شفت من عذاب مابكة عيوني وشفت من ظلم ماجرح قلبي وشفت من حب مانساني كل اوجاعي

{ بارت 51 }

بسم الله الرحمن الرحيم

لا تجعلو روايه تلهيكم عن ذكر الله تعالى

[ اللهم اني ظلمت نفسي ظلماً كثيراً فإنه لا يغفر الذنوب الا انت ]

____________&

الحبّ لا يتقن التّفكير، والأخطر أنّه لا يملك ذاكرة، إنّه لا يستفيد مِن حماقاته السّابقة، ولا من تلك الخيبات الصّغيرة التي صَنعت يوماً جرحه الكبير.

_________★
عند نور

قاعده في حديقه وسرحانه تفكر بحالها مرة ايام على طلاقها من فيصل وطول هاذي الايام وابوها وعبد سلام وعمر ما تركوها بحالها يا اتصالات يا زيارات
اما نايف فما تدري عنه اي شي عرفت من امها إنه حور سافرت معاء زوجها شهر عسل وايارار اخدوها معهم برغم انه اديم طلبت منهم تخليها عندها إلا أنها رفضت واصرت تاخدها
اخذتها ذاكرتها ليوم المحكمه كانت عارفه انه رح يرفض يطلقها علشان كذا اخدة احتياضها واخدة من سيرفاء كل الاوراق المستشفى يلي تثبت انها تعرضت للعنف وبكذا طلقها غصبن عنه تذكرت نظراته اول مره تشوفه بهذا الضعف والانكسار بس ما هتمت ولا رحمته بل عكس حست بنشوة النتصار نظراته تثبت انه ما يقدر يعيش بدونها وهي هاذا يلي تبغاه تبي بكل دقيقة وثانيه يندم الف مره تبيه يتجرع من نفس كاس الالم وذل مثل ما شربها ايه مستحيل تسامحه طول ما هي عايشه
بلعت غصتها لذكرا راكان
قبل فتره كان عرس نارمين وماجد هاذا يعني اكيد راكان تزوج تحس بالم يعصر قلبها كل ما تتخيله معاء بنت غيرها مسكت
رأسها تحس رح تتجن من كثرة التفكير مسحت دموعها لما شافت امها جايه جهتها تظاهرت كانه مافي شي ما تبي امها تعرف شي عن حبها الطاهر لراكان
تقدمت منها امها بهدوء ومعها فرو
نطقت امها بلوم : وش مطلعك بهاذا البرد بدون ما تلبسي شي انتي تبي تمرضي خدي هاذا البسيه حتا تدفي
نطقت نور بهدوء : ماله داعي مو بردانه
نطقت امها بقهر : نور بلا عناد يا تلبسيه يا ادخلي داخل
تافافت نور بضجر واخداتها منها
نطقت امها بحده : بعدين انتي وش مطلعك هاذا الوقت نسيتي انك ماسكه العده افرضي احد من ضيوف جدك شافك
نطقت نور بملل : ليش من امتاء وضيوف جدي يجون بهاذا الوقت
ردة امها بحرص : حتا لو كان ضروري تكوني حريصه لا تنسي انك ماسكه العده
هزت راسها نور بتسليك

&&&&&&&&&&&&
في بيت ابو مشاري

دخل راكان البيت وشاف امه جالسه بصاله لحالها استغل الفرصة مستحيل يتراجع او يتاخر تركها تروح من يده مره مستحيل يكررها تقدم من امه وضحكه شاقه حلقه من يوم ما تطلقت نور و الضحكه ما تفارقه
استغربت امه وضع ولدها هاذي الايام مروق ومبسوط عكس اول ما رجع من سفر ماد البوز شبرين ابتسمت له ونطقت بحنيه : عساء دوم هاذي الضحكه
تقدم منها راكان وباس راسها ونطق بحب : يدوم عزك يا غاليه
نطقت امه بابتسامه : ما قلت لي وش سر هاذي الابتسامه
حك راسه راكان بإحراج ماهو عارف اشلون يفتح معها الموضوع تحم حم ونطق بهدوء : يمه انا ابيك تخظبي لي
تهل هل وجه امه ونطقت بفرح ونفعال : هاذي الساعه المباركه واخيرا خلاص يمه انا من باكر رح دور لك عروس
ابتسم راكان على انفعال امه ونطق بهدوء : لا يمه ماله لزوم تدوري لي انا ببالي وحده
نطقت امه بابتسامه : ولله اني كنت داريه انه وراك وحده وإذا الله ما خيبني فانا عارفه من هي بس رح اسمع منك قول منو هي
نطق راكان بابتسامه : نور بنت عمي
ابتسمت امه بفرح : ولله نور ونعم فيها بنت ولا كل البنات بس يا وليدي اشلون تبيني اخطبها لك ولبنت بعدها ماسكه العدة
نطق راكان بهدوء : مو مشكله اول ما تخلص العده ابيك تخطبيها لي
ابتسمت امه بحنيه ونطقت : إن شاء الله يا وليدي الله يسخر يلي فيه النصيب
نطق راكان من قلب : امين
دخلو ابو مشاري ومشاري ردو السلام وجلسو
قامت ام مشاري تصب لهم الشاي
سبقها راكان ونطق : اجلسي يمه انا بصب لهم
اخد منها الذله وصب لهم
رفع حاجبه مشاري ونطق بمزح : من امتاء السناعه خابرك ما تاخد الكاس من تحتك
نطق راكان بابتسامه وهدوء : انا اليوم مروق مارح ارد عليك
نطق مشاري بسخرية : لا تكفى رد علي اقول طير ناسي اني اخوك الكبير
نطقت ام مشاري بابتسامه : اقول اسكت اصلن راكان دائمن سنع مو مثل بعض الناس
نطق مشاري بملل : يا ليل النشبة الحين رح تبداء المحاضره وكله علشان السيد راكانو
خزه راكان بعيونه ونطق : والله يلي بيته من زجاج لا يرمي الناس بحجاره
نطق ابو مشاري بهدوء وابتسامه : راكان سنع من يوم يومه بس لو تطيعني وتخليني اخطب لك
نطق راكان بابتسامه وفرح بس حاول ما يبين : إن شاء الله يبه قريب انا خلاص نويت اتزوج
ابتسم ابوه بفرح ونطق : هاذي ساعه المباركه ما بغيت خلاص امك من بكرة تروح تدور لك على عروس
نطق راكان بهدوء وابتسامه : ماله لزمه يبه امي تدور انا في بالي وحده
نطق مشاري بمزح : حركات ولله ومن ورانا يل خاين
عقد حواجبه ونطق ابوه : بنت منو
نطق راكان بهدوء : بنت عمي ابو عبد سلام نور
نطق ابوه بغضب : وشهو انته تبي تجنني تبي تتزوج مطلقه اسمعني بنت عمك انساها طلعها من راسك
انصدمت ام مشاري ما توقعت تكون هاذي ردة فعله ومشاري يناظر لهم مثل الاطرش بزفه ما هو فاهم شي
انصدم راكان من ردة فعل ابوه ونطق بصدمه : ليش يبه وش فيها بنت عمي وش ينقصها
نطق ابوه بحزم وقسوه : ينقصها انها مطلقه وانته ما يعيبك شي حتا تتزوج مطلقه
نطق راكان بعدم تصديق من تفكير ابوه : انا يلي رح اتزوجها وراضي انها تكون مطلقه
نطق ابوه بحده : قلت لك لا يعني لا بنت عمك انساها
نطق راكان باستنكار : يبه انته وش فيك هاذا وهي بنت اخوك وهاذا كلامك وش بغيت للغرب
نطق ابوه بغضب : ماهو انته يلي تعلمني وش صح وش غلط
اسمعني كلمه وما اغيرها بنتك عمك شيلها من راسك ولا لا انته ولدي ولا انا اعرفك
نطق مشاري يحاول يهذي الوضع : يبه هذي حالك مو زين لك عصبيه اهاذا مارح يصير الا يلي تبيه صح راكان
تجاهل راكان مشاري ونطق موجه كلامه لابوه : هاذا اخر كلامك يبه
نطق ابوه بحزم وقسوه : ايه ومارح اغيره بس اذا كنت تبي تتزوج من بكرة تروح امك تخطب لك بنت خالك
نطقت ام مشاري بقهر على ولدها : حرام عليك لا تكون انته وزمن على ولدك اتركه ياخد يلي يبيها لا توقف بطريقه
نطق راكان بحزم : اجل اسمعني دامك ما تبيني اتزوجها يحرمون علي كل بنات حواء يا هي يا ماني متزوج
قال اخر كلامه وطلع
صرخ عليه ابوه يناديه بس ما استجاب له
طلع وره مشاري يلحقه
جلس ابوه على كنبه ومسك راسه بضيق
بكة امه بقهر وحزن على ولدها ناظرة زوجها ونطقت بقهر : عجبك ارتحت الحين لما طلع زعلان راكان بعمره ما رفض لك طلب ولما هو طلب منك شي بسيط كسرة بخاطره ورفضت وش فيها بنت عمه يعني المطلقه مالها رب ؟
مارد عليها حس بندم انه زعل ولده بس هاذا الشي من مصلحته خايف إذا وافق على زواجه منها ما يصير بينهم توافق ويطلقها ويزعل منه اخوه وهادا الشي هو ما يبيه
دخل مشاري وهو متضايق على اخوه
نطقت امه بسرعه : يمه وين اخوك لحقت عليه
هز رأسه مشاري ونطق يطمنها : ايه يمه بس قال لي انه رايح لعند طلال
تنهدت امه بشوية راحه على اقل عارفه مكانه
نطق مشاري بعد ما عرف السالفه من اخوه موجه كلامه لابوه : يبه الله يهديك انته ليش ما تبي راكان يتزوجها وش فيها بنت عمي
نطق ابوه بحده وحزم : اعتقد قلت السبب مابي ازوج ولدي مطلقه حتا وان كانت بنت اخوي ووصلوا هاذا الكلام له لا يحسب انه اذا طلع من البيت رح غير رايي انا كلمتي ما اثنيهاء
قام وطلع لغرفته يرتاح
تنهدت ام مشاري بضيق
نطق مشاري بهدوء : يمه اهدي لا ضايقي حالك كل شي بينحل
نطقت امه بامل : إن شاء الله ربي يهدي ابوك ويغير رايه