💞زواج تقليدي💞
# ﺍﻟﺤﻠﻘﻬﻪ ﺍﻟﺜﺎﻟﺜﺔ ﻭ ﺍﻟﺨﻤﺴﻮﻥ 🌸
ﻗﺮﺑﺖ ﻣﻦ ﻋﻤﻲ ﻭ ﻗﻠﺘﻠﻪ
ﺍﻧﺎ << ﻭﺻﻞ ﻝ ﻣﺤﻤﺪ ! ﻩ ﻳﺠﻲ ﻳﻮﻡ ﻭ ﻳﻌﺮﻑ ﻛﺬﺑﻬﻢ ﻭ ﻭﻗﺘﻬﺎ ﻩ ﻳﻜﻮﻥ ﻧﺎﺩﻡ ! ﺑﺲ ﻟﻮ ﻩ ﻳﻤﻮﺕ ﻣﺶ ﻩ ﻧﺮﺩﻟﻪ ! ﻟﻮ ﻩ ﻳﻤﻮﺕ ﻳﺎ ﻋﻤﻲ !! ﻟﻮ ﻩ ﻳﻤﻮﺕ ﻗﺪﺍﻣﻲ ﻣﺶ ﻩ ﻳﺤﻠﻢ ﺍﻧﻲ ﻧﺮﺩﻟﻪ !
ﺍﺑﺘﺴﻤﺖ ﻭ ﺑﺤﺘﺖ ﻑ ﺭﺍﻧﻴﺎ ﻭ ﻗﺒﻞ ﻡ ﻧﻄﻠﻊ ﻣﺸﻴﺖ ﺟﻨﺒﻬﺎ ﻭ ﻗﻠﺘﻠﻬﺎ ﻑ ﻭﺫﻧﻬﺎ
ﺍﻧﺎ << ﺍﺷﺒﻌﻲ ﺑﻴﻪ ﺗﻮﺍ 😌 " ﻭ ﺧﺬﻳﺖ ﺍﻟﺸﻨﻄﻪ ﻭ ﻃﻠﻌﺖ "
ﺧﺬﺍ ﻣﺮﺍﺩ ﻣﻨﻲ ﺍﻟﺸﻨﻄﻪ ﻭ ﺭﻛﺒﺖ ﺍﻟﺴﻴﺎﺭﻩ ﻭ ﻃﻠﻌﻨﺎ
ﻗﻌﺪﻧﺎ ﺳﺎﻛﺘﻴﻦ ﻋﻨﺪ ﻡ ﻫﻮﺍ ﻗﺎﻝ
ﻣﺮﺍﺩ << ﺍﺗﺼﻠﺘﻲ ﺑﻬﻠﻚ !
ﺍﻧﺎ << ﻻﻻ
ﻣﺮﺍﺩ << ﻣﺶ ﻣﺮﺍﺕ ﻳﺘﻔﺎﺟﻮ ﻟﻤﺎ ﺗﺠﻴﻬﻢ ﺗﻮﺍ !
ﺍﻧﺎ << ﻩ ﻳﺘﻔﺎﺟﻮ ﻑ ﺟﻤﻴﻊ ﺍﻷﺣﻮﺍﻝ ﺍﺻﻼ
ﻣﺮﺍﺩ << ﻣﺶ ﻋﺎﺭﻑ ﺷﻦ ﺍﻟﻤﻔﺮﻭﺽ ﻧﻘﻮﻝ ﺑﺲ ﻻﺯﻡ ﻧﻠﻘﻰ ﻋﺜﻤﺎﻥ ﻫﺬﺍ
ﺍﻧﺎ << ﻛﻞ ﺷﻲ ﻑ ﻭﻗﺘﻪ ﺣﻠﻮ
ﻣﺮﺍﺩ << ﺃﺳﻒ ﻉ ﻛﻞ ﺍﻟﻠﻲ ﺻﺎﺭ
ﺍﻧﺎ << ﻣﺶ ﺍﻧﺖ ﺍﻟﻠﻲ ﻣﻔﺮﻭﺽ ﺗﺘﺄﺳﻒ
ﻣﺮﺍﺩ << ﺷﻦ ﻩ ﺗﺤﻜﻲ ﻝ ﺑﺎﺗﻚ !
ﺍﻧﺎ << ﻣﺶ ﻋﺎﺭﻓﻪ ﺑﺲ ﺍﻟﻤﻔﺮﻭﺽ ﻧﺤﻜﻴﻠﻪ ﻛﻞ ﺍﻟﻠﻲ ﺻﺎﺭ / ﺷﻔﺖ ﺗﺄﺟﻴﻞ ﺍﻟﻘﺼﺺ ﺷﻦ ﻳﺪﻳﺮ !
ﻣﺮﺍﺩ << ﻣﺶ ﻩ ﻧﺴﻜﺖ ﻉ ﺍﻟﻠﻲ ﺻﺎﺭ ﻭ ﺭﺍﻧﻴﺎ ﻧﻌﺮﻑ ﻛﻴﻒ ﻧﺎﺧﺬﻟﻚ ﺣﻘﻚ ﻣﻨﻬﺎ
ﺍﻧﺎ << ﻣﺮﺭﺍﺩ ﺗﺮﺍ ﺩﺭﺱ ﺍﻟﺴﻴﺎﺭﻩ ﺑﺴﺮﻋﻪ
ﻣﺮﺍﺩ << ﻛﻨﻚ !!!
ﺍﻧﺎ << ﺑﻨﺮﺟﻊ 😳💔
ﺩﺭﺱ ﻣﺮﺍﺩ ﻭ ﻓﺘﺤﺖ ﺍﻟﺒﺎﺏ ﻭ ﻗﻌﺪﺕ ﻧﺮﺟﻊ / ﻛﻞ ﺍﻟﻠﻲ ﻛﻨﺖ ﻭﺍﻛﻠﺘﻪ ﻃﻠﻌﺘﻪ 💔
ﻣﺮﺍﺩ << ﺃﺣﺴﻦ ﺗﻮﺍ !
ﺍﻧﺎ << ﻧﺒﻲ ﺍﻣﻴﻪ 😥
ﻣﺮﺍﺩ << ﺗﻮ ﻧﺪﺭﺱ ﻉ ﺍﻭﻝ ﻣﺤﻞ ﻳﺠﻲ ﻑ ﻃﺮﻳﻘﻲ
ﻗﻌﺪ ﺑﻌﺪﻫﺎ ﻣﺮﺍﺩ ﻳﺒﺮﻡ ﺑﻴﺎ ﻉ ﺍﺳﺎﺱ ﻧﻐﻴﺮ ﺟﻮﻱ ﻗﺒﻞ ﻡ ﻧﻮﺻﻞ ﻟﻠﺤﻮﺵ
ﻭ ﻟﻤﺎ ﻭﺻﻠﺖ ﻟﻠﺤﻮﺵ ﻗﺎﻝ
ﻣﺮﺍﺩ << ﻧﻨﺰﻝ ﻣﻌﺎﻙ !!
ﺍﻧﺎ << ﻻﻻ ﻋﺎﺩﻱ / ﺍﻫﻢ ﺣﺎﺟﻪ ﺳﻴﺎﺭﺓ ﺧﺎﻟﺪ ﻣﺶ ﻗﺎﻋﺪﻩ ﺗﻮﺍ " ﻭ ﻓﺘﺤﺖ ﺍﻟﺒﺎﺏ ﻭ ﻧﺰﻟﺖ "
ﻣﺮﺍﺩ << ﺗﺒﻲ ﺍﻱ ﺣﺎﺟﻪ ﺍﺗﺼﻠﻲ ﺑﻴﺎ ! ﻭ ﻛﻞ ﺷﻲ ﻩ ﻳﻜﻮﻥ ﺃﺣﺴﻦ ﻣﻦ ﻗﺒﻞ
ﺍﻧﺎ << ﺍﻥ ﺷﺎﺀ ﺍﻟﻠﻪ
ﺭﻧﻴﺖ ﻉ ﺍﻟﺠﺮﺱ ﻭ ﻓﺘﺤﻠﻲ ﺍﻳﻬﻢ
ﺍﻳﻬﻢ << ﺑﺸﺸﺸﻪ !
ﺍﻧﺎ << ﺧﻮﺫ ﺍﻟﺸﻨﻄﻪ ﻣﻨﻲ
ﺍﻳﻬﻢ << ﻣﻦ ﺟﺎﺑﻚ ! ؟
ﺍﻧﺎ << ﻣﺮﺍﺩ ﻭ ﻣﺸﻰ ﺧﻼﺹ
ﺧﺬﺍ ﺍﻟﺸﻨﻄﻪ ﻭ ﺧﺸﻴﻨﺎ // ﻟﻘﻴﺖ ﺑﺎﺑﺎ ﻓﻲ ﺍﻟﺼﺎﻟﻪ ﻳﺘﻔﺮﺝ ﻉ ﺍﻷﺧﺒﺎﺭ
ﻣﺸﻴﺖ ﺳﻠﻤﺖ ﻋﻠﻴﻪ ﻭ ﻃﻠﻌﺖ ﺯﻳﻨﺐ ﻭ ﻭﺩﺍﺩ ﻉ ﺻﻮﺗﻲ
ﻛﺎﻧﻦ ﻋﻼﻣﺎﺕ ﺍﻟﺘﻌﺠﺐ ﻭ ﺍﻻﺳﺘﻔﻬﺎﻡ ﻉ ﻭﺟﻬﻢ
ﺑﺎﺑﺎ << ﻣﺘﻌﺎﺭﻛﻪ ﻣﻊ ﻣﺤﻤﺪ !!
ﺍﻧﺎ << ﺑﻨﺨﺶ ﻧﺮﻗﺪ ﻭ ﺑﻜﺮﺍ ﺗﻮ ﻧﺤﻜﻴﻠﻚ
ﺍﻳﻬﻢ << ﺟﺎﻳﻪ ﻑ ﻫﺎﻟﻮﻗﺖ ﻭ ﺗﻘﻮﻟﻲ ﺑﻜﺮﺍ ! ؟ ﺍﺣﻜﻲ ﺷﻦ ﻓﻲ ! ؟ ﺭﺍ ﻳﻜﻮﻥ ﺿﺎﺭﺑﻚ ﺑﺲ !
ﺍﻧﺎ << ﻻﻻ ﻭ ﺑﻜﺮﺍ ﻩ ﻧﺤﻜﻲ ﻟﻤﺎ ﻳﻜﻮﻥ ﺧﺎﻟﺪ ﻗﺎﻋﺪ ﻣﺮﻩ ﻭﺣﺪﻩ " ﻭ ﺻﺒﻴﺖ ﻉ ﻃﻮﻝ "
ﺟﺖ ﻭﺭﺃﻳﺎ ﺯﻳﻨﺐ ﺗﺒﻲ ﺗﻌﺮﻑ ﺷﻦ ﻓﻲ ﺑﺲ ﺩﺭﺕ ﺭﻭﺣﻲ ﺭﻗﺪﺕ ﻃﻮﻝ
ﻓﻄﻨﺖ ﻟﻠﻔﻮﻥ ﻳﻬﺰ ﻭ ﻛﺎﻥ ﻣﺴﺞ ﻣﻦ ﻣﺮﺍﺩ " ﺷﻦ ﺻﺎﺭ ﻣﻌﺎﻙ ؟ ﺍﻥ ﺷﺎﺀ ﺍﻟﻠﻪ ﻛﻞ ﺷﻲ ﺗﻤﺎﻡ ؟ !
ﺩﺯﻳﺘﻠﻪ " ﻣﺎ ﺣﻜﻴﺘﺶ ﺷﻲ ﺑﻨﺮﻗﺪ ﺗﻮﺍ ﻭ ﺑﻜﺮﺍ ﺍﻟﺼﺒﺢ ﺑﻨﺤﻜﻴﻠﻬﻢ ﻛﻞ ﺣﺎﺟﻪ "
ﻗﻔﻠﺖ ﺍﻟﻔﻮﻥ ﻭ ﺟﺮﺑﺖ ﺍﻧﻲ ﻧﺮﻗﺪ ﺑﺲ ﻃﻮﻝ ﺍﻟﻠﻴﻞ ﻭ ﺍﻧﺎ ﻧﺘﻘﻠﺐ ﻭ ﻧﻔﻜﺮ ﻛﻴﻒ ﻧﺒﻲ ﻧﺤﻜﻲ ﻝ ﺑﺎﺑﺎ ﻭ ﻧﺆﺗﻲ ﻑ ﺍﻟﻜﻼﻡ ﻑ ﺭﺍﺳﻲ
//
//
//
ﻓﺘﺤﻴﻪ << ﻛﻠﻤﺖ ﺧﻮﻙ ﻭ ﺷﻔﺘﻪ ﻭﻳﻦ ؟
ﺭﻣﺰﻱ << ﺍﻫﺎ / ﺑﺎﻳﺖ ﻋﻨﺪ ﻋﻠﻲ
ﻣﻨﺎﺭ << ﻭ ﻣﺮﺍﺩ ؟ !
ﺭﻣﺰﻱ << ﻣﺎﺯﻟﺘﻲ ﺗﺴﺎﻟﻲ ﻋﻠﻴﻪ ﺍﻟﺘﺎﻓﻪ ﻫﺬﺍ
ﻣﻨﺎﺭ << ﻣﻦ ﺟﺪﻙ ﺍﻧﺖ ؟ ﻣﺼﺪﻕ ﺍﻧﻪ ﻑ ﺣﺎﺟﻪ ﺑﻴﻨﻪ ﺭ ﺑﻴﻦ ﺑﺸﺮﻯ ؟
ﺭﻣﺰﻱ << ﺳﻜﺮﻳﻠﻨﺎ ﻫﺎﻟﻘﺼﻪ / ﺍﻟﻮﺍﺣﺪ ﻳﻤﺸﻲ ﻳﺮﻗﺪ ﺧﻴﺮ
ﻣﻨﺎﺭ << ﺃﻫﻮ ﺑﺎﺑﺎ ﺟﺎ
ﻋﺒﺪﺍﻟﻠﻪ << ﻭﻳﻨﻬﻢ ؟
ﻓﺘﺤﻴﻪ << ﻣﻨﻮ ؟
ﻋﺒﺪﺍﻟﻠﻪ << ﻋﻴﺎﻟﻚ ، ﻣﻦ ﻳﻌﻨﻲ ! ؟
ﻓﺘﺤﻴﻪ << ﺍﺣﻤﻴﺪﻩ ﺑﺎﻳﺖ ﻋﻨﺪ ﺻﺎﺣﺒﻪ
ﻋﺒﺪﺍﻟﻠﻪ << ﻭ ﺍﻟﺬﺍﻳﺢ ﻵﺧﺮ ؟
ﻓﺘﺤﻴﻪ << ﻣﻦ ﺑﻌﺪ ﻣﺎ ﻃﻠﻊ ﺑﺪﺭﻱ ﻣﺎ ﺣﺪ ﻳﻨﺪﺭﻱ ﻋﻠﻴﻪ
ﻋﺒﺪﺍﻟﻠﻪ >< ﻣﻨﺎﺭ ﻛﺬﺍ ﺭﻧﻲ ﻋﻠﻴﻪ ﺷﻮﻓﻴﻪ
ﻣﻨﺎﺭ << ﻡ ﻳﺮﺩﺵ ﻣﻦ ﺑﺪﺭﻱ ﻭ ﺍﻧﺎ ﻧﺠﺮﺏ
ﺭﻣﺰﻱ << ﺷﻦ ﻫﻴﺼﻴﺮ ﻳﺎ ﺑﺎﺗﻲ ؟
ﻋﺒﺪﺍﻟﻠﻪ << ﻓﻲ ﺷﻨﻮ ؟
ﺭﻣﺰﻱ << ﻓﻲ ﻣﺤﻤﺪ ﻭ ﺑﺸﺮﻯ ؟ ﺑﺘﻤﺸﻲ ﺗﺤﻜﻲ ﻣﻊ ﺑﺎﺗﻬﺎ ﻉ ﺍﻟﻄﻼﻕ ﻭ ﻻ ﺷﻨﻮ ؟
ﻋﺒﺪﺍﻟﻠﻪ << ﻟﻴﻦ ﺍﻳﺠﻲ ﻣﺤﻤﺪ ﻗﺒﻞ ﻭ ﺑﻌﺪﻫﺎ ﺳﺎﻫﻞ
//
//
//
ﻣﺤﻤﺪ <> ﺗﺒﻲ ﺗﻤﺸﻲ ﻣﻌﺎﻳﺎ ﻭ ﻻ ﻧﻤﺸﻲ ﺑﺮﻭﺣﻲ ؟ !
ﻋﻠﻲ << ﻳﺎ ﺭﺍﺟﻞ ﺍﺳﻤﻊ ﻣﻨﻲ ﺑﺲ // ﺧﻠﻲ ﺍﻟﻠﻴﻞ ﻳﻤﺸﻲ ﻭ ﺗﻮ ﺍﻟﺼﺒﺢ ﻧﻤﺸﻮ ﻭﻳﻦ ﻣﺎ ﺗﺒﻲ
ﻣﺤﻤﺪ << ﺧﻠﻴﻚ ﻣﻌﻨﺎﻫﺎ ﻭ ﻛﺎﻥ ﻛﻠﻤﻚ ﺭﻣﺰﻱ ﻗﻮﻟﻪ ﺭﺍﻗﺪ
ﻋﻠﻲ << ﻣﺶ ﻩ ﻧﺨﻠﻴﻚ ﺗﻤﺸﻲ ﺑﺮﻭﺣﻚ ﺭﺍﺟﻲ ﻧﻘﻮﻝ ﻟﻠﻤﺪﺍﻡ ﺑﺲ
ﻣﺸﻰ ﻋﻠﻲ ﻣﻊ ﻣﺤﻤﺪ ﻷﻗﺮﺏ ﺑﺤﺮ ﻭ ﻗﻌﻤﺰﻭ ﻫﻤﺎ ﺍﻻﺛﻨﻴﻦ ﻉ ﺍﻟﺮﻣﻠﻪ
ﻋﻠﻲ << ﺑﺎﻫﻲ ﺟﺎﻳﺒﻨﺎ ﻫﻨﺎ ﻋﺸﺎﻥ ﺗﻘﻌﺪ ﺳﺎﻛﺖ ؟ !
ﻣﺤﻤﺪ << ﺧﺎﻧﺘﻨﻲ ﻳﺎ ﻋﻠﻲ ﺧﺎﻧﺘﻨﻲ
ﻋﻠﻲ << ﻳﺎ ﺭﺍﺟﻞ ﺍﺫﻛﺮ ﺍﻟﻠﻪ ﺑﺎﻟﻚ ﻓﻲ ﺳﻮﺀ ﺗﻔﺎﻫﻢ
ﻣﺤﻤﺪ << ﻻ ﺍﻟﻪ ﺍﻻ ﺍﻟﻠﻪ // ﻛﻞ ﺷﻲ ﺷﻔﺘﻪ ﺑﻌﻴﻮﻧﻲ
ﻋﻠﻲ << ﺷﻦ ﻫﻮﺍ ﺍﻟﻠﻲ ﺷﻔﺘﻪ ؟ ﺷﻮﻳﺔ ﻛﻼﻡ ﻭ ﺭﺳﺎﺋﻞ ؟ ﺑﺎﻫﻲ ﺷﻔﺘﻬﺎ ﺭﺍﺩﻩ ﻉ ﻭﺍﺣﺪ ﻓﻴﻬﻢ ؟
ﻣﺤﻤﺪ << ﺃﻛﻴﺪ ﻣﺎﺳﺤﻪ ﺭﺩﻫﺎ
ﻋﻠﻲ << ﺑﺎﻟﻌﻘﻞ ﻳﻌﻨﻲ ﺍﻟﻠﻲ ﻳﺨﻠﻴﻬﺎ ﺗﻤﺴﺢ ﺍﻟﺮﺳﺎﻟﺔ ﺍﻟﻠﻲ ﻫﻲ ﺩﺍﺯﺗﻬﺎ ﻳﺨﻠﻴﻬﺎ ﺗﻤﺴﺢ ﺣﺘﻰ ﺭﺳﺎﺋﻠﻬﻢ
ﻣﺤﻤﺪ << ﻭ ﺍﻧﺖ ﻟﻴﺶ ﻗﺎﻋﺪ ﺃﺩﺍﻓﻊ ﻋﻠﻴﻬﺎ ؟؟
ﻋﻠﻲ << ﺗﺒﻲ ﺗﺒﺮﻡ ﻋﻠﻴﺎ ﺗﻮﺍ ؟ ﺍﻧﺎ ﺍﻟﺒﻨﺖ ﻣﺮﻩ ﻭﺣﺪﻩ ﺷﻔﺘﻬﺎ ﻭ ﺑﺎﻳﻦ ﻋﻠﻴﻬﺎ ﻛﻮﻳﺴﻪ ﻭ ﺗﺒﻲ ﺍﻟﺤﻖ ﻣﻦ ﺩﻭﺓ ﺑﻨﺖ ﻋﻤﻚ ﻑ ﺣﺎﺟﻪ ﻏﻠﻂ ﻳﻌﻨﻲ ﻛﻨﻬﺎ ﻡ ﺟﺖ ﺣﻜﺘﻠﻚ ﺍﻧﺖ ﺑﺮﻭﺣﻚ ﻟﻴﺶ ﻗﺪﺍﻣﻬﻢ ﻛﻠﻬﻢ ؟ ﻳﻌﻨﻲ ﺷﻦ ﺍﻟﻠﻲ ﻛﺎﻧﺖ ﺗﺒﻲ ﺗﻮﺻﻠﻪ ؟ ﻓﻜﺮ ﺑﻌﻘﻠﻚ ﺷﻮﻳﻪ
ﻣﺤﻤﺪ << ﻧﺒﻲ ﻧﺘﺰﻭﺟﻬﺎ
ﻋﻠﻲ << ﺑﻌﻘﻠﻚ ﺍﻧﺖ ؟ ! ﻣﺤﻤﺪ ! ﺍﻧﺖ ﻋﺎﺭﻑ ﺭﻭﺣﻚ ﺗﺤﺐ ﺑﺸﺮﻯ ﻛﻴﻒ ﻫﻜﻲ ﻑ ﻟﺤﻈﻪ ﺗﺒﻲ ﺗﺰﻭﺝ ﻭﺣﺪﻩ ﺍﺧﺮﻩ ؟
ﻣﺤﻤﺪ << ﻧﺒﻲ ﻧﻘﻬﺮﻫﺎ ﻛﻴﻒ ﻣﺎ ﻗﻬﺮﺗﻨﻲ
ﻋﻠﻲ << ﺗﻘﻬﺮ ﻑ ﺭﻭﺣﻚ ﻫﻜﻲ
ﻣﺤﻤﺪ << ﻫِﻲَ ﺍﻟﻠﻲ ﻗﻬﺮﺗﻨﻲ / ﻧﺎﺭ ﻳﺎ ﻋﻠﻲ ﻭﺍﻟﻌﻪ ﻓﻴﺎ ﺗﻲ ﻣﺶ ﻗﺎﺩﺭ ﻧﺴﺘﻮﻋﺐ ﻛﻴﻒ ﺍﻟﺒﻨﺖ ﺍﻟﻄﻴﺒﻪ ﻫﺬﻩ ﻳﻄّﻠﻊ ﻣﻨﻬﺎ ﻛﻞ ﻫﺬﺍ ؟ ﻛﺎﻧﺖ ﺗﺤﻜﻴﻠﻲ ﺗﻘﻮﻟﻲ ﺍﻧﺖَ ﺍﻭﻝ ﺣﺐ ﻑ ﺣﻴﺎﺗﻲ ﻭ ﺗﻄﻠﻊ ﺗﻌﺮﻑ ﻭﺍﺣﺪ ﻗﺒﻠﻲ
ﻋﻠﻲ << ﺑﺎﻫﻲ ﻣﺎﻫﻮ ﺣﺘﻲ ﺍﻧﺖ ﻛﻨﺖ ﺗﺤﺐ ﻭﺣﺪﻩ ﻗﺒﻠﻬﺎ ﻭ ﻻ ﺣﻼﻝ ﻋﻠﻴﻚ ﻭ ﺣﺮﺍﻡ ﻉ ﻏﻴﺮﻙ
ﻣﺤﻤﺪ << ﻏﺒﻲ ﺍﻧﺖ ؟؟ ﻏﺒﻲ ﻭ ﻻ ﺗﺴﺘﻐﺒﻰ ؟؟ ﻗﺼﺘﻲ ﻗﺪﻳﻤﻪ ﺍﻧﺎ ﻭ ﻟﻤﺎ ﺣﺎﻭﻟﺖ ﺗﺮﺩ ﻟﺤﻴﺎﺗﻲ ﻡ ﺧﻠﻴﺘﻬﺶ ﺭﻏﻢ ﺍﻧﻪ ﻭﻗﺘﻬﺎ ﻡ ﻛﺎﻥ ﻓﻲ ﺷﻲ ﺑﻴﻨﻲ ﻭ ﺑﻴﻦ ﺑﺸﺮﻯ
ﻋﻠﻲ << ﺑﺎﻫﻲ ﻟﻴﺶ ﻡ ﺗﺤﻄﺶ ﺭﻭﺣﻚ ﻣﻜﺎﻧﻬﺎ ؟ ﺑﺎﻟﻚ ﺣﺘﻲ ﻫﻲ ﺻﺎﺭﻟﻬﺎ ﻫﻜﻲ / ﻳﻤﻜﻦ ﺣﺎﻭﻝ ﻳﺮﺩ ﻟﺤﻴﺎﺗﻬﺎ ﻭ ﻫﻲ ﻡ ﺗﺒﻴﺶ
ﻣﺤﻤﺪ << ﻛﻨﻬﺎ ﻡ ﺻﺎﺭﺣﺘﻨﻲ ؟؟ ﻛﻨﻬﺎ ﻡ ﺣﻜﺘﻠﻲ ﻛﻞ ﺷﻲ ﺭﺍ ﻫﺬﺍ ﻛﻠﻪ ﻡ ﺻﺎﺭﺵ
ﻋﻠﻲ << ﻻﺯﻡ ﺗﺴﺄﻟﻬﺎ ﻫﻲ ﺍﻟﺴﺆﺍﻝ ﻫﺬﺍ )
ﻣﺤﻤﺪ << ﻣﺴﺘﺤﻴﻠﻪ ﻧﺮﺩ ﻧﺤﻜﻲ ﻣﻌﺎﻫﺎ ﺗﻲ ﺍﻟﻘﺼﻪ ﺍﻛﺒﺮ ﻣﻦ ﻫﻜﻲ / ﺍﻛﺒﺮ ﻣﻦ ﺍﻧﻬﺎ ﻛﺎﻧﺖ ﺗﺤﺐ ﻭﺍﺣﺪ ﻗﺒﻠﻲ // ﺍﻓﻬﻤﻨﻲ ﻳﺎ ﻋﻠﻲ ﺗﻲ ﻣﺎﺯﺍﻟﺖ ﺗﺤﻜﻲ ﻣﻌﺎﻩ ﻭ ﻳﻬﺪﺩ ﻓﻴﻬﺎ ﺍﺧﺮﻩ // ﻻﺯﻡ ﻧﻌﺮﻓﻪ ﻣﻦ ﻭ ﻭﻗﺘﻬﺎ ﻧﻌﺮﻑ ﻛﻴﻒ ﻧﺎﺧﺬ ﺣﻘﻲ ﻣﻨﻪ
ﻋﻠﻲ << ﻭﺳﻊ ﺑﺎﻟﻚ ﻭ ﻛﻞ ﺷﻲ ﻩ ﻳﻨﺤﻞ ﻏﻴﺮ ﺣﻮﻝ ﻓﻜﺮﺓ ﺍﻧﻚ ﺗﺰﻭﺝ ﺑﺲ
ﻣﺤﻤﺪ << ﻣﺶ ﻣﺴﺘﻮﻋﺐ ﻗﺴﻤﺎ ﺑﺎﻟﻠﻪ ﺗﻲ ﻣﺶ ﻗﺎﺩﺭ ﻧﺼﺪﻕ ﻭ ﻻ ﺣﺘﻲ ﻣﺮﺍﺩ ﻳﺤﺒﻬﺎ ؟؟ ﻣﺮﺍﺩ ﻛﻨﺖ ﻧﺤﻜﻴﻠﻪ ﻑ ﻣﺸﺎﻛﻠﻲ ﻭ ﻛﺎﻥ ﻫﻮﺍ ﺍﻟﻠﻲ ﻳﻨﺼﺢ ﻓﻴﺎ ﻋﺸﺎﻥ ﻧﺼﺎﻟﺤﻬﺎ ﻭ ﻳﻄّﻠﻊ ﻫﻮﺍ ﺍﻟﻠﻲ ﻳﺤﺒﻬﺎ
ﻋﻠﻲ << ﺷﻦ ﻛﺎﻧﺖ ﺭﺩّﺓ ﻓﻌﻠﻪ ﺑﺎﻩ ؟ !
ﻣﺤﻤﺪ << ﻗﻌﺪ ﻳﻜﺬﺏ ﻓﻲ ﺭﺍﻧﻴﺎ
ﻋﻠﻲ << ﻣﺤﻤﺪ ﺻﺪﻗﻨﻲ ﻣﺶ ﻣﺘﺮﻳﺢ ﻟﻠﻤﻮﺿﻮﻉ ﻭ ﻓﻲ ﺃﻥ
ﻣﺤﻤﺪ << ﻧﻘﻮﻟﻚ ﻗﺮﻳﺖ ﺍﻟﻤﺴﺞ ﺑﻌﻴﻮﻧﻲ ﻛﺎﺗﺒﻠﻬﺎ ﻧﺤﺒﻚ
ﻳﺤﺒﻬﺎ ﻱ ﻋﻠﻲ ﺗﻲ ﻣﺮﺍﺗﻲ ﻳﺎ ﻧﺎﺍﺍﺍﺍﺱ ﻣﺮﺍﺗﻲ ﺍﻧﺎ ﻭ ﻛﻠﻬﻢ ﻋﻴﻨﻬﻢ ﻓﻴﻬﺎ
ﻋﻠﻲ << ﺧﻠﻴﻨﺎ ﺑﺎﻩ ﻧﺮﻭﺣﻮ ﺑﻜﺮﺍ ﺗﻤﺸﻴﻠﻬﺎ ﻭ ﺗﺤﻜﻲ ﻣﻌﺎﻫﺎ
ﻣﺤﻤﺪ << ﻟﻮ ﻧﺸﻮﻓﻬﺎ ﺍﺣﺘﻤﺎﻝ ﻧﻘﺘﻠﻬﺎ ﻭ ﻧﻘﺘﻞ ﻣﺮﺍﺩ ﻭ ﺭﺍﻧﻴﺎ ﺑﺎﻟﻤﺮﻩ ﺑﺎﻟﻚ ﻧﺘﺮﻳﺢ ﻭﻗﺘﻬﺎ
ﻋﻠﻲ << ﻭ ﺍﻗﺘﻞ ﺭﻭﺣﻚ ﺣﺘﻲ ﺍﻧﺖ 😂
ﻣﺤﻤﺪ << ﺗﻀﺤﻚ ؟ ﺗﻲ ﻧﺤﻜﻲ ﺟﺪﻳﺎﺕ ﺍﻧﺎ
ﻋﻠﻲ << ﺻﺒﻲ ﺑﺎﻩ
ﻣﺤﻤﺪ << ﻻﻻ ﺑﻨﺮﻗﺪ ﻫﻨﺎ ﻫﺬﺍ ﻛﺎﻥ ﻗﺪﺭﺕ ﻧﺮﻗﺪ ﺍﺻﻼ
ﻋﻠﻲ << ﻧﻌﻨﺠﺪ ﺗﺮﻗﺪ ﻫﻨﺎ ! ﺗﻲ ﺗﻨﻮﺽ ﻣﻴﺖ ﺍﻧﻈﻨﻲ / ﺍﻟﺠﻮ ﺑﺪﺍ ﺻﻘﻊ ﻭ ﻣﺶ ﻩ ﻳﺠﻲ ﺍﻟﺼﺒﺢ ﺍﻻ ﻭ ﺍﻧﺖ ﻣﺠﻤﺪ
ﻣﺤﻤﺪ << ﺣﺘﻲ ﻗﻠﺒﻲ ﺗﺠﻤﺪ ﺟﺖ ﻋﻠﻴﺎ ﺍﻧﺎ // ﺍﻣﺸﻲ ﺍﻣﺸﻲ ﺃﻛﻴﺪ ﻣﺮﺍﺗﻚ ﺗﺮﺍﺟﻲ ﻓﻴﻚ ) ﻡ ﺗﺨﻠﻴﻬﺶ ﺑﺮﻭﺣﻬﺎ
ﻋﻠﻲ << ﻻ ﺍﻟﻤﺸﺮﻭﺏ ﺍﺛﺮ ﻓﻴﻚ ﺟﺪﻳﺎﺕ / ﻋﻤﻮﻣﺎ ﻩ ﻧﻘﻌﺪ ﻭﺍﻋﻲ ﻛﺎﻥ ﺗﺒﻴﻨﻲ ﻛﻠﻤﻨﻲ ﻭ ﻣﺎ ﺍﺩﻳﺮﺵ ﺁﻱ ﺷﻲ ﺍﻻ ﺑﻌﺪ ﻡ ﺗﻘﻮﻟﻲ
ﻣﺤﻤﺪ << ﺗﻢ ﺗﻢ
ﺻﺒﻰ ﻋﻠﻲ ﻭ ﻣﺸﻰ ) ﺣﻂ ﻣﺤﻤﺪ ﺇﻳﺪﻳﻪ ﺗﺤﺖ ﺭﺍْﺳﻪ ﻭ ﻗﻌﺪ ﻳﺒﺤﺖ ﻑ ﺍﻟﺴﻤﺎﺀ ﻭ ﺩﻣﻮﻋﻪ ﻳﻨﺰﻟﻦ
ﻣﺤﻤﺪ << ﺷﻜﻠﻬﺎ ﺗﻤﻄﺮ ﻭ ﻻ ﺷﻨﻮ ؟ ﻫﻪ ﻣﺴﺘﺤﻴﻠﻪ ﻧﻜﻮﻥ ﻧﺒﻜﻲ ! ﻣﺶ ﺩﻣﻮﻉ ﻫﺬﻳﻦ !! " ﻛﺮ ﻳﺪﻩ ﻣﻦ ﺗﺤﺖ ﺭﺃﺳﻪ ﻭ ﺣﻄﻬﺎ ﻉ ﻗﻠﺒﻪ ﻭ ﻏﻤﺾ ﻋﻴﻮﻧﻪ "
ﻫﺬﻙ ﺍﻟﻠﻴﻠﻪ ﻡ ﺣﺪ ﺭﻗﺪ ﻓﻴﻬﺎ / ﻻ ﺍﻧﺎ ﻭ ﻻ ﻣﺤﻤﺪ ﻭ ﻻ ﻣﺮﺍﺩ ﻭ ﻻ ﻣﺎﻟﻚ ﻭ ﻻ ﻫﻠﻲ ﺍﻟﻠﻲ ﻣﺶ ﻓﺎﻫﻤﻴﻦ ﺷﻦ ﺍﻟﻠﻲ ﺧﻼﻧﻲ ﺍﻧﺠﻲ ﻑ ﺍﻟﻠﻴﻞ ﻭ ﻻ ﻫﻠﻪ ﺍﻟﻠﻲ ﻣﺶ ﻋﺎﺭﻓﻴﻦ ﺷﻦ ﻩ ﻳﺼﻴﺮ
//
//
//
ﻣﻊ ﺍﻟﺴﺎﻋﻪ 9 ﺍﻟﺼﺒﺢ ﻫﻜﻲ ﺧﺸﺖ ﺯﻳﻨﺐ ﻟﺪﺍﺭ ﻭ ﻗﻌﺪﺕ ﺗﺒﺤﺖ ﻓﻴﺎ
ﺯﻳﻨﺐ << ﺻﺒﺎﺡ ﺍﻟﺨﻴﺮ
ﺍﻧﺎ << ﺻﺒﺎﺡ ﺍﻟﻨﻮﺭ
ﺯﻳﻨﺐ << ﺑﺎﺑﺎ ﻣﻦ ﺑﺪﺭﻱ ﻳﺮﺍﺟﻲ ﻓﻴﻚ
ﺍﻧﺎ << ﺍﻳﻬﻢ ﻗﺎﻋﺪ ؟
ﺯﻳﻨﺐ << ﺍﻫﺎ ﻭ ﺣﺘﻲ ﺧﺎﻟﺪ
ﺍﻧﺎ << ﻧﻐﺴﻞ ﻭﺟﻲ ﻭ ﺗﻮ ﺍﻧﺠﻲ
ﺯﻳﻨﺐ << ﺑﺸﻪ !!
ﺍﻧﺎ << ﻩ ﻧﻐﺴﻞ ﻭﺟﻲ ﻭ ﺗﻮ ﻧﺤﻜﻴﻠﻜﻢ
ﻃﻠﻌﺖ ﺯﻳﻨﺐ ﻭ ﻛﺎﻥ ﺍﻟﺠﺮﺱ ﻳﺮﻥ // ﻭ ﻟﻤﺎ ﻣﺸﻰ ﺍﻳﻬﻢ ﻳﻔﺘﺢ ﻛﺎﻥ ﻣﺆﻳﺪ ﺟﺎﻳﺐ ﺣﻨﺎﻥ
ﻏﺴﻠﺖ ﻭﺟﻲ ﻭ ﺭﺩﻳﺖ ﻟﺪﺍﺭ ﻓﺘﺤﺖ ﺍﻟﻔﻮﻥ ﻭ ﻟﻘﻴﺖ ﻣﺴﺠﺎﺕ ﻣﻜﺎﻟﻤﺎﺕ ﺍﻟﻔﺎﺋﺘﺔ ﻣﻦ ﻣﺮﺍﺩ ﻭ ﻣﺴﺞ ﻛﺎﺗﺐ ﻓﻴﻪ " ﺷﻐﻠﺘﻨﻲ ﺍﻥ ﺷﺎﺀ ﺍﻟﻠﻪ ﻏﻴﺮ ﻣﺶ ﺻﺎﻳﺮﻟﻚ ﺷﻲ "
ﻭ ﺍﻭﻝ ﻡ ﻭﺻﻠﻨﻲ ﺍﻟﻤﺴﺞ ﺭِﻥ ﻋﻠﻴﺎ
ﺍﻧﺎ << ﺁﻟﻮ
ﻣﺮﺍﺩ << ﺑﺸﺮﻯ ! ؟ ﻟﻴﺶ ﻗﺎﻓﻠﻪ ﻧﻘﺎﻟﻚ ؟
ﺍﻧﺎ << ﻉ ﺍﺳﺎﺱ ﻛﻨﺖ ﻧﺒﻲ ﻧﺮﻗﺪ ﺑﺲ ﻡ ﺻﺎﺭ ﺷﻲ
ﻣﺮﺍﺩ << ﺣﺘﻲ ﺍﻧﺎ ﻣﺎﺯﻟﺖ ﻭﺍﻋﻲ ﻋﻨﺪ ﺗﻮﺍ
ﺍﻧﺎ << ﺭﺩﻳﺖ ﻟﻠﺤﻮﺵ ؟
ﻣﺮﺍﺩ << ﻻﻻ / ﻗﺎﻋﺪ ﻑ ﺑﺪﺍﻳﺔ ﺷﺎﺭﻋﻜﻢ
ﺍﻧﺎ << ﺷﺎﺭﻋﻨﺎ ؟؟ ﻭ ﻋﻠﻴﺶ ؟ !
ﻣﺮﺍﺩ << ﻣﺶ ﻋﺎﺭﻑ ﻗﻠﺖ ﻣﺮﺍﺕ ﺗﺒﻲ ﺍﻱ ﺣﺎﺟﻪ
ﺍﻧﺎ << ﺗﻮ ﻧﺒﻲ ﻧﻤﺸﻲ ﻧﺤﻜﻲ ﻣﻊ ﺑﺎﺑﺎ
ﻣﺮﺍﺩ << ﻓﻜﺮﺗﻲ ﻛﻮﻳﺲ ؟
ﺍﻧﺎ << ﺍﻟﻤﻮﺿﻮﻉ ﻣﺶ ﻣﺴﺘﺤﻖ ﺗﻔﻜﻴﺮ
ﻣﺮﺍﺩ << ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﺎ << ﺍﻥ ﺷﺎﺀ ﺍﻟﻠﻪ
ﺳﻜﺮﺕ ﻣﻨﻪ ﻭ ﻃﻠﻌﺖ / ﻟﻘﻴﺖ ﻑ ﺍﻟﺼﺎﻟﻪ ﻣﺮﺍﺕ ﺑﺎﺑﺎ ﻭ ﺣﻨﺎﻥ ﺩﻭﺑﻪ ﻣﻘﻌﻤﺰﻩ
ﺣﻨﺎﻥ << ﺑﺸﺸﺸﻪ ﻣﺮﺍﻳﻔﻪ ﻋﻠﻴﻚ " ﻭ ﺻﺒﺖ ﺗﺴﻠﻢ ﻋﻠﻴﺎ
ﺍﻧﺎ << ﺍﻧﺎ ﺍﻛﺜﺮ
ﺣﻨﺎﻥ << ﻣﺎ ﻧﺤﺴﺎﺑﻜﺶ ﻫﻨﺎ / ﺍﻣﺘﻲ ﺟﻴﺘﻲ ؟ !
ﻓﺎﻃﻤﻪ << ﻣﻦ ﺃﻣﺲ ﻳﺎ ﺣﻨﻪ
ﺍﻧﺎ << ﻭﻳﻦ ﺑﺎﺑﺎ ؟
ﻭﺩﺍﺩ << ﻑ ﺍﻟﻤﺮﺑﻮﻋﻪ ﻣﻊ ﻣﺆﻳﺪ ﻭ ﺍﻟﺸﺒﺎﺏ
ﺍﻧﺎ << ﺗﻤﺎﻡ
ﻣﺸﻴﺖ ﻟﻠﻤﺮﺑﻮﻋﻪ ﻭ ﺟﺎ ﻣﺆﻳﺪ ﺳﻠﻢ ﻋﻠﻴﺎ
ﺧﺎﻟﺪ << ﺟﻴﺘﻲ ﻑ ﺍﻟﺼﺒﺢ ﻭ ﻻ ﺷﻨﻮ ؟
ﺍﻧﺎ << ﻻﻻ ﺃﻣﺲ ﻑ ﺍﻟﻠﻴﻞ
ﺧﺎﻟﺪ << ﻭ ﻋﻠﻴﺶ ﺍﻥ ﺷﺎﺀ ﺍﻟﻠﻪ ؟ !
ﺍﻧﺎ << ﻩ ﻧﺤﻜﻲ ﻛﻞ ﺣﺎﺟﻪ ﺑﺲ ﻗﺒﻞ ﻡ ﻧﺒﺪﺃ ! ﺍﻧﻲ ﻧﺮﺩ ﻏﺎﺩﻱ ﺣﻮﻟﻮﻫﺎ ﻣﻦ ﺭﺅﻭﺳﻜﻢ ؟
ﺑﺎﺑﺎ << ﻓﻬﻤﻴﻨﺎ ﺷﻦ ﺻﺎﻳﺮ
ﻭ ﻗﺒﻞ ﻡ ﻧﺒﺪﺃ ﻧﺤﻜﻲ ﺭِﻥ ﺟﺮﺱ ﺍﻟﺤﻮﺵ
ﺧﺎﻟﺪ << ﺍﻣﺸﻲ ﺷﻮﻑ ﻣﻦ
ﺍﻳﻬﻢ << ﺧﺸﻲ ﺟﻮﺍ ﺍﻧﺖِ
ﺍﻧﺎ << ﺃﻛﻴﺪﻩ ﻣﺮﺍﺩ
ﻣﺸﻰ ﺍﻳﻬﻢ ﻳﺸﻮﻑ ﻣﻦ ﻭ ﻃﻠﻊ ﻣﺮﺍﺩ ﻛﻴﻒ ﻡ ﺗﻮﻗﻌﺖ // ﺧﺶ ﻣﺮﺍﺩ ﻟﻠﻤﺮﺑﻮﻋﻪ ﻭ ﺳﻠﻢ ﻋﻠﻴﻬﻢ ﻭ ﻗﻌﺪ ﻳﺒﺤﺖ ﻓﻴﺎ
ﺧﺎﻟﺪ << ﺗﺒﻲ ﺗﺤﻜﻲ ﻭ ﻻ ﺷﻨﻮ ؟؟
ﺑﺪﻳﺖ ﻧﺤﻜﻲ ﻑ ﻛﻞ ﺍﻟﻠﻲ ﺻﺎﺭ ﻭ ﻛﻞ ﺍﻟﻠﻲ ﺩﺍﺭﺍﺗﻪ ﺭﺍﻧﻴﺎ
ﻭ ﺍﻭﻝ ﻡ ﻛﻤﻠﺖ ﺻﺒﻰ ﺧﺎﻟﺪ ﺷﻮﺭﻱ ﻭ ﻛﺎﻥ ﻳﺒﻲ ﻳﻀﺮﺑﻨﻲ ﺑﺲ ﺟﺎ ﻗﺪﺍﻣﻲ ﻣﺮﺍﺩ
ﻣﺮﺍﺩ << ﻣﺶ ﻩ ﺗﻀﺮﺑﻬﺎ
ﺧﺎﻟﺪ << ﻣﺶ ﺷﻮﺭﻙ ﺍﻧﺖ ﻭ ﺣﻮﻝ ﻣﻦ ﻗﺪﺍﻣﻲ
ﻣﺮﺍﺩ << ﺗﺒﻲ ﺗﻀﺮﺑﻬﺎ ! ﺍﺿﺮﺑﻨﻲ ﺍﻧﺎ
ﺑﺤﺘﺖ ﻑ ﺑﺎﺑﺎ ﺍﻟﻠﻲ ﻣﻦ ﻗﻮﺓ ﺍﻟﺼﺪﻣﻪ ﻭ ﺍﻟﻜﻼﻡ ﺍﻟﻐﺮﻳﺐ ﻣﻌﺶ ﻗﺪﺭ ﻳﺼﺒﻲ
ﺍﻧﺎ << ﺑﺎﺑﺎ ﺍﻓﻬﻤﻨﻲ ﻛﻮﻳﺲ ﻛﻞ ﺍﻟﻜﻼﻡ ﻛﺬﺏ ﻫﻲ ﻛﺎﻧﺖ ﺗﺒﻲ ﺗﺨﺮﺏ ﻋﻠﻴﺎ ﺍﻧﺎ ﻭ ﺍﺣﻤﻴﺪﻩ ﻭ ﺗﺒﻴﻨﺎ ﻧﺴﻴﺒﻮ ﺑَﻌﻀُﻨَﺎ
ﺍﻳﻬﻢ << ﺗﻲ ﺷﻦ ﺍﻟﻜﻼﻡ ﻫﺬﺍ ؟؟
ﺍﻧﺎ << ﺍﻳﻬﻢ ﺗﺬﻛﺮ ﻣﻦ ﻗﺒﻞ ﻟﻤﺎ ﺗﻌﺒﺖ ﻭ ﺧﺸﻴﺖ ﺍﻟﻤﺴﺘﺸﻔﻰ ؟ ﻋﺸﺎﻥ ﻗﺼﺔ ﺍﻟﺤﻨﻪ
ﺍﻳﻬﻢ << ﺍﻫﺎ !
ﺍﻧﺎ << ﺍﻟﻤﻮﺿﻮﻉ ﻛﺎﻥ ﻣﻨﻬﺎ ﻫﻲ / ﻭ ﺍﻟﻔﻠﻮﺱ ﺍﻟﻠﻲ ﻧﻘﺼﻦ ﻣﻦ ﻋﻨﺪ ﻣﺤﻤﺪ ﻫﻲ ﺍﻟﻠﻲ ﺧﺬﺗﻬﻦ ﻋﺸﺎﻥ ﻣﺤﻤﺪ ﻳﺸﻚ ﻓﻴﺎ ﻭ ﻫﻲ ﺍﻟﻠﻲ ﺩﺯﺕ ﺍﻟﻤﺴﺞ ﻣﻦ ﻓﻮﻥ ﻣﺮﺍﺩ
ﺑﺎﺑﺎ << ﻭ ﻋﻠﻴﺶ ﻫﺬﺍ ﻛﻠﻪ ؟ ﺷﻦ ﺩﺍﻳﺮﺗﻴﻠﻬﺎ ﻋﺸﺎﻥ ﺃﺩﻳﺮ ﻓﻴﻚ ﻫﻜﻲ
ﻣﺮﺍﺩ << ﻣﻤﻜﻦ ﻧﺤﻜﻲ ﺍﻧﺎ ﻳﺎ ﻋﻤﻲ ! // ﺭﺍﻧﻴﺎ ﻫﺬﻩ ﻛﺎﻧﺖ ﺗﺒﻲ ﻣﺤﻤﺪ ﻣﻦ ﻗﺒﻞ ﻭ ﻣﺎ ﺍﺳﺘﻮﻋﺒﺘﺶ ﻓﻜﺮﺓ ﺍﻧﻪ ﺗﺰﻭﺝ ﻭﺣﺪﻩ ﻏﻴﺮﻫﺎ ﻭ ﺍﻧﺎ ﺣﻜﻴﺖ ﻣﻌﺎﻫﺎ ﻭ ﻗﻠﺘﻠﻬﺎ ﻃﻠﻌﻴﻬﻢ ﻣﻦ ﺭﺃﺳﻚ ﺑﺲ ﻟﻸﺳﻒ ﻣﺎ ﺻﺎﺭ ﺷﻲ
ﺍﻳﻬﻢ << ﺑﺎﻫﻲ ﻭ ﺑﺎﻟﻨﺴﺒﻪ ﻟﻘﺼﺔ ﺍﻟﺸﺎﺏ ؟ ﻳﻌﻨﻲ ﻫﻲ ﺃﻟﻔﺖ ﺍﻟﻤﻮﺿﻮﻉ ﻛﻠﻪ ﻣﻦ ﺭﺃﺳﻬﺎ ؟ ﻭ ﻛﻴﻒ ﻭﻟﺪ ﺧﺎﻟﺘﻚ ﻣﻮﺍﻓﻖ ﻉ ﺍﻟﻜﻼﻡ ! ﻓﻬﻤﻮﻧﺎ ﻳﺎ ﺳﻲ
ﻣﺮﺍﺩ << " ﺑﺤﺖ ﻓﻴﺎ ﻭ ﻣﻌﺶ ﻋﺮﻑ ﺷﻦ ﻳﻘﻮﻝ "
ﺍﻧﺎ << ﻛﻨﺖ ﻧﻌﺮﻓﻪ ﺑﺲ ﻣﻌﺮﻓﻪ ﻋﺎﺩﻳﻪ ﻳﻌﻨﻲ ﻻ ﻧﺤﺒﻪ ﻻ ﺷﻲ ﻭ ﻣﻌﺮﻓﺘﻲ ﺑﻴﻪ ﻛﺎﻧﺖ ﻛﻠﻬﺎ ﺷﻬﺮ ﺑﺲ ﻫﻮﺍ ﻗﻌﺪ ﻛﻞ ﻣﺎ ﻳﺸﻮﻓﻨﻲ ﻳﺠﻲ ﻉ ﺍﺳﺎﺱ ﻳﺒﻲ ﻳﺤﻜﻲ ﻣﻌﺎﻳﺎ ﺑﺲ ﺍﻧﺎ ﻡ ﻛﻨﺘﺶ ﻧﻌﺒﺮ ﻓﻴﻪ ﻋﻨﺪ ﻣﺎ ﻳﻮﻣﻬﺎ ﺷﺎﻑ ﻣﺎﻟﻚ ﻭ ﻗﻌﺪ ﻳﻜﺬﺏ ﻋﻠﻴﻪ
ﻣﺆﻳﺪ << ﺑﺸﻪ ! ﻓﺎﻃﻨﻪ ﺷﻦ ﻗﺎﻋﺪﻩ ﺗﻘﻮﻟﻲ !! ﺗﻲ ﺷﻦ ﺍﻟﻜﻼﻡ ﻫﺬﺍ !!
ﺍﻧﺎ << ﻋﺎﺭﻓﻪ ﺍﻟﻤﻮﺿﻮﻉ ﻛﻠﻪ ﻛﺒﻴﺮ ﺑﺲ ﺍﻧﺎ ﺣﻜﻴﺘﻠﻜﻢ ﻛﻞ ﺣﺎﺟﻪ ﻭ ﻛﻞ ﺍﻟﺘﻔﺎﺻﻴﻞ ﻋﺸﺎﻥ ﻡ ﺗﺴﻤﻌﻮﺵ ﻣﻦ ﺣﺪ ﻏﺮﻳﺐ
ﺧﺎﻟﺪ << ﻭ ﺍﻧﺖِ ﻭﺍﺧﺪﻩ ﺍﻟﻤﻮﺿﻮﻉ ﻋﺎﺩﻱ ﻫﻜﻲ ؟ ! ﺩﺍﺭﻭﻙ ﻭﺣﺪﻩ ﻣﺶ ﺗﻤﺎﻡ ﻭ ﻃﻌﻨﻮ ﻑ ﺷﺮﻓﻚ ﻭ ﺟﻮﻙ ﻋﺎﺩﻱ !! ؟
ﺑﺎﺑﺎ << ﺧﺎﺍﺍﺍﻟﺪ
ﺧﺎﻟﺪ << ﺗﺴﻤﻊ ﻓﻴﻬﺎ ﺷﻦ ﻗﺎﻋﺪﻩ ﺗﺤﻜﻲ
ﺑﺎﺑﺎ << ﻟﻮ ﻛﺎﻧﺖ ﺍﻟﻘﺼﻪ ﺻﺎﺡ ﺭﺍﻩ ﻣﺎ ﺟﺘﺶ ﻭ ﺣﻜﺘﻠﻨﺎ ﻭ ﺑﻌﺪﻳﻦ ﺍﻧﺎ ﻭﺍﺛﻖ ﻓﻴﻬﺎ ﻭ ﺣﺘﻰ ﺍﻧﺖ ﻋﺎﺭﻑ ﺍﻧﻬﺎ ﻣﺴﺘﺤﻴﻠﻪ ﺃﺩﻳﺮ ﺣﺎﺟﺎﺕ ﻛﻴﻒ ﻫﺬﻳﻦ
ﺧﺎﻟﺪ << ﻧﺤﻦ ﻭﺍﺛﻘﻴﻦ ﻓﻴﻬﺎ ﺑﺎﻫﻲ ﻭ ﻫﻤﺎ ؟؟ ﻣﺤﻤﺪ ؟ ﻭ ﻫﻠﻪ ؟ ﺷﻦ ﻩ ﻳﻘﻮﻟﻮ ﻋﻠﻴﻨﺎ ؟ . ﻣﺶ ﻋﺎﺭﻓﻴﻦ ﻧﺮﺑﻮ ﺍﻟﺒﻨﺖ
ﺍﻧﺎ << ﺍﻧﺖ ﻋﺎﺭﻑ ﺍﻧﻪ ﻣﺤﻤﺪ ﻫﺬﺍ ﺍﻟﻠﻲ ﺷﺎﻏﻠﻚ ﻳﺒﻲ ﻳﺘﺰﻭﺝ ﺑﻨﺖ ﻋﻤﻪ !! " ﻭ ﻓﺠﺎﻩ ﺩﻣﻮﻋﻲ ﻗﻌﺪﻥ ﻳﻨﺰﻟﻦ "
ﻳﻌﻨﻲ ﺷﻦ ﻳﺒﻲ ﻳﺜﺒﺖ ؟ ﺣﺘﻰ ﻟﻮ ﺍﻟﻤﻮﺿﻮﻉ ﺍﺻﺪﻣﻪ ﻭ ﺧﺬﺍ ﺭﺩّﺓ ﻓﻌﻞ ﺑﺲ ﻣﺶ ﻫﻜﻲ ﺗﻜﻮﻥ ! ؟؟
ﺑﺎﺑﺎ << ﻳﺒﻲ ﻳﺘﺰﻭﺝ ؟؟
ﺍﻳﻬﻢ << ﺃﻛﻴﺪ ﺍﻟﺮﺍﺟﻞ ﻣﺼﺪﻭﻡ
ﻣﺆﻳﺪ << ﻛﻴﻒ ﻭ ﺍﻟﻠﻲ ﻳﻨﺼﺪﻡ ﻳﻤﺸﻲ ﻳﺘﺰﻭﺝ ؟ ﻫﻪ ﺍﺻﻼ ﻣﻦ ﺍﻻﻭﻝ ﻗﻠﺘﻠﻜﻢ ﻣﺶ ﻟﻬﺎ
ﺧﺎﻟﺪ << ﺍﻟﺮﺍﺟﻞ ﻛﻮﻳﺲ ﻭ ﻣﺶ ﻧﺎﻗﺼﻪ ﺷﻲ ﻭ ﺍﺳﺄﻟﻬﺎ ﻓﻲ ﻭﺟﻬﺎ ! ﻣﺶ ﻣﻨﻘﺺ ﻋﻠﻴﻬﺎ ﺣﺎﺟﻪ ﺑﺲ ﺷﻦ ﺗﺒﻴﻪ ﻳﺪﻳﺮ ﺑﻌﺪ ﻳﺴﻤﻊ ﻛﻼﻡ ﻛﻴﻒ ﻫﺬﺍ ؟؟
ﺍﻧﺎ << ﺍﻧﺖ ﻟﻴﺶ ﻑ ﺻﻔﻪ ! ﺗﻲ ﻣﺎ ﻋﻄﺎﻧﻴﺶ ﻓﺮﺻﻪ ﺣﺘﻲ ﻧﺤﻜﻴﻠﻪ ﻭ ﻻ ﻧﺸﺮﺣﻠﻪ
ﺍﻳﻬﻢ << ﻭ ﺍﻧﺖِ ﺷﻦ ﺗﺒﻲ ﺗﻮﺍ !
ﺍﻧﺎ << ﻧﺒﻴﻪ ﻳﻄﻠﻘﻨﻲ ﺑﺲ ﻗﺒﻞ ﻻﺯﻡ ﺍﻳﺠﻲ ﻋﺜﻤﺎﻥ ﻭ ﻳﺤﻜﻲ ﺍﻟﻘﺼﻪ ﻣﺰﺑﻮﻃﻪ
ﺧﺎﻟﺪ << ﺗﺒﻲ ﺗﺠﻠﻄﻨﺎ ﺍﻟﻔﺮﺧﻪ ﻫﺬﻩ
ﻣﺮﺍﺩ << ﻛﻼﻣﻬﺎ ﺻﺎﺡ ﻋﺸﺎﻥ ﻫﻠﻲ ﻳﺼﺪﻗﻮ ﺍﻧﻪ ﺍﻟﻤﻮﺿﻮﻉ ﻛﺬﺏ ﻻﺯﻡ ﻧﻠﻘﻮﻩ
ﻣﺆﻳﺪ << ﻭ ﻧﻠﻘﻮﻩ ﺷﻦ ﻭﺭﺁﻧﺎ ﻧﺤﻦ
ﺧﺎﻟﺪ << ﺗﻌﺮﻓﻲ ﻳﺎ ﺑﺸﺮﻯ ﻟﻮ ﺗﻄﻠﻌﻲ ﺑﻌﺪﻫﺎ ﺗﻜﺬﺑﻲ ﺗﻲ ﺣﺘﻲ ﺑﺎﺗﻲ ﻣﺎ ﻳﻔﻜﻚ ﻣﻨﻲ ﻭ ﺍﻓﻄﻨﻲ ﻟﺮﻭﺣﻚ " ﻭ ﺻﺒﻰ ﻃﻠﻊ "
ﺍﻧﺎ << ﺑﺎﺑﺎ ﻣﺼﺪﻗﻨﻲ ﺻﺎﺡ ؟؟
ﺑﺎﺑﺎ << ﻃﺒﻌﺎ ﻭ ﻋﺎﺭﻓﻚ ﻭ ﻭﺍﺛﻖ ﻓﻲ ﺗﺮﺑﻴﺘﻲ ﻟﻚِ
ﺣﺴّﻴﺖ ﺭﻭﺣﻲ ﺗﺮﻳﺤﺖ ﺷﻮﻳﻪ ﺑﺲ ﻣﻌﺪﺗﻲ ﻛﺎﻧﺖ ﺗﻮﺟﻊ ﻓﻴﺎ ﻭ ﺧﺸﻴﺖ ﻧﺠﺮﻱ ﺟﻮﺍ ﻟﻠﺤﻤﺎﻡ
ﺣﻨﺎﻥ << ﺑﺸﻪ ؟ . ﻛﻨﻚ ؟؟؟
ﺯﻳﻨﺐ << ﻭﺟﻬﺎ ﺭﺍﻳﺢ ﺍﺻﻔﺮ
ﻭﺩﺍﺩ << ﺑﻜﻞ ﺣﺎﻟﻪ
ﺣﻨﺎﻥ << ﺑﺸﻪ ؟؟ ﺍﻓﺘﺤﻲ ﺍﻟﺒﺎﺏ
ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ ﻗﻌﻤﺰﺕ ﻑ ﺍﻟﺼﺎﻟﻪ
ﺣﻨﺎﻥ << ﺷﻦ ﻓﻲ ؟
ﺍﻧﺎ << ﻻ ﻳﺎ ﺭﺑﻲ ﺍﻥ ﺷﺎﺀ ﺍﻟﻠﻪ 😢
.
حفيدة نيوتن😎🔥
تنزيل وتصميم الغلافات: Rahafaltaher7
