احتار قلبي بين عشق الشيطان والملاك!
لـ مريم البرلسي
الحمّدلله على الأيام المطمئنة، المليئة بإنتماءاتنا الصغيرة والعمَيقة حُبًا وتأملًا.💙🔮
...
خديجة ببكاء وهي تضع وجهها بين يديها: رحيل
_سمعت صوت صراخ عالي في الغرفه وضجة كثيرة، رفعت عينيها ببطئ لتتفاجئ برحيل يتقاتل معهم، وبحركة بسيطة كانوا يرتمون ارضًا دون حركه فقط يصرخون بشدة.. ثم توجه لها وهي مازالت مصدومه مما يحدث وجدته يحملها ويخرج بها من المكان..
رحيل بهدوء: امسكي كويس وغمضي عينك
خديجة: ليه
رحيل بحدة: نفذي وانتي ساكته
ارتعبت خديجة من نبرته وفعلت ما قال وفي لحظة وجدت نفسها امام منزلها، تركها رحيل وغادر دون التحدث..
خديجة بصدمه: هو ايه اللي بيحصل ده، انا بحلم اكيد
حسن بصوت عالي: اهي يا ايمان، مش قولتلك هتيجي
_كان حسن يتحدث من الاعلى، لحظات وكانت تنزل ايمان مع مازن وحسن
ايمان بقلق: مالك يا خديجة ومتبهدله كده ليه، ايه اللي حصل
حسن بسخريه: مش قولتلك تلاقيها بتتخانق اصل المشاكل بتيجري في عروقها
خديجة بغضب: طب اتقي شري بقا
حسن بـ استفزاز: اللي عندك اعمليه
مازن بحدة: بسسسس، اسكت انت وهي
_اقتربت خديجة من حسن وقالت بهمس: اخوك ده مرعب جدا
حسن بخوف: حصل
مازن ببرود: يلا نطلع ونتكلم فوق
_حاولت خديجة السير ولكنها لم تستطيع، فـ قدمها اصيبت عندما كانت تصعد الدرجة بسرعه.. تقدم منها مازن وقاما بحملها لـ اعلى
حسن بمشاغبة: هاا قوليلنا بقا قتلتي كام واحده
خديجة بعصبيه: طب وربي ما مقتول غيرك النهارده
انهت جملتها وهي ترمي عليها مزهرية
_ حسن هو شقيق مازن الصغير ويسكنون في الشقة المقابلة لشقة خديجة، هو شخص مرح ولطيف يكره الأوامر ويحب اخيه جدًا ويستمتع بأستفزاز خديجة كثيرا، عيونه واسعه باللون الاسود، مع بشرته الخمرية، وشعره البني، يبلغ من العمر 23 عام وطوله 176 سم، يعمل في مركز للتخاطب، ويتقن لغة الإشارة
حسن بستفزاز: مجتش فيا مجتش فيا
مازن بغضب: ادخل البيت يا حسن
_ابتلع ريقه بخوف من نظرات اخيه وذهب مسرعا الى شقتهم التي بجوار شقة خديجة فهم جيران
ايمان: ايه اللي حصل
خديجة بكذب: ولا حاجه يا ماما، كنت ماشيه وفي بنت وقفتني وقعدت تستظرف ف علمتها الادب
ايمان بتعب من ابنتها: يابنتي قولتلك كفايه مشاكل انا قلبي واجعني عليكي
خديجة بمرح: بنتك اسد يا ماما في ايه انا ميتخافش عليا، بعون الله لحد الان محدش قدر يقف ف وشي
مازن بهدوء: تمام اطمنا عليها فـ استئذن انا ولو احتاجتوا حاجه كلموني، وانتي يا خديجة خفي شبحنه شويه
أنت تقرأ
احتار قلبي بين عشق الشيطان والملاك!
Aventuraلقد نجا مِن الغرق، لكن البحر ظلّ دائماً في عينيه.
