انو أكبر طموحاتج تدرسين وتحققين احلامج بس اهلج يحاربوج؟
شون حتحاول رنا ذات ٢٠سنه التأقلم ويه الحياه ومصايبها
قصه مقتبسه من قصص حقيقيه مع لمساتي الخياليه
قصه عن السحاقيات 🔞
وكف الفيديو شاهين منتقل انضاره للمصدومين.. واشد انتباهه على أكثر انسانه انصدمت بيهم واحتلت معالم الخيبه والانكسار على وجها.. "رهف" . شاهين(بوجه بارد وكله ثقه): هذا حقيقه الشخص إلي حبيتي من كل كلبج رهف ، هذا الشخص إلي جنت اتمنى اصير بمكانه بكلبج.. هذا الي جنت اموت غيره وحسره منها.. ولمن اجيتيني بعد زواجنا وكلتي إلي الصراحه..صح وكفت وياج وما فضحتج وخبيت سرج عن اهلج.. بس لسبب واحد لاني احبج.(كالها وهو جاثي على ركبته الها ونازل لمستواها..) اي .. لان حبيتج رهف ومو من هسه ..ولا من بدايه لقائي بيج وإنما من سنين...من اني وبعدني مراهق جنتي الكراش مالتي الوحيده إلي ببالي.. وجنت دوم اسئل عليج ..بلخفى وجنتي لمن تزورينا للبيت أو ازوركم.. جنت دوم اباوع عليج .بس بلسر وما جانت عندي اي نيه قذره مثل حيدر...وإنما جان قصدي اتكونين (حبيبتي، زوجتي، وأم لاطفالي) هذا الي ردته...ولمن اتزوجت بعد ما افصحت الج عن مشاعري.بلمستشفى جنت حيل خايف ومتردد جنت اباعج من الشباك واتأملج شلون نايمه ..وجنت حيل اتألم لمن اسمع بيج تتأوهين من ألمج.. وسويت كلشي ووعدت نفسي انُ اعالجج واطلع كل قدراتي الدراسيه وادرس أكثر لساعات طويله ..حتى اعالجج واخلصج من هل المرض ..والحمد لله الله ساعدني وما خيب امالي...وهاي انتي هسه كبالي ..وبعدج تشمين الهواء..ومكحل عيوني بيج..يانفسي من هل الدنيا.. بس تدرين شنو إلي قهرني أكثر شي هو كلبج وحبج وعقلج مو إلي(بدمعه نازله على خده) شكد اخذت على خاطري لمن بعد الزواج..وبليله الدخله سمعتها منج وشلون جنتي تبجين ومنقهره وجنت اشوفج شلون مجبوره عليه وكأن اني وحش واخذت كل حياتج واسرقتها منج..حسيت بوكتها باحساس كلش مقرف.. احساس بس الانسان إلي يحب من كل كلبه وصادق..ومتفائل وسعيد بان اخذ إلي يحبه..بس يجي ويكله اني احب واحد ثاني واني انجبرت عليك... هنا كل الطاقه وكل الحماس ينزاح من كل جسمي ويحل الخيبه والألم النفسي والكره..بس مو لحبيبه لا اله. اي لنفسه حيل يكوم يكره نفسه..ويسأل نفسه شنو الفرق بيني وبينه وليش ما حبني إلي هذا الي حسيته من سمعت منج ذيج الليله المفروض تكون اجمل ليله (وهو يمسح دموعه إلي جانت تنزل كلما يحجي كلمه معبره عن حزنه وقهره إلي عاشه من سنين ويه أكثر انسانه يحبها والي جانت ما تبادله الحب*) بس تدرين ما استسلمت. لا ضليت اكافح حتى اكسب هذا (وهو يأشر على كلبها ) اي حتى اكسبه واستوطن بي واصير مالكه...بس الضاهر ما راح اكدر يمكن ما جنت الشخص المناسب ال.. . حاطه ايديها على حلكه ما سامحتله بلحجي وهي تبجي بقهر ... بس بس كافي ..كافي تأذي نفسك وتنزل من قيمتك لوحده غبيه مثلي وحده ما قدرتك..وحده جانت جاهله وعميه عن الحقيقه.. اني اعرف اني اذيتك..وخليتك تنتضرني سنين بس والله مجان قصدي مجانت عندي نيه أذيه الك..تدري شكد كبرت بعيني لمن افصحت الك عن سري وانتَ تقبلتني..تدري ليش؟ لان انتَ رجال ،اي رجلي..إلي أسند بي ضهري رجلي إلي بقى صابر وياي سنين..ويتوجع ومتحمل..بس لانُ حبك إلي حقيقي مو مثل إلي حبيتها والي انطيته كل شي وتاليها هيج يجازي... انتَ رجلي ..انتَ قيمتك عندي كلش جبيره وكبرت بعد لمن رجعتلي روحي إلي وعافيتي..وصحتي بنتي..ولا مو بس هيج حبك إلي واحترامك ، وسترك إلي مستحيل انساه ومستحيل اتخيل اني اتركك وارجع لحيدر لا .. اني كل هل السنين إلي عشتها وياك ..وعيت وتعلمت منها وانفتحت بصيرتي ودركت الحقيقه وعرفت منو إلي يحبني صدك منو إلي سند ضهري ورجلي إلي افتخر بي واثق ..انته معلمي انته إلي علمتني ..واني اسفه على كل هل السنين إلي ضيعتها من شبابك علمودي... (كالتها رهف بدموع وفاصحه على كل إلي بكلبها حجي جانت ناويه تكوله لشاهين) ... كاسرين نهايه كلامهم وعتابهم بحضن مليان مشاعر مدفونه .. تحت انضار رنا وودق إلي رغم صدمتهن الا ان الفرحه غمرتهن....مقتربه رنا من ودق وحاضنتها وباجيه بقهر على حياه أمها وظلم أبوها الهم... مما سبب حقد بكلب ودق على حيدر ومتوعده اله ..... ..... بعد ما هدئوا قرر يكمل شاهين كلامه ويفصح كل إلي عرفه عن حيدر وشسوه حتى خلاه يكول الحقيقه.... . شاهين (بتنهد وهو لازم ايد رهف) طبعا هذا نصف الفيديو التكمله بهذا الفلاش وطبعا هذا الفلاش جان حيدر يكول بي ماخذ أوراق وملفات وجنسيات مالتكم وطبعا الملفات جان بيهن السند مال بيوتكم البيت إلي باربيل والشقه إلي ببغداد والقصر إلي بلانبار... وهمين الورقه إلي كاتبها رجل خالتي قبل لا يموت... وصيته..وشلون جان مقسم الورث عليكم... كلهن ماخذهن وضامهن عنده. بس لا تخافون راح اخلي وغصبن ما عليه يسلمهن ويرجعهن الجن... .. مقاطعته رنا بسوالها الذكي (بس ليش ابويه من اخذهن ما استعملهن يعني ليش ضامهن؟) راده عليها ودق : حبيبي انتي لان ذني الاوراق صقطن يعني البيتوت والقصور إلي كال عليهن شاهين كلهن فجروهن المريكان لان بوقتها جانوا الناس إلي تكره الحزبيه تروح تفشي للامريكان مكان الحزبيه من بيوت وقصور..فيضربوهن... ... ردت رنا زين لعد ابويه شستفاد لمن كعد يهدد بيهن ؟اذا هنَ ميسون.. .. رد عليها شاهين بوكتها الناس جانت طائفيه وخاصه الشيعه جانت حيل متأذايه من الحزبيه فابوج من هدد قصده انطي هذني الارواق والجناسي والملفات للناس ومن اكول الناس (يعني الفئه الارهابيه إلي تسمي نفسها اهل الدين اهل العمايم اهل العشائر ذوله إلي جانوا يموتون من السنه ...) افتهمتي...هسه ابوج شنو جان قصده... ... هزت راسها رنا بتفهم زين هسه السنين اتبدلت والناس اطورت والطائفيه قلت يعني ليش امي ما اجت بسنه ٢٠١٢ او ٢٠١٥ او ٢٠٢٠ وين جنتي يوم ليش ما اجيتي واخذتيني؟(كالتها وهي تباع على أمها بخيبه ) .. رهف وهي تحط ايديها على وجنات بتها (لان انهد حيلي لان تمرضت ووكعت وتكرمت وما خليت يوم و اني افكر بيج واتصل بي واحاول ولو شويه اقنعه..بس هو جان يحاربني هو جان يكلي مثل ما ابوج اذاني بزماني اني جاي ائذيج ببنتج وهددني بيج أكثر من مره اذا وصلتي لبيتي أو دكيتي الباب حسبيني ذابح بنتج..واني جنت حيل اخاف عليج....رنا ابوج ظلمني ..وهد حيلي بيج وبفراكج... .. ظلت رنا تبجي وتحقد أكثر بكلبها على إلي سواه ابوها الها ولامها وشلون جان ضالم بحقهم وفرقهم كل هل السنين... وشون هددها بيها انُ راح يذبحها اذا اقتربت من بيتهم ... وجانت متكدر تروح للشرطه أو للمحكمه تطلب بتها لان مجان عدها أوراق مال الزواج او حتى اذا طلب أو راحت وحللوا الden مالتها..فهو كللها اذبحج بنتج وما انطيها افتهمتي... وجانت تسأل عن السبب ..يكوللها مثل ما عدنان شوفني الويل اشوفج الانكس منه...وهو فراك بنتج جانت رهف بس تسمع أخبار عن بنتها من بعيد عن طريق زينه مرت اخوه لحيدر وهي طمنها على بنتها... وضلت رهف تتحسر وتتوسل بي ... .... لحد ما شاهين هو ودق قرروا ينتقمون بعد ما شافوا عذاب رهف وشلون جانت مهدود حيلها على بنتها.... ... يتبع.... . . . أحس اليوم البارت مو كلش حلو .. رايكم... باي...... النفسيه قبل الدوره اصير خرى ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
