💞زواج تقليدي💞
# ﺍﻟﺤﻠﻘﻬﻪ ﺍﻟﺜﺎﻟﺚ ﻭ ﺍﻷﺭﺑﻌﻮﻥ 🌸
ﻣﺤﻤﺪ << ﻻ ﺟﺪﻳﺎﺕ ﻧﺤﻜﻲ ﺑﺲ ﻣﺶ ﻣﺬﻛﺮ ﺷﻦ ﺍﻟﻜﻼﻡ / ﻛﻠﻤﻪ ﻭﺣﺪﻩ ﻣﺬﻛﺮﻫﺎ
ﺍﻧﺎ << ﻛﻠﻤﺔ ﺷﻨﻮ ؟
ﻣﺤﻤﺪ << ﻗﻠﺘﻴﻠﻲ ﻳﺎ ﺑﻴﺒﻲ ﻭ ﺑﺴﺘﻴﻨﻲ 😎
ﺍﻧﺎ << ﺑﺲ ﻫﺬﺍ ﻣﺎ ﻛﻨﺶ ﺣﻠﻢ 💁
ﻣﺤﻤﺪ << ﻛﻴﻒ ؟؟
ﺻﺒﻴﺖ ﻣﻦ ﻉ ﺍﻟﺴﺮﻳﺮ ﻭ ﻧﺒﻲ ﻧﻄﻠﻊ // ﺻﺒﻰ ﻭﺭﺍﻳﺎ ﻓﻲ ﺛﺎﻧﻴﻪ ﻭ ﻣﺴﻜﻨﻲ ﻣﻦ ﻳﺪﻱ
ﺍﻧﺎ << ﻧﺒﻲ ﻧﻤﺸﻲ ﻧﻐﺴﻞ ﻭﺟﻲ
ﻣﺤﻤﺪ << ﻳﻌﻨﻲ ﻣﺎ ﻛﻨﺘﺶ ﻧﺤﻠﻢ ؟
ﺍﻧﺎ << ﺻﻮﺕ ﺣﺪ ﻳﻨﺎﺩﻱ ﻓﻴﻚ ﺗﻘﺮﻳﺒﺎ " ﻭ ﻭﺟﻲ ﺳﺨﻦ "
ﻣﺤﻤﺪ << ﻧﺒﻲ ﻧﻔﻬﻢ ﻋﻠﻴﺶ ﺍﺗﺤﺸﻤﻲ ﻣﻨﻲ ﺑﺲ ؟
ﺍﻧﺎ << ﻻ ﻣﺶ ﻗﺼﺔ ﺣﺸﻢ ﺑﺲ ﻳﻌﻨﻲ ﻋﻨﺪﻙ ﻋﻤﻞ ﻭ ﻧﺒﻲ ﻧﻮﺗﻲ ﺭﻭﺣﻲ ﻟﺠﺎﻣﻌﻪ
ﻣﺤﻤﺪ << ﺻﺎﺭ ﺑﻴﺒﻲ
ﺍﻧﺎ << ﺑﻴﺐ ﻣﺶ ﺑﻴﺒﻲ 😒
ﻣﺤﻤﺪ << ﻭ ﺷﻦ ﺍﻟﻔﺮﻕ ؟ " ﻭ ﻗﻌﺪ ﻳﻀﺤﻚ "
ﺍﻧﺎ << ﻣﺎ ﻧﻘﺪﺭﺵ ﻧﺤﻜﻲ ﻣﺎﺯﻟﺖ ﺻﻐﻴﺮ ﺍﻧﺖ 💁
ﻣﺤﻤﺪ << ﺗﻲ ﻧﻌﻠﻴﺎ ﻣﻨﻚ ﻭ ﺧﻼﺹ " ﻭ ﻗﺮﺏ ﻭ ﺑﺎﺳﻨﻲ ﻓﻲ ﺧﺪﻱ " ﻭﺣﺪﻩ ﺑﻮﺣﺪﻩ ﻋﺎﺩ " 😌 ﻭ ﻃﻠﻊ ﻣﻦ ﺍﻟﺪﺍﺭ "
ﺭﺩﻳﺖ ﺍﻧﺎ ﺧﺸﻴﺖ ﻭ ﻣﺶ ﻋﺎﺭﻓﻪ ﻟﻴﺶ ﻓﺮﺣﺎﻧﻪ 💃 ﻃﻠﻌﺖ ﻟﺒﺴﺘﻲ ﻭ ﻧﺴﻤﻊ ﻓﻲ ﺻﻮﺗﻪ ﻣﻦ ﺑﺮﺍ
ﻣﺤﻤﺪ << ﺍﻟﺒﺴﻲ ﺣﺎﺟﻪ ﻃﻮﻳﻠﻪ ﻭ ﻭﺍﺳﻌﻪ ﺧﻴﺮ ﻣﺎ ﺍﺗﻐﻴﺮﻱ ﺍﺩﺑﺸﻚ ﺃﺧﺮﻩ
ﺍﻧﺎ << ﺣﺎﺍﺿﺮﺭ
ﻣﺤﻤﺪ << ﻭ ﺩﻳﺮﻳﻠﻲ ﻗﻬﻮﻩ
ﺍﻧﺎ << ﻣﻦ ﻋﻴﻮﻧﻲ
ﻣﺤﻤﺪ << ﺷﻨﻮ ؟؟ ﻣﺎ ﻧﺴﻤﻌﺶ ﻓﻴﻚ
ﺍﻧﺎ << ﻗﺘﻠﻚ ﺑﺎﻫﻲ ﺑﺎﻫﻲ
ﻣﺤﻤﺪ << ﻭ ﻃﻠﻌﻴﻠﻲ ﺑﺪﻟﻪ
ﺍﻧﺎ << ﺩﻳﻤﺎ ﺑﺪﺍﻟﻲ
ﻣﺤﻤﺪ << ﻧﻤﺸﻲ ﻟﻠﻌﻤﻞ ﺏ ﻗﻔﻄﺎﻥ ﻣﺜﻼ ؟؟
ﺍﻧﺎ << ﻋﻠﻴﻚ ﺳﻤﺎﻃﻪ " ﻭ ﻛﻨﺖ ﻧﺒﻲ ﺍﻧﺤﺪﺩ ﺍﻟﻮﺷﺎﺡ ﻭ ﺷﻔﺘﻪ ﻳﺒﺤﺖ ﻓﻴﺎ ﻣﻦ ﺍﻟﺒﺎﺏ "
ﻣﺤﻤﺪ << ﻣﻦ ﻋﻠﻴﻚ ﺳﻤﺎﻃﻪ ؟
ﺍﻧﺎ << ﻣﺶ ﺍﻧﺖ ﺭﺍﻩ
ﻣﺤﻤﺪ << ﻻ ﺑﺎﻟﻚ ﺍﻧﺎ ؟
ﺍﻧﺎ << ﻻ ﻣﻌﻘﻮﻟﻪ 🙊
ﻣﺤﻤﺪ << ﺧﻮﺍﻓﻪ 😎
ﻃﻠﻌﺖ ﻣﻦ ﺍﻟﺪﺍﺭ ﻭ ﻣﺸﻴﺖ ﻟﻠﺤﻤﺎﻡ / ﻏﺴﻠﺖ ﻭﺟﻲ ﻭ ﺗﻮﺿﻴﺖ ﻭ ﻟﻤﺎ ﻃﻠﻌﺖ ﻭ ﺧﺬﻳﺖ ﺍﻟﺼﻼﻳﻪ ﻣﻦ ﺍﻟﺪﺍﺭ ﻗﺎﻟﻲ
ﻣﺤﻤﺪ << ﺍﺩﻋﻴﻠﻲ
ﺍﻧﺎ << ﻭ ﻛﻨﻚ ﻣﺎ ﺗﺪﻋﻲ ﻟﺮﻭﺣﻚ
ﻣﺤﻤﺪ << ﻻ ﻧﺒﻴﻬﺎ ﻣﻨﻚ ﺍﻧﺖِ ﺍﻟﺪﻋﻮﻩ 😌
ﺍﻧﺎ << ﻭ ﺑﺎﻩ 😌
ﺻﻠﻴﺖ ﻭ ﺩﻋﻴﺘﻠﻪ ﻭ ﺩﻋﻴﺘﻠﻲ ﻭ ﻣﺸﻴﺖ ﺩﺭﺗﻠﻪ ﻗﻬﻮﻩ ﻭ ﺣﺴﺒﺖ ﺭﻭﺣﻲ ﻓﻲ ﻓﻨﺠﺎﻥ ﺣﺘﻲ ﺍﻧﺎ
ﻣﺤﻤﺪ << ﻛﻤﻠﺖ ﺍﻧﺎ // ﻣﺎﺯﻟﺘﻲ ﻣﻄﻮﻟﻪ ؟
ﺍﻧﺎ << 10 ﺩﻗﺎﻳﻖ ﻧﻠﺒﺲ ﻭ ﻧﻜﻮﻥ ﻭﺍﺗﻴﻪ
ﻣﺤﻤﺪ << ﺍﻧﺘﻲ ﻣﺘﺎﻉ 10 ﺩﻗﺎﻳﻖ ؟ 😂
ﺍﻧﺎ << ﺍﻃﻠﻊ ﺑﺎﻩ 💁
ﻭﺗﻴﺖ ﺭﻭﺣﻲ ﻉ ﺍﻟﺴﺮﻳﻊ ﻭ ﺩﺭﺕ ﺷﻮﻳﺔ ﺣﺮﻛﺎﺕ ﻭ ﻟﺒﺴﺖ ﺍﻟﻮﺷﺎﺡ ﻭ ﻃﻠﻌﺖ ﻟﻘﻴﺘﻪ ﻳﺮﺍﺟﻲ ﻓﻴﺎ ﻋﺸﺎﻥ ﻧﺸﺮﺑﻮ ﺍﻟﻘﻬﻮﻩ
ﻣﺤﻤﺪ << ﻛﻮﻟﻲ ﺷﻲ ﺣﺎﺟﻪ ﻗﺒﻞ ﻣﺶ ﻣﺘﻌﻮﺩﻩ ﻋﻠﻴﻬﺎ ﻫﻜﻲ ﺍﻧﺘﻲ
ﺍﻧﺎ << ﻣﺎ ﻋﻨﺪﺵ ﻧﻴﻪ ﺗﻮﺍ ﻭ ﺗﻮ ﻧﻔﻄﺮ ﻣﻊ ﺍﻟﺒﻨﺎﺕ ﻏﺎﺩﻱ
ﻣﺤﻤﺪ << ﺫﻛﺮﻳﻨﻲ ﻋﺸﺎﻥ ﻧﻌﻄﻴﻚ ﻣﺼﺮﻭﻑ ﻗﺒﻞ ﻣﺎ ﻧﻮﺻﻠﻮ ﻏﺎﺩﻱ
ﺍﻧﺎ << ﻻ ﻋﻨﺪﻱ
ﻣﺤﻤﺪ << ﻋﺎﺩﻱ ﻳﻘﻌﺪﻥ ﺍﺣﺘﻴﺎﻁ
ﺍﻧﺎ << ﺑﺮﺍﺣﺘﻚ
ﻛﻤﻠﻨﺎ ﺍﻟﻘﻬﻮﻩ ﻭ ﻧﺰﻟﻨﺎ ﻟﻘﻴﻨﺎﻫﻢ ﻳﻔﻄﺮﻭ // ﻋﻤﻲ ﻭ ﻋﻤﺘﻲ ﻭ ﻣﻨﺎﺭ ﻭ ﻓﺎﺗﻦ ﻭ ﺯﻳﻨﺐ
ﺍﻧﺎ << ﺻﺒﺎﺡ ﺍﻟﺨﻴﺮ // ﺻﺤﻪ ﺻﺤﻪ
ﻛﻠﻬﻢ << ﺻﺒﺎﺡ ﺍﻟﻨﻮﺭ / ﺳﻠﻤﻚ
ﻓﺘﺤﻴﻪ << ﺗﻌﺎﻟﻮ ﺍﻓﻄﺮﻭ
ﻣﺤﻤﺪ << ﻻﻻ ﺻﺤﻪ
ﻓﺘﺤﻴﻪ << ﺳﻠﻤﻚ // ﺑﺸﺮﻯ ﺗﻌﺎﻟﻲ ﻛﻮﻟﻲ ﺷﻲ ﺣﺎﺟﻪ
ﺍﻧﺎ << ﻣﺎ ﻋﻨﺪﺵ ﻧﻴﻪ
ﻋﺒﺪﺍﻟﻠﻪ << ﺑﺘﻮﺻﻞ ﺑﺸﺮﻯ ﻟﺠﺎﻣﻌﻪ ؟
ﻣﺤﻤﺪ << ﺍﻫﺎ ﻭ ﺑﻌﺪﻫﺎ ﺗﻮ ﻧﺠﻴﻜﻢ ﻏﺎﺩﻱ
ﻋﺒﺪﺍﻟﻠﻪ << ﺑﺎﻩ // ﺍﻧﺎ ﻃﺎﻟﻊ ﻭ ﻣﺎﺷﻲ ﻟﻌﻤﻚ ﻧﺎﺧﺬﻩ ﻣﻌﺎﻱ ﺑﺎﻟﻤﺮﻩ
ﻣﺤﻤﺪ << ﺗﻤﺎﻡ ﺑﻪ
ﻃﻠﻊ ﻋﻤﻲ ﻭ ﻃﻠﻊ ﻣﻌﺎﻩ ﻣﺤﻤﺪ ﻭ ﺍﻧﺎ ﻗﻌﺪﺕ ﻧﺤﻜﻲ ﻣﻊ ﺯﻳﻨﺐ
ﺍﻧﺎ << ﻏﺮﻳﺒﻪ ﻭﺍﻋﻴﻪ ﻣﻦ ﺗﻮﺍ ؟
ﺯﻳﻨﺐ << ﺭﻗﺪﻧﺎ ﺑﺪﺭﻱ ﺍﺻﻼ // ﺍﺳﻤﻌﻲ ﺭﺍﻩ ﻧﺒﻲ ﻧﺘﺼﻞ ﺏ ﺍﻳﻬﻢ ﻋﺸﺎﻥ ﻧﺮﻭﺡ
ﺍﻧﺎ << ﺑﻄﻠﻲ ﺑﺮﺍﺩﻩ 😒
ﻓﺘﺤﻴﻪ << ﻣﺎ ﻋﻨﺪﻙ ﻭﻳﻦ ﻣﺮﻭﺣﻪ / ﻋﻨﺪﻧﺎ ﻋﺮﺱ ﻓﻲ ﻫﺎﻟﻴﻮﻣﻴﻦ ﻭ ﺗﻮ ﺗﻤﺸﻲ ﻣﻌﺎﻧﺎ
ﻣﻨﺎﺭ << ﺑﺸﻪ ﺧﻄﺮﻫﺎ ﺃﻣﺲ ﻧﺴﻴﺘﻲ ﺍﻻﻛﻴﺎﺱ ﺍﻟﻠﻲ ﺟﺎﺑﻨﻬﻦ ﺻﺎﺣﺒﺎﺗﻚ
ﺍﻧﺎ << ﺍﻫﺎ ﺻﺎﺡ // ﻭﻳﻨﻬﻦ ؟
ﻣﻨﺎﺭ << ﻟﺤﻈﻪ ﻫﻲ
ﻓﺘﺤﻴﻪ << ﺑﻴﺶ ﺗﻮﺗﻲ ﺭﻭﺣﻚ ﺑﻌﺪﻳﻦ ﻩ ﺍﺗﺠﻲ ﻋﻤﺘﻚ ﻣﻨﻴﺮﻩ ﺍﺗﺤﻨﻴﻚ
ﺍﻧﺎ << ﺑﺲ ﻳﺎ ﻋﻤﺘﻲ ﻣﺎ ﻧﺤﺒﻬﺶ ﺍﻧﺎ " ﻭ ﻧﺒﺤﺖ ﻓﻲ ﺯﻳﻨﺐ "
ﻓﺘﺤﻴﻪ << ﻻﻻ ﺳﻤﺤﻪ ﺗﻮ ﺗﺤﺒﻴﻬﺎ " ﻭ ﺧﺶ ﻣﺤﻤﺪ "
ﻣﺤﻤﺪ << ﻣﺎﺯﻟﺘﻲ ؟؟
ﺍﻧﺎ << ﺷﻮﻳﻪ ﺑﺲ ﻧﺮﺍﺟﻲ ﻓﻲ ﻣﻨﺎﺭ
ﻣﻨﺎﺭ << ﺃﻫﻮ ﺟﻴﺖ / ﺗﻔﻀﻠﻲ
ﺧﺬﻳﺘﻬﻦ ﻣﻨﻬﺎ ﻭ ﻧﺒﻲ ﻧﻔﺘﺢ ﺍﻭﻝ ﻛﻴﺲ / ﻃﺎﺡ ﻣﻨﻲ ﻭ ﻟﻤﺎ ﻣﺤﻤﺪ ﻗﻌﺪ ﻳﺮﻓﻊ ﻓﻴﻪ ﻃﺎﺡ ﻣﻨﻪ ﺭﻭﺏ ﻧﻮﻡ
ﺃﻛﻴﺪﻩ ﺍﻟﻜﻠﺒﻪ ﺍﺳﺮﺍﺀ ﻫﺬﻩ 💔🌚😳
ﻣﺤﻤﺪ << ﺍﻭﻭﻭﻭﻭ 😂😍
ﺍﻧﺎ << ﻫﺎﺕ ﻫﺎﺕ " ﻭ ﻗﻌﺪﺕ ﻧﺎﺧﺬ ﻓﻴﻪ ﻣﻨﻪ "
ﻣﺤﻤﺪ << ﻧﻌﻠﻴﺎ ﻉ ﺍﻟﺼﺒﺢ ﻭ ﺧﻼﺹ 😎
ﺍﻧﺎ << ﻣﻨﺎﺭ ﺧﻠﻴﻬﻦ ﻋﻨﺪﻙ ﻋﻨﺪ ﻧﺮﻭﺡ
ﻣﺤﻤﺪ << ﺷﻮﻓﻲ ﻵﺧﺮ ﺷﻦ ﻓﻴﻪ ﻗﺒﻞ 😂
ﺍﻧﺎ << ﻻﻻ ﻧﺒﻴﺶ 🌚 " ﻗﺮﺩﺍﺕ ﻭ ﻋﺎﺭﻓﺘﻬﻦ "
ﺧﺬﺗﻬﻦ ﻣﻨﻲ ﻣﻨﺎﺭ ﻭ ﻃﻠﻌﻨﺎ ﺭﻛﺒﻨﺎ ﻓﻲ ﺍﻟﺴﻴﺎﺭﻩ ﻭ ﻣﺸﻴﻨﺎ ﻟﺠﺎﻣﻌﻪ
ﺑﻌﺪ ﻭﺻﻠﻨﺎ ﻣﺪﻟﻲ ﻓﻠﻮﺱ ﻭ ﻗﺒﻞ ﻣﺎ ﻧﻨﺰﻝ ﻣﺴﻚ ﻳﺪﻱ ﻭ ﻗﺎﻝ
ﻣﺤﻤﺪ << ﻧﺎﻗﺼﻚ ﺷﻲ ﻳﺎ ﺑﻴﺐ ؟ " ﻭ ﻣﺎﺳﻚ ﺿﺤﻜﺘﻪ "
ﺍﻧﺎ << ﻻ ﺳﻼﻣﺘﻚ 🙊 " ﻭ ﻧﺰﻟﺖ "
ﻧﺰﻟﺖ ﻭ ﺭﻧﻴﺖ ﻉ ﺃﻣﻴﺮﻩ ﺍﻟﻠﻲ ﻟﻘﻴﺘﻬﺎ ﺍﻧﺘﻈﺎﺭ 🌚 ﺻﺒﺢ ﻱ ﻓﺘﺎﺡ 😌 ﺭﻧﻴﺖ ﻉ ﺍﺳﺮﺍﺀ ﻭ ﺣﺘﻲ ﻫﻲ ﺍﻧﺘﻈﺎﺭ 😒 ﻗﻌﺪﺕ ﻧﺴﺐ ﻓﻴﻬﻦ ﻑ ﻋﻘﻠﻲ 🔫
ﻗﻌﺪﺕ ﻧﻤﺸﻲ ﻭ ﻗﺎﺑﻠﻨﻲ ﻫﺬﻙ ﺍﻟﺸﺎﺏ ﻣﺘﺎﻉ ﺍﻟﻄﺤﻨﻪ 💃 ﻭ ﻗﻌﺪ ﻳﻮﺯﻉ ﻓﻲ ﺍﺑﺘﺴﺎﻣﺎﺕ
ﻃﺒﺴﺖ ﺭﺍﺳﻲ ﻭ ﻛﻤﻠﺖ ﻃﺮﻳﻘﻲ ﻭ ﻓﺠﺎﻩ ﺳﻤﻌﺖ ﺻﻮﺕ ﻋﺜﻤﺎﻥ
ﻋﺜﻤﺎﻥ << ﺍﺭﻓﻌﻲ ﺭﺃﺳﻚ ﺧﻴﺮ ﻣﺎ ﺗﺨﺒﻄﻲ ﻓﻲ ﺷﻲ ﺣﺪ
ﺑﺤﺘﺖ ﻓﻴﻪ ﻭ ﻣﺎ ﺭﺩﻳﺘﺶ / ﻣﺸﻴﺖ ﺷﻮﻳﻪ ﻭ ﻗﻌﺪ ﻳﻠﺤﻖ ﻓﻴﺎ
ﻋﺜﻤﺎﻥ << ﺑﺸﺮﺭﻯ ﻳﺎ ﺑﺸﺮﻯ ﻧﺒﻲ ﻧﺤﻜﻲ ﻣﻌﺎﻙ ﺩﻗﻴﻘﻪ ﺑﺲ // ﺑﺸﺸﺸﺸﺮﺭﺭﻯ ﻧﺪﻭﻳﻠﻚ ﺍﺯﺡ ﺭﺩﻱ
ﺍﻧﺎ << ﻛﻨﻚ ؟؟ ﺷﻦ ﺗﺒﻲ ؟؟ ﺷﻦ ﺍﻟﺴﻜﻨﺎﻥ ﻫﺬﺍ ؟؟ 😕
ﻋﺜﻤﺎﻥ << ﻧﺒﻴﻚ ﺍﻧﺎ ﻭ ﻧﺒﻲ ﻧﺘﺰﻭﺟﻚ
ﺍﻧﺎ << ﻛﻨﻲ ﺣﻠﻴﺖ ﻓﻲ ﻋﻴﻮﻧﻜﻢ ﻓﺠﺎﺀﻩ ؟؟
ﻋﺜﻤﺎﻥ << ﻋﻴﻮﻥ ﻣﻦ ؟؟ ﻣﻨﻮ ﻏﻴﺮﻱ ﻳﺒﻴﻚ ؟؟
ﺍﻧﺎ << ﺗﺮﺍ ﻭ ﺍﻟﻨﺒﻲ ﺧﻄﺎﻧﻲ " ﻭ ﻣﺸﻴﺖ ﻭ ﺳﻴﺒﺘﻪ "
ﻣﺸﻴﺖ ﻟﻠﻤﻜﺎﻥ ﺍﻟﻠﻲ ﺩﻳﻤﺎ ﻧﻘﻌﺪﻭ ﻓﻴﻪ ﻭ ﻟﻘﻴﺘﻬﻦ ﻛﻞ ﻭﺣﺪﻩ ﻭﺍﺧﺬﻩ ﺗﺮﻛﻴﻨﻪ ﻭ ﺗﻬﺪﺭﺯ 💃
ﺍﻧﺎ << ﺻﺒﺢ ﺻﺒﺢ ﺑِﺴْﻢ ﺍﻟﻠﻪ 🌚
ﺍﺳﺮﺍﺀ << ﺣﻲ ﺟﻴﺘﻲ
ﺍﻧﺎ << ﻟﻴﺎ ﺳﺎﻋﻪ ﻧﺮﻥ ﻋﻠﻴﻜﻦ ﻭ ﺃﻧﺘﻦ ﺷﻲ 💁
ﺍﺳﺮﺍﺀ << ﻧﺤﻜﻲ ﻣﻊ ﻣﻴﺪﻭ // ﻣﻴﺪﻭ ﺧﻼﺹ ﻧﺤﻜﻮ ﺑﻌﺪﻳﻦ " ﻭ ﺳﻜﺮﺕ "
ﺍﻧﺎ << ﻭ ﺍﻟﻘﺮﺩﻩ ﻫﺬﻙ ﻣﻊ ﻣﻦ ﺗﺤﻜﻲ ؟
ﺍﺳﺮﺍﺀ << ﺧﻠﻴﻬﺎ ﻫﻲ ﺗﻘﻮﻟﻚ
ﺍﻧﺎ << ﻻ ﻻﺍﺍﺍﺍﺍﺍ ﻣﺎ ﺗﻘﻮﻟﻴﻬﺶ
ﺍﺳﺮﺍﺀ << ﻣﺎ ﻧﻘﻮﻟﺶ ﺷﻨﻮ ﻳﺎ ﺍﻭﻓﺮ
ﺍﻧﺎ << ﻣﺎ ﺗﻘﻮﻟﻴﺶ ﺍﻧﻬﺎ ﺗﺤﻜﻲ ﻣﻊ ﺍﺣﻤﻴﺪﻩ 😳💔 ﻧﻌﻠﻴﺎ ﺭﺍﺟﻠﻲ 💔💁
ﺍﺳﺮﺍﺀ << ﻋﻠﻴﻚ ﺩﺭﺍﻣﺎ ﻉ ﺍﻟﺼﺒﺢ 😎
ﺃﻣﻴﺮﻩ << ﺍﻫﺎ ﻣﺮﺍﺕ ﻣﺤﻤﺪ ﻫﺬﻩ 😂 ﻭ ﺩﺍﻳﺮﺗﻠﻨﺎ ﻓﻴﻠﻢ ﻫﻨﺪﻱ ﻉ ﺍﻟﺼﺒﺢ // ﺧﻼﺹ ﺗﻮ ﻧﺒﻲ ﻧﺨﺶ ﺍﻟﻤﺤﺎﺿﺮﻩ ﻭ ﺑﻌﺪﻳﻦ ﺳﺎﻫﻞ / ﺳﻼﻣﻢ
ﺍﻧﺎ << ﻣﻦ ﻫﺬﺍ ؟؟ ﻭ ﻣﻦ ﻭﻳﻦ ﻳﻌﺮﻑ ﻣﺤﻤﺪ 😒
ﺃﻣﻴﺮﻩ << ﻧﻘﻮﻟﻚ ﻣﻦ ﺑﺲ ﻣﺎ ﺗﻬﺰﺑﻴﺶ
ﺍﻧﺎ << ﻗﻮﻟﻲ ﻗﻮﻟﻲ ﺍﻃﺮﺑﻴﻨﺎ ﻉ ﻗﻮﻝ ﺭﺍﺟﻠﻲ 😂💁
ﺍﺳﺮﺍﺀ << ﻣﺒﺮﺩﻙ 😂
ﺃﻣﻴﺮﻩ << ﺍﻟﺸﺎﺏ ﺍﻟﻠﻲ ﺃﻣﺲ
ﺍﻧﺎ << ﻣﺎﻟﻚ ؟ . 😕
ﺃﻣﻴﺮﻩ << ﺍﻫﺎ 😍
ﺍﺳﺮﺍﺀ << ﻗﻠﺘﻠﻬﺎ ﻓﻮﺗﻴﻪ ﻭ ﺷﻜﻠﻪ ﺻﺎﻳﻊ ﻣﺘﺎﻉ ﺑﻨﺎﺕ ﻭ ﻗﻠﺘﻠﻬﺎ ﺣﺘﻲ ﺍﻧﺎ ﻣﺪﻟﻲ ﺭﻗﻤﻪ ﺑﺲ ﻫﻲ ﺭﻧﺖ ﻋﻠﻴﻪ ﻛﻴﻒ ﺍﻟﻬﺒﻠﻪ
ﺃﻣﻴﺮﻩ << ﻣﺶ ﺷﻮﺭﻛﻦ ﺃﻧﺘﻦ
ﺍﺳﺮﺍﺀ << ﺭﺩﻱ ﺑﺎﻟﻚ ﺑﻌﺪﻫﺎ ﺍﺗﺠﻲ ﻭ ﺗﺸﻜﻲ ﻭ ﻻ ﺗﺒﻜﻲ
ﺃﻣﻴﺮﻩ << ﻣﺎ ﻋﻠﻴﻜﻦ ﻓﻴﺎ
ﺍﻧﺎ << ﻫﻴﺎ ﺑﺎﻩ ﻉ ﺍﻟﻤﺤﺎﺿﺮﻩ
ﺧﺸﻴﻨﺎ ﺍﻟﻤﺤﺎﺿﺮﻩ ﻭ ﺑﻌﺪ ﻛﻤﻠﻨﺎ ﻃﻠﻌﻨﺎ ﻧﻔﻄﺮﻭ
ﺃﻣﻴﺮﻩ << ﺗﺒﻲ ﺗﺮﻭﺣﻲ ﺗﻮﺍ ؟
ﺍﻧﺎ << ﻧﺮﻥ ﻉ ﻣﺤﻤﺪ ﻧﺸﻮﻓﻪ ﻳﻘﺪﺭ ﻳﺠﻲ ﻭ ﻻ ﻻ
ﺍﺳﺮﺍﺀ << ﻧﻌﻠﻴﺎ ﻣﻨﻜﻢ 😂
ﺍﻧﺎ << ﺧﻄﺮﻫﺎ ﻳﺎ ﻗﺮﺩﻩ ﺷﻦ ﺍﻟﻬﺪﻳﻪ ﺍﻟﻠﻲ ﺯﻱ ﻭﺟﻚ ﻫﺬﻩ 😒
ﺍﺳﺮﺍﺀ << ﺣﺮﺍﻡ ﻋﻠﻴﻚ ﺗﻲ ﻳﻬﺒﻞ ﺑﻜﻞ 😂 ﺟﺮﺑﺘﻴﻪ ؟
ﺍﻧﺎ << ﻧﺠﺮﺏ ﻋﻴﻨﻚ
ﺍﺳﺮﺍﺀ << ﺍﻣﺎﻻ ﺷﻦ ﺗﻠﺒﺴﻲ ﻟﺮﺍﺟﻠﻚ ؟
ﺍﻧﺎ << ﻣﺶ ﺷﻮﺭﻙ
ﺃﻣﻴﺮﻩ << ﻣﺴﻜﻴﻦ ﻳﺎ ﻣﻴﻨﺘﻲ 😂
ﺍﺳﺮﺍﺀ << ﻭ ﺍﻧﺎ ﻧﻘﻮﻝ ﻛﻨﻪ ﻳﺒﺤﺖ ﻓﻲ ﺍﻟﺒﻨﺎﺕ ﻣﺶ ﻣﻨﻪ ﻋﺎﺩ ﻣﺶ ﺷﺎﻳﻒ ﺷﻲ ﻣﻦ ﻣﺮﺍﺗﻪ 😂
ﺍﻧﺎ << ﺍﻱ ﺑﻨﺎﺕ ﺍﻟﻠﻲ ﻳﺒﺤﺖ ﻓﻴﻬﻦ ؟ !
ﺍﺳﺮﺍﺀ << ﻧﺒﺼﺮ ﻳﺎ ﻫﺒﻠﻪ 🌚 ﻫﻮﺍ ﻳﻄﻮﻝ ﺍﺻﻼ ﻳﻘﻌﺪ ﻋﻨﺪﻩ ﻭﺣﺪﻩ ﻧﻔﺴﻚ 😂😍
ﺍﻧﺎ << ﺍﻳﻮﺍﻩ 😂😌
ﺍﺳﺮﺍﺀ << ﻣﻴﺪﻭ ﻳﺮﻥ ﺃﻛﻴﺪﻩ ﺟﺎ " ﻭ ﺻﺒﺖ ﺑﺴﺮﻋﻪ ﻛﻴﻒ ﺍﻟﻬﺒﻠﻪ "
ﺃﻣﻴﺮﻩ << ﺯﻋﻤﻚ ﻳﺎﺧﺬﻫﺎ ﺟﺪﻳﺎﺕ ؟
ﺍﻧﺎ << ﻣﺶ ﻳﺤﺒﻮ ﺑﻌﻀﻬﻢ ﻣﻌﻨﺎﻫﺎ ﻩ ﻳﺎﺧﺬﻫﺎ
ﺃﻣﻴﺮﻩ << ﺑﺲ ﻣﺶ ﻛﻞ ﻣﻦ ﻳﺤﺐ ﻳﺘﺰﻭﺝ
ﺍﻧﺎ << ﻭ ﻛﺎﻥ ﻣﺎ ﻳﺒﻮﺵ ﻳﺘﺰﻭﺟﻮ ﻟﻴﺶ ﻳﺤﺒﻮ ﻣﻦ ﺍﻻﺳﺎﺱ ؟
ﺃﻣﻴﺮﻩ << ﺍﺳﺄﻟﻲ ﺍﻟﺴﺆﺍﻝ ﻫﺬﺍ ﻟـ ﻋﺜﻤﺎﻥ
ﺍﻧﺎ << ﻉ ﺍﺳﺎﺱ ﺣﺒﻨﻲ ﻫﻮﺍ
ﺃﻣﻴﺮﻩ << ﻛﻞ ﻣﺎ ﻳﺸﻮﻓﻨﻲ ﻳﻘﻮﻟﻲ ﻣﺎﺯﻟﺖ ﻧﺒﻴﻬﺎ
ﺍﻧﺎ << ﺗﻲ ﻣﻌﺮﻓﺘﻲ ﺑﻴﻪ ﻛﻠﻬﺎ ﻛﻠﻬﺎ ﺷﻬﺮ ﻭ ﻧﺺ / ﺣﺒﻨﻲ ﻓﻲ ﺷﻬﺮ ﻭ ﻧﺺ ! ؟ 😕
ﺃﻣﻴﺮﻩ << ﻣﺶ ﻋﺎﺭﻓﻪ ﻋﺎﺩ
ﺍﻧﺎ << ﺧﻠﻴﻨﻲ ﻧﺮﻥ ﻉ ﻣﺤﻤﺪ ﺧﻴﺮ
ﺃﻣﻴﺮﻩ << ﻗﺒﻞ ﻣﺎ ﺗﺮﻧﻲ / ﺣﺒﻴﺘﻴﻪ ﺍﻧﺖِ !!
ﺍﻧﺎ << ﻣﻨﻮ ! ؟
ﺃﻣﻴﺮﻩ << ﻣﺤﻤﺪ ؟
ﺍﻧﺎ << ﺃﻫﻮ ﺿﺮﺏ ﺍﻟﺨﻂ
~
~
ﻣﺤﻤﺪ << ﺍﻳﻮﻭﻭﺍ
ﺍﻧﺎ << ﺍﻣّﻤﻢ / ﻣﺤﻤﺪ ﻓﺎﺿﻲ ﺗﻮﺍ ! ؟
ﻣﺤﻤﺪ << ﺍﻫﺎ / ﺣﺘﻲ ﻛﺎﻥ ﻣﺶ ﻓﺎﺿﻲ ﻧﻔﻀﺎﻟﻚ
ﺍﻧﺎ << ﺑﻨﻘﻮﻟﻚ ﻛﻤﻠﺖ ﻣﺤﺎﺿﺮﺍﺗﻲ ﻭ ﻟﻮ ﺗﻘﺪﺭ ﺗﺠﻲ ﺗﺮﻭﺡ ﺑﻴﺎ
ﻣﺤﻤﺪ << ﺗﻢ / ﺭﺑﻊ ﺳﺎﻋﻪ ﻭ ﻧﻜﻮﻥ ﻋﻨﺪﻙ
ﺍﻧﺎ << ﺧﻼﺹ ﻧﺮﺍﺟﻲ ﻓﻴﻚ / ﻭ ﺳﻮﻕ ﺑﺮﺍﺣﻪ
ﻣﺤﻤﺪ << ﺣﺎﺿﺮ " ﻭ ﺳﻜﺮ "
::
::
::
ﻣﺤﻤﺪ << ﺭﺅﻭﻑ ﻛﻤﻞ ﺍﻷﻭﺭﺍﻕ ﻫﺬﻳﻦ
ﺭﺅﻭﻑ << ﻭ ﻛﻨﻚ ﻣﺎ ﺗﻜﻤﻠﻬﻦ ﺍﻧﺖ
ﻣﺤﻤﺪ << ﻣﺎﺷﻲ ﻧﺮﻭﺡ ﺏ ﺑﺸﺮﻯ
ﺭﺅﻭﻑ << ﺗﺒﻲ ﺗﻘﻌﺪ ﻫﻜﻲ ﻛﻞ ﻳﻮﻡ ﻃﺎﻟﻊ ﻑ ﻧﺺ ﺍﻟﺸﻐﻞ
ﻣﺤﻤﺪ << ﺷﻦ ﻧﺪﻳﺮ ﻧﺴﻴﺒﻬﺎ ﻏﺎﺩﻱ ﻣﺜﻼ ؟؟
ﺭﺅﻭﻑ << ﺟﻴﺒﻠﻬﺎ ﺳﻮﺍﻕ ﻭ ﻻ ﺩﻳﺮﻟﻬﺎ ﺳﻴﺎﺭﻩ
ﻣﺤﻤﺪ << ﻻﻻ ﻭ ﻣﺮﻩ ﺍﺧﺮﻩ ﻩ ﻧﻜﻤﻞ ﺷﻐﻠﻲ ﻗﺒﻞ ﻣﺎ ﻧﻄﻠﻊ
ﺭﺅﻭﻑ << ﻩ ﺗﺮﺩ ﻉ ﻫﻨﺎ ؟
ﻣﺤﻤﺪ << ﻣﺎ ﻇﻨﻴﺶ
ﺭﺅﻭﻑ << ﻧﺘﻼﻗﻮ ﻏﺎﺩﻱ ﻣﻌﻨﺎﻫﺎ
ﻣﺤﻤﺪ << ﺗﻢ
