شوقر مامي

تعريف 🍒

ونا: ينيه عمرها يجاوز ٢٠ سنه المفروض كليه سنه ثانيه بس القدر ما تشاء تكمل دراسه بسبب اهلها طبعا تركت الدراسه من جان عمرها ١٤ سنه بسبب أمها الحامل وهي أكبر اخوانها همه ٤ رنا الجبيرة زيد الوسط وبعدين تالا وزينب آخر العنقود أبوها بطلها مع العلم انها جانت شاطرة وكللها انتي اخرتج لرجال فمتحتاجين دراسه بلاول رنا كالت اي لان جانت طفله بس بعدين لمن كبرت بدت تدارك الغلط وتعلمت المراه سلاحها شهادتها والرجال ياذي المرأه وخاصه كمجتمع عربي بيوم من الايام اقترحت رنا على امها انوا تكمل دراستها عن طريق الخارجي أمها وافقت بس ابوها لا رنا ضاجت وضلت متحسرة ومتندمه على الماضي مالتها طبعا أبوها جان سايق تكسي وايضا صاحب خطوط وجانت دوما تسمع أبوها يحجي على البنات وشلون جاي يدرسن ويمتحنن فتغار وتكول اني مو احد عنهن ليش ميخليني اكمل دراسه نفسي اصير مدرسه كيمياء ومدرسه رياضه حلمها جان يحتاجله دراسه ومساعدة من الاهل فما لكت هذا الشي.
بسنه ٢٠٢١ تمرضت بيبيت رنا (أم امها) طبعا خال رنا زوجته مدرسه ففكرت رنا انها تحاجيها عن الدراسه وبلكت تقنع أمها وابوها على أن تدرس خارجي ويدخل خالها بلموضوع عسا ولعل فقترحت على امها هل الشي بس امها جانت رافضه لان تخاف من رجلها وهي جانت سبب دمار نفسيه رنا ما وكفت يم بتها ولا ساندتها حقدت رنا اكثر على اهلها حيل وتمنت تموت بل طريق وهم يمشون بل سيارة رنا جانت فكره دوديها وفكرة تجيبها تمنت تفتح باب السيارة وتنتحر بس لا نعلت الشيطان وكالت لا اكيد اكو امل وصلوا للبيت سلموا وكعدوا طبعا زوجه خالها اتعرفت على رنا لان من زمان ما شايفتها وكعدت بصفها كلتلها شنو الاخبار رنا من زمان ما شفتج أن شاء الله زينه ردت اي الحمد لله بس جذب ماجانت زينه ابد فكامت وجابتلهم الجاي فضلت رنا توز بعقلها فكره الدراسه وجانت فرصه انوا تحاجي زوجه خالها عن الدراسه وتقترح عليها المساعدة باعت أمها وابوها ملتهين بلحجي راحت للمطبخ على الخفي ودخلت على زوجه خالها وكالتلها .
رنا : خ خاله بصوت مرتبك بعد عده محاولات من الارتباك والحرب الفكريه إلي براسها
سحر (زوجه خالها ) نعم
رنا : ممكن احاجيج بموضوع مهم ياريت تسمعيني لان انتي املي الوحيد حبابه (تحاجيها وكلبها مكروص وخايفه ومرتبكه كومه)
سحر: تفضلي اكيد اساعدج شكو شصاير (كالتها وهي مصدومه وبوجه متسائل)
رنا: مو هنا لان حيل طويل بس اريد صفحتج على الماسنجر حتى اتواصل وياج
سحر؛ اكيد طبعا شسمج على الفيس ( وهي تفتح موبايلها )
رنا: Rana بلانكليزي
سحر: هذا .رنا: اي
بعد ما انطت طلب صداقه الها شكرت رنا سحر هواي وحمدت ربها انوا اكو امل. بعد ما رجعت للبيت فتحت الحساب وراسلتها وفهمتها انوا هي تريد تكمل دراسه وترجتها تساعدها وتقنع اهلها وخالها يفزعلها وافقت سحر وخلت رنا تخابر خالها وتكوله أن يساعدها ووافق وثاني يوم صادف ابوها بلطريق وفتح وياه الموضوع عن الدراسه وفهمه انو ليش ميخلي ولده يكملون دراسه مثل ولده والشهاده حلوه والخ بس الاب جان رافض الفكره ويكوله والله البنيه باجر عكبه تجي قسمتها والولد هم ازوجه وتفكير محصور بعادات وتقاليد اجدادنا وحيل منغلق.
سمعت الخبر رنا وحيل ادمرت نفسيا وذرة امل ماكو بعد بعقلها الا ان اقترحت سحر عليها اقتراح بس صعب شويه وهو انو تدرس بل سر عن اهلها عن طريق وحدة صديقتها هم مدرسه اسمها ودق مدرسه تدرس خصوصي لجميع المراحل فرحت رنا بس كالت الفلوس شلون وشلون ادرس واروح الها للبيت واهلي كلها جانت حواجز لرنا بس سحر حلتلها وكالت من ناحيه الفلوس ما الج دخل اني احاجيها الج وهي صديقتي متردلي طلب ثم اني ادرس ابن اختها ببلاش فأكيد ما راح تطلب منج فلوس وبالنسبه لاهلج ماكو غير بليل تدرسج من اهلج ينامون تروحين عدها تقريين وترجعين الفجر
فكرت رنا وكالت زين شلون اروح وارجع واني مااندل بيتهم كالتلها بسيطه خالج يجيبج وخالج يوديج زين.طبعا رنا بلاول ترددت بس بعدين كالت هي فرصه ومراح تجي ثانيه خلي اوافق ووافقت على طول وكالت اوك ان شاء الله خير

طبعا اكو جزء ثاني .......يتبع