💞زواج تقليدي💞
ﺍﻟﺤﻠﻘﻬﻪ ﺍﻟﺜﺎﻣﻨﺔ ﻭ ﺍﻟﻌﺸﺮﻭﻥ 🌸
ﻫﺪﺭﺯﻧﺎ ﺷﻮﻳﻪ ﻭ ﺑﻌﺪﻫﺎ ﺍﻧﺎ ﺭﻛﺒﺖ ﻧﻮﺗﻲ ﻓﻲ ﺭﻭﺣﻲ ﻭ ﺑﻌﺪ ﻛﻤﻠﺖ ﺟﻴﺖ ﻧﺒﻲ ﻧﻔﺘﺢ ﺍﻟﺒﺎﺏ ﻟﻘﻴﺖ ﻣﺤﻤﺪ ﻣﺼﺒﻲ ﻭ ﻓﻲ ﻳﺪﻩ ﻋﻠﺒﺔ ﺷﻮﻛﻮﻻ 💔😍🙊
ﺍﻧﺎ << ﻛﻨﺖ ﻧﺒﻲ ﻧﻨﺰﻝ ﺗﻮﺍ
ﻣﺤﻤﺪ << ﻭ ﺍﻧﺎ ﺭﻛﺒﺖ ﻋﺸﺎﻥ ﻧﺸﻮﻓﻚ
ﺍﻧﺎ << ﺷﻦ ﺍﻟﻠﻲ ﻓﻲ ﻳﺪﻙ 😍
ﻣﺤﻤﺪ << ﺷﻦ ﺗﺸﻮﻓﻲ ﻓﻴﻬﺎ ؟ 😂
ﺍﻧﺎ << ﺷﻮﻛﻮﻻ 😂🙊
ﻣﺤﻤﺪ << ﻋﺸﺎﻥ ﺗﺎﺧﺬﻳﻬﺎ ﻓﻲ ﻳﺪﻙ ﻭ ﻧﺤﻦ ﻣﺎﺷﻴﻴﻦ
ﺍﻧﺎ << ﺍﻫﺎ 😪
ﻣﺤﻤﺪ << ﻛﻨﻚ ؟ !
ﺍﻧﺎ << ﻣﺎ ﻛﻨﻲ ﺷﻲ // ﺗﺒﻲ ﺗﻐﻴﺮ ﺍﺩﺑﺸﻚ ﻭ ﻻ ﻧﻤﺸﻮ ؟
ﻣﺤﻤﺪ << ﻛﻨﻚ ﻟﻮﻳﺘﻲ ﻭﺟﻚ ؟ !
ﺍﻧﺎ << ﺗﻲ ﻣﺎ ﻛﻨﻲ ﺷﻲ ﻗﻠﻨﺎ 😒
ﻣﺤﻤﺪ << ﺑﺎﻫﻲ ﺭﺍﺟﻴﻨﻲ ﻧﺨﺶ ﻧﻐﺴﻞ ﻭﺟﻲ ﻉ ﺍﻟﺴﺮﻳﻊ ﻭ ﻧﻄﻠﻌﻮ
ﺍﻧﺎ << ﺑﺎﻩ 😒
ﺧﺶ ﻣﺤﻤﺪ ﺟﻮﺍ ﻭ ﺍﻧﺎ ﻧﺰﻟﺖ ﻟﻮﻃﺎ ﻭ ﻣﺎﻟﻘﻴﺘﺶ ﻣﺮﺍﺩ // ﻗﻌﺪﺕ ﺍﻣﺼﺒﻴﻪ ﻋﻨﺪ ﺍﻟﺼﺎﻟﻮﻥ ﻧﺮﺍﺟﻲ ﻓﻴﻪ
ﺷﻮﻳﻪ ﻫﻜﻲ ﻭ ﻧﺰﻝ ﺑﺲ ﺟﺎ ﻗﻌﻤﺰ ﻉ ﺍﻟﺼﺎﻟﻮﻥ
ﺍﻧﺎ << ﻛﻨﻚ ﻗﻌﻤﺰﺕ ؟ !
ﻣﺤﻤﺪ << ﻧﺎﻛﻠﻮ ﻫﺬﻩ ﻗﺒﻞ " ﻭ ﻓﺘﺢ ﺍﻟﻌﻠﺒﻪ "
ﺍﻧﺎ << ﻣﺶ ﻉ ﺃﺳﺎﺱ ﺗﺒﻲ " ﻭ ﻗﻄﻊ ﻛﻼﻣﻲ ﻟﻤﺎ ﺻﺒﻰ ﻭ ﻣﺪﻟﻲ ﻃﺮﻑ ﻣﻦ ﺍﻟﺸﻮﻛﻮﻻ "
ﻣﺤﻤﺪ << ﺍﻓﺘﺤﻲ ﻓﻤﻚ " ﻭ ﻗﺮﺏ ﻣﻨﻲ "
ﺍﻧﺎ << ﺑﺲ ﻳﻌﻨﻲ
ﻣﺤﻤﺪ << ﺑﺪﻭﻥ ﺑﺲ
ﻓﺘﺤﺖ ﻓﻤﻲ ﻭ ﻓﻲ ﻧﻔﺲ ﺍﻟﻮﻗﺖ ﻃﻠﻊ ﻣﺮﺍﺩ ﺷﻮﺭﻧﺎ
ﻣﺮﺍﺩ << ﺭﺍﻋﻮ ﺷﻌﻮﺭﻧﺎ ﻳﺎ ﺳﻲ 😂💔
ﻣﺤﻤﺪ << ﺗﻌﺎﻝ ﻧﻮﻛﻠﻚ ﺣﺘﻲ ﺍﻧﺖ 😂
ﺯﺭﺗﻨﻲ ﺍﻟﻀﺤﻜﻪ ﻭ ﺍﻧﺎ ﻧﺄﻛﻞ ﻋﻨﺪ ﺷﺮﻗﺖ 😂😳💔
ﻣﺸﻰ ﻣﺤﻤﺪ ﻳﺠﺮﻱ ﻭ ﺟﺎﺑﻠﻲ ﻃﺎﺳﺔ ﺍﻣﻴﻪ
ﻣﺤﻤﺪ << ﺑﺸﻮﻳﺶ ﻣﺶ ﻩَ ﺗﻜﻤﻞ ﺭﺍ 😂
ﺍﻧﺎ << ﺗﻲ ﻣﺎﻫﻮ ﺍﺗﺤﻨﻂ ﺍﻧﺖ ﻭ ﺧﻮﻙ 😒
ﻣﺮﺍﺩ << ﺧﺎﻓﺖ ﻟﻤﺎ ﻗﻠﺖ ﺃﻧﻚ ﺗﺒﻲ ﺗﻮﻛﻠﻨﻲ 😂 ﺷﻜﻠﻬﺎ ﺗﻐﺎﺭ ﻋﻠﻴﻚ ﻳﺎ ﻧﺼﻲ 😎
ﻣﺤﻤﺪ << ﻣﺶ ﺷﻜﻠﻬﺎ ﺗﻐﺎﺭ ﺗﻐﺎﺭ 😂🌚
ﺍﻧﺎ << ﺗﺒﻮ ﺗﻄﻠﻌﻮ ﻭ ﻻ ﻧﺮﻛﺐ ﻓﻮﻕ 🌚
ﻣﺤﻤﺪ << ﻟﻮﺕ ﻭﺟﻬﺎ ﺧﻼﺹ ﻓﻜﻨﺎ 😂
ﻣﺮﺍﺩ << ﻫﻴﺎ ﺑﺎﻩ ﻧﺠﻴﺐ ﻧﻘﺎﻟﻲ ﻭ ﻧﻠﺤﻘﻜﻢ
ﺣﻂ ﻣﺤﻤﺪ ﺍﻟﻌﻠﺒﻪ ﻉ ﺍﻟﻄﺎﻭﻟﻪ ﻭ ﻃﻠﻌﻨﺎ ﺑﺮﺍ ﻧﺮﺍﺟﻮ ﻓﻲ ﻣﺮﺍﺩ
ﻗﻌﺪﻧﺎ ﺳﺎﻛﺘﻴﻦ ﻭ ﻧﺒﺤﺘﻮ ﻓﻲ ﺑَﻌﻀُﻨَﺎ ﻋﻨﺪ ﻣﺤﻤﺪ ﻗﺎﻝ
ﻣﺤﻤﺪ << ﻃﺎﻟﻌﻪ ﺳﻤﺤﻪ ﺭﺍ
ﺍﻧﺎ << ﻣﻴﺮﺳﻲ 🙊
ﻣﺤﻤﺪ << ﺷﻦ ﺩﺭﺗﻲ ﻭ ﺍﻧﺎ ﻣﺶ ﻗﺎﻋﺪ ؟
ﺍﻧﺎ << ﺿﻤﻴﺖ ﺩﺍﺭﻧﺎ ﻭ ﺑﻌﺪﻫﺎ ﺣﻜﻴﺖ ﻣﻊ ﺍﻳﻬﻢ
ﻣﺤﻤﺪ << ﺷﻦ ﺍﺧﺒﺎﺭﻩ ؟ !
ﺍﻧﺎ << ﻛﻮﻳﺲ
ﻣﺤﻤﺪ << ﻭﻳﻨﻪ ﻣﻌﺶ ﻣﺮ ﻋﻠﻴﻨﺎ ؟
ﺍﻧﺎ << ﻗﺘﻠﻪ ﺍﻳﺠﻲ ﺑﻌﺪﻳﻦ ﻛﺎﻥ ﻓﻀﻰ
ﻣﺤﻤﺪ << ﺗﻤﺎﻡ ﺑﺎﻩ
ﺍﻧﺎ << ﺃﻫﻮ ﺟﺎ ﻣﺮﺍﺩ
ﻃﻠﻌﻨﺎ ﻭ ﻣﺸﻴﻨﺎ ﺷﻮﺭ ﺍﻟﻔﻴﻼ ﺍﻻﺧﺮﻩ ﻭ ﻟﻘﻴﻨﺎﻫﻢ ﻛﻠﻬﻢ ﻗﺎﻋﺪﻳﻦ ﻓﻲ ﺍﻟﺼﺎﻟﻪ
ﻭ ﺍﻭﻝ ﻣﺎ ﺧﺸﻴﺖ ﺻﺒﺖ ﻣﺮﺍﺕ ﻋﻤﻬﻢ ﺗﺮﺣﺐ ﺑﻴﺎ ﻭ ﻟﻘﻴﻨﺎ ﺣﺘﻲ ﻫﺒﻪ ﻋﻨﺪﻫﻢ 😒 ﻧﻘﺎﻧﻬﺎ ﺍﻻ ﺛﻘﻴﻠﺔ ﺩﻡ 😷
ﻛﺎﻧﻦ ﺍﻟﺼﺒﺎﻳﺎ ﻓﻲ ﺟﻴﻬﻪ ﻭ ﺍﻟﺒﺎﻗﻲ ﻓﻲ ﺍﻟﺠﻴﻬﻪ ﺍﻻﺧﺮﻩ
ﻛﺎﻥ ﻓﻲ ﻭﺍﺣﺪ ﻣﻘﻌﻤﺰ ﻭ ﺍﻭﻝ ﻣﺮﻩ ﻧﺸﻮﻓﻪ ﻭ ﻉ ﺣﺪ ﻋﻠﻤﻲ ﻋﻤﻬﻢ ﻣﺎ ﻋﻨﺪﺵ ﺍﻻ ﺷﺎﺏ ﻭﺍﺣﺪ ﻋﻨﺪ ﻣﺎ ﺳﻠﻢ ﻣﺮﺍﺩ ﻋﻠﻴﻪ ﻭ ﻋﺮﻓﺖ ﺍﻧﻪ ﺭﺍﺟﻞ ﻫﺒﻪ
ﻣﺮﺍﺩ << ﺍﻭﻭﻭﻭ ﺣﺘﻲ ﺑﻮﻧﺴﻴﺐ ﻫﻨﺎ 😎
ﻭﻟﻴﺪ << ﻗﺎﻟﻮ ﻋﺰﻭﻣﻪ ﻣﺎ ﻋﺰﻭﻣﻪ ﺟﻴﻨﺎ 😂
ﻣﺤﻤﺪ << ﻳﻌﻨﻲ ﺟﺎﻱ ﻋﺸﺎﻥ ﺑﻄﻨﻚ 😂
ﻭﻟﻴﺪ << ﻻ ﻣﻌﻘﻮﻟﻪ 😂
ﺭﻣﺰﻱ << ﻛﺬﺍﺏ ﺑﺎﻳﻨﻪ ﻓﻲ ﻭﺟﻚ 😎
ﺭﺅﻭﻑ << ﺧﻼﺹ ﻭ ﺍﻧﺘﻮ ﻗﺮﻳﺐ ﺗﺄﻛﻠﻮﻩ 😂
ﻭﻟﻴﺪ << ﻣﺎ ﻣﻌﻬﻤﺶ ﺑﺼﺎﺭﻩ ﻳﺮﺍ 😂🌚
ﺭﺅﻭﻑ << ﻣﺶ ﻏﻴﺮ 😂
ﻣﺤﻤﺪ << ﺻﺒﻲ ﺟﻴﺒﻠﻨﺎ ﺣﺎﺟﻪ ﻧﺸﺮﺑﻮﻫﺎ ﻭ ﻻ ﻧﺎﻛﻠﻮﻫﺎ ﺑﺪﺍﻝ ﺍﻟﺪﻭﻩ ﺍﻟﺰﺍﻳﺪﻩ
ﺭﺅﻭﻑ << ﺷﻜﻠﻚ ﺍﻧﺖ ﺍﻟﻠﻲ ﺟﺎﻱ ﻋﺸﺎﻥ ﺑﻄﻨﻚ 😂🔫
ﻣﺮﺍﺩ << ﺭﺩﻫﺎ ﻟﻚ ﻭﻗﺘﻲ 😎😂
