الكاتبة: حفيدة نيوتن 😎🔥
💞زواج تقليدي💞
# ﺍﻟﺤﻠﻘﻬﻪ ﺍﻟﺤﺎﺩﻳﺔ ﻋﺸﺮ 🌸
ﺍﻧﺎ << ﻣﻊ ﻣﻦ ﻛﻨﺘﻲ ﺗﺤﻜﻲ ؟
ﺣﻨﺎﻥ << ﻭﺩﺍﺩ ﻫﺬﻩ ﻭ ﻗﺎﻟﺖ ﺇﻧﻪ ﻋﻤﺘﻚ ﻛﺎﻧﺖ ﻋﻨﺪﻫﻢ ﻏﺎﺩﻱ
ﻧﻌﻴﻤﻪ << ﺑﺸﺮﻯ ﻧﺒﻴﻚ ﺗﺴﻤﻌﻴﻨﻲ ﻛﻮﻳﺲ ؟ ﺗﻮﺍ ﺍﻧﺘﻲ ﻗﺎﻋﺪﻩ ﻋﻨﺪﻱ ؟ ﻭ ﻣﺎ ﺣﺪ ﻳﻘﺪﺭ ﻳﻐﺼﺒﻚ ﻉ ﺣﺎﺟﻪ ؟ ﺣﻨﺎﻥ ﺣﻜﺘﻠﻲ ﻛﻴﻒ ﺧﻠﻮﻙ ﺗﻮﺍﻓﻘﻲ ﻭ ﺗﻮﺍ ﻛﺎﻥ ﻣﺎ ﺗﺒﻴﺶ ﻭ ﺭﺍﺳﻚ ﻣﺶ ﻩ ﻳﺼﻴﺮ ﻫﺎﻟﻌﺮﺱ
ﺍﻧﺎ << ﻳﻌﻨﻲ ﻟﻮ ﻗﻠﺖ ﺃﻧﻲ ﻣﺎ ﻧﺒﻴﺶ ﺧﺎﻟﺪ ﻩ ﻳﺨﻠﻴﻨﻲ ﻓﻲ ﺣﺎﻟﻲ ؟؟
ﻧﻌﻴﻤﻪ << ﻭ ﻫﻮﺍ ﻳﻘﺪﺭ ﻳﺠﻲ ﺷﻮﺭﻙ ﻭ ﺍﻧﺘﻲ ﻣﻌﺎﻳﺎ ؟ " ﻭ ﺧﺶ ﻣﺆﻳﺪ ﻉ ﻛﻼﻣﻨﺎ "
ﻣﺆﻳﺪ << ﻃﺒﻌﺎ ﻣﺎ ﻳﻘﺪﺭﺵ ﻳﺠﻲ ﺷﻮﺭﻙ ﻃﺎﻟﻤﺎ ﺍﻧﺎ ﻋﺎﻳﺶ
ﻧﻌﻴﻤﻪ << ﺍﻧﺖ ﺍﻃﻠﻊ ﻣﻦ ﺍﻟﻘﺼﻪ ﺑﺲ
ﺯﻳﻨﺐ << ﺑﺸﺮﻯ ﺗﻌﺎﻟﻲ ﺷﻮﻳﻪ ﻧﺒﻴﻚ
ﻣﺆﻳﺪ << ﺍﺣﻜﻲ ﻗﺪﺍﻣﻨﺎ ﻛﻨﻚ ﻣﺘﺤﺸﻤﻪ ؟
ﻧﻌﻴﻤﻪ << ﺧﻠﻲ ﺍﻟﺒﻨﺎﺕ ﻓﻲ ﺣﺎﻟﻬﻦ ﺍﻧﺖ
ﺯﻳﻨﺐ << ﻣﺶ ﺷﻮﺭﻙ ﻭ ﺧﻠﻴﻚ ﻓﻲ ﺣﺎﻟﻚ
ﻣﺆﻳﺪ << ﻏﻴﺮ ﻭﺳﻌﻲ ﺑﺎﻟﻚ
ﺯﻳﻨﺐ << ﺑﺸﺮﻯ 😕
ﺍﻧﺎ << ﻫﻴﺎ ﻫﻲ
ﺻﺒﻴﺖ ﺍﻧﺎ ﻭﻳﺎﻫﺎ ﻭ ﺧﺸﻴﻨﺎ ﺟﻮﺍ ﻭ ﻛﺎﻥ ﺑﺎﻳﻦ ﻋﻠﻴﻬﺎ ﺍﻧﻪ ﻓﻲ ﺣﺎﺟﻪ
ﺍﻧﺎ << ﻫﺎ ﺍﺣﻜﻲ ؟
ﺯﻳﻨﺐ << ﻣﺎ ﺗﺮﻓﻀﻴﺶ ﻣﺤﻤﺪ 😢
ﺍﻧﺎ << ﺍﻭﻝ ﺷﻲ ﺑﻄﻠﻲ ﺑﻜﺎﺀ 😳 ﺷﻦ ﻓﻲ ؟ ﺗﻲ ﻣﺎﻫﻮ ﻋﺎﺭﻓﺘﻴﻨﻲ ﻣﺎ ﻧﺒﻴﺶ
ﺯﻳﻨﺐ << ﻟﻮ ﺭﻓﻀﺘﻴﻪ ﻩ ﻳﺮﺩ ﺍﻷﻣﻞ ﻝ ﻣﺆﻳﺪ
ﺍﻧﺎ << ﻓﻴﺶ ﺗﻔﺘﺮﺷﻲ ﺍﻧﺘﻲ ؟
ﺯﻳﻨﺐ << ﻛﻠﻨﺎ ﻣﻼﺣﻈﯿﻦ ﻛﻴﻒ ﻣﺆﻳﺪ ﻣﻌﺠﺐ ﺑﻴﻚ ﺑﺲ ﺍﻧﺎ 😭
ﺍﻧﺎ << ﺍﻧﺘﻲ ﺷﻨﻮ ؟؟
ﺯﻳﻨﺐ << ﺍﻧﺎ ﻧﺤﺒﻪ 😭 ﻧﺤﺐ ﻣﺆﻳﺪ ﻣﻦ ﺯﻣﺎﻥ 😭
ﺍﻧﺎ << ﻳﺎ ﺭﻭﺣﻲ ،، ﺗﻲ ﻋﻠﻴﺶ ﺗﺒﻜﻲ ﺑﺎﻫﻲ ﺧﻼﺹ ﺍﻣﺴﺤﻲ ﺩﻣﻮﻋﻚ ﺭﺁﻩ ﺣﺘﻲ ﺍﻧﺎ ﻧﺒﻜﻲ
ﺯﻳﻨﺐ << ﻃﺎﻟﻤﺎ ﺍﻧﺘﻲ ﻗﺪﺍﻣﻪ ﻫﻮﺍ ﻣﺎ ﻳﺒﺤﺘﺶ ﻓﻴﺎ ﺑﻜﻞ 😢
ﺍﻧﺎ << ﺑﻄﻠﻲ ﻫﺒﺎﻝ ﻭ ﻣﺆﻳﺪ ﻛﻴﻒ ﺃﻳﻬﻢ ﺑﻀﺒﻂ
ﺯﻳﻨﺐ << ﺍﻧﺘﻲ ﺑﺎﻟﻨﺴﺒﻪ ﻟﻜﻲ ﻫﻜﻲ ﺑﺲ ﻫﻮﺍ ﻻﻻ
ﺍﻧﺎ << ﺍﻣﺸﻲ ﺍﻏﺴﻠﻲ ﻭﺟﻚ ﻭ ﻟﻮ ﺷﻦ ﻳﺼﻴﺮ ﻣﺴﺘﺤﻴﻠﻪ ﻧﻔﻜﺮ ﻓﻲ ﻣﺆﻳﺪ ﺑﺄﻱ ﻃﺮﻳﻘﻪ ﻏﻴﺮ ﺃﻧﻪ ﺧﻮﻳﺎ
ﺻﺒﺖ ﺯﻳﻨﺐ ﻭ ﻫﻴﺎ ﻃﺎﻟﻌﻪ ﺧﺒﻄﺖ ﻓﻲ ﻣﺆﻳﺪ ﺍﻟﻠﻲ ﻛﺎﻥ ﻣﺼﺒﻲ ﻋﻨﺪ ﺍﻟﺒﺎﺏ
ﻣﺆﻳﺪ << ﻭ ﺍﻧﺘﻲ ﺗﻘﻮﻝ ﻋﻤﻴﻪ
ﺯﻳﻨﺐ << ﻛﺬﺍ ﺣﻮﻝ ﻣﻦ ﻗﺪﺍﻣﻲ
ﻣﺆﻳﺪ << ﻭ ﻫﻴﺎ ﺩﻳﻤﺎ ﺗﺒﻜﻲ ﻛﻴﻒ ﺍﻟﻌﻴﺎﻝ ﺍﻟﺼﻐﺎﺭ
ﺯﻳﻨﺐ << ﻳﺎ ﺧﺎﻟﺘﻲ ﺗﺴﻤﻌﻲ ﻓﻴﻪ 😢
ﻧﻌﻴﻤﻪ << ﻏﻴﺮ ﻳﺠﻲ ﺑﺎﺗﻪ ﺑﺲ ﻫﻮﺍ ﺍﻟﻠﻲ ﻳﺘﻔﺎﻫﻢ ﻣﻌﺎﻩ
ﺣﻨﺎﻥ << ﺑﺸﺸﺸﻪ ﺍﺟﺠﺠﺠﺮﺭﺭﺭﻱ ﻣﻨﺎﺭ ﺗﺮﻥ
ﻣﺆﻳﺪ << ﻣﻦ ﻣﻨﺎﺭ ﻫﺬﻩ ؟
ﺯﻳﻨﺐ << ﻣﺎ ﺩﺧﻠﻜﺶ ﺍﻧﺖ
ﻣﺆﻳﺪ << ﻳﺎ ﺃﻣﻲ ﺳﻤﻌﺘﻴﻬﺎ 😂
ﺃﻣﺎﻧﻲ << ﻓﺎﺭ ﻭ ﻗﻄﻮﺱ 😂 😕
ﺣﻨﺎﻥ << ﺗﻲ ﻭﻳﻦ ﺍﺧﺘﻔﺖ ﻫﺬﻩ 😒
ﺍﻧﺎ << ﺃﻫﻮ ﺟﻴﺖ ﻭ ﺍﻧﺘﻲ ﺗﻌﻴﻄﻲ 😒
ﺣﻨﺎﻥ << ﺃﻫﻮ ﺍﻟﺨﻂ ﻓﺼﻞ ﻋﺎﺟﺒﻚ
ﺍﻧﺎ << ﺭﺩﻱ ﺭﻧﻲ ﺍﻧﺘﻲ ﺑﺎﻩ
ﺣﻨﺎﻥ << ﻻ ﻳﺎ ﺣﻨﻪ ﻣﺎ ﻋﻨﺪﺵ ﺭﺻﻴﺪ
ﺍﻧﺎ << ﻋﻠﻴﻚ ﺑﺨﻞ 😒
ﺣﻨﺎﻥ << ﺃﻫﻲ ﺗﺮﻥ ﺁﺧﺮﻩ ﺧﻮﺫﻱ ﺭﺩﻱ
ﺍﻧﺎ << ﻫﺎﺗﻲ ﻫﺎﺗﻲ
ﻣﻨﺎﺭ << ﺁﻟﻮ // ﺧﻴﺮ ﻳﺎ ﺣﻨﺎﻥ
ﺍﻧﺎ << ﺍﻫﻠﻴﻦ ﻣﻨﺎﺭ
ﻣﻨﺎﺭ << ﺑﺸﺮﻯ ؟؟
ﺍﻧﺎ << ﺍﻫﺎ ﺑﺸﺮﻯ
ﻣﻨﺎﺭ << ﺷﻦ ﺍﺧﺒﺎﺭﻙ ﻭ ﺷﻦ ﺩﺍﻳﺮﻩ ؟ ﺷﻐﻠﺘﻴﻨﺎ ﻋﻠﻴﻚ
ﺍﻧﺎ << ﺍﻟﺤﻤﺪ ﻟﻠﻪ ﺗﻤﺎﻡ ﺍﺣﺴﻦ ﻣﻦ ﺃﻣﺲ
ﻣﻨﺎﺭ << ﻛﻨﺎ ﻋﻨﺪﻛﻢ ﺟﻴﻨﺎ ﻧﺒﻮ ﻧﻄﻤﻨﻮ ﻋﻠﻴﻚ ﺑﺲ ﻣﺎ ﻟﻘﻴﻨﻜﺶ
ﺍﻧﺎ << ﺍﻫﺎ ﻣﺸﻴﻨﺎ ﻟﺨﺎﻟﺘﻲ ﻫﻜﻲ ﻧﻐﻴﺮﻭ ﻓﻲ ﺟﻮﻧﺎ ﺍﻧﺎ ﻭ ﺯﻳﻨﺐ
ﻣﻨﺎﺭ << ﻳﻌﻨﻲ ﻣﺎ ﻓﻲ ﺷﻲ ؟
ﺃﻧﺎ << ﻻﻻ ﻛﻞ ﺷﻲ ﺗﻤﺎﻡ
ﻣﻨﺎﺭ << ﻫﺎﻛﻲ ﻣﺎﻣﺎ ﺗﺒﻲ ﺗﻄﻤﻦ ﻋﻠﻴﻚ
ﺍﻧﺎ << ﺗﻤﺎﻡ ﺑﺎﻩ
ﻓﺘﺤﻴﻪ << ﺧﻴﺮ ﻳﺎ ﺍﺑﻨﻴﺘﻲ / ﻛﻴﻒ ﺣﺎﻟﻚ ﻭ ﺷﻦ ﺍﻟﻠﻲ ﺻﺎﻳﺮ ﻣﻌﺎﻙ ؟
ﺃﻧﺎ << ﺧﻴﺮ ﺧﻴﺮ ﻳﺎ ﻋﻤﺘﻲ / ﺍﻟﺤﻤﺪ ﻟﻠﻪ ﻛﻴﻒ ﺣﺎﻟﻜﻢ ﺍﻧﺘﻮ ؟؟
ﻓﺘﺤﻴﻪ << ﺍﻟﺤﻤﺪ ﻟﻠﻪ ﻛﻠﻨﺎ ﺑﺨﻴﺮ / ﺣﺘﻲ ﻋﻤﻚ ﻳﺴﺄﻝ ﻋﻠﻴﻚ ﻭ ﻣﻨﺸﻐﻠﻴﻦ ﻋﻠﻴﻚ ﻛﻠﻨﺎ
ﺍﻧﺎ << ﻣﺎ ﺗﻨﺸﻐﻠﻮ ﻉ ﻏﺎﻟﻲ / ﻣﺠﺮﺩ ﺣﺴﺎﺳﻴﻪ ﻭ ﻭﺟﻲ ﺍﺣﺴﻦ ﺍﻟﻴﻮﻡ
ﻓﺘﺤﻴﻪ << ﺑﺎﻫﻲ ﺍﻟﺤﻤﺪ ﻟﻠﻪ / ﻛﺎﻥ ﻣﺎﺯﻟﺘﻲ ﻣﻄﻮﻟﻪ ﻋﻨﺪ ﺧﺎﻟﺘﻚ ﺑﻜﺮﺍ ﻧﺪﻳﺮﻭﻟﻚ ﺯﻳﺎﺭﻩ ﻋﻨﺪﻫﺎ
ﺍﻧﺎ << ﺗﺎﻧﺴﻮﻧﺎ ﻓﻲ ﺃﻱ ﻭﻗﺖ
ﻓﺘﺤﻴﻪ << ﺧﻼﺹ ﻣﻌﻨﺎﻫﺎ ﺑﻜﺮﺍ ﻧﺎﺧﺬﻭ ﺍﻟﻮﺻﻒ ﺃﻥ ﺷﺎﺀ ﺍﻟﻠﻪ
ﺍﻧﺎ << ﺃﻥ ﺷﺎﺀ ﺍﻟﻠﻪ ﻭ ﺍﻧﺘﻲ ﻃﻴﺒﻪ
ﻓﺘﺤﻴﻪ << ﺗﻮﺻﻲ ﺑﺸﻲ ؟
ﺃﻧﺎ << ﺳﻼﻣﺘﻚ ﺑﺲ
ﻓﺘﺤﻴﻪ << ﺑﺎﻫﻲ ﺳﻠﻤﻴﻠﻨﺎ ﻉ ﺧﺎﻟﺘﻚ
ﺍﻧﺎ << ﻳﻮﺻﻞ ﻭ ﺳﻠﻤﻲ ﻉ ﻋﻤﻲ ﻭ ﻓﺎﺗﻦ
ﻓﺘﺤﻴﻪ << ﻳﻮﺻﻞ ﻳﻮﺻﻞ // ﻣﻊ ﺍﻟﺴﻼﻣﻪ
ﺍﻧﺎ << ﻓﻲ ﺃﻣﺎﻥ ﺍﻟﻠﻪ
//
//
//
ﺣﻨﺎﻥ << ﻛﻨﻬﻢ ؟؟
ﺍﻧﺎ << ﻳﺴﺄﻟﻮ ﻋﻠﻴﺎ
ﺣﻨﺎﻥ << ﻭ ﻋﻠﻴﺶ ﻗﻠﺘﻲ ﺗﺎﻧﺴﻮﻧﺎ ؟
ﺃﻧﺎ << ﺍﻟﻮﻟﻴﻪ ﻗﺎﻟﺖ ﺗﺒﻲ ﺗﺠﻲ
ﺯﻳﻨﺐ << ﺍﺗﺠﻲ ﻫﻨﺎ ؟؟
ﺍﻧﺎ << ﺍﻫﺎ / ﺑﻜﺮﺍ ﻗﺎﻟﺖ
ﻧﻌﻴﻤﻪ << ﻣﺮﺣﺒﺘﻴﻦ ﺑﻴﻬﺎ
ﺍﻧﺎ << ﺧﺎﻟﺘﻲ ﻣﺎ ﻓﺶ ﻣﺸﻜﻠﻪ ﻛﺎﻥ ﺟﺖ ﻫﻨﺎ ﺻﺎﺡ ؟
ﻧﻌﻴﻤﻪ << ﻋﻴﺐ ﺍﻟﺪﻭﻩ ﻫﺬﻩ
ﺣﻨﺎﻥ << ﺑﺎﻫﻲ ﻃﺎﻟﻤﺎ ﻣﻜﺴﺪﻳﻦ ﺧﻠﻴﻨﺎ ﻧﺪﻳﺮﻭ ﻛﻢ ﺣﺎﺟﻪ ﻧﻤﺪﻭﻫﺎ ﺑﻜﺮﺍ
ﺃﻣﺎﻧﻲ << ﺻﺎﺡ ﻭ ﺍﻟﻠﻪ ﺍﺻﻼ ﻣﻠﻞ ﺑﻜﻞ
ﻧﻌﻴﻤﻪ << ﺗﻤﺎﻡ ﺻﺒﻨﻨﻮ ﻛﻠﻜﻦ ﻭ ﻛﺎﻥ ﻓﻲ ﺣﺎﺟﻪ ﻧﺎﻗﺼﻪ ﺗﻮ ﻧﻘﻮﻝ ﻝ ﻣﺆﻳﺪ ﻳﻤﺸﻲ ﻟﻠﻤﺤﻞ
ﺻﺒﻴﻨﺎ ﻟﻠﻤﻄﺒﺦ ﻭ ﻛﻞ ﻭﺣﺪﻩ ﻗﻌﺪﺕ ﺍﺩﻳﺮ ﻓﻲ ﻧﻮﻉ ﻣﻮﺍﻟﺢ ﻭ ﻛﻤﻠﻨﺎ ﻓﻲ ﺍﻟﻠﻴﻞ
ﻛﺎﻥ ﺃﻃﻮﻝ ﻳﻮﻡ ﻓﻲ ﺣﻴﺎﺗﻲ // ﺣﺴﻴﺖ ﺭﻭﺣﻲ ﻣﺮﻫﻘﻪ ﺑﺸﻜﻞ ﻏﺮﻳﺐ
ﺧﺸﻴﺖ ﺧﺬﻳﺖ ﺩﻭﺵ ﺳﺮﻳﻊ ﻭ ﻃﻠﻌﺖ ﺭﻗﺪﺕ ﻭ ﻣﺎ ﻧﻀﺘﺶ ﺇﻻ ﻉ ﺻﻮﺕ ﺧﺎﻟﺘﻲ ﻭ ﻫﻴﺎ ﺗﻨﻮﺽ ﻓﻴﻨﺎ
ﺻﺒﻴﻨﺎ ﻓﻄﺮﻧﺎ ﻭ ﺑﻌﺪﻫﺎ ﺑﺮﻣﻨﺎ ﻉ ﺍﻟﺤﻮﺵ ﻭ ﻉ ﺍﻟﻐﺪﺍﺀ ﺳﻤﻌﻨﺎ ﺍﻟﺒﺎﺏ ﻳﺪﻕ ﻭ ﻟﻤﺎ ﻓﺘﺢ ﻣﺆﻳﺪ ﻛﺎﻥ ﺧﺎﻟﺪ ﻫﻮﺍ ﺍﻟﻠﻲ ﺑﺮﺍ
ﺧﺎﻟﺪ << ﻗﻮﻝ ﻝ ﺍﻟﺒﻨﺎﺕ ﻫﻴﺎ !!
ﻣﺆﻳﺪ << ﺑﻴﻨﻚ ﻭ ﺑﻴﻦ ﺍﻣﻲ ﻛﺎﻥ ﺧﻼﺗﻚ ﺗﺎﺧﺬﻫﻦ //:
ﺧﺎﻟﺪ << ﻭﻳﻨﻬﺎ ﻋﻤﺘﻲ
ﻧﻌﻴﻤﻪ << ﺧﻠﻴﻪ ﻳﺨﺶ ﻳﺎ ﻣﺆﻳﺪ
ﻣﺆﻳﺪ << ﺗﻔﻀﻞ ﺗﻔﻀﻞ ((:
ﺧﺎﻟﺪ << ﺍﻟﺴﻼﻡ ﻋﻠﻴﻜﻢ
ﻧﻌﻴﻤﻪ << ﻭ ﻋﻠﻴﻜﻢ ﺍﻟﺴﻼﻡ
ﺧﺎﻟﺪ << ﺃﻣﺲ ﻛﺎﻥ ﺍﻟﺠﻮ ﻣﺘﻮﺗﺮ ﻭ ﺧﻠﻴﺘﻚ ﺗﺎﺧﺬﻱ ﺍﻟﺒﻨﺎﺕ ﺑﺲ ﺧﻼﺹ ﺍﻟﺠﻮ ﺗﻤﺎﻡ ﻭ ﺟﺎﻱ ﻧﺎﺧﺬﻫﻦ
ﻧﻌﻴﻤﻪ << ﺍﺳﻤﻊ ﻳﺎ ﺧﺎﻟﺪ // ﻣﺶ ﻋﺸﺎﻥ ﻣﺶ ﻋﺎﻳﺸﻪ ﻣﻌﺎﻛﻢ ﻣﻌﻨﺎﻫﺎ ﻣﺶ ﻋﺎﺭﻓﺔ ﺷﻲ ؟؟ ﺍﻟﺒﻨﺎﺕ ﻛﺜﺮﺗﻮ ﻋﻠﻴﻬﻦ ﻭ ﺑﻤﺎ ﺍﻧﻪ ﺑﺎﺗﻬﻦ ﻣﺶ ﻗﺎﻋﺪ ﻣﺶ ﻩ ﻳﻄﻠﻌﻦ ﻣﻦ ﻋﻨﺪﻱ ﺑﻌﺪ ﻳﺮﻭﺡ ﻣﻔﺘﺎﺡ ﻳﺠﻴﻨﻲ ﻫﻨﺎ ﻭ ﻧﺘﻔﺎﻫﻢ ﻣﻌﺎﻩ ﻏﻴﺮ ﻫﻜﻲ ﻣﺶ ﻩ ﻳﺼﻴﺮ ﺷﻲ
ﺧﺎﻟﺪ << ﺗﻲ ﻛﻴﻒ ﺍﻟﺪﻭﻩ ﻫﺬﻩ ؟؟
ﻧﻌﻴﻤﻪ << ﻫﺬﺍ ﺍﻟﻠﻲ ﻋﻨﺪﻱ
ﺧﺎﻟﺪ << ﻭ ﻫﻦ ﻣﻮﺍﻓﻘﺎﺕ ؟؟
ﻧﻌﻴﻤﻪ << ﺍﻫﺎ
ﺧﺎﻟﺪ << ﺑﺎﻫﻲ ﻭ ﺍﻟﺒﻨﺖ ﺍﻟﻠﻲ ﻋﺮﺳﻬﺎ ﻗﺮﺏ ؟؟
ﻧﻌﻴﻤﻪ << ﻧﺪﻳﺮﻭ ﺍﻟﻌﺮﺱ ﻫﻨﺎ ﺷﻦ ﻓﻴﻬﺎ ﻣﻦ ﻣﺸﻜﻠﻪ ؟
ﺧﺎﻟﺪ << ﻻ ﻣﻮﺿﻮﻉ ﻛﺒﻴﺮ ﻫﻜﻲ
ﻧﻌﻴﻤﻪ << ﻣﺎ ﻓﻴﻬﺎ ﺷﻲ ﻭ ﺍﻟﻌﺮﺏ ﺟﺎﻳﻴﻦ ﺑﻌﺪﻳﻦ ﻭ ﻧﻌﺮﻑ ﺷﻦ ﻧﺤﻜﻲ ﻣﻌﺎﻫﻢ
ﺧﺎﻟﺪ << ﻭ ﺣﻨﺎﻥ ؟؟
ﻧﻌﻴﻤﻪ << ﻻ ﻓﻲ ﻫﺬﻩ ﺑﻴﻨﻚ ﺑﻴﻨﻬﺎ ، ﺗﺒﻲ ﺗﺮﺩ ﻣﻌﺎﻙ ﺑﺮﺍﺣﺘﻬﺎ
ﺧﺎﻟﺪ << ﻭﻳﻨﻬﺎ ﺑﺎﻩ ؟
ﻧﻌﻴﻤﻪ << ﺣﻨﻨﺎﺍﺍﺍﻥ ﻳﺎ ﺣﻨﺎﺍﺍﺍﺍﺍﺍﻥ
ﺃﻣﺎﻧﻲ << ﺗﻐﺴﻞ ﻓﻲ ﺍﻟﻤﻮﺍﻋﻴﻦ ﻗﺎﻋﺪﻩ
ﻧﻌﻴﻤﻪ << ﻋﺪﻱ ﻛﻠﻤﻴﻬﺎ ﻗﻮﻟﻴﻠﻬﺎ ﺭﺍﺟﻠﻚ ﻫﻨﺎ
ﺧﺎﻟﺪ << ﻭ ﻧﺒﻲ ﻧﺸﻮﻑ ﺣﺘﻲ ﺑﺸﺮﻯ ﻭ ﺯﻳﻨﺐ
ﻧﻌﻴﻤﻪ << ﺭﺍﻗﺪﺍﺕ ﻣﻦ ﺑﺪﺭﻱ
ﺧﺎﻟﺪ << ﺗﻲ ﺷﻔﺖ ﻋﻤﻲ ﻣﺮﻭﺡ ﺏ ﺯﻳﻨﺐ
ﺣﻨﺎﻥ << ﻧﻌﻢ
ﻧﻌﻴﻤﻪ << ﺗﻮ ﻧﺼﺒﻲ ﺍﻧﺎ ﻭ ﺗﻔﺎﻫﻤﻲ ﺍﻧﺘﻲ ﻭ ﺭﺍﺟﻠﻚ " ﻭ ﺧﺸﺖ ﺧﺎﻟﺘﻲ ﻋﻠﻴﻨﺎ ﻓﻲ ﺍﻟﺪﺍﺭ "
ﺧﺎﻟﺪ << ﺣﻨﻮﻧﻪ ﻛﻴﻒ ﻗﺪﺭﺗﻲ ﺗﻤﺸﻲ ﻫﻜﻲ ﻭ ﺗﺴﻴﺒﻴﻨﻲ ؟؟
ﺣﻨﺎﻥ << ﺧﺎﻟﺪ ﺍﻧﺖ ﻣﺎ ﺷﻮﺭﻙ ﺷﻲ ﻭ ﻋﺎﺭﻓﻨﻲ ﻗﺪﻳﺶ ﻧﺤﺒﻚ ﺑﺲ ﻫﻠﻚ ﻛﺜﺮﻭ ﺟﺪﻳﺎﺕ ﻭ ﻓﻲ ﺍﻟﻨﻬﺎﻳﻪ ﺑﺸﺮﻯ ﻭ ﺯﻳﻨﺐ ﺃﻛﺜﺮ ﻣﻦ ﺧﻮﺍﺗﻲ ﻳﻌﻨﻲ ﺍﻟﻠﻲ ﺩﺍﺭﺍﺗﻪ ﺇﻳﻤﺎﻥ ﺃﻣﺲ ﺃﻭﻓﺮ ﻉ ﻗﻮﻝ ﺑﺸﺮﻯ
ﺧﺎﻟﺪ << ﻋﺎﺭﻑ ﺍﻟﺪﻭﻩ ﻫﺬﻩ ﻛﻠﻬﺎ ﺑﺲ ﺍﻧﺎ ﻓﻴﺶ ﺟﻴﺖ ﻋﺸﺎﻥ ﺗﻤﺸﻲ ﻭ ﺗﺨﻠﻴﻨﻲ ؟؟
ﺣﻨﺎﻥ << ﻣﺎ ﻗﺪﺭﺗﺶ ﻧﻤﺴﻚ ﺭﻭﺣﻲ ﺍﻟﺤﻖ
ﺧﺎﻟﺪ << ﺑﺎﻫﻲ ﺻﺒﻲ ﻋﺸﺎﻥ ﺗﺮﻭﺣﻲ ﻣﻌﺎﻳﺎ
ﺣﻨﺎﻥ << ﻩ ﻧﺮﻭﺡ ﻭ ﺗﻘﻌﺪ ﺍﻣﻚ ﺗﻌﺰﻗﻠﻲ ﻓﻲ ﻛﻼﻡ ﻭ ﻩ ﺗﺠﻲ ﺇﻳﻤﺎﻥ ﻭ ﻣﺶ ﻩ ﺗﺨﻠﻴﻨﻲ ﻓﻲ ﺣﺎﻟﻲ
ﺧﺎﻟﺪ << ﻋﻨﺪﻙ ﺷﻘﺘﻚ ﺍﻗﻌﺪﻱ ﻓﻴﻬﺎ ﻭ ﻣﺶ ﺷﻮﺭﻙ ﺏ ﻫﻠﻲ
ﺣﻨﺎﻥ << ﺗﻤﺎﻡ ﺑﺲ ﺑﻌﺪﻳﻦ ﺟﺎﻳﻪ ﻋﻤﺔ ﺑﺸﺮﻯ ﻭ ﻧﺒﻲ ﻧﻘﻌﺪ / ﺑﻜﺮﺍ ﺗﻌﺎﻝ ﺧﻮﺫﻧﻲ
ﺧﺎﻟﺪ << ﺑﻌﺪﻳﻦ ﻓﻲ ﺍﻟﻠﻴﻞ ﻧﺠﻴﻚ ! ﺗﻤﺎﻡ ؟؟
ﺣﻨﺎﻥ << ﺗﻤﺎﻡ
ﺧﺎﻟﺪ << ﺍﻧﺘﻲ ﻋﺎﺭﻓﻪ ﺍﻧﻚ ﺍﻧﺘﻲ ﻧﻘﻄﺔ ﺿﻌﻔﻲ ؟؟
ﺣﻨﺎﻥ << ﺍﻫﺎ ﻋﺎﺭﻓﻪ 😍 ﺭﺑﻲ ﻳﺨﻠﻴﻚ ﻟﻴﺎ
ﺧﺎﻟﺪ << ﻭ ﻟﻴﺎ ﻳﺎ ﻗﻠﺒﻲ ﻧﺎ ❤
ﺣﻨﺎﻥ << ﺧﻼﺹ ﺍﻣﺸﻲ
ﺧﺎﻟﺪ << ﺗﻲ ﻣﺮﺍﻳﻒ ﺍﺯﺡ
ﺣﻨﺎﻥ << ﺗﻲ ﺗﻮ ﻣﺆﻳﺪ ﻳﺨﺶ
ﺧﺎﻟﺪ << ﻋﻠﻴﻚ ﻗﺼﻪ //: ﺧﻼﺹ ﺍﻭﻝ ﻣﺎ ﻳﻤﺸﻮ ﺍﻟﻨﺎﺱ ﺭﻧﻲ ﻋﻠﻴﺎ
ﺣﻨﺎﻥ << ﺗﻢ ﻳﺎ ﺑﻴﺒﻲ
ﺳﻤﻌﻨﺎ ﺍﻟﺒﺎﺏ ﺍﺳﻜﺮ ﻭ ﺧﺸﺖ ﻋﻠﻴﻨﺎ ﺣﻨﺎﻥ ﻭ ﺍﻟﻀﺤﻜﻪ ﻣﻦ ﺍﻟﻮﺫﻥ ﻟﻠﻮﺫﻥ 😒
ﻧﻌﻴﻤﻪ << ﺷﻦ ﺻﺎﺭ ؟
ﺣﻨﺎﻥ << ﻓﻲ ﺍﻟﻠﻴﻞ ﻩ ﻳﺠﻲ ﻳﺄﺧﺬﻧﻲ 😍
ﺯﻳﻨﺐ << ﺿﺤﻚ ﻋﻠﻴﻚ ﺑﻜﻠﻤﺘﻴﻦ ﻳﺎ ﻋﺒﻴﻄﻪ 😒
ﺍﻧﺎ << ﺭﻳﺤﻲ ﺭﻭﺣﻚ ﺍﻧﺘﻲ ﻓﻲ ﺍﻟﻨﻬﺎﻳﻪ ﺣﻨﺎﻥ ﻣﺶ ﺷﻮﺭ ﺍﻟﻘﺼﻪ ﺑﻜﻞ
ﺯﻳﻨﺐ << ﻩ ﺗﻨﺪﻡ ﻧﺪﻡ ﻋﻤﺮﻫﺎ ﻭ ﻗﻮﻟﻲ ﻗﺎﻟﺘﻬﺎ ﺯﻳﻨﺐ
ﺃﻣﺎﻧﻲ << ﻛﻨﻪ ﺧﺎﻟﺪ ؟ ﻣﺎ ﺷﺎﺀ ﺍﻟﻠﻪ ﻋﻠﻴﻪ ﻏﻴﺮ ﻳﺴﻠﻢ
ﺯﻳﻨﺐ << ﻣﺎ ﺗﻌﺮﻓﻲ ﺷﻲ ﻭ ﺧﻠﻴﻚ ﻉ ﻧﻴﺎﺗﻚ ﺍﻧﺘﻲ
ﻣﺆﻳﺪ << ﺑﺎﻟﻚ ﺗﺒﻄﻠﻲ ﻗﺮﻣﻪ ﺍﻧﺘﻲ ؟
ﺯﻳﻨﺐ << ﻭ ﺍﻧﺖ ﻟﻴﺶ ﻣﻀﺎﻳﻖ ؟؟ ﺑﻌﺪﻳﻦ ﺍﻧﻈﻨﻲ ﺍﻧﺎ ﺍﻟﻠﻲ ﺑﻨﺖ ﺧﺎﻟﺘﻚ ﻣﺶ ﻫﻮﺍ 😒
ﺣﻨﺎﻥ << ﺧﻼﺹ ﺭﻳﺤﻮﻧﺎ
ﺃﻣﺎﻧﻲ << ﺑﺸﻪ ﺻﺒﻲ ﻋﺸﺎﻥ ﺗﻮﺗﻲ ﺭﻭﺣﻚ
ﺍﻧﺎ << ﻻ ﻣﺎﺯﺍﻝ ﺑﺪﺭﻱ
ﺣﻨﺎﻥ << ﻣﻌﺶ ﻓﻴﻬﺎ ﺑﺪﺭﻱ ﻫﺬﻙ ﻫﻮ
ﺑﺪﺕ ﺃﻣﺎﻧﻲ ﺍﺩﻳﺮﻟﻲ ﻓﻲ ﺷﻌﺮﻱ ﻭ ﻃﻠﻌﺘﻠﻲ ﻟﺒﺴﻪ ﻣﻦ ﻋﻨﺪﻫﺎ ﻭ ﺑﻌﺪﻫﺎ ﺣﻨﺎﻥ ﺩﺍﺭﺗﻠﻲ ﺷﻮﻳﺔ ﻣﻴﻚ ﺍﺏ ﻭ ﻛﻞ ﻭﺣﺪﻩ ﻓﻴﻬﻦ ﻭﺗﺖ ﺭﻭﺣﻬﺎ ﻭ ﻗﻌﺪﻧﺎ ﻧﺮﺟﻮ ﻓﻴﻬﻢ
//
//
//
ﺑﻌﺪ ﻧﺺ ﺳﺎﻋﻪ ﻫﻜﻲ ﺭﻧﺖ ﻣﻨﺎﺭ ﻋﺸﺎﻥ ﺗﺘﺄﻛﺪ ﻣﻦ ﺍﻟﻮﺻﻒ ﻭ ﻋﻄﻴﺘﻬﺎ ﻣﺆﻳﺪ ﻋﺸﺎﻥ ﻳﻮﺻﻔﻠﻬﺎ ﻛﻮﻳﺲ
ﺍﻧﺎ << ﻫﺎﻛﻲ ﻭﻟﺪ ﺧﺎﻟﺘﻲ ﻋﺸﺎﻥ ﺗﻔﻬﻤﻲ ﻣﻨﻪ ﻛﻮﻳﺲ " ﻭ ﻣﺪﻳﺖ ﺍﻟﻨﻘﺎﻝ ﻝ ﻣﺆﻳﺪ "
ﻣﺆﻳﺪ << ﺍﻳﻮﻭﻭﺍ //
ﻣﻨﺎﺭ << ﻧﻌﻢ 😳
ﻣﺆﻳﺪ << ﻃﻠﻌﺘﻮ ﻣﻦ ﺍﻟﺤﻮﺵ ﺍﻧﺘﻮ ؟؟
ﻣﻨﺎﺭ << ﻻﻻ ﺑﻌﺪ ﺭﺑﻊ ﺳﺎﻋﻪ
ﻣﺆﻳﺪ << ﺧﻼﺹ ﻗﻮﻟﻲ ﻝ ﺍﻟﻠﻲ ﻳﺒﻲ ﻳﻮﺻﻠﻚ ، ﺣﻮﺷﻨﺎ ﻓﻲ #*&*@$ ﺍﻭﻝ ﻣﺎ ﻳﻮﺻﻞ ﻋﻨﺪ ﻛﻮﺷﺔ ﺍﻟﺨﺒﺰﻩ ﻳﺨﺶ ﻳﻤﻴﻨﻪ // ﻳﺠﻲ ﻗﺪﺍﻣﻚ ﻣﺤﻞ ﺃﺣﺬﻳﺔ ، ﺧﻠﻮ ﺍﻟﻤﺤﻞ ﻳﺴﺎﺭﻛﻢ ﻭ ﺧﺸﻮ ﻝ ﺛﺎﻧﻲ ﺷﺎﺭﻉ ﻭ ﺃﻭﻝ ﻣﺎ ﺗﻮﺻﻠﻮ ﻏﺎﺩﻱ ﻩ ﺗﻠﻘﻮﻧﻲ ﺑﺴﻴﺎﺭﺓ ﺑﻴﻀﺎ ﻧﺮﺍﺟﻲ ﻓﻴﻜﻢ ﻷﻧﻪ ﺍﻟﺸﻮﺍﺭﻉ ﻳﻠﺨﺒﻄﻦ ﺟﻮﺍ // ﺗﺴﻤﻌﻲ ﻓﻴﺎ ؟
ﻣﻨﺎﺭ << ﺍﻫﺎ ﺗﻤﺎﻡ ﺗﻤﺎﻡ 😳
ﻣﺆﻳﺪ << ﻫﺎﻛﻲ ﺑﺸﺮﻯ
ﺍﻧﺎ << ﻫﺎ ﻣﻨﺎﺭ ﺗﻤﺎﻡ ﻓﻬﻤﺘﻲ ﻣﻨﻪ ؟؟
ﻣﻨﺎﺭ << ﺻﻮﺗﻪ ﺣﻠﻮ ﻣﺎ ﺭﻛﺰﺗﺶ ﻓﻲ ﺃﻱ ﺣﺮﻑ 😂
ﺍﻧﺎ << ﺗﻲ 😂
ﻣﻨﺎﺭ << ﻻ ﺧﻼﺹ ﻩ ﻧﻘﻮﻟﻠﻬﻢ
ﺍﻧﺎ << ﻣﻦ ﻳﺒﻲ ﻳﺠﻴﺒﻜﻢ ؟
ﻣﻨﺎﺭ << ﻳﺎ ﻣﺮﺍﺩ ﻳﺎ ﺭﺅﻭﻑ
ﺍﻧﺎ << ﺍﻫﺎ ﺗﻤﺎﻡ
ﻣﻨﺎﺭ << ﻣﺤﻤﺪ ﺳﺎﻓﺮ ﻝ ﺗﺮﻛﻴﺎ ﻓﻲ ﺍﻟﺼﺒﺢ
ﺍﻧﺎ << 😳 ﺗﺮﻛﻴﺎ 😍 ؟ !
ﻣﻨﺎﺭ << ﺍﻫﺎ ﻋﻨﺪﻩ ﺷﻐﻞ ﻏﺎﺩﻱ
ﺍﻧﺎ << ﺍﻫﺎ ﺑﺎﻫﻲ ﻛﻮﻳﺲ 😍
ﻣﻨﺎﺭ << ﺧﻼﺹ ﺧﻠﻴﻨﻲ ﻧﺴﻜﺮ ﻋﺸﺎﻥ ﻧﺒﻮ ﻧﻄﻠﻌﻮ
ﺍﻧﺎ << ﺧﻼﺹ ﺗﻤﺎﻡ
ﺳﻜﺮﺕ ﻣﻨﻬﺎ ﻭ ﻋﻴﻮﻧﻲ ﻗﺮﻳﺐ ﻳﻄﻠﻌﻦ ﺗﻲ ﻗﺎﻟﺖ ﺕ ﺭ ﻙ ﻱ ﺍ 😍 ﻳﻌﻨﻲ ﻟﻤﺎ ﻧﻤﺸﻲ ﻏﺎﺩﻱ ﻩ ﻧﺸﻮﻑ ﻛﺮﻳﻢ ﺍﻟﻠﻲ ﻓﻲ ﺍﻟﻤﺴﻠﺴﻞ 😍 ﻙ ﺭ ﻱ ﻡ ﺍﺣﺤﺤﻲ ﻳﺎ ﻗﻠﺒﻲ 💔
ﺑﻌﺪ ﺗﻠﺖ ﺳﺎﻋﻪ ﺭﻧﺖ ﺍﺧﺮﻩ ﻭ ﻗﺎﻟﺖ ﻭﺻﻠﻮ ﻭ ﻃﻠﻊ ﻣﺆﻳﺪ ﺷﻮﺭ ﻫﺬﻙ ﺍﻟﺸﺎﺭﻉ ﻋﺸﺎﻥ ﻳﺨﺸﻮ ﻭﺭﺍﻩ ﻭ ﻳﻌﺮﻓﻮ ﺍﻟﺤﻮﺵ
5 ﺩﻗﺎﻳﻖ ﻫﻜﻲ ﻭ ﺧﺸﺖ ﻋﻤﺘﻲ ﻭ ﻣﻌﺎﻫﺎ ﻣﻨﺎﺭ ﺑﺲ
ﺳﻠﻤﻨﺎ ﻋﻠﻴﻬﻢ ﻭ ﻋﺮﻓﺘﻬﻢ ﺏ ﺧﺎﻟﺘﻲ ﻭ ﻗﻌﻤﺰﻧﺎ ﻭ ﻗﻌﺪﻧﺎ ﻧﻬﺪﺭﺯﻭ
ﻭ ﺍﻧﺎ ﻣﻦ ﺍﻭﻝ ﻣﺎ ﻋﺮﻓﺖ ﻗﺼﺔ ﺗﺮﻛﻴﺎ ﻗﺮﻳﺐ ﻧﻘﻮﻟﻠﻬﻢ ﻋﺎﺩﻱ ﻧﺮﻭﺡ ﻣﻌﺎﻛﻢ ﺍﻟﻴﻮﻡ ؟؟ 😂
ﻗﻌﺪﺕ ﺧﺎﻟﺘﻲ ﺗﺤﻜﻲ ﻣﻌﺎﻫﻢ ﻉ ﺍﻟﻌﺮﺱ ﻭ ﺗﻔﺎﺟﺄﺕ ﻋﻤﺘﻲ ﺑﻌﺪ ﻗﺎﻟﺘﻬﺎ ﺧﺎﻟﺘﻲ ﺍﻧﻪ ﺍﻟﻌﺮﺱ ﻩ ﻳﺼﻴﺮ ﻫﻨﺎ
ﻭ ﺑﺎﻥ ﻉ ﻭﺟﻬﺎ ﻋﻼﻣﺎﺕ ﺍﻟﺘﻌﺠﺐ / ﻗﻠﺖ ﻣﻌﺶ ﻓﻴﻬﺎ ﻳﻌﻨﻲ ﻩ ﻧﻤﺸﻲ ﻧﻌﻴﺶ ﻋﻨﺪﻫﻢ
ﺑﻠﻌﺖ ﺭﻳﻘﻲ ﻭ ﺣﻜﻴﺘﻠﻬﺎ ﻛﻞ ﺍﻟﻘﺼﻪ ﻭ ﺍﻟﻤﺸﺎﻛﻞ ﺍﻟﻠﻲ ﻓﻲ ﺣﻮﺷﻨﺎ ﻭ ﺳﺒﺐ ﻗﻌﺪﺗﻨﺎ ﻋﻨﺪ ﺧﺎﻟﺘﻲ
ﺍﻧﺎ << ﻭ ﻫﺬﺍ ﻛﻞ ﺍﻟﻠﻲ ﺻﺎﻳﺮ ﻳﺎ ﻋﻤﺘﻲ / ﻳﻌﻨﻲ ﻓﻲ ﺍﻷﻭﻝ ﻟﻤﺎ ﺟﻴﺘﻮ ﻭ ﺗﻌﺮﻓﺘﻮ ﻋﻠﻴﻨﺎ ﻧﺤﺴﺎﺑﻬﺎ ﻗﺼﻪ ﻭ ﻩ ﺗﻨﺘﻬﻲ ﺑﺲ ﻃﺎﻟﻤﺎ ﺍﻟﻤﻮﺿﻮﻉ ﻩ ﻳﻘﻌﺪ ﺟﺪﻳﺎﺕ ﻑ ﻣﻦ ﺣﻘﻜﻢ ﺗﻌﺮﻓﻮ ﻛﻞ ﺍﻟﻠﻲ ﺻﺎﻳﺮ ﻭ ﻟﻮ ﻣﻌﺶ ﺗﺒﻮ
ﻓﺘﺤﻴﻪ << ﻣﺎ ﺗﻜﻤﻠﻴﺶ ﻛﻼﻣﻚ / ﺍﺻﻼ ﻣﻦ ﺃﻣﺲ ﺣﺴﻴﺖ ﺍﻧﻪ ﻓﻲ ﺣﺎﺟﻪ ﻭ ﻣﻊ ﺍﺣﺘﺮﺍﻣﻲ ﺍﻧﻪ ﺇﻳﻤﺎﻥ ﺍﺧﺘﻚ ﺑﺲ ﻛﺎﻥ ﻭﺍﺿﺢ ﺍﻧﻪ ﻭﺭﺍﻫﺎ ﺣﺎﺟﻪ ﻭ ﻧﺤﻦ ﻃﺎﻟﺒﻴﻨﻚ ﺍﻧﺘﻲ ﻭ ﻛﻞ ﺷﻲ ﻩ ﻳﻤﺸﻲ ﺗﻤﺎﻡ
ﻧﻌﻴﻤﻪ << ﻭ ﺍﻟﻠﻪ ﻫﺎﻟﺒﻨﻴﺘﻦ ﻣﺎ ﻳﻌﻠﻢ ﺑﺤﺎﻟﻬﻦ ﺇﻻ ﺭﺑﻲ // ﺍﻣﻬﻦ ﻣﺴﻴﺒﺘﻬﻦ ﻣﻦ 3 ﺳﻨﻴﻦ ﻭ ﺑﺎﺗﻬﻦ ﺍﻟﻠﻪ ﻳﺴﺎﻣﺤﻪ ﻋﻤﺮﻩ ﻣﺎ ﻗﺼﺮ ﻏﻴﺮ ﻫﺎﻟﻌﻤﻞ ﺍﻟﻠﻲ ﻳﺨﻠﻲ ﻓﻴﻪ ﻳﻐﻴﺐ ﺑﺎﻟﺸﻬﻮﺭ ﻛﺎﻥ ﻫﺬﺍ ﻣﺎ ﺣﺪ ﻳﻘﺪﺭ ﻳﻮﺻﻞ ﻓﻴﻬﻦ
ﻓﺘﺤﻴﻪ << ﺍﻧﺎ ﻭ ﻋﺒﺪﺍﻟﻠﻪ ﻩ ﻧﻘﻌﺪﻭ ﻛﻴﻒ ﺑﺎﺗﻬﺎ ﻭ ﺍﻣﻬﺎ ﻭ ﺃﻥ ﺷﺎﺀ ﺍﻟﻠﻪ ﻣﺶ ﻩ ﻧﻘﺼﺮﻭ ﻣﻌﺎﻫﺎ
ﻣﺸﺖ ﺗﻬﺪﺭﻳﺰﺗﻨﺎ ﻉ ﺧﻴﺮ ﻭ ﻛﺎﻧﺖ ﺃﻣﻪ ﻗﻤﻪ ﻓﻲ ﺍﻟﺬﻭﻕ ﻭ ﻣﺶ ﻣﻌﻘﺒﻪ ﺟﻬﺪ
ﻟﻤﻴﻨﺎ ﺍﻟﺤﻮﺳﻪ ﻭ ﻗﺒﻞ ﺃﺫﺍﻥ ﺍﻟﻌﺸﺎﺀ ﺟﺎ ﺧﺎﻟﺪ ﻭ ﺭﻭﺡ ﺏ ﺣﻨﺎﻥ
ﻣﺸﻰ ﺍﻟﺸﻬﺮ ﻓﻲ ﻟﻤﺢ ﺍﻟﺒﺼﺮ ﻭ ﻧﺤﻦ ﻧﺪﻳﺮﻭ ﻓﻲ ﺣﻤﻠﻪ ﻉ ﺍﻟﺤﻮﺵ // ﻛﻞ ﻳﻮﻣﻴﻦ ﺍﺗﺠﻲ ﺣﻨﺎﻥ ﻭ ﻣﻌﺎﻫﺎ ﻭﺩﺍﺩ
ﺟﺎ ﺃﺳﺒﻮﻉ ﺍﻟﻌﺮﺱ ﻭ ﺧﺎﻟﺪ ﺟﺎﺏ ﺣﺎﺟﺔ ﺍﻟﻔﺮﺡ ﻛﻠﻬﺎ // ﻃﺒﻌﺎ ﻛﺎﻧﻮ ﻣﺘﻔﻘﻴﻦ ﺍﻧﻪ ﻫﻤﺎ ﺯﻓﺘﻬﻢ ﺑﺮﻭﺣﻬﻢ ﻭ ﻧﺤﻦ ﻳﻮﻡ ﺍﻟﺤﻨﻪ ﺑﺮﻭﺣﻨﺎ
ﺑﺪﺍﻳﺔ ﺍﻷﺳﺒﻮﻉ ﻣﺸﺖ ﺃﻣﺎﻧﻲ ﻭ ﺣﻨﺎﻥ ﻭ ﺯﻳﻨﺐ ﻭ ﻭﺩﺍﺩ ﻉ ﺃﺳﺎﺱ ﻳﻔﺮﺷﻦ ﻓﻲ ﺍﻟﺠﻨﺎﺡ ﻣﺘﺎﻋﻲ
ﻭ ﺭﻭﺣﻦ ﻣﺶ ﻋﺎﺭﻓﺎﺕ ﺷﻦ ﻳﺤﻜﻦ ﻭ ﻻ ﻳﺤﻜﻦ ﻉ ﺍﻟﻔﻴﻼ ﻭ ﻻ ﻉ ﺗﻘﺪﻳﻢ ﺍﻟﻨﺎﺱ ﻭ ﺍﻧﺎ ﻧﺤﺮﻕ ﻣﻦ ﺟﻮﺍ ﻛﺎﻥ ﺧﺎﻃﺮﻱ ﻧﻤﺸﻲ ﻧﺘﻔﺮﺝ ﻣﻌﺎﻫﻦ 😒
ﻓﺘﺤﻴﻪ << ﻭ ﺍﻧﺘﻦ ﻣﺎ ﺗﺒﻄﻠﻦ ﺩﻭﻩ // ﺻﻮﺕ ﺍﻟﺒﺎﺏ ﻳﺪﻕ ﺻﺒﻲ ﺍﻓﺘﺤﻲ
ﺃﻣﺎﻧﻲ << ﺣﺎﺿﺮ ﻫﻲ
ﺍﻧﺎ << ﻛﻤﻠﻲ ﺑﺎﻩ ﺷﻦ ﺣﻄﻮ ﺍﺧﺮﻩ 😍
ﺯﻳﻨﺐ << ﺧﻠﻴﻨﻲ ﻧﻮﺭﻳﻚ ﺍﻟﺼﻮﺭ ﺧﻴﺮ
ﺣﻨﺎﻥ << ﻣﻦ ﻳﺎ ﺃﻣﺎﻧﻲ ؟؟
ﺃﻣﺎﻧﻲ << ﻫﺬﺍ ﺃﻳﻬﻢ
ﺍﻧﺎ << ﺣﺤﺤﺤﺤﻲ ﺍﻳﻬﻮﻭﻭﻭﻣﻲ " ﻭ ﺻﺒﻴﺖ ﻧﺠﺮﻱ ﺑﺮﺍ "
ﺃﻳﻬﻢ << ﻭﺟﻚ ﺗﺮﺍ /: ﻣﺶ ﺟﺎﻱ ﻋﺸﺎﻧﻚ
ﺍﻧﺎ << ﻋﻴﻨﻲ ﻓﻲ ﻋﻴﻨﻚ ﻛﺬﺍ 😭
ﺃﻳﻬﻢ << ﺗﻲ ﻛﻨﻚ ﺗﺒﻜﻲ ؟
ﺃﻧﺎ << ﻣﻌﻘﻮﻟﻪ 3 ﺃﺳﺎﺑﻴﻊ ﻣﺎ ﺗﺠﻴﺶ ﻭ ﻻ ﻣﺮﻩ 😢
ﺃﻳﻬﻢ << ﺍﻧﺘﻲ ﻋﺎﺭﻓﻪ ﺍﻧﻲ ﻣﺶ ﺭﺍﺿﻲ ﻉ ﻃﻠﻌﺘﻜﻦ ﺍﺻﻼ ﻭ ﺣﺘﻲ ﻟﻤﺎ ﺟﺎ ﺧﺎﻟﺪ ﻣﺎ ﺭﻭﺣﺘﻨﺶ ﻣﻌﺎﻩ
ﺍﻧﺎ << ﺧﻼﺹ ﺍﻟﻘﺼﻪ ﻫﺬﻩ ﺍﻧﺘﻬﺖ ﻭ ﻟﻤﺎ ﻳﺠﻲ ﺑﺎﺑﺎ ﺳﺎﻫﻞ
ﺃﻳﻬﻢ << ﺗﺒﻲ ﺗﻘﻌﺪﻱ ﻋﺮﻭﺱ ﻭ ﻣﺎ ﺗﻄﻠﻌﻴﺶ ﻣﻦ ﺣﻮﺵ ﻫﻠﻚ ؟؟
ﺍﻧﺎ << ﺭﺁﻩ ﻧﺒﻜﻲ ﺍﺧﺮﻩ 😢
ﺃﻳﻬﻢ << ﺑﺲ ﺭﺍﻳﺤﻪ ﻣﺘﺴﻤﺤﻪ ﻏﺮﻳﺒﻪ ﻳﻌﻨﻲ 😂
ﻣﺆﻳﺪ << ﺗﻲ ﻃﻮﻝ ﻋﻤﺮﻫﺎ ﺳﻤﺤﻪ ﻛﻨﻚ ﺍﻧﺖ 😂
ﺃﻳﻬﻢ << ﺍﻭﻭﻭﻭ ﻣﺆﻳﺪ ﻳﺎ ﻣﺮﺣﺒﺎ
ﻣﺆﻳﺪ << ﺯﺍﺭﺗﻨﺎ ﺍﻟﺒﺮﻛﻪ ﻳﺎ ﻃﻴﺮ
ﺃﻳﻬﻢ << ﺷﻦ ﺍﺧﺒﺎﺭﻙ ﻭ ﺷﻦ ﻓﻲ ﻣﻦ ﺟﺪﻳﺪ ؟
ﻣﺆﻳﺪ << ﻛﺴﺎﺩ ﻭ ﻃﻴﺎﺡ
ﺍﻧﺎ << ﺧﺶ ﻗﻌﻤﺰ ﺗﺒﻲ ﺗﻘﻌﺪ ﻣﺼﺒﻲ ؟؟
ﺃﻳﻬﻢ << ﺟﻴﺖ ﻋﺸﺎﻥ ﻧﺸﻮﻑ ﺷﻦ ﻧﺎﻗﺼﻜﻢ ؟
ﻣﺆﻳﺪ << ﻣﺎ ﻧﺎﻗﺺ ﺷﻲ
ﺃﻳﻬﻢ << ﺍﻟﻔﺎﺗﺤﻪ ﺑﻌﺪ ﺑﻜﺮﺍ ﻣﺎﻩ ؟؟
ﺍﻧﺎ << ﺃﻥ ﺷﺎﺀ ﺍﻟﻠﻪ
ﻣﺆﻳﺪ << ﻛﺎﻥ ﺍﻟﻨﺎﺱ ﻣﺎ ﻳﻐﻴﺮﻭﺵ ﺭﺃﻳﻬﻢ 😂
ﺍﻧﺎ << ﻋﻘﺒﺎﻟﻜﻢ ﻛﺎﻥ ﺻﺎﺭ ﻣﻨﻜﻢ ﻳﻌﻨﻲ
ﺣﻨﺎﻥ << ﺃﻳﻬﻢ ﺟﻴﺖ ﻭ ﺟﺎﺑﻚ ﺭﺑﻲ
ﺃﻳﻬﻢ << ﺷﻦ ﺗﺒﻲ ؟
ﺣﻨﺎﻥ << ﻧﺒﻮ ﻧﻤﺸﻮ ﻟﻠﻜﻮﺍﻓﻴﺮ ﺣﺎﺟﺔ ﺳﺎﻋﻪ ﻭﻧﺺ ﻫﻜﻲ
ﻣﺆﻳﺪ << ﻭ ﻟﻴﺶ ؟
ﺣﻨﺎﻥ << ﻛﻴﻒ ﻟﻴﺶ ؟ ﺍﻟﺒﻨﺖ ﻋﺮﺳﻬﺎ ﻧﻬﺎﻳﺔ ﺍﻷﺳﺒﻮﻉ
ﻣﺆﻳﺪ << ﺍﻫﺎ ﻓﻬﻤﺖ 😂
ﺃﻳﻬﻢ << ﺧﻼﺹ ﻭﺗﻦ ﺭﻭﺣﻜﻦ
ﺣﻨﺎﻥ << 5 ﺩﻗﺎﻳﻖ ﻭ ﻧﻄﻠﻌﻮ
ﻃﻠﻌﺖ ﺍﻧﺎ ﻭ ﺣﻨﺎﻥ ﻭ ﺷﺎﻟﻨﺎ ﺃﻳﻬﻢ ﻟﻠﻜﻮﺍﻓﻴﺮ
//
//
//
ﻣﺮﺍﺩ << ﺧﻼﺹ ﻛﻢ ﻳﻮﻡ ﻭ ﺍﺗﺠﻲ ﺍﻟﻌﺮﻭﺱ 😍
ﻣﻨﺎﺭ << ﻭ ﺍﻧﺖ ﻛﻨﻚ ﻓﺮﺣﺎﻥ ﻳﻌﻨﻲ ؟
ﻣﺮﺍﺩ << ﻧﻐﻴﺮﻭ ﺟﻮ ﺷﻮﻳﻪ ﻣﺶ ﺩﻳﻤﺎ ﻓﺎﺗﻦ 😂
ﻓﺎﺗﻦ << ﻫﺬﺍ ﺍﻟﻠﻲ ﻃﻠﻊ ﻣﻌﺎﻙ 😂
ﺭﻣﺰﻱ << ﺑﺎﻟﻚ ﻧﺘﺮﻳﺤﻮ ﻣﻦ ﺛﻘﺎﻟﺔ ﺩﻣﻚ ﺷﻮﻳﻪ
ﻣﺮﺍﺩ << ﺧﻄﺮﻫﺎ ﻭﻳﻨﻪ ﺍﻟﻌﺮﻳﺲ ؟؟
ﺭﻣﺰﻱ << ﻣﻦ ﺃﻭﻝ ﻣﺎ ﻗﺎﻟﻮ ﺍﻟﻌﺮﺏ ﻳﺒﻮ ﻳﺠﻴﺒﻮ ﺍﻟﺪﺑﺶ ﻭ ﻫﻮﺍ ﻣﺶ ﻗﺎﻋﺪ
ﻣﺮﺍﺩ << ﻳﻌﻨﻲ ﻣﺎ ﺧﺸﺶ ﻟﺠﻨﺎﺡ ﺑﻜﻞ ؟
ﺭﻣﺰﻱ << ﻻﻻ
ﻣﺮﺍﺩ << ﺗﺤﺴﻪ ﻣﺎﺯﺍﻝ ﻣﺶ ﻣﻘﺘﻨﻊ
ﺭﻣﺰﻱ << ﺗﻮ ﺑﻌﺪ ﺍﻟﻌﺮﺱ ﻳﻘﺘﻨﻊ
ﻣﺮﺍﺩ << ﺑﺲ ﻫﻮﺍ ﻣﺶ ﺣﺎﻛﻲ ﻣﻌﺎﻫﺎ ﺃﺳﺎﺳﺎ ؟
ﺭﻣﺰﻱ << ﺍﻧﺖ ﻋﻠﻴﺶ ﺷﺎﻏﻞ ﺭﻭﺣﻚ ﺑﻴﻬﻢ ﺑﺲ ؟ 😂
ﻣﺮﺍﺩ << ﺧﺎﻳﻒ ﻉ ﺧﻮﻳﺎ ﺍﻟﺒﻨﺎﺕ ﺍﻟﻮﻗﺖ ﻫﺬﺍ ﻳﺨﻮﻓﻦ 😂
ﻣﻨﺎﺭ << ﻣﺎ ﻓﻲ ﺣﺪ ﻳﺨﻮﻑ ﻏﻴﺮﻙ ﺍﻧﺖ
ﻣﺮﺍﺩ << ﺳﻜﺮﻱ ﻓﻤﻚ ﻟﻤﺎ ﺍﻟﺮﺟﺎﻟﻪ ﻳﺤﻜﻮ ﺍﻟﻔﺮﺧﺎﺕ ﻳﺴﻜﺘﻦ 😒
ﺭﻣﺰﻱ << ﻣﺎﻟﺶ ﺻﺎﺣﺐ ﻫﺬﺍ 😂
//
//
//
//
ﻣﺸﻦ ﺍﻟﻴﻮﻣﻴﻦ ﻭ ﺟﺎ ﻳﻮﻡ ﺍﻟﻔﺎﺗﺤﻪ ﺍﻟﻠﻲ ﻛﺎﻥ ﻗﺒﻞ ﻳﻮﻡ ﺍﻟﺤﻨﻪ ﻣﺘﺎﻋﻲ
ﺣﻮﺵ ﺧﺎﻟﺘﻲ ﻛﺎﻥ ﻣﻠﻴﺎﻥ ﻭ ﻛﻞ ﻣﺮﻩ ﺣﺪ ﺟﺎﻱ ﻳﺒﺎﺭﻙ ﻭ ﺟﺖ ﺣﺘﻲ ﺇﻳﻤﺎﻥ ﺑﺲ ﺃﻣﻬﺎ ﻻﻻ
ﺑﻌﺪ ﺍﻟﻌﺼﺮ ﺭﻥ ﻣﺆﻳﺪ ﻭ ﻗﺎﻝ ﻗﺮﻭ ﺍﻟﻔﺎﺗﺤﻪ ﺧﻼﺹ // ﺍﻟﺤﻮﺵ ﺍﻧﻘﻠﺐ ﺯﻏﺎﺭﻳﺖ ﻭ ﺍﻧﺎ ﻣﺎﺩﻩ ﻭﺟﻲ ﻭ ﻧﻘﻮﻝ ﻓﻲ ﻋﻘﻠﻲ ﺣﻲ ﻉ ﻧﻬﺎﺭﻱ 😕
ﻣﺸﻰ ﺍﻟﻴﻮﻡ ﻭ ﺍﻟﻨﺎﺱ ﻛﻠﻬﺎ ﻓﺮﺣﺎﻧﻪ ﺇﻻ ﺃﻧﺎ ﻣﺘﻨﺤﻪ ﻭ ﺧﻼﺹ
//
//
//
ﻣﺮﺍﺩ << ﺍﻟﻒ ﺍﻟﻒ ﻣﺒﺮﻭﻙ ﻳﺎ ﺍﻟﻬﺒﻞ ﻭ ﺃﺧﻴﺮﺍ 😍 😂
ﻣﺤﻤﺪ << ﻋﻠﻴﺶ ﺗﺒﺎﺭﻛﻠﻲ ؟ ﻉ ﺍﻟﻬﻢ ﺍﻟﻠﻲ ﺍﻧﺎ ﻓﻴﻪ ؟
ﻣﺮﺍﺩ << ﺗﻮﺍ ﺗﻘﻮﻝ ﻫﻢ ؟ ﻭ ﺍﻧﺖ ﻛﻨﺖ ﺧﺎﻳﻒ ﻋﻠﻴﻬﺎ ﻫﺬﻙ ﺍﻟﻴﻮﻡ
ﻣﺤﻤﺪ << ﺗﻲ ﺍﻟﺒﻨﺖ ﻭﺟﻌﺘﻨﻲ ﺑﺲ
ﻣﺮﺍﺩ << ﺑﺎﻩ ﻭﺟﻌﺎﺗﻚ ﻳﻮﻣﻬﺎ ﻟﻴﺶ ﻛﻤﻠﺖ ﻭ ﺃﻫﻮ ﺍﻟﻴﻮﻡ ﻗﺮﻳﺘﻮ ﺍﻟﻔﺎﺗﺤﻪ ؟؟
ﻣﺤﻤﺪ << ﻣﺶ ﻋﺎﺭﻑ ﻟﻴﺶ ﺩﺭﺕ ﻫﻜﻲ ؟؟ ﻫﻮﺍ ﻣﻦ ﻧﺎﺣﻴﻪ ﻋﺸﺎﻥ ﻧﺘﺮﻳﺢ ﻣﻦ ﺳﻜﻨﺎﻥ ﻫﻠﻚ ﻭ ﻣﻦ ﻧﺎﺣﻴﻪ ﺑﻌﺪ ﻋﺮﻓﺖ ﻇﺮﻭﻑ ﺍﻟﺒﻨﺖ ﺗﺄﺛﺮﺕ ﺑﺲ
ﻣﺮﺍﺩ << ﻣﺎ ﻋﺮﻓﺘﻜﺶ ﺍﻟﺤﻖ ؟ ﺍﻧﺖ ﻣﺤﻤﺪ ﺧﻮﻳﺎ ؟؟ 😂
ﻣﺤﻤﺪ << ﺗﺼﺪﻕ ﺍﻧﻲ ﻓﺎﺿﻲ ﻗﺎﻋﺪ ﻧﺤﻜﻴﻠﻚ ؟ ﺻﺒﻲ ﻣﻦ ﻗﺪﺍﻣﻲ ﺧﻴﺮﻟﻚ 😒
\\
\\
\\
ﺟﺎ ﺗﺎﻧﻲ ﻳﻮﻡ ﻭ ﻃﺒﻌﺎ ﻛﻨﺖ ﻣﻘﺮﺭﻩ ﺍﻧﻲ ﻩ ﻧﺤﻨﻲ ﺣﻨﻪ ﺳﻮﺩﺍﻧﻴﻪ ﻻﻧﻲ ﻣﺎ ﻧﺘﺤﻤﻠﺶ ﺍﻟﺤﻨﻪ ﺍﻻﺧﺮﻩ
ﺟﺖ ﺍﻟﺤﻨﺎﻳﻪ ﻓﻲ ﺍﻟﻌﺸﻴﻪ ﻭ ﺭﺳﻤﺘﻠﻲ ﻧﻘﺶ ﺧﻔﻴﻒ ❤
ﻭ ﻓﻲ ﺍﻟﻠﻴﻞ ﺩﺭﻧﺎ ﺣﻔﻠﺘﻨﺎ ﻓﻲ ﺍﻟﺤﻮﺵ ﻭ ﺟﻮﻧﺎ ﺗﻤﺎﻡ
ﻫﺬﻙ ﺍﻟﻴﻮﻡ ﻣﺎ ﺭﻗﺪﺗﺶ ﻭ ﻃﻮﻝ ﺍﻟﻠﻴﻞ ﻧﺒﻜﻲ 😢 ﻧﺒﻲ ﻣﺎﻣﺎ ﻣﻌﺎﻳﺎ 😭 ﻭ ﺑﺎﺑﺎ ﻣﺎ ﺣﻀﺮﺵ ﺍﻟﻔﺎﺗﺤﻪ 😢 ﻛﻴﻒ ﻧﺒﻲ ﻧﻤﺸﻲ ﺑﺪﻭﻥ ﻣﺎ ﻧﺸﻮﻑ ﻗﺒﻞ ﺍﻟﻌﺮﺱ
ﻧﺎﺿﺖ ﺣﻨﺎﻥ ﻉ ﺻﻮﺗﻲ ﻭ ﺍﻧﺎ ﻧﺒﻜﻲ ﻭ ﻗﻌﺪﺕ ﺗﺴﻜﺖ ﻓﻴﺎ // ﺳﻤﻌﺖ ﺻﻮﺕ ﺃﺫﺍﻥ ﺍﻟﻔﺠﺮ ﻭ ﺻﺒﻴﺖ ﺗﻮﺿﻴﺖ ﻭ ﺻﻠﻴﺖ ﻭ ﺭﻗﺪﺕ ﺷﻮﻳﻪ
ﻧﻀﺖ ﻣﻊ ﺍﻟﺴﺎﻋﻪ 10 ﻭ ﻣﺸﻴﻨﺎ ﻟﻠﻜﻮﺍﻓﻴﺮ ﺍﻧﺎ ﻭ ﺣﻨﺎﻥ
//
//
//
ﻣﻨﺎﺭ << ﺗﻲ ﺷﻦ ﻓﻲ ؟؟
ﻓﺎﺗﻦ << ﻃﻠﻌﺖ ﻉ ﺻﻮﺕ ﺍﻟﻌﻴﺎﻁ ﻣﺶ ﻋﺎﺭﻓﻪ ﺷﻦ ﻓﻲ
ﻣﻨﺎﺭ << ﻣﺎﻣﺎ ﺷﻦ ﺻﺎﻳﺮ ؟؟؟
ﻓﺘﺤﻴﻪ << ﻗﺎﻟﻮ ﺭﺍﻧﻴﺎ ﻃﺎﺣﺖ ﻉ ﻫﻠﻬﺎ ﻓﻲ ﺍﻟﺼﺒﺢ
ﻣﻨﺎﺭ << ﻛﻨﻬﺎ ﻋﻨﺪ ﺃﻣﺲ ﻣﺎ ﻓﻴﻬﺎ ﺷﻲ ؟
ﻓﺘﺤﻴﻪ << ﻣﺶ ﻋﺎﺭﻓﻪ ،، ﻃﻠﻊ ﺑﺎﺗﻚ ﻳﺸﻮﻑ ﻓﻴﻬﻢ
>
>
>
ﺍﻧﺎ << ﻛﺬﺍ ﻣﺪﻳﻠﻲ ﻃﺮﻑ ﺳﻨﻴﻜﺮﺯ ﻣﻦ ﺍﻟﺸﻨﻄﻪ
ﺣﻨﺎﻥ << ﻭﻗﺖ ﺷﻮﻛﻼﺗﻪ ﺗﻮﺍ
ﺃﻧﺎ << ﻫﺎﺗﻲ ﺧﻴﺮ ﻣﺎ ﻧﻘﻠﺒﻬﺎ ﻟﻜﻢ ﺩﺭﺍﻣﺎ ﺑﻌﺪﻳﻦ
ﺣﻨﺎﻥ << ﻻ ﺭﺩﻱ ﺑﺎﻟﻚ ﺑﺲ 😂
ﺧﺬﻳﺖ ﺍﻟﺸﻮﻛﻼﺗﻪ ﻭ ﻗﻌﺪﺕ ﻧﺄﻛﻞ ﻓﻴﻬﺎ ﻭ ﺍﻧﺼﺒﺮ ﻓﻲ ﺭﻭﺣﻲ
ﻣﺴﻜﺘﻨﻲ ﺣﻨﺎﻥ ﻣﻦ ﻳﺪﻱ ﻭ ﺻﺒﻴﺖ ﻋﺸﺎﻥ ﻧﻠﺒﺲ ﺍﻟﻔﻴﻠﻮ ﻷﻧﻪ ﺧﺎﻟﺪ ﻓﻲ ﺍﻟﻄﺮﻳﻖ ﻭ ﻗﺮﻳﺐ ﻳﻮﺻﻞ
ﻛﻤﻠﺖ ﻛﻞ ﺣﺎﺟﻪ ﻭ ﺍﻧﺎ ﻗﻠﺒﻲ ﻳﺒﻲ ﻳﻄﻠﻊ ﻣﺶ ﻣﺘﻮﺗﺮﺓ ﻋﺸﺎﻥ ﻋﺮﺳﻲ ؟ ﻣﺶ ﻋﺎﺭﻓﻪ ﺣﺎﺳﻪ ﺍﻧﻪ ﻓﻲ ﺣﺎﺟﻪ ﻩ ﺗﺼﻴﺮ
ﺑﻌﺪ ﺭﺑﻊ ﺳﺎﻋﻪ ﺟﺎ ﺧﺎﻟﺪ ﻭ ﻃﻠﻌﻨﺎ ﺷﻮﺭ ﺻﺎﻟﺔ ﺍﻟﻌﺮﺱ ﻭ ﻛﺎﻧﻮ ﻛﻠﻬﻢ ﻳﺮﺍﺟﻮ ﻓﻴﻨﺎ ﻏﺎﺩﻱ
ﺧﺸﻴﺖ ﻟﻼﺳﺘﻘﺒﺎﻝ ﻭ ﺳﻠﻤﺖ ﻉ ﺧﺎﻟﺘﻲ ﻭ ﺍﻟﺒﻨﺎﺕ ﻭ ﺟﺖ ﻋﻤﺘﻲ ﺳﻠﻤﺖ ﻋﻠﻴﺎ // ﻗﻠﺖ ﻝ ﺣﻨﺎﻥ ﻗﻮﻟﻲ ﻝ ﺃﻳﻬﻢ ﻳﺨﺶ ﻋﺸﺎﻥ ﻫﻮﺍ ﺍﻟﻠﻲ ﻩ ﻳﺨﺸﺸﻨﻲ
ﻭ ﺑﺎﻟﻔﻌﻞ ﺟﺎ ﺃﻳﻬﻢ ﻭ ﺳﻠﻢ ﻋﻠﻴﺎ ﺑﺎﻟﺨﺪ ﻭ ﺧﺸﻴﻨﺎ ﻣﻊ ﺑﻌﻀﻨﺎ
ﺑﺪﺕ ﺍﻟﻤﺼﻮﺭﺍﺗﻴﻪ ﺗﺼﻮﺭ ﻓﻴﺎ ﻭ ﻛﻞ ﻣﺮﻩ ﺟﺎﻱ ﺣﺪ ﻳﺴﻠﻢ ﻋﻠﻴﺎ ﻭ ﻳﻤﺪﻭ ﻓﻲ ﻭﺟﻮﻫﻢ ﻋﺸﺎﻥ ﻳﺼﻮﺭ ﺧﻼﺹ ﻗﺮﻳﺐ ﻳﻜﻤﻠﻮ ﺍﻟﻔﻴﻠﻢ 😒
ﺍﻟﻔﺮﻗﻪ ﺟﺖ ﻭ ﺑﺪﺕ ﺗﻐﻨﻲ ﻭ ﺍﻧﺎ ﺧﺎﻃﺮﻱ ﻧﺼﺒﻲ ﻧﺮﻗﺺ ﻣﻊ ﺍﻟﺒﻨﺎﺕ
ﺟﺖ ﺣﻨﺎﻥ ﺗﺴﻘﻤﻠﻲ ﻓﻲ ﺍﻟﺮﻭﺝ ﻭ ﺍﻧﺎ ﻋﻴﻮﻧﻲ ﻉ ﺍﻟﻮﻛﺎﻝ ﺍﻟﻠﻲ ﻉ ﺍﻟﻄﺎﻭﻟﻪ 😍
ﺍﻧﺎ << ﺣﻨﺎﻥ
ﺣﻨﺎﻥ << ﻛﻨﻚ ؟
ﺃﻧﺎ << ﻫﺬﺍ ﺗﺸﻴﺰ ﻛﻴﻚ ﺍﻟﻠﻲ ﻉ ﺍﻟﻄﺎﻭﻟﻪ ؟ 😍
ﺣﻨﺎﻥ << ﺃﻫﺎ
ﺍﻧﺎ << ﻋﺪﻱ ﺟﻴﺒﻴﻠﻲ ﻣﻨﻪ 😊
ﺣﻨﺎﻥ << ﺗﺒﺼﺮﻱ ﺃﻫﺎ ؟
ﺃﻧﺎ << ﺭﺁﻩ ﻧﻨﺰﻝ ﺑﺮﻭﺣﻲ ﻧﺄﺧﺬ 😒
ﻭ ﺍﻧﺎ ﻣﺎﺯﻟﺖ ﻧﺤﻜﻲ ﻗﺎﻟﻮ ﺍﻟﻌﺮﻳﺲ ﻳﺒﻲ ﻳﺨﺶ // ﺻﺒﻴﺖ ﻭ ﻧﺰﻟﺘﻠﻲ ﺣﻨﺎﻥ ﺍﻟﻄﺮﺣﻪ ﻭ ﻗﻌﺪﺕ ﻧﺮﺍﺟﻲ
ﻭ ﺇﺫ ﺏ ﺍﺛﻨﻴﻦ ﺧﺸﻮ 😳 ﻋﻨﺠﺪﻫﻢ ﻭﺍﺣﺪ ﺃﺣﻠﻰ ﻣﻦ ﺍﻻﺧﺮ 😂 😍
ﺑﺲ ﺃﻱ ﻭﺍﺣﺪ ﻓﻴﻬﻢ ﺍﻟﻌﺮﻳﺲ ﺍﻻﺛﻨﻴﻦ ﻻﺑﺴﻴﻦ ﺑﺪﺍﻟﻲ ؟؟ ﻧﺒﺤﺖ ﻣﻦ ﺗﺤﺖ ﺍﻟﻄﺮﺣﻪ ﻭ ﻭﺍﺣﺪ ﻓﻴﻬﻢ ﻓﺮﺣﺎﻥ ﻭ ﺍﻻﺧﺮ ﻗﺎﻟﺐ ﻭﺟﻪ
ﻗﻌﺪﺕ ﻧﻌﺼﺮ ﻓﻲ ﺭﺃﺳﻲ ﻧﺒﻲ ﻧﺬﻛﺮ ﻣﻼﻣﺢ ﺍﻟﻠﻲ ﺷﻔﺘﻪ ﻳﻮﻡ ﺍﻟﻤﻘﺎﺑﻠﻪ ﻣﺎ ﺻﺎﺭ ﺷﻲ 😒
ﺭﻛﺒﻮ ﻫﻤﺎ ﺍﻻﺛﻨﻴﻦ ﻉ ﺍﻟﻤﺴﺮﺡ ﻭ ﺍﻧﺎ ﻧﺮﺍﺟﻲ ﻓﻴﻪ ﻳﺮﻓﻌﻠﻲ ﺍﻟﻄﺮﺣﻪ ، ﺟﺎ ﻭ ﻗﻌﻤﺰ ﻉ ﺍﻟﻜﺮﺳﻲ ﻭ ﺍﻧﺎ ﻗﻌﺪﺕ ﻛﻴﻒ ﺍﻟﻤﺰﻫﺮﻳﻪ ﺍﻣﺼﺒﻴﻪ 💔 😳
# ﻳﺘﺒﻊ . .
.
حفيدة نيوتن😎🔥
تنزيل وتصميم الغلافات: Rahafaltaher7
