قررت انها تطلع من العياده لبرا تشم هوا وتغير جو شوي
جلست على الكرسي بسترخاء بعد دقايق
بندر اللي طلع بدوره وقف وهو يتنفس الهوا البارد الجو بدا يبرد التفت راجع للمستشفى بس جذبه شكلها وهي جالسه ورافعه راسها للسماء قرب منها
قمر : جو جاي
بندر: اي اتصل علي بعد رجوعك
قمر ابتسمت : وكيف شعورك ؟
بندر بتفكير: مدري لي سنه ماشفته فيها فا احس متحمس واشتقت له كثير خصوصا انه اقرب واحد لي
قمر بعدت عنه شوي : تعال اجلس
جلس بجنبها
قمر: امم هو صح كان اقرب واحد لك بس هو من اقرب شخص له ؟
بندر: انتي وسلمان
قمر بستغراب: سلمان ؟
بندر: اي ايام لما كنتي تجين ماتنتبهين انه عندنا شكله تغير كثير نحف وتغيرت تعابير وجهه للحده فيك تقولين الزمن غيره بهالشكل
قمر : صادق
بندر وقف: برجع للعياده
قمر وقفت بدورها: الساعه ١٠ بناخذ فتره راحه بنروح لبيتي قول للطلاب كلهم اذا صادفتهم
بندر بستغراب: ليه بيتك ؟
قمر التفتت له : ماتبون ؟
بندر: لا عادي بس استغربت اننا ناخذ راحه وبعدين نروح بيتك
قمر ابتسمت قبل ترتب على كتفه: فيك تقول راحه واكل مره وحده
بندر: تمام
الساعه ١٠
كانو كلهم بالسيارات ال٢
سلمان اللي طلع من المستشفى وانتبه لهم
قمر : تروح او معك سياره؟
سلمان : لا بروح معكم
قمر ناظرت بنور اللي جالسه بجنبها ونزلت لوراء اما سلمان تقدم وفتح باب السايق
قمر بستغراب: ليه ؟
سلمان : انا بسوق
قمر فكت الحزام بس هالمره بتتركه غيرت مكانها وجلست مكان نور اول وصارت بجنب سلمان
قمر: وش حابين تاكلون ؟
نور بتفكير : اندومي ؟
سلمان : دجاج اي نوع او اي صنف فيه دجاج
اميره بتفكير: سلطه
نور بحلطمه: حتى بهالوقت بتطلبين سلطه ؟
اميره ابتسمت: يب لازم نحافظ على نفسنا كوننا اطباء
قمر : تمام
فتحت جوالها وارسلت لمشاري بانها تحتاج طلبات وانه ياخذ بريك ساعه بعد ما تجمعو بدت تطبخ قمر وهم مجتمعين البنات كانو ماسكين التقارير والعيال كانو يلعبون ورق سلمان التقت على قمر ووقف لعبه
سلمان: خلصت انا
قرب من المطبخ
سلمان: اساعدك !
قمر : اذت تعرف للسلطه بتكون اكبر مساعده
سلمان رفع اكمامه وبعد تردد : امم انتي لما رحنا
قمر تنهدت بضيق وهي تفكر: موضوعي ؟ صح
سلمان: اذا تحسين مو قادره مو لازم
قمر : لا مو كذا بس امم متردده اني اقوله خصوصا اني مافاتحت حمد بهالموضوع للحين
سلمان بتاكيد : انا موجود باي وقت تكونين مستعده تتكلمين
قمر : شكرا لك سلمان
حطو الاكل بعد ساعه كانو نور واميره نايمين بغرفه قمر اما فواز وبندر ومشاري اللي ماحس بنفسه نايمين في الصاله
قمر طلعت من الشقه نازله بتروح لسيارتها تجيب باقي الاوراق وقف قدامها بهدوء
قمر بستغراب: امرني ؟
تكلم بتردد: اعفي عن رامي
قمر ارتجفت من الاسم بخوف : ليه انت مين ؟
يحيى : انا يحيى اخو رامي عارف انه ازعجك وضرك كثير لما كنتي برا بس انا مالي الا هو وخايف اخسره
قمر ناظرته لفتره : وايش يظمن لي انه مايتعرض لي ثاني ؟
يحيى : انا واوعدك اذا تعرض لك باي شكل رح ابلغ عليه بنفسي
قمر تنهدت قبل تناظر السياره: تمام عطني مهله لبكرا عندي دوام وسفر بكرا بس اخلص دوام بروح اطلعه قبل اسافر
يحيى بمتنان: شكرا لك شكرا مدري ايش اقول بس اوعدك مايتعرض لك ثاني
قمر ابتسمت له وشافته لما راح سلمان اللي كان طالع من بيته وانتبه ليحيى اللي كان ماشي من عند قمر عقد حواجبه ومشى بتجاهها
قمر شالت الاوراق : سلمان رامي مسجون وين ؟
سلمان حس انه مو متطمن للسوال: ليه ؟
قمر : بزوره
سلمان ناظرها بصدمه: ايش ؟
قمر: بزوره فيها شي ؟
سلمان: انتي بكل عقلك ؟
قمر: اي بكل عقلي
سلمان ضحك بهستيريا: لا يارب تمزحين مو صدق صح ؟
🤍
قمر: الا صدق
سلمان ناظرها لفتره: من اللي كان عندك من شوي ؟
قمر ببرود : اخوه
سلمان: ايش ؟وانتي بتزورينه او تطلعينه؟
قمر كانت تعابيرها جديه
سلمان بصدمه : تمزحين صح ؟ بعد اللي سواه
قمر: اخوه وعدني انه مايتعرض لي باي سبب
سلمان ناظرها لفتره وتركها بعد ماقال لها العنوان بعد مرور يومين خذت شنطه السفر الخاصه فيها بعد مابلغت حمد انها بتجيه بس ماتدري اي وقت وانها عارفه مكان سكنه توجهت لمركز الشرطه
قمر وقفت لفتره قبل تجمع شجاعتها وتدخل : زياره
الضابط : لمين ؟
قمر: رامي ال**
الضابط ناظرها لفتره : بس ممنوع عنه الزيارات
قمر : بامر مين اتوقع لكل سجين حق بالزياره
الضابط كان يناظر وراها ودق التحيه: سيدي
خالد اللي سمع الاسم وكان عنده خبر من سلمان : خلاص اتركها معي
خالد مشى وهي مشت وراه لما وصل لغرفته دخل وترك الباب مفتوح وقفت لفتره قبل تدخل
خالد جلس على مكتبه: نعم ليه تبغين تزورينه ؟
قمر : اتوقع لي الحق ؟
خالد: لانك خطيبته اللي انفصلت عنه ؟
قمر فتحت عيونها بصدمه: كيف عرفت
خالد : كل اللي صار اتوقع عرفت فيها بس انتي كيف ارتبطتي بشخص مختل نفسه
قمر ناظرت يدينها اللي فيها رجفه خفيفه: ممكن اقابله ولا لا
خالد: لا
قمر : ليه بعد
خالد: امم ماعطيتيني سبب مقنع
قمر: رح اتنازل عن القضيه
خالد انصدم صح قال له سلمان انها بتجيه وينتبه لها بس ماقال انها بتنازل عن القضيه : ايش عيدي ؟
قمر: بتنازل
خالد تنهد وماوده يتناقش معها لانه عرف كلام سلمان صح :متاكده ؟
قمر : اي
خالد : تمام بالكثير ساعتين ويكون برا السجن
قمر شكرته وطلعت للمطار وكان يمشي بسيارته وراها
بدون ماتنتبه
نرجع لوقت اتصال سلمان بخالد
خالد: تجي شتسوي ؟
سلمان: قالت لي بتروح تزوره عاد انت تصرف ولاتخليها تلتقي فيه
خالد: ليه يعني مو فاهم
سلمان: بعد اللي سواه فيها وتبيها تشوفه ؟
خالد: لا بس اسمع وبعدين اذا جاتني وطلبت شي ؟
سلمان: اسمع هي ماتنفهم وكل شي تكتم عليه للحين ماعرفت شسالفتها مع رامي ذا ماودي اضغط عليها واضايقها بس اني مابيها تتاذى منه
خالد * اجل لو تعرف انه خطيبها اول * : طيب بتصرف معها
سلمان: وتراهي عنيده ياليت تحط لها حارس بس تطلع منه
خالد: ليه على اساس هو بيطلع بعد ؟
سلمان: ماتدري وش بيصير
خالد: تمام
بالطياره
المضيفه خذت التذكره ومشت بالطريق المرتبه العامه
قمر : شكرا لك بس انا حاجزه بمكان رائدي الاعمال
المضيفه: اي تفضلي معي
وصلت ونزلت اشيائها خذت جوالها وطلعت سماعتها وشغلت الاغنيه قررت انها رح تنسى كل شي وترتاح بهاليومين عند حمد لان الفتره اللي راحت صح كانت صعبه عليها وبنفس الوقت فيها اشياء حلوه
بعد ساعتين وصلت الطياره نزلت وطلبت اوبر
وصلت للحاره ونزلت اشيائها دقت الباب اكثر من مره مافتح
انتبهت ان جارتهم طالعه
الجاره استغربت من هذي اللي جايه هنا وشكلها اجنبي شعرها الطويل اللي نصه اسود ونصه بني وطولها وجمالها : من انتي ؟
قمر: انا اخت حمد مو موجود هو ؟
الجاره: حمد بالمستشفى
قمر عقدت حواجبها : ايش ليه المستشفى ؟
الجاره : علاجه الحين ترك معي المفتاح لك
الجاره مدت لها المفتاح
قمر: علاج ايش
الجاره: اكتشف انه عنده مرض خبيث وبدا يتعالج من اسبوعين بس تجيه فترات يغمى عليه و
ماكملت كلامها من انهيار قمر على الارض : لا مو كلهم لايروحون كلهم
حمد اللي وقف سيارته وانتبه لشكل قمر واكيد الجاره قالت لها وقف سيارته وراح يركض لها نزل لمستواها: قمر انتي بخير ؟
قمر وقفت بمساعدته بعد ماراحت الجاره: لاتتركني مو انت يا حمد كلهم راحو كلهم تغيرو
كان واقف بعيد ويراقب كل شي تنهد بانه مستلم نفس هالقضيه لانه متعود على مهام صعبه
انتهى البارت شرايكم وايش توقعاتكم ؟ 🤍😍
