(Unicode)
အသက်သုံးဆယ်ကျော်အရွယ် အမေတွေကြားက အဖေဆ်ိုလို့ ရိပေါ်တစ်ယောက်တည်းဖြစ်နေ၏။
ကလေးတွေကတော့ သီးသန့်ဆော့နေကြသည်။ အခုလုပ်တဲ့ပွဲလေးက ကျောင်းသားမိခင်တွေအချင်းချင်းရင်းနှီးစေရန်ရည်ရွယ်ချက်ဖြင့်ပြုလုပ်တာဖြစ်သည်။
ဖက်ထုပ်၊အသားပေါင်း ကိတ်မုန့်စသည်ဖြင့် မုန့်မျိုးစုံလုပ်နေရ၏။ ထိုအထဲမှာမှ ရိပေါ်လည်း တတ်နိုင်သလောက်ကူပေးသည်။ ယောကျာ်းလေးတန်မဲ့ အစားအသောက်တွေအကြောင်း ကျွမ်းကျင်နေတာကြောင့် တဖက်က ကျောင်းသားမိခင်တွေမှာ အံ့သြနေကြ၏။ သူတို့က ရိပေါ်ကို ဘာမှမလုပ်တတ်တဲ့ ကောင်လေးသာသာပဲထင်နေကြသည်ကိုး။
" ရှောင်ပေါင်းလေး ပါပါးက ဟင်းချက်တော်မယ့်ပုံစံပဲနော် "
ဖက်ထုပ်ပေါင်းလုပ်ဖို့ အစာသွတ်နေတဲ့ ရိပေါ်နားကို ကျောင်းသားမိခင်တစ်ယောက်က စကားလာပြော၏။
" ဟုတ် ! ဒီလိုပါပဲ "
ဘာပြန်ပြောရမှန်းမသိတာကြောင့် ခပ်တိုတိုပဲပြန်ပြောမိသည်။
" ကျွန်မဆို ဘာမှတောင်မလုပ်တတ်ဘူးရယ် ဟီးဟီး ။ ဒါနဲ့ ကျွန်မက ပင်းပင်းပါ "
" ကျွန်တော်က ဝမ်ရိပေါ်ပါ "
" ဒါဆို ကျွန်မက ရိပေါ်ကိုခင်လို့ရမလား ။ ကျွန်မကိုလည်းခင်လို့ရတယ်နော် ကျွန်မလည်း သားသားလေးကြောင့်သာ ဒီလိုလာရတာ ဘယ်သူနဲ့မှမရင်းနှီးဘူးရယ်။ ဒါပေမဲ့ ရိပေါ်ကျ ခင်ဖို့ကောင်းမယ်ထင်လို့ "
" ဟုတ် "
သူမကိုကြည့်ရတာ ရိပေါ်နဲ့ ရွယ်တူလောက်ဖြစ်ပြီး အတော်လေးသွက်လက်တဲ့ပုံပေါက်သည်။ ဝတ်ပုံစားပုံအရ သူဌေးသမီး ဘော်ကြော့လေးလားမသိ ။ ကလေးအမေဖြစ်သည့်တိုင်အောင် အပြုအမူတွေက ကလေးဆန်နေ၏။
" ဒီလိုမေးတာ ရိုင်းရာကျမလားမသိပေမယ့် ရိပေါ်က အသက်ဘယ်လောက်လဲဟင်။ ကျွန်မက ၂၈ ပြည့်တော့မှာ "
" ကျွန်တော်က ၂၆ နှစ်ပါ "
" ဒါဆို ငယ်တာပဲ။ မောင်လေးပေါ့ "
" ဟုတ် "
ပင်းပင်းဆိုတဲ့အစ်မက အသက်အရွယ်နဲ့မလိုက်အောင်ကို အတော်နုသည်။ ရိပေါ်တောင်ကြားကြားချင်း အံ့သြသွားရ၏။ ဘယ်သူနဲ့မှ စကားပြောဖော်မရှိသေး၍ အနေရခက်တဲ့ခံစားချက်တွေက ထိုအစ်မ စကားလာပြောတော့ နည်းနည်းသက်သာသွားရသည်။
YOU ARE READING
Highway To Heaven
Fanfictionကိုယ်မင်းကိုဘယ်တော့မှ လက်လွှတ်ပေးမှာမဟုတ်ဘူး ။ ကိုယ္မင္းကိုဘယ္ေတာ့မွ လက္လႊတ္ေပးမွာမဟုတ္ဘူး ။ A/N : This story is from my imagination.This is just a fan fiction that has nothing to do with reality.Please don't take this serious. This is a mpreg story...
