سلمان : انتي بخير ؟
قمر: اي بخير لاتحاتي
دخلو الشقه
سلمان : مارح اسالك عن شي رح انتظرك تقولين لي اللي يصير معك وصدقيني مثل ماوقفتي مع مشاري بغيبتي بوقف معك واكون لك السند واسف اني تكلمت كذا عنك
قمر: ولايهمك ماصار شي انا اللي لازم اشكرك
سلمان : بتركك الحين
مشاري اللي كان تحت العماره واقف برا وانتبه لرامي انصدم : ايش يسوي ذا هنا ؟
تطمن انه طلب من سلمان يروح وراها بعد
بعد ٤ ساعات
قمر ناظرت للاكل ببتسامه خذت جوالها قبل تتصل على مشاري وتطلب منه يجي ياخذ الاكل فتحت القروب وارسلت لهم
قمر : صاحين ؟
بندر وفواز بوقت واحد : ايي
نور : يب دكتوره
اميره: ايي
قمر ابتسمت قبل ترسل: تعشيتو ؟
الكل : لا لسه تو
قمر : نطلع نتعشاء ؟
الكل كان مستغرب اسلوب قمر معهم وانها بالبدايه كانت قهوه وعشاء والحين عشاء من جديد
الكل وافقو ارسلت لمشاري بانه يقول لسلمان ويجون لنفس المكان اللي رح تكون فيه ارسلت للكل اللوكيشن وكان المكان حديقه
وصلت نور واميره قبل الكل
نور بحماس: دكتوررره انتي اللي سويتي العشاء ؟
قمر ضحكت على ردت الفعل : اي يارب يعجبكم
اميره: تسلم يدينك
قمر: تساعدوني ؟
بدو يرتبون المكان اما مشاري اللي قال لسلمان ولبسو لبس مريح بحيث انهم رح يروحون للحديقه كل واحد لبس بدله وفواز وبندر بالمثل تجمعو كلهم
نور بصدمه: اميررره
اميره : شفيك
نور: هذا هو نفسه صاحب المستشفى هي الدكتوره كيف تعرفه ؟
قمر ضحكت: نور واضح عندك اسئله كثير لي صح ؟
نور انحرجت : بصراحه اي
قمر : تمام
تعشو وكانهم عايله وحده
فواز اللي كان ياكل وعيونه على سلمان وبباله نفس سوال بعد ماخلصو اكل وقفو العيال يمشون كلهم بينما البنات كانو جالسين
قمر : ايوه نور قولي ايش بخاطرك اسئله
نور: ماتزعلين ؟
قمر : قولي ؟
اميره ابتسمت: بتسالك عن معرفتك بالمدير ؟
قمر اللي رفعت نظرها لهم : اها انا اعرف مشاري ما اعرف سلمان تقريبا من سكنت هنا قبل وقت رجع سلمان
نور : والدكتور رامي
سلمان كان مار من عندهم وانتبه لكلامهم
قمر ابتسمت بالم واضح بملامحها : امم ماحب اتكلم عن هالشي
اميره: والشخص اللي قبل كم يوم
قمر تنهدت قبل تتكلم: هذا اخوي
اميره ونور شهقو بنفس الوقت : اخوك ؟
قمر ضحكت على انفعالهم : يب ليه
نور طلعت جوالها بحماس وطلعت الصوره : هذا انتي متاكده انو اخوك كانكم كابلز تهبلونن
قمر ضحكت اول ماشافت صورتها هي وحمد : عادي ترسلينها
كانو كلهم بنفس المكان نور شهقت بقوه : مو قصدي كنا بالصدفه بنفس المكان
قمر ماقدرت تمسك نفسها والبقيه نفس كذا تسرع نور وعفويتها : لاتحاتين عادي اصلا كان بينا تحدي
فواز بلقافه: تحدي ايش ؟
قمر : امم كنا مخططين للطلعه بس كان يقول ان رح يتوقعون اني بنته لانه اكبر مني والفرق واضح بالصوره بس انا قلت انو الكلام رح يكون اننا كبلز
مشاري : احيان احس اني مصدوم منك مع اني اعرفك من مده
قمر تنهدت: انا مو عارفه نفسي حتى
بندر : شرايكم نلعب ؟
كملو سهرتهم وانبسطو
بعد توصيل البنات وترك العيال
مشاري : سلمان بيوصلك
سلمان ناظره لفتره
قمر/ لا مايحتاج بروح انا مو بعيد المكان
سلمان : بوصلك
قمر ابتسمت: تمام
ركب بالسياره معها ووصلو للعماره نزلت كان فيه شخص واقف قدام الباب ومعاه صندوق
سلمان وقف ينتظرها تدخل
وقفها صوته: انتي قمر ؟
قمر التفتت له: اي نعم ؟
تردد قبل يمد الصندوق : اسف بس وصلنا طلبيه باسمك وعنوانك قبل ساعتين
قمر مسكت الصندوق منه واول ماخذته حست بشي يسيل على يدها رمت الصندوق بخوف انصدمت ان اللي بيدها دم سلمان ركض بتجاهه مسكه بقوه
سلمان: وش هذا ؟ من طلب منك توصيله ؟
ناظر بسلمان بخوف : وصلنا هالطلب بوقت متاخر حتى تقدر تتاكد من جوالي
اول مافتح الجوال وصدق كان الرقم بس الصوره مو غريبه عليه كان شايفها قبل فتره فتح جواله وهو يشوق القوائم ؟ رامي ؟؟؟؟؟؟ ايش ممكن يكون بداخل الصندوق ودم ؟
تركه يروح اما هو راح ياخذ الصندوق طلع سكينه صغيره وفتح الصندوق كان داخله قلب معقوله رامي يوصل لكذا ايش هدفه ؟
قمر بدت ترجف يدينها من الدم اللي فيها انتبه لها وقام بسرعه اخذ المنديل ومسح يدينها : قمر تسمعيني ؟
قمر ناظرته لفتره: دم ؟
سلمان: لا مو دم لون
قمر بعدته ومشت ناحيه الصندوق مسك يدها : قمر انتظري
قمر لفت له وتعابيرها جامده : ماعليك سلمان تعودت على حركاته انتبهت لجوالها طلعته
رامي : كان عندنا تجربه من حيوان اليوم وقلت ارسل لك قلبه كتنبيه موقت
قمر عضت شفايفها بقوه
سلمان مسك يدها وسحبها لشقتها وهي مو فاهمه شي اول ماقفو قدام الشقه : خذي كل شي تحتاجينه
قمر ابتسمت: بس انا مارح اروح مكان اذا كان فيه ذره رجوله يقرب من هنا
سلمان بجديه : اجل رح ابقى هنا معك
مشاري اللي جاء يركض ونفسه متقطع: قمر جوالك ماتردين عليه ليه ؟
قمر استغربت لما رفعته وشافت ٣ اتصالات من حمد و٥ من مشاري : مانتبهت له كان طافي
مشاري : اخوك اتصل علي لما ماقدر يوصل لك وجيت اتطمن
قمر: تمام يلا روحو الحين انا بخير وكويسه
مشاري مافهم بس : يلا سلمان
سلمان: روح انت انا ببقى هنا
مشاري استغرب: شفيك ؟
سلمان التفت له: عندي شغل بخصوص المستشفى روح انت بجي بعدين
مشاري : تمام
اما قمر اللي طلعت مفتاحها وتركت الباب مفتوح بس رجعت بقوه لما شافت الشقه معفوسه بشكل مقرف
سلمان مسكها بسرعه قبل تطيح اول مادخل وانتبه للشقه وقذارتها كانت صدمته مو اقل منها
قمر : ممكن تتركني وترجع لحالك ؟
سلمان ماسمع لها ودخل لغرفتها * اذا رح اسمع كلامها رح يصير فيها شي لازم اخذ ثيابها و* وقف لما شاف ثيابها وهي طايحه وعليها الوان وماكان شي سليم طلع من الغرفه بعد ما دور كل الاشياء المهمه ومشى بكل الغرفه بعدها طلع ومسك يدها
سلمان : مستحيل تبقين هنا مالك عذر
قمر سحبت يدها وراحت للغرفه بصدمه: ليييه ايش سويت علشان يصير كذا ؟
سلمان وقف يشوفها وهو مو عارف ايش يسوي دق جوالها من جديد
قمر : هلا
حمد بخوف: انتي بخير صار لك شي
قمر ابتسمت بحزن وماوضحت بصوتها: اي بخير ليه شفيك ؟
حمد: ماتردين على جوالك من الساعه ٧ وانا ارسل لك
قمر: اسفه مانتبهت كان طافي الصوت
حمد: لاتطفينه ثاني مره سامعه اذا صرت عندك اطفيه على كيفك
قمر : تمام
حمد بقلق: فيك شي صوتك مو طبيعي ؟
قمر: لا بخير بس ارهاق الدوام
حمد: تمام انتبهي لنفسك
سكرت الجوال والتفتت لسلمان بستسلام وانها رح تروح معه سكرو بابا الشقه بعد ماقفلته من جديد توجهو لبيت سلمان دخلت بتوتر ايش رح يقول مشاري الحين ؟
مشاري اللي كان نازل بنفس اللحظه : قمر ؟صاير شي ؟
سلمان بصرامه: قمر رح تبقى معنا لفتره
مشاري بحماس : صددددق يعني مو كذب ؟
سلمان تركه بعد ماتوجه للغرفه اللي كانت بباله : قمر هذي رح تكون غرفتك
مشاري بحلطمه: ليه كذا خليها بجنب غرفتي
سلمان : مشاري مو وقت مزح
مشاري ابتسم بستهبال : اوووك اسف على العموم تنورين بيتنا اللي ناشف ومافيه اي حس انوثي
قمر ابتسمت له قبل تمشي وراء سلمان لغرفتها دخلت ونزلت الاشياء اللي بيدها
سلمان: غرفتي بجنبك اذا احتجتي اي شي ارتاحي اليوم وبكرا رح نتصرف
طلع من الغرفه اما قمر جلست على السرير وهي تناظر بالغرفه وبرتباك : هو ليه يسوي كذا رح يكون مثله بالضبط كلهم كذا بس انا لازم اطلع لازم اغير المكان
ظلت لفتره
اما برا الغرفه
مشاري : شصاير ؟
سلمان بجديه: شكل طحنا بواحد مختل
مشاري بحماس : ايوه وايش رح يصير ؟
سلمان: انت خليك حولها بس هذي مهمتك
مشاري : ليه دايم دوري ثانوي
سلمان: بالعكس انا عطيتك اهم دور
مشاري : تمام بروح انام الحين
سلمان اتصل عليه: الو هلا ابيك تطلع لي كل المعلومات عن الشخص اللي برسل لك اسمه . اي ضروري ابيه اليوم تمام . برسل لك عنوان ياليت ترسل فريق التنظيف تمام ؟ من دون اسئله او اي تصرفات المكان يرجع مثل ماكان وبنفس الوقت ترسل اللي يصلح الاقفال ابغى قفل وحتى النوافذ ياليت تحط عليها شبك قوي . اوك تمام انتظر الاخبار منك
سكر جواله وسند راسه بتعب اليوم كان متعب بس طلعتهم اللطيفه هي اللي كانت الشي الوحيد الحلو صعد لغرفته وانتبه لها جالسه تكتب واشيئها متجمعه توجه لغرفة مشاري اللي كان جالس يلعب ويتكلم مع الناس باللعبه
سلمان: مشاري انت قلت لي ان قمر دايم تتنقل صح ؟
مشاري رفع راسه من الجوال: اي ليه ؟
سلمان طلع وانتبه للغرفه فاضيه راح يركض لبرا البيت وانتبه لها تركب السياره وقف قدام السياره
سلمان : وين ؟
قمر : برجع البيت
سلمان : البيت او رح تختفين ؟
قمر رجفت يدها : لا ليه اختفي؟
سلمان فتح الباب : انا ومشاري وحمد معك هالمره انتي مو لحالك رح تهربين وبيكون موجود بس احنا مارح نكون حولك او معك مشاري رح يتضايق اذا صار لك شي
قمر وقفت السياره وبصوت مخنوق : بس انا خايفه
سلمان بصوت هادي : احنا حولك
قمر قررت تنزل نزلت وراحت معه من جديد بس الخوف اللي بداخلها اكبر من انها تتحمل تبقى بهالمكان اكثر
اهلييييين يلا ابغى توقعاتكم للبارت الجاي ورايكم على هالبارت بعد الاحداث الاخيره اللي صارت
حمد وايش موقفه من اللي صار والجاي
سلمان ومشاري هل رح تكبر علاقتهم مع قمر
قمر ورامي وايش ممكن يكون السر اللي بينهم
طلاب قمر ايش موقفهم وهل رح تكون علاقتهم بعد التخرج نفسها
احببببببكم وعلى قد التفاعل رح انزل البارت بكرا لاني متحمسه مثلكم للجاي ♥️♥️♥️♥️♥️♥️♥️♥️♥️
