اليوم الثاني
فتحت عيونها * متى نمت ؟ * جلست وهي تشوف الغرفه وترتيبها توقعت انه اكيد احد من خدمه الغرف جاء يرتب الغرفه رفعت جوالها تشوف الساعه ابتسمت بنتصار لما شافتها الساعه ٥ يمدي اكيد نزلت من السرير غسلت وجهها واسنانها ولبست لبس سبورت اسود وخذت الخوذه من فوق الطاوله فتحت باب الفندق بشويش ونظراتها متعلقه بغرفه سلمان اللي للحين نايم نزلت بحماس قبل توقف عند الموظف
قمر: اين هي الدراجه الخاصه بي ؟
الموظف : تفضلي من هنا انستي
قمر مشت وراه عطاها المفتاح وكانت موجوده بامانات الفندق بحيث الدراجات باشكالها موجوده ومربوطه
قمر بنتصار: اخييييرا اشتقت
ركبت وطلعت للطريق السريع تسابق الرياح وكان الدنيا مو سايعتها من الفرحه اللي بداخلها
وقفت عند الجسر الكبير بعد ماوقفت الدراجه على جنب ابتسمت وهي تتنفس هوا الصبح الهادي واللطيف بنفس الوقت بعد مرور ساعه بالتنقل بين الشوارع قررت ترجع للشقه
اول مادخلت رمت نفسها على السرير ببتسامه كبيره نزلت الخوذه مكانها وطلعت لها لبس ناعم وكلاسيكي دخلت للحمام وخذت شور دافي
طلعت انتبهت لاتصالات ورسايل من طلابها ورقم غريب ومن حمد وسلمان ومشاري فتحت القروب اول
نور : دكتوره ارسلت لك البيانات للمريض الجديد
فواز : مؤشرات المرضى كويسه بس البعض يحتاج تغيير العلاجات فينا نبدلها ؟
اميره: رسلت لك كل الملفات والمستجدات كلها لايميلك
انتبهت ان بندر ماعلق بشي
فتحت رساله حمد : انتي وينك ماتردين ؟ انتي بخير امورك تمام ؟
ردت عليه: اي بخير بس مسافره يومين رحله عمل
كانت عارفه لو تقول لحمد انها سافرت بس بينجن مارح اطول
اما من مشاري : انتي بخير عرفت من سلمان انك برحله عمل اتمنى تكوني بخير وانك تنامي كويس
من سلمان : صباح الخير اذا صحيتي ارسلي لي
ردت عليه
اما الرقم الغريب :
اهليين صحيتي ؟ ولا توك اتوقع مانمتي وطالعه الحين صح ؟
ضحكت بعد ما استوعبت انه رقم جو سجلته قبل ترتب شعرها وتحط ميك اب ناعم وخفيف سمعت صوت الباب فتحته
سلمان كان لابس بدله رسميه وطالع شكله رسمي وانيق : صباح الخير من جديد
قمر ابتسمت: صباح النور
سلمان : نروح ؟
قمر : امم ثواني بس تمام
دخلت من جديد تحت انظار سلمان اللي ابتسم لحوستها
قمر بدت تدور روج يناسب الميك اب اللي حطته وعطر خفيف خذت البطاقات الخاصه فيها وحطتها بشنطه صغيره مجهزتها بحيث تتناسب مع لبسها
طلعت بعد ماقفلت الغرفه مشى سلمان قدامها ودخلو المصعد
قمر بتردد : شكرا لك
سلمان استغرب : على ؟
قمر : على مشروب امس
سلمان ابتسم : معنى كلامك نمتي عدل صح ؟
قمر اومئت بالايجاب
سلمان بتردد : ابغى اسالك عن شي
قمر : اسال
سلمان : بس مابغاك تتضايقين واذا كان الكلام يتعلق باللي رح تقولينه بعدين فا لاتجاوبيني تمام ؟
قمر : تمام
سلمان : كيف تعرفين جو ؟
قمر عقدت حواجبها : انت تعرفه ؟
سلمان : اي اعرفه بس معرفه قديمه درست معه بالجامعه وتقابلنا علشان شغل بمره من المرات
قمر بفرح: اوه صدق
سلمان : اي امم الحين فيك تقولين لي ؟
قمر: اعرف جو من ٥ سنوات راحو يعني معرفه قديمه مره بحيث اني سكنت لفتره هنا وتعرفت على عايلته
سلمان بتفهم: اها
قمر اومئت براسها
طلعو وتوجهو لمطعم الفندق اللي مفروض يفطرون فيه اول مادخلو تضايقت من الزحمه مو متعوده على انها تكون بمكان مليان زحمه وتاكل
سلمان انتبه لتعابير وجهها والتفتت: زحمه نغير المكان ؟
قمر : اي عادي
طلعو وتوجهو لكوفي كان انيق بتفاصيله الكثيره قمر ابتسمت وطلعت جوالها قبل تاخذ كم من صوره لنفسها وبعدها بدت تاخذ صور لطلبهم كانت يد سلمان على الطاوله في وحده من الصور ابتسمت ولفت الصوره له
قمر : ممكن انزلها انستقرام ؟
سلمان : عادي بالنهايه صورتك وانتي حره
قمر ضحك: لا ماكنت اقصد كذا انو انت طالع بالصوره
سلمان : ولايهمك نزلي اللي تبغين ولاتستئذنين
قمر نزلت الصوره وكتبت عليها تعليق
