بعد انتهاء الدوام
كانت برا واقفه تنتظره استغربت تاخره مع انها قالت له وماعمره تاخر عليها بموعد او وقت حددوه
تنهدت وهي تجلس على الكرسي اما من جهه ثانيه كان رايح للمستشفى وانتبه لها جالسه برا كان بيتقدم لها بس وقف لما شاف سياراتها ؟ فيها شخص ؟ مشاري قال لي انها لحالها بس من يكون هذا الشخص
تحركت السياره واختفت من قدامه اما هو نزل من السياره وتوجه لداخل المستشفى
بالسياره
قمر: تاخرت كنت متوقعه صار لك شي
ابتسم: لا ماصار شي بس كنت اسوي اجراءات الخروج بس
قمر : ايش ؟
حمد: يعني مافيه اي فندق او شي قريب من مكان سكنك ؟
قمر بحلطمه: وبعدين يعني كل مره بقول لك
حمد عرف الموال اللي رح يجيه: تمام تمام خلاص
قمر ضحكت عليه : اي كذا خليك
وصلو للشقه
قمر انتبهت لشنطه حمد : بس وحده ؟
حمد انحرج: اي تعرفين بعد مارح اطول لازم ارجع دوامي بجلس هنا كم يوم واروح
قمر ابتسمت: تمام يلا نروح
مشاري اللي كان جالس برا وانتبه لقمر مع الشخص اللي نزل من سيارتها عقد حواجبه بستنكار بس هذا مو اي شخص معه شنطه بعد ليه ؟
قرر انه ياجل سواله لبعدين
عند قمر فتحت الشقه
انصدم حمد : كبيره ؟
قمر ضحكت وهي تاخذه بجوله داخل الشقه : متوقع بعزمك تسكن عندي وشقتي صغيره قدامك ٣ غرف غير غرفتي طبعا وعندك صالتين بس انا احب اجلس هنا لانو فيه التلفزيون اللي داخل مصممتها للقراءه والصاله
حمد كان معجب بالذوق والالوان الهاديه وترتيب المكان ونظافته ابتسم قبل يتسوعب شي : انتي رح تستقرين هنا ؟
قمر رفعت كتفها: مدري حاولت ابعد كثيير عنه واتمنى يكون هالشي يفيد واني اكون مرتاحه لاني حبيت المكان هنا حسيت انه يخصني حسيت بشعور غريب بالراحه
حمد ابتسم بحنيه وهو يشوفها كذا
قمر: يلا بدل وتعال نطلع نتعشاء تمام ؟
حمد: تمام بس اي
قمر: شوف هذي الغرفه نفس غرفتي كبيره تقدر تاخذها
حمد ابتسم: اووك اجل عجبتني
بعد فتره طلع لابس متعطر وكان شكله جنتل
قمر بتفاجئ: اوووه لاتقول بتروح معي كذا
حمد بستغراب: ليه فيه شي غلط ؟
قمر وقفت: كيف بمشي معك وانت بكل هالشياكه اتوقع ان الكل بينعجب فيك وانا ايش دوري
حمد ضحك عليها : دورك تروحي وتكشخي وتطلعي مثلي لدرجه ان الكل بينعجب فيك او رح يظنون انك بنتي
قمر عطته نظره على اخر كلمه: خليك ساكت احسن
دخلت للغرفه وحطت ميك اب ناعم وحلو رفعت شعرها بشكل ذيل الفرس اللي كان طويل بس اغلب وقتها تلفه ومو واضح طوله طلعت عبايه سودا مزخرفه بالابيض فخمه وناعمه بنفس الوقت رشت عطر خفيف ولبست بوت بكعب ابيض ناعم قفلت انوار الغرفه وطلعت ببتسامه لفت حول نفسها
قمر باعجاب: ها كيف ؟
حمد صفر : لا انا واثق ان الخيار الثاني هو اللي صح
قمر ماردت عليه رتبت المكان وخذت بوكها مع منديل وحطته بالشنطه خذت مفتاح الشقه
قمر: يلا
حمد: يلا خذي
مد لها مفتاح السياره بس تجاهلته وطلعت من الشقه
قمر: تعبت من اني اسوق خلي لك فايده وصير سايقي
حمد ابتسم : على الاقل قولي ماقدر اسوق وانت موجود
قمر ابتسمت: كلها واحد
حمد تنهد بستسلام
نزلو اما مشاري اللي كان واقف مع سلمان انتبهو لهم يطلعون من الشقق وكل واحد بشياكته وكانو حلوين
مشاري حس بضيق طول ال٣ اسابيع بس ماتكلمت عن هالشخص واول مره اشوفه
قمر تذكرت قبل تركب السياره وارسلت لمشاري : اسفه اليوم يمكن مالتقيت فيك بس رح اتكلم معك بكرا الصباح بس تجهز فطوري * فيس ابتسامه*
مشاري وصلته الرساله هي ماشافته ولا انتبهت له بس شعور انها ارسلت له وتطمنت عليه يحسسه بالاطمئنان
طلعو للمول ونظرات الكل لهم كانت غريبه واللي يناظرهم باعجاب
قمر ضحكت: قبل تهمس : اقول حمد
حمد : عارف وش بتقولين
قمر ضحكت : كويس تفهمني بدون ما اتكلم
حمد: قلت لك بتاخذين عقلهم
قمر : ليه مو احنا الثنين كبلز زي مايقولون
حمد عطاها نظره: كبلز اجل ؟
قمر ابتسمت له ببراءه
بنفس المول كانو يمشون هي وصاحبتها بالتمريض انصدمت لما شافت قمر
نور بهمس : بنت اميره شوفي بسرعه
اميره اللي كانت مشغوله بالجوال رفعت راسها تشوف مين تقصد نور وشهقت بخفيف: مو هذا نفسه اللي اليوم وامس ؟
نور بتعجب: الا هو بس كيف وصلو لبعض وصارو بهالقرب انا لازم اصور بقروب الدوام
اميره ضحكت : انتي لازم تشاركينهم هالسوالف ؟
نور ابتسمت: لازم ولا ماكون مرتاحه
اميره تركتها وانتبهت للرساله وشافت صوره قمر وحمد بجنب بعض
فواز رد بفيس قلوب : من هالمز ؟
نور حط فيس بنظره: هذي دكتوره قمر مع اللي الصباح ركز وتعرفه
بندر بصدمه: اماااااا هذي دكتوره قمر شكلها غير وصايره كثير حلوه
اميره تنهدت منهم : اعقلو اكيد لها حياتها الخاصه مالنا دخل فيها
بعد يومين يوم الثلاثاء كان وقت دوام الدكاتره الجدد
قمر اللي خذت اليوم اجازه علشان تودع حمد
قمر بحلطمه: يعني مو ناوي تجلس ؟
حمد لف لها: شوفي انا هذي المره المليون اللي رح اقول لك اتوقع بس بقول لك لازم اروح عندي وظيفه بس يجيني نقل بجيك على طول تمام اختي الحلوه؟
قمر تنهدت: تمام امري لله
حمد: وبعدين ليه جالسه عندي الحين ليه مو مداومه ؟
قمر : انا اللي بوصلك المطار
حمد رفع حاجبه: بامر مين
قمر: امري يلا انتظرك بالسياره
بعد مارجعت من توصيل حمد انتبهت لمشاري واقف وباين انه زعلان قربت منه
قمر: مشاري شصاير ؟
مشاري بضيق : ولاشي
قمر جلست بجنبه: قول ترا اعرفك
مشاري : اتركيني مني من الشخص اللي كان عندك
قمر شبكت يدينها وابتسمت بتنهيده: هذا اخوي من الرضاعه صح مو من امي وابوي بس يكفي شعور انه بجنبك احد وبعدين انت اخوي الثاني اذا متاضيق منه
مشاري: لا مو منه صار لي موقف اليوم مع طبيب توه متوظف كان يتكلم عنك بانك ملكه وانه لازم يتاكد منك زعلت وتكلمت معه بس سلمان ماسمح لي
قمر بشك: انت ليه رايح المستشفى وانا مو فيه اصلا ؟ فيك شي يالمك شي
مشاري هز راسه بنفي: بس انا ماقدر اخبي عنك اكثر هذا مستشفى يخص اخوي سلمان بس والله والله مالي دخل بتوظيفك وقبولك
قمر ببتسامه: عارفه والا كانو مارح يسوون مقابله
مشاري ابتسم: يب كذا
قمر: طيب وماعرفت من هالشخص ؟
مشاري هز راسه بنفي : دكتور جديد اسمه رامي
قمر حست بخوف ماتدري ليه نفس الاسم بس ممكن غير الشخص ؟
ابتسمت تحاول تغير جو مشاري : يلا طيب انت معزوم اليوم على العشاء تمام
مشاري : تمامم موافق
راحت تاركته دخلت للشقه وفتحت قروب الدوام الخاص بمتدربينها : السلام عليكم
اليوم رح يكون عندكم مراجعه للمرضى بس وتقدرون تنهون دوامكم بدري الساعه٣
نور بفيس يبكي : شكرررررا دكتوره
فواز بضحكه : اتوقع الموقف الوحيد اللي كويس بيومي شكرا
بندر : شكرا دكتوره
اميره : دكتوره عسى مافيك شي غايبه
قمر ابتسمت وهي تشوف تعليقتهم حست ان بينهم مكس رهيب وحلو علشان كذا وافقت: لا بس كان لازم اودع احد بيسافر
نور التفتت على بندر : معقول هو نفسه الشخص
بندر رفع كتفه بستغراب: مدري يمكن
رامي بغضب: المرضى بكل مكان وانتو جالسين تسولفون وماخذين الوضع لعب
بندر وقف بوجهه: اعذرنا دكتور بس الدكتوره المسووله عننا عطتنا اولوليات نهتم فيها
التفت لاميره اللي مشت معه
بندر بحلطمه: من وين جاي ذا كريهه مره ماتوقع ممكن احد يتقبله
اميره التفت على رامي اللي يناظرهم بشر : بس احنا لا م نسال الدكتوره قمر ولا ؟
ارسلت بالقروب
اميره: دكتوره عل ممكن ننفذ مهمات دكتور ثاني !
قمر اللي كانت ناويه تطلع تشتغل بكوفي بس اول ماشافت رساله اميره تنهدت وراحت بدلت للبس يناسب المستشفى لانها قررت تروح
قمر بتوضيح: ممكن اطلب منكم طلب ؟
الكل : تفضلي . اكيد . ايش
قمر: رح اجي للدوام وبالنسبه لخروجكم يناسبكم اذا تاجل ساعتين ؟
الكل وافق بدلت ثيابها وطلعت رافعه شعرها وحاطه ميك اب خفيف ناعم وردي كانت خطتها كوفي بس تغيرت الخطه طلعت وركبت السياره مشاري اللي استغرب الساعه كانت ٥ العصر ولابسه للمستشفى بتروح ؟؟
وقفها وسالها
قمر: اي لازم اروح اتوقع اللي مضايقك الصبح صار يضايق متدربيني ولازم اروح اشرف عليهم
مشاري بتوتر : اروح معك ؟
قمر ابتسمت له: مايحتاج بكون بخير
تركها تروح وقفت تاخذ لها كوفي وتوجهة للمستشفى اما عند مشاري
ارسل لسلمان
مشاري : سلمان وينك !
سلمان : بالمستشفى عندي اوراق اوقعها فيك شي ؟ بطلع بعد شوي
مشاري : لا لاتطلع خليك اسمع قمر بتداوم اليوم في دكتور عندكم توه داوم اليوم واتوقع ناوي شر من تصرفاته وهي بتداوم علشان مايتعرض لمتدربينها
سلمان: تمام ولايهمك
سكر جواله وهو يتنهد من من اللجدد اللي مسبب هالفوضى
قمر دخلت للمستشفى ماشافت احد من المتدربين ال٤ مشت بالممرات وسمعت صوت صراخ بالممر استغربت بس توجهة للمكان بنفس المكان
كانو ال ٤ واقفين ورامي مقابلهم
رامي بغرور وغضب: اسمكم متدربين ممرضين من قال انكم تمشون تحت اوامر شخص واحد المرضى بالمستشفى بكل مكان محتاجين رعايه
قمر مشت بتجاهه وبثقه وكبرياء: دكتور رامي المتدربين تحت اشرافي مالك حق تتدخل بتدربهم او انك تتدخل بعملهم
انصدم رامي :قمر ؟
قمر التفتت للمتدربين : فيكم تروحون لغرفتي بجي الحين
الكل اومئ وراحو
بالطريق
نور: احس انه يعرفها ولا مارح ينصدم هالصدمه
اميره: قلت لك لاتتدخلين وتندمين بعدين خليك برا مواضيع
بندر: بس اخيرا بنرتاح من اوامره
فواز بتفكير : قطعت اجازتها وجات علشاننا علشان مانتئذى من ذا رامي
عند قمر
قمر: انت هنا طبيب مثلي اتمنى ماتدخل الحياه الشخصيه او سلطتك بانك تتحكم بمتدربيني
رامي ابتسم بعدم تصديق : قمر ؟
قمر تركته ماشيه لمكتبها : اتمنى تعاملنا يكون كزملاء بس
مشت
رامي مسك يدها بقوه ساحبها له : انتظري للحين ماخلصنا كلامنا
قمر ضربت يده وبغضب : تمد يدك مره ثانيه رح تتحاسب بالشرطه مو هنا
تركته وهو للحين مو مستوعب : هذي قمر اللي كانت مستحيل ترفع صوتها ومستحيل تتكلم بهالطريقه مستحيل لاشياء كثيره انها تسويها ؟
اما بالمكتب فتحت الباب وهي تتنهد
وقفو كلهم اول مادخلت
قمر ابتسمت بارهاق : ارتاحو
جلست على مكتبها وتذكرت ان قهوتها طاحت بالارض وهي تتكلم معه ابتسمت لهم: شرايكم بعد الدوام نطلع لكوفي ؟
نور وفواز بصوت واحد : كلنا ؟
قمر ضحكت: اي كلنا
الكل وافق وماعنده اي مشكله
قمر: بالنسبه للدكتور رامي يمكن من اليوم تستمر مضايقته لكم بس يصير اي تصرف تعالو لي وانا رح اتصرف بطريقتي تمام ؟
عند سلمان
عبدالله: انت تتكلم من كل عقلك ؟
سلمان: والله رح اترك له فرصه اسبوع اذا شفت تصرفاته زادت رح اطرده
اما اللي كان وراء الباب ويسمعهم ابتسم بجنون: تبون تبعدوني عنها مستحيل
قمر اللي كانت بمكتبها تجهز للمرضى نسب علاجهم سمعت صوت الباب : ادخل
فتح الباب ودخل بشويش : عذرا للازعاج
قمر : تفضل بندر شفيك ؟
بندر تقدم منها وجلس : امم عندي سوال بس يعتبر خاص بحياتك
قمر ابتسمت: اذا اقدر اجاوب رح اجاوب عليه لاتخاف
بندر: انتي تعرفين الدكتور رامي ؟
قمر: اي كان طبيب معي قبل سنه وقبل حتى انقل لهنا
بندر: يضايقك ؟ اذا يضايقك قولي لي وانا رح اساعدك
قمر ابتسمت لان هي بدورها ماتبي تدخلهم بهالسوالف : لا مايحتاج بس تاكد انو متى ماحتجت لكم رح ارسل لك تمام ؟
بندر وقف ببتسامه: ان شاء الله شكرا دكتوره
قمر شافت ساعتها : مو وقت الخروج ؟
بندر انتبه للساعه: اي
قمر: يلا رح ارسل للكل وانت روح بدل
بندر اومئ بالايجاب قبل يطلع من الغرفه
قمر بالقروب : انتهى وقت الدوام وصح بنات عندكم سياره ؟
نور اللي كانت تبدل وسمعت التنبيهات ردت: رح نتصل على السايق
قمر ارسلت لهم: مايحتاج تروحون معي واوصلكم للبيت من بعده اذا يناسب
نور بحماس ضمه الجوال: اهه دكتورتي وحنونه ولطيفه وكيوت وكشخه ورح تطلعنا اليوم وعلى سيارتها اووه
اميره اللي طلعت من غرفه التبديل مستغربه من وضع نور : شصاير ؟
نور قالت لها وبدلو وطلعو
اما عند قمر
قفلت غرفتها وانتبهت له جاي بطريقها
قمر ابتسمت له ومشت
سلمان تردد قبل يتكلم : قمر
قمر التفتت له: هلا !
سلمان : انتي بخير ؟
قمر: اي بخير وانت ؟
سلمان : بخير متدربينك ينتظرونك
قمر بتذكر: اوه نسيتهم طلبت منهم نطلع كلنا ناخذ قهوه ونتعشاء كتعويض عن اللي صار اليوم
سلمان : ممكن طلب ؟
قمر استغربت بس : اكيد ايش ؟
سلمان: ممكن تاخذين مشاري معك ؟
قمر ابتسمت وبحماس: اكيدد
طلعت وركبو نور واميره اللي كانو منحرجين شوي منها
قمر انتظرت شوي بعدها فاتحتهم بالموضوع: امم بنات عادي لو اخذ شخص قريب لي معنا ؟
نور بستغراب: ولد يعني ؟
قمر: اي ابغى يكون معكم ويندمج مع الناس اكثر
اميره: ولايهمك دكتوره عادي
قمر: وانتي نور
نور ابتسمت: ماعندي اعتراض
قمر ارسلت لمشاري بما انهم واقفين بالاشاره : جايه اخذك خليك جاهز يبي لي ١٠ دقايق واجي
مشاري اللي كان يكلم سلمان
سلمان : قفل بدري اليوم تمام
مشاري استغرب بس ماعلق اول ماسكر منه انتبه لرساله قمر وتاكد انهم متفقين عليه ضحك قبل يقفل المكان ويطلع للبيت يكشخ قبل وصولها
اول ماوصلت اتصلت عليه
مشاري طلع بس استغرب من البنات اللي معها تقدم من السياره وراح لها
قمر: يلا اركب
ركب بجنب قمر بالكرسي قدام مو عارف ايش السالفه
نور بدت تراسل اميره: شفتييييييه يهبل
اميره : وبعدين بدينا ؟
نور بحلطمه؛ خليني استمتع ياخي هو الواحد كل يوم يشوف ناس حلوه كذا بس احس اني شايفته بمكان
اميره: ماشفتيه بمكان
نور بدت تفكر وهي تشوف مشاري بالمرايه وين شفته بس يشبه ارسلت لمنيره: عرررررفت
قمر شغلت اغنيه ناسبتهم كلهم
اميره: مين ؟
نورر : يشبه صاحب المستشفى اللي نشتغل فيه
اميره: وين شفتيه
نور: مره جاء لعندي يسال عن امور المستشفى ماكنت عارفه انه هو صاحب المستشفى
اميره: مدري بعدين بنعرف اكيد
وصلو للمكان
مشاري بتسرع اول ماشاف نور واميره يبتعدون : ايش صاير؟
قمر: ولاشي نطلع نغير جو تقابل طلابي ولا ماتبغى
مشاري بصدمه: تمزحين صح ؟ طلاب عندك
قمر ضحكت: اي ليه مو عاجبتك
مشاري: لا بس صدمتيني
بعد يومين
سلمان كان راجع من المستشفى وانتبه لسياره رامي مقابل شقق اللي ساكنه فيها قمر استغرب ايش نوع العلاقه اللي بينهم ؟
نزل من السياره مقابل البقاله وانتبه لقمر اللي واقفه تحاسب مشاري سمعهم يتكلمون
مشاري: مو بالعاده تشترين اشياء غير التوست والحليب
قمر والتعب والارهاق واضح على وجهها : امم قررت اسوي لي عشاء واسوي لكم معي اذا يناسبكم ؟
مشاري بحماس: تعرفين تطبخين ؟
قمر : اي
مشاري بحماس : صددق متى طيب اليوم اي ساعه اجيك او رح ترسلين لي او رح
سلمان ضحك: مشاري بشويش البنت مرتبكه
مشاري بحلطمه: ماسويت شي
سلمان بعتذار: اسف لتصرفات مشاري
قمر : ولايهمك ماصار شي
دخل للمحل اكثر من زبون
قمر خذت الاشياء اللي تخصها بعد ماحاسبت
سلمان بجديه: قمر ممكن اسالك شي
قمر: ايش !
سلمان: رامي يضايقك
قمر وضح على وجهها ردت فعل بالخوف من كلام سلمان : لا ليه ؟
سلمان : متاكده ؟
قمر ابتسمت بالم : ممكن اقول لك بس بوقت ثاني تمام ؟
سلمان : طيب على راحتك
اخذ منها الاشياء ومشى بجنبها
قمر بتوتر: مايحتاج تاخذها انا باخذها للشقه
سلمان ابتسم: ماعليه مارح يصير شي الاشياء ثقيله عليك
قمر تنهدت بستسلام وتتمنى مايصير اي شي يضايقهم
رامي اللي كان واقف قدام الشقه ينتظرها مع انها ماكانت عارفه عن وجوده
قمر بعدت وصدمت بظهرها صدر سلمان اللي مسكها بسرعه وهو يشوف اللي واقف عند باب شقتها اخذ نفس
سلمان للحين ماتواجه وجه لوجه مع رامي بالمستشفى بس كان يسمع صوته ورامي اخر مره سمع صوت سلمان لما سمعهم بالغرفه يتكلمون
مشى بجنب قمر
رامي: من هذا ؟
سلمان : نعم ؟
رامي : قمر من
سلمان قاطعه بانه وقف بوجهه : ممكن تبعد ؟ وما اشوفك ثاني هنا او رح اتصرف تصرف ثاني بحيث يكون عندك مخالفه بسبب تصرفاتك وملاحقتك لزوجتي
قمر رفعت راسها بصدمه
رامي ضحك بجنون: تزوجتي ؟ وانتي تخافين وماتحبين الزواج جلستي سنه كامله تلعبين معي واخر شي
قمر بدت يدها ترجف وهي تشوف رامي وانقلاب حاله للجنون
سلمان تنهد قبل يبعد رامي: مايهمني كلامك ممكن تبعد ؟
بعد رامي وهو منصدم تزوجت ؟
اهلييين ادري طولت عليكم بالبارت وبالنسبه للتاخير صار البارت طويل شوي ♥️😍 انتظر تعليقاتكم على البارت وضروري تشاركوني توقعاتكم للروايه ولكل الابطال ♥️♥️♥️♥️احبكم
