💞زواج تقليدي💞
# ﺍﻟﺤﻠﻘﻬﻪ ﺍﻟﻮﺍﺣﺪ ﻭ ﺍﻷﺭﺑﻌﻮﻥ 🌸
ﺍﺗﺼﻠﺖ ﺑﻴﻪ ﻗﺮﻳﺐ 10 ﻣﺮﺍﺕ ﺑﺲ ﻡ ﺭﺩﺵ // ﻗﻌﺪﺕ ﻧﺒﺮﻡ ﻓﻲ ﻣﻜﺎﻧﻲ ﻭ ﻧﻘﻮﻝ ﻻﻻ ﻣﺎ ﻓﻲ ﺷﻲ ﻳﻌﻨﻲ ﻓﻲ ﺍﻟﻌﻤﻞ ﻋﺎﺩﻱ ﻛﻨﻲ ﺍﻭﻓﺮ ﻫﻜﻲ
ﺭﻧﻴﺖ ﺍﺧﺮﻩ ﻭ ﺍﻧﻔﺘﺢ ﺍﻟﺨﻂ
ﺍﻧﺎ << ﻣﻤﻤﻤﻤﺤﺤﺤﻤﺪ ؟؟ ﺗﻲ ﻛﻨﻚ ﻡ ﺗﺮﺩ ؟؟ ﻣﻦ ﺑﺪﺭﻱ ﻧﺮﻥ ﻋﻠﻴﻚ ؟؟ ﻭﻭﻭﻭﻳﻨﻚ ؟
<< ﺑﺲ ﺍﻧﺎ ﻣﺶ ﻣﺤﻤﺪ !
ﺍﻧﺎ << ﻣﻦ ﻣﻌﺎﻳﺎ ؟؟ !
ﺭﺍﻧﻴﺎ << ﻛﻴﻒ ﻡ ﻋﺮﻓﺘﻴﺶ ﺻﻮﺗﻲ !! ((:
ﺍﻧﺎ << ﺭﺭﺍﺍﻧﻴﺎﺍ ! ؟ 😳
ﺭﺍﻧﻴﺎ << ﺍﻫﺎ ﺭﺍﻧﻴﺎ 😌
ﺍﻧﺎ << ﻭﻳﻦ ﻣﺤﻤﺪ ؟ ! ﻛﺬﺍ ﻋﻄﻴﻪ ﻟﻴﺎ 😕
ﺭﺍﻧﻴﺎ << ﺍﺣﻤﻴﺪﻩ ﻣﺶ ﻓﺎﺿﻲ ﺗﻮﺍ " ﻭ ﺳﻜﺮﺕ ﻓﻲ ﻭﺟﻲ "
ﻗﻌﺪﺕ ﻓﺎﺗﺤﻪ ﻓﻤﻲ ﻭ ﻣﺶ ﻣﺴﺘﻮﻋﺒﻪ ! ﺍﻧﺎ ﺗﺴﻜﺮ ﻓﻲ ﻭﺟﻲ ! ؟ 😳😳
ﻣﺸﻴﺖ ﺷﻮﺭ ﺍﻟﺒﻨﺎﺕ ﻭ ﺍﻧﺎ ﺍﻧﻬﺪﻱ ﻓﻲ ﺭﻭﺣﻲ ﻭ ﻧﺒﻴﺶ ﺣﺪ ﻳﻼﺣﻆ ﺍﻧﻲ ﻣﻀﺎﻳﻘﻪ ﺑﺲ ﻛﻨﺖ ﻣﻀﺎﻳﻘﻪ ﺟﺪﻳﺎﺕ 💔 ﺍﻧﻈﻨﻲ ﻧﻐﺎﺭ 🌚 ﺍﻫﺎ ﻧﻘﺎﻧﻲ ﻧﻐﺎﺭ 😭
ﻓﺠﺎﻩ ﺭِﻥ ﺍﻟﻔﻮﻥ ﻭ ﻗﻠﺖ ﺃﻛﻴﺪﻩ ﻣﺤﻤﺪ 😍 ﺑﺲ ﻟﻘﻴﺘﻬﺎ ﺍﺳﺘﺒﺮﻕ
ﺍﻧﺎ << ﻫﻠﻮ //
ﺍﺳﺘﺒﺮﻕ << ﻳﺎ ﻫﻼ ﻭ ﻳﺎ ﻣﺮﺣﺒﺎ / ﺷﻦ ﺍﺧﺒﺎﺭﻙ ﻳﺎ ﺑﺸﻪ
ﺍﻧﺎ << ﺗﻤﺎﻡ ﺍﻟﺤﻤﺪﻟﻠﻪ ﺷﻦ ﺍﺧﺒﺎﺭﻙ ﺍﻧﺘﻲ
ﺍﺳﺘﺒﺮﻕ << ﺗﻤﺎﻡ ﺣﺎﻝ ﺍﻟﻜﺴﺎﺩ / ﺷﻦ ﺍﺧﺒﺎﺭ ﺧﺎﻟﺘﻲ ﻭ ﺍﻟﺸﺒﺎﺏ ﻭ ﻣﻨﺎﺭ ﻭ ﻓﺎﺗﻦ
ﺍﻧﺎ << ﻛﻠﻬﻢ ﺑﺨﻴﺮ // ﺍﻧﺘﻮ ﺷﻦ ﺩﺍﻳﺮﻳﻦ ؟
ﺍﺳﺘﺒﺮﻕ << ﺍﻟﺤﻤﺪﻟﻠﻪ / ﻧﺮﺍﺟﻲ ﻓﻴﻚ ﺗﺮﻧﻲ ﻭ ﻻ ﺗﻘﻮﻟﻲ ﻧﺒﻲ ﻧﺠﻴﻜﻢ ﺑﺲ ﻣﺎ ﺻﺎﺭ ﺷﻲ
ﺍﻧﺎ << ﻭ ﺍﻟﻠﻪ ﻣﺎ ﻧﻄﻠﻊ ﻭﺍﺟﺪ ﺍﻻ ﺑﺎﻟﻚ ﻟﻬﻠﻲ ﺑﺲ ﻧﻤﺸﻲ
ﺍﺳﺘﺒﺮﻕ << ﻣﻦ ﻣﺤﻤﺪ ﻳﻌﻨﻲ ؟ ﻫﻮﺍ ﻣﺎ ﻳﺒﻴﺶ ﻳﻄﻠﻌﻚ ؟
ﺍﻧﺎ << ﻭﻳﻨﻪ ﻫﻮﺍ ﺍﺻﻼ ﻋﺸﺎﻥ ﻳﻄﻠﻌﻨﻲ 🌚
ﺍﺳﺘﺒﺮﻕ << ﺍﻫﺎ ﻋﻤﻞ ﻭ ﻫﻜﻲ ﻋﺎﺭﻓﻪ ﺍﻧﺖ ﺟﻮ ﺍﻟﺸﺮﻛﺎﺕ 😂
ﺍﻧﺎ << ﻻﻻ ﻣﺶ ﻓﻲ ﺍﻟﺸﺮﻛﻪ ﻋﻨﺪ ﺭﺍﻧﻴﺎ 😕😒
ﺍﺳﺘﺒﺮﻕ << ﺭﺍﻧﻴﺎ !! ﻭ ﺍﻧﺘﻲ ﻓﺎﺗﺤﻪ ﻓﻤﻚ ؟ ﻛﻨﻚ ﻣﺎﺩﻩ ﻭﺟﻚ !
ﺍﻧﺎ << ﻣﺶ ﻋﺎﺭﻓﻪ ﺷﻦ ﻧﺪﻳﺮ
ﺍﺳﺘﺒﺮﻕ << ﻻ ﺗﺒﻴﻠﻨﺎ ﻗﻌﺪﻩ ﻧﺤﻦ 😂
ﺍﻧﺎ << ﻳﺎ ﺭﻳﺖ ﻭ ﺍﻟﻠﻪ
ﺍﺳﺘﺒﺮﻕ << ﻗﺎﻋﺪﻩ ﺍﻟﻴﻮﻡ ؟ ﻣﺎ ﻋﻨﺪﻛﺶ ﺷﻲ ﻃﻠﻌﻪ ؟
ﺍﻧﺎ << ﺍﻫﺎ ﻗﺎﻋﺪﻩ / ﺗﺒﻲ ﺍﺗﺠﻲ ؟؟
ﺍﺳﺘﺒﺮﻕ << ﺗﻮ ﻧﺸﻮﻑ ﻣﺎﻣﺎ
ﺍﻧﺎ << ﺍﺳﻜﻨﻴﻠﻬﺎ ﻭ ﺍﻟﻨﺒﻲ
ﺍﺳﺘﺒﺮﻕ << ﺗﻢ ﺍﻥ ﺷﺎﺀ ﺍﻟﻠﻪ // ﺳﻠﺴﺒﻴﻞ ﺧﺸﺖ ﺍﻧﺘﻈﺎﺭ ﻧﺸﻮﻓﻬﺎ ﻭ ﻧﺤﻜﻲ ﻟﻤﺎﻣﺎ ﺑﻌﺪﻫﺎ
ﺍﻧﺎ << ﺍﻭﻙ ﻭ ﻗﻮﻟﻴﻠﻬﺎ ﺣﺘﻲ ﻫﻲ ﻛﺎﻥ ﺍﺗﺠﻲ
ﺍﺳﺘﺒﺮﻕ << ﺩﺍﻳﺮﻩ ﻟﻤﻪ ﻭ ﻻ ﺷﻨﻮ ؟ 😂
ﺍﻧﺎ << ﻧﺪﻳﺮﻫﺎ ﻉ ﺧﺎﻃﺮﻛﻦ ﻋﺎﺩﻱ 😂
ﺍﺳﺘﺒﺮﻕ << ﺧﻼﺹ ﺗﻢ ﺍﺗﻔﻘﻨﺎ 😂
ﺳﻜﺮﺕ ﻣﻨﻬﺎ ﻭ ﻟﻘﻴﺖ ﻣﺮﺍﺩ ﻣﺼﺒﻲ ﻓﻮﻕ ﺭﺍﺳﻲ
ﻣﺮﺍﺩ << ﺻﺎﺣﺒﺘﻚ ﻫﺬﻩ ؟
ﺍﻧﺎ << ﻻﻻ ﺑﻨﺖ ﺧﺎﻟﺘﻚ
ﻣﺮﺍﺩ << ﺳﻮﺳﻮ 😂
ﺍﻧﺎ << ﺍﻫﺎ ﺳﻮﺳﻮ 😂
ﻣﺮﺍﺩ << ﻭ ﻛﻨﻬﺎ ؟
ﺍﻧﺎ << ﺗﺴﺎﻝ ﻋﻠﻴﻨﺎ ﻋﺎﺩﻱ
ﻣﺮﺍﺩ << ﺍﻫﺎ // ﺑﺎﻫﻲ ﻗﺎﻟﻮ ﺍﺧﺘﻚ ﻣﺎ ﺍﺧﺘﻚ ﺟﺖ ) ﻭﻳﻨﻬﺎ ؟
ﺍﻧﺎ << ﻛﺎﻧﺖ ﻫﻨﺎ ﺷﻜﻠﻬﺎ ﺧﺸﺖ ﻣﻊ ﻣﻨﺎﺭ
ﻣﺮﺍﺩ << ﻭ ﻋﺴﻞ ﻛﻴﻔﻚ ﻭ ﻻ ﻻ ؟ 😂
ﺍﻧﺎ << ﺗﻮ ﺃﺗﻌﺮﻑ ﻋﻠﻴﻬﺎ ﻭ ﺗﺤﻜﻢ ﺑﺮﻭﺣﻚ 😂
ﻣﺮﺍﺩ << ﻗﺼﺪﻙ ﻋﺎﺩﻱ ؟ 😍
ﺍﻧﺎ << ﻋﻘﻠﻚ ﻭﻳﻦ ﻣﺸﻰ ؟ 😂
ﻣﺮﺍﺩ << ﻻ ﻗﺎﻋﺪ ﻫﻨﺎ 😂
ﺳﻜﺘﺖ ﺷﻮﻳﻪ ﻭ ﻫﻮﺍ ﻛﺮ ﺍﻟﻜﺮﺳﻲ ﻭ ﻗﻌﻤﺰ
ﻣﺮﺍﺩ << ﺑﺎﻫﻲ ﺷﻦ ﺗﺤﻜﻴﻠﻨﺎ ؟
ﺍﻧﺎ << ﺷﻲ //
ﻣﺮﺍﺩ << ﺭﺍﺟﻠﻚ ﻭﻳﻦ ﺑﺎﻩ ؟
ﺍﻧﺎ << ﻣﺎ ﻧﻨﺪﺭﻳﺶ ﺍﺳﺄﻝ ﺭﺍﻧﻴﺎ ﻋﻠﻴﻪ 🌚
ﻣﺮﺍﺩ << ﻭ ﺷﻦ ﺩﺧﻠﻬﺎ ﺭﺍﻧﻴﺎ ؟ 😂
ﺍﻧﺎ << ﺷﻲ ﺷﻲ ﻧﺒﻲ ﻧﺨﺶ ﺟﻮﺍ ﺍﻧﺎ
ﺻﺒﻴﺖ ﻭ ﺩﻓﻴﺖ ﺍﻟﻜﺮﺳﻲ ﻭ ﺧﺸﻴﺖ ﻟﻠﺒﻨﺎﺕ ﺟﻮﺍ
//
//
//
ﺭﺅﻭﻑ << ﺧﻠﻴﻚ ﺗﻮ ﺍﺗﻐﺪﺍ ﻣﻌﺎﻧﺎ
ﻣﺤﻤﺪ << ﻻ ﻣﺮﻩ ﺍﺧﺮﻩ
ﻣﻨﻴﺮﻩ << ﻏﻴﺮ ﺍﻗﻌﺪ / ﻛﻤﻠﺖ ﻋﻤﻠﻚ ﻭ ﺗﺒﻲ ﺗﻤﺸﻲ ﻉ ﻃﻮﻝ
ﻣﺤﻤﺪ << ﻣﻦ ﺍﻟﺼﺒﺢ ﺑﺪﺭﻱ ﻃﺎﻟﻊ ﻭ ﻛﻨﺖ ﻓﻲ ﺍﻟﺸﺮﻛﻪ ﻭ ﺟﻴﺖ ﻉ ﻫﻨﺎ
ﺭﺍﻧﻴﺎ << ﻣﻌﻘﻮﻟﻪ ﺗﻜﺴﻒ ﻣﺎﻣﺎ ﻳﻌﻨﻲ ﻭ ﻫﻲ ﻣﻦ ﺑﺪﺭﻱ ﺗﻮﺗﻲ ﻓﻲ ﺍﻟﻐﺪﺍﺀ
ﻣﺤﻤﺪ << ﻭﻳﻦ ﻧﻘﺎﻟﻲ ﺑﺎﻫﻲ ﻧﺮﻥ ﻉ ﺑﺸﺮﻯ ﻋﺸﺎﻥ ﻣﺎ ﺗﺮﺍﺟﻨﻴﺶ ﻉ ﺍﻟﻐﺪﺍﺀ
ﺭﺅﻭﻑ << ﻭﻳﻦ ﺣﻄﻴﺘﻪ ﺍﻧﺖ ؟
ﻣﺤﻤﺪ << ﻛﺎﻥ ﻉ ﻃﺎﻭﻟﺔ ﻓﻲ ﺍﻟﺼﺎﻟﻪ
ﺭﺅﻭﻑ << ﻋﺪﻱ ﺷﻮﻓﻴﻪ ﻛﺬﺍ
ﺭﺍﻧﻴﺎ << ﺣﺎﺿﺮ ﻫﻲ
ﻣﺸﺖ ﺭﺍﻧﻴﺎ ﻭ ﻗﺒﻞ ﻣﺎ ﺗﻌﻄﻴﻪ ﺍﻟﻨﻘﺎﻝ ﺳﻜﺮﺍﺗﻪ ﻭ ﺑﻌﺪﻫﺎ ﻣﺪﺍﺗﻪ ﻟﻪ
ﻣﺤﻤﺪ << ﻛﻨﻚ ﻣﻘﻔﻞ /
ﺭﺅﻭﻑ << ﺃﻛﻴﺪ ﻣﻔﺶ ﺷﺤﻦ / ﻫﺎﺕ ﺗﻮ ﻧﺸﺤﻨﻪ ﻟﻚ
ﻣﺤﻤﺪ << ﻫﺎﻙ ﺑﻪ
ﻣﻨﻴﺮﻩ << ﻛﺎﻥ ﺗﺒﻲ ﻛﻠﻢ ﻣﻦ ﺍﻷﺭﺿﻲ
ﺭﺍﻧﻴﺎ << ﻛﻠﻢ ﻣﻦ ﻓﻮﻧﻲ / ﻣﺨﺰﻧﺘﻪ ﺭﻗﻢ ﺑﺸﺮﻯ
ﻣﺤﻤﺪ << ﺗﻤﺎﻡ ﺑﺎﻩ
ﺧﺬﺍ ﻣﺤﻤﺪ ﻣﻨﻬﺎ ﺍﻟﻨﻘﺎﻝ ﻭ ﻗﻌﺪ ﻳﺮﻥ ﻋﻠﻴﺎ /- ﺑﺲ ﺍﻧﺎ ﻟﻤﺎ ﺷﻔﺖ ﺍﻧﻪ ﺭﻗﻢ ﻏﺮﻳﺐ ﻣﺎ ﺭﺩﻳﺘﺶ 🌚
//
//
//
ﻣﺸﻰ ﺍﻟﻮﻗﺖ ﻭ ﺩﺯﻳﺖ ﻣﺴﺞ ﻝ ﺃﻣﻴﺮﻩ ﻭ ﺍﺳﺮﺍﺀ ﻭ ﻗﻠﺘﻠﻬﻦ ﻛﺎﻥ ﻳﻘﺪﺭﻥ ﻳﺠﻦ ﻳﻬﺪﺭﺯﻥ
ﺧﺸﻴﺖ ﺑﻌﺪﻫﺎ ﻟﻠﻤﻄﺒﺦ ﻭ ﺩﺭﺕ ﻛﻴﻜﻪ 💃 ﺑﺲ ﺑﻤﺴﺎﻋﺪﺓ ﻣﻨﺎﺭ ﻭ ﻭﺻﻴﺖ ﻣﺮﺍﺩ ﻉ ﺷﻮﻳﺔ ﺣﺎﺟﺎﺕ
ﻗﻌﺪﻧﺎ ﻧﻮﺗﻮ ﻓﻲ ﺍﻟﻐﺪﺍﺀ ﻭ ﻧﺮﺍﺟﻮ ﻓﻲ ﻣﺤﻤﺪ ﺑﺲ ﻣﺎ ﺟﺶ // ﺣﻄﻮ ﻟﻌﻤﻲ ﻭ ﺭﻣﺰﻱ ﺑﺮﻭﺣﻬﻢ ﻭ ﻧﺤﻦ ﺗﻐﺪﻳﻨﺎ ﺑﺮﻭﺣﻨﺎ
ﺧﺸﺖ ﺯﻳﻨﺐ ﺗﺴﺎﻋﺪ ﻓﻲ ﺍﻟﻤﻮﺍﻋﻴﻦ ﻭ ﺍﻧﺎ ﻗﻌﺪﺕ ﺍﻧﻀﻢ ﻓﻲ ﺍﻟﺼﺎﻟﻮﻥ ﻟﻤﺎ ﻣﺤﻤﺪ ﺧﺶ ﻣﻦ ﺍﻟﺒﺎﺏ
ﻓﺘﺤﻴﻪ << ﺍﺣﻤﻴﺪﻩ // ﻭﻳﻦ ﻛﻨﺖ ! ؟ ﺍﺗﺼﻞ ﺑﻴﻚ ﺑﺎﺗﻚ ﻟﻘﺎﻙ ﻣﻘﻔﻞ
ﻣﺤﻤﺪ << ﻛﺎﻥ ﻓﺎﺻﻞ ﺷﺤﻦ ﻭ ﺍﻧﺎ ﻛﻨﺖ ﻋﻨﺪ ﻋﻤﻲ
ﻓﺘﺤﻴﻪ << ﻧﺤﻄﻮﻟﻚ ﻏﺪﺍﺀ ؟
ﻣﺤﻤﺪ << ﻻ ﺗﻐﺪﻳﺖ ﻏﺎﺩﻱ
ﻓﺘﺤﻴﻪ << ﺍﺻﺤﻴﺤﻪ ﺑﺎﻩ
ﻣﺤﻤﺪ << ﺳﻠﻤﻚ / ﻭﻳﻨﻪ ﺑﺎﺗﻲ ؟ ﻭ ﺍﻟﺸﺒﺎﺏ ؟
ﻓﺘﺤﻴﻪ << ﺑﺎﺗﻚ ﺧﺶ ﺭﻗﺪ ﻭ ﺭﻣﺰﻱ ﻓﻮﻕ ﻭ ﻣﺮﺍﺩ ﺃﻫﻮ ﺟﺎ
ﺧﺶ ﻣﺮﺍﺩ ﻭ ﺟﺎ ﺷﻮﺭﻱ ﻭ ﺣﻄﻠﻲ ﺍﻟﺸﻜﺎﻳﺮ ﻉ ﺍﻟﻄﺎﻭﻟﻪ ﻭ ﻗﻌﺪﺕ ﻧﻔﺘﺢ ﻓﻴﻬﻦ ﻭ ﻧﺸﻮﻑ ﺷﻦ ﺟﺎﺏ
ﻣﺮﺍﺩ << ﺷﻮﻓﻲ ﻛﺎﻥ ﻓﻲ ﺣﺎﺟﻪ ﻧﺎﻗﺼﻪ
ﺍﻧﺎ << ﺍﻣﻤﻤﻤﻢ ﺍﻭﻙ / ﻋﺼﻴﺮ ﻭ ﺷﻮﻛﻮﻻ ﻭ ﺑﻜﻼﻭﻩ 😍 ﺍﻣﻤﻢ ﻻ ﺗﻤﺎﻡ ﺻﺤﻴﺖ ﺑﻜﻞ / ﺗﻌﺒﺘﻚ ﻣﻌﺎﻳﺎ
ﻣﺮﺍﺩ << ﺗﻌﺒﻚ ﺭﺍﺣﻪ
ﺍﻧﺎ << ﻧﻤﺸﻲ ﻧﺤﻄﻬﻦ ﻓﻲ ﺍﻟﻤﻄﺒﺦ
ﻣﺮﺍﺩ << ﺑﺎﻟﻚ ﺍﺛﻘﺎﻝ ﻋﻠﻴﻚ ﻫﺎﺗﻴﻬﻦ ﻋﻨﻚ
ﻣﺤﻤﺪ << ﻛﻴﻒ ﻣﺎ ﻋﻨﺪﻛﺶ ﺭﺍﺟﻞ ﺗﻘﻮﻟﻴﻠﻪ ﻭ ﻫﻮﺍ ﻳﺠﻴﺒﻠﻚ ! ؟
ﺍﻧﺎ << ﺗﺤﻜﻲ ﻣﻌﺎﻳﺎ ؟؟
ﻣﺤﻤﺪ << ﻻ ﻣﻊ ﻣﻨﺎﺭ " ! ﻭ ﺟﺎ ﺷﻮﺭﻧﺎ "
ﻣﺮﺍﺩ << ﻛﻨﻚ ؟ ﺷﻦ ﻓﻴﻬﺎ ؟ ﻭ ﻛﺎﻥ ﻣﺸﻴﺖ ﺍﻧﺎ ﻭﻳﻦ ﺍﻟﻤﺸﻜﻠﻪ ؟؟
ﺍﻧﺎ << ﻻ ﺭﺍﺟﻲ ﺷﻮﻳﻪ ! ﻉ ﺍﺳﺎﺱ ﻟﻤﺎ ﻛﻠﻤﺘﻚ ﺭﺩﻳﺖ ﻋﻠﻴﺎ ﺑﻴﺶ ﻧﻘﻮﻟﻚ ﻭ ﻻ ﻧﻮﺻﻴﻚ ! ؟ ﻻ ﻭ ﺟﺎﻱ ﻳﻬﺰﺏ ﺍﺧﺮﻩ /:
ﺳﻴﺒﺘﻬﻢ ﻭ ﺭﻛﺒﺖ ﻓﻮﻕ ﻉ ﻃﻮﻝ // ﻣﺎ ﻛﻨﺘﺶ ﻧﺒﻲ ﺍﻟﻤﻮﺿﻮﻉ ﻳﻜﺒﺮ ﻗﺪﺍﻡ ﻫﻠﻪ
ﺧﻼﻝ ﺩﻗﻴﻘﻪ ﻛﺎﻥ ﻻﺣﻘﻨﻲ ﻓﻮﻕ
ﻣﺤﻤﺪ << ﺑﺸﺮﺭﺭﺭﺭﻯ !! ؟ ﻟﻤﺎ ﻧﻘﻌﺪ ﻧﺤﻜﻲ ﻣﻌﺎﻙ ﻣﺎ ﺗﻤﺸﻴﺶ ﻭ ﺗﻔﻮﺗﻴﻨﻲ ! ؟ ﻭ ﻣﻴﺔ ﻣﺮﻩ ﻗﻠﺘﻬﺎ ﻟﻚ ﻣﻦ ﻗﺒﻞ ﺍﻫﺎ ! ؟
ﺍﻧﺎ << ﻣﺎ ﻧﺒﻴﺶ ﻧﺤﻜﻲ ﻣﻌﺎﻙ ! ﺷﻦ ﺑﺎﻟﻐﺼﺐ ﺍﻟﻘﺼﻪ ! ؟
ﻣﺤﻤﺪ << ﺍﻣﺘﻲ ﺍﺗﺼﻠﺘﻲ ﺑﻴﺎ ! ؟
ﺍﻧﺎ << ﻣﺶ ﻋﺎﺭﻓﻪ
ﻣﺤﻤﺪ << ﺭﺩﻱ ﻛﻮﻳﺲ ﺧﻴﺮﻟﻚ
ﺍﻧﺎ << ﻣﺤﻤﺪ ؟؟ ﻛﻨﻚ ﻣﻌﻠﺶ ؟؟ ﻣﺶ ﻛﻨﺖ ﻋﻨﺪ ﻋﻴﺖ ﻋﻤﻚ ﻭ ﺟﻮﻙ ﺳﻤﺢ ؟ ﺷﻦ ﺗﺒﻲ ﺗﻮﺍ ؟؟
ﻣﺤﻤﺪ << ﻧﻘﺎﻟﻲ ﻛﺎﻥ ﻣﻘﻔﻞ ﻭ ﺧﺬﻳﺖ ﻧﻘﺎﻝ ﺭﺍﻧﻴﺎ ﺍﺗﺼﻠﺖ ﺑﻴﻚ ﻣﺎ ﺭﺩﻳﺘﻴﺶ
ﺍﻧﺎ << ﻗﻠﺘﻠﻲ ﺭﺍﻧﻴﺎ ؟؟
ﻣﺤﻤﺪ << ﻟﻴﺶ ﻣﺎ ﺭﺩﻳﺘﻴﺶ ؟
ﺍﻧﺎ <> ﻋﺎﺭﻓﻨﻲ ﻣﺎ ﻧﺮﺩﺵ ﻉ ﺍﺭﻗﺎﻡ ﻏﺮﻳﺒﻪ
ﻣﺤﻤﺪ << ﺧﻼﺹ ﻣﺶ ﺫﻧﺒﻲ ﻣﻌﻨﺎﻫﺎ
ﺍﻧﺎ << ﺭﻳﺖ ﻣﻦ ﺑﻌﺪﻩ ﺍﻟﺤﻮﺵ ﺍﺻﻼ // ﻣﺎ ﺗﻘﺪﺭﺵ ﺍﺗﺠﻲ 5 ﺩﻗﺎﻳﻖ ﻛﺎﻥ ﻫﺎﻣﻤﺘﻚ ﺃﺳﺎﺳﺎ
ﻣﺤﻤﺪ << ﻣﺎ ﺧﻄﺮﺗﻠﻴﺶ ﻭ ﺑﻌﺪﻳﻦ ﺳﻜﻨﻮ ﻭ ﻫﻤﺎ ﻳﻤﺴﻜﻮ ﻓﻴﺎ
ﺍﻧﺎ << ﺑﺎﻫﻲ ﻛﻮﻳﺲ
ﻣﺤﻤﺪ << ﻣﺎ ﺗﺤﻜﻴﺶ ﻣﻌﺎﻳﺎ ﺏ ﺑﺮﻭﺩ
ﺍﻧﺎ << ﻛﻴﻒ ﺗﺒﻴﻨﻲ ﻧﺤﻜﻲ ﻣﻌﺎﻙ !! ﻭ ﺍﻧﺎ ﻟﻤﺎ ﻧﺘﺼﻞ ﺑﻴﻚ ﺗﺮﺩ ﻋﻠﻴﺎ ﻫﺬﻛﻲ ؟ ﻻ ﻭ ﺍﺧﺮﻩ ﺗﻘﻮﻟﻲ ﺍﺣﻤﻴﺪﻩ ﻣﺶ ﻓﺎﺿﻲ ﻭ ﺗﺴﻜﺮ ﻓﻲ ﻭﺟﻲ
ﻣﺤﻤﺪ << ﺭﺭﺭﺍﻧﻴﺎ ؟؟؟
ﺍﻧﺎ << ﺷﻦ ﺭﺃﻳﻚ ﺍﻧﺖ !!
ﻣﺤﻤﺪ <> ﻭ ﺍﻟﻠﻪ ﻣﺎ ﻗﺎﻟﺘﻬﺎ ﻟﻴﺎ
ﺍﻧﺎ << ﺗﺒﻴﻬﺎ ﺗﺠﻲ ﺗﻘﻮﻟﻚ ﻣﺮﺍﺗﻚ ﺍﺗﺼﻠﺖ ﻭ ﺍﻧﺎ ﺳﻜﺮﺕ ﻓﻲ ﻭﺟﻬﺎ ؟؟
ﻣﺤﻤﺪ << ﺍﻳﻮﻭﻭﻭﺍﻩ ! ﺍﻧﺘﻲ ﺑﺮﻭﺣﻚ ﻗﻠﺘﻴﻬﺎ // ﻣﻤﻤﺮﺭﺍﺗﻲ ؟؟ ﻟﻴﺶ ﻣﻀﺎﻳﻘﻪ ﺗﻮﺍ ! ؟
ﺍﻧﺎ << ﻻ ﻣﻀﺎﻳﻘﻪ ﻻ ﺳﻮ
ﻣﺤﻤﺪ << ﻻ ﺑﺎﻳﻦ ﺍﻧﻚ ﻣﻀﺎﻳﻘﻪ / ﺗﻌﺎﺍﺍﻟﻲ ﺷﻮﻳﻪ
ﻣﺴﻜﻨﻲ ﻣﻦ ﻭﺳﻄﻲ ﻭ ﻛﺮﻧﻲ ﺷﻮﺭﻩ
ﻣﺤﻤﺪ << ﻣﺎ ﺗﺰﻋﻠﻴﺶ ﺭﻭﺣﻚ ﻭ ﺭﺍﻧﻴﺎ ﻧﻌﺮﻑ ﻛﻴﻒ ﻧﺘﺼﺮﻑ ﻣﻌﺎﻫﺎ
ﺍﻧﺎ << ﻣﺶ ﺯﻋﻼﻧﻪ ﺑﺲ ﻫﻲ ﻣﺎ ﺗﺤﺒﻨﻴﺶ ﺑﺮﻭﺣﻬﺎ ﺑﺮﻭﺣﻬﺎ
ﻣﺤﻤﺪ << ﺍﻫﻢ ﺣﺎﺟﻪ ﺍﻧﺎ
ﺍﻧﺎ << ﺍﻧﺖ ﺷﻨﻮ !
ﻣﺤﻤﺪ << ﺷﻲ ﺷﻲ / ﺑﺎﻫﻲ ﻗﻮﻟﻴﻠﻲ ﻟﻴﺶ ﻛﻨﺘﻲ ﻣﻮﺻﻴﻪ ﻣﺮﺍﺩ ﻉ ﺣﺎﺟﺎﺕ ؟
ﺍﻧﺎ << ﻻ ﻏﻴﺮ ﺍﺳﺘﺒﺮﻕ ﺗﺒﻲ ﺍﺗﺠﻲ ﻭ ﻩ ﺗﻘﻮﻝ ﻝ ﺳﻠﺴﺒﻴﻞ ﻭ ﻗﻠﺖ ﻝ ﺃﻣﻴﺮﻩ ﻭ ﺍﺳﺮﺍﺀ ﺑﺎﻟﻤﺮﻩ " ﻭ ﻭﺧﺮﺕ ﻭ ﻗﻌﺪﺕ ﻧﺒﺤﺖ ﻓﻴﻪ "
ﻣﺤﻤﺪ << ﺍﻫﺎ // ﺑﺎﻫﻲ ﺗﻐﻴﺮﻱ ﺟﻮﻙ ﺷﻮﻳﻪ / ﻗﻠﺘﻲ ﻝ ﻣﻨﺎﺭ ﺗﻜﻠﻢ ﺭﺍﻧﻴﺎ ؟ 😂
ﺍﻧﺎ << ﺗﺒﺼﺮ ﺍﻧﺖ ﺻﺎﺡ ! ؟
ﻣﺤﻤﺪ << ﺍﻫﺎ ﻭ ﺍﻟﻠﻪ ﻧﺒﺼﺮ 😂
ﺍﻧﺎ << ﺑﺎﻫﻲ ﺍﺣﻜﻴﻠﻲ ﺷﻦ ﻫﺪﺭﺯﺗﻮ ؟
ﻣﺤﻤﺪ << ﻋﺎﺩﻱ ﻳﻌﻨﻲ ﺗﻐﺪﻳﻨﺎ ﻛﻠﻨﺎ ﻣﻊ ﺑَﻌﻀُﻨَﺎ ﻭ ﺍﻧﺎ ﻭ ﻋﻤﻲ ﻧﻬﺪﺭﺯﻭ ﻉ ﺍﻟﻌﻤﻞ
ﺍﻧﺎ << ﻭ ﻫﻲ ؟ !
ﻣﺤﻤﺪ << ﺟﺎﺑﺘﻠﻲ ﺷﺎﻫﻲ ﻭ ﻗﻌﻤﺰﺕ ﺟﻨﺒﻲ
ﺍﻧﺎ << ﻣﻦ ﻗﻠﺔ ﺍﻹﻣﻜﺎﻥ ﻳﻌﻨﻲ ﻗﻌﻤﺰﺕ ﺟﻨﺒﻚ ! ؟ 😕
ﻣﺤﻤﺪ << ﺷﻦ ﻧﺪﻳﺮﻟﻬﺎ ﻋﺎﺩ 😎
ﺍﻧﺎ << ﻭ ﺑﻌﺪﻫﺎ ! ؟
ﻣﺤﻤﺪ << ﻭ ﺑﻌﺪﻫﺎ ﻗﻠﺖ ﺃﻛﻴﺪ ﻣﺮﺍﺗﻲ ﺗﺮﺍﺟﻲ ﻓﻴﺎ ﻭ ﺻﺒﻴﺖ ﻭ ﺟﻴﺘﻚ
ﺍﻧﺎ << ﺍﻫﺎ
ﻣﺤﻤﺪ << ﻭﻳﻦ ﺯﻳﻨﺐ ! ؟
ﺍﻧﺎ << ﺣﻲ ﺳﻴﺒﺘﻬﺎ ﻟﻮﻃﺎ / ﻧﻨﺰﻝ ﻧﺸﻮﻓﻬﺎ
ﻣﺤﻤﺪ << ﺍﻧﺎ ﺑﻨﺮﻗﺪ ﺷﻮﻳﻪ // ﻣﻊ ﺍﻟﻌﺼﺮ ﻧﻮﺿﻴﻨﻲ ﻋﺸﺎﻥ ﻋﻨﺪﻱ ﻣﻮﻋﺪ
ﺍﻧﺎ << ﻣﻮﻋﺪ ﺷﻨﻮ ؟
ﻣﺤﻤﺪ << ﺷﻮﺭ ﺍﻟﻌﻤﻞ ﻳﺎ ﺑﻨﺘﻲ 🌚
ﺍﻧﺎ << ﺣﺎﺿﺮ ﻱ ﺑﺎﺑﺎ ﺗﻮ ﺍﻧﻮﺿﻚ 🌚
ﺧﺶ ﻟﺪﺍﺭ ﻳﻐﻴﺮ ﻓﻲ ﺍﺩﺑﺸﻪ ﻭ ﺍﻧﺎ ﻧﺰﻟﺖ ﻟﻮﻃﺎ ﻭ ﻟﻘﻴﺖ ﺯﻳﻨﺐ ﻣﻊ ﻣﻨﺎﺭ ﻓﻲ ﺍﻟﺪﺍﺭ // ﻫﺪﺭﺯﻧﺎ ﺷﻮﻳﻪ ﻭ ﻗﺒﻞ ﺍﻟﻌﺼﺮ ﺩﺯﺗﻠﻲ ﺃﻣﻴﺮﻩ ﻣﺴﺞ ﺍﻧﻪ ﻩ ﺍﺗﺠﻲ ﻭ ﺗﺒﻴﻨﻲ ﻧﻌﻄﻴﻬﺎ ﺍﻟﻮﺻﻒ ﻭ ﺩﺯﻳﺘﻪ ﻟﻬﺎ ﻓﻲ ﻣﺴﺞ ﻻﻧﻲ ﻣﺎ ﻧﻌﺮﻓﺶ ﻧﺸﺮﺡ ﺑﻜﻞ ﻉ ﺍﻟﻔﻮﻥ 💁
//
//
//
ﻗﺒﻞ ﺍﻟﻌﺼﺮ ﺑﺸﻮﻳﻪ ﺭﻛﺒﺖ ﺍﻧﺎ ﻭ ﺯﻳﻨﺐ ﻭ ﺧﺸﺖ ﻟﻠﺤﻤﺎﻡ ﺗﻐﻴﺮ ﻓﻲ ﺩﺑﺸﻬﺎ ﻭ ﺍﻧﺎ ﺧﺸﻴﺖ ﺍﻧﻮﺽ ﻓﻲ ﻣﺤﻤﺪ
ﺍﻧﺎ << ﻣﺤﻤﺪ // ﻣﺤﺤﺤﻤﺪ ﻧﻮﻭﻭﺽ ﻫﻴﺎ " ﻭ ﻗﻌﺪﺕ ﺍﻧﻄﻠﻊ ﻓﻲ ﺍﺩﺑﺸﻲ ﻭ ﺍﻧﺎﺩﻱ ﻓﻴﻪ " ﻳﺎ ﻣﻤﻤﻤﺤﻤﺪ ﺗﻲ ﻧﻮﺽ ﻣﺶ ﻋﻨﺪﻙ ﻣﻮﻭﻭﻋﺪ " ﻗﻌﺪﺕ ﻧﺪﺭﺑﻚ ﻉ ﺍﻟﺪﻭﻻﺏ ﻭ ﻧﻐﻨﻲ / ﻣﺘﻌﻮﺩﻩ ﻓﻲ ﺣﻮﺷﻨﺎ ﻟﻤﺎ ﺍﻧﻄﻠﻊ ﺣﺎﺟﻪ ﻧﻘﻌﺪ ﺳﺎﻋﻪ ﻭ ﻧﺪﻳﺮ ﺣﻔﻠﻪ " ﻛﻨﺖ ﻧﻐﻨﻲ ﻓﻲ ﺃﻏﻨﻴﻪ ﻣﺼﺮﻳﻪ ﻭ ﻧﻬﺰ ﻓﻲ ﺭﺍﺳﻲ "
ﻣﺤﻤﺪ << ﺑِﺴْﻢ ﺍﻟﻠﻪ 😂 ﺑﻄﻠﻲ ﺳﻜﻨﺎﻥ ﻭ ﺍﻫﺒﺎﻝ / ﺍﻣﺘﻲ ﺗﺒﻲ ﺗﻌﻘﻠﻲ ! ؟
ﺍﻧﺎ << ﺑﻌﺪ ﻧﺠﻴﺐ ﺑﻴﺒﻲ 💃 " ﻭ ﻛﺮﻳﺖ ﺍﻟﻠﺒﺴﻪ ﻣﻦ ﺍﻟﺪﻭﻻﺏ ﻭ ﻃﻠﻌﺖ "
ﻗﻌﺪ ﻳﻨﺎﺩﻱ ﻓﻴﺎ ﺑﺲ ﻣﺎ ﺭﺩﻳﺘﺶ ﻋﻠﻴﻪ // ﻃﻠﻌﺖ ﺯﻳﻨﺐ ﻣﻦ ﺍﻟﺤﻤﺎﻡ ﻭ ﺗﺒﺤﺖ ﻓﻴﺎ ﻭ ﺍﻧﺎ ﻧﻀﺤﻚ
ﺯﻳﻨﺐ << ﻛﻨﻬﺎ ﺍﻟﻬﺒﻠﻪ ﺗﻀﺤﻚ ﺑﺮﻭﺣﻬﺎ ؟ ! 😂
ﺍﻧﺎ << ﻻ ﺷﻲ 😂
ﺯﻳﻨﺐ << ﺻﻮﺕ ﺭﺍﺟﻠﻚ ﻳﻨﺎﺩﻱ ﻓﻴﻚ ؟ ﻛﻨﻚ ﻣﺎ ﺗﺸﻮﻓﻴﻪ !
ﺍﻧﺎ << ﺃﻛﻴﺪﻩ ﻳﺒﻴﻨﻲ ﻧﺪﻳﺮﻟﻪ ﻗﻬﻮﻩ
ﺯﻳﻨﺐ << ﻛﻨﻚ ﻃﺎﻟﻌﻪ ﺏ ﺍﺩﺑﺸﻚ ﻫﻨﺎ ؟
ﺍﻧﺎ << ﻧﺒﻲ ﻧﻐﻴﺮ ﺍﺩﺑﺸﻲ
ﺯﻳﻨﺐ << ﻭ ﻛﻨﻚ ﻣﺎ ﺗﻐﻴﺮﻱ ﻓﻲ ﺩﺍﺭﻙ ؟ 😕
ﺍﻧﺎ << ﻻ ﻧﺒﻲ ﻧﻐﻴﺮ ﺟﻮﺍ ﻏﻴﺮ ﺟﻴﺖ ﻧﺸﻮﻑ ﻓﻴﻚ ﻭ ﻟﺨﺒﻄﺖ ﻃﻠﻌﺖ ﺑﻴﻪ
ﺯﻳﻨﺐ << ﺑﺎﻫﻲ ﻛﻤﻠﻲ ﻭ ﺍﻧﺎ ﺗﻮ ﻧﻤﺸﻲ ﻧﺪﻳﺮ ﺍﻟﻘﻬﻮﻩ
ﺍﻧﺎ << ﺑﺎﻩ
((
((
((
ﺭﺩﻳﺖ ﺧﺸﻴﺖ ﻟﺪﺍﺭ ﻭ ﻟﻘﻴﺘﻪ ﻣﻘﻌﻤﺰ ﻉ ﺍﻟﺴﺮﻳﺮ ﻭ ﻳﻀﺤﻚ
ﻣﺤﻤﺪ << ﺭﺩﻳﺘﻲ ﻛﻴﻒ ﺍﻟﺒﻨﺖ ﺍﻟﻄﻴﺒﻪ // ﺍﺻﻼ ﻛﻨﺖ ﺑﻨﻘﻮﻟﻚ ﺍﺧﺘﻚ ﻩ ﺗﻔﻄﻦ 😌😂
ﻓﻜﻴﺖ ﺷﻌﺮﻱ ﻭ ﻗﻌﺪﺕ ﻧﻤﺸﻂ ﻓﻴﻪ ﻭ ﻫﻮﺍ ﻳﺒﺤﺖ / ﻭ ﻗﻌﺪﺕ ﻧﺪﻳﺮ ﻓﻲ ﻣﻴﻚ ﺃﺏ
ﻣﺤﻤﺪ << ﻣﻌﺶ ﺍﺩﻳﺮﻱ ﺍﻟﻠﺒﺰ ﻫﺬﺍ ﺗﻲ ﺍﻧﺘﻲ ﺍﺻﻼ ﺳﻤﺤﻪ ﺑﻼ ﺷﻲ
ﺍﻧﺎ << ﻩ ﺗﺘﺄﺧﺮ ﻉ ﻣﻮﻋﺪﻙ
ﻣﺤﻤﺪ << ﻛﻨﻚ ﺗﻠﺰﻱ ﻓﻴﺎ ؟ 😒
ﺍﻧﺎ << ﺧﺎﻳﻔﻪ ﻉ ﺷﻐﻠﻚ ﺑﺲ 😒
ﻣﺤﻤﺪ << ﻳﺎ ﺧﻄﻴﺮﻩ 😌 // ﺑﺎﻫﻲ ﺑﻌﺪ ﺗﻮﺗﻲ ﺭﻭﺣﻚ ﺩﻳﺮﻳﻠﻲ ﻓﻨﺠﺎﻥ ﻗﻬﻮﻩ
ﺍﻧﺎ << ﺯﻳﻨﺐ ﻗﺎﻋﺪﻩ ﺃﺩﻳﺮ ﻓﻴﻬﺎ
ﻣﺤﻤﺪ << ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ ﻛﻼ ﻫﻲ
ﺍﻧﺎ << ﻭ ﺍﻧﺎ ؟
ﻣﺤﻤﺪ << ﻛﻨﻚ ﺍﻧﺘﻲ ؟؟
ﺍﻧﺎ << ﻣﺶ ﻣﺎ ﺷﺎﺀ ﺍﻟﻠﻪ ﻋﻠﻴﺎ !!
ﻣﺤﻤﺪ << ﻋﺎﺭﻓﻪ ﺣﺎﺟﻪ // ؟ ﻋﻘﻠﻚ
ﺍﻧﺎ << ﻛﻨﻪ 😍
ﻣﺤﻤﺪ << ﻛﺒﺮ ﺍﻟﻨﻤﻠﻪ 😂😌
ﺍﻧﺎ << ﻫﺬﺍ ﺍﻟﻠﻲ ﻃﻠﻊ ﻣﻌﺎﻙ ؟
ﻛﻤﻠﺖ ﺍﻟﻠﻲ ﻛﻨﺖ ﻧﺪﻳﺮ ﻓﻴﻪ ﻭ ﻫﻮﺍ ﺻﺒﻰ ﻃﻠﻊ ﻟﻠﺤﻤﺎﻡ // ﻟﺒﺴﺖ ﻭ ﻗﻌﺪﺕ ﻧﺴﻜﺮ ﻓﻲ ﺍﻟﺒﻠﻮﺯﻩ ﻣﻦ ﻻﻭﺭﺍ ﻭ ﻣﻌﺶ ﻗﻌﺪﺕ ﻧﺴﻜﺮﻫﺎ
ﺍﻧﺎ << ﺯﺯﺯﺯﺯﻳﻨﺐ // ﺯﻳﻨﺐ ﺗﻌﺎﻟﻲ ﺷﻮﻭﻭﻭﻳﻪ
ﻗﻌﺪﺕ ﺍﻧﺎﺩﻱ ﻓﻴﻬﺎ ﺑﺲ ﻣﺎ ﺭﺩﺗﺶ :: ﻃﻠﻌﺖ ﻣﻦ ﺍﻟﺪﺍﺭ ﻭ ﻣﺸﻴﺖ ﻧﺸﻮﻑ ﻓﻴﻬﺎ ﻓﻲ ﺍﻟﻤﻄﺒﺦ ﺑﺲ ﻣﺎ ﻟﻘﻴﺘﻬﺶ / ﻧﺒﻲ ﻧﺮﺩ ﻟﺪﺍﺭ ﺧﺒﻄﺖ ﻓﻲ ﻣﺤﻤﺪ
ﻣﺤﻤﺪ << ﻧﺰﻟﺖ ﺍﺧﺘﻚ / ﺷﻜﻠﻬﺎ ﺗﺤﺸﻤﺖ ﻣﻨﻲ
ﺍﻧﺎ << ﺃﻛﻴﺪﻩ ﺗﺒﻲ ﺍﺗﺤﺸﻢ 😳 ﻗﺼﺪﻙ ﺷﺎﻓﺎﺗﻚ ﻫﻜﻲ ؟ ! ﺑﺪﻭﻥ ﺳﻮﺭﻳﻪ ؟؟ 😒😳
ﻣﺤﻤﺪ << ﺍﻫﺎ 🌚 // ﺷﻦ ﻛﻨﺖ ﺗﺒﻲ ﻓﻴﻬﺎ ﺑﺎﻫﻲ ؟
ﺍﻧﺎ << ﻻ ﻛﻨﺖ ﻧﺒﻴﻬﺎ ﺗﺴﻜﺮﻟﻲ ﺑﻄﻤﺔ ﺍﻟﺒﻠﻮﺯﻩ ﻣﻦ ﻻﻭﺭﺍ
ﻣﺤﻤﺪ << ﺍﺑﺮﻣﻲ ﻧﺴﻜﺮﻫﺎ ﺍﻧﺎ
ﺍﻧﺎ << ﻻﻻ ﺗﻮ ﻧﺮﻥ ﻋﻠﻴﻬﺎ ﺍﺗﺠﻲ
ﻣﺤﻤﺪ << ﻭ ﻟﻮ ﻗﺎﻟﺘﻠﻚ ﻟﻴﺶ ﻣﺎ ﻗﻠﺘﻲ ﻟﺮﺍﺟﻠﻚ ﺷﻦ ﻩ ﺗﺮﺩﻱ ﻋﻠﻴﻬﺎ ؟ ! 😎
ﺍﻧﺎ << ﻫﻮﻭﻭﻑ ﻋﻠﻴﻨﺎ 😕
ﺑﺮﻣﺖ ﻭ ﻗﻌﺪ ﻳﺴﻜﺮ ﻓﻴﻬﺎ ﻭ ﻧﻘﻮﻟﻪ ﻛﻤﻠﺖ ﺧﻼﺹ ﻳﻘﻮﻝ ﻻ ﻣﺎﺯﺍﻝ ﺗﻲ ﻫﻲ ﺑﻄﻤﻪ 😒
ﺍﻧﺎ << ﺗﻲ ﺧﻼﺹ ﺣﻮﻝ ﺑﻼﺵ ﻃﺮﻭﺡ ﺯﺍﻳﺪﻩ
ﻣﺤﻤﺪ << ﻫﺬﺍ ﺑﺪﺍﻝ ﻣﺎ ﺗﻘﻮﻟﻲ ﺷﻜﺮًﺍ ؟ 😂
ﺍﻧﺎ << ﻉ ﺗﺴﻜﻴﺮﺓ ﺑﻄﻤﻪ 😒
ﻣﺤﻤﺪ << ﻣﺎﻓﺶ ﺣﺎﺟﻪ ﺍﺧﺮﻩ ﻧﺪﻳﺮﻫﺎ ؟ ﺍﻱ ﺣﺎﺟﻪ ﻳﻌﻨﻲ ؟ ﺣﺎﺟﻪ ﺍﺧﺮﻩ ﺗﺒﻲ ﺗﺴﻜﻴﺮ ؟ 😂
ﺍﻧﺎ << ﺧﺶ ﺍﻟﺒﺲ ﺷﻲ ﺣﺎﺟﻪ ﻭ ﺍﺳﺘﺮ ﺭﻭﺣﻚ 😳
ﻣﺤﻤﺪ << ﻃﻠﻌﻴﻠﻲ ﺳﻮﺭﻳﻪ ﺑﺎﻩ ﻉ ﺑﺎﻝ ﻡ ﺷﺮﺑﺖ ﺍﻟﻘﻬﻮﻩ
ﺍﻧﺎ << ﺑﺎﻩ
ﺧﺸﻴﺖ ﻧﺪﻭﺭﻟﻪ ﻓﻲ ﺳﻮﺭﻳﻪ ﻭ ﺳﻤﻌﺖ ﻓﻮﻧﻲ ﻳﺮﻥ ﺑﺮﺍ
ﻣﺤﻤﺪ << ﺗﻌﺎﻟﻲ ﺃﻣﻴﺮﻩ ﺗﺮﻥ
ﺍﻧﺎ << ﺭﺩ ﺍﻧﺖ ﻧﺒﻲ ﻧﺪﻳﺮ ﺭﻭﺝ
ﻣﺤﻤﺪ << ﻧﺮﺩ ﻉ ﺻﺎﺣﺒﺘﻚ ﻳﻌﻨﻲ ﻋﺎﺩﻱ ؟؟
ﺍﻧﺎ << ﺷﻦ ﻓﻴﻬﺎ ؟
ﺧﺶ ﻟﺪﺍﺭ ﻭ ﻓﺘﺤﻠﻲ ﺍﻟﺨﻂ ﻭ ﺣﻄﻪ ﻉ ﻭﺫﻧﻲ
ﺍﻧﺎ << ﻫﺎ ﻣﻴﺮﻭ ؟ ﻭﻳﻨﻚ ؟؟
ﺃﻣﻴﺮﻩ << ﻭﺻﻠﺖ ﺑﺲ ﺍﻟﺒﺎﺏ ﺍﻟﻜﺒﻴﺮ ﻣﺴﻜﺮ
ﺍﻧﺎ << ﺭﻧﻲ ﺍﻟﺠﺮﺱ ﺗﻮ ﺍﻟﺒﻮﺍﺏ ﻳﻔﺘﺢ ﻭ ﺍﻧﺎ ﺗﻮ ﺗﻠﻘﻴﻨﻲ ﻓﻲ ﺍﻟﺠﻨﻴﻨﻪ
ﺃﻣﻴﺮﻩ << ﻣﻌﺎﻳﺎ ﺣﺘﻲ ﺍﺳﺮﺍﺀ ﺭﺍﻩ
ﺍﻧﺎ << ﺣﻲ ﺟﺖ ﺣﺘﻲ ﻫﻲ / ﺧﻼﺹ ﻫﻴﺎ ﻧﺎﺯﻟﺘﻠﻜﻦ
)
)
)
ﻣﺤﻤﺪ << ﺍﻥ ﺷﺎﺀ ﺍﻟﻠﻪ ﺩﻳﻤﺎ ﺗﻘﻌﺪﻱ ﻣﺒﺴﻮﻃﻪ ﻫﻜﻲ
ﺍﻧﺎ << ﺣﻮﻝ ﺣﻮﻝ ﻣﻦ ﻗﺪﺍﻣﻲ ﻧﺒﻲ ﻧﻨﺰﻝ
ﻣﺤﻤﺪ << ﻧﺎﺯﻟﻪ ﺏ ﺍﻟﻠﻲ ﻓﻤﻚ ﻫﻜﻲ ؟؟
ﺍﻧﺎ << ﺳﻤﺢ ﺻﺎﺡ 😍
ﻣﺤﻤﺪ << ﻓﻤﻚ ﺍﻟﻠﻲ ﺳﻤﺢ 😍 " ﻭ ﺻﺒﻰ ﻗﺪﺍﻣﻲ "
ﺍﻧﺎ << ﻣﺤﻤﺪ ﺍﻟﺒﻨﺎﺕ ﻟﻮﻃﺎ ﺣﻮﻝ ﺧﻴﺮ ﻣﺎ ﻧﺮﺗﺒﻚ " ﻭ ﻃﺒﺴﺖ ﺭﺍﺳﻲ "
ﻣﺤﻤﺪ << ﻣﺎﺯﻟﺘﻲ ﺗﺮﺗﺒﻜﻲ ﻣﻨﻲ ! " ﻭ ﺭﻓﻌﻠﻲ ﺭﺍﺳﻲ "
ﺍﻧﺎ << ﻣﺤﻤﺪ ﻋﺎﺩ
ﻣﺤﻤﺪ << ﻣﺎ ﺗﺨﺎﻓﻴﺶ ﻣﺶ ﻩ ﻧﺪﻳﺮ ﺷﻲ " ﻭ ﻣﺴﺤﻠﻲ ﺏ ﺻﻮﺍﺑﻌﻪ ﺷﻮﻳﻪ ﻣﻦ ﺍﻟﺮﻭﺝ
ﺧﺬﻳﺖ ﻧﻔﺲ ﻭ ﺳﻘﻤﺖ ﺷﻌﺮﻱ ﻭ ﻧﺰﻟﺖ // ﻟﻘﻴﺖ ﺯﻳﻨﺐ ﻃﺎﻟﻌﻪ ﻟﺠﻨﻴﻨﻪ ﻭ ﺗﺴﻠﻢ ﻋﻠﻴﻬﻦ
ﻃﻠﻌﺖ ﻭ ﺳﻠﻤﺖ ﻋﻠﻴﻬﻦ ﻭ ﻛﻞ ﻭﺣﺪﻩ ﺟﺎﻳﺒﻪ ﻛﻴﺲ ﻓﻲ ﻳﺪﻫﺎ
ﺍﻧﺎ << ﻋﻠﻴﺶ ﻣﺘﻌﺒﺎﺕ ﺍﺭﻭﺍﺣﻜﻦ ﻫﻜﻲ
ﺃﻣﻴﺮﻩ << ﺑﻄﻠﻲ ﻃﺮﻭﺡ ﻣﻦ ﻳﻮﻣﻚ ﻏﺎﻟﻲ ﻋﻠﻴﻚ ﺍﻟﻬﺪﺍﻳﺎ 😂
ﺍﺳﺮﺍﺀ << ﺍﻟﻠﻲ ﺟﺎﻳﺒﺘﻬﺎ ﺍﻧﺎ ﻟﻚ ﺍﻧﺘﻲ ﻭ ﺭﺍﺟﻠﻚ ﻣﺶ ﺍﻧﺘﻲ ﺑﺮﻭﺣﻚ 😂
ﺍﻧﺎ << ﺗﻔﻀﻠﻦ ﺑﺎﻩ 😂
ﺩﻭﺑﻨﺎ ﺧﺸﻴﻨﺎ ﻣﻦ ﺍﻟﺒﺎﺏ ﻭ ﻣﺤﻤﺪ ﻛﺎﻥ ﻧﺎﺯﻝ ﻗﻌﺪﻧﺎ ﻛﻠﻨﺎ ﻧﺒﺤﺘﻮ ﻓﻴﻪ 😂 ﺗﻠﻘﺎﺋﻴﺎ ﺭﻓﻌﻨﺎ ﺭﺅﻭﺳﻨﺎ
ﺑﺤﺖ ﻓﻴﺎ ﻭ ﺣﻂ ﺻﺒﻌﻪ ﻉ ﻓﻤﻪ ﻛﺄﻧﻪ ﻳﻤﺴﺢ ﻓﻲ ﺣﺎﺟﻪ ﻭ ﻗﻌﺪ ﻳﻀﺤﻚ
ﺑﺤﺘﻦ ﺍﻟﺒﻨﺎﺕ ﻓﻴﺎ ﻭ ﻗﻌﺪﻥ ﻳﻀﺤﻜﻦ
ﺃﻣﻴﺮﻩ << ﺭﻭﺟﻚ ﺧﺎﺭﺏ ﺭﺍﻩ 😂
ﺍﺳﺮﺍﺀ << ﺷﻦ ﻛﻨﺘﻮ ﺍﺩﻳﺮﻭ 😍
ﺯﻳﻨﺐ << ﺃﻛﻴﺪﻩ ﻣﻨﻪ ﻫﻮﺍ 😍
ﺍﻧﺎ << ﺗﺤﻤﺸﻦ ﻧﻌﻦ ﺩﺍ 🌚
ﻣﻨﺎﺭ << ﺍﻫﻠًﺎ ﺍﻫﻠًﺎ // ﺗﻔﻀﻠﻦ ﺧﺸﻦ
ﺃﻣﻴﺮﻩ << ﺃﻛﻴﺪﻩ ﺍﻧﺘﻲ ﻣﻨﺎﺭ ؟؟
ﺍﺳﺮﺍﺀ << ﺍﺧﺖ ﻣﺤﻤﺪ ﺍﻫﺎ ؟
ﻣﻨﺎﺭ << ﺍﻫﺎ 😂
ﺃﻣﻴﺮﻩ << ﺗﺸﻜﺮ ﻓﻴﻚ ﺑﺸﻪ ﻭ ﺍﻟﻠﻪ 😂
ﻧﺰﻝ ﻣﺤﻤﺪ ﻭ ﻭﺻﻞ ﻓﻴﻨﺎ ﻭ ﻗﺎﻝ
ﻣﺤﻤﺪ << ﻧﺎﻗﺼﺘﻚ ﺣﺎﺟﻪ ؟
ﺍﻧﺎ << ﻻﻻ
ﻣﺤﻤﺪ << ﺗﺒﻲ ﺁﻱ ﺷﻲ ﺭﻧﻲ ﻋﻠّﻴﺎ
ﺍﻧﺎ << ﺧﻠﻴﻪ ﻓﻲ ﻳﺪﻙ ﺑﺎﻩ 😌
ﻣﺤﻤﺪ << ﺣﺎﺿﺮ 😂
ﻃﻠﻊ ﻣﺤﻤﺪ ﻭ ﺗﻼﻗﻰ ﻣﻊ ﺍﺳﺘﺒﺮﻕ ﻭ ﺳﻠﺴﺒﻴﻞ ﺩﻭﺑﻬﻦ ﻛﻴﻒ ﻭﺻﻠﻦ
ﺍﺳﺘﺒﺮﻕ << ﺍﻭﻭﻭ ﺍﺣﻤﻴﺪﻩ 😒
ﺳﻠﺴﺒﻴﻞ << ﻛﻨﻚ ﻣﺘﺴﻤﺢ ﻣﻦ ﺑﻌﺪ ﻣﺎ ﺗﺰﻭﺟﺖ 😂
ﻣﺤﻤﺪ << ﻭﻳﻦ ﺍﻣﻚ ﺍﻧﺘﻲ ﻭﻳﺎﻫﺎ ؟ 😂
ﺳﻠﺴﺒﻴﻞ << ﻟﻤﺔ ﺑﻨﺎﺕ ﻣﺶ ﺻﺒﺎﻳﺎ 😂
ﻣﺤﻤﺪ << ﺗﻔﻀﻠﻦ ﺑﺎﻩ 😂
ﺳﻠﺴﻴﺒﻞ << ﻣﺮﺍﺗﻚ ﻭﻳﻦ ؟؟
ﻣﺤﻤﺪ << ﺟﻮﺍ
ﺍﺳﺘﺒﺮﻕ << ﺭﺍﺟﻲ ﺷﻮﻳﻪ ﻧﺒﻴﻚ ﺍﻧﺖ
ﻣﺤﻤﺪ << ﻛﻨﻚ ﻻﻭﻳﻪ ﻭﺟﻚ ؟
ﺃﺳﺘﺒﺮﻕ << ﺳﻠﺴﻴﺒﻞ ﺧﺸﻲ ﻭ ﺗﻮ ﻧﻠﺤﻘﻚ
ﺳﻠﺴﻴﺒﻞ << ﺑﺎﻩ
)
)
)
ﻣﺤﻤﺪ << ﺷﻦ ﻓﻲ ؟
ﺍﺳﺘﺒﺮﻕ << ﺷﻦ ﻗﺼﺘﻬﺎ ﺭﺍﻧﻴﺎ ؟ 😒
ﻣﺤﻤﺪ << ﺷﻦ ﺣﺎﻛﻴﺘﻠﻚ ﺍﻟﻬﺒﻠﻪ ﺑﺸﺮﻯ ؟ 😂
ﺍﺳﺘﺒﺮﻕ << ﺍﻟﺒﻨﺖ ﺗﺤﺒﻚ ﻛﻨﻚ ﻋﺒﻴﻂ ﺍﻧﺖ ؟ ﺍﺭﺯﻥ ﻭ ﺣﻂ ﻋﻘﻠﻚ ﻓﻲ ﺭﺃﺳﻚ ﻭ ﻣﺎ ﺗﻀﻴﻌﻬﺶ ﻷﻧﻚ ﻣﺶ ﻩ ﺗﻠﻘﻰ ﻧﻔﺴﻬﺎ
ﻣﺤﻤﺪ << ﺗﺤﺒّﻨﻲ ؟؟ ﻫﻲ ﻗﺎﻟﺘﻠﻚ ﻫﻜﻲ ؟؟
ﺍﺳﺘﺒﺮﻕ << ﺍﻧﺎ ﺻﺎﺡ ﻣﺎ ﻧﻌﺮﻓﻬﺶ ﻟﻴﺎ ﻓﺘﺮﻩ ﺑﺲ ﺑﺎﻳﻦ ﻋﻠﻴﻬﺎ
ﻣﺤﻤﺪ << ﺃﻫﻲ ﺟﺖ ﻧﻌﻠﻴﺎ ﻣﻨﻬﺎ ﻭ ﺧﻼﺹ
ﻟﻤﺎ ﺧﺸﺖ ﺳﻠﺴﺒﻴﻞ ﺳﺄﻟﺘﻬﺎ ﻉ ﺍﺳﺘﺒﺮﻕ ﻭ ﻗﺎﻟﺘﻠﻲ ﺑﺮﺍ ﻣﻊ ﻣﺤﻤﺪ // ﺧﻔﺖ ﺍﻧﻬﺎ ﺗﺤﻜﻲ ﺷﻲ ﺣﺎﺟﻪ ﻭ ﻃﻠﻌﺖ ﺷﻮﺭﻫﻢ (( ﺑﺲ ﻟﻤﺎ ﻭﺻﻠﺖ ﻓﻴﻬﻢ ﺳﻜﺘﻮ
ﺳﻠﻤﺖ ﻉ ﺍﺳﺘﺒﺮﻕ ﻭ ﻫﻮﺍ ﻗﺎﻝ ﺍﻧﻪ ﺗﺄﺧﺮ ﻭ ﻳﺒﻲ ﻳﻤﺸﻲ
//
//
//
ﻗﻌﻤﺰﻧﺎ ﻛﻠﻨﺎ ﻓﻲ ﺻﺎﻟﻮﻥ ﺍﻟﻤﺮﺑﻮﻋﻪ ﻭ ﺟﺖ ﺣﺘﻲ ﻓﺎﺗﻦ ﻭ ﺗﻌﺮﻓﺖ ﻉ ﺍﻟﺒﻨﺎﺕ
ﻣﻨﺎﺭ << ﺣﻜﺎﻟﻨﺎ ﻣﺮﺍﺩ ﻉ ﺍﻟﻘﺼﻪ ﺑﺲ ﻣﺶ ﺏ ﺍﻟﺘﻔﺎﺻﻴﻞ 😂
ﺃﻣﻴﺮﻩ << ﻛﻠﻨﺎ ﻛﻨّﺎ ﻣﺼﺒﻴﻴﻦ ﻣﺼﺪﻭﻣﻴﻦ ﻭ ﻟﻤﺎ ﺟﺖ ﺑﺸﻪ ﻫﻲ ﺍﻟﻠﻲ ﺧﺸﺖ ﻓﻲ ﺍﻟﻤﻮﺿﻮﻉ ﻭ ﺑﻌﺪﻫﺎ ﻧﻌﻠﻴﺎ ﺟﺎ ﺭﺍﺟﻠﻬﺎ 😂
ﺍﺳﺮﺍﺀ << ﻭ ﻗﻌﺪ ﻳﻀﺮﺏ ﻓﻲ ﺍﻟﺸﺎﺏ ﻭ ﺍﻟﺠﺎﻣﻌﻪ ﻛﻠﻬﺎ ﺍﺗﻔﺮﺝ 😂😍
ﺃﻣﻴﺮﻩ << ﻭ ﺍﻟﺒﻨﺎﺕ ﻳﻘﻮﻟﻦ ﻱ ﻋﻮﻳﻨﻬﺎ ﻭﺍﺣﺪ ﻃﺮﻑ ﻳﺪﺍﻓﻊ ﻋﻠﻴﻬﺎ 😂
ﺯﻳﻨﺐ << ﻣﻦ ﻧﺎﺣﻴﺔ ﻃﺮﻑ 😂 ﻭ ﻻ ﺑﻼﺵ ﻓﻜﻮﻧﺎ ﻣﻨﻬﺎ ﺭﺍﻳﺤﻪ ﺗﺰﻋﻞ ﻟﻤﺎ ﺣﺪ ﻳﺤﻜﻲ ﻋﻠﻴﻪ 🌚
ﺍﺳﺘﺒﺮﻕ << ﺭﺍﺟﻠﻬﺎ ﻃﺒﻌﺎ ﻩ ﺗﺰﻋﻞ 😒
ﺍﻧﺎ << ﻻ ﻋﺎﺩﻱ ﻣﺶ ﻣﻌﺪﻟﻪ ﺍﻫﻢ ﺷﻲ ﺍﻧﻪ ﻫﻮﺍ ﻣﺶ ﺷﺎﻳﻒ ﻏﻴﺮﻱ 😌 ﻋﺒﺮﻥ ﻋﻦ ﺷﻌﻮﺭﻛﻦ ﻋﻨﺪ ﺗﺒﻄﻠﻦ 😂🌚
ﺳﻠﺴﻴﺒﻞ << ﺗﻌﺠﺒﻴﻨﻲ ﻭ ﺍﻟﻠﻪ 😂
ﺍﻧﺎ << ﺳﺎﺭﻭ ﺑﻌﺪ ﺧﻄﺮﻫﺎ ﻗﺎﻟﺘﻠﻲ ﺃﻣﻴﺮﻩ ﺍﻧﻪ ﺻﺎﻳﺮ ﺷﻲ ﻭ ﺑﻌﺪ ﺍﻧﺠﻲ ﻩ ﺗﺤﻜﻮﻟﻲ ﺑﺲ ﺭﻭﺣﺖ ﺑﺪﻭﻥ ﻣﺎ ﻧﻌﺮﻑ
ﺍﺳﺮﺍﺀ << ﺍﻫﺎ ﻣﺎ ﻗﺘﻠﻜﺶ 😍 ﻣﻴﺪﻭ 😍😍
ﺍﻧﺎ << ﻛﻨﻪ ؟ 😂
ﺍﺳﺮﺍﺀ << ﺟﺎﺏ ﻫﻠﻪ 😍
ﺍﻧﺎ << ﻛﺬﺍﺑﻪ ؟ 😂😳
ﺍﺳﺮﺍﺀ << ﻭ ﺍﻟﻠﻪ 😂
ﺃﻣﻴﺮﻩ << ﺷﻔﺘﻲ ﻣﺎ ﻳﻄّﻠﻊ ﻣﻨﻪ 😂
ﺍﻧﺎ << ﺗﻲ ﻛﻴﻒ ﺻﺎﺭ ؟ ﻣﺶ ﺳﻴﺒﺘﻮ ؟
ﺍﺳﺮﺍﺀ << ﻣﻦ ﺑﻌﺪ ﻋﺮﻛﺘﻨﺎ ﻭ ﻉ ﺍﺳﺎﺱ ﻛﻞ ﺣﺪ ﻓﻲ ﻃﺮﻳﻖ ﺧﻼﺹ ﻗﻌﺪ ﻳﺪﺯ ﻓﻲ ﻣﺴﺠﺎﺕ ﻣﺎ ﻧﻘﺪﺭﺵ ﻧﺴﻴﺒﻚ ﻭ ﻧﻌﺮﻓﺶ ﻧﻌﻴﺶ ﺑﺪﻭﻧﻚ ﻭ ﻫﻜﻲ 😍
ﺍﻧﺎ << ﻭ ﺑﻌﺪﻫﺎ ؟ 😂 " ﻭ ﻛﻠﻨﺎ ﻧﺒﺤﺘﻮ ﻓﻴﻬﺎ ﻭ ﻫﻲ ﺗﺤﻜﻲ "
ﺍﺳﺮﺍﺀ << ﻗﻠﺘﻠﻪ ﺗﺒﻴﻨﻲ ﺟﺪﻳﺎﺕ ﺟﻴﺐ ﻫﻠﻚ ﻏﻴﺮ ﻫﻜﻲ ﻣﺎ ﻋﻨﺪﻳﺶ
ﺯﻳﻨﺐ << ﺑﺎﻫﻲ ﺟﺎ ﻟﻄﺮﻳﻖ ﻳﺎ ﺣﻨﻪ
ﺃﻣﻴﺮﻩ << ﻛﻠﻪ ﻣﻦ ﻧﺼﺎﺋﺤﻲ 😌
ﺍﺳﺘﺒﺮﻕ << ﻣﺒﺮﻭﻙ ﺍﻥ ﺷﺎﺀ ﺍﻟﻠﻪ
ﺍﺳﺮﺍﺀ << ﺍﻟﻠﻪ ﻳﺒﺎﺭﻙ ﻓﻴﻚ
ﻓﺎﺗﻦ << ﻣﻨﺎﺭ ﺗﻌﺎﻟﻲ ﺷﻮﻳﻪ
ﻣﻨﺎﺭ << ﺣﺎﺿﺮ ﻫﻲ
ﺷﻮﻳﻪ ﻫﻜﻲ ﻭ ﺟﺎﺑﻦ ﺍﻟﻘﻬﻮﻩ ﻭ ﻧﻮﻋﻴﻦ ﺣﻠﻮﻳﺎﺕ ﻭ ﻗﻌﺪﻧﺎ ﻧﺎﻛﻠﻮ ﻭ ﻧﻬﺪﺭﺯﻭ
ﺃﻣﻴﺮﻩ << ﻭ ﺃﻧﺘﻦ ﻳﺎ ﺑﻨﺎﺕ ﻣﺎ ﻓﺶ ﺷﻲ ﺣﺪ ﻫﻜﻲ ﻭ ﻻ ﻫﻜﻲ ؟
ﺍﺳﺘﺒﺮﻕ << ﻛﺎﻥ ﻓﻲ ﺑﺲ ﻛﻞ ﺣﺪ ﻓﻲ ﻃﺮﻳﻘﻪ
ﺍﻧﺎ << ﻳﻌﻮﺿﻚ ﺭﺑﻲ ﺏ ﺍﻟﻠﻲ ﺧﻴﺮ ﻣﻨﻪ
ﺍﺳﺘﺒﺮﻕ << ﻻ ﺧﻼﺹ ﺣﺮﻣﺖ ﺷﻌﻔﻪ ﻭ ﺗﻮﺑﻪ ﻧﺤﺐ 💃
ﺍﺳﺮﺍﺀ << ﻭ ﺍﻧﺘﻲ ؟ " ﻭ ﺑﺤﺘﺖ ﻓﻲ ﺳﻠﺴﻴﺒﻞ " ( ﻋﻠﻴﻚ ﺻﺎﺣﺒﺎﺕ ﻣﺶ ﻗﺼﻘﺼﺎﺕ ﺑﻜﻞ 😂🔫🌚 (
ﺳﻠﺴﺒﻴﻞ << ﻻﻻ ﻓﺶ ﺣﺪ
ﺍﺳﺘﺒﺮﻕ << ﻛﺬﺍﺑﻪ 🌚 ﺗﺤﺐ ﻭﺍﺣﺪ ﺑﺲ ﻫﻮﺍ ﺑﺎﻟﻨﺴﺒﻪ ﻟﻪ ﻫﻲ ﻛﻴﻒ ﺍﺧﺘﻪ 💔
ﺍﻧﺎ << ﻗﻮﻟﻦ ﺃﻣﻴﺮﻩ ﻓﻲ ﻣﻦ ﻃﺎﻳﺤﻪ 😂 " ﻉ ﺍﺳﺎﺱ ﻧﺒﻲ ﻧﻐﻴﺮ ﺍﻟﺠﻮ "
ﺯﻳﻨﺐ << ﻭﺍﺣﺪ ﻧﻌﺮﻓﻮﻩ ؟
ﺃﻣﻴﺮﻩ << ﻭﻳﻨﻪ ﺑﻌﺪ ﺧﻄﺮﻫﺎ 😂😍
ﺍﻧﺎ << ﻣﺶ ﻋﺎﺭﻓﻪ ﻣﺎ ﺷﻔﺘﺶ ﻣﻦ ﺍﻟﻘﺎﻳﻠﻪ 😂
ﻣﻨﺎﺭ << ﻣﺮﺍﺩ ؟؟ 😂
ﺍﻧﺎ << ﺍﻫﺎ 😂
ﺃﻣﻴﺮﻩ << ﺧﻼﺹ ﺭﻳﺤﻲ ﺭﻭﺣﻚ 🌚
ﺳﻠﺴﻴﺒﻞ << ﻭ ﺍﻧﺘﻲ ﻣﻦ ﻭﻳﻦ ﺗﻌﺮﻓﻴﻪ ﻣﺮﺍﺩ ؟
ﺃﻣﻴﺮﻩ << ﺷﻔﺘﻪ ﻓﻲ ﺍﻟﺠﺎﻣﻌﻪ ﻟﻤﺎ ﺭﻭﺡ ﺑﺸﻪ 😂
ﺣﻄﺖ ﺳﻠﺴﻴﺒﻞ ﺍﻟﻔﻨﺠﺎﻥ ﻉ ﺍﻟﻄﺎﻭﻟﻪ ﻭ ﻗﺎﻟﺖ ﺗﺒﻲ ﺍﻟﺤﻤﺎﻡ ﻭ ﺻﺒﺖ
ﻛﻤﻠﻨﺎ ﺍﻟﻬﺪﺭﺯﻩ ﻋﺎﺩﻱ ﻭ ﺑﻌﺪﻫﺎ ﺍﻟﺒﻨﺎﺕ ﺟﺎﺑﻦ ﺍﻟﻌﺼﻴﺮ ﻭ ﺟﻮﻧﺎ ﺳﻤﺢ
ﺃﻣﻴﺮﻩ << ﺍﻟﻘﻌﺪﻩ ﻧﺎﻗﺼﻪ ﺣﻨﺎﻥ ﻭ ﺳﻬﺎﻡ
ﺍﻧﺎ << ﺣﻲ ﻛﺎﻥ ﺗﻌﺮﻓﻬﺎ ﺣﻨﺎﻥ ﻩ ﺗﺰﻋﻞ
ﺯﻳﻨﺐ << ﻛﻨﻚ ﻣﺎ ﺭﻧﻴﺘﻲ ﻋﻠﻴﻬﺎ
ﺍﻧﺎ << ﻣﺎ ﺧﻄﺮﺗﺶ ﻋﻠﻴﺎ ﺑﻜﻞ
ﻓﺠﺎﺀﻩ ﻭ ﺑﺪﻭﻥ ﻣﻘﺪﻣﺎﺕ ﺧﺸﺖ ﺭﺍﻧﻴﺎ ﻋﻠﻴﻨﺎ ﻓﻲ ﺍﻟﻤﺮﺑﻮﻋﻪ ﻭ ﺍﻟﻔﻮﻥ ﻉ ﻭﺫﻧﻬﺎ ﻭ ﺗﻘﻮﻝ
ﺭﺍﻧﻴﺎ << ﺍﻫﺎ ﻭﺻﻠﺖ ﻳﺎ ﺍﺣﻤﻴﺪﻩ
#يتبع........
خلاص عاد ماعادش فيه الليله بنرقد😴
.
• حفيدة نيوتن😎🔥
تنزيل وتصميم الغلافات: Rahafaltaher7
