شوقر مامي

سر جميل🤗بارت واحد

الساعه ١:١٣الضهر
رجعنا من السوك وجنت هلكانه من التعب والمشي من محل لمحل وطبعا
خالتي ما خلتني اشتري شي من الملابس إلي تعجبني والي ارتاح بيهن ....
بس اني اشرت لامي هناك وطنكرت بوجها وحذرتها اذا ما تشتريلي بلوفر اسود إلي من أول ما دخلت المحل وهل عليه مثل هلال العيد فحطيته ببالي وردته فاخذت امي على جنت وكلتلها
اريده واشرت عليه بس امي عاندت وكالتلي لا
فإني فكرت بشنو اقنعها أو بشنو اهددها
فاتذكرت على شنو احنه جايين هنا لاي مناسبه
اي صح* للشوفه الشرعيه *
هزيت برأسي ورحت وره خالتي بماانُ جايه ويانه حتى تساعدني والصراحه جانت خالتي ذوقها بلملابس كولش يهبل( على كولت الكويتي )😅
يعني صح اني ما احب هيج نوع من الملابس بس عجبني امانه وخاصه تنسيق الألوان ..
تقربت يم خالتي وهمست باذنها بدون لا تشوفني امي إلي جانت بعيده عنا
رنا: خاله خاله تعاي شويه اريدج بموضوع( بهمس)
رشا: ها خاله شرايده
رنا: احم ..احم الصراحه اني رايده اشتري شغله.. ( بتوتر خفيف)
رشا(بتبسم طفيف وعقده بين الحاجبين): اي ابشري شنو هي
رنا: اي الصراحه بلوفر الاسود ذاك كلش ببالي وحاجيت امي بس ما وافقت مدري ليش ؟
ادري يعني انتن من اشتريتلي كل هل الملابس الي من ذوقجن ولا خليتني اشتري براحتي قطعه وحده ولا اخذتن رأي حتى .
خليني على الأقل اخذ هذا بس والله ضل ببالي حسره وحيل بخاطري عفيه امانه....( بتوسل لطيف😣)
رشا: زين هسه راح احاجيها واحاول اقنعها بس ها اذا ما وافقت اني معليه تره ما اكدر اعاند امج اعذريني خالتو.
فكرت شلون اخليها تخليها توافق وتقنعلياها
رنا: لا شنو هل الحجي يعني هو مو اني العروس ولازم ادلع وما لازم يضل شي بخاطري وثاني شي اصلا ذني الفلوس ابوي انطانياهن إلي وكلي اشتري بيهن إلي يعجبج تره يعني من حقي والله هذا ظلم( طنكرت وضجت وسويت نفسي زعلانه واني ادعي تحن خالتي عليه )
انتبهت امي علينا واجتي يمنا
فاطمه: هاي شكاعدات تتهامسن وعايفاتني وحدي هنا ؟
( بشك وبرفعت حاجب)
ضلت وحده تباوع على اللُخه
واني ائشر لخالتي حتى تخليها توافق وتقنعلياها احجي احجي حبابه(بهمس وحركات من وره ضهر امي)
رشا: لا ما كو شي بس تعرفين ما دام رنا هسه عروس وعلى باب زواج وراح تتخطب وتصير ست بيت اني اريد اهديلها هديه بسيطه بمناسبه هل الشي اي خاله رناوي شرايده تشترين اكو شغله ببالج تريديها
متت من الفرح واني ائشر لخالتي بايديه وانطيها👍..
اندارت امي عليه وهي تباوعلي باستغراب
كلت
رنا: اي خالتي حبيبتي اريد ذاك البلوفر الاسود
رشا: من عيوني خويه بيش ذاك البلوفر الاسود ها اوك نزليا (وبينما خالتي راحت تتحاسب ويه الولد )
باعت عليه امي وكالت
فاطمه: أممم اشم ريحه اتفاق ويه خالتج
خاف انتي رحت كلتيلها وقنعتيها؟
( بنضره شك )
رنا: لا يمه اني شعليه هي حبت تهديني هديه بسيطه شكو بيها....
فاطمه: اي طبعا وانتي ما صدكتي خبر كبل اريد من ذاك البلوفر(وهي ترفعلي بحاجبها وتحرك بشفايفها )
رنا: أممم ...هههههه يمه الحياه فرص ولازم واحد ما يضيعها ويستغلها طبعا..( بكل ثقه كعدت احجيلها)
فاطمه: امشي امشي ياام فرص امشي كدامي خلي نولي للبيت كافي تعبت وجماله ورايه غده.....