شوقر مامي

انتقام بطريقه غير(الجزء الاول)

اتفاجأت ودق بكلام اختها ..
ودق(وعلامات الصدمه على تعابير وجها طاغيه )؛
شلون( اي )
رهف شداتحجين؟
يعني  ابويه شون مات؟ وشلون عرفتي؟
ومنين؟ وليش ماحجيتي..وشوكت؟
،،
(كالتها بعصبيه على اختها إلي جانت تبجي
بصمت، تحت انضار رنا المستغربه
والي مو اقل صدمه من ودق)
..
رد شاهين ممفهمهم على كل شي
.
شاهين (بوجه بارد):
اهدئي ودق ، الحل مو بلصياح
ثم اختج ما جانت تدري ، اني إلي كلتلها
اي هسه من جنتن ب الغرفه
افتحت  وياها هل الخبر..حتى تعرف شسوه حيدر من قذاره
وحتى تعرفون كلش زين ، ليش جان المرحوم ابوج يكرهَ...وخاصه رهف(وهو يتجه انضاره على رهف)..
حتى تعرفين النيه إلي جان ينويها الج يا رهف
نيه كلش وسخه..
واني ما جايب الحجي عليه
كرهاً أو غيرتاً
لا
اني جايب ادله .. اي نعم ادله
وهاي هي(مطلع من جيبه فلاش، وحاطه عن طريق الحاسوب وفاتحه)
بهذا الفلاش
راح تعرفون حقيقه حيدر
وشنو سوى...
.
.
انفتح الفيديو
وجان بي حيدر سكران وصاير طحين
بغرفه،
جان يحجي ويشرب ويركص
مثل المخبل
وساعه يبجي وساعه يضحك ..
وجانت كاعده يمه بنيه (بنت ليل)اسمها اسفهان(ايرانيه الاصل، بس تحجي عربي، وخاصه عراقي )
وجانت تسأله
اسفهان(بدلع وغندجه ): ههههه والله عليك سوالف يا حيدر ..تخربني ضحك والله
من زمان ماضاحكه هيج..هاك هاك اشرب بعد
وعيش ، يمعود هي الحياه مره وحده ..عيشها ويه الكحاب أشرف الك من الحب والخرابيط..
(جانت تصبله من الخمر وتنطي يشرب بلغصب
وتحاول دوخه وتسحب لسانه)
.
اي كتلي منو جابك لعدنا..هممم(وهي تغري بعيونها إلي جانت مكحله وعطرها الفواح )...
.
اتقرب منها وهو يتأملها ويضحك بخفه
حيدر (بسكر)؛
حازم .. اي حازم هو إلي انطاني فلوس
وكلي عيش حياتك
بس بشرط واحد هذا (وهو يأشر باصبعه ويضحك متذكر تفاصيل صغيره )
كلي اريد بنتك
تزوجني وحده من بناتك
ياهو منهن الجبيره اريدها ،
فإني فكرت اي
فكرت
بشنو ، اني اكلج، فكرت برنا
بنتي الغمه العار، ههههه
بنتي البجر مالي
الي اجتني مثل الهديه من الله
وطاحت على راسي
.
"مقاطعته اسفهان"
زين وانته من اجتك عاد شفت منها خير
لا ؟
.
اي شفت بس باول الايام
اما من كبرت الله كفيلج
ما شفت غير الهم والغم منها ..شكد جانت
فكر ..
"كايلها مقاطعها"
.
شلون ؟ طرحت السوال عليه وهي تصب العرك
.
اني اكلج شلون
القصه طويله دوخين ..
كايلها بعد ما صفن واتذكر الماضي ماله..
.
.
اي عادي شورانه احجيها
الصراحه أول ما طبيت وانتَ مبين مهموم
واني واجبي اونسك...فاحجي ياروحي
شنو إلي مضوجك ..والمخليك مهموم..
اشرب واحجيلي كلشي اريد
اسمع منك كل شي...
يلا ..هاك اشرب (وهي تشربَ بايدها )..
.
.
بعد ما شرب
صفن وبعدها ضحك باستهزاء..
حيدر:
السالفه طويله..
أول ما اجيت للدنيا واني فكر.. وامي مخلفه
فوكاي ٧ إخوان..
اي عندها ٣ ولد و٣ بنات واني ال٤ والاخير ...
مدرسه ما فلحت..
ولا حتى تجي على بالي دراسه..
جنت ٢٤ اطير طيور
وساقط ادور بنات ...واباوع على بنات الجيران ...ولمن وصلت بل١ متوسط
بطلت من المدرسه..
واخويه الجبير سجلني بلمنشأه...
وطبعا اني ردت أرفض بس سمعت بيها فلوس
فرضيت...
ما اطول عليج
..داومت ..ورحت بس
اكو جان فد واحد كواد
ابن كواد
هناك (عدنان ) اسمه
شكد اكرها وحاقد عليه ..ومن حقدي لعبت بي
وبنته طوبه، وكلتهم الخرى حشاج..
.
شلون؟(كايلتها بتسائل )
.
اي كلتي شلون
اني اكلج
هذا جان حيل مدمرني ، جان عنده كومه فلوس وشكد جان شايل خشمه
وواحد كحبه عوره
ويكره الشعي
وخاصه السيد
جان بس يدري بهذا شيعي ، يراوي الله 3d
واني جنت سيد وشيعي
فمن سمع بيَ، شد عداوه وياي
جان كل الشغل عليه
وجان ميخليني اكل براحتي..
وحتى يعاملني معامله العبد
جان حتى اهلي ما يخليني اروح اشوفهم
خو النوم هههه انسى شي اسمه نوم
جان بس يلكيني نايم يكفخني بجلاق
يكطع مصاريني تكطع من يضربني...
ومحد جان يكدر يحاجي ... الجبير بعد.
لحد ما اتحملت وتحملت
وفد يوم الله جابه صاحلي
وكلي روح للبيت وجيب منهم اكل وسوالف ...
فإني رحت ..
والله جابها بنته
طلعتلي بس شنو من بنيه حلقوم
جان بيضه وشكره وكيمر
..
اني هنا ضليت اباوع.. وكلت لازم اقشمرها..
ما اطول السالفه
وكعتها بشباكي ...
وكلتلها اله اوكل ابوج الخرى...
واطيح حضه...
(حبيتها/ مقاطعته بسوالها )
،
متنهد وصافن بعدها يفكر بذكراياته وياها وأيامه ، إلي كضاها ولياليها...
مجاوب
(لا )
مادري اذا جنت حابها أو لا ،بس
راح اكدر اكول اني حبيت جسمها
اي حبيت جسمها وفلوسها
وما حبيت غيرهن...لان الصراحه متستاهل
لان خانتني
.
(شلون؟سائلته)
.
تجيج السالفه...
.
استمرت العلاقة بينني وبينها
واطورت ، بس النغله
مجانت ترضى تنطيني يعني  اتنايج وياها...
جانت دوم ترفض وتتجبجب..
.
الا ان اقترحت عليها بيوم
ان اتقدم الها
وطبعا اني هنا راح اضرب عصفورين بحجر واحد
.
(شلون يعني؟).
.
اني اكلج
اتزوجها واصير مثلهم شخصيه جبيره وهيبه ومهندم ..
وهمين راح اكسر خشم أبوها واخلي  غصبن ما عليه يحترمني .. وراح احصل كل
جمالها وجسمها يعني كله إلي اشبع منها
وهم ورثها ...
شفتي شون جنت أخطط...
.
بس أبوها النغل رفض
لان جان يعرفني واحد طماع وسربوت
واكره هم..ولا شيعي وسيد وهو يموت من اسم الشيعه ...
.
ضليت اني اقشمر عليها
واسوي نفسي مظلوم  وأساس جنت حابها من كل كلبي واريدها إلي
فكلت الها اني راح انتحر وسويت نفسي ضايج ومنقهر..وجنا كل ما نلتقي
وبسر طبعا ..ابجي واتحسر كبالها ..اكسب عطفها...
لحد ما خليتها تتخبل وهم تتمرض عليَ
وجانت لا تاكل ولا تشرب
واني عادي عندي
اكل واشرب وانام براحتي(ذكر ،عار )
.
لحد ما يوم من الايام
اقترحت عليه موضوع
زواج عرفي .... واني ما صدكت
كبل وافقت لان حيل جنت مشتهيها....
وهم راح اطيح حضها وادعبلها على أبوها...وانكس شرفه بلكاع...
...
اتزوجتها وما خليت يوم واحد
بنفسي بيها
يعني ما يمر اسبوع الا واني نايم وياها
جنت حيل خدران على جسمها...
.
.
وره شهرين ،٣
حبلت وهنا اني ثبت عندي عيد
لان هذا الطفل راح يسعدني
ويخليني ازرب فلوس...
.
(شلون )
اني اكلج
هي من راح اتجيبه ،راح تنطي إلي
ليش؟ لان هي ما عدها احد يهتم بي غيري
وهمين ابني مكتوب باسمي ،جيناته مالتي
فمن يعرف أبوها راح اكيد يزوجها
إلي .. ويحاول يصلح غلطها..مو صح ..
.
رادت تذبه، بس رفضت
واختها سافرت وياها لاربيل
يعني اختها هم ساعدتني ...
وضلت هناك تكمل حملها....
.
بسنه ٢٠٠٢
اجتي وانطتها إلي
وكالت اجتك بنيه وسميتها (رنا)
اخذها امانه عندك واني
اطمن عليها عود ...
اني فرحت لان من وراها لرنا ، صرت العب
بل فلوس لعب
جنت كل اسبوع ادزلي درزن فلوس
واقشمر بيها
بنتج تريد حليب
بنتج تريد ملابس ،حفاضات، مريضه
جيبي فلوس ...وهكذا..
.
(زين من رباها انته شون كدرت ؟ )
مو اتزوجت
اي. جا شون .اضل بلا مره .
امي زوجتني لبنت خالتي (فاطمه)..
.
(شلون وافقت؟)
منو هي ؟
.
(رهف؟ شلون وافقت بزواجك)
.
عادي ..كلتلها ..اهلي جاي يلحون عليه
وامي مره جبيره وتريد من يساعدها وقشمرتها،
.
(زين ومرتك الجديده، شلون وافقت وشنو رده فعلها من عرفت واهلك شلون؟)
.
هواي تسأليني
انتي
بس ميخالف ، راح اجاوب،
بل نسبه لأهلي
فأني ابنهم الصغير
المدلل وامي جانت متقبل احد يحجي عليَ
حتى رزلت باخواني وخواتي
وكالتلهم
(مالكم دخل بابني ، اتبره منكم اذا سمعت واحد غالط وياها بحرف،)
اما مرتي
فجانت مجبوره انها تكعد وتنجب
عندي وما تطلك
لان جانت فكر وحاله اهلها كلش تعبانه
والمطلكه جانت عليها شبها
زين ...
.
ضليت تقريبا
سنه كامله من ٢٠٠٢ ل٢٠٠٣
واني اصرف وأخذ منها فلوس
لحد ما صار سقوط صدام
وهنا
أبوها شردها هي واهلها. وبقه وحده
وطبعا هي مريضه
جانت مريضه بلسرطان...
فهي اتصلت بيه...قبل يوم سفرها لسوريا..
طلبت مني رنا
بس اني رفضت
انطيها... وكتلها منو راح يربيها هناك وانتي مريضه واهلج ماعدهم علم بيها...
فضحكت عليها
بكلمتين.. و اني أبوها.. ومتعلق بيها وهل الخريط...
.
وره اسبوعين من سفرها
مدري شهر
اهنا هي اتصلت بي
وكالتلي هي هسه مخطوبه
لابن خالتها الدكتور ...
وجانت تبجي ومنقهره
وتتأسف...ويي هرمونات البنات عاد
.
اني هنا رزلتها وجنت حيل ضايج منها
.
(زين ليش ؟ يعني هي مجبوره ، وثاني شي
انته مو اتزوجت شو هي وافقت يعني منك حلال ومنها حرام)
.
ولج لا
اني ما انقهرت وضجت لسببين
الاول
هو راح يكيسها ويكيس جسمها المفروض بس اني اتمتع بي ...
وثانيا
ورثها وفلوسها ...
.
اهنا اني
ضجت وطكت رويحتي
سمعت بلصدفه ، أبوها لسه بلعراق
فهنا اني فكرت من حقدي
وكرهي اله
اني اكتله
واحرك المكان للي بي
بحجه الامريكان كتلوه...ومحد راح يعرف منو إلي كتله...
.
اتصلت بيها وره شي
٣ ايام
وكلتلها اني اعتذر وجنت منقهر
والضاهر مالنه قسمه بهل الحياه
بس اني احبج ، ورغم اني متزوج و اني هسه
راح تتزوجين راح تضل نفس علاقتنا
وكعدت اثرم براسها بصل...
لحد ما جريت لسانه شويه شويه
وسألتها عن أبوها
بحجه اطمن عن احوالهم.. وشلون عايشين..
.
دريت عن مكان أبوها
ورحت بليل
اني ووياي ٥ ربعي
.
(منو همَ تتذكرهم؟)
.
اي
جان حسين وكاظم وعلاء و
سعد وجواد، واني ...
.
(ذوله ربعك من المنطقه؟يعني
عايشين وياك )
.
اي نصهم من المنشأه والنص الثاني
جواريني....
.
(شسويت بذيج الليله؟ وشلون كتلته؟)
.
اني اكلج
دخلنا لمقره
المكتب إلي موجود ببيته...
وجان اكو مثل الغرفه السريه جوه بلكاع
يسموها اهل كبل (سرداب)
جان خاتل بيها ...
فدخلنا وكتلنا بلرصاص..
.
(شلون يعني مثلي الحادثه)
.
يعني دخلنا للمكتب وشفنا باب من الخشب
بيها قفل  فكسرنا الباب ..
بلطبر..
وبعدها كعدنا نرمي
ودخلنا وره شي فتره صغيره
وشفته
جان مصوب طلقه برجله وبطنه...
اتقدمت وضربته براسه و فضيت كل الطلق براسه.....
ومات
(كام يشرحلها بتمايل وشلون صارت الحادثه)
.
.
.
.
.
.
.
يتبع....
باجر التكمله
رايكم ....
.
.
.
(I love you)