💞زواج تقليدي💞
# ﺍﻟﺤﻠﻘﻬﻪ ﺍﻷﺭﺑﻌﻮﻥ 🌸
ﺻﺒﻰ ﺍﻳﻬﻢ ﻭ ﻃﻠﻊ // ﺟﺎ ﻣﺤﻤﺪ ﺟﻨﺒﻲ ﻭ ﻗﻌﺪ ﻳﺒﺤﺖ ﻓﻴﺎ
ﺍﻧﺎ << ﻋﺎﺭﻓﻪ ﺷﻦ ﺍﻟﻠﻲ ﻓﻲ ﺑﺎﻟﻚ / ﺑﺲ ﻣﺶ ﺏ ﺃﻳﺪﻳﻨﺎ ﺍﻟﻠﻲ ﺻﺎﺭ
ﻣﺤﻤﺪ << ﺣﺘﻲ ﺍﻧﺖ ﻛﺎﻥ ﻳﻀﺮﺏ ﻓﻴﻚ ﻫﻜﻲ ؟ !
ﻋﻴﻮﻧﻲ ﺩﻣﻌﻦ ﻭ ﻗﻌﺪﺕ ﺳﺎﻛﺘﻪ (( ﻛﺮﻧﻲ ﺷﻮﺭﻩ ﻭ ﺍﺿﺒﻄﻨﻲ ﻭ ﻗﺎﻝ
ﻣﺤﻤﺪ << ﻣﺶ ﻩ ﻧﺴﻴﺒﻚ ﻟﻮ ﺷﻦ ﻳﺼﻴﺮ ﻭ ﻻ ﻩ ﻧﺨﻠﻲ ﺣﺪ ﻳﺠﻲ ﺷﻮﺭﻙ
ﻗﻌﺪﺕ ﺳﺎﻛﺘﻪ ﻭ ﻛﻴﻔﻠﻲ ﻋﺎﺟﺒﻨﻲ ﺍﻟﺠﻮ 💙😍
ﺍﻧﺎ << ﻣﺤﻤﺪ
ﻣﺤﻤﺪ << ﻣﺎ ﺗﻘﻮﻟﻲ ﺷﻲ
ﻗﻠﺖ ﻑ ﻋﻘﻠﻲ ﺑﺮﺍﺣﺘﻚ ﻋﺎﺩ ﻡ ﻋﻨﺪﻱ ﻡَ ﻧﺪﻳﺮﻟﻚ 🙊 ﺑﺲ ﻛﻨﺖ ﺣﺎﺑﻪ ﻳﻌﺮﻑ ﺍﻧﻪ ﺣﻀﻨﻪ ﻗﻌﺪ ﺑﺎﻟﻨﺴﺒﻪ ﻟﻴﺎ ﺍﻷﻣﺎﻥ 💖
ﺳﻤﻌﺖ ﺻﻮﺕ ﺑﺎﺑﺎ ﺑﺮﺍ ﻭ ﻭﺧﺮﺕ ﻣﻨﻪ // ﺧﺶ ﺑﺎﺑﺎ ﻭ ﺳﻠﻢ ﻋﻠﻴﻨﺎ ﻭ ﺍﻧﺎ ﺭﺩﻳﺖ ﺧﺸﻴﺖ ﺟﻮﺍ
//
//
//
ﻓﺎﻃﻤﻪ << ﻣﺎ ﻓﺶ ﺩﺍﻋﻲ ﺗﻘﻮﻟﻬﺎ ﻟﺒﺎﺗﻚ ﺗﻮ ﻳﺪﻳﺮﻫﺎ ﻟﻨﺎ ﻟﻴﻠﻪ
ﺍﻳﻬﻢ << ﻫﺬﺍ ﻭﻳﻦ ﻛﺒﺮﺕ ﻓﻲ ﺧﺸﻤﻪ ﺯﻳﺎﺩﻩ / ﻃﺎﻟﻤﺎ ﺍﻟﻨﻘﺎﻝ ﻣﻦ ﺑﺸﺮﻯ ﻋﻠﻴﺶ ﻳﻤﺪ ﻓﻲ ﻳﺪﻩ ﻋﻠﻴﻬﺎ ؟ !
ﺣﻨﺎﻥ << ﻣﺎ ﻛﻨﺶ ﻳﻌﺮﻑ
ﺍﻧﺎ << ﺯﻳﺪﻱ ﺩﺍﻓﻌﻲ ﻋﻠﻴﻪ 🌚
ﻃﻠﻊ ﺍﻳﻬﻢ ﻭ ﺟﺘﻨﻲ ﻣﺮﺍﺕ ﺑﺎﺑﺎ ﻓﻲ ﺍﻟﺪﺍﺭ
ﻓﺎﻃﻤﻪ << ﻣﺶ ﺗﺒﻲ ﺗﺎﺧﺬﻱ ﺃﺧﺘﻚ ﻣﻌﺎﻙ ؟
ﺍﻧﺎ << ﺍﻫﺎ // ﻋﻨﺪﻙ ﺍﻋﺘﺮﺍﺽ ﻣﺜﻼ ! ؟ 🌚
ﻓﺎﻃﻤﻪ << ﺑﺎﺗﻚ ﻣﺶ ﻩ ﻳﻮﺍﻓﻖ / ﺑﺲ ﻟﻮ
ﺍﻧﺎ << ﺑﺲ ﺷﻨﻮ ؟
ﻓﺎﻃﻤﻪ << ﻟﻮ ﻣﺎ ﺣﺪ ﻳﻘﻮﻟﻪ ﺍﻧﻪ ﺧﺎﻟﺪ ﺿﺮﺑﻬﺎ ﺍﻧﺎ ﻩ ﻧﻘﻨﻌﻪ ﺍﻧﻪ ﺯﻳﻨﺐ ﺗﻤﺸﻲ ﺗﻐﻴﺮ ﺟﻮ ﻛﻢ ﻳﻮﻡ
ﺳﻜﺘﺖ ﻭ ﻗﻌﺪﺕ ﻧﻔﻜﺮ ﻓﻲ ﻛﻼﻣﻬﺎ ﻭ ﻗﻠﺘﻬﺎ ﺑﺎﻩ ) ﻃﻴﺒﻪ ﻣﻦ ﻳﻮﻣﻲ ﻋﺎﺩ 💁
ﻛﻠﻤﺖ ﺯﻳﻨﺐ ﻋﺸﺎﻥ ﺗﻮﺗﻲ ﻛﻢ ﻟﺒﺴﻪ ﻭ ﻭﺩﺍﺩ ﻭ ﺃﻣﻬﺎ ﺧﺸﻦ ﻳﻮﺗﻦ ﻓﻲ ﺍﻟﻌﺸﺎﺀ ﻭ ﻳﺪﻳﺮﻥ ﻓﻲ ﻣﺤﺸﻲ 💔😍
ﺯﻳﻨﺐ << ﺯﻋﻤﻚ ﺑﺎﺑﺎ ﻳﺨﻠﻴﻨﻲ ؟
ﺍﻧﺎ << ﺍﻫﺎ ﺍﻫﺎ ﻣﺶ ﺷﻮﺭﻙ ﺍﻧﺘﻲ
ﺯﻳﻨﺐ << ﻭ ﺧﺎﻟﺪ ؟
ﺍﻧﺎ << ﻳﻨﺤﺮﻕ 😒 ﺑﻌﺪﻳﻦ ﺗﻌﺎﻟﻲ ﻫﻨﺎ / ﺍﺣﻜﻴﻠﻲ ﻛﻴﻒ ﺷﺎﻑ ﺍﻟﻨﻘﺎﻝ ﻣﻌﺎﻙ ؟
ﺯﻳﻨﺐ << ﺗﻲ ﻛﻨﺖ ﻓﻲ ﺍﻟﺪﺍﺭ ﻫﻨﺎ ﻭ ﻧﺤﻜﻲ ﻣﻊ ﺍﻣﺎﻧﻲ ﻭ ﻫﻮﺍ ﺷﻜﻠﻪ ﻛﺎﻥ ﻳﻨﺎﺩﻱ ﻓﻴﺎ ﻭ ﺍﻧﺎ ﻡ ﺳﻤﻌﺘﺶ ﻣﺎ ﻟﻘﻴﺘﻪ ﺍﻻ ﻓﻮﻕ ﺭﺍﺳﻲ ﻭ ﻛﺮﻧﻲ ﻣﻦ ﺷﻌﺮﻱ ﺍﻟﺤﻴﻮﺍﻥ ﻫﺬﺍ 😭
ﺍﻧﺎ << ﺍﻣﺎﻧﻲ ﻭ ﻻ ﺣﺪ ﺍﺧﺮ ؟ !
ﺯﻳﻨﺐ << ﺭﻳﺘﻲ ﺍﻧﺎ ﻓﻴﺶ ﻧﺤﻜﻲ ﻭ ﺍﻧﺘﻲ ﺷﻦ ﻗﺎﻋﺪﻩ ﺗﻘﻮﻟﻲ 😒
ﺍﻧﺎ << ﺻﺒﻲ ﺑﺎﻩ ﺧﻠﻴﻨﺎ ﻧﻄﻠﻌﻮ ﺑﺮﺍ
ﻃﻠﻌﻨﺎ ﻭ ﻟﻘﻴﺖ ﺇﻳﻤﺎﻥ ﺗﺴﻠﻢ ﻉ ﺣﻨﺎﻥ / ﺃﻛﻴﺪﻩ ﺭﻧﻮ ﻋﻠﻴﻬﺎ ﻛﻴﻒ ﻋﺸﺎﺀ ﺑﺪﻭﻧﻬﺎ ﻋﺎﺩ 😪😌
ﺣﻨﺎﻥ << ﺑﻨﺮﻛﺐ ﻓﻮﻕ ﺍﻧﺎ
ﺍﻧﺎ << ﻋﻠﻴﺶ ﻳﺎ ﻃﺮﻭﺡ ؟ !
ﺣﻨﺎﻥ << ﺑﻨﺸﻮﻑ ﺧﺎﻟﺪ
ﺯﻳﻨﺐ << ﺍﺟﺮﻱ ﺍﺟﺮﻱ 🌚
ﺇﻳﻤﺎﻥ << ﻛﻨﻜﻦ ﻋﻠﻴﻬﺎ ؟ ﻉ ﺍﺳﺎﺱ ﺧﺎﻟﺪ ﻣﺶ ﺭﺍﺟﻠﻬﺎ ؟ ﻭ ﻻ ﻣﺶ ﺧﻮﻛﻦ ﻣﺜﻼ ؟
ﺯﻳﻨﺐ << ﻭ ﻫﻲ ﺑﻨﺖ ﺧﺎﻟﺘﻨﺎ ﺷﻦ ﺩﺧﻠﻚ ﺍﻧﺘﻲ 😕
ﺇﻳﻤﺎﻥ << ﻋﻠﻴﻚ ﻗﻠﺔ ﺃﺩﺏ ﺑﺲ ﻣﺶ ﺟﺎﻳﺒﺘﻴﻬﺎ ﻣﻦ ﺣﺪ ﺑﻌﻴﺪ ﻋﺎﺩ " ﻭ ﺑﺤﺘﺖ ﻓﻴﺎ "
ﻣﺎ ﻋﺒﺮﺗﻬﺶ ﻭ ﻣﺸﻴﺖ ﻟﻠﻤﻄﺒﺦ ﻧﺪﻳﺮ ﻓﻲ ﺍﻟﺴﻼﻃﻪ
ﺯﻳﻨﺐ << ﻧﺤﻂ ﻣﻦ ﺍﻟﺤﻠﻮ ﺍﻟﻠﻲ ﺟﺒﺘﻮﻩ ؟
ﺍﻧﺎ << ﺍﻫﺎ ﺍﻫﺎ / ﻭ ﺩﻳﺮﻱ ﺗﺒﺴﻲ ﻟﻤﺤﻤﺪ ﻭ ﺑﺎﺑﺎ
ﺯﻳﻨﺐ << ﺑﺎﻩ
ﻓﺎﻃﻤﻪ << ﻭ ﻋﻘﺒﻮ ﻟﺨﺎﻟﺪ ﻭ ﺣﻨﺎﻥ ﻭ ﻻ ﺩﺯﻭﻟﻬﻢ ﻗﺮﻋﺘﻬﻢ ﻓﻮﻕ
ﺍﻧﺎ << ﻭﺩﺍﺩ ﺣﻄﻴﻠﻬﻢ 😒
ﻃﻠﻌﻨﺎ ﻭ ﻗﻌﺪﻧﺎ ﻧﻬﺪﺭﺯﻭ ﻭ ﻗﺒﻞ ﺍﻟﻌﺸﺎﺀ ﻣﺸﻴﺖ ﻧﻜﻠﻢ ﻓﻲ ﺑﺎﺑﺎ
ﺍﻧﺎ << ﺑﺎﺑﺎ
ﺑﺎﺑﺎ << ﺗﻌﺎﻟﻲ
ﺍﻧﺎ << ﻳﺒﻮﻙ ﺟﻮﺍ
ﺑﺎﺑﺎ << ﺑﺎﻩ " ﻭ ﺻﺒﻰ ﺧﺶ ﺟﻮﺍ "
ﺍﻧﺎ << ﺍﺣﻤﻴﺪﻩ
ﻣﺤﻤﺪ << ﻧﻌﻢ " ﻭ ﺭﻓﻊ ﺭﺍْﺳﻪ ﺷﻮﺭﻱ "
ﺍﻧﺎ << ﻋﺎﺩﻱ ﻳﻌﻨﻲ ﻟﻮ ﻣﺜﻼ ﻫﻜﻲ ﺯﻳﻨﺐ ﺭﻭﺣﺖ ﻣﻌﺎﻧﺎ
ﻣﺤﻤﺪ << ﻋﺎﺩﻱ ﺍﻟﺤﻮﺵ ﺣﻮﺷﻚ ﻣﺶ ﻣﺴﺘﺤﻘﻪ ﺍﻧﻚ ﺗﺴﺘﺎﺫﻧﻲ
ﺍﻧﺎ << ﻣﻴﺮﺳﻲ ﺑﻜﻞ 😍 " ﻭ ﺟﻴﺖ ﻗﺪّﺍﻣﻪ ﻭ ﺑﺴﺘﻪ ﻉ ﺧﺪﻩ ﻭ ﻃﻠﻌﺖ "
ﺧﺸﻴﺖ ﻟﻘﻴﺖ ﻓﺎﻃﻤﻪ ﺗﺤﻜﻲ ﻣﻊ ﺑﺎﺑﺎ ﻉ ﻗﺼﺔ ﻣﺸﻴﺔ ﺯﻳﻨﺐ
ﺑﺎﺑﺎ << ﻧﺎﺱ ﻏﺮﻳﺒﻪ ﻛﻴﻒ ﺗﻘﻌﺪ ﻓﻲ ﻭﺳﻄﻬﻢ ﻛﻴﻒ ؟؟
ﻓﺎﻃﻤﻪ << ﺣﻮﺵ ﺍﺧﺘﻬﺎ ﻋﺪ ﺍﻟﻠﻪ ﺍﻧﻬﺎ ﻣﺮﻳﻀﻪ ﻭ ﻣﺎﺷﻴﻪ ﺗﻌﺎﻭﻥ ﻓﻴﻬﺎ
ﺑﺎﺑﺎ << ﻛﻨﻚ ﺍﺗﻔﺎﻭﻟﻲ ﻉ ﺍﻟﺒﻨﺖ
ﻓﺎﻃﻤﻪ << ﺍﻧﺎ ﻋﻄﻴﺘﻚ ﻣﺜﺎﻝ ﺑﺲ
ﺍﻧﺎ << ﺑﺎﺑﺎ ﻛﻢ ﻳﻮﻡ ﺑﺲ ﺗﻐﻴﺮ ﺟﻮﻫﺎ ﺑﻤﺎ ﺍﻧﻬﺎ ﻣﻌﻄﻠﻪ
ﺑﺎﺑﺎ << ﻳﻮﻣﻴﻦ ﺑﺲ ﻭ ﺗﺤﻄﻲ ﻋﻴﻨﻚ ﻋﻠﻴﻬﺎ ﻓﺎﻫﻤﻪ ؟
ﺍﻧﺎ << ﺣﺎﺿﺮ ﺣﺎﺿﺮ 😍😍
/
/
/
ﺣﻄﻴﻨﺎ ﺍﻟﻌﺸﺎﺀ ﻭ ﺗﻌﺸﻴﻨﺎ ﺑﻌﺪﻫﺎ ﺧﺸﺖ ﻭﺩﺍﺩ ﻭ ﺯﻳﻨﺐ ﻳﻐﺴﻠﻦ ﻓﻲ ﺍﻟﻤﻮﺍﻋﻴﻦ ﻭ ﺍﻧﺎ ﺩﺭﺕ ﺍﻟﺸﺎﻫﻲ
ﺑﻌﺪ ﺳﺎﻋﻪ ﻫﻜﻲ ﻗﺎﻝ ﻣﺤﻤﺪ ﻫﻴﺎ ﻭ ﻃﻠﻌﺖ ﺍﻧﺎ ﻭ ﺯﻳﻨﺐ ﻭ ﺭﻛﺒﻨﺎ ﺍﻟﺴﻴﺎﺭﻩ
ﻓﻲ ﺍﻻﻭﻝ ﻛﻨّﺎ ﺳﺎﻛﺘﻴﻦ ﻭ ﺑﺮﻣﺖ ﻧﺸﻮﻑ ﻓﻲ ﺯﻳﻨﺐ ﻟﻘﻴﺘﻬﺎ ﺗﺒﺤﺖ ﻓﻲ ﻣﺤﻤﺪ ﻭ ﻋﻴﻮﻧﻬﺎ ﻫﻚ 😍
ﺍﻧﺎ << ﺯﻳﻨﺐ 😒
ﺯﻳﻨﺐ << ﻧﻌﻢ 😍
ﺍﻧﺎ << ﻓﺎﻃﻨﺘﻠﻚ ﺭﺍﻩ 😒
ﻣﺤﻤﺪ << ﻛﻨﻜﻦ ؟ 😂
ﺍﻧﺎ << ﺷﻲ
ﺳﻘﻢ ﻣﺤﻤﺪ ﺍﻟﻤﺮﺍﻳﺎ ﻭ ﺩﺍﺭﻫﺎ ﻗﺼﺎﺩ ﺯﻳﻨﺐ ﻭ ﻗﻌﺪ ﻳﺒﺤﺖ ﻓﻴﻬﺎ ﻭ ﻳﻘﻮﻝ
ﻣﺤﻤﺪ << ﺑﺎﻟﺮﻏﻢ ﻣﻦ ﺍﻧﻪ ﺍﺧﺘﻚ ﻋﺒﻴﻄﻪ ﻭ ﻫﺒﻠﻪ ﺑﺲ ﻃﻴﺒﻪ ﻭ ﺟﺘﻨﻲ ﻛﺄﻧﻬﺎ ﻫﺪﻳﻪ
ﺗﻨﺤﺖ ﻭ ﻗﻌﺪﺕ ﺳﺎﻛﺘﻪ \ ﻣﺴﻚ ﻳﺪﻱ ﻭ ﻛﻤﻞ ﻛﻼﻣﻪ
ﻣﺤﻤﺪ << ﻭ ﺍﺣﻠﻰ ﻫﺪﻳﻪ " ﻭ ﺑﺎﺱ ﻳﺪﻱ "
ﺯﻳﻨﺐ << ﻧﻌﻠﻴﺎ ﻭ ﺧﻼﺹ 😍
ﻗﻌﺪ ﻣﺤﻤﺪ ﻳﻀﺤﻚ ﻭ ﺍﻧﺎ ﺳﺎﻛﺘﻪ ﻭ ﺧﻼﺹ // ﻭﺻﻠﻨﺎ ﻟﻠﻔﻴﻼ ﻭ ﻟﻘﻴﻨﺎ ﻋﻤﺘﻲ ﻭ ﻋﻤﻲ ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ﻭ ﻣﻌﺎﻫﻢ ﻣﻨﺎﺭ ﻭ ﻓﺎﺗﻦ
ﺳﻠﻤﺖ ﺯﻳﻨﺐ ﻋﻠﻴﻬﻢ ﻭ ﺭﺣﺒﻮ ﺑﻴﻬﺎ ﻭ ﺭﻛﺒﻨﺎ ﻓﻮﻕ
((
((
((
ﻗﻌﻤﺰﺕ ﺯﻳﻨﺐ ﻓﻲ ﺍﻟﺼﺎﻟﻪ ﻭ ﻭﻟﻌﺘﻠﻬﺎ ﺍﻟﺘﻠﻔﺰﻳﻮﻥ ﻭ ﺧﺸﻴﺖ ﻋﺸﺎﻥ ﻧﻐﻴﺮ ﺍﺩﺑﺸﻲ ﻭ ﺧﺶ ﻭﺭﺍﻳﺎ ﻣﺤﻤﺪ ﻭ ﺳﻜﺮ ﺍﻟﺒﺎﺏ
ﺍﻧﺎ << ﻛﻨﻚ ؟؟
ﻣﺤﻤﺪ << ﻻ ﺷﻲ ﻧﺒﻲ ﻧﻐﻴﺮ ﺍﺩﺑﺸﻲ
ﺍﻧﺎ << ﺑﺎﻫﻲ ﻧﻜﻤﻞ ﺍﻧﺎ ﻭ ﺑﻌﺪﻫﺎ ﺗﻮ ﺗﺨﺶ ﺍﻧﺖ 😕
ﻣﺤﻤﺪ << ﺷﻦ ﺗﻘﻮﻝ ﺍﺧﺘﻚ ﻋﻠﻴﻨﺎ ؟؟ 😌
ﺍﻧﺎ << ﻩ ﻧﺎﺧﺬ ﺍﺩﺑﺸﻲ ﻭ ﻧﻐﻴﺮ ﻓﻲ ﺍﻟﺤﻤﺎﻡ 😒 ﺍﻗﻌﺪ ﻓﻴﻬﺎ 🌚
ﻣﺤﻤﺪ << ﻣﻌﻘﻮﻟﻪ ﻗﺪﺍﻡ ﺍﺧﺘﻚ 🌚
ﻗﻌﺪﺕ ﻧﺒﺤﺖ ﻓﻴﻪ ﻭ ﻧﻔﻜﺮ ﻓﻲ ﻛﻼﻣﻪ 😒 /
ﺍﻧﺎ << ﺑﺎﻫﻲ ﺍﻣﺸﻲ ﻋﻨﺪ ﺍﻟﺪﻭﻻﺏ ﻭ ﺧﻠﻴﻚ ﺑﺎﺭﻡ ﻭﺟﻚ ﻋﻨﺪ ﻧﻜﻤﻞ
ﻣﺤﻤﺪ << ﺗﺒﺼﺮﻱ ﺃﻛﻴﺪ ؟ ﺗﻲ ﺭﺍﺟﻠﻚ ﺍﻧﺎ 😂😒
ﺍﻧﺎ << ﻫﺬﺍ ﺍﻟﻠﻲ ﻋﻨﺪﻱ
ﻣﺸﻰ ﻋﻨﺪ ﺍﻟﺪﻭﻻﺏ ﻭ ﻳﻀﺤﻚ ﻭ ﺍﻧﺎ ﻗﻌﺪﺕ ﻧﻐﻴﺮ ﻑ ﺍﺩﺑﺸﻲ
ﻣﺤﻤﺪ << ﻧﺒﺮﻡ ؟؟
ﺍﻧﺎ << ﺍﻧﻼ ﻡَ ﺯﻟﺖ 😳
ﻣﺤﻤﺪ << ﻧﺒﺮﻡ ﺷﻮﻳﻪ ﺑﺎﻩ ؟ 😂
ﺍﻧﺎ << ﺭﻳﺢ ﺭﻭﺣﻚ ﻧﺒﺶ ﻧﻌﻠﻲ ﺻﻮﺗﻲ 😒
ﺳﻤﻌﺖ ﺯﻳﻨﺐ ﺗﻨﺎﺩﻱ ﻣﻦ ﺑﺮﺍ ﻭ ﺗﻘﻮﻝ
ﺯﻳﻨﺐ << ﻛﺮﺭﺭﺭﻳﻢ ﻳﺎ ﺑﺸﺸﺸﻪ ﻛﺮﺭﻳﻢ ﺑﺪﺍ
ﺍﻧﺎ << ﻛﺮﻳﻢ ﺣﺒﻴﺒﻲ 😍 ﺃﻫﻮ ﻃﺎﻟﻌﻪ ﻫﻲ
ﻟﺒﺴﺖ ﺍﻟﺒﺪﻱ ﺑﺴﺮﻋﻪ ﻭ ﻟﻔﻴﺖ ﺷﻌﺮﻱ ﻭ ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ ﻧﺠﺮﻱ
ﺯﻳﻨﺐ << ﺭﺍﻩ ﺍﻃﻴﺤﻲ ﺑﺲ ﺑﺸﻮﻳﻪ
ﺍﻧﺎ << ﺩﻭﺑﻪ ﻛﻴﻒ ﺑﺎﺩﻱ ﻣﺎﻩ ؟؟
ﺯﻳﻨﺐ << ﺍﻫﺎ ﺩﻭﺑﻪ ﺍﻭﻝ ﻟﻘﻄﻪ
ﺍﻧﺎ << ﻧﻌﻠﻴﺎ ﻟﻴﻦ ﻗﻠﺒﻲ ﻳﺪﻕ ﺑﺴﺮﻋﻪ ﻣﻨﻪ 😍
ﺯﻳﻨﺐ << ﻳﺒﻲ ﻓﺎﻃﻤﻪ ﺑﺲ 😂
ﺍﻧﺎ << ﺗﻤﺜﻴﻞ ﺗﻤﺜﻴﻞ 💁 ﻑ ﺍﻟﺤﻘﻴﻘﻪ ﻓﺶ ﻏﻴﺮﻱ ﺑﻨﺖ ﺗﺤﺒﻪ 💔😍
ﺯﻳﻨﺐ << ﺍﻭﻭﻭﻭ ﻧﻮﻭﻭﻭ 💦😂
ﺍﻧﺎ << ﺧﻼﺹ ﺁﺱ ﺧﻠﻴﻨﻲ ﻧﺴﻤﻊ
ﺗﺮﺑﻌﺖ ﻉ ﺍﻟﺼﺎﻟﻮﻥ ﺟﻨﺒﻬﺎ ﻭ ﻗﻌﺪﻧﺎ ﻧﺘﻔﺮﺟﻮ 💚 ﻃﻠﻊ ﻣﺤﻤﺪ ﻭ ﻧﺰﻝ ﻟﻮﻃﺎ
//
//
//
ﺭﻣﺰﻱ << ﺧﻼﺹ ﺍﺳﻜﺖ ﺃﻫﻮ ﻧﺰﻝ 😂
ﻣﺮﺍﺩ << ﺑﺲ ﻋﻠﻴﻚ ﺟﻮ 😂
ﻣﺤﻤﺪ << ﻋﻠﻴﺶ ﺗﻀﺤﻚ ﺍﻧﺖ ﻭﻳﺎﻩ ؟ ! 😒
ﻣﻨﺎﺭ << ﻛﺎﻧﻮ ﻳﺤﻜﻮ ﻉ ﻗﺼﺔ ﺑﺸﺮﻯ 😂
ﻣﺤﻤﺪ << ﻭ ﻛﻨﻬﺎ ﺑﺸﺮﻯ ؟
ﻣﺮﺍﺩ << ﻉ ﺍﻟﻠﻲ ﺩﺍﺭﺗﻪ ﻑ ﺍﻟﻤﻜﺘﺐ 😂😂
ﻣﺤﻤﺪ << ﻣﺎ ﺣﻮﺗﻨﻲ ﻧﺴﻴﺖ ﻟﻴﺶ ﺗﺬﻛﺮ ﻓﻴﺎ 😂😪
ﺭﻣﺰﻱ << ﻭﻳﻨﻬﺎ ﻫﻲ ﺑﻌﺪ ﺧﻄﺮﻫﺎ ؟ 😂
ﻣﺤﻤﺪ << ﻓﻮﻕ ﻣﻊ ﺃﺧﺘﻬﺎ ﻳﺘﻔﺮﺟﻦ ﻉ ﺍﻟﺘﺮﻛﻲ ﺍﻟﺜﻘﻴﻞ 😕
ﻣﻨﺎﺭ << ﻛﺮﻳﻢ ؟ ﺗﻲ ﻳﻬﺒﻞ ﺑﻜﻞ 😂
ﻣﺤﻤﺪ << ﺑﻜﻞ ﺍﻫﺎ 😒
ﻣﺮﺍﺩ << ﺍﺧﺘﻬﺎ ﻣﻦ ؟ ﺧﻄﻴﺒﺘﻲ ؟ 😍
ﺭﻣﺰﻱ << ﻣﻦ ﻭﺭﺍﻳﺎ 😒
ﻣﺤﻤﺪ << ﺗﺤﺸﻢ ﺭﺍ ﺗﺴﻤﻌﻨﺎ
ﻣﺮﺍﺩ << ﻧﺒﻲ ﻧﺸﻮﻓﻬﺎ ﺑﺎﻩ 😍
ﻣﺤﻤﺪ << ﻧﻄﻠﻊ ﻧﺪﺧﻦ ﺑﺮﺍ ﺧﻴﺮ
ﻓﺎﺗﻦ << ﺭﺭﺭﻣﺰﻱ
ﺭﻣﺰﻱ << ﻧﻌﻢ ﻳﺎ ﻗﻠﺒﻲ
ﻓﺎﺗﻦ << ﺗﻌﺎﻝ ﺷﻮﻳﻪ ﻣﺎ ﻋﺮﻓﺘﺶ ﻧﻔﺘﺢ ﺍﻟﺸﻴﺸﻪ
ﺭﻣﺰﻱ << ﺣﻄﻴﻬﺎ ﻣﻦ ﻳﺪﻙ ﺗﻮ ﺍﻧﺠﻲ ﺍﻧﺎ
ﻣﺮﺍﺩ << ﺷﻔﺘﻲ ؟ ﺗﻔﺘﻠﻲ ﻓﻲ ﻗﻠﺒﻲ ﻟﻤﺎ ﺗﺤﻜﻲ ﻋﻨﺠﺪﻫﺎ ﻭ ﺧﻼﺹ 🌚😂
ﻣﻨﺎﺭ << ﻓﺎﺗﻦ ؟ 😂
ﻣﺮﺍﺩ << ﻓﻲ ﻏﻴﺮﻫﺎ ﺍﺻﻼ 😂😍
ﻣﻨﺎﺭ << ﺗﺤﺸﻢ ﺟﺪﻳﺎﺕ 😂
ﻣﺮﺍﺩ << ﻋﺪﻱ ﺑﺎﻩ ﻛﻠﻤﻴﻠﻲ ﺍﺧﺖ ﺑﺸﺮﻯ
ﻣﻨﺎﺭ << ﻋﻨﺠﺪ ﻧﻜﻤﻠﻬﺎ ﺭﻳﺢ ﺭﻭﺣﻚ ﺭﺍﻩ ﻧﺤﺮﺵ ﺑﺎﺑﺎ
ﻣﺮﺍﺩ << ﻧﻘﺎﻧﻪ ﻣﺎ ﻓﻜﺶ ﺟﻮ ﺑﻜﻞ 🌚 ﻧﻤﺸﻲ ﻟﺮﺅﻭﻑ ﺧﻴﺮ
ﻃﻠﻊ ﻣﺮﺍﺩ ﻭ ﻣﻨﺎﺭ ﺭﻛﺒﺖ ﻓﻮﻕ ﻣﻌﺎﻧﺎ ﻭ ﻛﻤﻠﻨﺎ ﺍﻟﻤﺴﻠﺴﻞ ﻣﻊ ﺑَﻌﻀُﻨَﺎ ﻭ ﻫﻦ ﻗﻌﺪﻥ ﻳﻬﺪﺭﺯﻥ ﻭ ﺍﻧﺎ ﻧﺰﻟﺖ ﻧﺪﻭﺭ ﻓﻲ ﻣﺤﻤﺪ ﺑﺮﺍ
ﺍﻧﺎ << ﻣﻤﻤﺤﻤﺪ // ﻣﺤﻤﺪ ﻭﻭﻭﻳﻨﻚ (( ﻇﻼﻡ ﻡ ﻧﺸﻮﻓﺶ ﻓﻴﻚ ﺭﺍﻩ :: ﺍﺣﺤﻤﻴﻴﺪﻩ
ﻣﺤﻤﺪ << ﺑﺨﺨﺨﺨﺨﺦ 😂
ﺍﻧﺎ << ﻣﺒﺮﺭﺭﺩﻙ ﻓﺠﻌﺘﻨﻲ 😕 ﺷﻦ ﺍﻟﻬﺒﺎﻝ ﻫﺬﺍ ؟ 😒
ﻣﺤﻤﺪ << ﻛﻨﻚ ﺍﻭﻓﺮ ؟ 😂
ﻗﻌﺪﺕ ﺍﻧﺴﻘﻢ ﻓﻲ ﺷﻌﺮﻱ ﻭ ﻧﻀﺤﻚ
ﻣﺤﻤﺪ << ﺭﺍﻳﻔﺘﻲ ﻋﻠﻴﺎ ﺍﻫﺎ ؟ ﻗﻮﻟﻲ ﺍﻟﺤﻖ ؟
ﺍﻧﺎ << ﺍﻫﺎ
ﻣﺤﻤﺪ << ﺷﻨﻮﻭ ؟؟ ﻋﺎﺍﺍﻭﻭﺩﻱ ؟؟
ﺍﻧﺎ << ﺑﻨﻘﻮﻟﻚ ﺍﻫﺎ ﺟﺎﻳﻪ ﻋﺸﺎﻥ ﻧﻘﻮﻟﻚ ﺍﺭﻗﺪ ﻓﻲ ﺩﺍﺭﻙ ﻟﻮﻃﺎ ﻋﺸﺎﻥ ﻧﺎﺧﺬﻭ ﺭﺍﺣﺘﻨﺎ ﻓﻮﻕ ﺑﺲ
ﻣﺤﻤﺪ << ﺗﻌﻮﺩﺕ ﻋﻠﻴﻚ ﺟﻨﺒﻲ ، ﻧﻘﺪﺭﺵ ﻧﺮﻗﺪ ﺑﻌﻴﺪ ﻋﻨﻚ
ﺍﻧﺎ << ﻣﺶ ﺧﺎﻳﻞ ﻋﻠﻴﻚ ﺍﻟﺠﻮ ﻫﺬﺍ ﺭﺍﻩ 😂 " ﻭ ﻧﻀﺤﻚ ﺑﺼﻮﺕ ﻋﺎﻟﻲ "
ﻣﺤﻤﺪ << ﻧﻘﻮﻝ ﻓﻲ ﻧﻜﺘﻪ ﺍﻧﺎ ؟
ﺍﻧﺎ << ﻋﻤﻮﻣﺎ ﻧﺒﻲ ﻧﺮﻛﺐ ﺍﻧﺎ ﻭ ﺣﺘﻲ ﻣﻨﺎﺭ ﺑﺎﻳﺘﻪ ﻣﻌﺎﻧﺎ ﻓﻮﻕ
ﻣﺸﻴﺖ ﺷﻮﻳﻪ ﻭ ﺳﻤﻌﺖ ﺧﻄﻮﺍﺗﻪ ﻭﺭﺍﻳﺎ // ﻣﺴﻚ ﻳﺪﻱ ﻗﺒﻞ ﻣﺎ ﻧﺨﺶ ﺟﻮﺍ
ﺑﺮﻣﺖ ﺑﺤﺘﺖ ﻓﻴﻪ ﻭ ﻫﻮﺍ ﻳﺒﺤﺖ ﻓﻲ ﻋﻴﻮﻧﻲ
ﻃﺒﺴﺖ ﺭﺍﺳﻲ ﻭ ﻗﻌﺪﺕ ﺳﺎﻛﺘﻪ // ﺭﻓﻌﻠﻲ ﺭﺍﺳﻲ ﺏ ﻳﺪﻩ ﻭ ﻗﺎﻝ
ﻣﺤﻤﺪ << ﻡ ﻛﻨﺘﺶ ﻧﺒﺼﺮ ﺭﺍ " ﻭ ﺧﺶ ﻫﻮﺍ ﻗﺪﺍﻣﻲ ﻭ ﻣﺸﻰ ﺷﻮﺭ ﺩﺍﺭﻩ "
ﺭﻛﺒﺖ ﻟﻠﺒﻨﺎﺕ ﻭ ﻟﻘﻴﺘﻬﻦ ﻣﺎﺯﺍﻟﻦ ﻳﻬﺪﺭﺯﻥ ﻭ ﺟﺒﻦ ﺷﻮﻳﺔ ﺣﺮﻛﺎﺕ ﻭ ﺳﻬﺮﻧﺎ ﻋﻨﺪ ﺍﻟﺴﺎﻋﻪ 3
ﺯﻳﻨﺐ << ﻧﺒﻲ ﻧﺮﻗﺪ ﺧﻼﺹ ﻣﺶ ﻗﺎﺩﺭﻩ ﻧﻔﺘﺢ ﻋﻴﻮﻧﻲ
ﻣﻨﺎﺭ << ﺣﺘﻲ ﺍﻧﺎ ﺍﺻﻼ ﻣﺶ ﻣﺘﻌﻮﺩﻩ ﻧﺴﻬﺮ ﻋﻨﺪ ﺗﻮﺍ
ﺍﻧﺎ << ﺧﺸﻦ ﻟﻠﺴﺮﻳﺮ ﻭ ﺍﻧﺎ ﺍﻧﻠﻢ ﺍﻟﺤﺎﺟﺎﺕ ﻭ ﺍﻧﺠﻲ
ﺧﺸﻦ ﻫﻦ ﺍﻻﺛﻨﻴﻦ ﻭ ﺻﺒﻴﺖ ﻟﻤﻴﺖ ﺍﻟﺼﺎﻟﻪ ﻭ ﻣﺶ ﻋﺎﺭﻓﻪ ﻟﻴﺶ ﻋﻘﻠﻲ ﻓﻲ ﻣﺤﻤﺪ
ﻓﺘﺤﺖ ﺍﻟﺒﺎﺏ ﻭ ﻛﺎﻧﺖ ﺍﻟﺪﻧﻴﺎ ﺍﻣﻈﻠﻤﻪ // ﻧﺰﻟﺖ ﻟﻮﻃﺎ ﻭ ﻣﺸﻴﺖ ﻟﺪﺍﺭﻩ
ﻛﺎﻥ ﺭﺍﻗﺪ ﻉ ﺍﻟﺴﺮﻳﺮ ﺑﺪﻭﻥ ﻏﻄﺎﺀ // ﻓﺘﺤﺖ ﺍﻟﺪﻭﻻﺏ ﻭ ﻃﻠﻌﺖ ﻭﺍﺣﺪ ﻭ ﺟﻴﺖ ﺟﻨﺒﻪ ﻉ ﺍﻟﺴﺮﻳﺮ
ﺍﻧﺎ << ﻣﺤﻼﻙ ﻭ ﺍﻧﺖ ﻫﺎﺩﻱ ﻫﻜﻲ " ﻭ ﺣﻄﻴﺖ ﻳﺪﻱ ﻉ ﺧﺬﻩ "
ﺣﻄﻴﺖ ﺍﻟﻐﻄﺎﺀ ﻋﻠﻴﻪ ﻭ ﺑﺮﻣﺖ ﻧﺒﻲ ﻧﻄﻠﻊ ﺑﺲ ﻣﺴﺴﺴﺴﻚ ﻳﺪﻱ 😳😳😳
ﺑﺮﻣﺖ ﺷﻮﺭﻩ ﻭ ﻓﻤﻲ ﻣﻔﺘﻮﺡ ﻫﻚ 😵
ﺍﻧﺎ << ﻗﺼﺼﺼﺼﺪﻙ ﻣﺎﺍﺍﺯﻟﺖ ﻭﻭﻭﺍﺍﺍﻋﻲ 😳
ﻣﺤﻤﺪ << ﻣﺎ ﻗﺘﻠﻚ ﻣﺎ ﻧﻘﺪﺭﺵ ﻧﺮﻗﺪ ﺑﻌﻴﺪ ﻋﻨﻚ
ﺍﻧﺎ << ﺍﻃﻠﻖ ﻳﺪﻱ ﺍﻟﻮﻗﺖ ﺗﺎﺧﺮ ﻧﺒﻲ ﻧﺮﻛﺐ
ﻣﺤﻤﺪ << ﻫﺒﻠﻪ ﺍﻧﺘﻲ ؟؟ ﻟﻴﺶ ﻣﺎ ﺗﺒﻴﺶ ﺗﻔﻬﻤﻲ ﺍﻧﻲ ﺭﺍﺟﻠﻚ ؟ ﻳﻌﻨﻲ ﻋﺎﺩﻱ ﺗﻘﻌﺪﻱ ﻣﻌﺎﻳﺎ ﺑﺮﻭﺣﻚ ﺭﺍ 😂
ﺍﻧﺎ << ﻣﺶ ﻫﺒﻠﻪ ﺍﻧﺎ ﻭ ﻋﻴﺐ ﺍﻟﻠﻲ ﻗﺎﻋﺪ ﺃﺩﻳﺮ ﻓﻴﻪ ﻫﺬﺍ ﺣﻮﻝ ﻛﺬﺍ
ﻗﻌﺪ ﻣﺎﺳﻚ ﻳﺪﻱ ﻭ ﺻﺒﻰ ﻣﻦ ﻉ ﺍﻟﺴﺮﻳﺮ ﻭ ﻗﻌﺪ ﻣﺼﺒﻲ ﻭﺭﺍﻳﺎ ﻭ ﻳﺪﻩ ﻵﺧﺮﻩ ﻉ ﺷﻌﺮﻱ
ﺍﻧﺎ << ﻛﺎﻥ ﻣﺎ ﺗﺤﻮﻝ ﻩ ﻧﻌﻴﻂ ﻭ ﻧﻠﻢ ﻋﻠﻴﻚ ﺍﻟﻨﺎﺱ ﺭﺍﻩ 😰
ﻣﺤﻤﺪ << ﺍﻧﺘﻲ ﺍﻟﻠﻲ ﺟﺎﻳﺘﻴﻨﻲ ﻓﻲ ﺩﺍﺭﻱ ﻳﻜﻮﻥ ﻓﻲ ﻋﻠﻤﻚ 😌 ﻭ ﺩﺧﻮﻝ ﺍﻟﺤﻤﺎﻡ ﻣﺶ ﺯﻱ ﺧﺮﻭﺟﻪ 😎
ﺍﻧﺎ << ﺑﺲ ﺍﻧﺎ ﻣﺎ ﻧﺒﺶ ﺍﻟﺤﻤﺎﻡ 😳
ﻗﻌﺪ ﻳﻀﺤﻚ ﻭ ﺍﺳﺘﻐﻠﻴﺖ ﺍﻟﻔﺮﺻﺔ ﻭ ﻓﻜﻴﺖ ﻳﺪﻱ ﻣﻨﻪ ﻭ ﻃﻠﻌﺖ ﺑﺴﺮﻋﻪ
))
))
))
ﻧﻀﻨﺎ ﺗﺎﻧﻲ ﻳﻮﻡ ﻣﻊ ﺍﻟﺴﺎﻋﻪ 12 ﻭ ﺍﻟﻠﻲ ﻧﻮﺿﻨﺎ ﺻﻮﺕ ﻓﺎﺗﻦ ﺍﻟﻠﻲ ﻛﺎﻧﺖ ﺍﺩﻕ ﻉ ﺍﻟﺒﺎﺏ
ﺍﻧﺎ << ﻫﻲ ﻫﻴﺎ ﺟﻴﺖ ﺟﻴﺖ " ﻭ ﻓﺘﺤﺘﻠﻬﺎ ﺍﻟﺒﺎﺏ "
ﻓﺎﺗﻦ << ﺻﺒﺎﺡ ﺍﻟﺨﻴﺮ / ﻭﻳﻦ ﻉ ﺍﻟﻨﻮﻡ ﻫﺬﺍ ﻛﻠﻪ
ﺍﻧﺎ << ﺧﺸﻲ ﺧﺸﻲ
ﻓﺎﺗﻦ << ﺣﺘﻲ ﻣﻨﺎﺭ ﻫﻨﺎ
ﺍﻧﺎ << ﺍﻫﺎ ﺭﻗﺪﺕ ﻣﻌﺎﻧﺎ ﺃﻣﺲ
ﻧﺎﺿﻦ ﺍﻟﺒﻨﺎﺕ ﻭ ﺧﺸﺖ ﺯﻳﻨﺐ ﻟﻠﺤﻤﺎﻡ ﻭ ﻧﺰﻟﺖ ﻣﻨﺎﺭ ﻟﻮﻃﺎ
ﻗﺎﻟﺘﻠﻲ ﻓﺎﺗﻦ ﺍﻧﻬﺎ ﺩﺍﻳﺮﺗﻠﻨﺎ ﻓﻄﻮﺭ ﻓﻲ ﺍﻟﺠﻨﻴﻨﻪ ﻭ ﺍﻧﻬﺎ ﺗﺮﺍﺟﻲ ﻓﻴﻨﺎ
ﺧﺸﻴﺖ ﻟﺪﺍﺭ ﻋﺸﺎﻥ ﻧﻐﻴﺮ ﺍﺩﺑﺸﻲ ﻭ ﺑﺤﺘﺖ ﻓﻲ ﻓﻮﻧﻲ ﻟﻘﻴﺖ ﻣﺤﻤﺪ ﺭﺍﻥ ﺍﻛﺜﺮ ﻣﻦ ﻣﺮﻩ
ﺟﺮﺑﺖ ﻧﺮﻥ ﻋﻠﻴﻪ ﺑﺲ ﻣﺎ ﺭﺩﺵ // ﻗﻠﺖ ﺑﺎﻟﻚ ﻣﺸﻐﻮﻝ
ﺑﻌﺪ ﺷﻮﻳﻪ ﻧﺰﻟﻨﺎ ﻋﺸﺎﻥ ﻧﻔﻄﺮﻭ ﺑﺲ ﻣﺶ ﻋﺎﺭﻓﻪ ﻟﻴﺶ ﻣﻀﺎﻳﻘﻪ / ﺻﺒﻴﺖ ﻣﻦ ﻉ ﺍﻟﻄﺎﻭﻟﻪ ﻭ ﻣﺸﻴﺖ ﺷﻮﻳﻪ ﻭ ﻗﻌﺪﺕ ﻧﺮﻥ ﺍﺧﺮﻩ
ﺍﺗﺼﻠﺖ ﺑﻴﻪ ﻗﺮﻳﺐ 10 ﻣﺮﺍﺕ ﺑﺲ ﻡ ﺭﺩﺵ // ﻗﻌﺪﺕ ﻧﺒﺮﻡ ﻓﻲ ﻣﻜﺎﻧﻲ ﻭ ﻧﻘﻮﻝ ﻻﻻ ﻣﺎ ﻓﻲ ﺷﻲ ﻳﻌﻨﻲ ﻓﻲ ﺍﻟﻌﻤﻞ ﻋﺎﺩﻱ ﻛﻨﻲ ﺍﻭﻓﺮ ﻫﻜﻲ
ﺭﻧﻴﺖ ﺍﺧﺮﻩ ﻭ ﺍﻧﻔﺘﺢ ﺍﻟﺨﻂ
ﺍﻧﺎ << ﻣﻤﻤﻤﻤﺤﺤﺤﻤﺪ ؟؟ ﺗﻲ ﻛﻨﻚ ﻡ ﺗﺮﺩ ؟؟ ﻣﻦ ﺑﺪﺭﻱ ﻧﺮﻥ ﻋﻠﻴﻚ ؟؟ ﻭﻭﻭﻭﻳﻨﻚ ؟
<< ﺑﺲ ﺍﻧﺎ ﻣﺶ ﻣﺤﻤﺪ ..
ﻻ ﺗﻨﺴﻮﺍ ﺗﺼﻮﺗﻮﺍ ﻋﻠﻲ ﺍﻟﺤﻠﻘﺔ 😍
الليلة ساد خلاص.....تصبحو ع خير😘
.
حفيدة نيوتن😎🔥
تنزيل وتصميم الغلافات: Rahafaltaher7
