيا جاان شكلي غبي واني صافنه صفنه ابو صابر عليها شسوي المراه حلوه حيل كلت بكلبي حرام هذا الجمال يروح لشكفه رجال ميقدرها.
حطت الحليب على النار وكاعده تخوط بي وباوعتلي بنضرة جان نضرة حنينه .
ودق: اي رناوي احجيلي عن نفسج شويه
جنت صافنه بجمالها الا ان عقلي طن وانطاني اشاره{ احجي يا خرة راح تفضحينا احجي يا الخفيفه.}فرديت بتلكأ مستوعبه السوال وراجعه للواقع
رنا؛ اا اني رنا عمري ٢٠ سنه جنت ادرس بس تركت دراستي لان ضروف الحياه وللاسف أدركت انو أكبر اخطائي اني تركت الدراسه (نصيت راسي بيأس بس)
بس الله سبحانه انطاني فرصه وامل وان شاء الله ما راح اضيعها
جانت تستمعلي وهي تؤمي براسها قاطعتني
رنا؛ طبعا الحياه فرص ولازم ما نضيع ولا فرصه وان شاء الله اني حساعدج طبعا اسمعت قصتج من سحر تصير مرت خالج صح .اي هواي مثلج رنا مو انتي الوحيدة إلي دتكافح بهل الحياه وهواي اهل ما ساعدوا بناتهم بس ميخالف اكو رب موجود واكو ثقه واكو احلام لازم تتحقق
اومئت برأسي الها وابتسمتلي ورديت الابتسامه
صبت الكرك وانطت الكلاص وكالت تعاي ويايه عندي بلكونه مشرفه على الشارع حيل مريحه راح تعدل المزاج إلي انتي بي هسه أحس مو على بعضج رحت وراها وطلعنا على الشرفه وباوعت على السماء وشلون الغيوم المتراكمه وضوء القمر الخفيف حيل الطالع تقربت وفتحت الشباك وجان تدخل نسمه هوا باردة بس لأول مرة أحس من استنشقته جان بي ريحه حريه هل النسمه حيل تختلف عن نسمه الهواء إلي بيتنا عبالك بلجنه حيل ارتاحيت .
باوعتلي وكالت ها عجبتج ارتاحيتي شعور حلو صح بعد ما اؤمئت الها بنعم ردت امم طبعا اني كلما اضوج اجي هنا باي وقت واشتم هل النسيم الحلو يريحني ويطلع كل الطاقه السلبيه.
ابتسم براحه الها صح من زمان واني ما شامه هيج هواء طيب بي طعم غريب مريح غمضت عيوني واسترخيت لابعد الحدود بعدين فتحت عيوني بعد ما حسيت ان اكو كائن ملائكي يباوع عليه كلتلي شنو الأحلام إلي تريدين توصليلها بلمستقبل شنو حابه تصيرين؟
باوعت بتركيز بعيونها وكلت بكل ثقه اريد اصير مثلج....
ردت عليه مثلي؟¿
رنا : اي مثل الحريه والاستقلاليه إلي عندج مثل الحياه إلي عايشتها اريد بيت مثل هذا واريد سيارة واريد اسافر واطلع واطب براحه بال واحقق كل شي بنفسي وما اضيع كل ثانيه بعمري. كلتها بحماس الها وعيوني كل احلام واهداف ولهيب من ثقه عاليه
ودق؛ حلو كلش حلو طموحاتج مبنيه على سلام واهداف حلوة بديتي تعجبيني رنا أحس عندج مستقبل فاخر وصدكيني انتي عباره عن كائن حالم مثل الطير لازم تطيرين بس يرادلج مساعده
عقدت حواجبي بتسأول وكلت الها مثليج ؟
كالت مثل أن تدرسين وتذبين كل طاقتج بدراسه حتى توصلين ما لازم تكرسين حياتج لشي ثاني ابد رنا الطريق إلي وصلتله والحريه إلي اني بيها ما اجت بساهل ابد صدك حيل الحياه اذتني حتى وصلت للاريده كلما أوصل لشي اريده بعد صبر جبير من احصله افرح جنت دوم من جنت بعمرج اشوف معلماتي ومدرساتي عدهم سيارات وبيوت ومستقرات وسفر وفلوس جاان هذا الشي يخلي بي غيرة وبنفس الوقت حلم وثقه بذاتي جنت دوم قبل ما اروح للمدرسه اوكف على المرايه واكول انتي كدها انتي لازم توصلين لتريدي غيرج مو احسن منج احفز نفسي تدرين رنا لمن سمعت بقصتج حيل حبيت اشوفج اشوف النسخه الصغيرة مني ميل كلت وبكل ايجابيه اي اني اساعدها وصدكيني راح امد الج كل العون حتى اوصلج لاعلى المراتب إلي تحلمين بيها اوك .
باوعت عليها واني كلي أمل بهل المخلوق إلي الله سبحانه دزليها جنت اباوع بعيونها كميه الطاقه الانسانيه والحنيه الموطبيعيه عدها تجاهي احس اريد اشبكها وابجي بحضنها اؤمئت الها بفرح وسعادة مفرطه وكلت
رنا؛ان شاء الله ما راح اخيب ضنج ابد ومراح انسى معروفج ابد ابد واكون كد الثقه إلي انطيتها إلي من هل الكلام إلي ما سمعته حتى من امي
وهنا مدري شلون توقف الزمن والوقت بي من كامت وفتحتلي ايديها بمعنى شبكيني وكالت
ودق: تعالي اعطيني عبطه ياصبيه (عبطه _ شبكه) حجتها بل الهجه اللبنانيه يضحك
رديت الضحكه واقدمت بشبكها وحسيت بذاك الصدر الدافي والحنيه والأمان إلي بي مو طبيعيه تمنيت ابقى هنا وما اروح من حضنها ابد
يتبع...
طبعا هذا البارت اجه تسهيل من الله لان اني الروايه ما كاتبتها بدفتر وانقلها لا شيجي براسي اكتبه المهم أن شاء الله إلي يطل على روايتي تعجبه وان شاء الله تكون خفيفه على الكلب ترةهذي أول روايه إلي حرفيا فبعدني جديدة على هل الشي. باي....😶