هادي بعد ماوصلها طلع لخالد ببيته
خالد : شسبب الزياره ؟
هادي : طلب انها تقابله
خالد ببرود : وايش الجديد نعرف هالشي
هادي : لا اخوه قابلها
خالد اللي نزل اكواب الشاي : ايش ؟
هادي : ليه بجيك اجل ؟
خالد : وكيف قابلها واحنا تاركين حراسه
هادي : بالمستشفى قابلها وقال لها عن رامي وانها تقابله ضروري
خالد : وهي ايش قالت ؟
هادي : رح تقابله سوا وافقت او لا
خالد : وش تقول هذي ؟
هادي : زي ماقلت لك انا بكون معها ولاتضغطون عليها لان اتوقع السبب باللي هي فيه مو رامي بس
خالد عقد حواجبه : كيف.
هادي : مثل ماقلت لك من كلامها وتصرفاتها حسيت بهالشي وبعدين اخيرا قررت تتكلم وانت تقول لي مارح تسمح لها تقابله ياخي ارحمها ترا مو زي المستجين اللي عندك هذي بنت بالاخير
خالد بتفكير : طيب روح انت وبرسل لك كل التفاصيل
قمر اللي كانت ترتب بالبيت وسوت العشاء سمعت صوت الجرس فتحته
هادي : ممكن ادخل ؟
قمر فتحت الباب : حياك
هادي : انا تكلمت مع خالد عن مقابلتك لرامي ووافق بس طلب مني مهله لبكرا
قمر بتفكير : ليه يعني فيه شي ؟
هادي : الموضوع مو بيدي بس طلب مني انه مهله لبكرا وبيرسل لي كل التفاصيل تمام
قمر : تمام
بعد ماكلو قمر رتبت سرير هادي وعطرت الغرفه بترتيب طلعت وشافته جالس بالصاله على جواله
قمر : تقدر تدخل
هادي ابتسم لها : شكرا لك
الساعه كانت ١١
قمر دخلت الغرفه بتنام بس فكرت كثير فتحت جوالها ورفعت الحظر : بلتقي فيك بالمطعم ** الساعه ١
رامي اللي كان مع يحيى انتبه لاسمها وعلى طول ارسل لها : موافق
قمر وقفت لما شافت الساعه ١٢ ونص وقفت ولبست على السريع برمودا سمواي و بلوفر بنفس الون لبست عبايه سودا مفتوحه بس برسمات رماديه خذت جوالها ومفتاح السياره فتحت الباب وتنهدت براحه ان هادي نايم كانت بتقول له بس ماتبغى تدخلهم بهالسوالف خصوصا ان اللي ببالي اني ما اقول لهم قصتي الحقيقيه
هادي فتح الباب واستند على الجدار وتنهد : كنت متوقع ماتنتظرين علشان كذا ماجاني نوم بدوري فا بروح معك لاتخافين مارح اسوي شي يخرب اللي ببالك
قمر ناظرته لفتره وبستسلام : تمام
نزلو وراحو لمكان المطعم
قمر نزلت وناظرته : براسلك باي شي يصير لاتسوي شي يخليه يعصب ترا رامي مايحب نفس هالحركات
هادي : تمام بنزل بعدك بفتره
قمر لبست الماسك على وجهها ونزلت بعد مارفعت شعرها لفوق بسبب الهوا القوي
هادي تسند على الدركسون : لو ماكنت صاحي وش كان رح يصير ؟
فتح جواله وارسل لخالد : بتلتقي فيه الحين انا معها لاتحاتي اي شي يصير برسل لك
خالد اللي كان دوامه بادي الساعه٧ انصدم لما شاف رساله هادي اتصل عليه : تمزح صح قول لي انك تمزح
هادي : ما امزح وهذا انا وياها بنفس المكان والحين دخل رامي بيتكلم معها بكون حولها ومارح اتركها
اي شي يصير برسل لك لاتحاتي مارح يصير شي
اما بداخل المطعم اللي كان فخم مررره وواضح مايجيه الا رجال الاعمال او اللي عندهم اجتماعات عمل او للمناسبات الخاصه
قبل فتره
كان بوحده من الطاولات استغرب لما شافها جالسه لحالها اعتذر ووقف تقدم منها وابتسم قبل ينحني بتحيه
تشارلز : لم اكن اتوقع ان اراك بهذا الوقت القصير انستي ولكني لم اتوقع ان ايام معدوده قد تجعل منك بمثل هذا الجمال
قمر وقفت لما عرفته وحيته: اهلن بك سيدي كيف حالك تكلم ببتسامه : اظن انني اصبحت بخير الان
قمر ابتسمت : هذا جيد
تشارلز : مالذي يجعل فتاه فاتنه مثلك تاتي لمثل هذا المكان
قمر : لدي اجتماع خاص ولم ارى انسب من هذا المكان فا انا طبيبه بعد كل شي
تشارلز باعجاب : اووه يالحظي الجيد لقد كنت اعاني من الالم منذ فتره
قمر اتمنى مايوصل رامي بهالوقت : سوف يسرني ان تزورني بعيادتي قريبا او ما رايك ان تاتي غدا بالساعه ال ٣ عصرا
تشارلز: هذا يناسبني تماما
ابتعد بعد ماودعها تنهدت براحه انه ماجلس عندها اكثر وان رامي ماشافهم مع بعض
رامي دخل وانتبه لها جالسه بالطاوله
مرت ساعه طلعو اثنينهم طبعا هادي ماتدخل لان وصلته رساله من قمر بان كل شي تمام
رامي : اتمنى تسامحيني على كل شي واذا التقينا بيوم بكون لك الاخ والصديق لا اكثر ولا اقل واعتذر لتصرفاتي اللي راحت من فتره طويله
ركبت للسياره خدت نفس عميق وطلعته براحه : اخيرا انا حره
هادي استغرب كلامها بس حرك السياره : ايش صار
قمر : ماقدر اتكلم الحين
هادي ابتسم : اهم شي انحل الوضع ؟
قمر اومئت بالايجاب : اي
هادي : اهم شي
قمر اكتفت بابتسامه
بعد مانزلت للبيت هادي اتصل على خالد : ما ادري ايش صار للحين بس اتوقع الامور انحلت
خالد : كيف ماتكلمت معك ؟
هادي : لا كانت مبسوطه وتقول بعدين بتكلم مو الحين
خالد : تمام بس لاتتركها تمام
هادي : تمام
دخلت للشقه بتعب واضح عليها وارهاق بس رغم هذا كله كانت مبتسمه براحه اول مره تحس بهالراحه بعد فتره طويلللله متى حسيت بهالطمئنينه والراحه
دخلت لغرفتها نزلت عبايتها نست تسكر الباب رمت نفسها على السرير بتعب وغمضت عيونها اول مره تنام بهالعمق من بعد فتره طويله عيونها تغمض لاتلقائي دخلت بالنوم على طول اما هادي اللي نزل من السياره وقفلها بعد ما اخذ جوالها اللي تركته بدون ماتنتبه
فتح باب الشقه وانتبه لباب غرفتها مفتوح بس مافي اي صوت تقدم وانتبه لها العبايه بالارض وراميه نفسها فوق السرير باهمال بس نايمه ؟
غطاها ورتب العبايه طلع لغرفته ونام هو بدوره
صباح اليوم الثاني
صحت بنشاط وحماس سوت لهم فطور وقهوه طلعت للدوام بدون ماتصحي هادي
بعد ساعات الدوام الاولى خذو بريك فطور
جو اللي دخل للمستشفى : بندر
بندر تنهد انه جو عاشر مره يجي له : نعم بندر مو موجود
قمر ضحكت عليهم : جو ليه تزعجه
جو ضم بندر وبحلطمه: مافي اي احترام للاخ الكبير ؟
بندر: اخوي على عيني وراسي عاشر مره تجي المستشفى جو وش موقفي بين الموظفين الحين لاتخليني اندم اني قلت لك تعال
جو ضحك: مو جاي علشانك الحين جاي علشان قمر
بندر رفع حاجبه : شتبي فيها ؟
جو ناظره بستغراب: كلام خاص
بندر وقف : اصلا كان عندي شغل
جو ضحك عليه: تمام تمام انتبه لنفسك لاتطيح
بندر ابتسم قبل يروح ويتركهم
قمر : شفيك ؟
جو : التقيتي تشارلز امس ؟
قمر : اي
جو بتفكير: والساعه ١
قمر بستغراب لاسئله جو: اي ليه كنت تراقبني ؟
جو هز راسه بنفي : بس كان عندنا اجتماع وتاجل بسبب اجتماعه اتصل علي وقال لي انه قابلك ومعك شخص
قمر: اي رامي
جو بصدمه: قابلتيه متى وكيف وليه ماقلتي لاحد
قمر ناظرت بيدها: ماقلت لاحد ولولا وجود هادي كان ما احد عرف اني بقابله
جو ضرب الطاوله: ليه مو عارفه الموقف اللي انتي فيه ولاتستهبلين
بندر اللي كان راجع ياخذ اوراق نساها دخل بصدمه: جو وش تسوي ؟
جو كانت نظراته انكسار وحزن : انتي مو واثقه فينا وتهربين من حياتك وواقعك
بندر بغضب من كلام جو: جو
قمر بنفي : اتركه بندر بقى انت معهم الواضح اني رح اخسر كل اللي حولي
بندر بستنكار للوضع : قمر ؟
جو ابتسم بسخريه قبل يرفع كتفه: انتي بقى لاحد راي عندك او قدر انتي رميتينا وسويتي اللي براسك ولا كان احد بحياتك تكلمنا كثير معك
طلع تاركها وراه
قمر جلست على الكرسي بتعب الارهاق للحين تحس فيه بس مو ارهاق عادي ارهاق غريب اول مره تحس فيه حاولت توقف بس طاحت على الارض
دخل بخوف بعد ماكان يسمع الكلام
تكلم بخوف وقلق : انتي بخير ؟
قمر رفعت نظرها له : اسفه انا ما اصلح اكون بحياه احد
مشاري بخوف : لاتقولين كذا انتي ماسويتي شي
مشاري بتفكير * علشان كذا رجع سلمان معصب اخر الليل وهو يقول طالعه اخر الليل وتبي احد يثق فيها ومنعني اقابلها * : قمر لاتقولين كذا
قمر حاولت تسند نفسها ماقدرت بعد محاولات كثير قدرت توقف فتحت الدرج وطلعت منه الورقه والحبوب خذت حبه قبل تحس انها صارت بخير واحسن بشوي
قمر ابتسمت له: شكرا لك يامشاري لانك بجنبي دايم وماتركتني ابد بس اعتذر لك على كل شي سويته
وضايقك او سبب لك الم
تركته وراها محتار طلعت وراحت لغرفه سلمان دقت الباب
سلمان : ادخل
فتحت الباب ودخلت حطت الورقه على الطاوله
قمر : باقي اسبوع للتدريب طلبت من دكتور نادر يهتم بالطلاب وهذي استقالتي
سلمان اخذ الورقه ووقع عليها: بسلامه وشكرا لخدماتك اللي كانت موجوده بهالوقت
طلعت من الغرفه كانت متوقعه تحصل رفض او حتى سوال بعد فتره فتح الباب ودخل بغضب
جو: انا مدري ليه ماتفهم اننا نخاف عليها ونهتم لها ليه مو راضيه تستوعب اننا موجودين بحياتها نساعدها سلمان انت لك تاثير عليها ليه ماتكلمها
سلمان مد الورقه له قراها برعب : تمززززح سمحت لها تروح ؟ قول انك تمزح تكفى
سلمان مارد عليه وكانت نظراته بارده وكل اللي بتفكيره انه بداء يكرهها
جو بغضب : انت مجنون ليه توافق على شي زي كذا انت تعرف ايش معناته
سلمان بنفس البرود : ايش ؟
جو : بتهرب مثل كل مره
سلمان: انت قلتها مثل كل مره يعني مو شي جديد فا مايخصني
جو بصدمه: انت مستوعب اللي تقول
سلمان وقف : انا مو مستعد اهتم بوحده مو مستعده انها تتقبلني او تتكلم معي وكل يوم مع واحد
جو زادت صدمته بسبب لهجه سلمان بس تكلم بتوتر وقلق : خسرت امها وابوها ومابكت بيوم بعده صارت بارده مو مهتمه لشي جلست سنتين احاول معها لما رضت تتقبلني فتحت لي قلبها وحبت لاول مره خذلها وصاحب صديقتها مرت بنفس فتره الحزن بدون ماتبكي طول الفتره تعرفت على رامي وارتبط فيها بعقد خطوبه بعد فتره من المعاناه من تصرفاته وافعاله المجنونه انفصلت وهربت للمره الثانيه صح فيه اشياء ما اعرفها بس هي باي لحظه ممكن تسوي اي شي مجنون بسبب كتمها او انها تنهار باي مكان وننسى ونسمع خبر مفجع عليها انت مستوعب هالكلام هذا كله وانت تقول انها كل يوم مع واحد من قال * وبغضب ضرب الطاوله* اذا هذا تفكيرك عنها انسحب واتركها للي رح يقدرها ويحفاظه عليها
بعيد عنهم بشقه قمر دخلت وخذت ثيابها هادي كان بالصاله وشاف حالاتها او مادخلت كان حاط كميرا يشوف اذا رح تطلع بعد مانام او لا بس شافها مبسوطه الصباح صدمه منظرها بهالوقت انتبه لها تطلع وتبتسم بتعب
قمر : تقدر ترتاح مني الحين
هادي بستغراب : على وين
قمر : برجع نيويورك
هادي تفاجئ من الخبر : ايش متى قررتي
قمر : سببت اذى كثير لكم كلكم وضايقتكم بكل اللي يصير معي لكم الحق بكرهي
هادي قرب منها: وش تقولين انتي قمر صاير شي
قمر ابتسمت قبل تحرك راسها بالم: لا انتبه لنفسك وشكرا لكل شي وصح قول لخالد ان رامي صادق بكلامه ومارح يتعرض لي ثاني مايحتاج يحط لي حراسه او يجي وراي ولو تكلم معه سلمان قول انه هي سافرت علشان ماعاد تربط احد فيها او يلتزم باللي يصير معها
هادي : بس
قمر : رح اتواصل معك دايم انت كنت الوحيد اللي متفهمني وبقيت بجنبي رغم كل اللي صار شكرا لك تستاهل كل خير
نهايه البارت ايش رايكم بالتصرف اللي صار وايش ممكن يصير بالجاي رايكم بالبارت ♥️واحبكم واحب تعليقاتكم الحلوه 🥺🤍شكرا لكم
