الكاتبة: حفيدة نيوتن 😎🔥
حنين الحاج
زواج تقليدي❤🔗
ﺍﻟﺤﻠﻘﻬﻪ 🌸3
ﺯﻳﻨﺐ << ﺧﻮﺫﻱ ﻭ ﺑﺴﺮﻋﻪ ﺳﻜﺮﻱ ﻣﺎ ﺗﺤﻜﻴﺶ ﻗﺼﺔ ﺣﻴﺎﺗﻚ
ﺍﻧﺎ << ﺑﺎﻫﻲ ﺍﺳﻤﻌﻲ ﺻﺎﺡ ﺇﻳﻤﺎﻥ ﺑﺮﺍ ؟
ﺯﻳﻨﺐ << ﺍﺩﻳﺮ ﻓﻲ ﺍﻟﻤﺮﺑﻮﻋﻪ ﻗﺎﻋﺪﻩ
ﺍﻧﺎ << ﺗﻤﺎﻡ ﺑﺎﻩ
ﺧﺬﻳﺖ ﺍﻟﻨﻘﺎﻝ ﻭ ﻧﺒﻲ ﻧﺮﺩ ﺟﺎ ﺍﻟﺨﻂ ﻓﺼﻞ ﻭ ﻟﻤﺎ ﺟﻴﺖ ﻧﺒﻲ ﻧﺮﻥ ﻋﻠﻴﻪ ﺁﺧﺮﻩ ﺧﺶ ﺧﺎﻟﺪ ﻭ ﺍﻟﻨﻘﺎﻝ ﻓﻲ ﻳﺪﻱ 💔
ﺧﺎﻟﺪ << ﺷﻨﻮ ﻫﺬﺍ ﺍﻟﻠﻲ ﻓﻲ ﻳﺪﻙ ؟؟؟
ﺳﻤﻌﺖ ﺻﻮﺗﻪ ﻭ ﻣﻦ ﺍﻟﻔﺠﻌﻪ ﻃﺎﺡ ﻣﻨﻲ ﻭ ﺑﺮﻣﺖ ﻧﺒﺤﺖ ﻓﻴﻪ
ﺣﺴﻴﺖ ﻗﻠﺒﻲ ﻭﻗﻒ ﻟﺤﻈﺘﻬﺎ ﻭ ﻛﺎﻥ ﻳﻘﻴﺴﻮ ﺿﻐﻄﻲ ﻳﻠﻘﻮﻩ ﻫﺎﺑﻂ
ﻗﻌﺪ ﻳﻘﺮﺏ ﻣﻨﻲ ﻭ ﺍﻧﺎ ﻧﻮﺧﺮ ﻭ ﺩﻣﻮﻋﻲ ﻳﻨﺰﻟﻦ
ﺍﻧﺎ << ﻗﺒﻞ ﻣﺎ ﺗﻀﺮﺏ ﺧﻠﻴﻨﻲ ﻧﺤﻜﻴﻠﻚ
ﺧﺎﻟﺪ << ﺷﻦ ﺗﺒﻲ ﺗﺤﻜﻲ ؟؟ ﺷﻦ ﻫﺬﺍ ؟ ﺑﺸﺮﻯ ﻗﺴﻤﺎ ﺑﺎﻟﻠﻪ ﺗﺒﻲ ﺗﺠﻠﻄﻴﻨﻲ ﺑﻘﺼﺪ ﺍﻧﺘﻲ ؟ ﺗﻌﺎﻟﻲ ﻫﻨﺎ ﻛﺬﺍ
ﺍﻧﺎ << ﺧﺎﻟﺪ 😞
ﺇﻳﻤﺎﻥ << ﺧﺎﻟﺪ ﻛﻨﻪ ﺻﻮﺗﻚ ﻋﺎﻟﻲ ﻓﺠﻌﺘﻨﺎ
ﺧﺎﻟﺪ << ﺍﻟﺒﻨﺖ ﻫﺬﻩ ﺗﺒﻲ ﺗﺠﻴﺒﻠﻨﺎ ﺍﻟﻌﺎﺭ // ﻛﺮﺭﺭﺭﺭﻳﻬﺎ ﻟﻴﺎ ﻫﻨﺎ
ﺇﻳﻤﺎﻥ << ﺗﻲ ﻛﻨﻚ ﺗﻌﻴﻂ ﺑﺲ ﻓﻬﻤﻨﻲ ؟؟
ﺧﺎﻟﺪ << ﻣﺎ ﺗﺸﻮﻓﻴﺶ ﺷﻦ ﺍﻟﻠﻲ ﻓﻲ ﻳﺪﻫﺎ ؟؟
ﺇﻳﻤﺎﻥ << ﻧﻘﺎﻟﻲ ﻫﺬﺍ ؟؟ ﻛﻨﻚ ﻣﻨﻔﺼﻞ ﺗﻲ ﻧﻘﺎﻟﻲ ﺍﻟﺠﺪﻳﺪ
ﺧﺎﻟﺪ << ﻧﻘﺎﻟﻚ ﺍﻧﺘﻲ ؟؟ ﻭ ﻟﻴﺶ ﺧﺎﻓﺖ ﻫﻴﺎ ؟؟
ﺇﻳﻤﺎﻥ << ﻭﺳﻊ ﺑﺎﻟﻚ ﺑﺲ ﻭ ﺗﻮ ﻧﺤﻜﻴﻠﻚ
ﺧﺎﻟﺪ << ﻻ ﻧﻮﺳﻊ ﺑﺎﻟﻲ ﻻ ﻧﻢ ﻧﺒﻲ ﻧﻌﺮﻑ ﺷﻦ ﻳﺪﻳﺮ ﻧﻘﺎﻟﻚ ﻋﻨﺪﻫﺎ ؟؟
ﺇﻳﻤﺎﻥ << ﺃﻡ ﺍﻟﻌﺮﻳﺲ ﻛﺎﻧﺖ ﺗﺤﻜﻲ ﻣﻌﺎﻳﺎ ﻭ ﺑﻌﺪﻫﺎ ﻗﺎﻟﺘﻠﻲ ﻋﻄﻴﻨﺎ ﺑﺸﺮﻯ
ﺧﺎﻟﺪ << ﻭ ﻛﻨﻬﺎ ﻣﺎ ﻗﺎﻟﺖ ﻫﻜﻲ ﻣﻦ ﺍﻷﻭﻝ ؟
ﺇﻳﻤﺎﻥ << ﺍﻛﻴﺪﻩ ﻓﺠﻌﺘﻬﺎ
ﺧﺎﻟﺪ << ﺑﺎﻫﻲ ﺷﻦ ﻛﺎﻧﺖ ﺗﺒﻲ ﺍﻟﻮﻟﻴﻪ ؟
ﺇﻳﻤﺎﻥ << ﻛﺎﻧﻮ ﻳﺤﺪﺩﻭ ﻓﻲ ﻣﻮﻋﺪ
ﺧﺎﻟﺪ << ﺑﺎﻫﻲ ﺗﻤﺎﻡ / / ﻣﺎﺯﺍﻝ ﺍﻟﻐﺪﺍﺀ ؟
ﺍﻧﺎ << ﻻ ﺧﻼﺹ ﺷﻮﻳﻪ ﻫﻜﻲ 😭
ﺧﺎﻟﺪ << ﺧﻼﺹ ﺑﻼﺵ ﺑﻜﺎﺀ ﻣﺎﻫﻮ ﻛﺎﻥ ﺣﻜﻴﺘﻲ ﻣﻦ ﺍﻷﻭﻝ ﺑﺲ ﺿﺮﻭﺭﻱ ﺗﺨﻠﻴﻨﻲ ﻧﻨﻔﺼﻞ
ﺇﻳﻤﺎﻥ << ﺣﺼﻞ ﺧﻴﺮ ﺧﻼﺹ
ﻏﻤﺰﺗﻠﻲ ﺇﻳﻤﺎﻥ ﻭ ﻃﻠﻌﺖ ﻣﻌﺎﻩ ﻭ ﺍﻧﺎ ﻗﺮﻳﺐ ﺳﺠﺪﺕ ﻓﻲ ﺍﻟﻤﻄﺒﺦ ﻭ ﻧﺤﻤﺪ ﻓﻲ ﺭﺑﻲ ﺍﻧﻪ ﻣﺸﺖ ﺍﻟﻘﺼﻪ ﻉ ﺧﻴﺮ
ﺑﺲ ﺷﻦ ﻗﺼﺔ ﺃﻡ ﺍﻟﻌﺮﻳﺲ ﻫﺬﻩ 😒
ﻭ ﺍﻧﺎ ﻣﺎﺯﻟﺖ ﻓﻲ ﺍﻟﻤﻄﺒﺦ ﺭﻥ ﺁﺧﺮﻩ ﻋﺜﻤﺎﻥ // ﻗﻔﻠﺖ ﺍﻟﻨﻘﺎﻝ ﺑﻜﻞ ﻭ ﻃﻠﻌﺖ ﻟﺪﺍﺭ ﺩﺳﻴﺘﻪ
ﺧﺎﻟﺪ << ﺑﺎﻟﻚ ﺗﺤﻄﻮﻟﻨﺎ ﻩ ﺍﻟﻐﺪﺍﺀ
ﺣﻨﺎﻥ << ﺧﻼﺹ ﻭﺍﺗﻲ ﻏﻴﺮ ﺍﺗﺠﻲ ﻋﻤﺘﻲ ﻭ ﺃﻳﻬﻢ
ﺧﺎﻟﺪ << ﻣﺎﺯﺍﻟﻮ ﻣﺎ ﺭﻭﺣﻮ ؟
ﺣﻨﺎﻥ << ﻛﻠﻤﺘﻬﺎ ﻗﺎﻟﺖ ﻓﻲ ﺍﻟﻄﺮﻳﻖ ﺧﻼﺹ
ﺧﺎﻟﺪ << ﺑﺎﻫﻲ ﺗﻤﺎﻡ
ﻭﺩﺍﺩ << ﻭ ﺃﺧﻴﺮﺍ ﻛﻤﻠﻨﺎ ﻩ ﺍﻟﺤﻮﺳﻪ
ﺧﺎﻟﺪ << ﺭﺑﻲ ﻳﻌﻄﻴﻜﻢ ﺍﻟﺼﺤﻪ
ﻭﺩﺍﺩ << ﺳﻠﻤﻚ ﺳﻠﻤﻚ
ﺧﺎﻟﺪ << ﺍﻟﻌﻘﺒﺎﻟﻚ ﻋﺎﺩ
ﻭﺩﺍﺩ << ﻣﺎﺯﺍﻝ ﺑﺪﺭﻱ ﻋﻠﻴﺎ
ﺧﺎﻟﺪ << ﺑﺪﺭﻱ ﻭﻳﻦ ؟ ﺍﻫﻲ ﺑﺸﺮﻯ ﺃﺻﻐﺮ ﻣﻨﻚ ﻭ ﻧﺒﻮ ﻧﻌﻄﻮﻫﺎ
ﻭﺩﺍﺩ << ﺃﻥ ﺷﺎﺀ ﺍﻟﻠﻪ ﺧﻴﺮ
ﺧﺎﻟﺪ << ﻫﺬﻩ ﺯﻳﻨﺐ ﺍﻟﻠﻲ ﺧﺸﺖ ﺟﻮﺍ ؟؟؟ ﺍﻧﺘﻲ ﻳﺎ ﺧﺮﺍ ﺗﻌﺎﻟﻲ
ﺣﻨﺎﻥ << ﺗﻲ ﻛﻨﻚ ﻣﻌﺎﻫﺎ ﺗﻮﺍ ؟
ﻭﺩﺍﺩ << ﺍﻟﺒﻨﺖ ﻓﻲ ﺣﺎﻟﻬﺎ ﺧﺸﺖ
ﺯﻳﻨﺐ << ﻧﻌﻢ ﻛﻨﻚ
ﺧﺎﻟﺪ << ﺻﺒﻲ ﻛﻮﻳﺲ ﺑﺎﻩ
ﺯﻳﻨﺐ << ﻉ ﺃﺳﺎﺱ ﻓﻲ ﺍﻟﻤﺪﺭﺳﻪ ﻗﺎﻋﺪﻩ ؟
ﺧﺎﻟﺪ << ﻗﺴﻤﺎ ﺑﺎﻟﻠﻪ ﻛﺎﻥ ﻣﺎ ﺗﺒﻄﻠﻲ ﻃﻮﻟﺔ ﻟﺴﺎﻥ ﺍﻧﻮﺽ ﻧﻌﺠﻨﻚ
ﺯﻳﻨﺐ << ﻧﺒﻲ ﻧﺨﺶ ﻧﺘﻮﺿﻰ ﻛﻨﻚ ؟
ﺧﺎﻟﺪ << ﺍﻭﻛﻲ ﻳﺎ ﺷﻴﺨﻪ
ﺣﻨﺎﻥ << ﺯﻳﻨﺐ ﻋﺪﻱ ﻫﺬﺍ ﻓﺎﺿﻲ ﻣﺎ ﻋﻨﺪﻩ ﻣﺎ ﻳﺪﻳﺮ
ﺧﺎﻟﺪ << ﻛﻴﻒ ﻓﺎﺿﻲ ؟؟ ﺗﺸﻮﻓﻲ ﻓﻴﺎ ﺍﻧﻬﺒﻠﺖ ﻭ ﻻ ﻛﻴﻒ ؟
ﺇﻳﻤﺎﻥ << ﺧﺎﻟﺪ ﺗﻲ ﻛﻨﻚ ﺑﺴﻢ ﺍﻟﻠﻪ
ﺧﺎﻟﺪ << ﻛﻴﻒ ﺑﺴﻢ ﺍﻟﻠﻪ ؟ ﺗﺸﻮﻓﻲ ﻓﻴﺎ ﺭﺍﻛﺒﻨﻲ ﺟﻦ ؟؟
ﻭﺩﺍﺩ << ﻻ ﻫﺬﺍ ﻭﺿﻊ ﻣﻌﺶ ﻳﻨﻄﺎﻕ ﺟﺪﻳﺎﺕ ﻉ ﻗﻮﻝ ﺃﻳﻬﻢ
ﺧﺎﻟﺪ << ﻉ ﺑﻮﻙ ﻭ ﺑﻮ ﺃﻳﻬﻢ ﺑﺎﻫﻲ " ﻭ ﺻﺒﻰ ﺭﻛﺐ ﻓﻮﻕ
\
\
ﺍﻧﺎ << ﻻ ﻫﺬﺍ ﺍﺷﻘﻮ ﺑﻴﻪ ﻭ ﺷﻮﻓﻮﻟﻪ ﺩﻛﺘﻮﺭ ﻧﻔﺴﻲ
ﺣﻨﺎﻥ << ﻣﺶ ﻋﺎﺭﻓﻪ ﻛﻨﻪ ﺭﺍﻳﺢ ﻋﺼﺒﻲ ﺍﻟﻴﻮﻣﻴﻦ ﻫﺬﻳﻦ
ﺯﻳﻨﺐ << ﻣﻦ ﻳﻮﻣﻪ ﻳﺪﻭﺭ ﻓﻲ ﺍﻟﻤﺸﺎﻛﻞ ﺑﺴﺒﺐ ﻭ ﺑﺪﻭﻥ ﺳﺒﺐ
ﻭﺩﺍﺩ << ﺃﻫﻲ ﺟﺖ ﻣﺎﻣﺎ
ﺇﻳﻤﺎﻥ << ﺑﺎﻫﻲ ﺍﻟﻠﻲ ﺭﻭﺣﺘﻮ
ﻣﺎﻣﺎ << ﻛﻨﻪ ﺧﺎﻟﺪ ﺭﺍﻛﺐ ﻣﻨﻔﺼﻞ ؟ ﻣﻦ ﺍﻟﻠﻲ ﺣﺮﻗﺖ ﺩﻣﻪ
ﺃﻳﻬﻢ << ﺍﻛﻴﺪ ﺍﻟﺤﺎﻟﻪ ﺟﺎﺗﻪ ﻭﻳﻦ ﺍﻟﺤﺎﺟﻪ ﺍﻟﺠﺪﻳﺪﻩ ﻳﻌﻨﻲ
ﻣﺎﻣﺎ << ﻻ ﺍﻛﻴﺪﻩ ﻭﺣﺪﻩ ﻓﻴﻬﻦ ﺩﺍﻳﺮﻩ ﺷﻲ ﺣﺎﺟﻪ ﻧﻌﻨﻲ ﺑﻼﻛﻦ
ﺯﻳﻨﺐ << ﻳﺎ ﺍﻟﻠﻪ ﻳﺎ ﺃﻣﻴﻦ
ﺍﻧﺎ << ﺁﻣﻴﻦ ﻳﺎ ﺭﺏ ﺑﺎﻟﻚ ﻧﺘﺮﻳﺤﻮ
ﻭﺩﺍﺩ << ﻳﺎ ﻣﺎﻣﺎ ﺑﺮﻭﺣﻪ ﻣﻨﻔﺼﻞ ﻭ ﻛﻞ ﻣﺮﻩ ﻣﺎﺳﻚ ﻭﺣﺪﻩ ﻓﻴﻨﺎ ﻭ ﻳﻬﺰﺏ ﺑﺮﻭﺣﻪ
ﻣﺎﻣﺎ << ﺍﺻﻼ ﻣﺎ ﺍﺗﺮﻳﺤﻦ ﺇﻻ ﺑﻌﺪ ﺗﺤﺮﻗﻦ ﺩﻣﻪ
ﺃﻳﻬﻢ << ﺧﻼﺹ ﺑﺎﻩ ﻭ ﺍﻧﺘﻮ 24 ﺳﺎﻋﻪ ﻋﻴﺎﻁ
ﺇﻳﻤﺎﻥ << ﻭﺭﻳﻨﺎ ﺷﻦ ﺟﺒﺘﻲ
ﻣﺎﻣﺎ << ﺣﻄﻦ ﺍﻟﻐﺪﺍﺀ ﻗﺒﻞ
ﺣﻨﺎﻥ << ﺗﻮ ﺍﻧﻮﺗﻲ ﺍﻧﺎ
ﻣﺎﻣﺎ << ﻻ ﺗﻮ ﺗﺨﺶ ﺑﺸﺮﻯ ﻭ ﺯﻳﻨﺐ ﻭ ﺍﻧﺘﻲ ﺍﻣﺸﻲ ﺷﻮﻓﻲ ﺭﺍﺟﻠﻚ ﻭ ﺧﻠﻴﻪ ﻳﻨﺰﻝ ﻋﺸﺎﻥ ﻳﺄﻛﻞ ﻣﻌﺎﻧﺎ
ﺣﻨﺎﻥ << ﺣﺎﺿﺮ
ﺧﺸﻴﺖ ﺍﻧﺎ ﻭ ﺯﻳﻨﺐ ﻟﻠﻤﻄﺒﺦ ﻭ ﻗﻌﺪﻧﺎ ﻧﺤﻄﻮ ﻓﻲ ﺍﻟﻐﺪﺍﺀ ﻭ ﺭﻛﺒﺖ ﺣﻨﺎﻥ ﻟﺨﺎﻟﺪ
ﺣﻨﺎﻥ << ﺣﺒﻴﺒﻲ ﻫﻴﺎ ﻧﺮﺍﺟﻮ ﻓﻴﻚ
ﺧﺎﻟﺪ << ﻣﺎ ﻧﺒﺶ ﻭ ﺳﻜﺮﻱ ﺍﻟﺒﺎﺏ
ﺣﻨﺎﻥ << ﻛﻨﻚ ﻣﺘﻌﺼﺐ ﺑﺲ ؟ ﻣﺎ ﻗﺎﻟﻦ ﺷﻲ ﺍﻧﺖ ﺍﻧﻔﺼﻠﺖ ﺑﺪﻭﻥ ﺳﺒﺐ
ﺧﺎﻟﺪ << ﺷﻦ ﻗﺼﺪﻙ ؟
ﺣﻨﺎﻥ << ﻣﺎ ﻗﺼﺪﻱ ﺷﻲ ﻳﺎ ﺭﻭﺣﻲ ﺑﺲ ﻭﺳﻊ ﺑﺎﻟﻚ ﻋﻠﻴﻬﻦ
ﺧﺎﻟﺪ << ﺟﻴﺒﻠﻲ ﺍﻟﻐﺪﺍﺀ ﻫﻨﺎ ﻣﺶ ﻧﺎﺯﻝ ﻟﻮﻃﺎ
ﺣﻨﺎﻥ << ﺣﺎﺿﺮ ﻫﻲ
ﺧﺎﻟﺪ << ﻭ ﺑﻴﺶ ﺗﻘﻌﺪﻱ ﺍﺗﻐﺪﻱ ﻣﻌﺎﻳﺎ
ﺣﻨﺎﻥ << ﻣﻦ ﻋﻴﻮﻧﻲ
ﺧﺎﻟﺪ << ﺗﻲ ﻧﺠﻚ ﻟﻴﺎ ﻭ ﺧﻼﺹ ﻛﻼ ﺍﻧﺘﻲ
ﺣﻨﺎﻥ << 5 ﺩﻗﺎﻳﻖ ﻭ ﺍﻧﺠﻲ
\\
\\
\\
ﺧﺸﺖ ﻋﻠﻴﻨﺎ ﺣﻨﺎﻥ ﻭ ﺧﺬﺕ ﻗﺮﻋﺘﻬﺎ ﻫﻴﺎ ﻭ ﺧﺎﻟﺪ ﻭ ﺭﻛﺒﺖ
ﺗﻐﺪﻳﻨﺎ ﻛﻠﻨﺎ ﻓﻲ ﺍﻟﺼﺎﻟﻪ ﻭ ﻛﻠﻬﻢ ﻳﺒﺤﺘﻮ ﻓﻴﺎ ﺗﻘﻮﻝ ﻳﺒﻮ ﻳﺮﺍﻳﻔﻮ ﻋﻠﻴﺎ
ﺇﻳﻤﺎﻥ << ﻫﻴﺎ ﻳﺎ ﻣﺎﻣﺎ ﻭﺭﻳﻨﺎ ﺍﻟﺤﺎﺟﺎﺕ
ﻣﺎﻣﺎ << ﻛﻨﻚ ﻣﺴﺘﻌﺠﻠﻪ ﺍﻧﺘﻲ ؟ ﺧﻠﻴﻨﺎ ﻧﻜﻤﻠﻮ ﺍﻭﻛﺎﻟﻨﺎ
ﻭﺩﺍﺩ << ﺧﻼﺹ ﻛﻤﻠﻨﺎ
ﺃﻳﻬﻢ << ﺧﻠﻴﻬﻦ ﻳﺘﻔﺮﺟﻦ ﺧﻴﺮ ﻣﺎ ﺗﺼﻴﺮﻟﻬﻦ ﺣﺎﺟﻪ 😂
ﺇﻳﻤﺎﻥ << ﺗﻮ ﻧﻤﺸﻲ ﻧﺠﻴﺐ ﺍﻟﺸﻜﺎﻳﺮ
ﻣﺎﻣﺎ << ﺍﻟﺸﻮﻛﻼﻃﻪ ﺩﺳﻴﻬﺎ ﺧﻴﺮ ﻣﺎ ﻳﻠﻌﺒﻦ ﻓﻴﻬﺎ ﻭ ﺍﻟﺤﻠﻮﻳﺎﺕ ﺣﻄﻴﻬﻦ ﻓﻲ ﺍﻟﻔﺮﻳﺰ ﻋﺸﺎﻥ ﻣﺎ ﻳﺼﻴﺮﻟﻬﻦ ﺷﻲ
ﻭﺩﺍﺩ << ﺑﺎﻫﻲ ﺑﺎﻫﻲ ﻏﻴﺮ ﻧﺸﻮﻓﻮ ﺍﻟﺒﺎﻗﻲ
ﺟﺎﺑﻦ ﺍﻟﺒﻨﺎﺕ ﺍﻟﺸﻜﺎﻳﺮ ﻭ ﻗﻌﺪﻥ ﻳﻄﻠﻌﻦ ﻓﻲ ﺍﻟﺤﺎﺟﺎﺕ ﻭ ﻛﺎﻧﻦ ﺣﻠﻮﻳﺎﺕ ﻭ ﻃﻮﺍﺳﻲ ﻋﺼﻴﺮ ﻭ ﺗﺒﺎﺳﻲ ﺍﺟﺪﺩ
ﺇﻳﻤﺎﻥ << ﺟﺒﺘﻮ ﺩﺟﺎﺝ ﻋﺸﺎﻥ ﺍﻟﻤﻮﺍﻟﺢ ؟
ﻣﺎﻣﺎ << ﺃﻫﺎ ﻭ ﺍﻟﺸﻜﺎﺭﻩ ﻓﻲ ﺍﻟﻜﻮﺟﻴﻨﻪ
ﻭﺩﺍﺩ << ﺷﻦ ﻓﻴﻪ ﺍﻟﻜﻴﺲ ﻫﺬﺍ ؟؟
ﻣﺎﻣﺎ << ﻗﻔﻄﺎﻥ ﻝ ﺑﺸﺮﻯ
ﺇﻳﻤﺎﻥ << ﻛﺬﺍ ﻃﻠﻌﻴﻪ
ﻭﺩﺍﺩ << ﻳﻬﺒﻞ ﺑﻜﻞ
ﺇﻳﻤﺎﻥ << ﺣﻲ ﺣﻲ
ﺯﻳﻨﺐ << ﺑﺸﻪ ﺍﺟﺠﺠﺮﻱ ﺗﻌﺎﻟﻲ ﺷﻮﻓﻲ
ﺃﻳﻬﻢ << ﺑﺸﻮﻳﺶ ﺗﻮ ﺗﻔﺠﻌﻴﻬﺎ
ﺍﻧﺎ << ﻧﻌﻢ ﻧﻌﻢ
ﺯﻳﻨﺐ << ﺷﻮﻓﻲ ﺍﻟﻔﺴﺘﺎﻥ ﻫﺬﺍ 😍
ﺍﻧﺎ << ﻣﺤﻼﻩ 😍 ﻣﺘﺎﻉ ﻣﻦ ؟؟
ﺇﻳﻤﺎﻥ << ﻟﻜﻲ ﺍﻧﺘﻲ
ﺍﻧﺎ << ﻟﻴﺎ ﺍﻧﺎ ؟ ﻭ ﻋﻠﻴﺶ 😍 ﻧﻌﻠﻴﺎ ﻳﻬﺒﻞ
ﻣﺎﻣﺎ << ﻋﺸﺎﻥ ﻟﻤﺎ ﻳﺠﻮ ﺍﻟﻨﺎﺱ ﻳﺸﻮﻓﻮﻙ ﺏ ﻟﺒﺴﻪ ﺍﻣﺴﻘﻤﻪ
ﺍﻧﺎ << ﻧﺎﺱ ﻣﻨﻮ ؟
ﺇﻳﻤﺎﻥ << ﺗﻌﺎﻟﻲ ﻧﺒﻴﻚ ﻓﻲ ﺍﻟﺪﺍﺭ ﺟﻮﺍ
ﺍﻧﺎ << ﺑﺎﻫﻲ ﻧﺎﺱ ﻣﻨﻮ ﺍﻟﻠﻲ ﺗﺤﻜﻲ ﻋﻠﻴﻬﻢ ؟
ﺇﻳﻤﺎﻥ << ﺗﻌﺎﻟﻲ ﺑﺲ
ﺻﺒﻴﺖ ﻭ ﺧﺸﻴﺖ ﻣﻊ ﺇﻳﻤﺎﻥ ﻭ ﻫﻴﺎ ﺗﻮﺯﻉ ﻓﻲ ﺍﺑﺘﺴﺎﻣﺎﺕ
ﺍﻧﺎ << ﺷﻦ ﻓﻲ ؟
ﺇﻳﻤﺎﻥ << ﺣﺪﺩﻧﺎ ﻣﻮﻋﺪ ﻣﻊ ﺍﻟﻨﺎﺱ ﺧﻼﺹ ﻭ ﻩ ﻳﺠﻮ ﺑﻌﺪ ﺑﻜﺮﺍ
ﺍﻧﺎ << ﻧﺎﺱ ﻣﻦ ؟
ﺇﻳﻤﺎﻥ << ﺍﻟﻠﻲ ﻳﺒﻮ ﻳﺨﻄﺒﻮﻙ
ﺍﻧﺎ << ﺗﻲ ﻣﺶ ﻗﻠﺖ ﺍﻧﺎ ﻣﺶ ﻣﻮﺍﻓﻘﻪ ﻛﻨﻜﻢ ﺍﻧﺘﻮ ؟؟
ﺇﻳﻤﺎﻥ << ﻧﺴﻴﺘﻲ ﻗﺼﺔ ﺍﻟﻨﻘﺎﻝ ؟؟
ﺍﻧﺎ << ﻭ ﺍﻧﺎ ﻧﻘﻮﻝ ﻣﻦ ﺃﻣﺘﻲ ﺍﻟﻄﻴﺎﺑﻪ ﻫﺬﻩ
ﺇﻳﻤﺎﻥ << ﺍﻟﻤﻬﻢ ﺗﺤﺎﻭﻟﻲ ﺍﺩﻳﺮﻱ ﺃﻱ ﺷﻲ ﻗﺪﺍﻡ ﺍﻟﻨﺎﺱ ﻩ ﻧﻤﺸﻲ ﻭ ﻧﺤﻜﻲ ﻝ ﺧﺎﻟﺪ ﻛﻞ ﺷﻲ ﻭ ﺣﻄﻲ ﻋﻘﻠﻚ ﻓﻲ ﺭﺃﺳﻚ ﻭ ﺑﻄﻠﻲ ﻋﻨﺎﺩ
ﺍﻧﺎ << ﺍﻃﻠﻌﻲ ﺑﺎﻩ
ﺇﻳﻤﺎﻥ << ﻧﻄﻠﻊ ﻭ ﻧﻌﺘﺒﺮﻙ ﻣﻮﺍﻓﻘﻪ
ﺍﻧﺎ << ﺑﺮﺍ ﻗﺘﻠﻚ
ﻃﻠﻌﺖ ﺑﺮﺍ ﻭ ﺍﻧﺎ ﻣﺎﺳﻜﻪ ﺭﻭﺣﻲ ﻭ ﻣﺎ ﻧﺒﻴﺶ ﻧﺒﻜﻲ ﻭ ﻧﺴﻤﻊ ﻓﻴﻬﺎ ﺗﺰﻏﺮﺕ ﺑﺮﺍ
ﺭﻧﻴﺖ ﻉ ﻋﺜﻤﺎﻥ ﻧﺒﻲ ﻧﺤﻜﻴﻠﻪ ﺑﺲ ﻣﺎ ﺭﺩﺵ ﻋﻠﻴﻪ // ﻣﻌﺶ ﻗﺪﺭﺕ ﺍﻧﺘﺤﻤﻞ ﻭ ﺩﺯﻳﺘﻠﻪ ﻣﺴﺞ
ﻭ ﺍﻟﻠﻲ ﺻﺪﻣﻨﻲ ﺃﻛﺜﺮ ﺭﺩﻩ ﻉ ﺍﻟﻤﺴﺞ " ﺷﻮﻓﻲ ﻧﺼﻴﺒﻚ ﻭ ﺍﻟﻒ ﻣﺒﺮﻭﻙ ﻣﻦ ﺗﻮﺍ "
ﻣﺴﻜﺖ ﺍﻟﻨﻘﺎﻝ ﻭ ﻃﻠﻘﺘﻪ ﻓﻲ ﺍﻟﺴﺎﺱ ﻭ ﺗﻜﺴﺮ
ﻉ ﺻﻮﺕ ﺍﻟﺨﺒﻄﻪ ﺧﺸﺖ ﺣﻨﺎﻥ ﺗﺠﺮﻱ
ﺣﻨﺎﻥ << ﺑﺸﻪ ﺷﻦ ﻓﻲ ؟؟ ﻛﻨﻚ ؟؟
ﺍﻧﺎ << ﺍﻟﻮﺍﻃﻲ ﻫﺬﺍ 😭
ﺣﻨﺎﻥ << ﺷﻦ ﺻﺎﻳﺮ ؟؟ ﻋﺸﺎﻥ ﺇﻳﻤﺎﻥ !
ﺃﻧﺎ << ﺍﻟﺤﻴﻮﺍﻥ ﻋﺜﻤﺎﻥ ﻳﻘﻮﻟﻲ ﺷﻮﻓﻲ ﻧﺼﻴﺒﻚ ﺍﻟﺤﻘﻴﺮ ﻫﺬﺍ 😞
ﺣﻨﺎﻥ << ﻭ ﻻ ﺗﺤﺮﻗﻲ ﺩﻣﻚ ﺗﻲ ﻛﺎﻥ ﻣﺎ ﺣﻜﻰ ﻣﻌﺎﻙ ﺭﺁﻩ ﺍﻧﻈﺮ ﺷﻦ ﺻﺎﺭﻟﻪ
ﺍﻧﺎ << ﻭ ﺷﻮﻓﻲ ﺗﻮﺍ ﺑﺎﻋﻨﻲ ﻉ ﻃﻮﻝ
ﺣﻨﺎﻥ << ﻃﺮﻳﻖ ﺟﺪﻱ ﺗﻲ ﻣﺎ ﺗﺤﺮﻗﻴﺶ ﺩﻣﻚ
ﺍﻧﺎ << ﺇﻳﻤﺎﻥ ﻗﺎﻋﺪﻩ ﻣﺎﺯﺍﻟﺖ ؟
ﺣﻨﺎﻥ << ﺃﻫﺎ
ﺍﻧﺎ << ﺣﻮﻟﻲ ﻛﺬﺍ
ﺣﻨﺎﻥ << ﺗﻲ ﻭﻳﻦ ﻣﺎﺷﻴﻪ
ﻃﻠﻌﺖ ﺑﺮﺍ ﻭ ﻟﻘﻴﺘﻬﻢ ﻛﻠﻬﻢ ﻣﻘﻌﻤﺰﻳﻦ ﺣﺘﻲ ﺧﺎﻟﺪ ﻣﻌﺎﻫﻢ
ﺃﻳﻬﻢ << ﻛﻨﻚ ﺟﺎﻳﻪ ﺑﺴﺮﻋﻪ ﺗﻘﻮﻝ ﺣﺪ ﻳﺠﺮﻱ ﻭﺭﺍﻙ
ﺍﻧﺎ << ﺇﻳﻤﺎﻥ ﺃﻣﺘﻲ ﺍﻟﻌﺮﺏ ﻳﺒﻮ ﻳﺠﻮ ﻗﻠﺘﻲ ؟
ﺇﻳﻤﺎﻥ << ﺑﻌﺪ ﺑﻜﺮﺍ
ﺧﺎﻟﺪ << ﻛﻨﻚ ؟
ﺍﻧﺎ << ﻻ ﻏﻴﺮ ﻧﺒﻴﻚ ﺗﻘﻮﻟﻠﻴﻬﻢ ﻣﻮﺍﻓﻘﻪ ﻣﻦ ﺗﻮﺍ
ﺇﻳﻤﺎﻥ << ﻟﻮﻟﻮﻟﻮﻟﻮﻟﻲ
ﺯﻳﻨﺐ << ﺑﺸﻪ 😒
ﻭﺩﺍﺩ << ﺗﻲ ﻛﻨﻚ ﻣﺴﺘﻌﺠﻠﻪ ﻓﻜﺮﻱ ﻉ ﻣﻬﻠﻚ
ﺧﺎﻟﺪ << ﺳﻜﺮﻱ ﻓﻤﻚ ﺍﻧﺘﻲ ﻭﻳﺎﻫﺎ ﺧﻼﺹ ﺣﻄﺖ ﻋﻘﻠﻬﺎ ﻓﻲ ﺭﺃﺳﻬﺎ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ
ﺍﻧﺎ << ﻭﻳﻦ ﺍﻟﻔﺴﺘﺎﻥ ﻧﺒﻲ ﺍﻧﺠﺮﺑﻪ؟
ﻣﺎﻣﺎ << ﻓﻲ ﺩﺍﺭﻱ ﻗﺎﻋﺪ
ﺣﻨﺎﻥ << ﺑﺸﻪ ﺭﺍﺟﻲ ﺑﺲ
ﺧﺎﻟﺪ << ﺑﻄﻠﻲ ﻟﻌﺐ ﻓﻲ ﺭﺃﺳﻬﺎ ﺣﺘﻲ ﺍﻧﺘﻲ
ﺣﻨﺎﻥ << ﻻ ﺍﺻﻼ ﻓﺮﺣﺎﻧﻪ ﻋﺸﺎﻧﻬﺎ ﺍﻧﺎ
ﺧﺸﻴﺖ ﻟﺪﺍﺭ ﻣﺎﻣﺎ ﻭ ﺧﺬﻳﺖ ﺍﻟﻔﺴﺘﺎﻥ ﻭ ﻣﺸﻴﺖ ﻧﺠﺮﺏ ﻓﻴﻪ
//
//
//
" ﻣﺤﻤﺪ "
ﺷﻠﺖ ﺍﻣﻲ ﻭ ﻓﺎﺗﻦ ﻭ ﻣﻨﺎﺭ ﻟﻠﺴﻮﻕ ﻭ ﻗﻌﺪﻧﺎ ﻳﺸﺮﻥ ﻓﻲ ﺣﺎﺟﺎﺕ ﻭ ﻣﺶ ﻓﺎﻫﻢ ﺍﻟﻤﻨﺎﺳﺒﻪ ﺷﻨﻮ ؟؟
ﻣﻦ ﻣﺤﻞ ﻟﻤﺤﻞ ﻭ ﻛﻞ ﻣﺮﻩ ﺍﻣﻲ ﺗﺘﺼﻞ ﺑﻮﺣﺪﻩ ﻭ ﺗﺄﺧﺬ ﻣﻨﻬﺎ ﻓﻲ ﻣﻘﺎﺱ
ﻗﻌﺪﻧﺎ ﺑﺮﺍ ﻋﻨﺪ ﻗﺮﻳﺐ ﺍﻟﻌﺼﺮ ﻭ ﺑﻌﺪﻫﺎ ﺭﻭﺣﺖ ﺑﻴﻬﻦ ﻟﻠﺤﻮﺵ
ﻋﺒﺪﺍﻟﻠﻪ << ﻫﺬﺍ ﻛﻠﻪ ﻓﻲ ﺍﻟﺴﻮﻕ ؟؟
ﻣﺮﺍﺩ << ﺷﻮﻑ ﺷﻮﻑ ﺟﺎﻳﺒﻴﻦ ﺍﻟﺴﻮﻕ ﻛﻠﻪ
ﺭﻣﺰﻱ << ﺧﻠﻴﻬﻦ ﻳﻔﺮﺣﻦ ﺷﻮﻳﻪ
ﻫﺒﻪ << ﺑﺎﻫﻲ ﺍﻟﻠﻲ ﺭﻭﺣﺘﻮ ﻣﻦ ﺑﺪﺭﻱ ﻧﺮﺍﺟﻲ ﻓﻴﻜﻦ
ﻓﺘﺤﻴﻪ << ﺃﻣﺘﻲ ﺟﻴﺘﻲ ﺍﻧﺘﻲ ؟
ﻫﺒﻪ << ﻣﻦ ﺳﺎﻋﻪ ﻫﻜﻲ
ﻓﺎﺗﻦ << ﺭﻣﺰﻱ ﺗﻌﺎﻝ ﻧﻮﺭﻳﻚ ﺷﻦ ﺷﺮﻳﺖ
ﺭﻣﺰﻱ << ﻫﻴﺎ ﻫﻲ
ﻣﺮﺍﺩ << ﻥ ﻉ ﻝ ﻱ ﺍ 😍
ﻣﺤﻤﺪ << ﺕ ﺡ ﺵ ﻡ 😂😍
ﺭﻣﺰﻱ << ﺗﺤﺸﻤﻮ ﺍﻧﺘﻮ ﺍﻻﺛﻨﻴﻦ
ﻣﺮﺍﺩ << ﺍﻧﺠﻲ ﻧﺘﻔﺮﺝ ﻣﻌﺎﻛﻢ ﺣﺘﻲ ﺍﻧﺎ 😂😍
ﻋﺒﺪﺍﻟﻠﻪ << ﻣﺮﺍﺩ
ﻣﺮﺍﺩ << ﺧﻼﺹ ﺳﻜﺘﺖ
ﻣﻨﺎﺭ << ﻫﺒﻪ ﺑﺤﺘﻲ ﺗﻲ ﺷﺮﻳﺖ ﻓﺴﺘﺎﻥ ﺣﺎﺟﻪ ﺧﻴﺎﻝ ﺑﻜﻞ
ﻫﺒﻪ << ﻓﻲ ﻣﻨﺎﺳﺒﻪ ﻣﻦ ﻭﺭﺍﻳﺎ ﻭ ﻻ ﻛﺴﺎﺩ ؟؟
ﻣﻨﺎﺭ << ﺑﻌﺪ ﺑﻜﺮﺍ ﻣﺎﺷﻴﻴﻦ ﻟﻌﺮﺏ ﺍﺣﻤﻴﺪﻩ 😍
ﻫﺒﻪ << ﻋﺮﺏ ﺷﻨﻮ ؟
ﻓﺘﺤﻴﻪ << ﺗﻌﺎﻟﻲ ﻭ ﺗﻮ ﻧﺤﻜﻴﻠﻚ
ﻣﺤﻤﺪ << ﺍﺣﻤﻴﺪﻩ ﻫﺬﺍ ﺍﻟﻠﻲ ﻫﻮﺍ ﺍﻧﺎ ﻣﺜﻼ ؟؟ 😂
ﻣﺮﺍﺩ << ﺗﻘﺮﻳﺒﺎ ﺍﻫﺎ 😂
ﻣﺤﻤﺪ << ﻉ ﺑﺮﻛﺔ ﺍﻟﻠﻪ ﻳﺎ ﺳﻲ 😂
ﻣﺮﺍﺩ << ﻋﻘﺒﺎﻟﻲ ﺃﻥ ﺷﺎﺀ ﺍﻟﻠﻪ 😂
ﻣﺤﻤﺪ << ﺃﻥ ﺷﺎﺀ ﺍﻟﻠﻪ 😂
\\
" ﻣﺤﻤﺪ "
ﺑﻌﺪ ﻳﻮﻣﻴﻦ ﻟﻘﻴﺖ ﺍﻣﻲ ﻭ ﺧﻮﺍﺗﻲ ﻭ ﻓﺎﺗﻦ ﻻﺑﺴﺎﺕ ﻭ ﻳﺮﺍﺟﻦ ﻓﻲ ﺭﻣﺰﻱ ﻋﺸﺎﻥ ﻳﺸﻴﻠﻬﻦ
ﺗﻲ ﺟﺪﻳﺎﺕ ﺍﻟﻤﻮﺿﻮﻉ ؟؟ ﻣﺸﻴﺖ ﻟﺪﺍﺭﻱ ﻭ ﻟﻘﻴﺖ ﺭﺍﻧﻴﺎ ﺗﺮﻥ ﺑﺲ ﻣﺎ ﻛﻨﺶ ﻋﻨﺪﻱ ﻟﻬﺎ ﺭﺃﺱ
ﻃﻠﻌﺖ ﻧﺒﻲ ﻧﺤﻜﻲ ﻣﻌﺎﻫﻢ ﺑﺲ ﻣﺎ ﻟﻘﻴﺘﻬﻤﺶ
ﺗﻲ ﻛﻴﻒ ﻳﺒﻮ ﻳﺨﻄﺒﻮﻟﻲ ﻭﺣﺪﻩ ﻣﺎ ﻧﻌﺮﻓﻬﺶ ﻭ ﻣﻦ ﺍﺻﻼ ﺍﻟﻠﻲ ﺗﺒﻲ ﺗﻮﺍﻓﻖ ﻉ ﻭﺍﺣﺪ ﻻ ﺗﻌﺮﻓﻪ ﻻ ﺷﻲ
ﻣﻮﺿﻮﻉ ﻓﺎﺿﻲ ﻭ ﻣﺶ ﺻﺎﻳﺮ ﻣﻨﻪ
ﻋﺒﺪﺍﻟﻠﻪ << ﺍﺣﻤﻴﺪﻩ ﻭﻳﻦ ﻣﺎﺷﻲ ؟
ﻣﺤﻤﺪ << ﺭﻥ ﻋﻠﻴﺎ ﺻﺎﺣﺒﻲ ﻭ ﻧﺒﻮ ﻧﻤﺸﻮ ﻝ ﺷﻲ ﻛﺎﻓﻲ
ﻋﺒﺪﺍﻟﻠﻪ << ﺑﺎﻫﻲ ﺑﺲ ﻣﺎ ﺍﻃﻮﻟﺶ ﻓﻲ ﺍﻟﻠﻴﻞ
ﻣﺤﻤﺪ << ﺣﺎﺿﺮ ﻭ ﺍﺻﻼ ﻩ ﻧﺘﻌﺸﻰ ﻫﻨﺎ ﻣﻌﺎﻛﻢ
ﻋﺒﺪﺍﻟﻠﻪ << ﺗﻤﺎﻡ ﺑﺎﻩ
ﻣﺤﻤﺪ << ﺗﺒﻲ ﺣﺎﺟﻪ ﻗﺒﻞ ﻣﺎ ﻧﻄﻠﻊ ؟
ﻋﺒﺪﺍﻟﻠﻪ << ﺧﻠﻴﻬﻢ ﻳﺪﻳﺮﻭﻟﻲ ﻓﻨﺠﺎﻥ ﻗﻬﻮﻩ
ﻣﺤﻤﺪ << ﻣﺎ ﻓﺶ ﺣﺪ ﺇﻻ ﺍﻟﺨﺪﺍﻣﻪ
ﻋﺒﺪﺍﻟﻠﻪ << ﻗﻮﻟﻠﻬﺎ ﺑﺎﻩ
ﻣﺤﻤﺪ << ﺑﺎﻩ
\\
\\
\\
ﻣﻦ ﺍﻟﺼﺒﺢ ﻛﻠﻨﺎ ﺭﺍﻛﺐ ﻓﻴﻨﺎ ﺍﻟﻨﺸﺎﻁ ﺍﻟﺰﺍﻳﺪ ﻭ ﻧﻮﺗﻮ ﻝ ﻫﺎﻟﻨﺎﺱ ﺗﻘﻮﻝ ﺟﺎﻳﻴﻦ ﻳﺨﻄﺒﻮ ﻓﻲ ﺍﻧﺠﻠﻴﻨﺎ ﺟﻮﻟﻲ
ﻫﻠﻲ ﻳﻮﺗﻮ ﻓﻲ ﺍﻟﻀﻴﺎﻓﻪ ﻭ ﺍﻧﺎ ﺧﺸﻴﺖ ﻧﻮﺗﻲ ﻓﻲ ﺭﻭﺣﻲ ﻭ ﻣﻌﺎﻳﺎ ﺣﻨﺎﻥ
ﺣﻨﺎﻥ << ﺧﻼﺹ ﻃﺸﺔ ﺭﻭﺝ ﻭ ﻧﻜﻤﻠﻮ
ﺍﻧﺎ << ﻧﺒﺶ ﻣﻨﻈﺮﻱ ﺍﻭﻓﺮ ﻋﺎﺩ
ﺣﻨﺎﻥ << ﻻﻻ ﻛﻞ ﺷﻲ ﺧﻔﻴﻒ ﻭ ﻳﻬﺒﻞ
ﺍﻧﺎ << ﻣﺶ ﻋﺎﺭﻓﻪ ﻓﻴﺶ ﻧﻔﻜﺮ ﺍﻟﻠﻲ ﻭﺍﻓﻘﺖ ﻫﻜﻲ
ﺣﻨﺎﻥ << ﻣﺶ ﺧﺎﺳﺮﻳﻦ ﺷﻲ ﻋﺎﺩﻱ ﻭ ﻛﺎﻥ ﻣﺎ ﻓﺶ ﻧﺼﻴﺐ ﻣﺶ ﻩ ﻳﺼﻴﺮ ﺷﻲ
ﺍﻧﺎ << ﻭ ﻧﻌﻢ ﺑﺎﻟﻠﻪ
ﻣﻊ ﺍﻟﺴﺎﻋﻪ 5 ﻫﻜﻲ ﺳﻤﻌﻨﺎ ﺍﻟﺠﺮﺱ ﻳﺮﻥ ﻭ ﻣﺸﺖ ﺇﻳﻤﺎﻥ ﺗﻔﺘﺢ ﻭ ﻃﻠﻌﺖ ﻣﻌﺎﻫﺎ ﻭﺩﺍﺩ ﻭ ﺍﺳﺘﻘﺒﻠﻮ ﺍﻟﻨﺎﺱ
ﻣﺎﻣﺎ << ﺍﻧﺴﺘﻮﻧﺎ ﺗﻔﻀﻠﻮ ﺗﻔﻀﻠﻮ
ﻓﺘﺤﻴﻪ << ﺍﻟﻠﻪ ﻳﺰﻳﺪ ﻓﻀﻠﻚ
ﺇﻳﻤﺎﻥ << ﻣﺮﺣﺒﺘﻴﻦ ﺑﻴﻜﻢ
ﻫﺒﻪ << ﺗﺴﻠﻤﻲ
ﻓﺘﺤﻴﻪ << ﻫﺬﻳﻦ ﺑﻨﺎﺗﻲ ﻫﺒﻪ ﻭ ﻣﻨﺎﺭ ﻭ ﻫﺬﻩ ﻓﺎﺗﻦ ﻣﺮﺍﺕ ﺍﻭﻟﺪﻱ ﺍﻟﻜﺒﻴﺮ ﺭﻣﺰﻱ
ﻣﺎﻣﺎ << ﺗﺸﺮﻓﻨﺎ ﻭ ﺭﺑﻲ ﻳﺤﻔﻈﻬﻦ ﺃﻥ ﺷﺎﺀ ﺍﻟﻠﻪ
ﻓﺘﺤﻴﻪ << ﺍﻟﻠﻪ ﻳﺴﻠﻤﻚ
ﻣﻨﺎﺭ << ﻭﻳﻦ ﺍﻟﻌﺮﻭﺱ 😍
ﻣﺎﻣﺎ << ﻣﺘﺤﺸﻤﻪ ﺷﻮﻳﻪ ﻭ ﺗﻮ ﺗﺠﻲ
ﻓﺘﺤﻴﻪ << ﻃﺒﻌﺎ ﻫﺬﻩ ﺇﻳﻤﺎﻥ ﻋﺮﻓﺘﻬﺎ ﻭ ﺍﻟﻠﻲ ﻣﻌﺎﻫﺎ ﻣﻦ ؟
ﻣﺎﻣﺎ << ﻫﺬﻩ ﻭﺩﺍﺩ ﺑﻨﺘﻲ ﺍﻟﻠﻲ ﺃﺻﻐﺮ ﻣﻦ ﺇﻳﻤﺎﻥ
ﻓﺘﺤﻴﻪ << ﻣﺎ ﺷﺎﺀ ﺍﻟﻠﻪ ﺭﺑﻲ ﻳﺤﻔﻈﻬﺎ ﻭ ﻳﺴﻠﻤﻬﺎ
ﻣﺎﻣﺎ << ﻭ ﺍﻫﻲ ﺟﺖ ﻛﻨﺘﻲ
ﺣﻨﺎﻥ << ﺧﻴﺮ ﻳﺎ ﻋﻤﺘﻲ ﻛﻴﻒ ﺣﺎﻟﻚ
ﻓﺘﺤﻴﻪ << ﺧﻴﺮ ﻳﺎ ﺍﺑﻨﻴﺘﻲ ﺍﻟﺤﻤﺪ ﻟﻠﻪ ﻛﻴﻒ ﺣﺎﻟﻚ ﺍﻧﺘﻲ ﻭ ﺣﺎﻝ ﺭﺍﺟﻠﻚ
ﺣﻨﺎﻥ << ﺍﻟﺤﻤﺪ ﻟﻠﻪ O.o
ﻣﺎﻣﺎ << ﻭﻳﻦ ﺑﺸﺮﻯ ؟
ﺣﻨﺎﻥ << ﺗﻮ ﺍﺗﺠﻲ ﻫﻲ
ﺳﻘﻤﺖ ﺭﻭﺣﻲ ﻭ ﺧﺬﻳﺖ ﺳﻔﺮﺓ ﺍﻟﻘﻬﻮﻩ ﻭ ﻭﺭﺍﻳﺎ ﺯﻳﻨﺐ ﺏ ﺍﻟﺤﻠﻮﻳﺎﺕ ﻭ ﺧﺸﻴﻨﺎ ﻟﻠﻤﺮﺑﻮﻋﻪ
ﻓﺘﺤﻴﻪ << ﺍﻟﺼﻼﻩ ﻉ ﺍﻟﻨﺒﻲ ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ
ﻣﻨﺎﺭ << ﻳﺎ ﺧﻴﺎ ﺗﻬﺒﻞ 😍
ﻫﺒﻪ << ﻋﺎﺩﻳﻪ ﻣﺎ ﻓﻴﻬﺎ ﺷﻲ ﺯﺍﻳﺪ
ﻓﺎﺗﻦ << ﻭﻃﻲ ﺻﻮﺗﻚ ﻋﻴﺐ
ﺍﻧﺎ << ﺗﻔﻀﻠﻲ ((:
ﻫﺒﻪ << ﺷﻜﺮﺍ
ﺍﻧﺎ << ﻋﻔﻮﺍ /: " ﻛﺎﻧﺖ ﺯﻳﻨﺐ ﺗﺪﻭﻟﻲ ﺑﺼﻮﺕ ﻭﺍﻃﻲ ﻭ ﺗﻘﻮﻟﻲ ﺃﻓﺮﺩﻱ ﻭﺟﻚ ﻭ ﺍﺑﺘﺴﻤﻲ "
ﻛﻤﻠﺖ ﺍﻟﻤﺪ ﻋﻠﻴﻬﻦ ﻭ ﺟﻴﺖ ﻧﺒﻲ ﻧﻄﻠﻊ ﺑﺲ ﻗﺎﻟﻮﻟﻲ ﻗﻌﻤﺰﻱ
ﺣﻄﻴﺖ ﻛﺮﺍﻉ ﻉ ﻛﺮﺍﻉ ﻭ ﻗﻌﻤﺰﺕ ﻭ ﻧﻮﺯﻉ ﻓﻲ ﻩ ﺍﻻﺑﺘﺴﺎﻣﺎﺕ ((:
ﻫﺒﻪ << ﺷﻜﻠﻚ ﺻﻐﻴﺮﻩ ؟؟
ﺣﻨﺎﻥ << ﺃﻫﺎ ﻣﻮﺍﻟﻴﺪ ﺍﻝ 95
ﻣﻨﺎﺭ << ﺣﻲ ﻧﻔﺴﻲ
ﻓﺘﺤﻴﻪ << ﺗﻘﺮﻱ ﻭ ﻻ ﻣﻮﻗﻔﻪ ؟
ﻣﺎﻣﺎ << ﻻ ﺗﻘﺮﺃ
ﻓﺘﺤﻴﻪ << ﻣﺎ ﺷﺎﺀ ﺍﻟﻠﻪ
ﻫﺒﻪ << ﺑﺲ ﻓﺎﺗﻦ ﺃﺣﻠﻰ
ﺍﻧﺎ << ﻧﻌﻢ ! " ﻭ ﺗﻨﺤﺖ ﻓﻴﻬﺎ ﻭ ﻓﻲ ﺳﺘﻲ ﻓﺎﺗﻦ ﻫﺬﻩ "
ﻓﺘﺤﻴﻪ << ﻭ ﺑﺎﻫﻲ ﻣﻦ ﺍﻟﻠﻲ ﻛﺎﻧﺖ ﻣﻊ ﺑﺸﺮﻯ ؟
ﻣﺎﻣﺎ << ﻫﺬﻩ ﺯﻳﻨﺐ ﺃﺻﻐﺮ ﻭﺣﺪﻩ ﻭ ﻫﻴﺎ ﻭ ﺑﺸﺮﻯ ﺑﻨﺎﺕ ﺍﻟﻤﺮﺣﻮﻣﻪ ﺃﻣﺎﻝ
ﻓﺘﺤﻴﻪ << ﺍﻟﻠﻪ ﻳﺮﺣﻤﻬﺎ
ﻣﻨﺎﺭ << ﻭﺍﺿﺢ ﺍﻟﺸﺒﻪ ﺑﻴﻨﺎﺗﻬﻦ
ﺣﻨﺎﻥ << ﺃﻫﺎ ﻧﺴﺨﺔ ﺧﺎﻟﺘﻲ ﺍﺻﻼ
ﻣﻨﺎﺭ << ﺑﺎﻫﻲ ﺍﺣﻜﻴﻠﻲ ﻋﻠﻴﻚ ﺷﻮﻳﺔ " ﻭ ﺟﺖ ﻗﻌﻤﺰﺕ ﺟﻨﺒﻲ "
ﺍﻧﺎ << ﻫﻬﻬﻬﻪ ﺷﻦ ﻧﺒﻲ ﻧﺤﻜﻲ
ﻣﻨﺎﺭ << ﺑﺎﻫﻲ ﻧﺤﻜﻴﻠﻚ ﺍﻧﺎ ﻉ ﺍﺣﻤﻴﺪﻩ
ﺍﻧﺎ << ﺍﺣﻤﻴﺪﻩ ﻣﻦ ؟
ﻓﺎﺗﻦ << ﻋﺮﻳﺴﻚ 😂
ﺍﻧﺎ << ﺃﻫﺎ // ﻳﺎ ﻣﺮﺣﺒﺘﻴﻦ 😒 😂
ﻣﻨﺎﺭ << ﻧﺤﺲ ﻓﻴﻜﻢ ﺗﻤﺸﻮ ﻉ ﺑﻌﻀﻜﻢ 😂
ﺍﻧﺎ << ﺃﻫﺎ ﺍﺻﻼ ﺍﻧﺎ ﺑﻠﻮﺯﻩ ﻭ ﻫﻮﺍ ﺳﺮﻭﺍﻝ ﻭ ﺍﻷﻟﻮﺍﻥ ﻣﺎﺷﻴﺎﺕ ﻉ ﺑﻌﻀﻬﻦ 😂
ﻛﻠﻬﻢ ﺳﻜﺘﻮ ﻭ ﺍﻧﺎ ﻧﺴﻬﻮﻙ ﻭ ﻧﺴﻜﺖ ﺷﻮﻳﻪ ﻭ ﻧﺮﺩ ﻧﻀﺤﻚ ﺑﺪﻣﻮﻋﻲ 😂 ﻋﻨﺪ ﻓﻨﺼﺖ ﻣﺎﻣﺎ ﻓﻴﺎ ﻭ ﺻﺒﻴﺖ ﻃﻠﻌﺖ
ﻣﻌﺶ ﻭﺭﻳﺖ ﻭﺟﻲ ﻟﻨﺎﺱ ﻭ ﺑﻌﺪ ﺳﺎﻋﺘﻴﻦ ﻫﻜﻲ ﺭﻭﺣﻮ
ﻧﺰﻝ ﺧﺎﻟﺪ ﻣﻦ ﻓﻮﻕ ﻭ ﻳﻘﺼﻘﺺ ﻛﻴﻒ ﺍﻟﺼﺒﺎﻳﺎ
ﺧﺎﻟﺪ << ﺷﻦ ﺻﺎﺭ ﻣﻊ ﺍﻟﻨﺎﺱ ؟
ﻣﺎﻣﺎ << ﻣﺎ ﺍﻧﻈﻨﻲ ﻳﺮﺩﻭ ﺑﻌﺪ ﺿﺤﻚ ﺍﺧﺘﻚ
ﺧﺎﻟﺪ << ﺑﺸﺮﻯ ؟ 😂
ﺇﻳﻤﺎﻥ << ﻫﻮﺁ ﻓﻲ ﻏﻴﺮﻫﺎ ﺩﻳﻤﺎ ﻣﻔﻀﺤﻪ ﺑﻴﻨﺎ
ﺣﻨﺎﻥ << ﺗﻲ ﻭ ﺣﻖ ﺭﺑﻲ ﻣﺶ ﻋﺎﺭﻓﻪ ﻛﻴﻒ ﻣﺴﻜﺖ ﺭﻭﺣﻲ ﺍﻧﺎ 😂
ﺃﻳﻬﻢ << ﺗﻮﺍ ﻓﻲ ﻭﺣﺪﻩ ﺗﻀﺤﻚ ﻗﺪﺍﻡ ﺍﻟﻌﺮﺏ ﺍﻟﻠﻲ ﻳﺒﻮﻫﺎ ؟ ﻉ ﺣﺪ ﻋﻠﻤﻲ ﺍﻟﺒﻨﺖ ﺗﻜﻮﻥ ﻣﺘﺤﺸﻤﻪ
ﻭﺩﺍﺩ << ﺯﻣﺎﻥ ﺍﻟﺪﻭﻩ ﻫﺬﻩ 😂
ﺯﻳﻨﺐ << ﺗﻲ ﺍﻧﺘﻲ ﺷﻔﺘﻲ ﺑﻨﺘﻬﻢ ﺍﻟﻜﺒﻴﺮﻩ ﻛﻴﻒ ﺗﺒﺤﺖ
ﺇﻳﻤﺎﻥ << ﻧﺮﻓﺰﺗﻨﻲ ﺣﺘﻲ ﺍﻧﺎ ﻣﺶ ﻋﺎﺟﺒﻬﺎ ﺷﻲ
ﺣﻨﺎﻥ << ﺑﺲ ﻣﻨﺎﺭ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ ﻭ ﺣﺘﻲ ﻛﻨﺘﻬﻢ ﻛﻮﻳﺴﻪ ﺷﻜﻠﻬﺎ
ﺧﺎﻟﺪ << ﻭﻳﻨﻬﺎ ﺑﺸﺮﻯ ﺑﺎﻩ ؟
ﺍﻧﺎ << ﻧﻌﻢ ﺁﻫﻮ ﺟﻴﺖ
ﺧﺎﻟﺪ << ﻟﻴﺶ ﻛﻨﺘﻲ ﺗﻀﺤﻜﻲ ﻗﺪﺍﻡ ﺍﻟﻨﺎﺱ ؟
ﺍﻧﺎ << ﻓﺮﺣﺎﻧﻪ ﻋﺎﺩ ﻣﺤﺼﻠﻪ ﻋﺮﻳﺲ
ﺃﻳﻬﻢ << 😂 😂
ﺧﺎﻟﺪ << ﺗﺒﻴﻨﻲ ﻧﻨﻔﺼﻞ ﻋﺸﺎﻥ ﺍﻧﺼﺒﻲ ﻧﻀﺮﺑﻚ ﺑﺲ ﻣﺶ ﻩ ﻧﻌﺪﻝ ﻋﻠﻴﻚ
ﺣﻨﺎﻥ << ﺭﺑﻲ ﻳﺪﻭﻡ ﻋﻠﻴﻚ ﺍﻟﻌﻘﻞ
ﺧﺎﻟﺪ << ﺍﻟﻤﻬﻢ ﺑﻌﺪ ﻳﺮﺩﻭ ﺍﻟﻌﺮﺏ ﻋﻠﻴﻜﻢ ﺷﻦ ﻩ ﻳﺼﻴﺮ
ﺍﻧﺎ << ﻗﺒﻞ ﺷﻦ ﻩ ﻳﺼﻴﺮ ﻋﻨﺪﻱ ﺷﺮﻁ ﻗﺒﻞ
ﺧﺎﻟﺪ << ﺷﺮﻁ ﺷﻨﻮ ؟؟
# ﻳﺘﺒﻊ . . .
هيا ع نبي اكتر تفاعل حبايبي
# رواية_ﺯﻭﺍﺝ_تقليدي
.
حفيدة نيوتن😎🔥
تنزيل وتصميم الغلافات: Rahafaltaher7
