بعد اكلهم
تشارلز : لدي عرض لك دكتوره
قمر ناظرته لفتره : ماهو ؟
تشارلز : اريد منك التكفل بعلاجي ولكن بشرط اقامتك هنا
قمر ابتسمت : اعتذر لك ولكني لا استطيع
تشارلز بستغراب : وماذا يمنعك
قمر : اريد ان افتتح عيادتي الخاصه
تشارلز : اذا لدي عرض اخر واتمنى ان لاترفضيه
قمر : ماهو
تشارلز : سوف امول عيادتك واساعدك ولكن سوف يكون علاجي من دون مواعيد و دفع
قمر بفرح وعدم تصديق : هل انت واثق ؟
تشارلز ببتسامه لفرحها : نعم واثق من كلامي لاني علمت من انتي ولنا واثق ان اختياري سوف يكون صائب
قمر : حسنا ولك ذالك
بعد مرور سنه
قمر فتحت عيادتها بشراكه مع تشارلز وصارت مشهوره هادي اللي ظل اسبوعين بس ماتكلمت وظلت على حياتها الطبيعيه بس احيان يحس بتصرفات غريبه منها طلاب قمر اخر سنه لهم بالجامعه ويتخرجون سلمان ظل على حاله مع تفكيره بقمر وايش صار لها مع انه التقى بهادي بس ما تكلم معه عنها مشاري اللي كبر ودخل الجامعه بقسم الطب لان درجاته باخر سنه كانت عاليه ووعده لقمر بانه يكون مساعدها كان بباله دايم صارت له هواشات كثير مع سلمان لانه يتواصل مع قمر
بيوم مثلج ودرجه الحراره ٢
قمر كانت بعيادتها
السكرتيره : ايتها الدكتوره هنالك زوار يقولون ان لديهم معرفه شخصيه بك
قمر : لدي اخرر مريض اطلبي منهم ان ينتظرو قليلا
المريض دخل وبعد ما انتهى قمر وقفت بترتب كل اشيائها سمعت صوت الباب وبعدها اندفاع شخص لها قمر بتفاجئ: نورر
نور بفرح وحماس : دكتوررره اشتقت لك
دخلو ال ٤ بعدها بندر فواز اميره ومشاري
قمر امتلت عيونها دموع كانها التقت بعايلتها بعد فتره طويله : انتو كلكم
اميره سلمت عليها بعد ماضمتها هي بعد : اشتقنا لك وكنا باجازه الاسبوع وقلنا نحجز ونجي عندك
قمر ابتسمت لهم : اخباركم ياشباب
بندر : بخير
فواز : زي العسل
مشاري : كلنا بخير بعد شوفتك
قمر ابتسمت لهم : وش هالمفاجئه الحلوه يلا ثواني بس
نزلت البالطو وخذت الملفات اللي معها وطلعو كلهم قبل تستوعب ان ماعندها سياره تكفيهم فكرت كثير قبل وقفت بالعياده وناظرتهم
قمر : انتظرو شوي بس
اتصلت عليه
قمر : اهلن تشارلز هل بامكاني طلب شي منك
تشارلز اللي كان بمكتبه بوسط الاجتماع اول ماشاف اسمها ابتسم واعتذر منهم : اعتذر منكم لدي مكالمه هامه
تشارلز استقبل المكالمه: ماهي
قمر : اريد ان اخذ احدى السيارات لدي زوار وانت تعرف ان
تشارلز قاطعها : سباستين سوف ياتي لك لاتقلقي ولكن هل انتي بالعياده ؟
قمر : نعم
تشارلز : حسنا لك ذالك ولكن سوف تفعلين لي شيئا بالمقابل
قمر تنهدت براحه : حسنا لاتقلق
تشارلز : ولا تقلقي سوف يكون مرافقكم لليوم كله
قمر : حسنا شكرا لك
تشارلز : لكم سوف يبقون لديك
قمر : لاسبوع ولكن لاتقلق فغدا سوف اذهب لاخذ سياره تناسب المجموعه
تشارلز : لاتقلقي دعي كل شي لي حسنا ؟
قمر : شكرا لك تشارلز
بعد ثواني مو اكثر كانت سياره اليموزين واقفه قدام باب العياده نزل سباستين وفتح لهم الباب
الكل كان مصدوم من شكل السياره
قمر ناظرتهم وضحكت على اشكالهم: يلا روحو وبجي انا وراكم بسيارتي لاني احتاج احطها عند البيت
مشاري : بروح معك
قمر: لا مايحتاج روح معهم وبنلتقي عند البيت تمام
بندر: يلا مشاري مو كل يوم تصير لنا هالفرصه
مشاري مشى معهم اما قمر اللي ركبت سيارتها واتصلت عليه
تشارلز بعد ما انتهى الاجتماع دخل لمكتبه وكان بيتصل على سباستين يتطمن بس قمر اتصلت عليه
تشارلز: اهلن
قمر: انا اعتذر للاتصال بكل كل الوقت
تشارلز : لاتقلقي هل اتى سباستين ؟
قمر: نعم شكرا لك ولكن حقا ليس هنالك داعي لبقائه معنا
تشارلز : حسنا نحن شركاء ولقد وعدتيني ان تلبي طلبي
قمر: حسنا ماهو ؟
تشارلز : ان تقبلي دعوتي للعشاء
قمر بصدمه: هل هذا كل شي ؟
تشارلز : حسنا هنالك شي اخر
قمر: ماهو
تشارلز : حسنا مارايك ان تذهبي معي برحله عمل سوف تاخذين خبرات كثيره وانا لدي اجتماعات هامه ولكني اود لشخص مرافقتي
قمر بتفكير: هل لك ان تمهلني مده ؟
تشارلز: لكِ ذلك سوف انتظر لحين سفر طلابك
قمر : كيف علمت ؟
تشارلز : لقد اخبرني جو التقيته اليوم بالاجتماع واخبرني ان اخيه والطلاب الذين كانو معه سوف ياتون لزيارتك
قمر: حسنا علي ان اغلق الخط سوف اتصل بك بوقت لاحقا ؟
تشارلز : حسنا ولكن لدي اخر سوال
قمر: ماهو ؟
تشارلز: انتي لم تذهبي معهم ؟
قمر : نعم اريد ان اخذ السياره للمنزل
تشارلز : حسنا ولكن من بعد الان دعي القياده لسباستين
قمر: حسنا
سكرت منه وبعد وصولهم نزلت وفتحت الباب لهم
كان البيت عباره عن دورين وواسع من داخل مع حديقه اماميه كبيره التفتت لهم
قمر: يلا ادخلو الشباب بالدور الاول والبنات بالدور الثاني
فواز : لا بنروح لفندق
قمر عطته نظره
نور بستعجال : صدق كتوره بنروح لفندق مانبي نثقل عليك
قمر : انا هنا لحالي بالعكس بتسلوني مارح اكون لوحدي
فتحت باب الغرفه الاولى وكانت بجنبها غرفه : فيه غرفه وغرفه بيكون فيها ٢ منكم
قمر: اما البنات تعالو معي
راحو الدور الثاني فتحت الغرفه اللي هي لها اصلا
قمر التفتت لهم: تقدرون تنامون كلكم هنا السرير كبير وماعندي غرفه ثانيه
نور بستغراب: وانتي ؟
قمر : بنام بهذيك الغرفه
نور ناظرت الغرفه والتفتت لاميره بهمس : مو كان هذي غرفه الدكتوره كل اشيائها هنا
اميره: مايخصنا تعالي يلا
رتبو شنطهم بعد ما فتحت لهم قمر الدولاب الفاضي اما هي خذت الاب واشيائها مع كم لبسه فتحت الغرفه اللي صارت متعوده تدخلها قربت قبل تحط اشيائها على الطاوله وتلتفت للصوره اللي كانت موجوده بجنب السرير ابتسمت بالم
قمر: اخيرا البيت ماصار فاضي مثل دايم
طلعت من جديد تتطمن عليهم راحت للبنات اول: فيكم ترتاحون الحين وانا بروح اشوف العيال الساعه * رفعت ساعتها * الساعه ٥ نكون تحت تمام ؟
الكل وافق على كذا
الساعه ٥ كانو كلهم مجتمعين ولابسين
نزلت قمر بعدهم شافتهم جالسين كلهم
وقف بندر اول ماشافها
قمر: اجلس مايحتاج توقف
سمعو صوت الجرس قمر استغربت من اللي بيجي لها بهالوقت خصوصا ما احد عطاها خبر
فتحت الباب : اوه سباستين
سباستين: السياره جاهزه انستي
قمر فتحت له الباب : هل لك بالدخول لن نذهب الان
سباستين : لا شكرا لك
قمر باصرارها دخل سباستين معها
سباستين ساعدها بترتيب اكواب القهوه : لقد جهزت لكم جدول للسياحه لاتقلقي
قمر برتياح: شكرا لكم لا اعلم ماذا سوف افعل من دونكم
سباستين : لاداعي لشكري فا انا اتبع اوامر سيدي
قمر طلعت لهم : ايييوه تقولون لي مسوين سبرايز اجل ؟
فواز: بصراحه جايين لسبب وبنفس الوقت
اميره كملت : قلنا اشتقنا لك فا نجي لك
نور: ايي كثير احس من بعد ماسافرتي ضايعين
قمر التفتت له: وانت مشاري ايش درست
بندر بفخر : بيكون مساعدك طبعا من بعدنا
قمر بصدمه: صدددق طب دخلت ؟
مشاري انحرج : اي
قمر ببتسامه ومشاعر ماعرفت كيف توصفها كان الموضوع يخصها : يووه ماعرفت ولا باركت لك من اول مبروك مشاري
مشاري : مايحتاج تقولين كذا
قمر : طيب ايش الشي اللي جايين علشانه ؟
بندر: تخرجنا نبغاك تحضرينه
قمر تفاجئت من طلبهم الغريب : تخرجكم ؟
نور واميره : ايي
اميره: بصراحه مامر علينا شخص حسينا بيوم انه من عيالتنا ويساعدنا وقربنا من بعض الا انتي وصرتي من اهلنا علشان كذا نبغاك تحضرين تخرجنا
قمر بفرح: اكيدد بس متى ؟
اميره: بعد اسبوعين
قمر شافت التاريخ وتذكرت كلام تشارلز انه الاسبوع الجاي بيسافرون بعد مافكرت كثير بالوقت اللي كانو يرتاحون فيه
قمر : تمام يلا نروح
بعد جولتهم رجعو للبيت كل واحد راح لغرفته بينام
قمر اللي كانت جالسه بالصاله
مشاري بغرفته كان يتذكر كلام سلمان اخوه ويحس بضيق والم من كيف انقلب الموضوع كذا
قبل سفر مشاري لقمر بكم يوم
سلمان بعصبيه : اسمع لو تفكر تروح لاتكلمني ولاني اخوك
مشاري باصرار: لو تعطيني سبب واحد مقنع ممكن اوافقك بس كلامك مو مقنع اني اتركها او حتى اني ما ازورها
سلمان قرب من مشاري وضربه بقوته : تعصى كلامي ؟
مشاري وقف وضحك بالم: تحبها ؟
سلمان انصدم من سوال مشاري له : ايش ؟
مشاري : تحبها وماتبغى احد حولها وانت تشوفها مع اكثر من شخص بس هي قلبها لمن هنا السوال
سلمان رفع حاجبه: وش تقصد ؟
مشاري : ما اقصد شي انا قلت لك اكسبها ولاتخسرها بس واضح انك مو ناوي وصح انت ماعرفت ان تشارلز صار قريب منها مره صارو شركاء بالمستشفى وشركاء بالشركه ويحضرون اجتماعات سوا وانت اجلس هنا واترك التفكير يحرقك
سلمان بصرامه : مشاري
مشاري التفت عنه: بروح مع العيال لقمر سوا رضيت او مارضيت اذا ناسي انها كانت تهتم فيني قبل لاترجع بعد مده طويله من السفر وكانت معي بكل لحظه لما مرضت وطبخت لي ويمر سنه ما اشوفها او حتى اتصل عليها
سلمان بستسلام: سو اللي تبي بس بعدين لاتجي تشتكي عندي
مشاري ابتسم : لاتخاف مارح تصير
نرجع للوقت الحالي
وقف وطلع لبرا الغرفه شافها جالسه تذكر ايام كانت ساكنه عندهم ونفس السهر والاوراق والعفسه
قمر رفعت راسها: مانمت ؟
مشاري : لا ماجاني نوم
قمر : سلمان ؟
مشاري: تقريبا
قمر : تعال احكي لي
مشاري : يضايقني تصرفاته ومعاملته لي كاني طفل
قمر ابتسمت براحه: شوف سلمان اخوك الكبير ومهما صار اكيد بيكون خايف عليك ويخاف على مصلحتك وان مايصير لك اي شي فا طبيعي رح يبعدك عن كل شي بيسبب لك اذى
مشاري التفت لها وبارهاق : بس انتي و اذى بالنسبه لي انتي كنتي اختي والشخص اللي احتواني وسمع لي وكان معي باصعب اوقاتي تعبت بوقتها كثير لكوني بروحي
قمر : حتى ولو مو المفروض انك تعارض او تتناقش مع اخوك بسببي
مشاري تنهد
نور : دكتوره صاحيه
قمر : اي تعالي
بدو يتجمعون كلهم
اميره: دكتوره المرضى اللي عندك يحتاج لهم تنظيم ؟
قمر ناظرت الاوراق الكثير : برتبه انا بس قولو لي ايش خططكم لبعد التخرج
بندر: انا بجي اسكن عند جو واشتغل معك فا ياليت تحطين لي مكان
قمر ناظرته فتره وضحكت : جو موافق ؟
بندر رفع كتفه: اذا رفض بعيش هنا
فواز بحماس : وانا بعد
نور واميره : واحنا بعد
نور : انا فاتحت اهلي باني ابي اكون مساعدتك وابوي وافق لانه سمع عنك كثير
اميره: وانا بعد وافقو لنفس الشي
مشاري بحلطمه : وانا بكمل دراستي
اندق جسر الباب مقاطع حديثهم
قمر فتحت الباب
دخل وحط يده على خصره وبعتب : تجي لنيويورك واخر شي ماتزور اخوك ؟ ليه
بندر قام بيسلم على جو بس توجهت له ضربه خفيفه على بطنه
بندر بالم : اخخ كنت بجيك بس بكرا
جو سحب اذن بندر: اجل بكرا ليه تجلس هنا وعندك بيت هاه وبعدين * التفت للعيال* خذو اشيائكم واتركو البنات بروحهم
قمر ناظرته فتره وضحكت عليه: اتركم جو
جو التفت لها: باخذ الشباب يسكنون عندي والصباح يجون لك تمام
قمر بنظره شك : بدون سهر
جو : ما اوعدك لازم السهر وبعدين انا جايب لك شي ثواني
طلع ورجع بصندوق كبير استغربت
جو : مو مني من تشارلز هذا يقول بيكون مفيد لليل وهو اللي اقترح علي اخذ العيال وبصراحه عجبتني الفكره
انتهى البارت اهلييييييين كل عام وانتووو بخير بمناسبه قدوم شهر رمضان ربي يجعلنا من من صامه وقامه 🤍🤍
بالنسبه للتنزيل برمضان عندي اقتراح
تبغون يكون يومين بالاسبوع او كل يومين ينزل بارت ؟
واحبببببكم ♥️♥️♥️ عطوني رايكم بالبارت لاتنسون وتوقعاتكم للجاي
رحله قمر مع تشارلز
سلمان وكرهه لقمر
مشاري وتقربه لقمر هل لسبب او لا
بندر نور اميره فواز > ايش ممكن يصير بتخرجهم رح تحضر قمر ?
هادي هل ممكن يعرف سر قمر من شخص ثاني ؟
