بعد ما انتهت من تزيين والبس طلعت مع مشاري تشارلز كان بالسياره ينتظرها بس خلصت اخذها وراحو
مشاري ابتسم : اووه سلمان بينجن بس مو المفروض نقول لقمر ؟
هادي اللي كان واقف بجنبه: لو قلنا لها بتزعل ومانعرف كيف نرضيها فا علشان كذا نتركها ونحاول نصلح الامور بطريقتنا
مشاري رفع كتفه بستسلام : اللي تشوفه
بعيد عنهم
نور : اميره انتي كلمتي اهلك ؟
اميره: اي كلمت امي وقلت لها عن وظيفه الدكتوره ووافقت ليه ماوافقت امك؟
نور تنهدت بضيق : لا مو راضيه تقول بعيد واني بكون بروحي
اميره: اوه ليه كذا طيب فيه خيارات افضل
نور : هي تمون على امك قولي لها تتكلم معها !
اميره : بكلم امي وبالمره نكون سوا افضل لان فواز وبندر بيروحون بعد كم يوم
نور بحلطمه : اووه حتى حبيبي بيروح وانا هنا لييه
اميره ضحكت عليها : بتروحين بعدين له بتكلم مع امي
نور ضمت اميره: اخخ شكرررا مره
بمكان ثاني
فواز: طيب وايش الخطه الحين ؟
بندر: طلبت من جو يدور لنا شقه واسعه حلوه تكفينا انا وياك
فواز : طيب ؟
بندر: ورفض بحكم ان بيته كبير وواسع ويكفيناا بما انه عايش لحاله
فواز تنهد : بيجلس يحط لك قوانين ولاتروح ولاتسوي ولاتفعل بندر ياتدبر وضعنا
بندر بمحاوله باصلاح الامور: شوف نجرب لفتره نبقى عنده اذا ناسبك ولا اول٣ شهور بيكون الدفع علي للشقه الجديده
فواز بحماس للفكره : تمم
نرجع لقمر بوقت العشاء
تشارلز : طيب وايش قررتي تسوين ؟
قمر: ولاشي للحين افكر بس قال لي جو انه رح ياخذهم يسكنون عنده مدري ليه اصراره على هالموضوع
تشارلز : كذا افضل لهم
بعد انتهئهم من العشاء وقفو بيطلعون تفاجئت قممر من وجود سلمان بنفس المكان بس تجاهلته وهي تمشي بتجاه الباب
سلمان وقف بوجهها: ابي اتكلم معك
قمر: ماتوقع فيه كلام بينا
سلمان: الا فيه وكلام كثيير بعد
قمر رفعت نظرها له: متاكد بس انا اشوف ان مافي اي علاقه تربطني فيك علشان كذا مارح اتعب نفسي واسمعك
سلمان ناظر بتشارلز بكره: اجل فاضيه تكونين معه وتقررين ترتبطين فيه وانتي عارفه عن مشاعري
قمر انصدمت من كلامه ارتباط ؟ ومشاعر شصاير ؟: لاتتعدى حدودك بالكلام وممكن تبعد
سلمان بنفعال: احبك اي انا احبك
قمر انصدمت وجمدت اطرافها لما سمعته بعد فتره حاولت تثقل وتكون هاديه: المكان مو مناسب لمثل هالكلام
سلمان: خلينا نطلع نتكلم بمكان ثاني طيب
تشارلز تنهد قبل يتكلم معها بهمس: تقدرين تروحين معه بروح لمشوار قريب قبل ارجع البيت
قمر مسكت يده: بس !
تشارلز قرب اكثر وهمس لها: هادي بيكون حولك لاتخافين
قمر ابتسمت له بحب : شكرا
سلمان كان يحترق داخله بسبب وجود تشارلز حول قمر بشكل مستمر بس طلعو وركبت بالسياره الخاصه فيهم وتوجهو مكان بعيد وهادي
قمر : تقدر تتكلم !
سلمان ؛ احبك
قمر: وانا ماقدر اقبل هالحب اعتذر منك
سلمان : بسبب انك رح ترتبطين بتشارلز ؟
قمر : ارتبط فيه انت من اليوم تقول ارتباط وارتباط انت تعرف من يكون تشارلز علشان تقول مثل هالكلام ؟
سلمان: يقرب لك وتعرف عليك بعد هالمده وبيتزوجك
قمر: يقرب لي صح وتعرف علي صح لاني اشيه زوجته اللي هي خالتي
سلمان انصدم وماقدر يقول شي لفتره: زوج خالتك ؟
قمر: اي زوج خالتي تشارلز
سلمان: بس ماقال لي عن اي شي يخص هالموضوع
قمر بجديه: مو لازم يقول لك شي عن هالموضوع وبعدين ارتباطي فيك مو موجود بقائمتي لان بقلبي شخص ثاني
وحتى ولو ماكان بحياتي شخص ثاني انا مستحيل ارتبط بانسان يتعامل معي بهالطريقه يعصب ويغار ومايسمع مني الشخص اللي اتمناه يكون متفهم يسمعني مايحكم على الشي من النظر
سلمان صدمه كلامها وخصوصا بقلبي شخص ثاني ؟؟ من بيكون هالشخص كان كل تفكير سلمان من بيكون هالشخص اللي بقلبها
قمر: انا اسفه اني برفضك واتوقع انك عرفت حكايتي فا اتمنى ماتستمر تبعد مشاري عني حتى لو لكلام لان مشاري بالنسبه لي اخوي مثل حمد
سلمان: بحياتك شخص ثاني ؟
قمر عقدت حواجبها : كل الكلام اللي قلته لك واخر شي تقول لي بحياتك شخص ثاني اي موجود بحياتي وما احد يعرف عنه وهذا افضل لي وله لان ماتوقع بيكون حي بسببك
سلمان فتح عيونه بوسع: شقصدك اني ممكن اسوي فيه شي
قمر رفعت يدها لرقبتها: مانسيت كيف مسكتني وحاولت انك تخنقني ماكنت متفهم لي ولا تسمع لي
سلمان وقف : اعتذر لك وانسي كل اللي قلته لك
هادي كان مصدوم من كل اللي صار توقع انهم بيكونون لبعض وبيستمرون ؟ ايش صار كان هذا التساؤل الوحيد اللي بباله
اما قمر اللي وقفت هي الثانيه وتوجهت للسياره وعطته العنوان اللي قاصدته طلعت علاقه المفاتيح وبينهم مفتاح فتحت الباب قبل تدخل وتجلس بتعب كانت متوقع تشارلز يجيها باي وقت وخصوصا للعنوان هذا بما انها غيرت مكانها من بيتها فا دخلت تبدل وطلعت لدراجتها ركبتها قبل تنطلق فيها
الساعه ٩ الليل
رجعت للبيت اخيرا كان جالس داخل
قمر: تشارلز ؟
تشارلز اللي كان يخلص الاوراق الي بيده: جيتي ؟ وين كنتي
قمر : متضايقه وطلعت
تشارلز انتبه لعلامات الارهاق والتعب بوجهها: خذي لك دش دافي بسوي لك مشروب وتحكين لي اللي صار معك
بعد ماخلصت لبست فستان مريح للبيت ورفعت شعرها بطريقه فوضويه هي دايم كانت تحس بشعور غريب لتشارلز خصوصا انه يهتم فيها وجالس يعوضها عن ايامها اللي راحت بعد معرفتها بانه يكون قرييب لها هذا الشي بحد ذاته خلتها تحس بالراحه لما تتكلم معه وانها متطمنه كثير له طلعت من غرفتها للصاله وشافته جالس ومشروبين قدامه كان عصير جلست بجنبه وسندت راسها على كتفه اللي كان عريض وكبير بالنسبه لصغر حجمها عنده
تشارلز حس ان اللي صار معها مو شي عادي او كويس علشان كذا سكت ينتظرها تتكلم
قمر: رفضته وقلت له ان بقلبي شخص ثاني !
تشارلز انصدم لردت الفعل اللي سوتها: بس انتي تحبينه ؟
قمر: ما احبه تعامله معي واسلوبه بديت اكرهه سيطرته وغيرته الغير مبرره تخوفني منه كيف لما اكون عايشه معه تسرعه بانه ياخذ موقف من تصرف بس او من نظر بس هالشي مضايقني كثير
تشارلز : ومن الشخص الثاني !
قمر تنهدت : ماقدر اقول لكم عنه لما يكون جاهز
تشارلز استغرب لان كلامها فعلا يدل ان فيه شخص ثاني
بهالوقت دخل هادي اللي دق الباب وسمع صوت تشارلز يسمح له بالدخول
دخل هادي وشافهم جالسين قمر رفعت نظرها له : وين كنتي لي وقت طويل ادورك
قمر اشرت على دراجتها لان الجزء اللي كانت فيه زجاجي : كنت طالعه ارتب افكاري
هادي : ليه سويتي كذا ؟
قمر: انا حره
هادي استسلم من تصرفاتها الغريبه واللي كل يوم بمود مختلف
قمر وكانها تذكرت وبحماس : صصح طلابي بيجون بكرا وبيبدون الشغل معي بعد بكرا احس اني مره مبسوطه
تشارلز حاوط يده على كتفها وابتسم لها: واي احد منهم جاي ؟
قمر : فواز وبندر بيجون
تشارلز: صدق اجل يحتاج نسوي لهم عزيمه خاصه
قمر بنفي : لا انا كنت مخططه اسويها لما يجون البنات سوا خصوصا بعد ارتباط نور وفواز ببعض
هادي اللي كان يراقبهم بصمت: كل البنات بيجون ؟
قمر التفتت له : اي اميره ونور بس بيجلسون كم يوم ويجون بعدها
تشارلز: وخلاص قررتي انهم يسكنون عندك ؟
قمر: اي لما يكونون بخير وبعدين هادي انت مارح ترجع لدوامك ؟
هادي : استقلت وصرت مع تشارلز
قمر لفت لتشارلز : صدق ليه توني ادري ؟ وانا اقول هادي طول هنا معقول ماعاد يبي وظيفته
هادي ابتسم لها: فيك تقولين وقفت شغلي لوقت ثاني خصوصا ان خبراتي مطلوبه فا باي وقت اقدر اقدم وارجع للشغل
قمر: اها
مر يوم كامل
بالليل كانت بالبيت جالسه ترتب كم شي لان بكرا بيبدون دوام فواز وبندر بدت تعدل دق جوالها رقم غريب ردت
قمر : الو
الطرف الثاني : قمر ال**
قمر : اي نعم من ؟
الطرف الثاني: احنا مستشفى ال** انتي الوصيه على المريض حمد ال ** صح ؟
قمر خافت ونزلت الورق اللي بيدها: اي ليه فيه شي ؟
الطرف الثاني : ان شاء الله مافي بس في جراحه محتاجها بشكل مستعجل ونحتاج توقيع من الوصي الخاص فيه تقدرين تجين ؟
قمر وقفت بتسرع: يبغى لي يوم بالضبط بيكون بخير بوقتها ؟
الطرف الثاني: اي الحين هو منوم
قمر : تمام
اتصلت بتشارلز على طول رجفت يدها ماوقفت : تشارلز
تشارلز عقد حواجبه من نبره الصوت : وش صاير ؟ ليه صوتك كذا
قمر: ابغى اسافر لحمد باسرع وقت
تشارلز : صاير شي
قمر : انا الوصيه عليه ويقولون انه يحتاج التوقيع والا مايدخل للعمليه وضروري اكون هناك خلال يوم ممكن اخذ طياره ؟
تشارلز : برسل لك السائق انتي جهزي نفسك واشيائك يمكن تضطرين تجلسين هناك اكثر من يوم
قمر : تمام شكرا لك
رتبت وجهزت اشيائها بالطياره كانت هي وهادي
هادي : لاتخافين بيكون بخير
قمر اومئت : اتمنى
هادي : اول مره يتصلون عليك ؟
قمر بتعب واضح عليها وبملامحها: اي
انتهى البارت قبل الاخير 🤍🥺 توقعاتكم للجاي ؟
