مازال 5حلقاااااات🔥🔥😍😍😍😍
💞زواج تقليدي💞
# ﺍﻟﺤﻠﻘﻬﻪ ﺍﻟﺮﺍﺑﻌﺔ ﻭ ﺍﻟﺨﻤﺴﻮﻥ 🌸
ﺣﺴّﻴﺖ ﺭﻭﺣﻲ ﺗﺮﻳﺤﺖ ﺷﻮﻳﻪ ﺑﺲ ﻣﻌﺪﺗﻲ ﻛﺎﻧﺖ ﺗﻮﺟﻊ ﻓﻴﺎ ﻭ ﺧﺸﻴﺖ ﻧﺠﺮﻱ ﺟﻮﺍ ﻟﻠﺤﻤﺎﻡ
ﺣﻨﺎﻥ << ﺑﺸﻪ ؟ . ﻛﻨﻚ ؟؟؟
ﺯﻳﻨﺐ << ﻭﺟﻬﺎ ﺭﺍﻳﺢ ﺍﺻﻔﺮ
ﻭﺩﺍﺩ << ﺑﻜﻞ ﺣﺎﻟﻪ
ﺣﻨﺎﻥ << ﺑﺸﻪ ؟؟ ﺍﻓﺘﺤﻲ ﺍﻟﺒﺎﺏ
ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ ﻗﻌﻤﺰﺕ ﻑ ﺍﻟﺼﺎﻟﻪ
ﺣﻨﺎﻥ << ﺷﻦ ﻓﻲ ؟
ﺍﻧﺎ << ﻻ ﻳﺎ ﺭﺑﻲ ﺍﻥ ﺷﺎﺀ ﺍﻟﻠﻪ 💔😥
ﺣﻨﺎﻥ << ﻛﻨﻚ ؟ ﻧﺪﻳﺮﻟﻚ ﺣﺎﺟﻪ ﺗﺎﻛﻠﻴﻬﺎ ؟ ﺃﻛﻴﺪﻩ ﻣﺎﺯﻟﺘﻲ ﻡ ﻓﻄﺮﺗﻲ
ﺍﻧﺎ << ﺗﻌﺎﻟﻲ ﻧﺒﻴﻚ ﻑ ﺍﻟﺪﺍﺭ
ﺻﺒﻴﺖ ﺍﻧﺎ ﻭﻳّﺎﻫﺎ ﻭ ﺧﺸﻴﻨﺎ ﻟﺪﺍﺭ / ﺣﻜﻴﺘﻠﻬﺎ ﻛﻞ ﺍﻟﻠﻲ ﺻﺎﻳﺮ ﻋﻨﺪ ﻣﻠﻴﺖ ﻭ ﺍﻧﺎ ﻧﻌﺎﻭﺩ ﻑ ﺍﻟﻘﺼﻪ 😪
ﻛﺎﻧﺖ ﺭﺩّﺓ ﻓﻌﻠﻬﺎ " ﻻ 😳 ﺗﺒﺼﺮﻱ 🙄 "
ﺍﻧﺎ << ﻣﺶ ﻫﺬﺍ ﻣﻮﺿﻮﻋﻲ ﺗﻮﺍ
ﺣﻨﺎﻥ << ﻓﻲ ﻣﻮﺿﻮﻉ ﻏﻴﺮ ﻫﺬﺍ !
ﺍﻧﺎ << ﺷﺎﻛﻪ ﺍﻧﻲ ﺣﺎﻣﻞ 😥
ﺣﻨﺎﻥ << ﺣﻲ ﺟﺪﻳﺎﺕ 😍 ﻣﻌﻨﺎﻫﺎ ﻛﻞ ﺷﻲ ﻩ ﻳﺘﺼﻠﺢ
ﺍﻧﺎ << ﻡ ﻧﺒﻴﺶ
ﺣﻨﺎﻥ << ﺷﻦ ﺍﻟﻠﻲ ﻡ ﺗﺒﻴﺶ ! ؟
ﺍﻧﺎ << ﻡ ﻧﺒﻴﺶ ﻧﺠﻴﺐ ﺑﻴﺒﻲ ﻣﻨﻪ ﻡ ﻧﺒﻴﺶ
//
//
//
ﺑﺎﺑﺎ << ﺣﺘﻲ ﺍﻧﺖ ﻣﺼﺪﻗﻬﺎ ؟
ﻣﺮﺍﺩ << ﻃﺒﻌﺎ
ﻣﺆﻳﺪ << ﻭ ﺷﻦ ﺍﻟﻠﻲ ﻳﺨﻠﻴﻚ ﻣﺘﺎﻛﺪ ﻫﻜﻲ ؟ ﻧﺤﻦ ﺑﻨﺘﻨﺎ ﻭ ﻋﺎﺭﻓﻴﻨﻬﺎ ﺑﺲ ﺍﻧﺖ ﻟﻴﺶ ﻭﺍﺛﻖ ﻫﻜﻲ !
ﻣﺮﺍﺩ << ﻻﻧﻲ ﻋﺎﺭﻑ ﺍﻟﻘﺼﻪ ﻛﻠﻬﺎ ﻣﻦ ﺑﺪﺍﻳﺘﻬﺎ
ﺑﺎﺑﺎ << ﺍﻳﻬﻢ ﺧﻠﻴﻬﻢ ﻳﺪﻳﺮﻭﻟﻨﺎ ﻗﻬﻮﻩ
ﺍﻳﻬﻢ << ﺑﺎﻩ
ﻣﺮﺍﺩ << ﻳﺎ ﻋﻤﻲ ﺑﺎﻟﻨﺴﺒﻪ ﻟﺒﺎﺗﻲ ﻣﺶ ﻑ ﻳﺪﻩ ﺷﻲ ﺭﺍ ﻭ ﺻﺪﻗﻨﻲ ﻟﻮ ﻳﻌﺮﻑ ﺍﻟﺤﻘﻴﻘﻪ ﻫﻴﻜﻮﻥ ﺍﻭﻝ ﻭﺍﺣﺪ ﻑ ﺻﻒ ﺑﺸﺮﻯ ﻭ ﻩ ﻳﺮﺩﻫﻢ ﻟﺒﻌﻀﻬﻢ
ﺑﺎﺑﺎ << ﺍﻥ ﺷﺎﺀ ﺍﻟﻠﻪ
ﻣﺆﻳﺪ << ﻛﻴﻒ ﻡ ﺳﻤﻌﺘﻬﺶ ﻟﻤﺎ ﻗﺎﻟﺖ ﺗﺒﻲ ﺗﻄﻠﻖ ! ﻭ ﻏَﺼْﺒﺎً ﻋﻨﻪ ﻩ ﻳﻄﻠﻘﻬﺎ
ﻣﺮﺍﺩ << ﻡ ﻓﺶ ﺣﺎﺟﻪ ﺍﺳﻤﻬﺎ ﻏﺼﺒﺎً ﻋﻨﻪ ! ﻟﻮ ﻣﺤﻤﺪ ﻳﺴﻜﺮ ﺭﺃﺳﻪ ﻭ ﻳﻘﻮﻝ ﻻ ﻣﺶ ﻩ ﻳﺼﻴﺮ ﺍﻻ ﺍﻟﻠﻲ ﻳﺒﻴﻪ
ﻣﺆﻳﺪ << ﺑﺠﻮﻛﻢ ﺍﻟﻤﻮﺿﻮﻉ ﺍﻣﺎﻻ ! ؟ ﺗﻲ ﻳﻄﻠﻘﻬﺎ ﻛﻴﻒ ﺍﻟﺮﺍﺟﻞ ﺍﻟﻄﻴﺐ
ﻣﺮﺍﺩ << ﻛﻴﻒ ﻋﻨﺎﺩ ﺍﻟﻘﺼﻪ ؟
ﻣﺆﻳﺪ << ﻟﻮ ﺗﺒﻴﻬﺎ ﻋﻨﺎﺩ ﺍﻫﺎ ﻋﻨﺎﺩ ﻭ ﺑﺸﺮﻯ ﻣﻌﺶ ﻳﺤﻠﻢ ﺑﻴﻬﺎ
ﻣﺮﺍﺩ << ﺑﺎﻟﻚ ﻋﻴﺐ ﻫﺎﻟﺪﻭﻩ !
ﻣﺆﻳﺪ << ﻭ ﺍﻧﺘﻮ ﺧﻠﻴﺘﻮ ﻓﻴﻬﺎ ﻋﻴﺐ
ﺻﺒﻰ ﻣﺮﺍﺩ ﻭ ﻛﺎﻥ ﻳﺒﻲ ﻳﻄّﻠﻊ ﺑﺲ ﺑﺎﺑﺎ ﻗﺎﻝ
ﺑﺎﺑﺎ << ﻗﻌﻤﺰ
ﻣﺮﺍﺩ << ﺗﺴﻤﻊ ﻓﻴﻪ ﺷﻦ ﻳﻘﻮﻝ
ﺑﺎﺑﺎ << ﺑﻨﺖ ﺧﺎﻟﺘﻪ ﻭ ﺧﺎﻳﻒ ﻋﻠﻴﻬﺎ
ﻣﺆﻳﺪ << ﺑﻌﺪﻳﻦ ﻫﻮﺍ ﺷﻦ ﺩﺧﻠﻪ ﺍﺻﻼ ! ﻣﺶ ﺧﻼﺹ ﺣﻜﻴﺖ ﺍﻟﻠﻲ ﻋﻨﺪﻙ ؟ ﺍﻟﺒﻨﺖ ﻭ ﺭﺩﺗﻠﻨﺎ ﻭ ﺍﻧﺘﻮ ﻣﻌﺶ ﻧﺒﻮ ﻣﻨﻜﻢ ﺷﻲ
ﺑﺎﺑﺎ << ﻣﺆﻳﺪ ﺻﺒﻲ ﻣﻌﺎﻳﺎ ﺷﻮﻳﻪ
ﻃﻠﻊ ﺑﺎﺑﺎ ﻣﻊ ﻣﺆﻳﺪ ﻭ ﻗﻌﺪ ﻳﺤﻜﻲ ﻣﻌﺎﻩ
ﺍﻧﺎ << ﺍﻳﻬﻢ ، ﻣﺮﺍﺩ ﻣﺎﺯﺍﻝ ﻗﺎﻋﺪ !
ﺍﻳﻬﻢ << " ﺑﺤﺖ ﻓﻴﺎ ﻭ ﻣﺎ ﺭﺩﺵ " ﻭﺩﺍﺩ ﺩﻳﺮﻱ 4 ﻓﻨﺎﺟﻴﻦ ﻗﻬﻮﻩ / " ﻭ ﻣﺸﻰ ﻟﺪﺍﺭﻩ "
ﺍﻧﺎ << ﻛﻨﻪ ﻣﺎ ﻳﺒﻴﺶ ﻳﺮﺩ ﻋﻠﻴﺎ
ﺣﻨﺎﻥ << ﺃﻛﻴﺪﻩ ﺍﻟﻤﻮﺿﻮﻉ ﻣﺶ ﺳﺎﻫﻞ ﻋﻠﻴﻪ ﻑ ﺍﻻﻭﻝ
ﺍﻧﺎ << ﻧﺸﻮﻑ ﻣﺮﺍﺩ ﻭ ﺗﻮ ﺍﻧﺠﻲ
ﻣﺸﻴﺖ ﻟﻠﻤﺮﺑﻮﻋﻪ ﻭ ﻟﻘﻴﺘﻪ ﻣﻘﻌﻤﺰ ﺑﺮﻭﺣﻪ ﻭ ﻳﺪﺧﻦ
ﺍﻧﺎ << ﺷﻦ ﻗﻠﻨﺎ ﻉ ﺍﻟﺪﺧﺎﻥ
ﻣﺮﺍﺩ << ﺍﻟﺪﻧﻴﺎ ﺧﺎﺷﻪ ﺑﻌﻀﻬﺎ
ﺍﻧﺎ << ﻣﺶ ﺍﻧﺖ ﺍﻟﻠﻲ ﻛﻨﺖ ﺗﻘﻮﻝ ﻛﻞ ﺷﻲ ﻩ ﻳﻜﻮﻥ ﺗﻤﺎﻡ !
ﻣﺮﺍﺩ << ﺗﻘﺮﻳﺒﺎ ﻛﻨﺖ ﻧﻜﺬﺏ / ﻡ ﻓﻲ ﺷﻲ ﻩ ﻳﻜﻮﻥ ﺗﻤﺎﻡ ﺍﻧﻈﻨﻲ ﺑﺬﺍﺕ ﻣﻊ ﻭﻟﺪ ﺧﺎﻟﺘﻚ
ﺍﻧﺎ << ﻣﺆﻳﺪ ! ﺗﻲ ﻫﺬﺍ ﻃﻴﺐ ﺑﻜﻞ ﻉ ﻓﻜﺮﻩ / ﻫﻮﺍ ﻧﻔﺴﻚ ﻏﻴﺮ ﻋﺼﺒﻲ ﺷﻮﻳﻪ
ﻣﺮﺍﺩ << ﻋﻤﻮﻣﺎ ﺑﻨﺮﻭﺡ ﺍﻧﺎ ﺗﻮﺍ ﻭ ﺑﻴﻨﺎﺗﻨﺎ ﺍﺗﺼﺎﻝ
ﺍﻧﺎ << ﺧﻠﻴﻚ ﻳﺪﻳﺮﻭ ﻑ ﻗﻬﻮﻩ
ﻣﺮﺍﺩ << ﻡ ﻋﻨﺪﻳﺶ ﻧﻴﻪ ﻑ ﺷﻲ
ﺍﻧﺎ << ﺗﺼﺪﻕ ﺣﺘﻲ ﺍﻧﺎ
ﻣﺮﺍﺩ << ﻣﻦ ﺑﻌﺪ ﻡ ﺭﺟﻌﺘﻲ ﺃﻣﺲ ﻣﻌﺶ ﻛﻠﻴﺘﻲ ؟
ﺍﻧﺎ << ﻻﻻ ﻭ ﺣﺘﻲ ﺗﻮﺍ ﺭﺟﻌﺖ
ﻣﺮﺍﺩ << ﺗﺒﻲ ﻧﺸﻴﻠﻚ ﻟﻠﻤﺴﺘﺸﻔﻰ ؟ ! " ﻭ ﺧﺶ ﻣﺆﻳﺪ
ﻣﺆﻳﺪ << ﻻ ﺻﺤﻴﺖ ﻛﺎﻥ ﻓﻴﻬﺎ ﺣﺎﺟﻪ ﺗﻮ ﻧﺸﻴﻠﻬﺎ ﺍﻧﺎ / ﺑﺸﻪ ﻓﻴﻚ ﺷﻲ ! ؟
ﺍﻧﺎ << ﻻﻻ ﻣﺎ ﻓﻴﺎ ﺷﻲ
ﺻﺒﻰ ﻣﺮﺍﺩ ﻭ ﺑﺤﺖ ﻓﻴﺎ
ﻣﺮﺍﺩ << ﻣﺎ ﺗﻨﺴﻴﺶ ﺍﻟﻠﻲ ﻗﻠﺘﻪ ﻟﻚِ ﺃﻣﺲ
ﺍﻧﺎ << ﻣﺴﺘﺤﻴﻠﻪ ﻧﻨﺴﻰ
ﻣﺮﺍﺩ << ﻫﻴﺎ ﺳﻼﻡ ﺗﻮﺍ " ﻭ ﻃﻠﻊ "
ﻣﺆﻳﺪ << ﺷﻦ ﻗﺎﻟﻚ ﺃﻣﺲ ؟
ﺍﻧﺎ << ﻛﻨﻚ ﻣﺮﻛﺰ ﻣﻌﺎﻩ ﻭﺍﺟﺪ ؟
ﻣﺆﻳﺪ << ﺑﺎﻫﻲ ﺷﻦ ﻗﺎﻟﻚ ﺃﻣﺲ ! ؟ 😕
ﺍﻧﺎ << ﻗﺎﻟﻲ ﻟﻮ ﺍﻟﺪﻧﻴﺎ ﻛﻠﻬﺎ ﻭﻗﻔﺖ ﺿﺪﻙ ، ﺍﻧﺎ ﻩ ﻧﻜﻮﻥ ﻣﻌﺎﻙ
ﻣﺆﻳﺪ << ﺃﻧﻌﻢ ﺍﻧﻌﻢ 🌚 ﻗﻠﺘﻴﻠﻲ ﺍﻟﻤﺴﺞ ﻣﻦ ﺑﻨﺖ ﻋﻤﻪ ﻣﺶ ﻣﻨﻪ ﻫﻮﺍ ﺍﻫﺎ ! ؟
ﺍﻧﺎ << ﺍﻫﺎ 😒 ﻭ ﺭﻳﺢ ﺭﻭﺣﻚ ﻭ ﺍﻟﻠﻲ ﻑ ﺭﺃﺳﻚ ﺣﻮﻟﻪ ﻻﻧﻪ ﻣﺮﺍﺩ ﺑﺎﻟﻨﺴﺒﻪ ﻟﻴﺎ ﻛﻴﻔﻚ ﺍﻧﺖ ﻭ ﻛﻴﻒ ﺍﻳﻬﻢ
ﻣﺆﻳﺪ << ﺑﺎﻫﻲ ﺷﻦ ﺭﺩﻳﺘﻲ ﻋﻠﻴﻪ ﺍﻧﺖِ ! ؟
ﺍﻧﺎ << ﻭ ﺍﻧﺖ ﺷﻦ ﺩﺧﻠﻚ 🙄
ﻣﺆﻳﺪ << ﻧﺴﺄﻝ ﻋﺎﺩﻱ
ﺍﻧﺎ << ﻗﻠﺖ ﺍﻟﻠﻲ ﻗﻠﺘﻪ ﻣﺶ ﺷﻮﺭﻙ / ﻧﻤﺸﻲ ﻧﺸﻮﻑ ﺍﻳﻬﻢ " ﻭ ﺻﺒﻴﺖ "
ﻣﺆﻳﺪ << ﺑﺸﻪ
ﺍﻧﺎ << " ﺑﺮﻣﺖ ﺑﺤﺘﺖ ﻓﻴﻪ " ﻧﻌﻢ
ﻣﺆﻳﺪ << ﺣﺘﻲ ﺍﻧﺎ ﻣﻌﺎﻙ ﺭﺍ
ﺍﻧﺎ << ﻛﻴﻒ ؟ !
ﻣﺆﻳﺪ << ﻳﻌﻨﻲ ﻟﻮ ﺍﻟﺪﻧﻴﺎ ﻭﻗﻔﺖ ﺿﺪﻙ ﺣﺘﻲ ﺍﻧﺎ ﻣﻌﺎﻙ
ﻗﻌﺪﺕ ﻧﻀﺤﻚ ﻭ ﻃﻠﻌﺖ // ﺧﺸﻴﺖ ﺟﻮﺍ ﻭ ﻣﺸﻴﺖ ﻟﺪﺍﺭ ﺍﻳﻬﻢ ) ﺩﻗﻴﺖ ﻉ ﺍﻟﺒﺎﺏ ﻭ ﺧﺸﻴﺖ
ﺍﻧﺎ << ﺍﻳﻬﻢ ﺑﻨﺤﻜﻲ ﻣﻌﺎﻙ ﻟﻮ ﻓﺎﺿﻲ
ﺍﻳﻬﻢ << ﻣﻦ ﺃﻣﺲ ﻣﺶ ﺭﺍﻗﺪ ﻧﺒﻲ ﻧﺮﻗﺪ ﺗﻮﺍ
ﺍﻧﺎ << ﺍﻳﻬﻢ ﻋﺎﺩ " ﻭ ﺧﺸﻴﺖ ﻗﻌﻤﺰﺕ ﻉ ﺍﻟﺴﺮﻳﺮ "
ﺍﻳﻬﻢ << ﺑﺸﺮﻯ ! ﻡ ﻧﺒﻴﺶ ﻧﺤﻜﻲ ﻑ ﺍﻟﻤﻮﺿﻮﻉ
ﺍﻧﺎ << ﺑﺲ ﺍﻧﺎ ﻻﺯﻡ ﻧﺤﻜﻲ
ﺍﻳﻬﻢ << ﺷﻦ ﺗﺒﻲ ﺗﺤﻜﻲ ؟ ﺷﻦ ﻣﺎﺯﺍﻝ ﻋﻨﺪﻙ ﻡ ﻗﻠﺘﻴﺶ ؟ !
ﺍﻧﺎ << ﻡ ﻓﻬﻤﺘﺶ ﻟﻴﺶ ﻭﺃﺧﺬ ﻣﻨﻲ ﻣﻮﻗﻒ ﻫﻜﻲ ؟
ﺍﻳﻬﻢ << ﻻﻧﻲ ﻃﻠﻌﺖ ﻑ ﺍﻟﻨﻬﺎﻳﻪ ﻏﺮﻳﺐ
ﺍﻧﺎ << ﻣﻌﻘﻮﻟﻪ ﺗﻘﻮﻝ ﻫﻜﻲ
ﺍﻳﻬﻢ << ﻛﻨﺘﻲ ﻣﻦ ﻗﺒﻞ ﻡ ﺍﺩﺳﻲ ﻋﻠﻴﺎ ﻑ ﺷﻲ / ﺷﻦ ﺗﻐﻴﺮ ﺗﻮﺍ
ﺍﻧﺎ << ﻑ ﺣﺎﺟﺎﺕ ﻛﻨﺖ ﻡ ﻧﻘﺪﺭﺵ ﻧﺤﻜﻴﻬﻦ ﻟﺤﺪ
ﺃﻳﻬﻢ << ﺑﺲ ﻣﺮﺍﺩ ﻛﺎﻥ ﻋﺎﺭﻑ
ﺍﻧﺎ << ﻛﻨﻜﻢ ﻣﻌﺎﻩ ﺍﻧﺘﻮ ! ﻳﻌﻨﻲ ﻋﺸﺎﻥ ﺍﻣﺼﺒﻲ ﻣﻌﺎﻳﺎ ﻭ ﺣﺎﻁ ﻓﻴﺎ ﺛﻘﻪ ﺍﻛﺜﺮ ﻣﻨﻜﻢ ﻣﺶ ﻣﺴﺘﻮﻋﺒﻴﻦ ﺍﻟﻠﻘﻄﻪ
ﺍﻳﻬﻢ << ﻡ ﺣﺪ ﻛﺎﻥ ﻭﺍﺛﻖ ﻓﻴﻚ ﻛﻴﻔﻲ
ﺍﻧﺎ << ﻛﻨﺖ ﻭﺍﺛﻖ ! ؟ ﻭ ﺗﻮﺍ ﺷﻨﻮ ؟ !
ﺍﻳﻬﻢ << ﺍﻃﻠﻌﻲ ﻭ ﺳﻜﺮﻱ ﺍﻟﺒﺎﺏ
ﺍﻧﺎ << ﻣﺶ ﻩ ﻧﻄﻠﻊ // ﻟﻮ ﺧﺎﻟﺪ ﺍﻟﻠﻲ ﻳﺤﻜﻲ ﻫﻜﻲ ﻛﻨﺖ ﻡ ﻋﺪﻟﺘﺶ ﻻﻧﻪ ﻣﻦ ﻳﻮﻣﻪ ﻫﻜﻲ ﺑﺲ ﺍﻧﺖ !
ﺍﻳﻬﻢ << ﻓﻲ ﺣﺎﺟﻪ ﺍﺧﺮﻩ ﻣﺶ ﻋﺎﺭﻓﻴﻨﻬﺎ ؟ !
ﺍﻧﺎ << ﻛﻞ ﺍﻟﻠﻲ ﺻﺎﺭ ﺣﻜﻴﺘﻪ
ﺍﻳﻬﻢ << ﺷﻔﺘﻲ ﺑﺎﺗﻲ ﻛﻴﻒ ﻣﺼﺪﻗﻚ ﺭﺩﻱ ﺑﺎﻟﻚ
ﺍﻧﺎ << ﻣﺶ ﻣﺼﺪﻗﻪ ! ﺍﻳﻬﻢ ﻗﺼﺪﻙ ﺍﻧﺖ ﻣﺶ ﻣﺼﺪﻕ ﺍﻟﻠﻲ ﻗﻠﺘﻪ
ﺍﻳﻬﻢ << ﻣﺶ ﻋﺎﺭﻑ
ﺍﻧﺎ << ﻻ ﺗﺒﺼﺮ
ﺍﻳﻬﻢ << ﺷﻦ ﻗﻠﺘﻲ ﺍﺳﻤﻪ ﻫﺬﻙ !
ﺍﻧﺎ << ﻋﺜﻤﺎﻥ ! ؟
ﺍﻳﻬﻢ << ﻭﻳﻦ ﻧﻠﻘﺎﻩ ! ؟
ﺍﻧﺎ << ﻣﺶ ﻋﺎﺭﻓﻪ
ﺍﻳﻬﻢ << ﻭﻳﻦ ﻳﺴﻜﻦ ! ؟
ﺍﻧﺎ << ﻣﺶ ﻋﺎﺭﻓﻪ ﻗﺘﻠﻚ ﻣﺶ ﻋﺎﺭﻓﻪ
ﺻﺒﻴﺖ ﻭ ﻃﻠﻌﺖ / ﻣﺸﻴﺖ ﻟﺪﺍﺭ ﻭ ﻗﻌﺪﺕ ﻧﺒﻜﻲ ﻣﺶ ﻋﺎﺭﻓﻪ ﻟﻴﺶ ﺣﺴّﻴﺖ ﺍﻧﻪ ﺟﺪﻳﺎﺕ ﻛﻞ ﺍﻟﺪﻧﻴﺎ ﻭﺍﻗﻔﻪ ﺿﺪﻱ 💔
//
//
ﻣﻨﺎﺭ << ﻣﺮﺍﺩ ﺑﺎﻫﻲ ﺍﻟﻠﻲ ﺭﻭﺣﺖ / ﻭﻳﻦ ﻛﻨﺖ ﻣﻦ ﺃﻣﺲ ﻧﺮﻥ ﻋﻠﻴﻚ
ﻣﺮﺍﺩ << ﺟﺎﻱ ﺑﻨﺄﺧﺬ ﺷﻮﻳﺔ ﺣﺎﺟﺎﺕ ﻭ ﻣﺎﺷﻲ
ﻣﻨﺎﺭ << ﻭﻳﻦ ﻣﺎﺷﻲ ؟
ﻣﺮﺍﺩ << ﻣﺶ ﻋﺎﺭﻑ
ﻣﻨﺎﺭ << ﻣﺮﺍﺩ ﺍﺣﻜﻴﻠﻲ ﺑﺼﺮﺍﺣﻪ
ﻣﺮﺍﺩ << ﻡ ﻋﻨﺪﻱ ﻡ ﻧﺤﻜﻲ
ﻣﻨﺎﺭ << ﺟﺎﻭﺑﻨﻲ ﻉ ﺳﻮْﺍﻝ ﻭﺍﺣﺪ !
ﻣﺮﺍﺩ << ﺍﻃﻤﻨﻲ ﻡ ﻓﻲ ﺷﻲ ﺑﻴﻨﻲ ﻭ ﺑﻴﻦ ﺑﺸﺮﻯ
ﻣﻨﺎﺭ << ﺑﺎﻫﻲ ﺍﺣﻜﻲ ﻣﻊ ﻣﺤﻤﺪ ﻭ ﺍﺷﺮﺣﻠﻪ
ﻣﺮﺍﺩ << ﻫﻮﺍ ﻋﺎﺵ ﻣﻌﺎﻫﺎ ﻭ ﺣﺒﻬﺎ ﻛﻴﻒ ﻳﻔﻜﺮ ﺣﺘﻲ ﺍﻟﺘﻔﻜﻴﺮ ﺍﻧﻪ ﻣﻤﻜﻦ ﺗﺨﻮﻧﻪ !
ﻣﻨﺎﺭ << ﺑﺎﻫﻲ ﻻﺯﻡ ﺣﺪ ﻳﺤﻜﻴﻠﻪ ﺗﻲ ﺭﺍﻧﻴﺎ ﻣﺼﺪﻗﻪ ﺍﻧﻪ ﻳﺒﻲ ﻳﺘﺰﻭﺟﻬﺎ
ﻣﺮﺍﺩ << ﻭ ﺧﻠﻴﻪ ﻳﺘﺰﻭﺟﻬﺎ ﻳﺤﺴﺎﺏ ﺭﻭﺣﻪ ﺑﻴﻘﻬﺮ ﺑﺸﺮﻯ ﻫﻜﻲ
ﻣﻨﺎﺭ << ﻭﻳﻦ ﻣﺎﺷﻲ ﻣﺎﺯﻟﺖ ﻧﺤﻜﻲ ﻣﻌﺎﻙ
ﻣﺮﺍﺩ << ﻗﺘﻠﻚ ﺑﻨﺄﺧﺬ ﺷﻮﻳﺔ ﺣﺎﺟﺎﺕ
ﻛﺎﻥ ﻣﺮﺍﺩ ﻣﺎﺷﻲ ﺷﻮﺭ ﺩﺍﺭﻩ ﻟﻤﺎ ﻣﺤﻤﺪ ﺧﺶ ﻣﻦ ﺍﻟﺒﺎﺏ
ﻣﻨﺎﺭ << ﻣﺤﻤﺪ
ﻗﻌﺪ ﻳﻤﺸﻲ ﻭ ﻣﺎ ﺭﺩﺵ ﻋﻠﻴﻬﺎ
ﻣﻨﺎﺭ << ﻛﻨﺖ ﺗﻮﺍ ﻧﺤﻜﻲ ﻣﻊ ﻣﺮﺍﺩ ﻭ ﻗﺎﻟﻲ
ﻣﺤﻤﺪ << ﻣﺎ ﻧﺒﻴﺶ ﻧﺴﻤﻊ ﺷﻲ
ﻣﻨﺎﺭ << ﺍﻧﺖ ﺗﺤﺒﻬﺎ ﻭ ﻣﺎ ﺗﺒﻴﺶ ﺭﺍﻧﻴﺎ ﻟﻴﺶ ﺗﺒﻲ ﺃﺩﻳﺮ ﻫﻜﻲ
ﻣﺤﻤﺪ << ﺧﻼﻝ ﺃﺳﺒﻮﻉ ﻩ ﻧﺘﺰﻭﺟﻬﺎ ﻭ ﻗﺼﺔ ﺑﺸﺮﻯ ﻫﺬﻩ ﻣﻌﺶ ﻧﺒﻲ ﻧﺴﻤﻌﻬﺎ " ﻭ ﺑﺪﺍ ﻳﺮﻛﺐ ﻉ ﺍﻟﺪﺭﻭﺝ "
ﻃﻠﻊ ﻣﺮﺍﺩ ﻉ ﻛﻼﻣﻪ ﻭ ﻗﻌﺪ ﻳﺒﺤﺖ ﻓﻴﻪ ﻭ ﻳﺒﺤﺖ ﻑ ﻣﻨﺎﺭ
ﻣﺮﺍﺩ << ﻣﻨﺎﺭ ﻗﻮﻟﻴﻠﻪ ﻭ ﻗﻮﻟﻲ ﻟﺒﺎﺗﻲ ﺍﻧﻬﺎ ﻃﺎﻟﺒﻪ ﺍﻟﻄﻼﻕ ﻭ ﺑﺎﺗﻬﺎ ﻩ ﻳﻜﻠﻢ ﺑﺎﺗﻲ
ﻓﺘﺢ ﻣﺤﻤﺪ ﺑﺎﺏ ﺍﻟﺠﻨﺎﺡ ﻭ ﺧﺶ ﻟﺪﺍﺭ
ﻣﺤﻤﺪ << ﺗﺒﻲ ﺗﻄﻠﻖ ﺗﺒﻲ ﺗﻄﻠﻖ ﻋﺸﺎﻥ ﻳﺎﺧﺬﻫﺎ ﻫﻮﺍ ﺗﺒﻲ ﺗﻄﻠﻖ ﻭ ﻫﻮﺍ ﻋﺎﺭﻑ ﻛﻞ ﺣﺎﺟﻪ
ﻛﺎﻥ ﻳﺒﺤﺖ ﻑ ﺍﻟﻤﺮﺍﻳﺎ ﻭ ﺷﺎﻑ ﺣﺎﺟﺎﺕ ﻟﻴﺎ ﻉ ﺍﻟﻄﺎﻭﻟﻪ
ﺻﺒﻰ ﻭ ﻗﻌﺪ ﻳﻜﺴﺮ ﻓﻲ ﺍﻟﻤﺮﺍﻳﺎ
ﻛﺎﻥ ﻳﻌﻴﻂ ﻭ ﻳﻜﺴﺮ ﻑ ﻛﻞ ﺍﻟﻠﻲ ﻳﺠﻲ ﻗﺪّﺍﻣﻪ
//
ﻣﻨﺎﺭ << ﺻﻮﺕ ﻣﺤﻤﺪ ﻫﺬﺍ " ﻭ ﺭﻛﺒﺖ ﺗﺠﺮﻱ "
ﻓﺘﺤﻴﻪ << ﺷﻦ ﻓﻲ ﺷﻦ ﻫﺬﺍ
ﻓﺎﺗﻦ << ﻣﺤﻤﺪ ﻳﺎ ﻋﻤﺘﻲ
ﻓﺘﺤﻴﻪ << ﻛﻨﻪ ﺍﻭﻟﻴﺪﻱ " ﻭ ﻣﺸﺖ ﺷﻮﺭ ﺍﻟﺪﺭﻭﺝ "
ﻣﺮﺍﺩ ﻗﻌﺪ ﻳﺒﺤﺖ ﻓﻴﻬﻢ ﻭ ﻟﻤﺎ ﻣﻨﺎﺭ ﻓﺘﺤﺖ ﺍﻟﺒﺎﺏ ﻭ ﺧﺸﺖ ﺍﻟﺼﻮﺕ ﻗﻌﺪ ﻭﺍﺿﺢ
ﻣﺤﻤﺪ << ﺧﺎﺍﺍﺍﺍﺍﻧﺘﻨﻲ ﻭ ﺗﺒﻲ ﺗﻄﻠﻖ ﻋﺸﺎﻧﻪ
ﻣﻨﺎﺭ << ﻣﺤﻤﺪ ﺑﻄﻞ / ﺷﻦ ﺍﻟﻠﻲ ﻗﺎﻋﺪ ﺃﺩﻳﺮ ﻓﻴﻪ
ﻣﺤﻤﺪ << ﺣﺒﻴﺘﻬﺎ ﻭ ﻃﻠﻌﺖ ﻡ ﺗﺴﺘﺤﻘﺶ ﻧﺺ ﺣﺒﻲ ﻟﻬﺎ " ﻭ ﻃﻠﻊ ﻳﻜﺴﺮ ﻑ ﻃﺎﻭﻟﺔ ﺍﻟﺼﺎﻟﻪ "
ﻣﻨﺎﺭ << ﺣﺘﻲ ﻫﻲ ﺗﺤﺒﻚ ﺑﻄﻞ ﻋﺸﺎﻧﻲ / ﺷﻮﻑ ﻳﺪﻙ ﻛﻴﻒ ﺍﻧﺠﺮﺣﺖ
ﻣﺤﻤﺪ << ﺟﺮﺡ ﻳﺪﻱ ﻣﺎ ﻧﺤﺴﺶ ﻓﻴﻪ ﺑﺲ ﺍﻟﺠﺮﺡ ﺍﻟﻠﻲ ﻑ ﻗﻠﺒﻲ ﺷﻦ ﻧﺪﻳﺮﻟﻪ " ﻭ ﺭﺩ ﻳﺨﺒﻂ ﺍﺧﺮﻩ "
ﻗﻌﺪﺕ ﻣﻨﺎﺭ ﺗﺒﻜﻲ ﻭ ﻃﻠﻌﺖ ﺗﻨﺎﺩﻱ ﻉ ﻣﺮﺍﺩ
ﻣﻨﺎﺭ << ﻣﺮﺍﺩ ﺗﻌﺎﻝ ﺷﻮﻓﻪ ﺗﻌﺎﻝ ﺍﺣﻜﻲ ﻣﻌﺎﻩ
ﻣﺮﺍﺩ << ﻟﻮ ﻳﺸﻮﻓﻨﻲ ﺍﺧﺮﻩ ﻣﻤﻜﻦ ﻳﺰﻳﺪ ﺯﻳﺎﺩﻩ
ﻣﻨﺎﺭ << ﺭﻣﺰﻱ ﻭﻳﻨﻪ " ﻭ ﺩﻣﻮﻋﻬﺎ ﻳﻨﺰﻟﻦ "
ﻣﺮﺍﺩ << ﻣﺎ ﺗﺨﺎﻓﻴﺶ ﻵﺯﻡ ﻳﻄّﻠﻊ ﺍﻟﻠﻲ ﻑ ﻗﻠﺒﻪ ﻋﺸﺎﻥ ﻳﺘﺮﻳﺢ
ﻣﻨﺎﺭ << ﻣﺶ ﻩ ﻳﺘﺮﻳﺢ ﺍﻻ ﻟﻤﺎ ﻳﺸﻮﻓﻬﺎ ﻣﺮﺍﺩ ﻗﻮﻟﻠﻬﺎ ﺍﺗﺠﻲ
ﻣﺮﺍﺩ << ﻣﻦ ﺟﺪﻙ ﺍﻧﺖِ
ﻣﻨﺎﺭ << ﺍﺣﻜﻲ ﻣﻌﺎﻫﺎ ﻣﺶ ﻩ ﻳﻮﻗﻒ ﺍﻟﻠﻲ ﻳﺪﻳﺮ ﻓﻴﻪ ﺍﻻ ﻟﻮ ﺟﺖ
ﻃﻠﻊ ﻣﺮﺍﺩ ﺑﺮﺍ ﻭ ﻗﻌﺪ ﻳﺮﻥ ﻋﻠﻴﺎ
ﺍﻧﺎ << ﺁﻟﻮ
ﻣﺮﺍﺩ << ﺑﺸﺮﻯ " ﺻﻮﺗﻪ ﻛﺎﻥ ﻏﺮﻳﺐ ﺑﺲ ﺑﻌﺪ ﻗﺎﻝ ﺍﺳﻤﻲ ﺳﻜﺖ "
ﺍﻧﺎ << ﻣﺤﻤﺪ ﻓﻴﻪ ﺷﻲ ! ؟ ﻣﺮﺍﺩ ﻛﻨﻚ ﺳﺎﻛﺖ ؟ ! ﻫﻮﺍ ﻛﻮﻳﺲ ﺻﺎﺡ ؟ !
ﻣﺮﺍﺩ << ﻻﻻ ﻣﺶ ﺻﺎﺡ
ﺍﻧﺎ << ﺷﻦ ﻓﻲ !
ﻣﺮﺍﺩ << ﺭﻛﺐ ﻓﻮﻕ ﻭ ﻗﻌﺪ ﻳﻜﺴﺮ ﻑ ﺍﻻﺛﺎﺙ
ﺍﻧﺎ << ﻋﻤﻲ ﻭﻳﻦ ﺑﺎﻩ ؟
ﻣﺮﺍﺩ << ﻣﺶ ﻗﺎﻋﺪ ﻭ ﻻ ﺭﻣﺰﻱ ﻭ ﺍﻧﺎ ﻣﺶ ﻗﺎﺩﺭ ﻧﺪﻳﺮ ﺷﻲ ﺑﺲ ﻟﻮ ﻳﻌﻨﻲ
ﺍﻧﺎ << ﻟﻮ ﺷﻦ ؟ !
ﻣﺮﺍﺩ << ﻟﻮ ﺗﻘﺪﺭﻱ ﺗﺠﻲ ﺍﻧﺖِ
ﺍﻧﺎ << ﺍﻧﺎ ! ﺑﻌﺪ ﻛﻞ ﺍﻟﻠﻲ ﺻﺎﺭ ﺗﺒﻴﻨﻲ ﺍﻧﺠﻲ ؟
ﻣﺮﺍﺩ << ﻳﻌﻨﻲ ﻡ ﺗﻘﺪﺭﻳﺶ ؟
ﺍﻧﺎ <> ﻻﻻ ﺑﺲ ﻋﻴﻨﻚ ﻣﻨﻪ
ﻣﺮﺍﺩ << ﺧﺎﻳﻔﻪ ﻋﻠﻴﻪ ؟
ﺍﻧﺎ << ﻟﻮ ﻳﺼﻴﺮﻟﻪ ﺍﻱ ﺷﻲ ﻣﺶ ﻩ ﻧﺴﺎﻣﺢ ﺭﻭﺣﻲ " ﻭ ﺧﻨﻘﺘﻨﻲ ﺍﻟﻌﺒﺮﻩ "
ﻣﻌﺶ ﻟﻘﻴﺖ ﻛﻼﻡ ﻧﻘﻮﻟﻪ ﻭ ﺳﻜﺮﺕ ﺍﻟﺨﻂ
((
((
((
ﻓﻲ ﺍﻟﻌﺸﻴﻪ
ﻓﺘﺤﻴﻪ << ﺍﻟﻠﻲ ﺻﺎﺭ ﻣﺎ ﻳﻨﺴﻜﺘﺶ ﻋﻠﻴﻪ
ﻋﺒﺪﺍﻟﻠﻪ << ﻓﺸﺔ ﻏِﻞ ﺍﻟﻠﻪ ﻏﺎﻟﺐ ﻣﺎ ﻓﻲ ﻳﺪﻱ ﺷﻲ
ﻓﺘﺤﻴﻪ << ﺗﺒﻲ ﺗﻘﻌﺪ ﺳﺎﻛﺖ ﻳﻌﻨﻲ
ﻋﺒﺪﺍﻟﻠﻪ << ﺧﻼﺹ ﺃﻫﻮ ﻧﺎﺯﻝ ﺍﺳﻜﺘﻲ
ﻓﺘﺤﻴﻪ << ﺍﺣﻤﻴﺪﻩ ﻧﺪﻳﺮﻟﻚ ﺣﺎﺟﻪ ﺗﺄﻛﻠﻬﺎ
ﻣﺤﻤﺪ << ﻻﻻ
ﻋﺒﺪﺍﻟﻠﻪ << ﻃﺎﻟﻊ ﻭ ﻻ ﺷﻨﻮ ؟
ﻣﺤﻤﺪ << ﺍﻫﺎ ﻛﻠﻤﻨﻲ ﻋﻠﻲ ﻭ ﻧﺒﻮ ﻧﻄﻠﻌﻮ ﺷﻮﻳﻪ
ﻓﺘﺤﻴﻪ << ﺑﺎﻫﻲ ﻏﻴﺮ ﺟﻮﻙ
ﻣﺤﻤﺪ << ﺍﻫﺎ ﺍﺫﻛﺮﺕ ﺭﺍ ﺣﻜﻴﺖ ﻣﻊ ﻋﻤﻲ ﻭ ﺭﺍﻧﻴﺎ ﻭ ﺍﻟﺨﻤﻴﺲ ﻩ ﻧﻘﺮﻭ ﺍﻟﻔﺎﺗﺤﺔ
ﻋﺒﺪﺍﻟﻠﻪ << ﻣﺤﻤﺪ ؟ ﻣﺶ ﺻﻐﻴﺮ ﺍﻧﺖ ﻉ ﺍﻟﺤﺮﻛﺎﺕ ﻫﺬﻳﻦ ﻳﻌﻨﻲ ﻛﻴﻒ ﻑ ﺃﺳﺒﻮﻉ ﺗﺒﻲ ﺗﺰﻭﺝ
ﻣﺤﻤﺪ << ﻋﺎﺭﻑ ﺭﻭﺣﻲ ﺷﻦ ﻗﺎﻋﺪ ﺍﻧﺪﻳﺮ ﻭ ﻳﻮﻡ ﺍﻟﺠﻤﻌﻪ ﺍﻟﺼﺒﺢ ﻩ ﻧﻄﻠﻌﻮ ﺷﻮﺭ ﺗﺮﻛﻴﺎ
ﻋﺒﺪﺍﻟﻠﻪ << ﻭ ﺑﺸﺮﻯ ؟
ﻣﻨﺎﺭ << ﺑﺸﺮﻯ ﺗﺒﻲ ﺗﻄﻠﻖ
ﻓﺘﺤﻴﻪ << ﺟﺖ ﻣﻨﻚ ﻳﺎ ﺟﺎﻣﻊ
ﻣﺤﻤﺪ << ﻗﻮﻟﻴﻠﻬﺎ ﻟﻮ ﺗﺼﺒﻲ ﻉ ﺭﺃﺳﻚ ﻣﺶ ﻩ ﻧﻄﻠﻘﻚ ! " ﻭ ﻃﻠﻊ "
/
/
ﻋﺒﺪﺍﻟﻠﻪ << ﺍﻭﻟﺪﻙ ﻃﺮﺷﻖ
ﻓﺘﺤﻴﻪ << ﻣﻨﻬﺎ ﻝ ﺍﻟﻠﻪ ﻣﻌﺶ ﺧﻠﺖ ﻓﻴﻪ ﻋﻘﻞ
ﻣﻨﺎﺭ << ﻭ ﺍﻧﺘﻮ ﻟﻴﺶ ﺟﺎﻳﻴﻦ ﺿﺪﻫﺎ // ﻋﺎﺷﺖ ﻣﻌﺎﻧﺎ ﺷﻬﻮﺭ ﻭ ﻣﺎ ﺷﻔﻨﺎ ﻣﻨﻬﺎ ﺷﻲ ﻏﻠﻂ ﻟﻴﺶ ﻣﺎ ﺗﺴﻤﻌﻮﺵ ﻣﻨﻬﺎ
ﻋﺒﺪﺍﻟﻠﻪ << ﺑﺎﻟﻨﺴﺒﻪ ﻟﻴﺎ ﻟﻌﺐ ﻋﻴﺎﻝ ﺍﻟﻠﻲ ﺻﺎﺭ ﻭ ﻟﻮ ﺣﻜﺘﻠﻲ ﺑﺼﺮﺍﺣﻪ ﻛﻨﺖ ﻩ ﻧﺼﺒﻲ ﺿﺪ ﻣﺤﻤﺪ ﺑﺲ ﺳﻤﻌﺘﻴﻬﺎ ﺷﻦ ﻗﺎﻟﺖ ﻗﺒﻞ ﻣﺎ ﺗﻄﻠﻊ
ﻣﻨﺎﺭ << ﺷﻦ ﺗﺒﻴﻬﺎ ﺗﻘﻮﻝ ؟ ﺗﻘﻮﻟﻠﻜﻢ ﻭ ﺍﻟﻨﺒﻲ ﺧﻠﻮ ﻣﺤﻤﺪ ﻳﺨﻠﻴﻨﻲ ﺗﻲ ﻭ ﻛﺮﺍﻣﺘﻬﺎ ﺍﻟﺒﻨﺖ ؟ ﺍﻧﺎ ﻟﻮ ﻣﻜﺎﻧﻬﺎ ﻛﻨﺖ ﻧﺤﻜﻲ ﺍﻛﺜﺮ ﻣﻦ ﻫﻜﻲ ﻭ ﺷﻔﺖ ﻣﺤﻤﺪ ﻛﻴﻒ ﻣﺎ ﻋﻄﺎﻫﺶ ﻓﺮﺻﻪ
ﻋﺒﺪﺍﻟﻠﻪ << ﺑﻜﺮﺍ ﺗﻮ ﻧﻤﺸﻴﻠﻬﺎ
ﻣﻨﺎﺭ << ﺣﺘﻲ ﺍﻧﺎ ﻫﻨﻤﺸﻲ ﻣﻌﺎﻙ
//
//
//
ﺍﻟﺴﺎﻋﻪ 10 ﻑ ﺍﻟﻠﻴﻞ
ﺑﺎﺑﺎ << ﺍﻟﺤﻤﺪﻟﻠﻪ ﺷﺒﻌﺖ / ﻭﻳﻦ ﺑﺸﺮﻯ ﻛﻨﻬﺎ ﻣﺎ ﻃﻠﻌﺘﺶ ﺗﺎﻛﻞ ؟
ﺯﻳﻨﺐ << ﻗﺎﻟﺖ ﻣﺎ ﺗﺒﻴﺶ
ﺍﻳﻬﻢ << ﻣﺎ ﻛﻠﺖ ﺷﻲ ؟
ﻭﺩﺍﺩ << ﻻﻻ ﻣﻦ ﺍﻭﻝ ﻣﺎ ﺟﺖ ﺃﻣﺲ
ﺣﻨﺎﻥ << ﺣﺘﻲ ﻭﺟﻬﺎ ﺭﺍﻳﺢ ﺍﺻﻔﺮ
ﺑﺎﺑﺎ << ﺗﻮ ﻧﺼﺒﻲ ﻧﺸﻮﻓﻬﺎ
ﺍﻳﻬﻢ << ﺧﻠﻴﻚ ﻣﺘﺮﻳﺢ ﺗﻮ ﻧﺨﺶ ﺍﻧﺎ
ﺯﻳﻨﺐ << ﺧﻮﺫ ﻣﻌﺎﻙ ﺷﻲ ﺣﺎﺟﻪ ﺑﺎﻟﻚ ﺗﺎﻛﻞ
ﺍﻳﻬﻢ << ﻫﺎﺗﻲ ﺍﻟﺘﺒﺴﻲ
ﺳﻤﻌﺖ ﺍﻟﺒﺎﺏ ﻳﺪﻕ ﻭ ﺻﺒﻴﺖ ﻓﺘﺤﺘﻪ
ﺍﻳﻬﻢ << ﻭﺍﻋﻴﻪ ؟
ﺍﻧﺎ << ﺍﻫﺎ / ﺧﺶ ﺗﻌﺎﻝ
ﺍﻳﻬﻢ << ﺑﺎﺗﻲ ﻛﺎﻥ ﻳﺴﺄﻝ ﻭ ﻗﺎﻟﻮ ﻡ ﻛﻠﻴﺘﻲ ﺷﻲ
ﺍﻧﺎ << ﺧﻮﺫ ﺍﻟﺘﺒﺴﻲ ﻣﻌﺎﻙ ﻡ ﻧﺒﻴﺶ
ﺍﻳﻬﻢ << ﺷﻮﻓﻲ ﻭﺟﻚ ﺷﻦ ﺷﻜﻠﻪ
ﺍﻧﺎ << ﻟﻤﺎ ﻧﺠﻮﻉ ﺗﻮ ﻧﺄﻛﻞ
ﺍﻳﻬﻢ << ﻋﺸﺎﻧﻲ ﺑﺎﻩ
ﺍﻧﺎ << ﺻﺪﻗﻨﻲ ﻡ ﻋﻨﺪﻳﺶ ﻧﻴﻪ ﻭ ﻋﺎﺭﻓﻪ ﺭﻭﺣﻲ ﻟﻮ ﻛﻠﻴﺖ ﻩ ﻧﺮﺟﻊ ﻉ ﻃﻮﻝ
ﺍﻳﻬﻢ << ﻣﺮﻳﻀﻪ ﻭ ﻻ ﺷﻨﻮ ؟
ﺍﻧﺎ << ﺷﻜﻠﻲ ﻫﻚ
ﺍﻳﻬﻢ << ﻩ ﻧﺨﻠﻴﻪ ﻫﻨﺎ
ﺍﻧﺎ << ﺗﺼﺒﺢ ﻉ ﺧﻴﺮ
ﺍﻳﻬﻢ << ﺗﻼﻗﻲ ﺍﻟﺨﻴﺮ
ﻃﻠﻊ ﺍﻳﻬﻢ ﻣﻦ ﺍﻟﺪﺍﺭ ﻭ ﺩﺯﻳﺖ ﻣﺴﺞ ﻝ ﻣﺮﺍﺩ " ﺷﻦ ﺻﺎﺭ ﻣﻊ ﻣﺤﻤﺪ ؟ ﺃﺣﺴﻦ ﺗﻮﺍ ! ؟ "
ﻛﻨﺖ ﻣﺶ ﻗﺎﺩﺭﻩ ﻧﻔﺘﺢ ﻋﻴﻮﻧﻲ ﻣﻦ ﻛﺜﺮ ﻡ ﻧﻌﺴﺎﻧﻪ ﻭ ﺭﻗﺪﺕ ﻗﺒﻞ ﻡ ﻧﻔﻄﻦ ﻟﻠﻤﺴﺞ
//
//
ﺍﻟﺴﺎﻋﻪ 1
ﻋﻠﻲ << ﻣﺘﺎﻛﺪ ﺗﺒﻲ ﺗﺮﻗﺪ ﻑ ﺣﻮﺷﻜﻢ ؟
ﻣﺤﻤﺪ << ﺍﻫﺎ
ﻋﻠﻲ << ﻭ ﻛﺎﻥ ﻫﻠﻚ ﺷﺎﻓﻮﻙ ﺑﺎﻟﻤﻨﻈﺮ ﻫﺬﺍ ﺷﻦ ﻩ ﻳﻘﻮﻟﻮ ؟
ﻣﺤﻤﺪ << ﺃﻛﻴﺪ ﺭﺍﻗﺪﻳﻦ
ﻋﻠﻲ << ﺑﺎﻫﻲ ﻧﻤﺸﻮ ﻟﺤﻮﺷﻲ ﻭ ﺗﺸﺮﺏ ﻗﻬﻮﻩ ﻋﺸﺎﻥ ﺗﺼﺤﺼﺢ
ﻣﺤﻤﺪ << ﻭ ﻣﻦ ﻗﺎﻟﻚ ﻧﺒﻲ ﻧﺼﺤﺼﺢ ﺍﺻﻼ
ﻭﺻﻞ ﻋﻠﻲ ﻣﺤﻤﺪ ﻟﻠﻔﻴﻼ ﻭ ﻟﻤﺎ ﺧﺶ ﻣﺤﻤﺪ ﻟﻠﺠﻨﻴﻨﻪ ﺷﺎﻑ . .
يتبع.....
.
حفيدة نيوتن😎🔥
تنزيل وتصميم الغلافات: Rahafaltaher7
