💞زواج تقليدي💞
# ﺍﻟﺤﻠﻘﻬﻪ ﺍﻟﺜﺎﻣﻨﺔ ﻭ ﺍﻷﺭﺑﻌﻮﻥ 🌸
ﻣﺤﻤﺪ << ﺧﻼﺹ ﻫﻴﺎ ﺷﻮﺭ ﺍﻟﺴﻴﺎﺭﻩ
ﺍﻧﺎ << ﺷﻮﻑ ﺍﻟﻤﺤﻞ ﻫﺬﺍ 😍
ﻣﺤﻤﺪ << ﺑﺸﺮﻯ // ﻣﺶ ﻩ ﻧﺨﺸﻮ ﻫﻴﺎ
ﺍﻧﺎ << ﻧﺘﻔﺮﺟﻮ ﺑﺲ 😍😍
ﻣﺤﻤﺪ << ﺑﺸﺮﺭﺭﻯ ﺍﺳﻤﻌﻲ ﺍﻟﻜﻼﻡ ! ؟
ﺍﻧﺎ << ﺍﻧﻼ ﺑﻨﺨﺶ " ﻭ ﻣﺸﻴﺖ ﺷﻮﺭ ﺍﻟﻤﺤﻞ ﻭ ﻓﺘﺤﺖ ﺍﻟﺒﺎﺏ ﻭ ﺧﺸﻴﺖ "
ﺟﺎ ﻭﺭﺍﻳﺎ ﻉ ﻃﻮﻝ ﻭ ﺍﻭﻝ ﻣﺎ ﺧﺶ ﻣﺤﻤﺪ ﻟﻘﻰ ﻋﻠﻲ ﺻﺎﺣﺒﻪ ﻭ ﻣﺸﻰ ﺷﻮﺭﻩ
ﻣﺤﻤﺪ << ﺍﻭﻭﻭﻭ ﻋﻠﻴﻮﻩ / ﻳﺎ ﻣﺮﺣﺒﺎ
ﻋﻠﻲ <~ ﻣﺮﺣﺒﺘﻴﻦ ﻣﺮﺣﺒﺘﻴﻦ / ﻡ ﺗﻘﻮﻟﻬﺶ ؟؟ 😂
ﻣﺤﻤﺪ << ﺷﻦ ﻫﻲ ﺍﻟﻠﻲ ﻡ ﻧﻘﻮﻟﻬﺶ ! 😂
ﻋﻠﻲ << ﻧﻘﻮﻟﻮ ﻣﺒﺮﻭﻙ ﻳﻌﻨﻲ ! 😂😍 ﻩ ﺗﻘﻌﺪ ﺑﺎﺕ ؟ !
ﻣﺤﻤﺪ << ﻩ ﻧﻘﻌﺪ ﻋﻴﻨﻚ 😂🙄
ﻋﻠﻲ << ﺍﻣﺎﻻ ﺷﻦ ﺃﺩﻳﺮ ﻫﻨﺎ ! ؟
ﻣﺤﻤﺪ << ﺍﻟﻤﺪﺍﻡ ﺗﺒﻲ ﺍﺗﻔﺮﺝ
ﻋﻠﻲ << ﻭﺍﺿﺤﻪ ﻭﺍﺿﺤﻪ 🌚
ﻣﺤﻤﺪ << ﻛﻴﻒ ﻭﺍﺿﺤﻪ ؟؟
ﻋﻠﻲ << ﺧﺎﻃﺮﻫﺎ ﻓﻲ ﻋﻴﻞ ﻭﺍﺿﺤﻪ 😂
ﻣﺤﻤﺪ << ﺳﻜﺮ ﻓﻤﻚ 🙄 / ﺟﺎﻱ ﺗﺸﺮﻱ ﻗﺼﺪﻙ ؟
ﻋﻠﻲ << ﻻﻻ ﺟﺎﻱ ﻧﺪﻓﻊ ﺑﺲ 😂 ﺍﻟﻤﺪﺍﻡ ﻏﺎﺩﻱ ﺗﻲ ﻣﻦ ﺃﻭﻝ ﺷﻬﺮ ﻭ ﻧﺤﻦ ﻧﺸﺮﻭ ﻣﻌﺶ ﻛﻤﻞ ﻫﺎﻟﻤﻮﺍﻝ 🌚
ﻣﺤﻤﺪ << ﻉ ﺧﻴﺮ ﻭ ﺳﻼﻣﻪ ﺍﻥ ﺷﺎﺀ ﺍﻟﻠﻪ 😂 ﻧﻤﺸﻲ ﻧﺸﻮﻓﻬﺎ ﻭﻳﻦ ﻣﺸﺖ ﻫﺎﻟﻬﺒﻠﻪ
ﻛﻨﺖ ﻧﺒﺮﻡ ﻑ ﺍﻟﻤﺤﻞ ﻭ ﻋﻴﻮﻧﻲ ﻗﺮﻳﺐ ﻳﻄﻠﻌﻦ 😍 ﻭ ﺗﻨﺤﺖ ﻓﻲ ﻭﺣﺪﻩ ﺣﺎﻣﻞ ﺗﻬﺒﻞ ﻭ ﻫﻲ ﺗﺨﺘﺎﺭ ﻓﻲ ﺩﺑﺶ ﺍﻟﺒﻴﺒﻲ ﻭ ﺷﻜﻠﻬﺎ ﻩ ﺗﺠﻴﺐ ﺑﻨﻮﺗﻪ ️❤
ﻓﻄﻨﺘﻠﻲ ﻭ ﺍﻧﺎ ﻧﺒﺤﺖ ﻓﻴﻬﺎ ﻭ ﺟﺖ ﺷﻮﺭﻱ ﻭ ﻓﻲ ﻧﻔﺲ ﺍﻟﻠﺤﻈﻪ ﺟﺎ ﻣﺤﻤﺪ
ﻣﺤﻤﺪ << ﻫﻴﺎ !
ﺍﻧﺎ << ﺗﻌﺎﻝ ﺷﻮﻑ ﺍﻟﺪﺑﺶ ﻣﺤﻼﻩ ﻳﻬﺒﻞ ﺑﻜﻞ 😍
ﻋﻠﻲ << ﻧﻮﺭﺍ ﺷﻦ ﻛﻤﻠﺘﻲ ؟ !
ﻧﻮﺭﺍ << ﺍﻫﺎ ﺧﻼﺹ / ﺷﻦ ﺭﺃﻳﻚ ﻓﻲ ﻫﺬﻩ ؟
ﻋﻠﻲ << ﺳﻤﺤﻪ ﺳﻤﺤﻪ // ﻣﺤﻤﺪ ؟ ﺑﺸﺮﻯ ﻭ ﻻ ﻻ ؟
ﻣﺤﻤﺪ << ﺍﻫﺎ ﺍﻫﺎ 😌
ﻋﻠﻲ << ﺑﺎﻫﻲ ﺍﻟﻠﻲ ﺷﻔﻨﺎﻫﺎ ) ﻛﻴﻒ ﺣﺎﻟﻚ ؟ !
ﺍﻧﺎ << ﺍﻟﺤﻤﺪﻟﻠﻪ ﺗﻤﺎﻡ
ﻣﺤﻤﺪ << ﻫﺬﺍ ﻋﻠﻲ ﺍﻟﻠﻲ ﺣﻜﻴﺘﻠﻚ ﻋﻠﻴﻪ
ﺍﻧﺎ << ﺍﻫﺎ / ﺍﻫﻠًﺎ
ﻋﻠﻲ << ﻭ ﻫﺬﻩ ﻧﻮﺭﺍ
ﺍﻧﺎ << ﺍﻫﻠﻴﻦ ﻭ ﻣﺒﺮﻭﻙ 😍
ﻧﻮﺭﺍ << ﺍﻫﻠﻴﻦ ﺑﻴﻚ ️☺ ﺍﻟﻠﻪ ﻳﺒﺎﺭﻙ ﻓﻴﻚ 💚
ﻫﺪﺭﺯﺕ ﺍﻧﺎ ﻭﻳﺎﻫﺎ ﺷﻮﻳﻪ ﻭ ﺧﺬﻳﻨﺎ ﺍﺭﻗﺎﻡ ﺑَﻌﻀُﻨَﺎ ﺑﻌﺪﻫﺎ ﻃﻠﻌﻨﺎ
ﺭﻛﺒﻨﺎ ﺍﻟﺴﻴﺎﺭﻩ ﻭ ﻗﻌﺪﻧﺎ ﺳﺎﻛﺘﻴﻦ ﻧﺤﻦ ﺍﻻﺛﻨﻴﻦ ﻋﻨﺪ ﺧﻄﻤﻨﺎ ﻉ ﻣﺤﻞ ﻭ ﺩﺭﺱ ﻣﺤﻤﺪ ﻓﺠﺎﻩ
ﺍﻧﺎ << ﻟﻴﺶ ﺩﺭﺳﺖ ؟
ﻣﺤﻤﺪ << ﺗﺬﻛﺮﻱ ﺍﻟﻤﺤﻞ ﻫﺬﺍ ؟ " ﻭ ﻗﻌﺪ ﻳﻀﺤﻚ "
ﺍﻧﺎ << " ﺑﺤﺘﺖ ﻑ ﺍﻟﻤﺤﻞ ﻭ ﺑﺤﺘﺖ ﻓﻴﻪ " ﻻﻻ
ﻣﺤﻤﺪ << ﺭﻛﺰﻱ ﺷﻮﻳﻪ 😂
ﺍﻧﺎ << " ﺑﺤﺘﺖ ﻑ ﺍﺳﻢ ﺍﻟﻤﺤﻞ ﻭ ﻓﺘﺤﺖ ﻓﻤﻲ " ﻣﺘﺎﻉ ﺳﺒﻮﻭﻭﻭﻭﻧﺞ ﺑﻮﻭﻭﻭﻭﺏ 😂😅 " ﺳﻜﺘﺖ ﺷﻮﻳﻪ " ﻗﺼﺪﻙ ﻛﺎﻧﺖ ﻣﻨﻚ ﺍﻧﺖ ؟ ! 😳
ﻣﺤﻤﺪ << ﺍﻫﺎ ﻭ ﺍﻟﻐﺮﻳﺐ ﺍﻧﻚ ﻗﻌﺪﺗﻲ ﺗﻠﺒﺴﻲ ﻓﻴﻬﺎ ﻭﻗﺘﻬﺎ ﺑﺪﻭﻥ ﻣﺎ ﺗﺴﺎﻟﻲ ﻣﻦ ﺍﻟﻠﻲ ﺟﺎﺑﻬﺎ ﻟﻚِ
ﺍﻧﺎ << ﻳﻮﻣﻬﺎ ﺟﺒﺖ ﻣﻨﺎﺭ ﺍﻧﺖ ﻭ ﻗﻠﺖ ﺑﺎﻟﻚ ﻣﻨﻬﺎ
ﻣﺤﻤﺪ << ﺷﻜﻠﻲ ﻃﺤﺖ ﻣﻦ ﻳﻮﻣﻬﺎ
ﺍﻧﺎ << ﻭ ﻋﻠﻴﺶ ؟ 🙊
ﻣﺤﻤﺪ << ﻣﺎ ﻗﺪﺭﺗﺶ ﻧﺮﻭﺡ ﺍﻻ ﻭ ﺍﻧﺎ ﻭﺃﺧﺬﻫﺎ ﻟﻚِ
ﺍﻧﺎ << ﻛﻨﺖ ﻃﺎﻣﻊ ﻓﻴﺎ ﻣﻦ ﺍﻻﻭﻝ ﺍﻣﺎﻻ 😒
ﻣﺤﻤﺪ << ﻃﻴﺢ ﺳﻌﺪﻙ 😂🌚
ﻛﻤﻠﻨﺎ ﻃﺮﻳﻘﻨﺎ ﻭ ﺧﺬﻳﻨﺎ ﺳﻨﺪﻭﺗﺸﺎﺕ ﻣﻦ ﺍﻟﻤﻄﻌﻢ ﻭ ﺗﻌﺸﻴﻨﺎ ﻓﻲ ﺍﻟﺴﻴﺎﺭﻩ ﺑﻌﺪﻫﺎ ﺭﻭﺣﻨﺎ ﻟﻠﻔﻴﻼ
ﻟﻘﻴﻨﺎﻫﻢ ﻳﺘﻌﺸﻮ ﻛﻠﻬﻢ / ﻗﻌﻤﺰﻧﺎ ﻉ ﺍﻟﺼﺎﻟﻮﻥ ﺍﻧﺎ ﻭ ﻣﺤﻤﺪ
ﻓﺘﺤﻴﻪ << ﻛﻨﻜﻢ ﻃﻮﻟﺘﻮ ؟
ﻣﺤﻤﺪ << ﺑﺮﻣﻨﺎ ﺷﻮﻳﻪ ﻭ ﺗﻌﺸﻴﻨﺎ ﻭ ﺃﻫﻮ ﺟﻴﻨﺎ
ﻋﺒﺪﺍﻟﻠﻪ << ﻣﺤﻤﺪ ﻧﺒﻴﻚ ﻓﻲ ﺍﻟﻤﻜﺘﺐ
ﻣﺤﻤﺪ << ﺣﺎﺿﺮ
ﺻﺒﻰ ﻋﻤﻲ ﻭ ﻭﺭﺍﻩ ﻣﺤﻤﺪ ﻭ ﺍﻧﺎ ﻣﺸﻴﺖ ﻟﻄﺎﻭﻟﺔ ﻧﺎﺧﺬ ﻓﻲ ﻃﺎﺳﺔ ﻋﺼﻴﺮ
ﻓﺎﺗﻦ << ﻛﻴﻒ ﺗﻌﺸﻴﺘﻮ ﺑﻼ ﻋﺼﻴﺮ !
ﺍﻧﺎ << ﻻ ﺷﺮﺑﻨﺎ ﻏﻴﺮ ﻫﺬﺍ ﺟﺎ ﻓﻲ ﺧﺎﻃﺮﻱ
ﻓﺘﺤﻴﻪ << ﺭﺍ ﺗﻜﻮﻧﻲ ﺣﺎﻣﻞ
ﻓﺎﺗﻦ << ﺣﺎﻣﻞ ؟؟
ﻓﺘﺤﻴﻪ << ﻫﺬﺍ ﻟﻴﺶ ﻃﻮﻟﺘﻮ ﺻﺎﺡ ؟ ﺩﺭﺗﻲ ﺗﺤﺎﻟﻴﻞ ؟
ﻓﺎﺗﻦ << ﻭ ﻛﻨﻚ ﻣﺎ ﺗﻘﻮﻟﻲ ﻣﺎ ﻋﻨﺪﻙ ﻟﻴﺶ ﺧﺎﻳﻔﻪ ﻣﺎ ﺣﺪ ﻩ ﻳﺤﺴﺪﻙ
ﻣﻨﺎﺭ << ﻭﺳﻌﻦ ﺑﺎﻟﻜﻦ ﻋﻠﻴﻬﺎ 🙄
ﻭﺧﺮ ﺭﻣﺰﻱ ﺍﻟﻜﺮﺳﻲ ﻭ ﺻﺒﻰ ﻃﻠﻊ ﺑﺮﺍ / ﻭ ﻣﺮﺍﺩ ﻛﻤﻞ ﺍﻭﻛﺎﻟﻪ
ﻓﺘﺤﻴﻪ << ﺍﺣﻜﻲ ﻛﻨﻚ ﺳﺎﻛﺘﻪ
ﺍﻧﺎ << ﻣﺶ ﺣﺎﻣﻞ ﻳﺎ ﻋﻤﺘﻲ 🙄
ﻓﺘﺤﻴﻪ << ﻭ ﻟﻴﺶ ؟؟
ﻣﺮﺍﺩ << ﺷﻦ ﻫﻮﺍ ﺍﻟﻠﻲ ﻟﻴﺶ ؟ ﺗﺒﻮ ﺗﺨﺸﻮ ﺣﺘﻲ ﻑ ﺣﺎﺟﻪ ﻛﻴﻒ ﻫﺬﻩ ! ؟ " ﻭ ﺧﺒﻂ ﺍﻟﻜﺎﺷﻴﻚ ﻭ ﺻﺒﻰ "
ﻣﻨﺎﺭ << ﺻﺪﻕ ﻭ ﺍﻟﻠﻪ 😕
ﻓﺎﺗﻦ << ﻭ ﻫﻮﺍ ﻟﻴﺶ ﻭﻟﻊ ﺑﺮﻭﺣﻪ ﻳﻌﻨﻲ ﻣﺶ ﻋﺎﺭﻓﻪ ﺷﻦ ﺻﺎﻳﺮ ﻣﻌﺎﻛﻢ ﺑﺲ ﻣﻌﺶ ﺣﺪ ﻣﺘﺤﻤﻞ ﻛﻠﻤﻪ ﻣﻦ ﻵﺧﺮ " ﻭ ﺻﺒﺖ ﻭ ﺭﻛﺒﺖ ﻓﻮﻕ "
ﻓﺘﺤﻴﻪ << ﺻﺒﻴﻠﻨﺎ ﻃﺎﺳﺔ ﺷﺎﻫﻲ
ﻣﻨﺎﺭ << ﺍﻧﻠﻢ ﺍﻟﺘﺒﺎﺳﻲ ﺷﻮﻳﻪ ﺑﺲ
ﺍﻧﺎ << ﺗﻮ ﻧﻤﺸﻲ ﺍﻧﺎ
ﺭﺩ ﻣﻦ ﻋﻨﺪ ﺍﻟﺒﺎﺏ
ﻣﺮﺍﺩ << ﺩﻳﺮﻭ 3 ﻓﻨﺎﺟﻴﻦ ﻗﻬﻮﻩ
ﻣﻨﺎﺭ << ﻣﻦ ﻣﻌﺎﻛﻢ ؟
ﻣﺮﺍﺩ << ﺭﺅﻭﻑ ﻭ ﻣﺎ ﻓﺶ ﺩﺍﻋﻲ ﻭﺣﺪﻩ ﻓﻴﻜﻦ ﺗﻄﻠﻊ
ﻣﻨﺎﺭ << ﺑﺸﺮﻯ ﻭ ﺍﻟﻨﺒﻲ ﺩﻳﺮﻱ ﻣﻌﺎﻙ ﻗﻬﻮﻩ
ﺍﻧﺎ << ﺍﻭﻙِ
ﻣﺸﻴﺖ ﺳﺨﻨﺖ ﺍﻟﺸﺎﻫﻲ ﻭ ﺣﻄﻴﺖ ﺍﻟﻘﻬﻮﻩ ﻉ ﺍﻟﻨﺎﺭ
ﻭﺗﻴﺖ ﺍﻟﺴﻔﺮﻩ ﻭ ﺣﻄﻴﺖ ﺗﺒﺴﻲ ﺣﻠﻮﻳﺎﺕ ﻭ ﺻﺒﻴﺖ ﺍﻟﻘﻬﻮﻩ ﻓﻲ ﺍﻟﻔﻨﺎﺟﻴﻦ ﻭ ﻃﻠﻌﺖ ﻟﺼﺎﻟﻪ
ﻛﺎﻥ ﻣﺤﻤﺪ ﻃﺎﻟﻊ ﻣﻦ ﺍﻟﻤﻜﺘﺐ ﻭ ﻟﻤﺎ ﺷﺎﻓﻨﻲ ﻗﻌﺪ ﻳﻀﺤﻚ
ﺍﻧﺎ << 😒🙄
ﻣﻨﺎﺭ << ﻣﺤﻤﺪ ﺧﻮﺫ ﺍﻟﺴﻔﺮﻩ ﻭ ﻻ ﻛﻠﻢ ﻣﺮﺍﺩ
ﻣﺤﻤﺪ << ﺧﺎﻳﻒ ﺍﻧﻄﻴﺤﻬﺎ 😂
ﺍﻧﺎ << ﺳﻤﺎﻃﻪ ﻫﺬﻩ ﺭﺍﻩ 😂🌚
ﻣﺤﻤﺪ << ﺑﺲ ﻣﻨﻈﺮﻙ ﻳﻮﻣﻬﺎ ﻡ ﻛﻨﺶ ﺳﺎﻣﻂ ﺑﻜﻞ 😂
ﺍﻧﺎ << ﺑﺎﻫﻲ ﻭ ﺑﻌﺪﻫﺎ 😒 ﺧﻮﺫ ﺍﻟﺴﻔﺮﻩ ﺍﻟﻮﺟﻪ ﻩ ﻳﺤﻮﻝ 🙄
ﻣﺤﻤﺪ << ﻭ ﻛﻨﻚ ﻣﺎ ﺗﻤﺸﻲ ﺑﺮﻭﺣﻚ ﻭ ﻻ ﺧﺎﻳﻔﻪ ﺗﻘﻠﺒﻴﻬﺎ 😂🌚
ﻣﻨﺎﺭ << ﺭﺅﻭﻑ ﺑﺮﺍ ﻭ ﻣﺮﺍﺩ ﻗﺎﻝ ﻡ ﺗﻄﻠﻌﻨﺶ
ﻣﺤﻤﺪ << ﺍﻫﺎ / ﻫﺎﺗﻴﻬﺎ ﺑﺎﻩ
ﺍﻧﺎ << ﺟﻴﺐ ﺍﻟﻜﻴﺲ ﻣﻌﺎﻙ ﻣﻦ ﺍﻟﺴﻴﺎﺭﻩ ﺑﺎﻟﻤﺮﻩ
ﻣﺤﻤﺪ << ﻛﺜﺮﺗﻲ ﺭﺍ 😌
ﻣﺸﻴﺖ ﺟﺒﺖ ﺍﻟﺸﺎﻫﻲ ﻟﻌﻤﻲ ﻭ ﻋﻤﺘﻲ ﻭ ﻟﻤﻴﺖ ﺍﻟﻄﺎﻭﻟﻪ ﻣﻊ ﻣﻨﺎﺭ ﻭ ﺭﻛﺒﺖ ﻓﻮﻕ ﻏﻴﺮﺕ ﺍﺩﺑﺸﻲ ﻭ ﻟﺒﺴﺖ ﺗﻮﺗﺔ ﺳﺒﻮﻧﺞ ﺑﻮﺏ 😂
ﻣﺤﻤﺪ << ﺑﺸﺸﺘﻲ ﻭﻳﻨﻚ " ﻭ ﻳﺴﻜﺮ ﻓﻲ ﺍﻟﺒﺎﺏ
ﺍﻧﺎ << ﻫﻨﺎ ﻫﻨﺎ ﻓﻲ ﺍﻟﺪﺍﺭ
ﻣﺤﻤﺪ << ﻗﻌﺪﺕ ﻧﻬﺪﺭﺯ ﻣﻌﺎﻫﻢ ﻭ ﺧﺸﻴﺖ ﻧﺤﺴﺎﺑﻚ ﻣﺎﺯﻟﺘﻲ ﻟﻮﻃﺎ " ﻭ ﺧﺶ ﻟﺪﺍﺭ "
ﺍﻧﺎ << ﻛﻤﻠﺖ ﻣﻊ ﻣﻨﺎﺭ ﻭ ﺭﻛﺒﺖ
ﻣﺤﻤﺪ << ﺍﻭﻭﻭﻭ ﻉ ﺍﻟﻄﺮﺣﺎﺕ 😂 " ﻭ ﺣﻂ ﺍﻟﻜﻴﺲ ﻉ ﺍﻟﺴﺮﻳﺮ "
ﺍﻧﺎ << ﺧﻄﺮﻫﺎ ﺑﻜﺮﺍ ﻧﺒﻲ ﻧﻤﺸﻲ ﻟﻠﺠﺎﻣﻌﻪ ﺭﺍﻩ
ﻣﺤﻤﺪ << ﻋﻠﻴﺶ ؟
ﺍﻧﺎ << ﻛﻴﻒ ﻋﻠﻴﺶ / ﻟﻴﺎ ﺍﻳﺎﻡ ﻣﻌﺶ ﻣﺸﻴﺖ
ﻣﺤﻤﺪ << ﺿﺮﻭﺭﻱ ﻳﻌﻨﻲ ؟
ﺍﻧﺎ << ﺍﻫﺎ " ﻭ ﺻﺒﻴﺖ ﻭ ﻣﺸﻴﺖ ﺷﻮﺭﻩ "
ﻣﺤﻤﺪ << ﺑﺎﻫﻲ ﻭﻳﻦ ﻉ ﺍﻟﺴﻤﺎﺣﻪ ﻫﺬﻩ 😍 " ﻭ ﻗﺮﺏ ﻣﻨﻲ "
ﺍﻧﺎ << ﺑﻄﻞ ﻃﺮﻭﺡ ﺩﻳﻤﺎ ﺳﻤﺤﻪ 🙄
ﻣﺤﻤﺪ << ﻣﺎ ﻓﺶ ﺃﻣﻞ ﻓﻴﻚ ﺑﻜﻞ 😂🌚
ﺍﻧﺎ << ﺑﺎﻫﻲ ﺑﻜﺮﺍ ﻩ ﻧﻤﺸﻲ ﻭ ﺗﻮ ﻧﻘﻮﻝ ﻝ ﻣﺮﺍﺩ ﺑﺎﻫﻲ
ﻣﺤﻤﺪ << ﻻﻻ ﺗﻮ ﻧﺸﻴﻠﻚ ﺍﻧﺎ ﻭ ﺗﺒﻲ ﺍﻟﺼﺮﺍﺣﻪ ﻱ ﺭﻳﺖ ﺗﻔﻮﺗﻴﻪ ﻣﻮﺿﻮﻉ ﺍﻟﻘﺮﺍﻳﻪ ﻫﺬﺍ
ﺍﻧﺎ << ﺃﻛﻴﺪﻩ ﺗﺒﺼﺮ ﺍﻧﺖ 🙄
ﻣﺤﻤﺪ << ﺗﻮ ﺷﻦ ﺗﺒﻲ ﺍﺩﻳﺮﻱ ﺑﻴﻬﺎ ﺍﻟﺸﻬﺎﺩﻩ ؟ " ﻭ ﻣﺴﻜﻨﻲ ﻣﻦ ﻳﺪﻱ ﻭ ﻗﻌﻤﺰﻧﻲ ﻉ ﺍﻟﺴﺮﻳﺮ "
ﺍﻧﺎ << ﺣﺘﻲ ﻟﻮ ﻡ ﻧﺒﻴﺶ ﻧﺪﻳﺮ ﺑﻴﻬﺎ ﺷﻲ ﺍﻫﻢ ﺣﺎﺟﻪ ﻳﻜﻮﻥ ﻋﻨﺪﻱ ﺷﻬﺎﺩﻩ ﻡ ﺗﻨﺪﺭﻳﺶ ﻉ ﺍﻟﺰﻣﺎﻥ ﺷﻦ ﺩﺍﺱ
ﻣﺤﻤﺪ << ﺑﺪﻳﻨﺎ ﻑ ﺩﻭﺓ ﺍﻟﻌﺰﺍﻳﺰ
ﺍﻧﺎ << ﻧﺤﻜﻲ ﺟﺪﻳﺎﺕ ﺗﻮ ﻳﻌﻨﻲ ﺑﻌﺪ ﻋﻤﺮ ﻃﻮﻳﻞ ﺍﻧﺖ ﻩ ﺗﻤﻮﺕ ﻭ ﺍﻧﺎ ﻩ ﻧﺮﺩ ﻟﺤﻮﺷﻨﺎ ﻑ ﻭﻗﺘﻬﺎ ﺃﻛﻴﺪﻩ ﻣﺶ ﻩ ﻧﺨﻠﻲ ﺑﺎﺑﺎ ﻳﺼﺮﻑ ﻋﻠﻴﺎ ﻭ ﻧﺸﺘﻐﻞ ﺑﺸﻬﺎﺩﺗﻲ
ﻣﺤﻤﺪ << ﻭ ﻧﻌﻤﻪ ﺍﻟﺘﻔﺎﺋﻞ 😕
ﺍﻧﺎ << ﺑﻌﻴﺪ ﺍﻟﺴﻮ ﻋﻠﻴﻚ ﺑﺲ ﻧﺤﻜﻲ ﻓﻲ ﺍﻟﻮﺍﻗﻊ
ﻣﺤﻤﺪ << ﻭﻗﺘﻬﺎ ﻣﺶ ﻩ ﺗﻄﻠﻌﻲ ﻣﻦ ﻫﻨﺎ
ﺍﻧﺎ << ﻻ ﻩ ﻧﺮﻭﺡ ﻟﻬﻠﻲ
ﻣﺤﻤﺪ << ﻭ ﻋﻴﺎﻟﻚ ﻟﻤﻦ ﻩ ﺗﺨﻠﻴﻬﻢ ؟
ﺍﻧﺎ << ﺧﻼﺹ ﻏﻴﺮ ﺍﻟﻤﻮﺿﻮﻉ
ﺳﻜﺘﺖ ﺷﻮﻳﻪ ﻭ ﺻﺒﻴﺖ ﻣﺸﻴﺖ ﺷﻮﺭ ﺍﻟﻤﺮﺍﻳﺎ ﻭ ﻫﻮﺍ ﻗﻌﺪ ﺳﺎﻛﺖ
ﺭﺩﻳﺖ ﻣﺴﻜﺖ ﻳﺪﻩ ﻭ ﺑﺤﺘﺖ ﻓﻲ ﻋﻴﻮﻧﻪ
ﺍﻧﺎ << ﻭﻗﺘﻬﺎ ﻩ ﻧﻤﻮﺕ ﺑﺪﻭﻧﻚ ﺭﺍﻩ 💔 " ﻭ ﻋﻴﻮﻧﻲ ﺩﻣﻌﻦ "
ﻣﺤﻤﺪ << ﺑﻄﻠﻲ ﺍﻫﺒﺎﻝ ﻭ ﺷﻦ ﺧﻄﺮﻫﺎ ﻋﻠﻴﻚ ﺗﺤﻜﻲ ﻉ ﺍﻟﻤﻮﺕ ﻫﻜﻲ ﺻﺒﻲ ﺻﺒﻲ ﺟﻴﺒﻲ ﺍﻟﻜﻴﺲ ﻧﻮﺭﻳﻚ ﺷﻦ ﺧﺬﻳﺖ ﺑﺪﺭﻱ
ﻋﻄﻴﺘﻪ ﺍﻟﻜﻴﺲ ﻭ ﻃﻠﻊ ﻣﻨﻪ ﺭﻭﺝ ﺍﺣﻤﺮ
ﺍﻧﺎ << ﺷﻦ ﻫﺬﺍ ؟ ! 😂
ﻣﺤﻤﺪ << ﻟﻮﻧﻪ ﻉ ﻓﻤﻚ ﻩ ﻳﻄّﻠﻊ ﻧﻌﻠﻴﺎ ﻭ ﺧﻼﺹ 💖😂
ﺍﻧﺎ << ﻫﺎﺕ ﻧﺠﺮﺑﻪ ﺑﺎﻩ " ﻭ ﺧﺬﻳﺘﻪ ﻣﻦ ﻳﺪﻩ ﻭ ﺻﺒﻴﺖ ﻋﻨﺪ ﺍﻟﻤﺮﺍﻳﺎ "
ﻣﺤﻤﺪ << ﻋﺴﻞ ﻱ ﺭﺑﻲ 😂 ﺗﻌﺎﻟﻲ ﻛﺬﺍ 😌
//
//
//
ﻧﻀﺖ ﺗﺎﻧﻲ ﻳﻮﻡ ﻗﺒﻠﻪ ﻭ ﺧﺬﻳﺖ ﺷﺎﻭﺭ ﻭ ﻗﻌﺪﺕ ﻧﻄﻠﻊ ﻓﻲ ﺍﺩﺑﺸﻲ
ﻣﺤﻤﺪ << ﺻﺒﺎﺡ ﺍﻟﺨﻴﺮ 💖
ﺍﻧﺎ << ﺻﺒﺎﺡ ﺍﻟﻨﻮﺭ " ﻭ ﻣﺸﻴﺖ ﺑﺴﺘﻪ "
ﻣﺤﻤﺪ << ﻣﻦ ﺍﻣﺘﻲ ﻭﺍﻋﻴﻪ ؟
ﺍﻧﺎ << ﻣﻦ ﺳﺎﻋﻪ ﻫﻜﻲ
ﻣﺤﻤﺪ << ﺑﻌﺪ ﺗﻮﺗﻲ ﺭﻭﺣﻚ ﺩﻳﺮﻳﻠﻲ ﻗﻬﻮﻩ
ﺍﻧﺎ << ﺣﺎﺿﺮ
ﻧﺎﺽ ﻣﺤﻤﺪ ﻭ ﺍﻧﺎ ﻛﻤﻠﺖ ﻟﺒﺴﺘﻲ ﻭ ﺩﺭﺕ ﺷﻮﻳﺔ ﻣﻴﻚ ﺃﺏ ﻭ ﻣﺸﻴﺖ ﻧﺪﻳﺮﻟﻪ ﻑ ﻗﻬﻮﻩ
ﺍﻧﺎ << ﺍﺣﻤﻴﺪﻩ / ﻫﻴﺎﺍﺍﺍ
ﻣﺤﻤﺪ << ﺟﺎﻱ ﺩﻗﻴﻘﻪ ﻧﻠﺒﺲ ﺍﻟﺴﺎﻋﻪ ﺑﺲ
ﺍﻧﺎ << ﺟﻴﺒﻠﻲ ﻓﻮﻧﻲ ﻣﻌﺎﻙ
ﻣﺤﻤﺪ << ﺑﺎﻩ
ﺻﺒﻴﺖ ﺍﻟﻘﻬﻮﻩ ﻭ ﺣﻄﻴﺖ ﺍﻟﺴﻔﺮﻩ ﻉ ﺍﻟﻄﺎﻭﻟﻪ ﻭ ﻗﻌﻤﺰﺕ ﻧﺮﺍﺟﻲ ﻓﻴﻪ
ﺍﻧﺎ << 😍
ﻣﺤﻤﺪ << ﻛﻨﻚ ! " ﻭ ﻗﻌﺪ ﻳﺴﻘﻢ ﻓﻲ ﺷﻌﺮﻩ "
ﺍﻧﺎ << ﻣﻔﺮﻭﺽ ﻫﻠﻚ ﻳﺒﺨﺮﻭﻙ 🙊
ﻣﺤﻤﺪ << ﻭ ﺍﻧﺖِ ﺷﻦ ﻗﺎﻋﺪﻩ ﺍﺩﻳﺮﻱ 😂🌚
ﺍﻧﺎ << ﺍﻧﺎ ﺍﻟﻠﻲ ﻩ ﻧﺤﺴﺪﻙ ﺍﺻﻼ 🙄
ﻣﺤﻤﺪ << ﺑﺎﻫﻲ ﻧﺒﻲ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ
ﺍﻧﺎ << ﻣﻮﺿﻮﻉ ﺷﻨﻮ ؟
ﻣﺤﻤﺪ << ﻧﺸﺮﺏ ﺍﻟﻘﻬﻮﻩ ﻗﺒﻞ
ﺍﻧﺎ << ﺍﻭﻙِ 🙄
ﺟﺎ ﻗﻌﻤﺰ ﺟﻨﺒﻲ ﻭ ﻗﻌﺪ ﻳﺸﺮﺏ ﻭ ﻳﺒﺤﺖ ﻓﻴﺎ
ﻗﻄﻊ ﺍﻟﻬﺪﻭﺀ ﻫﺬﺍ ﻧﻘﺎﻟﻪ ﺍﻟﻠﻲ ﻛﺎﻥ ﻳﺮﻥ
ﻣﺤﻤﺪ << ﺭﺅﻭﻑ ﻫﺬﺍ . ﻫﻴﺎ ﻧﻮﺻﻠﻚ ﻉ ﺍﻟﺴﺮﻳﻊ
ﺍﻧﺎ << ﻭ ﺍﻟﻤﻮﺿﻮﻉ ﺍﻟﻠﻲ ﺗﺒﻴﻪ ﺗﺤﻜﻴﻪ ﻟﻴﺎ ؟
ﻣﺤﻤﺪ << ﻑ ﺍﻟﻄﺮﻳﻖ ﺗﻮ ﻧﺤﻜﻴﻠﻚ
ﺧﺬﺍ ﻣﻔﺎﺗﻴﺢ ﺍﻟﺴﻴﺎﺭﻩ ﻭ ﻧﺰﻝ // ﺧﺸﻴﺖ ﺧﺬﻳﺖ ﺷﻨﻄﺘﻲ ﻭ ﻟﺒﺴﺖ ﺍﻟﻮﺷﺎﺡ ﻭ ﻧﺰﻟﺖ
ﻣﺎ ﻟﻘﻴﺖ ﺣﺪ ﻟﻮﻃﺎ ﺷﻜﻠﻬﻢ ﻣﺎﺯﺍﻟﻮ ﻡ ﻧﺎﺿﻮ // ﻃﻠﻌﺖ ﺑﺮﺍ ﻭ ﻟﻘﻴﺖ ﻣﺤﻤﺪ ﻳﺤﻜﻲ ﻣﻊ ﺭﺅﻭﻑ
ﺭﻛﺒﺖ ﺍﻟﺴﻴﺎﺭﻩ ﻭ ﺭﻧﻴﺖ ﻉ ﺃﻣﻴﺮﻩ ﻧﺸﻮﻓﻬﺎ ﻃﻠﻌﺖ ﻭ ﻻ ﻻ
ﺭﻛﺐ ﻣﺤﻤﺪ ﻭ ﻛﻠﻤﺖ ﻣﻜﺎﻟﻤﺘﻲ ﻭ ﻫﻮﺍ ﻗﻌﺪ ﺳﺎﻛﺖ ﻭ ﻣﺸﻴﻨﺎ
ﺍﻧﺎ << ﺍﺣﻤﻴﺪﻩ ؟؟ ﻓﻲ ﺣﺎﺟﻪ ؟ !
ﻣﺤﻤﺪ << ﻻﻻ // ﺍﻣﺘﻲ ﺗﻜﻤﻠﻲ ؟
ﺍﻧﺎ << ﻣﻊ ﺍﻟﺴﺎﻋﻪ 1 ﻫﻜﻲ
ﻣﺤﻤﺪ << ﺧﻼﺹ ﻟﻤﺎ ﻧﻜﻤﻞ ﻩ ﻧﺠﻴﻚ
ﺍﻧﺎ << ﺍﻭﻙِ
ﻣﺤﻤﺪ << ﻧﺎﻗﺼﻚ ﻓﻠﻮﺱ ؟
ﺍﻧﺎ << ﻻﻻ ﻋﻨﺪﻱ
ﻧﺰﻟﺖ ﻭ ﻣﺸﻴﺖ ﻟﻠﺒﻨﺎﺕ ﻭ ﻗﻌﺪﻧﺎ ﻧﻬﺪﺭﺯﻭ ﺷﻮﻳﻪ ﺑﻌﺪﻫﺎ ﺧﺸﻴﻨﺎ ﻟﻠﻤﺤﺎﺿﺮﻩ
ﺍﺳﺮﺍﺀ << ﺑﻨﺎﺕ ﻣﻴﺪﻭ ﻳﺮﻥ ﻧﺒﻲ ﻧﻄﻠﻊ ﺍﻧﺎ
ﺃﻣﻴﺮﻩ << ﺧﻮﺫﻳﻨﻲ ﻣﻌﺎﻙ ﺻﺪﻉ ﺭﺍﺳﻲ ﺍﻟﺪﻛﺘﻮﺭ
ﺍﺳﺮﺍﺀ << ﺑﺸﻪ ﺗﻄﻠﻌﻲ ؟
ﺍﻧﺎ << ﻻﻻ ﻣﺎﺯﺍﻝ ﻧﺺ ﺳﺎﻋﻪ ﻧﻜﻤﻠﻬﺎ ﻭ ﺗﻮ ﻧﻠﺤﻘﻜﻦ
ﻭ ﻓﻄﻨﻠﻨﺎ ﺍﻟﺪﻛﺘﻮﺭ 🙄🔫
ﺍﻟﺪﻛﺘﻮﺭ << ﺍﻟـ 3 ﺍﻟﻠﻲ ﻳﻬﺪﺭﺯﻥ ﻓﻲ ﺭﺍﺑﻊ ﺻﻔﻪ ؟ !
ﺍﺳﺮﺍﺀ << ﻧﺤﻦ ؟ ! " ﻭ ﺻﺒﺖ "
ﺍﻟﺪﻛﺘﻮﺭ << ﻓﻲ ﻏﻴﺮﻛﻦ ﻳﻬﺪﺭﺯﻥ ؟ !
ﺃﻣﻴﺮﻩ << ﻣﺶ ﻧﻬﺪﺭﺯﻭ ﻱ ﺩﻛﺘﻮﺭ ﺑﺲ ﻫﻠﻲ ﻳﺮﻧﻮ ﻭ ﻛﻨﺖ ﻧﺒﻲ ﻧﺴﺘﺄﺫﻥ ﻣﻨﻚ ﻋﺸﺎﻥ ﻧﻄﻠﻊ
ﺍﻟﺪﻛﺘﻮﺭ << ﺗﻔﻀﻠﻲ ﺑﺎﻩ 😕
ﺍﺳﺮﺍﺀ << ﺣﺘﻲ ﺍﻧﺎ ﻫﻠﻲ ﺑﺮﺍ ﻭ ﺃﺳﻔﻪ ﻩ ﻧﻄﻠﻊ
ﺍﻟﺪﻛﺘﻮﺭ << ﺍﻃﻠﻌﻲ 😕
ﺻﺒﻦ ﻫﻦ ﺍﻻﺛﻨﻴﻦ ﻭ ﻃﻠﻌﻦ ﻭ ﻛﻠﻬﻢ ﻗﻌﺪﻭ ﻳﺒﺤﺘﻮ ﻓﻴﺎ
ﺍﻟﺪﻛﺘﻮﺭ << ﻭ ﺍﻧﺖِ ؟ !
ﺍﻧﺎ << ﺍﻧﺎ ؟ 🙄 ﻻ ﻗﺎﻋﺪﻩ ﻱ ﺩﻛﺘﻮﺭ
ﺍﻟﺪﻛﺘﻮﺭ << ﺑﺎﻟﻚ ﻫﻠﻚ ﻳﺮﻧﻮ ﻭ ﺍﻧﺖِ ﻣﺶ ﻓﺎﻃﻨﻪ 😕
ﺍﻧﺎ << ﻻﻻ ﺭﺍﺟﻠﻲ ﻣﺎﺯﺍﻝ ﻑ ﺍﻟﻌﻤﻞ 🙊
ﺍﻟﺪﻛﺘﻮﺭ << 😂 ﺑﺎﻫﻲ ﻧﺮﺩﻭ ﻟﻠﻤﺤﺎﺿﺮﻩ
//
//
//
ﺍﺳﺮﺍﺀ << ﻗﺘﻠﻚ ﺧﻠﻴﻬﺎ ﻧﻬﺎﻳﺔ ﺍﻟﺴﻤﺴﺘﺮ
ﺍﺣﻤﺪ << ﻭ ﺍﻧﺎ ﻧﺒﻲ ﺗﻮﺍ ﻣﺶ ﻋﻨﺎﺩ
ﺍﺳﺮﺍﺀ << ﻣﺶ ﻗﺼﺔ ﻋﻨﺎﺩ ﺑﺲ ﺗﻮﺍ ﻗﺮﺍﻳﻪ ﻭ ﻩ ﺗﻠﻬﻴﻨﻲ ﻫﻜﻲ
ﺍﺣﻤﺪ << ﻋﺎﺩﻱ ﻭ ﻛﺎﻥ ﺿﺎﻉ ﻣﻨﻚ ﺳﻤﺴﺘﺮ ﻭﻳﻦ ﺍﻟﻤﺸﻜﻠﻪ ؟
ﺍﺳﺮﺍﺀ << ﻭ ﺍﻧﺖ ﻭﻳﻦ ﺍﻟﻤﺸﻜﻠﻪ ﻛﺎﻥ ﺧﻠﻴﻨﺎ ﻛﻞ ﺣﺎﺟﻪ ﺑﻌﺪ ﺍﻻﻣﺘﺤﺎﻧﺎﺕ
ﺍﺣﻤﺪ << ﻫﻠﻲ ﻳﺒﻮ ﺗﻮﺍ ﻋﺸﺎﻥ ﺍﻟﻌﺮﺱ ﻳﻜﻮﻥ ﻣﻊ ﻋﺮﺱ ﺍﺧﺘﻲ
ﺍﺳﺮﺍﺀ << ﻣﻴﺪﻭ 😕 ﻣﻦ ﺗﻮﺍ ﻧﺒﻮ ﻧﺒﺪﻭ ﻓﻲ ﻫﻠﻲ ﻳﺒﻮ ﻭ ﻫﻠﻲ ﻡ ﻳﺒﻮﺵ ؟ !
ﺍﺣﻤﺪ << ﻋﻨﺪﻙ ﻣﺎﻧﻊ ﻭ ﻻ ﺷﻨﻮ ؟ ! ﺃﻛﻴﺪ ﺑﻨﺄﺧﺬ ﺭﺃﻱ ﻫﻠﻲ ﻓﻲ ﻛﻞ ﺣﺎﺟﻪ ﻫﺬﺍ ﻋﺮﺱ ﻣﺶ ﻟﻌﺒﻪ
ﺍﺳﺮﺍﺀ << ﺑﺎﻫﻲ ﺳﻜﺮ ﻉ ﺍﻟﻤﻮﺿﻮﻉ
ﺍﺣﻤﺪ << ﻣﺶ ﻩ ﻧﺴﻜﺮ ﻋﻨﺪ ﺗﻌﻄﻴﻨﻲ ﺟﻮﺍﺑﻚ ﺍﻟﻨﻬﺎﺋﻲ ؟ !
ﺍﺳﺮﺍﺀ << ﺧﻠﻲ ﻫﻠﻚ ﻳﺠﻮ ﻭ ﻳﺤﻜﻮ ﻣﻊ ﻫﻠﻲ ﺣﺘﻲ ﺍﻧﺎ ﻡ ﻧﻘﺪﺭﺵ ﻧﺤﻜﻲ ﻣﻦ ﺭﺍﺳﻲ ﻻﺯﻡ ﻧﺎﺧﺬ ﺭﺍﻱ ﻫﻠﻲ
ﺍﺣﻤﺪ << ﻛﻨﻪ ﺗﻐﻴﺮ ﻛﻼﻣﻚ ؟ !
ﺍﺳﺮﺍﺀ << ﻫﺬﺍ ﺍﻟﻠﻲ ﻋﻨﺪﻱ
ﺍﺣﻤﺪ << ﺗﻤﺎﻡ ﺑﺎﻩ
ﺍﺳﺮﺍﺀ << ﻭﻳﻦ ﻣﺎﺷﻲ ؟ !
ﺍﺣﻤﺪ << ﺑﻨﺄﺧﺬ ﻗﻬﻮﻩ ﻭ ﺑﻨﺸﻮﻑ ﺍﻟﺸﺒﺎﺏ 🏻🚶
ﺍﺳﺮﺍﺀ << ﺍﻭﻙ ﺑﺎﻩ 😒
ﺍﺣﻤﺪ << ﺍﻣﺸﻲ ﺷﻮﻓﻲ ﺑﺸﺮﻯ ﻭ ﻻ ﺁﻣﻴﺮﻩ ﻡ ﺗﻘﻌﺪﻳﺶ ﺑﺮﻭﺣﻚ
ﺍﺳﺮﺍﺀ << ﺑﺸﻪ ﻑ ﺍﻟﻤﺤﺎﺿﺮﻩ ﻭ ﺑﻌﺪﻳﻦ ﻡ ﺩﺧﻠﻜﺶ ﻓﻴﺎ
/
/
ﻣﺸﻰ ﺍﺣﻤﺪ ﻭ ﺷﺎﻑ ﺃﻣﻴﺮﻩ ﻣﺼﺒﻴﻪ ﻣﻊ ﻭﺍﺣﺪ
ﺃﻣﻴﺮﻩ << ﺣﻲ ﻣﻴﺪﻭ ﺷﺎﻓﻨﻲ 🙄 / ﻣﻴﺪﻭﻭﻭ ﻭﻳﻦ ﺍﺳﻮ ؟ !
ﺍﺣﻤﺪ << ﺳﻴﺒﺘﻬﺎ ﻋﻨﺪ ﺍﻟﺸﺠﺮ ﺷﻮﻓﻴﻬﺎ
ﺃﻣﻴﺮﻩ << ﺗﻌﺎﺭﻛﺘﻮ ؟ !
ﺍﺣﻤﺪ << ﺣﺎﺟﻪ ﻛﻴﻒ ﻫﻜﻲ / " ﻭ ﻳﺒﺤﺖ ﻑ ﺍﻟﻠﻲ ﻣﻌﺎﻫﺎ "
ﺃﻣﻴﺮﻩ << ﻫﺬﺍ ﻣﺎﻟﻚ / ﻣﺎﻟﻚ ﻫﺬﺍ ﻣﻴﺪﻭ ﺗﻘﺪﺭ ﺗﻘﻮﻝ ﺧﻄﻴﺐ ﺻﺎﺣﺒﺘﻲ
ﻣﺎﻟﻚ << ﺍﻫﻠًﺎ
ﺍﺣﻤﺪ << ﺍﻫﻠًﺎ 🌚
ﺃﻣﻴﺮﻩ << ﺍﻣﻤﻤﻢ ﺗﻌﺮﻑ ﻣﻦ ﻳﻜﻮﻥ ! ﻳﻘﻌﺪ ﻗﺮﻳﺐ ﺭﺍﺟﻞ ﺑﺸﻪ ﺭﺍﻩ 🙄
ﺍﺣﻤﺪ << ﺑﺸﺮﻯ ﺍﻟﻠﻲ ﻗﺎﻋﺪﻩ ﻑ ﺍﻟﻤﺤﺎﺿﺮﻩ ﻭ ﺃﻧﺘﻦ ﺑﺮﺍ 😒 ﻻ ﺗﻮ ﻳﺼﻴﺮ ﻣﻨﻜﻦ " ﻭ ﻣﺸﻰ "
ﻣﺎﻟﻚ << ﻳﻌﺮﻑ ﺑﺸﺮﻯ ؟
ﺃﻣﻴﺮﻩ << ﻣﺎﻫﻮ ﻗﺘﻠﻚ ﺧﻄﻴﺐ ﺻﺎﺣﺒﺘﻨﺎ
ﻣﺎﻟﻚ << ﺍﻣﺘﻲ ﺗﻜﻤﻞ ﺍﻟﻤﺤﺎﺿﺮﻩ ؟
ﺃﻣﻴﺮﻩ << ﺷﻮﻳﻪ ﻭ ﺗﻜﻤﻞ ﺍﺻﻼ ﻃﻠﻌﻨﺎ ﻻﻧﻪ ﻋﺎﺭﻓﻴﻨﻪ ﻩ ﻳﻜﻤﻞ ﻭ ﻳﺮﺩ ﻳﺸﺮﺡ ﺍﻟﻠﻲ ﻗﺎﻟﻪ ﻛﻠﻪ
ﻣﺎﻟﻚ << ﻭ ﻛﻨﻚ ﻡ ﻗﻌﺪﺗﻲ ﻋﻨﺪ ﻡ ﻛﻤﻠﺘﻲ ؟
ﺃﻣﻴﺮﻩ << ﺗﻮ ﺗﺸﺮﺣﻠﻨﺎ ﺑﺸﻪ ﺍﻟﻠﻲ ﻓﺎﺗﻨﺎ ﻋﺎﺩﻱ
ﻣﺎﻟﻚ << ﺍﻫﺎ / ﺑﺎﻫﻲ ﺧﻠﻴﻨﺎ ﻧﻤﺸﻮ ﺷﻮﻳﻪ
//
//
ﻛﻤﻠﺖ ﺍﻟﻤﺤﺎﺿﺮﻩ ﻭ ﺍﻧﺎ ﻃﺎﻟﻌﻪ ﺍﻟﺪﻛﺘﻮﺭ ﻳﺒﺤﺖ ﻓﻴﺎ ﻭ ﻳﻀﺤﻚ
ﻃﻠﻌﺖ ﻟﻘﻴﺖ ﺍﺳﺮﺍﺀ ﻣﺼﺒﻴﻪ ﻋﻨﺪ ﺍﻟﺸﺠﺮ ﻭ ﺗﻠﻌﺐ ﻑ ﻧﻘﺎﻟﻬﺎ
ﺍﻧﺎ << ﻛﻨﻚ ﻗﺎﻋﺪﻩ ﺑﺮﻭﺣﻚ ؟
ﺍﺳﺮﺍﺀ << ﺗﻨﺎﻗﺮﺕ ﺍﻧﺎ ﻭ ﻣﻴﺪﻭ ﻭ ﻣﺸﻰ
ﺍﻧﺎ << ﻭ ﺍﻟﻘﺮﺩﻩ ﻫﺬﻙ ﻭﻳﻦ ؟
ﺍﺳﺮﺍﺀ << ﻣﺶ ﻋﺎﺭﻓﻪ ﻗﺎﻟﺖ ﺑﺘﺠﻴﺐ ﺃﻭﺭﺍﻕ ﻣﻦ ﺍﻟﺘﺼﻮﻳﺮ ﻭ ﻣﻌﺶ ﺟﺖ
ﺍﻧﺎ << ﺃﻫﻮ ﻣﻴﺪﻭ ﻏﺎﺩﻱ ﺗﻌﺎﻟﻲ ﻧﻤﺸﻮﻟﻪ
ﺍﺳﺮﺍﺀ << ﻓﻮﺗﻴﻪ
ﺍﻧﺎ << ﺷﻦ ﺻﺎﻳﺮ ؟
ﺣﻜﺘﻠﻲ ﺍﻟﻠﻲ ﺻﺎﺭ ﺑﻴﻨﺎﺗﻬﻢ ﻭ ﻗﻌﺪﺕ ﻧﻨﺼﺢ ﻓﻴﻬﺎ ﻭ ﻣﺸﻰ ﺍﻟﺠﻮ
ﺍﺳﺮﺍﺀ << ﺷﻮﻓﻲ ﺷﻦ ﺩﺍﺯ ؟ 😕
ﺍﻧﺎ << ﺷﻨﻮ ؟ !
ﺍﺳﺮﺍﺀ << " ﺗﻐﻴﺮﺗﻲ ﺍﻧﺖِ ﻭ ﺻﺎﺣﺒﺎﺗﻚ ﻭ ﻳﺴﺘﺮ ﺍﻟﻠﻪ "
ﺍﻧﺎ << ﻛﻴﻒ ﺗﻐﻴﺮﺗﻲ ﺍﻧﺖِ ﻭ ﺻﺎﺣﺒﺎﺗﻚ ؟ ! ﺷﻦ ﻗﺼﺪﻩ ؟ !
ﺍﺳﺮﺍﺀ << ﺷﻦ ﻋﺮﻓﻨﻲ
ﺍﻧﺎ << ﺭﻧﻲ ﻋﻠﻴﻪ ؟
ﺍﺳﺮﺍﺀ << ﻓﻮﺗﻴﻪ ﺗﻲ ﻳﺒﻲ ﻳﺴﺘﻔﺰﻧﻲ ﻭ ﺧﻼﺹ
ﺍﻧﺎ << ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﺳﺮﺍﺀ << ﺑﺘﺨﺸﻲ ﻟﻠﻤﺤﺎﺿﺮﻩ ﻵﺧﺮﻩ ﻣﺎﻩ ؟
ﺍﻧﺎ << ﺍﻫﺎ ﺍﻣﺎﻻ ﻋﻠﻴﺶ ﺟﺎﻳﻪ
ﺍﺳﺮﺍﺀ << ﺍﻣﺎﻻ ﺧﻠﻴﻨﺎ ﻧﺨﺸﻮ ﻣﻦ ﺗﻮﺍ ﺑﺪﺍﻝ ﻩ ﺍﻟﺸﻤﺲ
ﺍﻧﺎ << ﺧﻠﻴﻨﺎ ﻧﻤﺸﻮ ﻧﺎﺧﺬﻭ ﺣﺎﺟﻪ ﻣﻦ ﺍﻟﻜﺎﻓﺘﻴﺮﻳﺎ ﻭ ﻧﺨﺸﻮ
ﺍﺳﺮﺍﺀ << ﺗﻤﺎﻡ ﺑﺎﻩ
ﻣﺸﻴﻨﺎ ﻭ ﺧﻄﻤﻨﺎ ﻣﻦ ﺟﻨﺐ ﻣﻴﺪﻭ ﻭ ﻗﺘﻠﻪ ﺧﻴﺮ ﻣﻦ ﺑﻌﻴﺪ // ﺟﺮﺑﺖ ﻧﺮﻥ ﻉ ﺃﻣﻴﺮﻩ ﺑﺲ ﺍﻟﺨﻂ ﻛﺎﻥ ﻳﻔﺼﻞ
ﻭﺻﻠﻨﺎ ﻟﻠﻜﺎﻓﺘﻴﺮﻳﺎ ﻭ ﻗﺒﻞ ﻡ ﻧﺨﺸﻮ ﺷﻔﻨﺎﻫﺎ ﻫﻲ ﻭ ﻣﺎﻟﻚ ﻳﺒﻮ ﻳﻄﻠﻌﻮ
ﻣﺎﻟﻚ << ﺑﺸﺸﺸﺮﺭﻯ " ﻭ ﺭﻓﻊ ﻧﻈﺎﺭﺍﺗﻪ "
ﺍﻧﺎ << ﻣﺎﺍﺍﺍﻟﻚ 🙄
ﻣﺎﻟﻚ << ﺷﻦ ﺍﺧﺒﺎﺭﻙ ؟ ﻭ ﺷﻦ ﺩﺍﻳﺮﻩ ؟
ﺍﻧﺎ << ﺍﻟﺤﻤﺪﻟﻠﻪ ﺗﻤﺎﻡ / ﺷﻦ ﺍﺧﺒﺎﺭﻛﻢ ﺍﻧﺘﻮ ﻭ ﺷﻦ ﺍﺧﺒﺎﺭ ﺍﺳﺘﺒﺮﻕ ؟
ﻣﺎﻟﻚ << ﻛﻮﻳﺴﻴﻦ ﻛﻠﻨﺎ ﺍﻟﺤﻤﺪﻟﻠﻪ / ﻭﻳﻨﻚ ﻣﺶ ﺑﺎﻳﻨﻪ ؟
ﺍﻧﺎ << ﻛﻨﻚ ﻡ ﻗﻠﺘﻲ ﺍﻧﻚ ﻣﻊ ﻣﺎﻟﻚ ؟ " ﻭ ﺑﺤﺘﺖ ﻑ ﺃﻣﻴﺮﻩ "
ﺃﻣﻴﺮﻩ << ﻛﻨﺖ ﻧﺒﻲ ﻧﺮﻥ ﻋﻠﻴﻚ ﺑﺲ ﻗﻠﺖ ﻡ ﺯﻟﺘﻲ ﻑ ﺍﻟﻤﺤﺎﺿﺮﻩ
ﺍﺳﺮﺍﺀ << ﻭ ﻛﻨﻚ ﻡ ﻛﻠﻤﺘﻴﻨﻲ ﺍﻧﺎ ؟
ﺃﻣﻴﺮﻩ << ﺷﺎﻓﻨﻲ ﻣﻴﺪﻭ ﻭ ﻗﻠﺖ ﺃﻛﻴﺪﻩ ﻗﺎﻟﻚ
ﺍﺳﺮﺍﺀ << ﺍﺍﺍﻫﺎﺍ 🙄
ﺃﻣﻴﺮﻩ << ﺗﻮ ﺗﻠﻘﻨﻲ ﻏﺎﺩﻱ ﺑﺎﻫﻲ ؟
ﺍﺳﺮﺍﺀ << ﺍﻭﻙ ﺑﺎﻩ / ﺑﻨﺎﺧﺬﻭ ﺣﺎﺟﺎﺕ ﺧﻔﻴﻔﻪ ﺗﺒﻲ ؟
ﺃﻣﻴﺮﻩ << ﻻﻻ ﺧﺬﺍﻟﻲ ﻣﺎﻟﻚ
ﻣﺎﻟﻚ << ﺷﻦ ﺗﺒﻦ ﺗﻮ ﻧﺎﺧﺬﻟﻜﻦ ؟
ﺍﻧﺎ << ﻻﻻ ﺗﻮ ﻧﺎﺧﺬﻭ ﺑﺮﻭﺣﻨﺎ
ﺍﺳﺮﺍﺀ << ﻡ ﻧﺒﻮﺵ ﻧﻌﻄﻠﻮﻛﻢ 😒
ﻣﺎﻟﻚ << ﻋﻴﺐ ﺍﻟﻜﻼﻡ ﻫﺬﺍ " ﻭ ﻳﺒﺤﺖ ﻓﻴﺎ "
ﺃﻣﻴﺮﻩ << ﺧﻮﺫ ﻝ ﺍﺳﺮﺍﺀ ﻋﺼﻴﺮ ﻋﻨﺐ ﻭ ﻗﻼﻛﺴﻲ
ﻣﺎﻟﻚ << ﻭ ﺑﺸﺮﻯ !
ﺍﻧﺎ << ﻡ ﻧﺒﻴﺶ ﺷﻲ
ﺃﻣﻴﺮﻩ << ﺍﻋﺘﺒﺮﻳﻬﺎ ﻣﻨﻲ ﺍﻧﺎ / ﺟﻴﺒﻠﻬﺎ ﻧﺴﻜﺎﻓﻴﻪ ﻭ ﻛﻴﻨﺪﺭ ﺑﻮﻳﻨﻮ
ﻣﺎﻟﻚ << ﺍﻭﻙ 5 ﺩﻗﺎﻳﻖ ﺑﺲ
ﺧﺶ ﻣﺎﻟﻚ ﻭ ﻗﻌﺪﻧﺎ ﻧﺤﻦ ﻣﺼﺒﻴﻴﻦ ﻑ ﺍﻟﺒﺎﺏ
ﺍﺳﺮﺍﺀ << ﻣﻴﺪﻭ ﻳﺮﻥ 😒 " ﻭ ﻃﻠﻌﺖ ﺑﺮﺍ ﺗﺮﺩ ﻋﻠﻴﻪ "
ﺃﻣﻴﺮﻩ << ﺑﺸﻪ
ﺍﻧﺎ << ﻧﻌﻢ " ﻭ ﻛﻨﺖ ﻧﻄﻠﻊ ﻓﻲ ﻓﻮﻧﻲ ﻋﺸﺎﻥ ﻧﺮﻥ ﻉ ﺍﺣﻤﻴﺪﻩ "
ﺃﻣﻴﺮﻩ << ﻣﺎ ﺣﻜﺎﻟﻚ ﺷﻲ ﻋﻠﻴﺎ ؟ !
ﺍﻧﺎ <> ﻣﻨﻮ ؟ " ﻭ ﻗﻌﺪﺕ ﻧﺮﻥ ﻋﻠﻴﻪ "
ﺃﻣﻴﺮﻩ << ﻣﺎﻟﻚ 😍
ﺍﻧﺎ << ﻭ ﺍﻧﺖ ﻭﻳﻦ ﺷﻔﺘﻪ ﻋﺸﺎﻥ ﻳﺤﻜﻴﻠﻲ ﻭ ﺑﻌﺪﻳﻦ ﺷﻦ ﺩﺧﻠﻨﻲ ﻓﻴﻜﻢ ﺍﺻﻼ 😂
ﻗﻌﺪ ﺍﻟﺨﻂ ﻳﻀﺮﺏ ﺑﺲ ﻡ ﺭﺩﺵ // ﺣﻄﻴﺖ ﺍﻟﻔﻮﻥ ﻑ ﺍﻟﺸﻨﻄﻪ ﻭ ﺷﻔﺖ ﻣﺎﻟﻚ ﺟﺎﻳﺐ ﺍﻟﺤﺎﺟﺎﺕ ﻭ ﺍﻟﻄﺎﺳﻪ ﻗﺮﻳﺐ ﺍﻃﻴﺢ ﻣﻨﻪ
ﻣﺸﻴﺖ ﺷﻮﺭﻩ ﻭ ﺧﺬﻳﺘﻬﺎ ﻣﻨﻪ
ﻣﺎﻟﻚ << ﺳﺎﺧﻨﻪ ﺍﻓﻄﻨﻲ
ﺍﻧﺎ << ﺻﺤﻴﺖ
ﻣﺎﻟﻚ << ﻣﺶ ﺑﻴﻨﺎﺗﻨﺎ
ﻗﻌﺪﺕ ﻧﻤﺸﻲ ﺍﻧﺎ ﻭﻳﺎﻩ ﺷﻮﺭ ﺍﻟﺒﺎﺏ ﻭ ﻗﺒﻞ ﻡ ﻧﻮﺻﻠﻮ ﻟﻘﻴﺖ ﻋﺜﻤﺎﻥ ﻗﺪﺍﻣﻲ
ﻃﺎﺍﺣﺖ ﻣﻨﻲ ﺍﻟﻄﺎﺳﻪ ﻟﻤﺎ ﻗﺎﻝ
#يتبع....
.
حفيدة نيوتن😎🔥
تنزيل وتصميم الغلافات: Rahafaltaher7
