احتار قلبي بين عشق الشيطان والملاك!

اسكريبت🤎🌿

اسكريبت بمناسبه رمضان بقا وتعويض عن بارت النهارده 🤎🌚

لـ مريم البرلسي
.....

: رقم والدك زيرو كام يابني

_رفعت طرف عيني ليها وبصيت بأستغراب

: وانتي عايزه رقم والدي لي
: اصل بصراحه زهقت

_للمره التانيه ابص باستغراب

: وانا مالي يعني
: اتِخر كده خليني افهمك

_كنت قاعد على البحر وبذاكر لما هي جات، انا اول مره اشوفها اصلا بس فضولي قرر يسمعها للاخر

: هاا، فهميني
: مبدأيًا كده مبحبش حد يقاطعني
: تمام
: بص يا استاذ أمجد، انت بصراحه كده جبله، اه والله زيمبقولك كده
أمجد بفم مفتوح: جبله؟
: انا قولت اي، متقاطعنيش
أمجد بغضب مكتوم: كملي
:كنا بنقول اي، اه جبله اصل البعيد لا بيشوف ولا بيحس
أمجد بتعجب: البعيد ده اللي هو انا
: ايو هو في غيرك، المهم تلميح ولمحت، كلام ولمحت، شكل ولمحت، وعماله اتشقلبلك وانت جبله جبله يعني
أمجد: انا مش فاهم حاجه
: عارفه انك مبتفهمش والله ظلمك اللي دخلك طب، اه صحيح انت هتبقى دكتور حمير ومعيز وكده
أمجد بغضب: مبفهمش؟ ودكتور حمير! طب قومي يا بقره من هنا بقا بدل ما اتغبى عليكي
: لا العصبيه غلط عليك يا أمجودي، روق كده

_مستفزه اوي، سيبتها ومشيت مانا عصبي وممكن ارزعها كف اطيرها وهي اصلا مفهاش نفخه

: أمجودي يا ميجو طب لتفي استنى يا لتفييي

_تاني يوم كنت رايح اجيب اختي عشان نفطر مع بعض، اه ماحنا في رمضان بقا وجو العزومات كل سنه وانتو طيبين

: مش بتفكر تكمل نص دينك
_بصيت بتفاجئ جنبي لاقيتها
: انتي تاني
: وحشتك صح!
أمجد بتجاهل: حلي عني
: طب تعرف ان شباب المنطقة كلها هتموت عليا بس انا قولت يا اما أمجد يا اما بلاش راجل تاني مينفعناش
_ضحكت على كلامها بس قولتلها بغضب طفيف
: يا انسه لو سمحتي، خليكي بعيد عني
: اقصرلي بس كده وهنتفاهم
: اقصرلك؟
: ايو الانسان رقبته هتتكسر وهو بيبصلك
ضحكت وقولت: مش ذنبي انك اوزعه
: يكون في علمك انا 154 سم
: كل ده طول
: مش موضوعنا، المهم مش هتحن بقا ياجن
: هااا
: ماتيجي نشرب مع بعض شاي واقولك بحبك ازاي
: هااا
: ياخي بقالي 4 سنين بحبك وانت شلحف
: شلحف!
: ايون

_اتوترت ومشيت، يمكن عشان دايما كل وقتي كان مذاكره وعمري ما كلمت بنات او اتعاملت معاهم لدرجة انتي معتش شايف غير اختي وماما وخالتي، بس اتفاجئت هي بصراحه جميلة بشرتها بيضه وصافيه زي الاطفال، وعيونها.. عيونها تسحر واسعه وباللون الزيتوني ورموشها طويله مديها سحر اكتر، والافضل من كل ده انها مختمره ولابسها فضفاض، ايدا انا اي اللي حصل، استغفر الله

....
: اختك فين
اتكلمت وانا تعبان
: طالعه ورايا يا ماما
: كده متسلمش على خالتو
: معلش، اخبارك اي يا خالتو
: بخير ياقلبي، كل سنه وانت طيب
اتكلمت بسرعه وانا داخل اوضتي
: وانتي طيبه