بمكتب قمر كانت جالسه وبجنبها تشارلز بعد ماهدت وحست نفسها بخير
تشارلز : لاتخافين اذا قربو منك من جديد رح اتصرف معهم
قمر ابتسمت له : مو خايفه لاتحاتي
هادي دخل عليهم : امم شرايكم نتغدا برا البيت اليوم ؟
تشارلز : فكره حلوه
قمر: والمراجعات ؟
تشارلز : من لما رجعتي من السفر من البيت للعياده قومي يلا
قمر وقفت وخذت البالطو والشنطه الصغيره سكرت المكتب والتفتت للسكرتير : سوف اخرج الان بامكانك اغلاق العياده بعد ماتنتهي من ترتيب الاوراق
السكرتير: حسنا
طلعو وراحو لمطعم بعد ماخلصو وطلعو
واجههم مشاري
قمر عقدت حواجبها: مشاري ؟
مشاري ببتسامه: شخباركم اسف على مفاجئتكم
قمر : لااا بالعكس مره مبسوطه بجيتك متى جيت ؟
مشاري : اليوم
قمر : ليه ماعطيتني خبر على الاقل استقبلتك
مشاري : ماحبيت ازعجك وانتي بشغلك فا سالت السكرتير من شوي وقال انو مايعرف مكانك وكنت مواعد واحد من اصحابي ساكن هنا وعطاني لوكيشن المكان
من جهه ثانيه
هادي اللي كان يتراسل مع مشاري وقال له مكانهم
نرجع للواقع
ابتسم هادي : تشارلز مو قلت عندنا اجتماع مهم ؟
تشارلز عرف تلميح هادي : نعم فلنذهب
تشارلز : سوف اترك السائق معكِ دعيه يهتم بك طوال اليوم
قمر بامتنان : شكرا لك
تشارلز راح هو ويا هادي
اما مشاري اللي كان موجود مع قمر : امم اسف اذا ضايقتك بجيتي
قمر: مشاري لاتقول كذا مابينا هالكلام شدعوه مو انت اللي ساعدتني وانت اللي اخذتني من بين كل الاشخاص ووظفتني مشاري انت الوحيد اللي لاتقول لي انك تضايقني او تزعجني
مشاري ابتسم بحنان: شكرا لك لكلامك ارتحت الحين
قمر استغربت: ليه فيك شي
مشاري : لا بس فينا نجلس بمكان بدل وقفتنا هنا ؟
قمر بتفكير : شرايييك عندي فكره حلوه
مشاري استغرب بس وافق
ركبو السياره وبدت تقول له فكرتها
مشاري ضحك: يعني الحين الخطه قهوه وسوالف وبعدها نروح لسوبر ماركت ناخذ اشياء ونطبخ العشاء فيها صح ؟
قمر : صصصح كذا
مشاري ابتسم : احس اشتقت لي فتره طويله عن هالفعاليات يلا تمام وخصوصا القهوه معك لها طعم ثاني
قمر ضحكت : تقريبا يعني مو اكيد
مشاري ابتسم لها
عند تشارلز وهادي
تشارلز عقد حواجبه: انت اللي قلت له عن المكان ؟
هادي : اي قلت لك من اول مشاري ماله ذنب باللي يسويه سلمان وبعدين * ابتسم بشر* بعد يوم او نص يوم بتشوف اتصال من سلمان بينجن على مايعرف ايش قصه قمر
تشارلز بستغراب: صدق ترا ماحكت لي كل الحكايه ليه وش قالت لك ؟
هادي بتفكير: مدري يصلح اقول لك او لا
تشارلز رفع حاجبه: يعني بتقول لسلمان ومارح تقول لي ؟
هادي ضحك: سلمان يحبها انت وش ؟
تشارلز : حتى انا
هادي وقف عن المشي والتفت له: هاا ؟
تشارلز : مو انا بمثابه ابوها وتعاملي معها من فتره طويله مثل الاب وبنته ؟
هادي : اها كذا يعني ! امم اذا كذا عادي اقول لك بس بصراحه صدمني رامي لما جاء لها وحكى اللي بخاطره وكان مره هادي
تشارلز بصدمه: رامي جاء هنا ؟
هادي : اي جاء واعتذر لقمر وكان ندمان على كل شي سواه وقال ان طيارته بعد كم ساعه
تشارلز: انت متاكد مابي يصير شي ب قمر
هادي : اي لاتحاتي كل شي تمام
تشارلز : اتمنى
نرجع لقمر ومشاري
مشاري : طيب وايش ناويه تسوين بالعياده بعد مايجون لك البقيه ؟
قمر: للحين ماعرف بس تقريبا بتظل على حالها بس بحطهم مساعدين رئيسيين ومكانك محفوظ لاتخاف
ابتسم مشاري : اكيد لازم اصلا والا رح ازعل عليك
قمر: اي وايش حاب تاكل ؟
مشاري سند يده وبتفكير : امم وش ابي اكل على ذوقك بس بساعدك نفس ايام لما كنتي تطبخين لي وانا اساعدك
قمر ضحكت: ماكنت تساعدني انت كنت تخرب كل شي
مشاري : تقريبا يعني
قمر : ايوه وايش خططك للجلسه هنا لاتقول مارح تطول
مشاري تردد قبل يتكلم : امم بصراحه فيه شي ماقلته لك بس خفت انك تتضايقني وماعاد تشوفيني بسببه
قمر كانها استنتجت اللي بيقوله : سلمان ؟
مشاري : اي هو اللي جابني معه لاني كنت ماخذ اجازه وكنت بجي بدون ما اقول له بس هو عرض علي اني اروح معه وماصدقت خبر
قمر : مشاري قلت لك من اول وبعيدها عليك لاتربط اللي يصير بيني وبين سلمان فيك انا مستحيل ابعدك او اتضايق منك او اقول لك مارح اشوفك لاتفكر كذا بالعكس انا ابيك بجنبي ومعي تساعدني تكون معي بنفس هاللحظات ننبسط سوا
مشاري : شكرا لك
قمر : لاتشكرني كم مره اقول لك ؟
مشاري: تمامم تمامم اسف
قمر : ايوه يلا نقوم نشتري اشياء العشاء ؟
مشاري : اي يلا
دخلو السوبر ماركت وخذو اللي يحتاجونه
بعيد عنهم
سلمان اللي كان بوسط اجتماع وكل تفكيره بكلام هادي*ايش كان يقصد يعني هي مافيها شي وبيجلس يبرر لي حتى اللي شفته اليوم هادي معها دايم معقول بيكون معها لما جاها رامي لو كذا يمكن * سكت التفكير اللي بعقله* بس لازم اسمع منه *
فتح جواله وارسل لهادي : وين التقيك
هادي اللي كان جالس بصاله ببيت تشارلز اللي يسوي لهم اكواب قهوه : اووووه رسل رسل
تشارلز : لاترد عليه اترك
هادي ضحك لدرت فعل تشارلز: اووك على امرك بس ساعه بتركه
سكت وسمع تنبيه جديد من سلمان
اتمنى بسرعه لان ماعندي وقت ويمكن ارجع اليوم
هادي : اووه انا شفت ناس غريبه بس مثل هالانسان ماشفت
تشارلز : ليه
هادي : يقول بيسافر الليله واخوه مع قمر * تذكر* صدق ماتصلت تتطمن عليها
تشارلز : مدري احس بتتضايق
هادي : ليه
تشارلز : يعني من زمان ماشافت مشاري وكونه قريب منها وتعزه فا ماتصلت او ارسلت مابيها تتضايق وتحس اني اراقبها او شي زي كذا
سكتو ووصلت رساله له
قمر : فاضين تجون انت وهادي للعشاء او تبون اتركك لكم ؟
تشارلز ابتسم : همم كنا نتكلم عنها
هادي: شفيها ؟
تشارلز : العشاء تقول ناكل معها او بعدين ؟
هادي : لا بعدين اتركهم الحين على راحتهم وقول لي وش اسوي مع سلمان ؟
تشارلز ببتسامه شر: شوف تسوي اللي بقول لك عليه كله تقول له كل شي بالتفصيل بس اهم شي ...
بعد فتره
سلمان وهادي التقو بكوفي وبعد ماحكى هادي لسلمان كل الحكايه
سلمان بتردد: وش يقرب لها تشارلز ؟
هادي ستند ببتسامه : مدري ايش الصله بينهم بس اللي اعرفه انه يهتم لها ويتقرب منها كثير هالفتره مدري ايش السبب بس واضح انه السالفه فيها ارتباط
سلمان ناظر بهادي بكره: مستوعب اللي تقوله
هادي: وواعي جدا له
نرجع لقمر ومشاري
مشاري بشبع: اوووه اخيرا اكل حلو تعبت من المطاعم دايم مطاعم
قمر : عوافي
مشاري : قمر عندي اسئله كثير بصراحه وكنت متردد لفتره طويله ودي اسئالك عنها
قمر: ايش هي. بساعدك واجاوبك عليها
مشاري ابتسم: صدق تمام طيب امم علاقتك برامي ايش ؟
قمر استغربت السوال بس جاوبت بصدق : دكتوري النفسي وبنفس الوقت الدكتور اللي كان مسوول عن تدريبي وبنفس الوقت كنا مخطوبين لفتره من الوقت والحين لا
مشاري : اوووه
قمر: اي وبعد ؟
مشاري : يعني ماعاد تربطك فيه اي علاقه من جديد
قمر : لا انهينا كل شي اليوم
مشاري: اليوم التقيتي فيه ؟
قمر: اي جاء لي العياده طلب انه يقابلني وتشارلز ترك هادي معي
مشاري بتسغراب: وايش علاقتك بتشارلز عرفت من سلمان انه يقرب لك بس قربه منك كثير ومو طبيعي
قمر: اي لانه زوج خالتي
مشاري فتح فمه بصدمه كان متوقع كل شي الا انه يكون يقرب لها بهالطريقه : ايش ؟
قمر: شفيك زوج خالتي اقول لك
مشاري: تشارلز زوج خالتك وين كان طول هالسنوات ؟
قمر : الظروف واللي حكمت علينا كلنا نبتعد عن بعد انا بعيد عن اخوي وبعيد عن اللي يقرب لي
انتهى اليوم بوعد منهم انهم يتقابلون الصباح
اما مشاري اللي رجع البيت وسمع من سلمان السالفه اللي كان عارفها بس استغرب ان هادي قايل له ان تشارلز بيرتبط ب قمر كيف كذا الا اذا كانت لعبه منهم
صباح اليوم الثاني
بعد ما انهو فطورهم
مشاري : شرايك تتغدين مع تشارلز اليوم ؟
قمر: كل يوم ناكل سوا مو يوم بس
مشاري: عارف علشان كذا اليوم بيكون غير بتطلعين معه بس قبل بنروح الصالون نغير ستايلك شوي شرايك
قمر بتفكير: عادي ماعندي اي مشكله
سلمان كان يرسل لمشاري : انت معها وش خططكم لليوم
مشاري ابتسم بعد ماعرف الموضوع من هادي وانهم يبون يثيرون غيره سلمان ويعترف : اي بتطلع الظهر لغدا مع تشارلز
انتهى البارت 🤍🤍🤍 احبكم وانتظر توقعاتكم تقريبا البارت الجاي بيكون الاخير او قبل الاخير للحين ماقررت بشوف تعليقاتكم وتساؤلاتكم اللي تبغون اجاوب عليها بالبارت الجاي 🤍🤍🤍
