الكاتبة: حفيدة نيوتن 😎🔥
💞زواج تقليدي💞
ﺍﻟﺤﻠﻘﻬﻪ ﺍﻟﺜﺎﻧﻴﺔ ﻭ ﺍﻟﻌﺸﺮﻭﻥ 🌸
ﻃﻠﻌﺖ ﻫﺬﻙ ﺍﻟﻠﺒﺴﻪ ﻣﻦ ﺍﻟﺸﻨﻄﻪ ﻭ ﻟﺒﺴﺖ ﻭ ﺩﺭﺕ ﻣﻴﻚ ﻭ ﺧﺬﻳﺖ ﺷﻨﻄﺘﻲ ﻋﺰﻗﺖ ﺍﻟﻨﻘﺎﻝ ﻓﻴﻬﺎ ﻭ ﻓﺘﺤﺖ ﺑﺎﺏ ﺍﻟﺠﻨﺎﺡ ﻭ ﺗﻮﻛﻠﺖ ﻉ ﺍﻟﻠﻪ ﻭ ﻃﻠﻌﺖ ﺑﺮﺍ ﺍﻟﻔﻨﺪﻕ 💃
ﻛﺎﻥ ﺍﻟﺠﻮ ﺳﻤﺢ ﻭ ﺍﻟﺸﺎﺭﻉ ﺯﺣﻤﻪ ﻭ ﻧﺎﺱ ﻭﺍﺟﺪ
ﺑﺪﻳﺖ ﻧﻤﺸﻲ ﻭ ﻧﺼﻮﺭ ﻭ ﺍﻟﺤﻴﺎﻩ ﺳﻤﺤﻪ 😍😍
//
//
//
" ﻣﺤﻤﺪ "
ﻃﻠﻌﺖ ﺑﺪﺭﻱ ﻭ ﺳﻴﺒﺖ ﺑﺸﺮﻯ ﺭﺍﻗﺪﻩ / ﻗﻠﺖ ﻧﻤﺸﻲ ﻧﻜﻤﻞ ﺷﻐﻠﻲ ﺑﺪﺭﻱ ﻋﺸﺎﻥ ﻧﺮﻭﺡ ﻧﺄﺧﺬﻫﺎ ﻭ ﻧﻄﻠﻌﻮ ﻧﺘﻐﺪﻭ ﺑﺮﺍ ((:
<<
<<
<<
ﻭ ﺍﻧﺎ ﻣﺎﺷﻴﻪ ﻗﻌﺪﺕ ﻧﺼﻮﺭ ﻓﻲ ﻓﻴﺪﻳﻮ ﻭ ﻧﻬﺪﺭﺯ
ﻭ ﻫﺬﻩ ﺗﺮﻛﻴﺎ ﻋﺎﺩ 😍 ﻧﻌﻠﻴﺎ ﻭ ﺧﻼﺹ 🙊 ﻃﺒﻌﺎ ﻣﺶ ﻋﺎﺭﻓﻪ ﺍﻟﻤﻨﻄﻘﻪ ﺷﻦ ﺍﺳﻤﻬﺎ ﺑﺲ ﻧﺒﻲ ﻧﻤﺸﻲ ﻋﻨﺪ ﻧﺴﺎﻝ ﺷﻲ ﺣﺪ ﻉ ﻛﺮﻳﻢ 🌚
ﻗﻌﺪﺕ ﻧﻤﺸﻲ ﻭ ﻧﺼﻮﺭ ﻋﻨﺪ ﺳﻤﻌﺖ ﺍﺛﻨﻴﻦ ﻳﺤﻜﻮ ﻟﻴﺒﻲ 😒
<< ﺷﻮﻑ ﺷﻮﻑ ﺍﻟﻄﺮﻑ ﺍﻟﻠﻲ ﺗﺼﻮﺭ
<< ﻧﻌﻠﻲ ﻳﺎ ﻗﻠﺒﻲ
<< ﺯﻋﻤﻚ ﺗﺮﻛﻴﻪ ؟
<< ﻻﻻ ﻓﻴﻬﺎ ﻋﺮﻕ ﻋﺮﺑﻲ
<< ﻧﺨﺶ ﺍﻧﺎ ﻭ ﻻ ﺍﻧﺖ ؟
<< ﻃﺒﻌﺎ ﺍﻧﺎ 😍
ﻗﺮﺑﻮ ﻣﻨﻲ ﻫﻤﺎ ﺍﻻﺛﻨﻴﻦ ﻭ ﺩﺍﻳﺮﻳﻦ ﺍﺭﻭﺍﺣﻬﻢ ﻳﺤﻜﻮ ﺍﻧﻘﻠﺶ 😂😂
<< ﺃﺭ ﻳﻮ ﺍﻧﻘﻠﺶ ؟
<< ﻻ ﻳﺎ ﻏﺒﻲ ﻣﺶ ﻫﻜﻲ ﻗﻮﻟﻠﻬﺎ / ﺍﻧﻘﻠﺶ ﻓﻮﺭ ؟
<< ﺷﻦ ﻣﻌﻨﺎﻫﺎ ﻫﺬﻩ ؟
<< ﻣﺶ ﻋﺎﺭﻑ ﺑﺲ ﻗﻮﻟﻬﺎ ﻭ ﺧﻼﺹ
<< ﺷﻦ ﺭﺃﻳﻚ ﻧﻘﻮﻟﻠﻬﺎ ﻧﺒﻲ ﺭﻗﻤﻚ ؟
<< ﻗﻮﻟﻠﻬﺎ ﻧﻤﺒﺮ ﻧﻤﺒﺮ
<< ﻳﺲ ﻳﺲ ﻧﻤﺒﺮ ﻳﻮ " ﻭ ﻳﺒﺤﺖ ﻓﻴﺎ "
ﻫﻤﺎ ﺍﻻﺛﻨﻴﻦ ﻛﺎﻧﻮ ﻃﺮﻭﻑ ﺑﺲ ﻭ ﻫﻤﺎ ﻳﺤﻜﻮ ﻣﻌﺶ ﻗﺪﺭﺕ ﻧﻤﺴﻚ ﺭﻭﺣﻲ ﻭ ﻗﻌﺪﺕ ﻧﻀﺤﻚ ﺑﺪﻣﻮﻋﻲ 😂😂
<< ﻧﻌﻠﻴﺎ ﻋﻠﻴﻚ ﺳﻨﻮﻥ ﺻﻒ ﻭﺍﺣﺪ
<< ﺷﻨﻮ ﺳﻨﻮﻥ ﺑﺎﻹﻧﺠﻠﻴﺰﻱ ؟ 😂
<< ﺗﻲ ﺷﻦ ﻋﺮﻓﻨﻲ
<< ﺯﻋﻤﻚ ﺗﻔﻬﻢ ﻓﻴﻨﺎ ﺷﻦ ﻧﺤﻜﻮ ؟
ﺍﻧﺎ << ﻭ ﺑﻌﺪﻫﺎ ﺍﻧﺖ ﻭﻳﺎﻩ ؟ 🌚
ﺑﺤﺘﻮ ﻓﻲ ﺑﻌﻀﻬﻢ ﻭ ﺍﻟﺼﺪﻣﺔ ﻉ ﻭﺟﻬﻢ 😳
<< ﺣﺴﻦ ﺣﻲ ﻉ ﺃﻣﻪ ﻟﻴﺒﻴﻪ 😳
<< ﺃﺻﻼ ﻣﻌﺮﻭﻓﻪ ﺍﻟﺴﻤﺎﺣﻪ ﻫﺬﻩ ﺷﻮﺭﻧﺎ 😎
ﺍﻧﺎ << ﺣﻮﻝ ﻣﻦ ﻗﺪﺍﻣﻲ ﺍﻧﺖ ﻭﻳﺎﻩ
<< ﻏﻴﺮ ﺭﺍﺟﻲ ﺧﻠﻴﻨﺎ ﻧﺘﻌﺮﻓﻮ
<< ﺍﻧﺎ ﺣﺴﻦ ﻭ ﻫﺬﺍ ﺳﺮﺍﺝ
ﺍﻧﺎ << ﺗﺸﺮﻓﻨﺎ 😒
ﺣﺴﻦ << ﻭ ﺍﻧﺘﻲ ؟
ﺍﻧﺎ << ﺑﺸﺮﻯ 🌚
ﺳﺮﺍﺝ << ﺍﺣﻠﻰ ﺍﺳﻢ ﻧﺴﻤﻌﻪ ﻓﻲ ﺣﻴﺎﺗﻲ
ﺍﻧﺎ << ﻗﻮﻝ ﻭ ﺍﻟﻠﻪ ؟ 😒
ﺳﺮﺍﺝ << ﻭ ﺍﻟﻠﻪ 😍
ﺑﺮﻣﺖ ﻧﺒﻲ ﻧﻤﺸﻲ ﺑﺲ ﻗﻠﺖ ﻓﻲ ﻋﻘﻠﻲ ﺑﺎﻟﻚ ﻳﻌﺮﻓﻮ ﺍﻟﻤﻜﺎﻥ ﻛﻮﻳﺲ ﻭ ﻳﻌﺮﻓﻮ ﻛﺮﻳﻢ 😍😍
ﺳﺮﺍﺝ << ﻭﻳﻦ ﻣﺎﺷﻴﻪ ؟
ﺍﻧﺎ << ﻣﺶ ﻋﺎﺭﻓﻪ ﻛﻨﺖ ﻧﺒﺮﻡ ﻭ ﺧﻼﺹ
ﺣﺴﻦ << ﻫﻠﻚ ﻣﻌﺎﻙ ؟
ﺍﻧﺎ << ﻻﻻ
ﺳﺮﺍﺝ << ﻛﺎﻥ ﺗﺒﻲ ﺍﻱ ﺣﺎﺟﻪ ﻗﻮﻟﻲ ﻣﺎ ﺗﺤﺸﻤﻴﺶ
ﺍﻧﺎ << ﻣﺎ ﺗﻌﺮﻓﻮﺵ ﻣﻜﺎﻥ ﺷﻲ ﺷﺮﻛﺔ ﺍﻧﺘﺎﺝ ﺍﻭ ﺍﻱ ﺣﺎﺟﻪ ﺷﻮﺭ ﺍﻟﺘﻤﺜﻴﻞ ؟
ﺳﺮﺍﺝ << ﻫﺬﺍ ﻣﺎ ﻧﺎﻗﺼﻨﺎ ﺃﺻﻼ ؟ ﺗﺒﻲ ﺗﻤﺜﻠﻲ ﻣﻊ ﺍﻷﺗﺮﺍﻙ ﻛﻴﻒ ﻣﺶ ﺭﺟﺎﻟﻪ ﻧﺤﻦ 😒😒
ﺣﺴﻦ << ﻛﺒﺪ ﺍﻟﻬﺒﻞ 😂
ﺍﻧﺎ << ﻧﺒﻲ ﻧﺸﻮﻑ ﻣﻤﺜﻞ ﺿﺮﻭﺭﻱ 🌚
ﺣﺴﻦ << ﺗﺤﺴﺎﺑﻲ ﺭﻭﺣﻚ ﻓﻲ ﻣﺼﺮ ﺍﻧﺘﻲ ؟
ﺍﻧﺎ << ﻛﻴﻒ ﻳﺼﻴﺮ ﺑﺎﻫﻲ ؟
ﺳﺮﺍﺝ << ﻻ ﻧﻐﺎﺭ ﻋﻠﻴﻚ ﺍﻧﺎ ﻛﻴﻒ ﺗﺸﻮﻓﻲ ﻣﻤﺜﻞ
ﻗﻌﺪﺕ ﻧﻀﺤﻚ ﻭ ﻣﻌﺶ ﻋﺮﻓﺖ ﺷﻦ ﻧﺤﻜﻲ // ﻃﺒﻌﺎ ﻛﻨﺖ ﻣﺤﻮﻟﻪ ﺍﻟﺪﺑﻠﻪ ﻣﻦ ﺍﻭﻝ ﻣﺎ ﻃﻠﻌﺖ ﻣﻦ ﺍﻟﻔﻨﺪﻕ ﻋﺸﺎﻥ ﻟﻮ ﺷﻔﺖ ﻛﺮﻳﻢ ﻣﺎ ﻳﻌﺮﻓﺶ ﺃﻧﻲ ﻣﺘﺰﻭﺟﻪ 🌚
ﺳﺮﺍﺝ << ﺗﻌﺎﻟﻲ ﺧﺸﻲ ﻣﻌﺎﻧﺎ ﻟﻠﻜﺎﻓﻲ ﻫﺬﺍ
ﺍﻧﺎ << ﻭ ﻛﺮﻳﻢ ؟ !
ﺣﺴﻦ << ﺗﻮ ﻧﺴﺎﻟﻮ ﺷﻲ ﺣﺪ
ﻣﺶ ﻋﺎﺭﻓﻪ ﻛﻴﻒ ﺍﻗﺘﻨﻌﺖ ﻭ ﻣﺸﻴﺖ ﻣﻌﺎﻫﻢ ﻭ ﺧﺸﻴﻨﺎ ﻟﻠﻜﺎﻓﻲ
//
//
//
" ﻣﺤﻤﺪ "
ﻛﻤﻠﺖ ﺷﻐﻠﻲ ﻭ ﻉ ﻃﻮﻝ ﺭﻭﺣﺖ ﻟﻠﻔﻨﺪﻕ / ﺭﻛﺒﺖ ﻓﻮﻕ ﻭ ﻣﺎ ﻟﻘﻴﺘﺶ ﺑﺸﺮﻯ 😕
ﺑﺮﻣﺖ ﺩﻭﺭﺕ ﻋﻠﻴﻬﺎ ﻓﻲ ﺍﻟﺠﻨﺎﺡ ﻛﻠﻪ ﺑﺲ ﻣﺶ ﻗﺎﻋﺪﻩ ؟ !
ﻧﺰﻟﺖ ﺳﺎﻟﺖ ﻋﻠﻴﻬﺎ ﻓﻲ ﺍﻻﺳﺘﻘﺒﺎﻝ ﻟﻮﻃﺎ ﻭ ﻣﺎ ﺣﺪ ﻋﺮﻓﻬﺎ ﺑﺲ ﺑﻌﺪ ﻭﺻﻔﺘﻠﻬﻢ ﺷﻜﻠﻬﺎ ﻗﺎﻟﺘﻠﻲ ﺍﻟﺒﻨﺖ ﺍﻟﻠﻲ ﻛﺎﻧﺖ ﻏﺎﺩﻱ ﺍﻧﻬﺎ ﺷﺎﻓﺘﻬﺎ ﻭ ﻫﻴﺎ ﻃﺎﻟﻌﻪ
ﻭﻳﻦ ﻃﻠﻌﺖ ﻫﺬﻩ ؟ ! ﺗﻲ ﻭﻳﻦ ﻣﺸﺖ ؟ ! ﻉ ﺃﺳﺎﺱ ﺗﻌﺮﻑ ﺣﺎﺟﻪ ﻫﻨﺎ ؟ !
ﻃﻠﻌﺖ ﺑﺴﻴﺎﺭﻩ ﻭ ﻗﻌﺪﺕ ﻧﺒﺮﻡ ﺑﺎﻟﻚ ﻧﻠﻘﺎﻫﺎ ﺑﺲ ﻣﺎ ﺻﺎﺭ ﺷﻲ
<<
<<
<<
ﻗﻌﺪﺕ ﻧﻬﺪﺭﺯ ﻣﻌﺎﻫﻢ ﺗﻘﻮﻝ ﻟﻴﺎ ﺳﻨﻪ ﻧﻌﺮﻓﻬﻢ // ﻃﻠﺒﻮ ﺍﻟﻐﺪﺍﺀ ﻭ ﺗﻐﺪﻳﻨﺎ ﻣﻊ ﺑﻌﻀﻬﻢ
ﻭ ﻋﺮﻓﺖ ﺍﻧﻬﻢ ﺟﺎﻳﻴﻦ ﻣﻊ ﺻﺎﺣﺒﻬﻢ ﺍﻟﺜﺎﻟﺚ ﺍﻟﻠﻲ ﺟﺎﻱ ﻳﺪﻳﺮ ﻓﻲ ﻋﻤﻠﻴﻪ
ﺳﺮﺍﺝ << ﺣﺴﻦ ﻛﺬﺍ ﺻﺒﻲ
ﺣﺴﻦ << ﻭ ﻟﻴﺶ ؟
ﺳﺮﺍﺝ << ﻳﺮﺍ ﺍﻓﻬﻢ 😎
ﺣﺴﻦ << ﺗﻢ ﺗﻢ 😂
ﺻﺒﻰ ﺣﺴﻦ ﻭ ﻃﻠﻊ ﺑﺮﺍ ﻭ ﺳﺮﺍﺝ ﻳﻌﻄﻲ ﻓﻴﺎ ﻧﻈﺎﺭﺍﺕ ﺍﻧﻪ ﻣﻐﺮﻡ ﺑﻴﺎ 😂 ﺷﻦ ﺟﻮ ﺣﺐ ﻣﻦ ﺍﻟﻨﻈﺮﻩ ﺍﻻﻭﻟﻰ 😒
ﺳﺮﺍﺝ << ﺑﺪﻭﻥ ﻟﻒ ﻭ ﺩﻭﺭﺍﻥ ﻧﺒﻲ ﻧﻘﻮﻟﻚ ﺣﺎﺟﻪ
ﺍﻧﺎ << ﺣﻲ ﺷﻮﻑ ﺍﻟﺴﺎﻋﻪ 😳 ﺗﺄﺧﺮﺕ ﺑﻜﻞ
ﺳﺮﺍﺝ << ﺗﺎﺧﺮﺗﻲ ﻉ ﺷﻨﻮ ؟
ﺍﻧﺎ << ﻉ ﺭﺍﺟﻠﻲ 🙊
ﺳﺮﺍﺝ << ﺗﺒﺼﺮﻱ ﺻﺎﺡ ؟
ﺍﻧﺎ << ﻣﻮﺍﺿﻴﻊ ﻫﺬﻳﻦ ﻣﺎ ﻓﻴﻬﻨﺶ ﺑﺼﺎﺭﻩ 😳
ﺳﺮﺍﺝ << ﺗﻲ ﻣﺶ ﺑﺎﻳﻦ ﻋﻠﻴﻚ ﻣﺘﺰﻭﺟﻪ ﻭ ﺑﻌﺪﻳﻦ ﻭﻳﻦ ﺍﻟﺪﺑﻠﻪ ؟ ﻭ ﻛﻴﻒ ﺭﺍﺟﻠﻚ ﻣﺨﻠﻴﻚ ﺑﺮﻭﺣﻚ ؟
ﺍﻧﺎ << ﻣﺮﻩ ﺍﺧﺮﻩ ﻧﺤﻜﻴﻠﻚ ﺗﻮﺍ ﻧﺒﻲ ﻧﺮﻭﺡ 😂
ﺳﺮﺍﺝ << ﺗﻌﺮﻓﻲ ﺍﻟﻄﺮﻳﻖ ﺑﺮﻭﺣﻚ ؟
ﺍﻧﺎ << ﺍﻫﺎ ﺃﻧﻈﻨﻲ 😎
ﺻﺒﻴﺖ ﻭ ﺻﺒﻰ ﻫﻮﺍ ﻣﻌﺎﻳﺎ ﻭ ﻃﻠﻌﻨﺎ ﺑﺮﺍ // ﺭﻛﺒﻮ ﻫﻤﺎ ﺳﻴﺎﺭﺗﻬﻢ ﻭ ﺍﻧﺎ ﻗﻌﺪﺕ ﻧﻤﺸﻲ ﻭ ﻣﻌﺶ ﻋﺮﻓﺖ ﻣﻦ ﺍﻱ ﻃﺮﻳﻖ ﺍﻧﺎ ﺟﻴﺖ 😳😳
<<
<<
<<
" ﻣﺤﻤﺪ "
ﻣﺸﺖ ﺳﺎﻋﻪ ﻭ ﺍﺛﻨﻴﻦ ﻭ ﺍﻧﺎ ﻧﺒﺮﻡ ﻭ ﻣﺎ ﻟﻘﻴﺘﻬﺶ // ﻫﺬﺍ ﻛﻠﻪ ﺑﺴﺒﺒﻲ ﺍﻧﺎ
ﻃﻮﻝ ﺍﻟﻮﻗﺖ ﻣﺴﻴﺒﻬﺎ ﻭ ﻫﻴﺎ ﺃﻣﺲ ﺗﺒﻜﻲ
ﻏﻴﺮ ﺗﺮﺩ ﺑﺲ ﻩ ﻧﺘﺄﺳﻒ ﻣﻨﻬﺎ ﻭ ﻣﻌﺶ ﻩ ﻧﺴﻴﺒﻬﺎ 💔
ﻗﻄﻊ ﺗﻔﻜﻴﺮﻩ ﻣﺮﺍﺩ ﺍﻟﻠﻲ ﻛﺎﻥ ﻳﺮﻥ ﻋﻠﻴﻪ
ﻣﺮﺍﺩ << ﺧﻴﺮ ﻭ ﻣﺮﺣﺒﺎ ﻳﺎ ﺗﺮﻛﻲ 😎
ﻣﺤﻤﺪ << ﻣﺮﺣﺒﺘﻴﻦ
ﻣﺮﺍﺩ << ﺷﻦ ﻻﺧﺒﺎﺭ ﻭ ﺷﻦ ﺍﻣﻮﺭﻙ ﺍﻧﺖ ﻭ ﺑﺸﺮﻯ
ﻣﺤﻤﺪ << ﻛﻮﻳﺴﻴﻦ
ﻣﺮﺍﺩ << ﻛﻨﻚ ﺗﺤﻜﻲ ﺑﺮﺃﺱ ﺧﺸﻤﻚ ؟ ﺷﻦ ﻓﻲ ؟
ﻣﺤﻤﺪ << ﻻ ﻣﺎ ﻓﻲ ﺷﻲ
ﻣﺮﺍﺩ << ﺗﻲ ﺣﺎﻓﻈﻚ ﺍﻧﺎ // ﻣﺘﻌﺎﺭﻙ ﺍﻧﺖ ﻭ ﺑﺸﺮﻯ ؟
ﻣﺤﻤﺪ << ﻭﻳﻨﻬﺎ ﻫﻲ ﺃﺻﻼ 😪
ﻣﺮﺍﺩ << ﻛﻴﻒ ؟
ﻣﺤﻤﺪ << ﻣﺎ ﻟﻘﻴﺘﻬﺶ ﻳﺎ ﻣﺮﺍﺩ (( ﺑﺸﺮﻯ ﺍﺧﺘﻔﺖ
ﻣﺮﺍﺩ << ﺗﻲ ﺷﻦ ﻗﺎﻋﺪ ﺗﻔﺘﺮﺵ ﺍﻧﺖ ؟ ﺍﺧﺘﻔﺖ ﻛﻴﻒ ؟ !
ﻣﺤﻤﺪ << ﺭﻭﺣﺖ ﻣﺎ ﻟﻘﻴﺘﻬﺶ ﻭ ﻣﻦ ﺑﺪﺭﻱ ﻧﺒﺮﻡ ﻧﺪﻭﺭ ﻓﻴﻬﺎ
ﻣﺮﺍﺩ << ﺍﺗﺼﻞ ﺑﻴﻬﺎ ؟
ﻣﺤﻤﺪ << ﻧﻘﺎﻟﻬﺎ ﻣﺎ ﻓﺶ ﺷﻔﺮﻩ ﻣﺎﻫﻮ ﻣﺎ ﺷﺮﻳﺘﻠﻬﺶ ﺷﻔﺮﻩ ﻫﻨﺎ
ﻣﺮﺍﺩ << ﻭ ﻗﺎﻋﺪ ﺳﺎﻛﺖ ؟ ﺗﻲ ﺭﺍ ﻳﺪﻳﺮﻭ ﻓﻴﻬﺎ ﺷﻲ ﺣﺎﺟﻪ ﺃﺯﻑ
ﻣﺤﻤﺪ << ﺭﺍﺳﻲ ﻳﺒﻲ ﻳﻨﻔﺠﺮ ﻣﻌﺶ ﻋﺮﻓﺖ ﺷﻦ ﻧﺪﻳﺮ
ﻣﺮﺍﺩ << ﺷﻮﻑ ﺍﻭﻝ ﻣﺮﻛﺰ ﺷﺮﻃﻪ ﻭ ﺍﻣﺸﻲ ﺑﻠﻎ
ﻣﺤﻤﺪ << ﺯﻋﻤﻚ ؟
ﻣﺮﺍﺩ << ﺗﻲ ﻣﺎﺯﻟﺖ ﺗﺴﺎﻝ ﺍﻧﺖ ؟ ﻣﺎ ﺗﻘﻌﺪﺵ ﻣﺮﺧﻲ / ﻭ ﺍﻭﻝ ﻣﺎ ﺗﻠﻘﺎﻫﺎ ﻃﻤﻨﻲ
ﻣﺤﻤﺪ << ﺗﻢ ﺗﻢ
//
//
ﺭﺅﻭﻑ << ﺷﻦ ﻓﻲ ؟ ﻛﻨﻚ ﻣﻨﻔﺼﻞ ؟
ﻣﺮﺍﺩ << ﺑﺸﺮﻯ ﺑﺸﺮﻯ
ﺭﺅﻭﻑ << ﻛﻨﻬﺎ ؟؟ !
ﻣﺮﺍﺩ << ﻣﺤﻤﺪ ﻣﺶ ﻻﻗﻴﻬﺎ
ﺭﺅﻭﻑ << ﻭ ﺍﻧﺖ ﻛﻨﻚ ﺧﺎﻳﻒ ؟
ﻣﺮﺍﺩ << ﺗﻲ ﻋﺎﺭﻑ ﻭﺳﺦ ﺗﺮﻛﻴﺎ ﺍﻧﺖ ﻭ ﻫﺬﻩ ﺍﻭﻝ ﻣﺮﻩ ﺗﻤﺸﻲ ﻏﺎﺩﻱ ﺗﻲ 😪
ﺭﺅﻭﻑ << ﺍﻫﺎ ﻓﻬﻤﺖ ﻋﻠﻴﻚ ﺑﺲ ﻻﻻ ﺍﻥ ﺷﺎﺀ ﺍﻟﻠﻪ ﻣﺶ ﻩ ﻳﻜﻮﻥ ﻓﻲ ﺷﻲ ﻣﻦ ﺍﻟﻠﻲ ﻓﻲ ﺑﺎﻟﻚ
ﻣﺮﺍﺩ << ﺍﻥ ﺷﺎﺀ ﺍﻟﻠﻪ // ﺗﻲ ﺃﺻﻼ ﻣﺤﻤﺪ ﻋﺒﻴﻂ ﺃﺯﻑ ﻓﻲ ﻭﺍﺣﺪ ﻳﺴﻴﺐ ﻣﺮﺍﺗﻪ
ﺭﺅﻭﻑ << ﻭ ﺍﻧﺖ ﻛﻨﻚ ﻭﺍﻟﻊ ﻫﻜﻲ ؟ !
ﻣﺮﺍﺩ << ﻓﻮﺗﻨﻲ ﻛﺬﺍ
ﺭﺅﻭﻑ << ﻭﺳﻊ ﺑﺎﻟﻚ
//
//
//
ﻗﻌﺪﺕ ﻧﻤﺸﻲ ﻭ ﻧﻤﺸﻲ ﻭ ﺣﺴّﻴﺖ ﺭﻭﺣﻲ ﻧﻤﺸﻲ ﻓﻲ ﻃﺮﻳﻖ ﻏﻠﻂ 💔
ﺗﻲ ﻭﻳﻦ ﻗﺎﻋﺪﻩ ﺍﻧﺎ 😥😳 ﺍﻟﻨﺎﺱ ﺗﺒﺤﺖ ﻓﻴﺎ ﻭ ﺍﻧﺎ ﻗﺮﻳﺐ ﻧﺒﻜﻲ
ﺃﺻﻼ ﻧﺴﺘﺎﻫﻞ ﺷﻦ ﻧﺒﻲ ﻃﺎﻟﻌﻪ 😭💔
ﻭﻗﻔﺖ ﻓﻲ ﻧﺺ ﺍﻟﺸﺎﺭﻉ ﻭ ﻗﻌﺪﺕ ﻧﺒﺤﺖ ﻳﻤﻴﻦ ﻭ ﻳﺴﺎﺭ ﻭ ﺷﻔﺖ ﺣﺴﻦ ﻭ ﺳﺮﺍﺝ ﺑﺴﻴﺎﺭﻩ / ﻛﺄﻧﻮ ﻳﻤﺸﻮ ﻭﺭﺍﻳﺎ
ﻧﺰﻝ ﺳﺮﺍﺝ ﺷﻮﺭﻱ ﻭ ﻗﻌﺪ ﻳﺒﺤﺖ ﻓﻴﺎ
ﺍﻧﺎ << ﻣﻌﺶ ﻋﺮﻓﺖ ﺍﻟﻄﺮﻳﻖ 😥😥
ﺳﺮﺍﺝ << ﺷﻦ ﺍﺳﻢ ﺍﻟﻔﻨﺪﻕ ؟
ﺍﻧﺎ << ﻣﺶ ﻋﺎﺭﻓﻪ 😳
ﺳﺮﺍﺝ << ﺗﺒﺼﺮﻱ ؟
ﺍﻧﺎ << ﺗﻲ ﻭ ﺍﻟﻠﻪ ﻣﺎ ﻧﺒﺼﺮ 😪
ﺣﺴﻦ << ﺳﻴﺮﺟﻮ ﺷﻦ ﺻﺎﺭ ؟ ! ﻫﻴﺎ ﻭﺭﺍﻳﺎ ﻣﺸﻮﺍﺭ
ﺳﺮﺍﺝ << ﻣﺶ ﻋﺎﺭﻓﻪ ﺍﻟﻤﻜﺎﻥ
ﺣﺴﻦ << ﻳﻌﻨﻲ ؟
ﺳﺮﺍﺝ << ﻳﻌﻨﻲ ﻩ ﻧﻘﻌﺪﻭ ﻣﻌﺎﻫﺎ ﻋﻨﺪ ﻧﺪﻳﺮﻭﻟﻬﺎ ﺭﺃﻱ
ﺣﺴﻦ << ﺍﺗﺼﻠﻲ ﺏ ﺷﻲ ﺣﺪ ﺑﺎﻩ ؟
ﺍﻧﺎ << ﻣﺎ ﻳﺘﺼﻠﺶ
ﺣﺴﻦ << ﻭ ﻋﻠﻴﺶ ؟
ﺳﺮﺍﺝ << ﺗﺒﻲ ﺃﺩﻳﺮ ﻣﻌﺎﻫﺎ ﺗﺤﻘﻴﻖ ﺗﻮﺍ 😒
ﺣﺴﻦ << ﺑﺎﻫﻲ ﻓﻲ ﻣﺮﻛﺰ ﻓﻲ ﻧﻬﺎﻳﺔ ﺍﻟﺸﺎﺭﻉ ﻫﺬﺍ ﺧﻠﻴﻨﺎ ﻧﻤﺸﻮﻟﻪ
ﺳﺮﺍﺝ << ﻻﻻ ﻣﺮﻛﺰ ﺷﻦ ﺩﻭﺗﻪ
ﺍﻧﺎ << ﺍﻧﺎ ﻧﺴﺘﺎﻫﻞ ﻭ ﺣﻖ ﺭﺑﻲ 💔
ﺍﻟﻤﻜﺎﻥ ﺍﻟﻠﻲ ﻛﻨّﺎ ﻓﻴﻪ ﻛﺎﻥ ﻓﻴﻪ ﻧﺖ ﻭ ﻓﺠﺎﻩ ﺳﻤﻌﺖ ﺻﻮﺕ ﻣﺴﺞ
ﻃﻠﻌﺖ ﺍﻟﻔﻮﻥ ﻭ ﻛﺎﻥ ﺍﻟﻤﺴﺞ ﻣﻦ ﻣﺮﺍﺩ " ﺑﺸﺮﺭﺭﺭﺭﻯ ﻭﻳﻨﻚ ؟؟ ﻭﻳﻦ ﻗﺎﻋﺪﻩ !! ؟ ﻣﺤﻤﺪ ﻳﺪﻭﺭ ﻓﻴﻚ "
ﺭﺩﻳﺖ ﻛﺘﺒﺘﻠﻪ ﻉ ﻃﻮﻝ
ﺍﻧﺎ << ﻃﻠﻌﺖ ﻣﻦ ﺍﻟﻔﻨﺪﻕ ﻭ ﻣﻌﺶ ﻋﺮﻓﺖ ﻧﺮﺩ
ﻣﺮﺍﺩ << ﺗﻮﺍ ﻛﻠﻤﺘﻪ ﺍﺧﺮﻩ ﻭ ﻫﻮﺍ ﻗﺎﻋﺪ ﻓﻲ ﺍﻟﻤﺮﻛﺰ
ﺍﻧﺎ << ﻋﻠﻴﺶ ؟ !
ﻣﺮﺍﺩ << ﻋﺸﺎﻧﻚ
ﺍﻧﺎ << ﺷﻦ ﺍﺳﻤﻪ ﺍﻟﻤﺮﻛﺰ ؟
ﻣﺮﺍﺩ << ﻉ ﺃﺳﺎﺱ ﻩ ﺗﻌﺮﻓﻲ ﺗﻤﺸﻲ / ﺧﻠﻴﻚ ﻣﻜﺎﻧﻚ ﺗﻮ ﻧﻜﻤﻠﻪ ﺍﻧﺎ ﻭ ﻳﺠﻴﻚ
ﺍﻧﺎ << ﺃﺻﻼ ﻓﻲ ﻣﺮﻛﺰ ﻗﺮﻳﺐ ﻣﻨﻲ ﺑﺎﻟﻚ ﻳﻜﻮﻥ ﻫﻮﺍ
ﻣﺮﺍﺩ << ﺧﻠﻴﻚ ﻓﺎﺗﺤﻪ ﺍﻟﻨﺖ ﻭ ﺗﻮ ﻧﺘﺼﻞ ﺑﻴﻪ
ﺍﻧﺎ << ﺗﻢ
ﺍﺗﺼﻞ ﻣﺮﺍﺩ ﺑﻴﻪ ﻭ ﺧﺬﺍ ﺍﺳﻢ ﺍﻟﻤﺮﻛﺰ ﻭ ﺑﻌﺪ ﻗﻠﺘﻪ ﻝ ﺳﺮﺍﺝ ﻃﻠﻊ ﻧﻔﺴﻪ ﺍﻟﻤﺮﻛﺰ ﺍﻟﻠﻲ ﻣﻘﺎﺑﻠﻨﺎ ﻭ ﻣﺸﻴﻨﺎ ﺷﻮﺭﻩ
" ﻣﺤﻤﺪ "
ﺑﻌﺪ ﻣﺸﻴﺖ ﻟﻠﻤﺮﻛﺰ ﻭ ﺣﻜﻴﺘﻠﻬﻢ ﺷﻦ ﺻﺎﻳﺮ ﻭ ﻗﺪﻳﺶ ﺧﺎﻳﻒ ﻋﻠﻴﻬﺎ
ﺷﻮﻳﻪ ﻫﻜﻲ ﻭ ﺭِﻥ ﻣﺮﺍﺩ ﺍﻟﻠﻲ ﺳﻜﻦ ﺑﻜﻞ ﻳﻮﻣﻬﺎ
ﺧﺬﺍ ﻣﻨﻲ ﺍﺳﻢ ﺍﻟﻤﺮﻛﺰ ﺍﻟﻠﻲ ﺍﻧﺎ ﻓﻴﻪ ﻭ ﺳﻜﺮ ﻉ ﻃﻮﻝ ﻭ ﻣﺎ ﻓﻬﻤﺘﺶ ﺷﻦ ﺻﺎﺭ
//
//
//
ﺧﺸﻴﻨﺎ ﻟﻠﻤﺮﻛﺰ ﺍﻧﺎ ﻭ ﺳﺮﺍﺝ ﻭ ﻗﻌﺪ ﻫﻮﺍ ﻳﺤﻜﻲ ﻣﻌﺎﻫﻢ ﻭ ﻗﺎﻟﻠﻬﻢ ﻉ ﻣﺤﻤﺪ ﻭ ﻣﺸﻰ ﻣﻌﺎﻧﺎ ﻭﺍﺣﺪ ﻭ ﻓﺘﺤﻠﻨﺎ ﺑﺎﺏ ﺍﻟﻤﻜﺘﺐ ﻭ ﺍﻭﻝ ﻣﺎ ﺍﻧﻔﺘﺢ ﺷﻔﺖ ﻣﺤﻤﺪ ﻣﻘﻌﻤﺰ
ﺣﺴّﻴﺖ ﺍﻟﺮﻭﺡ ﺭﺩﺕ ﻓﻴﺎ 💔 ﻫﺬﺍ ﻣﺤﻤﺪ ﺟﺪﻳﺎﺕ 😭
ﺑﺪﻭﻥ ﻣﺎ ﻧﺤﺲ ﻭ ﻻ ﻧﻔﻄﻦ ﻟﺮﻭﺣﻲ ﻣﺸﻴﺖ ﺷﻮﺭﻩ ﻭ ﻫﻮﺍ ﺻﺒﻰ
ﺍﺿﺒﻄﺘﻪ ﻭ ﻗﻌﺪﺕ ﻧﺒﻜﻲ 😭😭😭
ﺍﻧﺎ << ﻣﺤﺤﺤﻤﺪ 😭😭
ﻣﺤﻤﺪ << ﺧﻼﺹ ﺍﺳﺴﺴﺲ ﻣﺎ ﺗﺒﻜﻴﺶ // ﻗﻮﻟﻴﻠﻲ ﻓﻴﻚ ﺷﻲ ؟ !
ﺍﻧﺎ << ﺧﻔﺖ ﻣﻌﺶ ﻧﻠﻘﺎﻙ 😭💔 " ﻋﻘﻠﻲ ﻣﺶ ﻣﻌﺎﻳﺎ ﻭ ﺍﻧﺎ ﻧﻘﻮﻝ ﻓﻲ ﺍﻟﻜﻼﻡ ﺍﻟﻌﺒﻴﻂ ﻫﺬﺍ 🌚 "
ﻣﺤﻤﺪ << ﺧﻼﺹ ﺑﺎﻫﻲ ﺍﻣﺴﺤﻲ ﺩﻣﻮﻋﻚ
ﺳﺮﺍﺝ << ﻣﺎ ﺗﺨﻔﺶ ﻣﺎ ﻓﻴﻬﺎ ﺷﻲ // ﺑﺲ ﻣﺮﻩ ﺍﺧﺮﻩ ﺭﺩ ﺑﺎﻟﻚ ﻋﻠﻴﻬﺎ ﺭَﺁﻩ ﺍﻟﻠﻲ ﻣﻌﺎﻙ ﺟﻮﻫﺮﻩ 👌
ﻃﻠﻊ ﺳﺮﺍﺝ ﻭ ﻣﺤﻤﺪ ﺣﻜﻰ ﻣﻊ ﺍﻟﺮﺍﺟﻞ ﻭ ﺳﻜﺮ ﺍﻟﻤﺤﻀﺮ ﺍﻟﻠﻲ ﺩﺍﺭﻩ ﻭ ﻃﻠﻌﻨﺎ
ﺭﻛﺒﻨﺎ ﻟﺴﻴﺎﺭﻩ ﻭ ﺍﻧﺎ ﻃﻮﻝ ﺍﻟﻄﺮﻳﻖ ﻧﻤﺴﺢ ﻓﻲ ﺩﻣﻮﻋﻲ
ﻣﺤﻤﺪ << ﻣﺎ ﻧﺒﻴﺶ ﻧﺰﻳﺪ ﻋﻠﻴﻚ ﺑﺲ ﺗﻮ ﻧﺘﻔﺎﻫﻤﻮ ﻉ ﺍﻟﻠﻲ ﺩﺭﺗﻴﻪ ! 😌
ﻛﺎﻥ ﻣﺶ ﻫﺎﻣﻨﻲ ﺃﺻﻼ ﻟﻮ ﻫﺰﺑﻨﻲ ﻭ ﻣﺴﺢ ﺑﻴﺎ ﺍﻟﻮﻃﺎ ﻧﺴﺘﺎﻫﻞ 🌚🔫
ﻭﺻﻠﻨﺎ ﻟﻠﻔﻨﺪﻕ ﻭ ﻗﺎﻟﻲ
ﻣﺤﻤﺪ << ﺧﻠﻴﻚ ﻓﻲ ﺍﻟﺴﻴﺎﺭﻩ // ﻧﻤﺸﻲ ﻧﺠﻴﺐ ﺍﻟﺸﻨﺎﻃﻲ ﻭ ﺇﻧﺠﻲ
ﺍﻧﺎ << ﺣﺎﺿﺮ
ﻣﺤﻤﺪ << ﻭ ﻻ ﻧﻘﻮﻟﻚ ﺍﻧﺰﻟﻲ ﻗﺪﺍﻣﻲ ﻣﺶ ﻧﺎﻗﺼﻨﻲ ﻓﺠﺎﻳﻊ ﺍﺧﺮﻩ
ﻧﺰﻟﺖ ﻣﻌﺎﻩ ﺑﺪﻭﻥ ﻣﺎ ﻧﺤﻜﻲ ﺃﺻﻼ ﻣﺎ ﻋﻨﺪﺵ ﻭﺟﻪ ﻧﺮﻓﺾ 😕
ﺧﺬﻳﻨﺎ ﺍﻟﺸﻨﻄﻪ ﻭ ﻧﺰﻟﻨﺎ / ﻣﺸﻴﻨﺎ ﺷﻮﺭ ﺍﻟﺸﻘﻪ ﻣﺘﺎﻋﻬﻢ
ﻛﺎﻧﺖ ﻓﻲ ﺍﻟﺪﻭﺭ ﺍﻟﺜﺎﻧﻲ // ﺭﻛﺒﻨﺎ ﻭ ﻓﺘﺢ ﺍﻟﺸﻘﻪ ﻭ ﺧﺸﻴﻨﺎ
ﺧﺶ ﻫﻮﺍ ﻟﻠﺤﻤﺎﻡ ﻭ ﺍﻧﺎ ﻗﻌﻤﺰﺕ ﻓﻲ ﺍﻟﺼﺎﻟﻪ
" ﻣﺤﻤﺪ "
ﺍﻟﺤﻤﺪﻟﻠﻪ ﻳﺎ ﺭﺏ ﺍﻟﺤﻤﺪﻟﻠﻪ // ﻗﻠﺒﻲ ﻛﺎﻥ ﻫﻴﻮﻗﻒ ﻋﺸﺎﻧﻬﺎ ﺍﻟﻌﺒﻴﻄﻪ ﻫﺬﻩ 💔
ﺑﺲ ﻣﺶ ﻩ ﺗﻤﺸﻲ ﺍﻟﻘﺼﻪ ﻫﻜﻲ ؟؟ ! ﻛﻴﻒ ﺗﻄﻠﻊ ﻣﻦ ﺭﺃﺳﻬﺎ ! ؟ ﻭ ﻣﻦ ﺍﻟﻠﻲ ﺟﺎﺑﻬﺎ ﻫﺬﺍ !!
ﻧﻄﻠﻊ ﻧﻔﻬﻢ ﻣﻨﻬﺎ ﺧﻴﺮ ﻣﺎ ﻧﺨﺶ ﻓﻲ ﻋﻘﻞ ﻣﺶ ﻋﻘﻠﻲ
/
/
/
ﻃﻠﻊ ﻣﺤﻤﺪ ﻭ ﻟﻘﺎﻧﻲ ﻣﻐﻴﺮﻩ ﺍﺩﺑﺸﻲ ﻭ ﻣﻘﻌﻤﺰﻩ ﻉ ﺍﻟﺴﺮﻳﺮ
ﺟﺎ ﺻﺒﻰ ﻗﺪﺍﻣﻲ ﻭ ﺑﺠﺪ ﻛﻨﺖ ﺧﺎﻳﻔﻪ ﻣﻨﻪ 😳 ﻗﺮﺏ ﻣﻨﻲ ﻭ ﻛﻨﺖ ﻧﺤﺴﺎﺑﻪ ﻳﺒﻲ ﻳﻀﺮﺑﻨﻲ 💔😥
ﻏﻤﻀﺖ ﻋﻴﻮﻧﻲ ﻭ ﺣﻄﻴﺖ ﻳﺪﻱ ﻉ ﻭﺟﻲ
ﺍﻧﺎ << ﻭﺟﻲ ﻻﻻ ﻭ ﺭﺍﺱ ﺃﻣﻚ 😭😭
" ﻣﺤﻤﺪ "
ﻛﻨﺖ ﻧﺒﻲ ﻧﺤﻜﻲ ﻣﻌﺎﻫﺎ ﻋﺎﺩﻱ ﻭ ﻧﻔﻬﻢ ﻟﻴﺶ ﻃﻠﻌﺖ ﺑﺮﻭﺣﻬﺎ ﺑﺲ ﻟﻤﺎ ﺣﻄﺖ ﻳﺪﻫﺎ ﻉ ﻭﺟﻬﺎ ﻭ ﺗﺤﺴﺎﺑﻨﻲ ﻧﺒﻲ ﻧﻀﺮﺑﻬﺎ ﺣﺴّﻴﺖ ﺑﺤﺎﺟﺔ ﻏﺮﻳﺒﻪ
ﻛﺄﻧﻪ ﺣﺪ ﺿﺮﺑﻨﻲ ﻛﻒ ! ؟ ﻣﻦ ﺟﺪﻫﺎ ﻣﺘﺨﻴﻠﻪ ﺃﻧﻲ ﻣﻤﻜﻦ ﻧﻀﺮﺑﻬﺎ ؟ ! ﺩﻣﻮﻋﻬﺎ ﻧﺎﺭ ﺑﺎﻟﻨﺴﺒﻪ ﻟﻴﺎ
ﻣﺤﻤﺪ << ﺑﺸﺮﻯ ﻣﺎ ﺗﺨﺎﻓﻴﺶ // ﺣﻮﻟﻲ ﻳﺪﻙ ﻭ ﺑﺤﺘﻲ ﻓﻴﺎ
ﺍﻧﺎ << ﻋﺎﺭﻓﻪ ﺭﻭﺣﻲ ﻏﻠﻄﺎﻧﻪ ﻭ ﺍﻟﻠﻪ 😭
ﻣﺤﻤﺪ << ﺑﺤﺘﻲ ﻓﻴﺎ ﺑﺲ ؟ ! ﻓﻲ ﺣﺪ ﻛﺎﻥ ﻳﻀﺮﺏ ﻓﻴﻚ ﻣﻦ ﻗﺒﻞ ؟ !
ﺃﺫﻛﺮﺕ ﻣﻦ ﻗﺒﻞ ﺧﺎﻟﺪ ﻛﻴﻒ ﻛﺎﻥ ﻳﻀﺮﺏ ﻓﻴﺎ ﺍﻧﺎ ﻭ ﺯﻳﻨﺐ ﻉ ﺍﺑﺴﻂ ﺷﻲ
ﻫﺰﻳﺖ ﺭﺍﺳﻲ ﺍﻧﻪ ﺍﻫﺎ ﺑﺲ ﻗﻠﺖ ﻓﻲ ﻧﻔﺲ ﺍﻟﻮﻗﺖ ﻻﻻ
ﻣﺤﻤﺪ << ﺍﺣﻜﻴﻠﻲ ؟ ﻣﻦ ﻳﻀﺮﺏ ﻓﻴﻚ ؟
ﺍﻧﺎ << ﺧﺎﻟﺪ 😢💔
ﻃﻠﻊ ﻣﺤﻤﺪ ﻣﻦ ﺍﻟﺪﺍﺭ ﻭ ﺍﻧﺎ ﻗﻌﺪﺕ ﻧﺒﻜﻲ ﻣﻦ ﺟﺪ ﺟﺪﻱ // ﺣﺴّﻴﺖ ﺍﻟﺪﻧﻴﺎ ﺧﻠﻄﺖ ﻋﻨﺪﻱ 😭😭
" ﻣﺤﻤﺪ "
ﻃﻠﻌﺖ ﻣﻦ ﺍﻟﺪﺍﺭ ﻣﻌﺶ ﺗﺤﻤﻠﺖ ﻧﺸﻮﻓﻬﺎ ﻭ ﻫﻲ ﺗﺒﻜﻲ ﻫﻜﻲ
ﺣﻄﻴﺖ ﺭﺍﺳﻲ ﻉ ﺍﻟﺼﺎﻟﻮﻥ ﻭ ﻏﻤﻀﺖ ﻋﻴﻮﻧﻲ
ﺗﻲ ﻛﻴﻒ ﻭﺍﺣﺪ ﻳﻀﺮﺏ ﺑﻨﺖ ﻛﻴﻔﻬﺎ ؟ ! ﻛﻴﻒ ﻳﺘﺤﻤﻞ ﻳﻤﺪ ﻳﺪﻩ ﻋﻠﻴﻬﺎ
ﺷﻮﻳﻪ ﻫﻜﻲ ﻭ ﺭِﻥ ﻣﺮﺍﺩ
ﻣﺮﺍﺩ << ﺷﻦ ﺍﺧﺒﺎﺭﻙ ﺍﻥ ﺷﺎﺀ ﺍﻟﻠﻪ ﺗﻤﺎﻡ ؟ !
ﻣﺤﻤﺪ << ﺍﻫﺎ ﺗﻤﺎﻡ
ﻣﺮﺍﺩ << ﺑﺸﺮﻯ ﻭﻳﻨﻬﺎ ؟
ﻣﺤﻤﺪ << ﻓﻲ ﺍﻟﺪﺍﺭ
ﻣﺮﺍﺩ << ﻋﺎﺩﻱ ﺗﻌﻄﻴﻬﺎ ﻟﻴﺎ ﻧﺤﻜﻲ ﻣﻌﺎﻫﺎ 😂
ﻣﺤﻤﺪ << ﺭﺍﺟﻲ ﺷﻮﻳﻪ ﺑﺎﻩ
ﻣﺮﺍﺩ << ﺍﻭﻭﻭ ﺟﺪﻳﺎﺕ 😎
ﺧﺶ ﻣﺤﻤﺪ ﻭ ﻋﻄﺎﻧﻲ ﻧﻘﺎﻟﻪ ﻭ ﻗﺎﻟﻲ ﻣﺮﺍﺩ ﻳﺒﻲ ﻳﺤﻜﻲ ﻣﻌﺎﻙ
ﺧﺬﻳﺖ ﻣﻨﻪ ﺍﻟﻨﻘﺎﻝ ﻭ ﺭﺩﻳﺖ ﻋﻠﻴﻪ
" ﻣﺤﻤﺪ "
ﻛﻨﺖ ﻋﺎﺭﻑ ﺍﻧﻪ ﻣﺮﺍﺩ ﺍﻟﻮﺣﻴﺪ ﺍﻟﻠﻲ ﺩﺍﺭﺕ ﻣﻌﺎﻩ ﺩﻻﻟﻪ ﻭ ﻟﻮ ﺣﻜﺖ ﻣﻌﺎﻩ ﺑﺎﻟﻚ ﺍﺗﺮﻳﺢ ﺷﻮﻳﻪ
ﻋﻘﻠﻲ ﻛﺎﻥ ﻣﻠﺨﺒﻂ ﺑﻜﻞ // ﻣﺶ ﻋﺎﺭﻑ ﻫﻞ ﺧﺎﻳﻒ ﻋﻠﻴﻬﺎ ﻭ ﻻ ﻭﺍﺟﻌﻨﻲ ﺣﺎﻟﻬﺎ ﺑﺲ ! ؟
ﺑﺲ ﻟﻤﺎ ﺍﺿﺒﻄﺘﻨﻲ ﺣﺴّﻴﺖ ﺑﺤﺎﺟﻪ ﻏﺮﻳﺒﻪ
ﻗﻠﺒﻲ ﻗﺮﻳﺐ ﻃﻠﻊ ﻣﻦ ﻣﻜﺎﻧﻪ ﺑﺲ ﻻﺯﻡ ﻧﺤﻜﻲ ﻣﻌﺎﻫﺎ ﻭ ﻧﺘﻔﺎﻫﻤﻮ
ﻣﺎ ﻓﻄﻨﺘﺶ ﺍﻻ ﻟﻤﺎ ﻋﻄﺘﻨﻲ ﺍﻟﻨﻘﺎﻝ
/
/
/
ﺧﺸﻴﺖ ﻧﺒﻲ ﻧﺮﻗﺪ ﺑﺲ ﻋﻘﻠﻲ ﻣﻊ ﻣﺤﻤﺪ ﻛﺎﻥ 💔 ﻛﻨﺖ ﻧﺒﻲ ﻧﺘﺎﺳﻔﻠﻪ ﺑﺠﺪ
ﺷﻮﻳﻪ ﻫﻜﻲ ﻭ ﺧﺶ ﺭﻗﺪ ﻉ ﺍﻟﺴﺮﻳﺮ // ﻗﻌﺪﺕ ﻧﺒﺤﺖ ﻓﻴﻪ ﻋﻨﺪ ﻣﺎ ﺭﻗﺪ ﺑﻜﻞ
ﺟﻴﺖ ﺟﻨﺒﻪ ﻉ ﺍﻟﺴﺮﻳﺮ ﻭ ﻣﺴﻜﺖ ﻳﺪﻩ // ﺿﻐﻄﺖ ﻉ ﻳﺪﻩ ﺑﺎﻟﻘﻮﻩ ﻭ ﺍﻧﺎ ﻧﻘﻮﻝ " ﻣﻌﺶ ﺗﺴﻴﺒﻨﻲ ﻣﺮﻩ ﺍﺧﺮﻩ "
ﺣﺴّﻴﺖ ﺏ ﻳﺪﻩ ﺃﻧﻪ ﻳﻘﻮﻟﻲ ﺣﺎﺿﺮ
ﻛﺎﻥ ﺍﺻﻌﺐ ﻳﻮﻡ ﻳﻤﺮ ﻋﻠّﻴﺎ 💔 ﺭﻗﺪﺕ ﻭ ﺍﻧﺎ ﻣﺎﺳﻜﻪ ﻳﺪﻩ ﺗﻘﻮﻝ ﺧﺎﻳﻔﺘﻪ ﻳﻬﺮﺏ
//
//
//
ﻧﻀﺖ ﺗﺎﻧﻲ ﻳﻮﻡ ﻉ ﺻﻮﺗﻪ ﻭ ﻫﻮﺍ ﻳﻨﻮﺽ ﻓﻴﺎ
ﻣﺤﻤﺪ << ﺑﺸﺮﻯ / ﺑﺸﺮﺭﺭﻯ ﻫﻴﺎ ﻧﻮﺿﻲ
ﺍﻧﺎ << ﺻﺒﺎﺡ ﺍﻟﺨﻴﺮ
ﻣﺤﻤﺪ << ﺻﺒﺎﺡ ﺍﻟﻨﻮﺭ // ﻫﻴﺎ ﺻﺒﻲ ﻭﺗﻲ ﺭﻭﺣﻚ
ﺍﻧﺎ << ﻋﻠﻴﺶ !
ﻣﺤﻤﺪ << ﺭﻗﺪﺗﻲ ﺑﺪﻭﻥ ﻣﺎ ﺗﺂﻛﻠﻲ ﺷﻲ / ﺧﻠﻴﻨﺎ ﻧﻔﻄﺮﻭ ﺑﺮﺍ
ﺍﻧﺎ << ﻳﻌﻨﻲ
ﻣﺤﻤﺪ << ﺑﺪﻭﻥ ﻳﻌﻨﻲ ﺗﻮ ﻧﺤﻜﻮ ﺑﻌﺪﻳﻦ
ﺍﻧﺎ << ﺍﻧﺒﺎﻩ
ﺑﻌﺪ ﻧﺺ ﺳﺎﻋﻪ ﻃﻠﻌﻨﺎ ﻭ ﻣﺸﻴﻨﺎ ﻟﻤﻄﻌﻢ ﻭ ﻗﻌﺪﻧﺎ ﻧﻔﻄﺮﻭ
ﺍﻧﺎ << ﻣﺤﻤﺪ
ﻣﺤﻤﺪ << ﻧﻌﻢ " ﻭ ﺳﻴﺐ ﻃﺎﺳﺔ ﺍﻟﺸﺎﻫﻲ ﻭ ﺑﺤﺖ ﻓﻴﺎ "
ﺍﻧﺎ << ﻣﻀﺎﻳﻖ ﻣﻨﻲ !!
ﻣﺤﻤﺪ << ﻛﻨﺖ ﻣﻀﺎﻳﻖ ﺑﺲ ﺗﻮﺍ ﻻﻻ
ﺍﻧﺎ << ﺍﻧﺎ ﻛﻨﺖ ﻣﻀﺎﻳﻘﻪ ﻋﺸﺎﻥ ﺍﻧﺖ ﻃﻠﻌﺖ ﻭ ﺳﻴﺒﺘﻨﻲ ﻫﺬﺍ ﻟﻴﺶ ﻃﻠﻌﺖ
ﻣﺤﻤﺪ << ﻟﻴﺶ ﻣﺎ ﺭﺍﺟﻴﺘﻴﻨﻲ ﻋﻨﺪ ﻣﺎ ﻧﺮﻭﺡ
ﺍﻧﺎ << ﻣﺶ ﻋﺎﺭﻓﻪ ﻋﻘﻠﻲ ﺷﻦ ﻗﺎﻟﻲ
ﻣﺤﻤﺪ << ﻉ ﺃﺳﺎﺱ ﻋﻨﺪﻙ ﻋﻘﻞ
ﺍﻧﺎ << 😒
ﻣﺤﻤﺪ << ﺑﺎﻫﻲ ﻣﻦ ﻫﺬﺍ ﺍﻟﻠﻲ ﺟﺎ ﺃﻣﺲ ﻣﻌﺎﻙ ؟ ! ﻭ ﺑﺼﻔﺔ ﺷﻨﻮ ﻳﻘﻮﻝ ﺟﻮﻫﺮﻩ ﻣﺎ ﺟﻮﻫﺮﻩ 😕
ﺍﻧﺎ << ﺷﻔﺘﻪ ﻓﻲ ﺍﻟﻄﺮﻳﻖ ﻫﻮﺍ ﻭ ﺻﺎﺣﺒﻪ " ﻭ ﺣﻜﻴﺘﻠﻪ ﻛﻞ ﺍﻟﻠﻲ ﺻﺎﺭ "
ﻣﺤﻤﺪ << ﺻﺎﺭ ﻳﺤﺴﺎﺑﻚ ﻣﺶ ﻣﺘﺰﻭﺟﻪ ؟ ! ﻻ ﻣﺎ ﺷﺎﺀ ﺍﻟﻠﻪ 😏
ﺍﻧﺎ << ﺃﺳﻔﻪ ﻉ ﻛﻞ ﺷﻲ
ﻣﺤﻤﺪ << ﺗﻌﺮﻓﻲ ﺧﺴﺎﺭﻩ ﻣﺎ ﻗﻠﺘﻲ ﻣﺶ ﻩ ﻧﺪﻳﺮ ﺷﻲ ﻭ ﻧﺴﻤﻊ ﻛﻼﻣﻚ !! ﻭ ﻻ ﻧﺴﻴﺘﻲ ﺩﻭﺗﻚ ؟
ﺍﻧﺎ << ﺧﻼﺹ ﻋﺎﺩ 🌚
ﻣﺤﻤﺪ << ﺑﺎﻫﻲ ﺧﻔﺘﻲ ﺟﺪﻳﺎﺕ ؟ !
ﺍﻧﺎ << ﺗﻲ ﺑﻜﻞ ﺑﺬﺍﺕ ﻟﻤﺎ ﻣﻌﺶ ﻋﺮﻓﺖ ﺍﻟﻄﺮﻳﻖ ﻗﻠﺖ ﺧﻼﺹ ﺭﺣﺖ ﻭ ﻣﻌﺶ ﻩ ﻧﺸﻮﻓﻚ ﻭ ﻣﻌﺶ ﻩ " ﻭ ﻓﻄﻨﺖ ﻟﺮﻭﺣﻲ 🌚 ﺷِﺖ 😒💔 "
ﻣﺤﻤﺪ << ﻛﻤﻠﻲ ﻛﻨﻚ ﺳﻜﺘﻲ ؟ ! 😂
ﺍﻧﺎ << ﺍﻟﻔﻄﻮﺭ ﺳﻤﺢ ﺑﻜﻞ ﻫﻨﺎ 🌚
ﻣﺤﻤﺪ << ﺍﻫﺎ 😎😂
ﺍﻧﺎ << 😂😌 " ﻣﻌﺶ ﻗﺪﺭﺕ ﻧﻤﺴﻚ ﺿﺤﻜﺘﻲ "
ﻣﺤﻤﺪ << ﺃﺳﻤﻌﻲ ﺑﺎﻩ // ﺍﻧﺎ ﺗﻮﺍ ﻋﻨﺪﻱ ﻋﻤﻞ
ﺍﻧﺎ << ﺗﻲ 😔😥
ﻣﺤﻤﺪ << ﺗﻲ ﻻ ﻣﺎ ﺗﺰﻋﻠﻴﺶ ﻩ ﻧﺄﺧﺬﻙ ﻣﻌﺎﻳﺎ ﺑﺲ ﻩ ﺗﻘﻌﺪﻱ ﻣﻊ ﻣﺮﺍﺕ ﺻﺎﺣﺒﻲ
ﺍﻧﺎ << ﺟﺪﻳﺎﺕ 😍
ﻣﺤﻤﺪ << ﺍﻫﺎ
ﺍﻧﺎ << ﻧﺠﻚ ﻟﻴﺎ ﻭ ﺧﻼﺹ 😍🙊
ﻣﺤﻤﺪ << " ﺣﻜﻰ ﺑﺼﻮﺕ ﻭﺍﻃﻲ " ﻣﻌﺶ ﻧﻘﺪﺭ ﻧﺨﻠﻴﻚ ﺑﺮﻭﺣﻚ
ﺍﻧﺎ << ﺷﻨﻮ !
ﻣﺤﻤﺪ << ﻗﺘﻠﻚ ﻛﺎﻥ ﺷﺒﻌﺘﻲ ﺧﻠﻴﻨﺎ ﻧﺼﺒﻮ
ﺍﻧﺎ << ﺍﻫﺎ ﺷﺒﻌﺖ ﺍﻟﺤﻤﺪﻟﻠﻪ
ﺻﺒﻴﻨﺎ ﻭ ﻃﻠﻌﻨﺎ ﻭ ﻣﺸﻴﻨﺎ ﻟﺸﺮﻛﻪ ﻛﺒﻴﺮﻩ // ﺧﺸﻴﻨﺎ ﻟﻤﻜﺘﺐ ﻭ ﻗﺎﻟﻲ ﻗﻌﻤﺰﻱ ﻫﻨﺎ
ﻗﻌﻤﺰﺕ ﻭ ﻗﻌﺪﺕ ﻧﻠﻌﺐ ﻉ ﺍﻟﻨﻘﺎﻝ ﻋﻨﺪ ﺧﺸﺖ ﻭﺣﺪﻩ ﻣﻌﺎﻩ
ﻣﺤﻤﺪ << ﻫﺬﻩ ﺑﺸﺮﻯ ﻭ ﻫﺬﻩ ﺍﻟﻬﺎﻡ // ﺭﺩﻱ ﺑﺎﻟﻚ ﻋﻠﻴﻬﺎ ﻭ ﻣﺎ ﺗﺨﻠﻴﻬﺶ ﺗﻄﻠﻊ
ﺍﻟﻬﺎﻡ << ﻫﻬﻬﻬﻬﻪ ﺗﻢ
ﻃﻠﻊ ﻣﺤﻤﺪ ﻭ ﺍﻧﺎ ﺻﺒﻴﺖ ﺳﻠﻤﺖ ﻋﻠﻴﻬﺎ // ﻋﺮﻓﺘﻨﻲ ﻉ ﺭﻭﺣﻬﺎ ﻭ ﻗﻌﻤﺰﺕ ﺟﻨﺒﻲ ﻭ ﺑﺪﺕ ﺗﺤﻜﻲ
ﺍﻟﻬﺎﻡ << ﻭ ﺍﻧﺘﻲ ﻋﺎﺩ ﻣﻦ ؟ ﺻﺎﺣﺒﺔ ﻣﺤﻤﺪ ﺍﻟﺠﺪﻳﺪﻩ ؟ !
ﺍﻧﺎ << ﺷﻨﻮ ؟ ! 😳
ﺍﻟﻬﺎﻡ << ﺑﺲ ﻏﺮﻳﺒﻪ ﺍﻟﻤﺮﻩ ﻫﺬﻩ ﻣﺨﺘﺎﺭ ﻭﺣﺪﻩ ﻟﻴﺒﻴﻪ ﻫﻬﻬﻬﻬﻪ ﺷﻦ ﺩﺭﺗﻴﻠﻪ ﺍﻟﻠﻲ ﺧﻠﻴﺘﻴﻪ ﻫﻜﻲ ﻳﺠﻴﺒﻚ ﻫﻨﺎ ﻓﻲ ﺍﻟﺸﺮﻛﻪ !
ﺍﻧﺎ << 😳😳
//
//
//
ﺍﺣﻤﺪ << ﺍﻟﻬﺎﻡ ﻣﻌﺎﻫﺎ ؟
ﻣﺤﻤﺪ << ﺍﻫﺎ ﺗﻮﺍ ﻋﺮﻓﺘﻬﻦ ﻉ ﺑﻌﻀﻬﻦ // ﺧﻄﺮﻫﺎ ﻗﻠﺖ ﻝ ﺍﻟﻬﺎﻡ ﺍﻧﻬﺎ ﻣﺮﺍﺗﻲ ؟ !
ﺍﺣﻤﺪ << ﻻﻻ ﻧﺴﻴﺖ ﻭ ﺍﻟﻠﻪ
ﻣﺤﻤﺪ << ﺣﻲ ﺃﻣﻪ
ﺍﺣﻤﺪ << ﺍﻣﺸﻲ ﺃﻟﺤﻘﻬﺎ ﻗﺒﻞ ﻣﺎ ﺗﻔﺘﺮﺵ 😂
ﻣﺤﻤﺪ << ﻣﺎﺷﻲ ﻣﺎﺷﻲ
<<
<<
<<
ﺍﻟﻬﺎﻡ << ﻛﻨﻚ ﺳﺎﻛﺘﻪ ؟ ﺑﺎﻫﻲ ﻧﺴﺄﻟﻚ ﺻﺎﺭ ﺑﻴﻨﻚ ﻭ ﺑﻴﻨﻪ ﺷﻲ !! ﺃﺻﻼ ﻟﻮ ﺻﺎﺭ ﻣﻌﻨﺎﻫﺎ ﻣﺶ ﻩ ﻳﺄﺧﺬﻙ ﺭَﺁﻩ ﺃﺻﻼ ﺍﻧﺘﻲ ﻣﺶ ﺍﻭﻝ ﻭﺣﺪﻩ ﻓﻲ ﺣﻴﺎﺗﻪ
ﻭ ﺍﻧﻔﺘﺢ ﺍﻟﺒﺎﺏ . . .
# ﻳﺘﺒﻊ ...
.
حفيدة نيوتن😎🔥
تنزيل وتصميم الغلافات: Rahafaltaher7
