نهايه الدوام
كانت قمر بغرفتها ونور واميره يراجعون اخر الملفات معها فواز وبندر تكفلو بمهمه انهم يشيكون على المرضى
نور : دكتوره عادي لو تطلعين معنا ؟
قمر رفعت راسها من الاوراق: وين ؟
قطع كلامهم دق الباب
قمر : ادخل
فتح الباب ودخل
سلمان: انتهى دوامك ؟
قمر : اي امرني استاذ
سلمان لاحظ وجود نور واميره: ولاشي كنت بتطمن ان كل شي بخير
قمر : اي كل شي بخير
طلع وسكر الباب وراه
نور بتنهيده: اهه رجل احلام كل البنات حلو ووسيم وغني
اميره ضربتها
نور استوعبت الكلام : اسفه مو قصد
قمر ضحكت على كلامها : يلا نطلع طيب لحظه
نور واميره التفتتو لها
قمر : وين تبون تروحون ؟
نور بتفكير: مدري نروح لمول اتوقع فيه كل شي قهوه وتسوق واكل
اميره: عادي بس بتصل على امي اطمنها
قمر : وانا ماعندي مشكله يلا نروح
اما برا الغرفه
اول ماسكر الغرفه انتبه لرامي اللي جاي بطريقه
سلمان بصوت خفيف : ابتعد عنها او رح استخدم اسلوب القانون معك
رامي ببتسامه: امم مالك شغل فيها
تركه رامي وراه ببتسامه مجنونه
بعد يومين
كانت طالعه من البيت برتباك وخوف بنفس الوقت
سلمان اللي كان واقف قدام الباب واستغرب ارتباكها انتبه لسياره رامي توقف عند الباب
سلمان مشى بتجاهه بغضب وكان بيتكلم
قمر ببتسامه : هلا حبيبي
رامي ابتسم بنتصار: يلا نروح للدوام
قمر : تمام بس لحظه
سلمان اللي كان واقف ومصدوم من اللي يصير قدامه ؟ ايش صاير وش حبيبي ؟
قمر التفتت لسلمان: استاذ سلمان فيه شي ؟
سلمان ناظرها بستحقار وتركها وراه
ركبت السياره وناظرته بكره وحقد
رامي : اووه تونا ببدايه المشوار بيبي لاتعصبين من اولها
قمر تنهدت وهي تلتفت وتتذكر قبل يومين
قبل يومين
بعد طلعتها مع البنات
رجعت للشقه وشافت رساله من رامي
رامي : نفس الصندوق بيوصلك مثله بس هالمره رح يكون قلب حقيقي من اقرب الاشخاص لك ابعدي عنهم ولاتتكلمين معهم ونفس ما اقول لك تسوين والا اتوقع تعرفين تصرفاتي واني ممكن اسوي اي شي مجنون
قمر حست بخوف وهي تشوف الرساله
من بعدها صارت تصرفات قمر للكل غريبه وخصوصا رجوعها مع رامي وكان ماشي صار
نرجع للواقع
سلمان دخل للبيت بغضب
مشاري استغرب : شفيك تطمنت على قمر
سلمان لف له بنفس العصبيه: لاتقول اسمها هنا فاهم وابعد عنها
مشاري انصدم: شصاير؟
سلمان: ولاشي بس اسمع اللي اقول لك عليه
مشاري ناظر بسلمان بستغراب
بالمستشفى
نور بقلق: لاحظتو ولا بس انا ؟
اميره: خايفه عليها
بندر: بروح لها انا كملو شغل
نادر وقف قدامه : ماتوقع يناسب انك تتكلم مع المشرفه عليك ولا ؟
فواز: دكتور نادر اعذرنا
سحبهم وراحو كلهم تاركين نادر وراهم
قمر اللي كانت واقفه ومعها الاوراق وواضح على وجهها علامات الارهاق
نادر : دكتوره قمر انتي بخير ؟
قمر رفعت راسها بسرحان: ها ؟
نادر تاكد انه فيه شي : انتي بخير
قمر اختل توازنها كان واقف مع عبدالله وانتبه لهم انتبه لها بس من الزعل والغضب اللي فيه تجاهلها وراح
بعد اسبوع
استمر رامي يضايق قمر بتصرفاته وكلامه سلمان اللي كل يوم يبعد عنها اكثر ويحس بالقرف من تصرفاتهم مشاري اللي للحين مو مستوعب اللي صاير ويحس ان الموضوع فيه شي طلاب قمر اللي يلاحظون تصرفات قمر المتغيره والقلق والتوتر والارهاق اللي صاير فيها
قمر بتعب واضح بصوتها: اليوم رح يكون الدوام طويل شوي
نور بقلق: دكتوره انتي بخير
سلمان فتح الباب بتسرع : دكتوره قمر فيه حاله خارجيه فيك تاخذينها ؟
قمر ناظرته لفتره صار له فتره طويله ماتكلم معها ماحبت ترفضه بنفس الوقت : اي عادي بندر ونور رح تروحون معي
سلمان: لا
قمر ناظرته بستغراب تنتظر تفسيره
سلمان : المريض يحتاج السريه فا ياليت تجين انتي بس
قمر ناظرتهم: بعد ساعتين تقدرون تطلعون
خذت كل شي يخصها لانها بعد ماتروح للمريض بتروح لبيتها راحت مع سلمان اللي طلب منها تروح معه
رامي اللي دخل الغرفه ماشافها وانتبه لنور
رامي: وين الدكتوره ؟
نور ناظرته بخوف: طلعت عندها مريض خارجي
رامي تجاهلها وطلع * رح ابتعد عنها هالكم يوم وبعدها نشوف كيف نرجع نستفزها *
بالطريق كانو ساكتين
وصلو لفيلا صغيره مقارنه بحي اللي ساكنين فيه
سلمان : يلا
قفل السياره ودخلو
قمر انتبهت للمكان اللي هادي
سلمان: تعالي
دخلت معه لغرفه بس كانت فاضيه بعد ناظرته بخوف
سلمان بعتب : لاتناظريني كذا مارح اسوي لك شي ارتاحي هنا
قمر : بس انا
سلمان : مابغى اتكلم كثير علشان كذا ارتاحي لما اجي
قمر جلست على السرير وناظرت الغرفه كم صار لها مانامت نوم متواصل كلها ساعه ساعتين وبقيه اليوم كانت يا تراجع الملفات يا تكون برا الشقه علشان ماتفكر مشاري من صارت الحادثه ماتكلمت معه ماحست بنفسها لما ارتاحت بالمكان ومددت نفسها بالسرير
رجع سلمان معه الاكل شوربه ورز ابيض حطها على الطاوله عدلت جلستها وناظرته
قمر : شكرا
سلمان لمس راسها وانتبه انها حاره: كم لك مانمتي عدل ؟
قمر بدت تاكل متهربه من سواله
سلمان : رح اتركك الحين بس اتمنى تصارحيني اذا صاير معك شي
قمر : ماصاير شي
سلمان تركها وراح يجيب العلاجات بعد ماخلصت اكل حط لها العلاج بالطاوله كلتها كلها ووقفت بتطلع
سلمان: نامي هنا البيت حقي مارح يوصل لك احد هنا
قمر رجعت لبرودها : لازم ارجع رامي بيجي يتطمن علي
سلمان فتح عيونه بغضب بس ماتكلم
قمر : سلمان بعد
سلمان : مارح ابعد ورامي من اليوم مارح تشوفينه مو كنتي تكرهينه شصار ورجعتي تحبينه وتهتمين له
قمر ابتسمت : اي احبه واعشقه بعد عندك اعتراض ؟
سلمان انصدم: كنتي طول الوقت اللي راح تكذبين ؟
قمر : فيك تقول كذا وبعدين ليه تهتم
سلمان قرب منها وكان بيتكلم : رح اوصلك
قمر: مايحتاج باخذ تكسي وارجع شقتي شكرا لك لتصرفك
تركته وراها
بعد يومين
نور بخوف: الدكتوره ماترد لها يومين
سلمان كان مار وسمعهم
بندر : من بعد زياره المريض ماعاد نعرف عنها شي
نور : ودكتور رامي مريض حتى تصرفاته مريضه
فواز : تتوقعون سوا فيها شي ؟
اميره : نروح لها ؟
سلمان: كملو شغلكم
الكل التفت عليه : استاذ
سلمان تجاهلهم وراح على طول لبيت قمر
دق الباب لفتره ماسمع رد يعرف الباسوررد للباب بس كان متردد بس يومين ويتصل جوالها مغلق بنفس الوقت ماترد على دق الباب فتحه قبل يدخل ويشوف الشقه فاضيه فتح اول غرفه ماكانت موجوده ثاني غرفه بعد كانت فاضيه الثالثه كانت طايحه بالارض وواضح مغمى عليها حرارتها مرتفعه شالها وحطها على السرير بعد ماتصرف بشكل سريع ناظر الغرفه اللي كانت معفوسه ومكسر كم شي بداخلها رتب الغرفه
دق جواله
مشاري: الو سلمان
سلمان طلع من غرفتها للصاله علشان مايزعجها : هلا
مشاري : سلمان تكفى خلني اكلمها
سلمان ناظر الغرفه: صاير شي
مشاري تنهد: سلمان انا اصدق قمر بكرهها واحس ان في السالفه موضوع
سلمان : انا عندها الحين مريضه بشقتها وماحد كان يعرف عنها شي
مشاري بخوف: صدق وكيفها الحين ؟
سلمان : بخيربس اسمع انتبه لرامي اذا جاء بلغني تمام
مشاري: تمام اهتم فيها ولو صحت لاتقسى عليها
سلمان سكر من مشاري * ليه واثق فيها لها الدرجه ليه تصدق انها مالها ذنب تصرفاتها وبسمتها له وكلامها معه * ليه افكر فيها رح انتظر لما تصحى واطلع
اهليييييين كيف البارت معكم ♥️🌝وايش توقعاتكم للجاي
