شوقر مامي

شعور غريب (ايجابي/سلبي)

جانت ودق تحاجي
رنا وعيونها جانت تدمع
وهي تتذكر كل الماضي مالتها
من موت أبوها ومرض اختها
وتهديد حيدر الها هذا جان كله بجفه
وفراق رنا الها لسنوات
وحسرتها لشوفه وحده منها واشتياقها الها بجفه ..
♡♡♡
اقتربت ودق من القابعه على الفراش
وهي صافنه ووجها خالي من التعابير
جانت بس تباوع على ودق
مامنطيه اي رده فعل
منها...
◇◇◇
ودق(بعيون مدمعه ووجه مبين عليه الحزن):
حبيبي
رناوي اني اسفه على ضمي الج الحقيقه
بس جنت اريد الفرصه المناسبه حتى اكولها
.
(وهي تاخذ ايدها وتعصرها وتبوس بيها)
اني كل هل السنوات
ما تركتج وما نسيتج ابد
جنتِ لمن تروحين للمدرسه اوكف بعيد واتأملج
وجنت دوم اسأل عليج
وعن احوالج بلمدرسه وواوصي المديره والمعلمات عليج خاف احد يتعرضلج
تدرين نتيجتج جانت توصلني أول باول
واوفرح وافتخر بيج ..
انُ طلعتي الاولى وشلون جنتِ شاطره
وحلوه وناعمه ومؤدبه وعاقله وكل شي حلو وترف بهل الكون...
(تلمست خدها وهي تحجي الها هل الكلام إلي جان نابع من الكلب)...
حتى كل سنه بشهر (الثاني )
٢/٢/٢٠٠٢ هل التاريخ
إلي ابد ما انساه
وناقشته هنا بكلبي وبعقلي تدرين
من هوسي بيج وبتاريخ ميلادج
حطيت وشم بايدي وبصفحه كلبي
باعي
(شلهت ودق ايدها اليمنى
وجان يضهر تاريخ ميلاد رنا مخطوط على كامل ايدها
بخط رفيع منطي لايدها فخامه )
وهنا هم
(نزعت أول ٣ ازرار من قميصها وضهر
على صفحه كلبها اسم رنا )
شوفي شلون اني احبج مو بس احبج مهوسه بيج....
.
جنت كل سنه بهل التاريخ
اسوي الج عيد ميلاد واحتفل بي مو بس اني
حتى امج
حتى وهي مطروحه الفراش
تحتفل وياي وتتمنى امنيه بدالج..
انُ يجي يوم وتنجمعين بينا...
(نتهدت وكامت تاركه إلي بس تباع عليها بصمت ،ومتجهه لخزانتها ومطلعه البوم جبير كله صور)
بل السنه الفاتت
قررت قرار بعد ما سمعت عنج أخبار مو زينه
انُ مبطليج من المدرسه و
محبوسه بلبيت ووصايره كلش معقده
اهنا اني طفح كيلي وقررت اخذج واسحبج
منهم لو على كص ركبتي
فل السويته
انُ تفقت ويه مرت خالج
على انُ تفتح وياج موضوع عن الدراسه
فوافقت بس بشروط
والي هي
علاج ابنها اتكفله لمده ٥ سنوات
من ابر الانسولين(اعتقد 🤔اسمها هيج)
لان جانت حالتها مو مستقره
وتحتاج الفلس
فوافقت بسرعه وبدون تفكير
وطبعا انتي وافقتي وتعرفتي عليه....
(وهي تتقدم الها والبوم الصور بايدها ،
كاعده كبالها )
تدرين اول يوم اني التقيت بيج
شكد جنت فرحانه بذاك اليوم وشكد متحمسه
(ههه بضحكه خفيفه)
حتى لسه أتذكر
شلون جنت احسب الساعه ثانيه ثانيه ...
وجنت افكر
شلون راح اقابلها؟
زين من اسلم عليها هم احضنها لو أبوسها
زين خاف ابجي...!
جنت حيل متوتره وقلقه وتفكير اكلني بيج
حتى من اول شوفتي الج
توترت ولزمت دموعي بلكوه....
ونفسي حتى ما أضعف كدامج واخرب
إلي جاي اسوي....
(جانت تكولها والدموع توكع لا اراديا منها، ماسحه دموعها بخشونه ورافعه راسها)
هذني مجموعه الصور إلي محتفضه بيهن
الج
من انتي بنت نفاس لحد الان
وانتي هسه مراه جبيره وواعيه..
جنت اصورج بلسر ومن ناس اني اتفق وياهم
جانوا يدزولي كل صورج
تدرين من هل الناس
مرت عمج
(زينه)
اي
هي جانت تدري بكل شي
وانقهرت عليه وعلى رهف ... فحبت تساعدنا
ولو بشي بسيط... جانت تنقلي كل
اخبارج أول بأول....
(وهي تباع عليها وبعيون كلها حب )
ها ..
نسيت اكلج بعد هاي الصوره
إلي انتي اكيد لمحتيها مو (هههه بضحكه خفيه)
يعني اكيد استغربتي لمن شفتيني شلون توترت واخذتها بسرعه من العامله
صح؟
(وهي أتطلع الصوره من الجاكيت...وتنطيه لرنا إلي فكتها الصدمه وضلت تبجي بصمت).
هاي صوره
امج رناوي
هذي صوره رهف امج البيولجيه
.
اخذتها رنا برجفه ايد وباعتها شلون جانت حلوه
وتشبهها طبق الأصل..
جانت مثل رنا ، نسخه من امها
.
ازدادت شهكات رنا بصوت عالي
وهي لازمه الصوره وضامتها لكلبها
معتصره كلب إلي قابعه كدامها..وما متحمله اتشوف روحها وعمرها والهوى إلي تشمه كاعده تبجي وتشنهك.. لازمتها وحاضنتها حضن مطلعه قهر كل السنين إلي جانن متفاركات وبعيدات عن بعض..
جانت وحده تبجي بحضن الخ... ومطلعه كل قهرها وطاقتها السلبيه ومنطيه بدالها حب وحنان وطبطبه على الضهر وثقه وكلشي يريده الانسان بوكت الضيك والشده
(احنه منو النا😣)
.
.
.
.
الساعه ٩:٤٥ص
واكفه كبال الباب
وهي متوتره حيل وكلبها جاي يحس بشعور
غريب شعور إيجابي وبنفس الوقت سلبي
مدري مخربط اوضاعها جانت مخلبطه وتفكيرها وكلشي مو تمام وحتى روحها مدري شبيها...
تحس نفسها انها بحلم كله هذا عباره عن حلم...
ومو حقيقه ....
تحس نفسها بدراما بروايه وهي البطله الرئيسيه إلي جاي تنكشف يوم عن يوم الها الاوراق ..
.
جانت لازمه ايد ودق وعاصرتها حيل
باعت لودق
مأشره الها بيلا خلي نفوت
باعت للباب ومتجها هي ودق
نفس اللحضه داكه الباب وفاتحه العامله الها
وطبت وكلبها يدك بسرعه مو طبيعيه وروحها حست بدفىء موطبيعي أول مادخلت هلت عليها ريحه .. ريحه أمها واهلها الحقيقين
ريحه حنيه مو طبيعيه بهل البيت...
جانت عيونها متشوقه ومتلهفه تباوع بكل الاتجاهات تريد بس تشوفها
اي
تريد تشوف أمها
أمها إلي بعدت عنها وعن حنيتها سنين
.
منا
انتبهت على ودق لمن لزمتها من جتافها وهي تدفعها ببطء
لحد ما دخلت
وشافتها
شافت امها نايمه على الفراش وهي بحاله تعبانه مو نفس المرأه الجميله إلي
شافتها بلصوره...لا كلش جانت تعبانه ومنهكه...
جانت العافيه مالتها جاي تنسحب بتدريج
للاسوء
جانت كاعده ومفتحه عيونها ببط
وتناضر لكدامها للي أول ما شافتها
عرفتها عرفت انُ هي
بتها رنا
رنا إلي حبلت بيها وحملتها تسع شهور ببطنها
رنا إلي أول ما طلعت بهل الدنيا
باستها وحضنتها وهي بدمها...
رنا إلي فاركتها ٢٠ سنه كاملات
سنه وره سنه وهي تتحسر على شوفتها
وجه لوجه
سنه وره سنه وهي تتمنى تكون بحضنها وتشوفها تكبر شويه شويه بعيونها تراقبها
وتوكف وياها بشدتها
وتوكلها بايديها وتنيمها بحضنها وترضع من صدرها وتروى من حليبها إلي
هو اعظم حليب ...(حليب الام)
.
.
دمعت عيونها وشالت ايديها
تأشر الها بتعالي لحضني
.
مبلبيه طلبها رنا
وراكضه الها باقوى سرعتها  متجاهله جروح رجليها والمهن .. والدموع جانت نازله على خدودها...
.
.
حاضنتها وتبجي بقهر وتبوس بيها
وما مصدكه لا رنا ولا رهف
مجانن متوقعات يجي هل اليوم...
.
جانت ودق تبجي بصمت ومبتسمه بفخر
على إلي سوتها
وجمعت بينهم .واخيرا...
.
.
.
.
.
.
.
قبل ساعتين
غرفه ودق
فراشها تحديدا
قابعات الاثنين على الفراش
وهنا صافنات على السكف(السقف)
ورايحات بغير عالم...
جانت بس دموعهن ينزلن بدون اراده
والصمت سيد المكان(حلوه مو😎)
.
لحد ما قطعت رنا هل الصمت بسؤالها
.
رنا
ليش ؟
ليش لعد اغتصبتيني بذيج الليله وليش
نيمتيني وليش ما كلتي الحقيقه من اولها؟
.
التفتت ودق الها
وهي تباوع لرنا بتأمل
ودق
كلها جانت خطه
اني لا اغتصبتج ولا شي
بس خدرتج بمخدر وبس
حتى اشبع من شوفتج واكعد اتلمسج بهدوء
مجانت عندي اي نيه
غش الج رنا... لان انتي هنا (وهي تأشر على كلبها )
باعت عليها رنا
ببرود
رنا
شنو السبب إلي خلاج تجذبين عليه أو تخليني
اتعرف عليج...وليش بهل الطريقه
.
ودق(وهي تصير فوك رنا)
لان ردت اعرف شنو الحياه إلي عايشتها وياهم
ردت اعرف شنو المعامله إلي جانوا
يعاملوها الج
وعن طريق هل الشي عرفت شنو شعورج
لمن كلتي اريد اهلي كلهم يموتون
هنا اني افتهمت انتي مظلومه ومو زينه ابد.
وهم ردت اكضي وياج وكت
هواي حلو
وادلعج واصرف عليج وما اخلي بنفسج شي
انحرمتي منا من سنين
جنت من زمان اريد
اعيشج الحياه إلي انتي تريديها والي ترتاحيلها
ردت اخليج
تتعلقين بيه
أكثر وما تكرهيني
وما تنفريني... ردت هذا
(وهي تأشر على كلب رنا )
اي هذا اريده
اريد هل العيون متبجي بعد وتتحسر على
كلشي تشوفه...
اريد هل العقل تفكيره كله بيَ ومرتاح
ونفسيتج ردتها متشعر اله براحه واطمئنان غير هل الشي ماريد
اريد هل الشفايف ٢٤ ساعه تضحك
اريد هل الجسم
ياكل ويشرب وينام، وصحتج حديد
هذا الي ردتها
ردت اعيش واعيشج وياي
سنين واني اريد أعيشها وياج...
تمام...
وردت تاخذين حقج منهم عن طريقي
ردتج تصيرين قويه عقليا وجسديا
وانتي سانده ضهرج عليه...
وواثقه بيه ثقه عمياء...
ردت هذا الي اكسبه منج
مو مثل ما جنتي معتقده لا
.
.
هنا رنا افتهمت وادركت انُ كل إلي صار وياها وجاي يصير
هو حقيقه
حقيقه مُره وبنفس الوكت حلوه...
المرار إلي اخذته منها هي فراكها عن أمها
وتعامل اهلها المزيفين وياها بقسوه..
اما
الحلوه
هي ودق
اي ودق إلي حلمت بيها وحبتها وتمنت تبادلها
طلعت مهوسه بيها... مو بس تحبها....
.
.
الحمد لله على اي حال
.
.
.
يتبع
.....
خبر حلو / خبر مو حلو
الاول هو الروايه راح استمر بيها كل يوم يعني
ذنيج الروايتين راح اوقفهن
لحد ما اخلص هاي
:)
اما الثاني
الروايه هل الاسبوع راح اخلصها
يعني هذني الحلقات الاخيره....
ونودعها
بس احتمال اسوي بيها جزء ٢
مادري
اشوف ارائكم....
وبس
وداعت بنيتييييي
باي....
كونوا بافضل حال
وديروا بالكم على الصحه والدراسه
اوك
..
..
..