تشارلز بغضب : اين اختفت منذ يومين لم يسمع عنها اي احد
المساعده: لا اعلم سيد تشارلز اقسم لك
هادي اللي كان ببروده وهدوئه المعتاد: تشارلز اهدى اكيد عندها سبب
تشارلز اللي دق جواله ورفعه بسرعه: اهلن سلمان !
سلمان : حصلتوها؟
تشارلز: لا
سلمان: اين ستكون اذا لم تخبر احد بمكانها
تشارلز اللي رجع شعره لوراء بغضب : لا اعلم ولا تسالني عن شي لاني لا اعلم انا ايضا
سلمان: حسنا ارجوك ان تتصل بي اذا حدث اي شي جديد
هادي ارسل لها : البيت مقلوب عليك ارسلي رساله تطمنينهم او على الاقل اتصلي من الهاتف العمومي تطمنينهم اكيد فيه كثير بالبلده اللي انتي فيها
اما قمر اللي كانت فاتحه الجوال الثاني الاحتياط : طيب !
وفعلا ارسلت رساله تطمنهم عليها قبل ترجع لنفس وضعها قبل ايام متضايقه وماتبي تنفعل على اي احد قالت لهادي انها رح تبتعد لفتره
قبل كم يوم
قمر اللي كانت سرحانه: انا بسافر كم يوم وما ابي احد معي بس عارفه رح يرفضون علشان كذا بروح لحالي بدون ما اقول لاحد
هادي بستغراب: من دون ماتقولي لاحد
قمر: يكفي قلت لك دقيقه
طلعت الجوال الثاني وسجلت له الرقم: هذا رقمي اذا صار شي
هادي: مصره
قمر: اي والله لان صدق احتاج ابعد بعد كل اللي صار بالوقت القريب
هادي: براحتك بس لاي مدينه
قمر: بروح لمدينه بالريف بس مارح اقول لك اسمها علشان ماتضطر انهم يضغطون عليك
هادي: تمام براحتك
ماعلق كثير لان حس انها فعلا وصلت لمرحله تحتاج تكون بعيده كل البعد عن اي شخص واي مواقف
الوقت الحالي
اندق باب غرفتها تكلمت بصوت عالي : ادخل
فتح الباب قبل يقرب منها ويبوس راسها : لك كم يوم بالسرير ماتحركتي
جلست قبل تسند راسها على صدره : احتاج هالفقره
ضحك عليها: طيب ماتحتاجين تاكلين
قمر : بصراحه جوعانه مرررررره لو تدري
حمد ابتسم: يلا وانا سويت لك الشوربه اللي تحبينها
قمر : اخخ احبك
حمد: وانا اموت فيك
قمر: قلت لاحد عن مكاني
حمد: لا لان ما احد سالني الا الحين
سمعو صوت الباب
قمر: تنتظر احد !
حمد هز راسه بنفي فتح الباب : رياض هلا والله
رياض : جبت لك طلباتك كلها لك
حمد: مشكور والله تعبتك معي
رياض : لاتعبتني ولاشي الشقه قدام الشقه وين التعب
حمد ابتسم له قبل يسكر الباب
قمر اللي كانت تاكل : واووو انا مدري كيف صرتو اصحاب وشخصياتكم واحد بالشرق وواحد بالغرب
حمد: الدنيا تجمع الناس مثل ماجمعتني فيك
اندق الباب
قمر: اوه حبايبك كثير
حمد ضحك عليها قبل يفتح
حمد بصوت عالي : ما اتوقع انهم حبايبي يمكن حبايبك انتي !
قمر : شتقصد
حمد : ادخل
قمر استغربت قبل تششوف يدخل تجاهه مسرع
قمر بصدمه: تشارلز
تشارلز سحب اذنها: كم عمري ؟
قمر : كبيررر صرت
تشارلز : انا بعد هالعمر كله تسوين فيني كذا
قمر ناظرته لفتره : اسفه بس كان لازم
تشارلز : وانت ماتعرف اننا قلبنا الدنيا عليها وماحصلناها
حمد: الا
تشارلز بستغراب: وماقلت لنا !
حمد: ما احد سالني كيف اقول لشخص ماسالني
تشارلز: صح كلامك اوه سلمان يقول انه رح يجي بس العصر
قمر تنهدت بتعب : اوووه مابعد خلصت اجازتي طيب ارحموني
تشارلز ربت على راسها: ماعليك بنتطمن ونرجع
قمر: مارح تاخذني معك ؟
تشارلز: اخذك معي تبين تروحين يعني مو انتي اللي تقولين ما ابي اروح واتركوني
قمر: لا مستحيل خلاص خذوني معكم
العصر
كانت لابسه ومتجهزه انه بس يجي سلمان تطلع معه
تشارلز كان جالس بالصاله وحمد طلع دوامه
تشارلز : وين !
قمر: بطلع مع سلمان
تشارلز ابتسم: تمام بس انتبهي لنفسك وبس يصير شي اتصلي علي
قمر: تمام وانت بعد
نزلت من الشقه شافت سيارته واقفه قدام العماره
قمر: سلام
سلمان: وعليكم السلام
قمر: كيفك
سلمان؛ بخير وانتي ارتحتي !
قمر: ياه مررره ارتحت الحمدلله حسيت هالكم يوم انه بعيد عن كل شي
سلمان : بس لاتعييدينها شوي وبنطلع من الكوكب واحنا ندورك
قمر ناظرته لفتره: كيف عرفتو مكاني
سلمان: سالنا حمد امس وقال لنا
قمر: اهااا
سلمان: اي
بعد كم يوم مرو
كانت جالسه بالحديقه قبل يجي من وراها
قمر: اهلين
تشارلز : كيف حالك
قمر: بخير
تشارلز : مرتاحه !
قمر: اي الحمدلله
تشارلز : وين سلمان عنك
قمر: جالس يجهز البيت
تشارلز: مارح تساعدينه
قمر: امم اثق بذوقه
تشارلز رفع كتوفه : انا مستغرب من انكم ما اعترفتو لبعض من قبل
قمر: امم تقدر تقول كنت متخوفه
تشارلز: وكيف مواعيدك مع الدكتور
قمر: احسن والا ماكنت بتجاوب مع سلمان تعبته معي كثير
تشارلز كان بيتكلم بس قطع عليها سلمان اللي ربت على راسها: ماقلت انك تعبتيني علشان كذا لاتطلعين افكار من راسك
تشارلز وقف : تمام اخليكم الحين
راح تاركهم جالسين بجنب بعض
قمر: اعترف لك بشغله !
سلمان ناظرها بحب : قولي
قمر: مدري كيف كنت بعيش وانا رافضتك وبنفس الوقت كل مافيني متعلق فيك
سلمان ضمها له قبل يترك الكلام اللي بداخله يطلع: انا بعد مدري كيف كنت عايش وانا بس ازعجك واسبب لك ازعاج بكل حياتك احبك بس ما كنت متصالح مع فكره ان اي احد يكون حولك او حتى بجبنك بدايتها برامي ومسامحتك له بس لما جاء لي واعتذر عن كل شي وطلب انه ينسحب من المستشفى تاكدت انه فعلا تغير كيف كنت بعيش انا لو ماكنتي بجنبي مثل الحين تتوقعين بعيش عادي !
قمر: ممكن وممككن تحصل الافضل مني
سلمان: وتتوقعين القمر يتقارن بالنجوم
قمر ابتسمت بحب وهي سانده راسها على صدره قبل يشبكون يدينهم سوا
بيوم الزواج قبل تخرج مشاري بيوم
مشاري : اوههه متوتر مره بنفس الاسبوع كثير مناسبات ولادة نور وجابت قمر وزواجك وبكرا تخرجي
سلمان ضحك قبل يصدم راسه براس مشاري : لاتعفس روحك كذا اهدا
مشاري اخذ نفس وطلعه : اوف
سلمان ضحك عليه : اوف اجل
مشاري: لاتتطنز
تشارلز دخل : ايش صار
سلمان: اتوقع اخوي العريس مو انا
مشاري طلع لسانه: نننن اروح برا احسن لي
بعد ما انتهت الزفه والكل راحو وبقو اثنينهم
سلمان باس راسها : الله يخليك لي العمر كله
كٌل الأياام ؤالتفاصيل ، في قربِك حٌلوه🤍
تمتتت🤍🤍
12/5/2023
