وصلو وتوجهو للمستشفى على طول كان فيه سايق بنتظارهم من طرف تشارلز اخذهم للمستشفى
دخلت وبعد وقت دخل عليهم بالغرفه
اياس : اهلين انا الطبيب المشرف على حاله حمد
قمر : انا قمر اخته
اياس : اي قال لي انو اذا صار له اي شي انك الوصيه عليه
قمر : طيب دكتور وش صاير ؟
اياس : للامانه حالته مستقره بس يحتاج العمليه باسرع وقت وعلشان كذا طلبنا حضورك
قمر : اي انا جاهزه بس ابغى اعرف عن حالته اكثر
اياس بدا يفصل ويشرح حاله حمد لقمر
قمر حست بقلق من العمليه وان النتيجه نجاحها بنسبه ٦٠٪
اياس : بس العمليه مارح نقدر نسويها الا بعد يومين لان الطبيب بالخارج
قمر تنهدت بقلق : بيكون بخير ؟
اياس : اي وتقدرين تتكلمين معه باوقات اللي مارح ياخذ فيها العلاج
هادي اللي كان واقف ويسمع كل شي كان بنفس قلق قمر سمع جواله
بعيد عنهم بنيويورك
فواز بقلق : صاير شي ؟
بندر: مدري حتى سالت جو قال انو مافي شي واتصل عليها امس ماكان فيها شي
فواز : طيب تعال نكمل شغلنا علشان لمن ترجع تشوف كل شي نفس ماهو ماتغير
بمكان ثاني بنيويورك
تشارلز : راحت لحمد لانهم استدعوها
جو بتوتر : صاير له شي ؟
تشارلز : الى الحين مدري
جو اللي كان جالس ويسمع تشارلز بنفس الوقت مضايقه اللي صار لقمر
بعيد عنهم
مشاري كان يفكر واتصل على هادي
بعد وقت رد هادي: هلا
مشاري : اخبارك واخبار قمر ؟
هادي : بخير وانتو ؟
مشاري : بخير البنات بيسافرون لكم بكرا التقيت فيهم
هادي : اها بيكونون فواز وبندر بستقبالهم اكيد
مشاري استغرب : ليه وقمر وين ؟
سلمان اللي كان مار وانتبه لكلام مشاري
هادي ابتعد عن المكان ويعرف قرب مشاري من قمر وتكلم له : انا وقمر بالمستشفى بنفس المنطقه اللي ساكن فيها حمد استدعوها والحين احنا بالمستشفى
مشاري بتساؤل : هادي متى نامت ؟
هادي : مدري بس ليله امس مانامت
مشاري تنهد بقله حيله لانه يعرف مهما يصير مارح تتغير
قمر اللي كانت جالسه وقفت وقربت من هادي : بروح اخذ لي مويه تبي ؟
هادي سكت من مشاري وكلمها: بروح انا ارتاحي
قمر: لا مابي اوقف واجلس افكر كثير علشان كذا بمشي
هادي: تمام اخلص اتصالي واجي
مشاري : وكيفها ؟
هادي : مدري كيف اشرح بس تعبانه
مشاري تنهد: طمني بس يصير معكم اي شي
هادي: تمام
ببيت سلمان
كان يسمع المحادثه
سلمان :شصاير ؟
مشاري : حمد بالمستشفى يحتاج جراحه مستعجله وقمر رجعت امس علشانه
سلمان: يعني هي الحين موجوده عند حمد ؟
مشاري : اي
سلمان بتفكير: من معها ؟
مشاري : هادي
سلمان بتفكير وبصوت طويل ماحس على نفسه : غريبه مو معها !
مشاري : تشارلز عنده اجتماعات
سلمان رفع راسه: هاه
مشاري : انت ماتعرف
سلمان : مو هو قريبها ؟
مشاري تنهد بستسلام : تشارلز كان قايل كذا علشان يخليك تتحرك بس ماتوقع انك غبي وماتفهم بسرعه علشان كذا بختصر عليك الموضوع !
سلمان رفع حاجبه: تكلم ؟
مشاري: تشارلز زوج خالتهاقمر يعني يصير عمها او خالها بالاصح
سلمان بصدمه: ايش ؟ زوج خالتها يعني اخت امها متزوجه تشارلز ؟
مشاري : اي
سلمان : يعني كانو. ؟
مشاري : نعرف انك تحبها بس كلامها صدمنا كلنا وبعدين معها حق ترا غيرتك تعدت الحدود ياسلمان
سلمان تنهد قبل يقرر ويصعد لغرفته تكلم بصوت عالي: اتصل على هادي واخذ عنوان المستشفى
مشاري ابتسم قبل يتصل على هادي من جديد ومارد
اما بالمستشفى
هادي اللي قال لقمر انه بيروح يرتاح سمع جواله مره ومرتين رفعه
هادي : هلا مشاري ؟
مشاري : اخبارك ادري توني مسكر منك بس ابسال وش اسم المستشفى ؟
هادي قال له وسكر استوعب الكلام ورجع اتصل عليه : لييه ؟
مشاري اللي استغرب : ليه ايش ؟
هادي: ليه تسال عن المستشفى ؟
مشاري: سلمان اللي يسال مو انا
انتبه لسلمان : بروح انا وارجع بعد يومين او متى ماتطمنت عليهم
مشاري: طلع جايكم
هادي رمى راسه على الوساده مره ثانيه : يوه ناقص انا
بنفس اللحظه اتصل تشارلز
تشارلز : هادي بعد ساعتين اصعد الطياره وتعال علشان تستلم الشركه وبروح لقمر
هادي تنهد قبل يقول له: سلمان بيجي
تشارلز : ايش ؟ تتكلم جد
هادي: اي عرف وقال انه رح يكون موجود بس مسافه الطريق
تشارلز: طيب استئذن من قمر وتعال
هادي استئذن من قمر قبل يطلع للمطار
كانت واقفه عند الباب
استغرب من البنت اللي رح توقف هنا ؟
اياس اللي كان جاي يشوف الحاله الصحيه لحمد: رياض ؟
رياض التفت عليه: اياس من هذي ؟
اياس : اخت حمد
رياض بصدمه: قمر ؟
اياس : اي
رياض : وكيف صحته الحين ؟
اياس : للحين ماصار شي بس اللي مخوفني اخته
رياض : شفيها
اياس : لها يومين هنا ومانامت !
كان ماشي بسرعه بعد ما سال الموظف عن غرفه حمد
قرب منها
رياض: قمر صح ؟
قمر التفتت له: اي من انت ؟
رياض : انا صاحب حمد
قمر ابتسمت بتعب : اسفه اني ماعرفتك من قبل كانت زياراتي لحمد قليله
رياض : عارف لاتحاتين وتعتذرين بس من متى انتي هنا ؟
قمر ناظرته لفتره هي فعلا ماتتذكر لكم من وقت وقفت هنا
رياض : معي مفتاح شقه حمد تقدرين تاخذينه وترتاحين ببيته وخصوصا ان غرفتك صارت جاهزه
قمر رفعت راسها بستغراب
رياض بتوضيح : كان يقول دايم انه يبي يرتب الغرفه لك بحيث تناسبك باوقات زيارتك له
قمر امتلت عيونها دموع: شكرا لك
رياض طلع المفتاح وعطاها اياه؛ بروح اشوف الدكتور اياس تبغين اوصلك ؟
قمر ؛ لا مايحتاج السايق برا
قرب منهم
قمر التفتت له : سلمان ؟
سلمان : كيف حالك ؟
قمر : بخير
سلمان: كيف حمد !
قمر: للحين ماصحى ننتظر الطبيب يوصل بعد يوم
سلمان انتبه للهالات السود والتعب اللي بوجهها : ماتنامين
قمر: ماقدر
سلمان تنهد : تعالي معي طيب
قمر : ماقدر اتركه
اياس اللي جاء من وراهم وعنده خبر من هادي ان فيه شخص بيجي لقمر وانه يتكلم معها تروح معه
اياس : روحي لان وضعه مستقر وهو بخير ارتاحي اليوم وتعالي بكرا
قمر ناظرته لفتره وهي تعرف ان سلمان مستحيل يتركها بهالمكان: طيب برجع بعدين اذا صار اي شي ياليت تتصل علي ضروري
اياس: اكيد
طلعت معه وكل واحد مايدري او يقدر يتكلم مع الثاني حصلت سياره السايق اللي نزل ووقف بجنب الباب يفتحه لها
قمر لفت له: تعال معي
سلمان ركب بجنبها توجه السايق حسب وصف قمر للمكان اول ماوصلت طلعت المفتاح فتحت الباب ودخلو اثنينهم قمر اللي حست الدنيا تدور فيها وراسها يالمها بشكل قوي استندت على الجدار سلمان مسك يدها وسندها عليه اخذ المفتاح وفتح الباب مسكها لما جلست على الكرسي كانت الشقه مرتب ومعطره وكان كان فيها احد قبل وقت قليل
سلمان اللي انتبه للغرفه اللي مكتوب عليها اسم قمر : ارتاحي فيها بسوي لك شي دافي تاكلينه واضح حتى الاكل ماتاكلين
قمر : مالي نفس لاتتعب نفسك
سلمان ماسمع كلامها وفتح الثلاجه يشوف ايش ممكن يستخدم بدا يطبخ اما قمر توجهة لغرفتها ورمت نفسها على السرير ظلت تناظر السقف لفتره طويله تنهدت بدل المره الف
سلمان دق الباب : صاحيه الاكل جهز
قمر فتحت الباب وطلعت له جلست بالكرسي قدام الاكل وبدت تاكل بشكل عشوائي ووقفت
سلمان: مابغى ارمي شي ياليت تاكلين الاكل كله
قمر ناظرته وهو ينظف ليه هو الوحيد اللي له تاثير عليها مع انها تميل لاحد ثاني هل كل هذي اوهام بالنسبه لها ! معقول ان اللي تميل له مرسوم بخيالها بس من يكون هالشخص
سلمان قطع تفكيرها : ماشفته معك !
قمر رفعت راسها وهي تاكل ماردت لانها مافهمت كلامه
سلمان وضح كلامه: اللي تحبينه
قمر ابتسمت وبدت تضحك بشكل هستيري : تمزح صح ؟
سلمان عرف ان تاثير السهر هالضحكه الغريبه قرب منها واخذ الملعقه : قومي معي
بعدت عنه: مايخصك اطلع
سمعت جوالها يدق
بنيويورك
وصل هادي بعد ماكان الطريق متعب جدا بالنسبه له
الطيار لتشارلز: سيدي صدقني لانستطيع سوف يحدث للطائره شي
هادي: تشارلز اهدى مو وقته الحين انك تنفعل
تشارلز: ابي اكون بجنبها يا هادي مو بمثل هالوقت
هادي : بس يهدى الجو روح على كيفك بس الحين لاتروح
تشارلز تنهد بستسلام وطلع جواله اتصل عليها
عند قمر
قمر : هلا حبيبي !
تشارلز كان متعود على مثل هالكلامات من قمر كون انها تعتبره الاب والاخ اللي فقدتهم: امم بقول لك شي
قمر: قول
تشارلز : ماقدر اجي بسبب حاله الجو
قمر : طيب حبيبي مايحتاج تستعجل بكون بشقه حمد لما توصل
تشارلز تنهد قبل يسكر
اما قمر ابتسمت بسخريه: سمعت رح يجي فا اتمنى منك ماتكون موجود لما يجي
سلمان قرب منها واخذ الصحن : اذا جاء طلعت
قمر وقفت بغضب ورمت الصحن اللي بجنبها وكان فاضي: شتبغى توصل له وليه تبغى تضل اطلع من حياتي ماتفهم ما احبك ما ابغاك
سلمان مسك يدها بقوه : مارح اطلع الا لما يجي ويكون هنا ولاتعلين صوتك علي
قمر بعدت عنه وعيونها مليانه دموع: ليه ؟
سلمان تجاهلها وشال الزجاج اللي طايح بالارض يعرف انها منفعله بسبب قله النوم والجوع وبنفس الوقت مرض حمد اما قمر اللي بدت تحس ان تصرفاتها مو طبيعيه انتبهت لجوالها رفعته وشافت اسم اياس
قمر برجفه قويه: الو
اياس : هلا قمر كنت ابغى اطمنك ان حمد انتقل من حاله الخطر للحاله الطبيعيه
قمر نزلت للارض ومانتبهت ليدها اللي صارت كلها دم من الزجاج اللي بالارض : وصحى ؟
اياس : لا لسه ماصحى
سلمان اخذ الجوال منها وكانت مستسلمه لتصرفاته : رح تنام قمر الحين ياليت اذا صحى حمد ترسل رساله بدل الاتصال
اياس اللي استغرب النبره الامره: طيب
سكر منه ومسكها جلست على الكرسي تنهد قبل يدور بالادراج عن عدت الاسعافات الاوليه ضمد يدها وحط لها الحبوب بالطاوله مع كوب المويه
قمر ببرود ونظرات بارده غريبه: ايش هذا ؟
سلمان: حبوب مهدئه
قمر خذتها وراحت للغرفه غطت نفسها تنهد وهو يلحقها ويقفل الانوار ويترك النور الخفيف علشان يراقبها بنفس الوقت رتب المطبخ وكل الشقه وراح يتطمن عليها شافها بنفس هدوئها بس شهقاتها الخفيفه ماوقفت
سلمان دخل للغرفه بشويش مايبي يزعجها او يضايقها
قمر بس حست بانه جلس بالجهه الثانيه من السرير كتمت صوتها
سلمان مسح على شعرها : مايحتاج تكابرين عندي صح ماكنت بحياتك السابقه بس الحين صرت حافظك اكثر من نفسك
هنا قمر ماقدرت تتماسك وبدت تشهق بشكل هيستيري : مابغى افقده فقدت امي وابوي ماكنت متخيله انه رح ياثر فيني كذا ليه كل اللي احبهم يختفون من حياتي حتى انت ما ابغى اعترف لك او اقبل اعترافك ويصير لك شي او تبعد عني او تكرهني تعبت اعيش بنفس الدوامه حاولت اخليك تكرهني بس انت استمريت بجنبي ومعي
سلمان انصدم هذا يعتبر اعتراف له ؟ بعد فتره حس بصوت انتظام نومها
بهالوقت !! سند نفسه على السرير بتعب ليه تسوين كذا
بعد يومين
فتحت عيونها وهي تحس بصداع قوي ظلت تناظر بالسقف لمده وتستوعب الي صار قبل فتره مثل ماكانت تظن جلست على السرير وهي تفكر بكل شي صار من وصلت اخر كلامها لسلمان فتحت عيونها بصدمه ! ليييه قلت له ليه وش بيفكر عني الحين تنهدت وقفت وفتحت باب الغرفه وهي تدعي انه مو موجود وفعلا هذا اللي صار وماكان موجود انفتح باب الشقه ودخل تشارلز : صحيتي
قمر بحرج: اي اسفه اني نمت
تشارلز يحاول يستوعب : تدرين اليوم ايش ؟
قمر ناظرته لفتره: مو اليوم الاثنين ؟
تشارلز : اليوم الاربعاء
قمر شهقت بصدمه: ايششش ؟
تشارلز ماقدر يمسك نفسه وظل يضحك : يومين مرو وانتي نايمه
قمر : حمد ! حمد كيفه
تشارلز قرب منها ومسك كتفها: حمد بخير وتمت العمليه بنجاح وصحى وهو بخير الحين
قمر : صدددق وليه ماصحيتوني ؟
تشارلز : لك يومين مواصله وحالتك ونفسيتك تعبانه كيف تبغين اننا نصحيك
قمر حست بضيق وجلست : ومن عنده !
تشارلز: سلمان تركته وجيت اتطمن عليك
قمر رجفت اول ماسمعت اسم سلمان وبدا قلبها يدق بشكل جنوني : تشارلز ابغى اسافر بعد ما اتطمن على حمد
تشارلز كان بيتكلم بس قاطعهم صوت الجرس
قمر وقفت وراحت تفتح تفاجئت من وجوده
قمر : هلا فيك شي ؟
انحرج ولا عرف ايش ممكن يقول
رياض : جيت اتطمن وقال لي حمد اوصل لك هالكم شي
قمر اخذت منه الاغراض : شكرا تفضل ؟
رياض: زاد فضلك لا برجع المستشفى
قمر لفت لتشارلز: بنروح ؟
تشارلز وقف وقرب منهم: اول عندك كم شي تسوينه وبعده نروح
قمر : تمام شكرا رياض
رياض راح وتركهم
تشارلز توجه للغرفه وطلع من الدولاب لبس لها : تروشي لك يومين نايمه
قمر خذت الروب : تمام
بعد ماتروشت وكلت طلعت مع تشارلز للمستشفى بدت تمشي بجنبه وتحس بصداع غريب
قمر : تشارلز ابغى اجلس شوي
جلست وهو كان خايف عليها وملامح القلق على وجهه: شفيك ؟
قمر: صداع بس
تشارلز جلس بجنبها لفتره وبعدها وقف معها مشت لغرفه حمد وقلبها يدق بشكل قوي
قمر ناظرت بتشارلز بتوتر: هو بخير ؟
تشارلز ابتسم لها وفتح الباب
سلمان اللي كان ساند حمد عليه ويعدل جلسته التفت للباب وتلاقت عيونهم على بعض
دخل ومسك كتفها : عزيزتي انا اسف لاني تاخرت كثير ولكن الطائره لم تصل بالوقت المناسب
سلمان اللي كانت تعابيره عاديه تغيرت لغضب
تشارلز اللي ماعنده اي فكره من هالشخص وحتى قمر اللي ناظرت بسلمان لثواني بعدها لدقايق
سلمان: انا بطلع حمد اهم شي تطمنت عليك
طلع وهو ماسك قابض على يده بقوه جاء ؟ معقول كلامها لي كله كذب
تجاهلها وراح قمر لفت له : من انت ؟
انصدم بقمر: اوووه
تركتهم وراحت وراء سلمان
تشارلز : شكرا لك
ابتسم لتشارلز: لقد كنت مدين لك بواحده وقد انتهيت منها
اما عند قمر اللي راحت تركض وراءسلمان اليي تجاهلها نهائيا
قمر حست بصداع يزيد جلست على الارض بالم انتبه لها ولف وبخوف راح يركض لها
سلمان: شفيك ؟
قمر: مافيني شي تكفى اسمعني
سلمان عقد حواجبه : شفيك يالمك شي
قمر: لا مافيني شي سلمان اسمعني
سلمان كانت نظراته بارده تجاهه
قمر تمسكت بقميصه: والله ماعرفه ولا بحياتي احد وكل الكلام اللي قلته لك كنت اعنيه حرف حرف انا احبك مثل ماتحبني سلمان بس خايفه من هالحب خايفه اخسرك
سلمان ارتخت نظراته وملامحه: تحبيني ؟
قمر: اي احبك
سلمان ماعرف ايش يقول او كيف يتصرف
تشارلز اللي كان واقف بعيد ابتسم بحب صح مو بنته او ماتعرف عليها من وقت طويل بس تبقى مكانتها واستحلالها قلبه شي مو طبيعي
سلمان سندها ورفعها معه : خليك هنا بنادي الطبيب
بعد الفحص
اياس: ارهاق بسيط تحتاج اسبوع من الراحه وعدم الارهاق واهم شي تقليل الشغل
بعد يومين
سلمان اللي كان جالس مع مشاري : اخخ يامشاري ياحظي
مشاري ضحك على وضع اخوه: تحبها ؟
سلمان: كثييير لدرجه ودي اسافر نيويورك لها
مشاري : سافر طيب
سلمان: وايش رح يقول عني ابوها ماتعرفه يغار
مشاري : مو ابوها وعادي يعرف عن علاقتكم وانكم تحملون مشاعر لبعض
سلمان: مدري
من جهه ثانيه
قمر تحكي للبنات: صح كنت خايفه والا الان خايفه بس مابغى افقد الشخص الوحيد اللي حسيت بتفاهم وقرب منه
نور بحماس: وااااااه كيووووت تهبلون دكتوره
اميره: الله يخليكم لبعض
جو اللي دخل للمكتب بعد مادق الباب : جاهزه ؟
قمر عقدت حواجبها: لايش ؟
جو: تحدي دراجه واذا فزتي لك اللي تبغينه
قمر تذكرت اتفاقها بانها تبغى تاخذ الاستراحه الخاصه بجو واللي كانت من نوع ثاني وديزاين ثاني
وقفت ببتسامه: جاهزه
جو: بس قبل قابلي خطيبك ونتسابق
قمر ناظرته لفتره وتحول وجهها للون الاحمر
سلمان اللي كان وراء جو وابتسمته اتسعت لما شافها
بكذا انتتتتتتتتهت رواياتنا 😭🤍بحلوها ومرها احبكمممم وشكرا لكم لانكم استمريتو معيييي بالروايه وتشجيعكم لي طبعا مارح استغني عن ارائكم 😍🤍 عن البارت الاخير والروايه بشكل عام واحبكمممم مره ثانيه
انتظروني بالروايه الجديده 🫣😍متحمسه كثير لها
رواية " روح متعبه🤍"
وصححححححح اهم شي حابين نسوي ون شوت للروايه هذي بارتات اضافيه ؟ 😍🤍
