💞زواج تقليدي💞
ﺍﻟﺤﻠﻘﻬﻪ ﺍﻟﺜﺎﻣﻨﺔ ﻭ ﺍﻟﺜﻼﺛﻮﻥ 🌸
ﺻﺒﻰ ﻣﺮﺍﺩ ﻭ ﻋﻴﻮﻧﻪ ﻛﺎﻧﻦ ﻗﺮﻳﺐ ﻳﻄﻠﻌﻦ ﻭ ﺧﺶ ﺟﻮﺍ
ﺻﺒﻴﺖ ﻭﺭﺍﻩ ﻭ ﻛﺎﻥ ﻳﺮﻛﺐ ﻉ ﺍﻟﺪﺭﻭﺝ ﻭ ﻣﺸﻰ ﺷﻮﺭ ﺍﻟﺠﻨﺎﺡ ﻣﺘﺎﻋﻨﺎ
ﻣﺸﻴﺖ ﻧﺠﺮﻱ ﻭﺭﺍﻩ ﻭ ﺍﻭﻝ ﻣﺎ ﻓﺘﺢ ﺍﻟﺒﺎﺏ ﻭ ﺧﺶ ﻭ ﻛﺎﻥ ﻣﺤﻤﺪ ﻳﺤﻜﻲ ﻉ ﺍﻟﻔﻮﻥ
ﻣﺤﻤﺪ << ﻋﻨﺪ ﺗﻮﺍ ﻣﺎﺯﻟﺖ ﻣﺎ ﻣﺴﻜﺖ ﻋﻠﻴﻬﺎ ﺷﻲ ﺣﺘﻲ ﻧﻘﺎﻟﻬﺎ ﻣﺎ ﻓﻴﻪ ﺷﻲ ﻣﺶ ﻋﺎﺭﻑ ﺷﻦ ﻧﺪﻳﺮ ﺗﻮﺍ
ﺻﺒﻴﺖ ﺍﻧﺎ ﻭ ﻣﺮﺍﺩ ﻗﺪّﺍﻣﻪ ﻭ ﺃﻧﺼﺪﻡ ﺑﻌﺪ ﺷﺎﻓﻨﺎ
ﻣﺤﻤﺪ << ﺑﺎﻫﻲ ﺳﻜﺮﻱ ﺗﻮﺍ
ﺣﻂ ﻧﻘﺎﻟﻪ ﻉ ﺍﻟﻄﺎﻭﻟﻪ ﻭ ﺑﺤﺖ ﻓﻴﻨﺎ
ﻣﺤﻤﺪ << ﻛﻨﻜﻢ ﺗﺒﺤﺘﻮ ﻓﻴﺎ ؟
ﻣﺮﺍﺩ << ﻣﺶ ﻣﺘﺤﺸﻢ ﺍﻧﺖ ؟؟
ﻣﺤﻤﺪ << ﻭ ﻋﻠﻴﺶ ﻧﺒﻲ ﻧﺘﺤﺸﻢ ! 😕
ﺍﻧﺎ << ﻣﺎ ﻧﺒﻴﺶ ﺍﻟﻤﻮﺿﻮﻉ ﻳﻜﺒﺮ ﺑﺲ ﺃﻫﻮ ﻧﺤﻜﻴﻠﻚ ﻗﺪﺍﻡ ﺧﻮﻙ / ﻣﻌﺶ ﻧﺒﻲ ﻧﻌﻴﺶ ﻫﻨﺎ
ﻣﺤﻤﺪ << ﺗﺒﻲ ﻓﻴﻼ ﺑﺮﻭﺣﻚ ﻣﺜﻼ 😏
ﻣﺮﺍﺩ << ﺗﺒﻴﻚ ﺍﻃﻠﻘﻬﺎ ؟ !
ﻣﺤﻤﺪ << ﺍﻭﻭﻭﻭ ﻭ ﺣﻜﺘﻠﻚ ﺣﺘﻲ ﻉ ﺍﻟﻄﻼﻕ 😂
ﻣﺮﺍﺩ << ﻛﻨﻚ ﺗﻀﺤﻚ ؟ !
ﻣﺤﻤﺪ << ﻭ ﻗﺎﻟﺘﻠﻚ ﺍﻧﻲ ﻗﻠﺘﻬﺎ ﻣﺶ ﻩ ﻧﻄﻠﻖ ؟ ﻭ ﺣﻄﻲ ﻓﻲ ﺭﺃﺳﻚ ﻳﺎ ﺑﺸﺮﻯ ! ﻟﻮ ﺗﺼﺒﻲ ﻉ ﺭﺃﺳﻚ ﻃﻼﻕ ﻣﺶ ﻩ ﻧﻄﻠﻘﻬﺎ ! ﻓﺎﻫﻤﻪ ؟؟ " ﻭ ﺑﺮﻡ ﻳﺒﻲ ﻳﻄّﻠﻊ "
ﻣﺮﺍﺩ << ﻛﻴﻒ ﺑﺎﻟﻐﺼﺐ ﺍﻟﻤﻮﺿﻮﻉ ؟ ! " ﻭ ﺍﻣﺴﻜﻪ ﻣﻦ ﻳﺪﻩ "
ﻣﺤﻤﺪ << ﺍﻧﺖ ﺷﻦ ﺩﺧﻠﻚ ؟ ! ﻣﻮﺿﻮﻉ ﺑﻴﻨﻲ ﻭ ﺑﻴﻦ ﻣﺮﺍﺗﻲ ؟ ﺩﺍﻙ ﺧﺸﻤﻚ ﻟﻴﺶ ﺍﻥ ﺷﺎﺀ ﺍﻟﻠﻪ ؟؟
ﺍﻧﺎ << ﻗﺘﻠﻚ ﻣﺶ ﻃﺒﻴﻌﻲ ﺧﻮﻙ
ﻣﺤﻤﺪ << ﺑﺎﻫﻲ ﺧﺸﻲ ﺟﻮﺍ ﺧﻴﺮ ﻣﺎ ﻧﺨﺮﺑﻠﻚ ﻭﺟﻚ
ﻣﺮﺍﺩ << ﻫﺬﺍ ﻣﺎ ﻧﺎﻗﺺ ﺍﺻﻼ ﺍﻧﻚ ﺗﻤﺪ ﻳﺪﻙ ﻉ ﺑﻨﺖ
ﺍﻧﺎ << ﺟﺖ ﻉ ﻫﺬﻩ ﻫﻲ 😏
ﻣﺤﻤﺪ << ﺑﺸﺮﻯ ! ؟
ﻣﺮﺍﺩ << ﺗﻌﺎﻝ ﻧﺒﻴﻚ ﻟﻮﻃﺎ ﺍﻧﺖ
ﻣﺤﻤﺪ << ﻣﺎ ﻋﻨﺪﻙ ﻣﺎ ﺗﺒﻲ ﻓﻴﺎ
ﻣﺮﺍﺩ << ﻣﺶ ﺑﺠﻮﻙ ﺃﺯﻑ
ﻗﻌﺪ ﻣﺮﺍﺩ ﻳﻜﺮ ﻓﻲ ﻣﺤﻤﺪ ﻭ ﻧﺰﻟﻮ ﻟﻮﻃﺎ // ﻣﺸﻴﺖ ﺷﻮﺭ ﺍﻟﺮﻭﺷﻦ ﺍﻟﻠﻲ ﻉ ﺍﻟﺠﻨﻴﻨﻪ ﻧﺒﻲ ﻧﻌﺮﻑ ﺷﻦ ﺑﻴﺼﻴﺮ
/
/
/
ﻣﺤﻤﺪ << ﺣﻮﻝ ﻳﺪﻙ ﻭ ﻓﻮﺗﻨﻲ
ﻣﺮﺍﺩ << ﻣﺶ ﻩ ﻧﻔﻮﺗﻚ
ﻣﺤﻤﺪ << ﺷﻦ ﺗﺒﻲ ﺑﺎﻩ ؟؟
ﻣﺮﺍﺩ << ﻣﻦ ﺍﻟﻠﻲ ﻛﻨﺖ ﺗﺤﻜﻲ ﻣﻌﺎﻫﺎ ؟ !
ﻣﺤﻤﺪ << ﻣﺶ ﺷﻮﺭﻙ
ﻣﺮﺍﺩ << ﺗﻲ ﺗﺨﻮﻥ ﻓﻲ ﺍﻟﺒﻨﺖ ﺍﻧﺖ ؟؟
ﻣﺤﻤﺪ << ﻫﻲ ﺍﻟﻠﻲ ﺗﺨﻮﻥ ﻓﻴﺎ
ﻣﺮﺍﺩ << ﻫﻬﻬﻬﻬﻬﻬﻬﻪ ﻻ ﺟﺪﻳﺎﺕ ﻣﺶ ﻃﺒﻴﻌﻲ ﻭ ﺍﻟﻠﻪ
ﻣﺤﻤﺪ << ﻣﺶ ﻗﺎﺩﺭ ﻧﺘﺄﻛﺪ ﺑﺲ
ﻣﺮﺍﺩ << ﺷﻦ ﺍﻟﺪﻭﻩ ﻫﺬﻩ ﻳﺮﺍ
ﻣﺤﻤﺪ << ﻛﻴﻒ ﺑﻨﺖ ﻛﻴﻔﻬﺎ ﺑﺴﻤﺎﺣﺘﻬﺎ ﻭ ﺷﺨﺼﻴﺘﻬﺎ ﻣﺶ ﻣﺮﺗﺒﻄﻪ ؟؟ ﺍﻗﻨﻌﻨﻲ ﻛﺬﺍ ؟؟
ﻣﺮﺍﺩ << ﺗﻲ ﻣﺮﺍﺗﻚ ﻫﺬﻩ 😕 ﺣﻤﺎﺭ ﻭ ﻻ ﺗﺴﺘﺤﻤﺮ ﺍﻧﺖ ؟
ﻣﺤﻤﺪ << ﺍﻃﻠﻊ ﻣﻦ ﺭﺍﺳﻲ
ﻣﺮﺍﺩ << ﺗﺤﺒﻬﺎ ﺻﺢ ؟؟
ﻣﺤﻤﺪ << ﻏﻴﺮ ﺍﻟﻤﻮﺿﻮﻉ ﻭ ﻻ ﻧﻄﻠﻊ ﺑﻜﻞ
ﻣﺮﺍﺩ << ﺗﺤﺒﻬﺎ ؟؟
ﻣﺤﻤﺪ << ﻧﺒﻴﻬﺎ (( ﻥ ﺏ ﻱ ﻩ ﺍ 😪 ﻓﺎﻫﻢ ﺍﻟﻠﻲ ﻧﻘﻮﻝ ﻓﻴﻪ
ﻣﺮﺍﺩ << ﺑﺲ ﻓﻲ ﻓﺮﻕ ﺑﻴﻦ ﺍﻧﻚ ﺗﺒﻴﻬﺎ ﻭ ﺍﻧﻚ ﺗﺤﺒﻬﺎ ؟ !
ﻣﺤﻤﺪ << ﻫﻲ ﺗﻘﻬﺮ ﻓﻴﺎ ﻭ ﻣﺴﺘﻔﺰﻩ ﻭ ﺗﺤﻜﻲ ﻣﻌﺎﻳﺎ ﺑﺒﺮﻭﺩ ﺍﺯﺡ
ﻣﺮﺍﺩ << ﺣﺎﻭﻝ ﺗﺤﻜﻲ ﻣﻌﺎﻫﺎ ﺑﻬﺪﻭﺀ ﻭ ﺗﻨﺎﻗﺸﻮ
ﻣﺤﻤﺪ << ﻣﺶ ﻋﺎﻃﻴﺘﻨﻲ ﻓﺮﺻﻪ ﺃﺳﺎﺳﺎ
ﻣﺮﺍﺩ << ﺗﻲ ﺷﻮﻑ ﺭﻭﺣﻚ ﻛﻴﻒ ﺗﺘﻌﺎﻣﻞ ﻣﻌﺎﻫﺎ ﻗﺒﻞ
ﻣﺤﻤﺪ << ﻛﻠﻤﻪ ﻛﻠﻤﺘﻴﻦ ﺗﻘﻮﻟﻲ ﻧﺒﻲ ﻧﻄﻠﻖ 😒
ﻣﺮﺍﺩ << ﻋﻨﺪﻫﺎ ﺣﻖ 😏
ﻣﺤﻤﺪ << ﺧﻼﺹ ﺳﻜﺮ ﻓﻤﻚ ﺑﺎﻩ ﺧﺬﻳﺖ ﻭﺟﻪ ﻭﺍﺟﺪ ﺍﻧﺖ 😒
ﻣﺮﺍﺩ << ﻋﺪﻱ ﺻﺎﻟﺤﻬﺎ ﺑﺎﻩ
ﻣﺤﻤﺪ << ﻧﺼﺎﻟﺢ ﻋﻴﻨﻚ ) ﻫﻲ ﻣﻔﺮﻭﺽ ﺗﺠﻲ ﺗﻌﺘﺬﺭ ﻣﻨﻲ 😎
ﻣﺮﺍﺩ << ﻭ ﺗﻌﺘﺬﺭﻟﻚ ﻟﻴﺶ ﺍﻥ ﺷﺎﺀ ﺍﻟﻠﻪ ؟ 😂
ﻣﺤﻤﺪ << ﻻﻧﻬﺎ ﻣﺎ ﺗﺴﻤﻌﺶ ﻓﻲ ﻛﻼﻣﻲ 🌚
ﻣﺮﺍﺩ << ﺍﻧﺎ ﺍﻟﻠﻲ ﻧﻄﻠﻊ ﺧﻴﺮ 😒 ﺍﻟﻨﻘﺎﺵ ﻣﻌﺎﻙ ﻛﻴﻒ 😕 ﻭ ﻻ ﻧﺴﻜﺖ ﺃﺣﺴﻦ ﻭ ﺍﻟﻠﻪ 😂
ﻣﺤﻤﺪ << ﻭﺟﻚ ﻫﻲ
ﻃﻠﻊ ﻣﺮﺍﺩ ﻣﻦ ﺑﺎﺏ ﺍﻟﻔﻴﻼ ﻭ ﻣﺤﻤﺪ ﻗﻌﺪ ﻳﺪﺧﻦ ﺑﻌﺪﻫﺎ ﺭﻛﺐ ﻭ ﻛﻨﺖ ﻧﺮﺩ ﻉ ﺍﻟﻔﻮﻥ
ﺍﻧﺎ << ﺣﻨﻮﻧﻪ ﻳﺎ ﻗﻠﺒﻲ ﺷﻦ ﺍﺧﺒﺎﺭﻙ
ﺣﻨﺎﻥ << ﺍﻟﺤﻤﺪﻟﻠﻪ ﻏﻴﺮ ﺍﻟﺤﻤﻞ ﻣﺘﻌﺒﻨﻲ ﺷﻮﻳﻪ
ﺍﻧﺎ << ﻛﻠﻪ ﻳﻬﻮﻥ ﻋﺸﺎﻥ ﺣﻔﻴﺪﻧﺎ 😍
ﺣﻨﺎﻥ << ﻋﻘﺒﺎﻟﻚ 😍
ﺍﻧﺎ << ﻋﻘﺒﺎﻟﻲ ! /:
ﺣﻨﺎﻥ << ﻣﺎﺯﻟﺘﻮ ﻣﺘﻌﺎﺭﻛﻴﻦ ؟
ﺍﻧﺎ << ﺗﻲ ﻳﺎ ﺭﻳﺖ ﻋﺮﺍﻳﻚ ﻛﻴﻒ ﺍﻟﻨﺎﺱ ﺍﻟﻄﺒﻴﻌﻴﻦ ﻋﺎﺩﻱ ﻛﻨﺖ ﻧﺘﺤﻤّﻞ ﺑﺲ ﻋﻤﺮﻱ ﻣﺎ ﺷﻔﺖ ﺣﺪ ﻛﻴﻔﻪ ﺗﻲ ﻫﻠﻪ ﻛﻴﻒ ﺗﺤﻤﻠﻮﻩ ﺍﻟﻌﻤﺮ ﻫﺬﺍ ﻛﻠﻪ 😳
ﺣﻨﺎﻥ << ﺗﻮ ﺍﺗﻌﻮﺩﻱ ﻛﻴﻔﻚ ﻛﻴﻔﻬﻢ 😂
ﺍﻧﺎ << ﻻ ﻣﺎ ﺍﻧﻈﻨﻲ ﻩ ﻧﺘﻌﻮﺩ 😥
ﺣﻨﺎﻥ << ﺑﺸﻪ ؟؟ ﺟﺪﻳﺎﺕ ﺗﺤﻜﻲ ؟
ﺍﻧﺎ << ﺍﻫﺎ ﻭ ﺍﻟﻠﻪ 😭
ﺣﻨﺎﻥ << ﻧﻌﻠﻴﺎ 😥 ﻋﻴﻦ ﻳﺎ ﺭﻭﺣﻲ
ﺍﻧﺎ << ﻋﻴﻦ ﻉ ﺷﻨﻮ ﻳﺎ ﻫﻤﻲ ؟؟ ﻉ ﺍﺳﺎﺱ ﺍﻳﻄﻠﻊ ﻓﻴﺎ ﻭ ﻻ ﻳﺪﻫﻮﺭ ﻓﻴﺎ ﺑﻴﺶ ﻳﻌﻄﻮﻩ ﻋﻴﻦ 😪
ﺣﻨﺎﻥ << ﻭﺳﻌﻲ ﺑﺎﻟﻚ ﺑﺲ ﻭ ﻛﻞ ﺣﺎﺟﻪ ﻩ ﺗﻜﻮﻥ ﺗﻤﺎﻡ
ﺍﻧﺎ << ﻣﻦ ﺍﻭﻝ ﻳﻮﻡ ﻭ ﺍﻧﺎ ﻧﻘﻮﻝ ﻫﻜﻲ ﻭ ﻧﻘﻮﻝ ﻛﻞ ﺷﻲ ﻩ ﻳﻜﻮﻥ ﺗﻤﺎﻡ ﺑﺲ ﻣﺎ ﺷﻔﺘﺶ ﺷﻲ ﻣﻦ ﺍﻟﺘﻤﺎﻡ ﻫﺬﺍ ﻋﻨﺪ ﺗﻮﺍ
ﺣﻨﺎﻥ << ﺑﺎﻫﻲ ﺣﺎﻭﻟﻲ ﺗﻔﻬﻤﻲ ﻟﻴﺶ ﺗﻐﻴﺮ
ﺍﻧﺎ << ﻫﻮﺍ ﻋﺎﻃﻴﻨﻲ ﻓﺮﺻﻪ ﺍﺻﻼ ؟ ﻛﻞ ﻣﺎ ﻳﺠﻲ ﻓﻲ ﺑﺎﻟﻲ ﻧﺤﻜﻲ ﻣﻌﺎﻩ ﻳﺪﻳﺮ ﻣﺸﻜﻠﻪ ﻉ ﺍﺑﺴﻂ ﺣﺎﺟﻪ ﻭ ﻳﻄّﻠﻊ
ﺣﻨﺎﻥ << ﻟﻤﺎ ﺍﻳﺠﻲ ﺗﻮﺍ ﻗﻮﻟﻴﻠﻪ ﺍﻧﻚ ﺗﺒﻲ ﺗﺤﻜﻲ ﻣﻌﺎﻩ // ﻻﺯﻡ ﺗﻔﻬﻤﻲ ﺗﻔﻬﻤﻲ ﺷﻦ ﺍﻟﻠﻲ ﻗﺎﻋﺪ ﻳﺼﻴﺮ ﻭ ﻟﻮ ﻣﻌﺶ ﻳﺒﻴﻚ ﻛﻞ ﺣﺪ ﻳﻤﺸﻲ ﻓﻲ ﺣﺎﻟﻪ
ﺍﻧﺎ << ﺍﻟﻤﺸﻜﻠﻪ ﺍﻧﻪ ﻣﺴﻜﺮ ﺭﺍْﺳﻪ ﻉ ﺍﻟﻄﻼﻕ ﺗﻲ ﺗﻘﻮﻝ ﻳﻤﻜﺮ ﻓﻴﺎ
ﺣﻨﺎﻥ << ﺧﺎﻟﺪ ﻳﻨﺎﺩﻱ ﻓﻴﺎ // ﻧﺸﻮﻓﻪ ﻭ ﻧﻜﻠﻤﻚ
ﺍﻧﺎ << ﺗﻢ ﺑﺎﻩ // ﺑﻜﺮﺍ ﺟﺎﻳﻪ ؟
ﺣﻨﺎﻥ << ﻻﻻ ﻣﺎ ﺍﻧﻈﻨﻴﺶ
ﺍﻧﺎ < ﺳﻠﻤﻲ ﻋﻠﻴﻬﻢ ﻛﻠﻬﻢ ﺑﺎﻩ
ﺣﻨﺎﻥ << ﻳﻮﺻﻞ / ﻣﻊ ﺍﻟﺴﻼﻣﻪ
ﺍﻧﺎ << ﻣﻊ ﺍﻟﺴﻼﻣﻪ
//
//
//
ﺳﻜﺮﺕ ﻣﻨﻬﺎ ﻭ ﻟﻘﻴﺖ ﻣﺤﻤﺪ ﺍﻣﺼﺒﻲ ﻋﻨﺪ ﺍﻟﺒﺎﺏ / ﺯﻋﻤﻚ ﺳﻤﻌﻨﻲ 😳😳
ﺻﺒﻴﺖ ﻭ ﺣﻄﻴﺖ ﺍﻟﻔﻮﻥ ﻓﻲ ﺍﻟﺸﺤﻦ ﻭ ﺟﻴﺖ ﻧﺒﻲ ﻧﻄﻠﻊ
ﺣﻂ ﻳﺪﻩ ﻉ ﺍﻟﺒﺎﺏ ﻭ ﻣﺎ ﻋﺮﻓﺘﺶ ﻧﻄﻠﻊ
ﻗﻌﺪﺕ ﻧﺒﺤﺖ ﻓﻴﻪ ﻭ ﻣﺎ ﻧﺒﻴﺶ ﻧﺤﻜﻲ
ﻣﺤﻤﺪ << ﻣﺎﺯﺍﻝ ﻓﻲ ﺩﻣﻌﻪ ﻉ ﺧَﺪَّﻙ " ﻭ ﻣﺴﺤﻬﺎ ﺑﻴﺪﻩ "
ﺍﻧﺎ << ﻧﺒﻲ ﻧﻄﻠﻊ ﻧﻐﺴﻞ ﻭﺟﻲ ﺍﺻﻼ
ﺳﻜﺖ ﻭ ﻟﻤﺎ ﺣﻮﻝ ﻳﺪﻩ ﺍﺿﺒﻄﻨﻲ 💔💔 ﻛﺎﻥ ﻳﻘﻮﻝ ﻓﻲ ﺣﺎﺟﻪ ﺑﺼﻮﺕ ﻭﺍﻃﻲ ﺑﺲ ﻣﺎ ﻓﻬﻤﺘﺶ ﺷﻦ ﺍﻟﻠﻲ ﻳﻘﻮﻝ ﻓﻴﻪ
ﻗﻌﺪﺕ ﺳﺎﻛﺘﻪ ﻭ ﻫﻮﺍ ﻣﺴﺘﻤﺮ ﻉ ﻧﻔﺲ ﺍﻟﻮﺿﻊ ﻋﻨﺪ ﺭِﻥ ﻧﻘﺎﻟﻪ
ﻭﺧﺮ ﻭ ﻃﻠﻊ ﻟﺼﺎﻟﻪ // ﻣﺸﻴﺖ ﻟﻠﺤﻤﺎﻡ ﻭ ﻏﺴﻠﺖ ﻭﺟﻲ ﻭ ﻧﺒﺤﺖ ﻓﻲ ﺭﻭﺣﻲ ﻓﻲ ﺍﻟﻤﺮﺍﻳﺎ
ﻭﺟﻲ ﻛﺎﻥ ﺣﻤﺮ ﻭ ﺳﺎﺧﻦ ﻭ ﻗﻠﺒﻲ ﻳﺪﻕ ﺑﺴﺮﻋﻪ 😥😥 ﻣﻌﺶ ﻓﻬﻤﺘﻪ 🌚💔
ﻃﻠﻌﺖ ﻟﻘﻴﺘﻪ ﻳﺤﻜﻲ ﺑﺮﻭﺣﻪ ﻭ ﺍﻟﻨﻘﺎﻝ ﻗﺪّﺍﻣﻪ
ﻣﺤﻤﺪ << ﻣﺶ ﻋﻄﻴﺘﻬﺎ ﻣﺸﻐﻮﻝ ﺷﻦ ﺍﻟﺜﻘﺎﻟﻪ ﻫﺬﻩ 😪
ﺍﻧﺎ << ﺗﺤﻜﻲ ﻣﻌﺎﻳﺎ ؟ !
ﻣﺤﻤﺪ << ﻻﻻ ﻣﺶ ﺷﻮﺭﻙ " ﺳﻜﺖ ﺷﻮﻳﻪ ﻭ ﺑﻌﺪﻫﺎ ﻧﺎﺩﺍﻧﻲ " ﺑﺸﺮﺭﺭﻯ
ﺍﻧﺎ << ﻧﻌﻢ
ﻣﺤﻤﺪ << ﺑﻜﺮﺍ ﻋﻨﺪﻙ ﺟﺎﻣﻌﻪ ؟
ﺍﻧﺎ << ﺍﻫﺎ
ﻣﺤﻤﺪ << ﻣﺤﺎﺿﺮﻩ ﻭﺣﺪﻩ ؟
ﺍﻧﺎ << ﺍﻫﺎ
ﻣﺤﻤﺪ << ﺍﻟﺴﺎﻋﻪ ﻛﻢ ﺗﺒﻲ ﺗﻤﺸﻲ ؟
ﺍﻧﺎ << ﻣﻊ ﺍﻟﺴﺎﻋﻪ 9 ﻭ ﻧﺺ // ﻗﻠﺖ ﻟﻤﺮﺍﺩ ﻣﻦ ﻫﺬﻙ ﺍﻟﻴﻮﻡ ﻭ ﻗﺎﻟﻲ ﻣﺎ ﻋﻨﺪﻛﺶ ﻣﺸﻜﻠﻪ
ﻣﺤﻤﺪ << ﺗﻮ ﻧﻮﺻﻠﻚ ﻭ ﺍﻧﺎ ﻃﺎﻟﻊ
ﺍﻧﺎ << ﺯﻱ ﻣﺎ ﺗﺤﺐ ﺍﻭﻙ
ﻣﺤﻤﺪ << ﻣﻀﺎﻳﻘﻪ ﻣﻦ ﺣﺎﺟﻪ ؟
ﺍﻧﺎ << ﺍﻧﺎ ؟؟ ﻻ ﺃﺑﺪﺍ 😕
ﻣﺤﻤﺪ << ﺑﺎﻫﻲ ﻛﻮﻳﺲ
ﺍﻧﺎ << ﻧﺎﺯﻟﻪ ﻧﺘﻌﺸﻰ ﻟﻮﻃﺎ (( ﺗﻨﺰﻝ ؟ !
ﻣﺤﻤﺪ << ﻻﻻ ﻣﺎ ﻧﺒﺶ
ﺍﻧﺎ << ﺑﺮﺍﺣﺘﻚ ﺑﻪ
ﻧﺰﻟﺖ ﻭ ﺗﻌﺸﻴﺖ ﻣﻌﺎﻫﻢ ﻭ ﻛﻞ ﺣﺪ ﺧﺶ ﻟﺪﺍﺭﻩ ﻭ ﻗﻌﺪﺕ ﻧﻬﺪﺭﺯ ﺍﻧﺎ ﻭ ﻣﻨﺎﺭ ﻋﻨﺪ ﺍﻟﺴﺎﻋﻪ 12
ﻣﻨﺎﺭ << ﺑﺎﻫﻲ ﺍﻟﻠﻲ ﺭﻭﺣﺖ ﻳﺎ ﺃﺳﺘﺎﺫ
ﻣﺮﺍﺩ << ﻫﺎﻛﻲ ﺣﻄﻲ ﻧﻘﺎﻟﻲ ﻓﻲ ﺍﻟﺸﺤﻦ ﻭ ﺍﺳﻜﺘﻲ
ﻣﻨﺎﺭ << ﺑﺎﻫﻲ ﺑﺎﻩ
ﺍﻧﺎ << ﺑﻨﺮﻛﺐ ﺍﻧﺎ ﻋﺎﺩ
ﻣﺮﺍﺩ << ﻣﺎﺯﺍﻝ ﺑﺪﺭﻱ
ﺍﻧﺎ << ﺑﺪﺭﻱ ﻣﻦ ﻋﻤﺮﻙ
ﺭﻛﺒﺖ ﻓﻮﻕ ﻭ ﻟﻘﻴﺖ ﻣﺤﻤﺪ ﺭﺍﻗﺪ // ﺭﻗﺪﺕ ﻉ ﻃﻮﻝ ﻣﻦ ﻛﺜﺮ ﺍﻟﺘﻌﺐ
//
//
//
ﻛﻨﺖ ﻣﺼﺒﻴﻪ ﻓﻲ ﺍﻟﻤﻄﺒﺦ ﺍﻧﻘﻄﻊ ﻓﻲ ﺧﻴﺎﺭ ﻭ ﺷﻔﺘﻪ ﻓﺠﺎﺀﻩ ﺧﺶ ﻭ ﻳﺒﺤﺖ ﻓﻴﺎ ﻭ ﺿﺤﻜﺘﻪ ﺍﻟﺸﺮﻳﺮﻩ ﻉ ﻭﺟﻪ
ﺑﺤﺘﺖ ﻓﻴﻪ ﻭ ﺍﺑﺘﺴﻤﺖ ﺑﺨﺒﺚ ﻭ ﻗﺮﺑﺖ ﻣﻨﻪ
ﻟﻔﻴﺖ ﺍﻳﺪﻳﺎ ﻋﻠﻴﻪ ﻭ ﻏﺮﺳﺖ ﺍﻟﻤﻮﺱ ﺍﻟﻠﻲ ﻛﺎﻥ ﻓﻲ ﻳﺪﻱ ﻓﻲ ﻇﻬﺮﺭﺭﺭﺭﺭﻩ
ﺻﻮﺗﻪ ﻣﻌﺶ ﻃﻠﻊ ﻭ ﺍﻧﺎ ﺃﻧﻜﺮ ﻓﻲ ﺍﻟﻤﻮﺱ ﻭ ﻧﺮﺩ ﻧﻄﻌﻦ ﻓﻴﻪ ﺏ ﻏﻞ ﻋﻨﺪ ﻃﺎﺡ ﻗﺪﺍﻣﻲ
ﻧﻀﺖ ﻧﻌﻴﻂ ﻭ ﻧﺒﺤﺖ ﻓﻲ ﺍﻳﺪﻳﺎ ﻭ ﻧﺒﻜﻲ 😭😭😭
ﻧﻂ ﻣﺤﻤﺪ ﻣﻔﺠﻮﻉ ﻭ ﻳﺒﺤﺖ ﻓﻴﺎ
ﻣﺤﻤﺪ << ﻛﻨﻚ ﺗﻌﻴﻄﻲ ؟؟؟ ﺑﺸﺸﺸﺸﺸﺮﺭﺭﺭﻯ ﻛﻨﻚ
ﺍﻧﺎ << ﻗﺘﻠﺘﻚ ﺍﻧﺎ ﻕ ﺕ ﻝ ﺕ ﻙ 💔😭😭😳
ﻣﺤﻤﺪ << ﺷﻦ ﺗﻘﻮﻟﻲ ﺍﻧﺘﻲ ؟؟ ﺑﺸﺮﺭﻱ ﺻﺤﺼﺤﻲ ﻭ ﺑﺤﺘﻲ ﻓﻴﺎ
ﺍﻧﺎ << ﺍﻳﺪﻳﺎ ﺩﻡ ﻛﻠﻬﻦ ﺩﻡ ﻣﻨﻚ 😭😭
ﻣﺤﻤﺪ <> ﺩﻡ ﺷﻨﻮ ﺑﺲ // ﺑﺤﺘﺘﺘﺘﺘﺘﻲ ﻣﺎ ﻓﻴﻬﻦ ﺷﻲ ﺑﺸﺮﺭﺭﻯ ﺍﻫﺪﻱ ﺑﺲ
ﺍﻧﺎ << ﺍﻧﺎ ﻗﺘﻠﺘﻚ ﻭ ﺍﻧﺖ ﻣﺘﺖ 😭 ﺧﻼﺹ ﻣﺤﻤﺪ ﻣﺎﺕ 😭😭
ﻣﺤﻤﺪ << ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻭ ﺧﻼﺹ / ﺗﻲ ﺃﻫﻮ ﺍﻧﺎ ﻗﺪﺍﻡ ﻭﺟﻚ ﻭ ﺍﺻﻼ ﻣﻦ ﻗﺎﻟﻚ ﻩ ﻧﺨﻠﻴﻚ ﺗﻘﺘﻠﻴﻨﻲ 😂😕
ﺑﺮﻣﺖ ﻭﺟﻲ ﻭ ﺑﺤﺘﺖ ﻓﻴﻪ // ﺗﻲ ﺍﻧﺎ ﻗﺘﻠﺘﻪ ﻛﻴﻒ ﻣﺎﺯﺍﻝ ﻋﺎﻳﺶ 😕 ﺩﻣﻮﻋﻲ ﻳﻨﺰﻟﻦ ﺑﺲ ﺧﺎﻳﻔﻪ ﻣﻦ ﺍﻟﺤﺒﺲ ﻣﺶ ﻋﻠﻴﻪ ﻫﻮﺍ 🌚
ﻣﺤﻤﺪ < ﺍﺷﺮﺑﻲ ﺍﻣﻴﻪ ﻭ ﺍﺫﻛﺮﻱ ﺍﻟﻠﻪ
ﻗﻌﺪﺕ ﻧﺸﺮﺏ ﻭ ﻓﻲ ﻋﻘﻠﻲ ﻧﻘﻮﻝ ﺗﻌﺮﻑ ﺍﻟﻠﻪ ﺍﻧﺖ ﺍﺻﻼ 😒
ﺭﺩﻳﺖ ﺣﻄﻴﺖ ﺭﺍﺳﻲ ﻉ ﺍﻟﻤﺨﺪﻩ ﻭ ﻋﻴﻮﻧﻲ ﻣﻔﺘﻮﺣﺎﺕ
ﻛﺎﻥ ﻗﻠﺒﻲ ﻳﺪﻕ ﺑﺴﺮﻋﻪ ﻭ ﺍﻳﺪﻳﺎ ﻳﺮﺟﻔﻦ
ﻣﺤﻤﺪ << ﻛﻨﺘﻲ ﺗﺤﻠﻤﻲ ؟؟
ﺍﻧﺎ << ﺷﻦ ﺭﺃﻳﻚ ﺍﻧﺖ ﻣﺜﻼ ؟ !
ﻣﺤﻤﺪ << ﻣﺎ ﺗﻤﻠﻴﺶ ﻣﻦ ﻃﻮﻟﺔ ﺍﻟﻠﺴﺎﻥ ﻫﺬﻩ ؟
ﺍﻧﺎ << ﺧﻼﺹ ﺁﺱ ﻧﺒﻲ ﻧﺮﺩ ﻧﺮﻗﺪ
ﻣﺤﻤﺪ << ﺍﻟﻌﺘﺐ ﻋﻠﻴﺎ ﻧﺤﻜﻲ ﻣﻌﺎﻙ ﺍﺻﻼ
ﻗﻌﺪﺕ ﺳﺎﻛﺘﻪ ﻭ ﻧﺒﺤﺖ ﻓﻲ ﺍﻟﺴﻘﻒ // ﺑﺮﻣﺖ ﻧﺸﻮﻑ ﻓﻴﻪ ﻟﻘﻴﺘﻪ ﺭﺍﻗﺪ
ﻣﺴﻜﺖ ﻳﺪﻩ ﻣﺶ ﻋﺎﺭﻓﻪ ﻟﻴﺶ ﻭ ﻏﻤﻀﺖ ﻋﻴﻮﻧﻲ
ﺳﻤﻌﺖ ﺻﻮﺗﻪ ﻟﻤﺎ ﻗﺎﻝ
ﻣﺤﻤﺪ << ﻳﺪﻙ ﺗﺮﺟﻒ // ﻛﻮﻳﺴﻪ ﺍﻧﺘﻲ ؟؟
ﺣﻮﻟﺖ ﻳﺪﻱ ﻭ ﻣﺎ ﺭﺩﻳﺘﺶ ﻋﻠﻴﻪ // ﺧﺬﺍ ﻳﺪﻱ ﻭ ﻣﺴﻜﻬﺎ ﻫﻮﺍ
ﺭﻗﺪﺕ ﻭ ﻣﺎ ﻓﻄﻨﺘﺶ ﺍﻻ ﻓﻲ ﺍﻟﺼﺒﺢ ﻭ ﻫﻮﺍ ﻳﻨﻮﺽ ﻓﻴﺎ
ﻣﺤﻤﺪ << ﺑﺸﺮﻯ // ﻧﻮﺿﻲ ﻫﻴﺎ ﻋﺸﺎﻥ ﺗﻮﺗﻲ ﺭﻭﺣﻚ
ﺍﻧﺎ << ﺷﻮﻳﻪ ﺑﺲ ﻣﺎﺯﻟﺖ ﻧﻌﺴﺎﻧﻪ
ﻣﺤﻤﺪ << ﺍﻟﺴﺎﻋﻪ 9 ﺧﻼﺹ
ﻗﻌﺪﺕ ﺍﻧﺘﻤﺘﻢ ﻭ ﻧﻀﺖ // ﺧﺸﻴﺖ ﻏﺴﻠﺖ ﻭﺟﻲ ﻭ ﺗﻮﺿﻴﺖ ﻭ ﺻﻠﻴﺖ ﻭ ﻫﻮﺍ ﻛﺎﻥ ﻳﻠﺒﺲ
ﺑﻌﺪ ﻛﻤﻞ ﻃﻠﻊ ﻟﻘﺎﻧﻲ ﻧﺪﻳﺮ ﻓﻲ ﻗﻬﻮﻩ
ﻣﺤﻤﺪ << ﺗﻮ ﻧﻜﻤﻞ ﺩﻭﺭﺗﻬﺎ ﺍﻧﺎ ﻭ ﺧﺸﻲ ﺍﻟﺒﺴﻲ
ﺳﻜﺘﺖ ﻭ ﺗﻨﺤﺖ 😳 ﻣﺤﻤﺪ ﻫﺬﺍ ؟ ! 😂🌚
ﺟﺎ ﺷﻮﺭ ﺍﻟﻐﺎﺯ ﻭ ﻣﺴﻚ ﺍﻟﺒﻜﺮﺝ ﻣﻨﻲ ﻭ ﻗﻌﺪ ﻳﺤﺮﻙ ﻓﻴﻬﺎ
ﺧﺸﻴﺖ ﻟﺪﺍﺭ ﻭ ﻓﺘﺤﺖ ﺍﻟﺪﻭﻻﺏ ﻭ ﻃﻠﻌﺖ ﻫﺬﻙ ﺍﻟﺴﺮﻭﺍﻝ ﺍﻟﻤﺨﻨﻮﻕ ﻉ ﻗﻮﻝ ﺧﺎﻟﺪ 🌚 ﻭ ﺑﻠﻮﺯﻩ ﻭ ﺟﺎﻛﻪ ﻭ ﻗﻌﺪﺕ ﻧﺪﻭﺭ ﻓﻲ ﻭﺷﺎﺡ
ﺣﻄﻴﺖ ﺍﻟﺪﺑﺶ ﻉ ﺍﻟﺴﺮﻳﺮ ﻭ ﻗﻌﺪﺕ ﻧﺪﻳﺮ ﻓﻲ ﺷﻮﻳﺔ ﻣﻴﻚ ﺃﺏ
ﺍﻟﺒﺎﺏ ﻛﺎﻥ ﻣﻔﺘﻮﺡ ﺑﺲ ﻣﺎ ﻋﺪﻟﺘﺶ / ﻋﺎﺩ ﻭﺟﻲ ﺭﺍﻳﺢ ﺍﺻﻔﺮ 😂💔🌚
ﺑﻌﺪ ﻛﻤﻠﺖ ﺑﺪﻳﺖ ﻧﻠﺒﺲ ﻭ ﻓﻄﻨﺘﻠﻪ ﺧﻄﻢ
ﺍﻧﺎ << ﺗﻲ ﻫﻴﻴﻴﻴﻴﻲ ﺍﻧﺖ // ﺍﻗﻌﺪ ﻓﻲ ﻣﻜﺎﻥ ﻭﺍﺣﺪ
ﻣﺤﻤﺪ << ﻧﺒﻲ ﺣﺎﺟﻪ ﻣﻦ ﺍﻟﺪﺍﺭ ﻋﺎﺩﻱ ﻧﺨﺶ ؟ 😂
ﺍﻧﺎ << ﺍﻧﻼ ﻣﺶ ﻋﺎﺩﻱ 😒
ﻣﺤﻤﺪ << ﻛﻴﻒ ﺧﻮﻙ ﻣﺎ ﻓﻴﻬﺎ ﺷﻲ 😂
ﺍﻧﺎ << ﻣﺤﻤﺪ ﻗﻠﻨﺎ ﺭﺍﺟﻲ 🌚
ﻣﺤﻤﺪ << ﺭﺍﺟﻴﻨﺎ ﻫﺎﻩ 😌
ﺑﻌﺪ 10 ﺩﻗﺎﻳﻖ
ﺍﻧﺎ < ﺧﺶ ﺧﻼﺹ
ﻛﻨﺖ ﺍﻧﻠﻒ ﻓﻲ ﺍﻟﻮﺷﺎﺡ ﻭ ﺍﻧﻄﻠﻊ ﻓﻲ ﺷﻮﻳﺔ ﺷﻌﺮ 🌚😂
ﻣﺤﻤﺪ << ﺗﺒﺼﺮﻱ ﺍﻧﺘﻲ ﺍﻫﺎ ؟ !
ﺍﻧﺎ << ﻋﻠﻴﺶ ؟؟
ﻣﺤﻤﺪ << ﺍﻭﻝ ﺣﺎﺟﻪ ﻭﻳﻦ ﻣﺎﺷﻴﻪ ﺍﻧﺘﻲ ؟؟
ﺍﻧﺎ << ﻟﺠﺎﻣﻌﻪ 😕 ﻭﻳﻦ ﻣﺎﺷﻴﻪ ﻣﺜﻼ 🌚
ﻣﺤﻤﺪ < ﺍﻟﻠﻲ ﻻﺑﺴﺘﻴﻪ ﻫﺬﺍ ﻳﻮﺣﻲ ﺍﻧﻚ ﻣﺎﺷﻴﻪ ﻋﺮﺱ 😒
ﺍﻧﺎ << ﺷﻦ ﻓﻴﻬﺎ ﺑﻠﻮﺯﻩ ﻭ ﺟﺎﻛﻪ ﻳﻌﻨﻲ 😌
ﻣﺤﻤﺪ << ﻭ ﺍﻟﺴﺮﻭﺍﻝ ﺍﻟﻠﻲ ﻗﺮﻳﺐ ﻳﻄﺮﺑﻖ ؟؟ ﻭ ﻛﻨﻬﻦ ﺳﻴﻘﺎﻧﻚ ﺑﺎﻳﻨﺎﺕ ؟ !
ﺍﻧﺎ << ﺳﻴﻘﺎﻧﻲ ؟ ! 😕
ﻣﺤﻤﺪ << ﺍﻣﺸﻲ ﺍﻣﺸﻲ ﻏﻴﺮﻱ ﺍﻟﺨﺮﺍ ﻫﺬﺍ ﺧﻴﺮﻟﻚ
ﺍﻧﺎ << ﻉ ﻓﻜﺮﻩ ﺍﻟﺪﺑﺶ ﻫﺬﺍ ﻟﻘﻴﺘﻪ ﻓﻲ ﺍﻟﺪﻭﻻﺏ ﻳﻌﻨﻲ ﻫﻠﻚ ﻫﻤﺎ ﺍﻟﻠﻲ ﺷﺎﺭﻳﻴﻨﻪ
ﻣﺤﻤﺪ << ﻣﺶ ﻫﻠﻲ // ﺍﻧﺎ ﺍﻟﻠﻲ ﺟﺒﺘﻪ ﺑﺲ ﺑﻌﺪ ﺷﻔﺘﻪ ﻫﻜﻲ ﻣﺎ ﻋﺠﺒﻨﻴﺶ
ﺍﻧﺎ << ﺗﻲ ﻫﺬﻩ ﺍﻟﻤﻮﺿﻪ ﻛﻨﻚ ﺍﻧﺖ 😪
ﻣﺤﻤﺪ << ﻋﺎﺭﻓﻴﻦ ﻛﺮﻋﻴﻚ ﺳﻤﺎﺡ ﻣﺎ ﻓﺶ ﺩﺍﻋﻲ ﺍﻟﺠﺎﻣﻌﻪ ﻛﻠﻬﺎ ﺗﺸﻮﻓﻬﻦ // ﺍﻣﺸﻲ ﺍﻣﺸﻲ ﺳﻠﻢ ﺑﻨﺘﻲ
ﺍﻧﺎ << ﻣﺶ ﺳﻠﻤﻨﻲ 😒
ﻣﺤﻤﺪ << ﻭ ﺑﻌﺪﻳﻦ ﻛﻨﻚ ﻻﺑﺴﻪ ﺍﻟﻤﺤﺮﻣﻪ ﻫﻜﻲ ؟
ﺍﻧﺎ << ﻫﺬﺍ ﻭﺷﺎﺡ ﻣﺶ ﻣﺤﺮﻣﻪ 😳
ﻣﺤﻤﺪ << ﺍﻟﻠﻲ ﻫﻮﺍ " ﻭ ﻗﺮﺏ ﻣﻨﻲ "
ﺍﻧﺎ << ﺍﺗﺠﻲ ﺷﻮﺭﻱ ﻣﺶ ﻩ ﻳﺼﻴﺮ ﺧﻴﺮ ﺃﻓﻄﻦ ﺍﻫﺎ " ﻭ ﻗﻌﺪﺕ ﻧﻮﺧﺮ "
ﻣﺤﻤﺪ << ﺷﻦ ﻳﺒﻲ ﻳﺼﻴﺮ ﻣﺜﻼ ؟ ! " ﻭ ﻗﻌﺪ ﻳﻘﺮﺏ ﻋﻨﺪ ﻟﺼﻘﺖ ﺍﻧﺎ ﻓﻲ ﺍﻟﺴﺎﺱ "
ﺍﻧﺎ << ﻣﺤﻤﺪ ﻭﺧﺮ ﻟﻮ ﺳﻤﺤﺖ ﻣﺎ ﻧﺒﺶ ﻧﺘﻌﺎﺭﻙ ﻣﻌﺎﻙ ﻣﻦ ﺍﻟﺼﺒﺢ
ﻣﺤﻤﺪ << ﻓﻜﻨﺎ ﺍﻟﻠﻪ ﻣﻦ ﺍﻟﻌﺮﺍﻳﻚ " ﻭ ﻗﻌﺪ ﻳﺨﺸﺶ ﻓﻲ ﺷﻌﺮﻱ ﺏ ﻳﺪﻩ "
ﻏﻤﺰﻟﻲ ﻭ ﻣﺸﻰ ﺷﻮﺭ ﺍﻟﻄﺎﻭﻟﻪ ﻳﺄﺧﺬ ﻓﻲ ﺳﺎﻋﺘﻪ
ﻣﺤﻤﺪ << ﻫﻜﻲ ﺍﺣﻠﻰ ﺭﺍ // ﻧﺎﺯﻝ ﻟﻮﻃﺎ ﻋﻨﺪﻙ 5 ﺩﻗﺎﻳﻖ ﺗﻐﻴﺮﻱ ﺍﻟﻠﻲ ﻻﺑﺴﺘﻴﻪ
ﻭ ﻃﻠﻊ / ﻣﺸﻴﺖ ﻧﺒﺤﺖ ﻓﻲ ﺭﻭﺣﻲ ﻓﻲ ﺍﻟﻤﺮﺍﻳﺎ / ﺗﻲ ﻣﻮﺿﻮﻉ ﻭﺟﻲ ﺍﻟﻠﻲ ﻳﻨﺤﻤﺮ ﻛﻞ ﻣﺎ ﻳﻘﺮﺏ ﻣﻨﻲ 😂💔
ﻏﻴﺮﺕ ﻟﺒﺴﺘﻲ ﻛﻠﻬﺎ ﻭ ﺧﺬﻳﺖ ﺣﺎﺟﺎﺗﻲ ﻭ ﻧﺰﻟﺖ
ﻟﻘﻴﺘﻪ ﻓﻲ ﺍﻟﺠﻨﻴﻨﻪ ﻣﻊ ﻋﻤﻲ ﻭ ﻧﺴﻤﻊ ﻓﻴﻪ ﻳﻘﻮﻟﻪ ﻧﻮﺻﻞ ﺑﺸﺮﻯ ﻟﺠﺎﻣﻌﻪ ﻭ ﺑﻌﺪﻫﺎ ﻧﻤﺸﻲ ﻟﺸﺮﻛﻪ
ﺭﻛﺒﻨﺎ ﺍﻟﺴﻴﺎﺭﻩ ﻭ ﻧﺮﺍﺟﻲ ﻓﻴﻪ ﻳﺤﻜﻲ ﻉ ﺍﻟﻠﺒﺴﻪ ﻭ ﻻ ﻳﻌﻠﻖ ﺑﺲ ﻗﻌﺪ ﺳﺎﻛﺖ
ﺭِﻥ ﻓﻮﻧﻲ ﻭ ﻗﻌﺪﺕ ﻧﻄﻠﻊ ﻓﻴﻪ ﻣﻦ ﺍﻟﺸﻨﻄﻪ
ﻣﺤﻤﺪ << ﻣﻨﻮ ؟ !
ﺍﻧﺎ << ﺃﻣﻴﺮﻩ ﺻﺎﺣﺒﺘﻲ
ﻣﺤﻤﺪ << ﺭﺩﻱ ﺑﺎﻩ ﻭ ﺍﻓﺘﺤﻲ ﺍﻟﺴﺒﻴﻜﺮ
ﺭﺩﻳﺖ ﻭ ﻓﺘﺤﺖ ﺍﻟﺴﺒﻴﻜﺮ ﻭ ﻧﺒﺤﺖ ﻓﻴﻪ
ﺃﻣﻴﺮﻩ << ﺻﺒﺎﺣﻮ ﻉ ﺍﺣﻠﻰ ﺑﺸﻪ
ﺍﻧﺎ << ﺻﺒﺎﺡ ﺍﻟﻨﻮﺭ
ﺃﻣﻴﺮﻩ << ﺻﻮﺗﻚ ﻓﻲ ﺍﻟﺴﻴﺎﺭﻩ ﺍﻫﺎ ؟ ﺑﺎﻫﻲ ﺍﻟﻠﻲ ﻃﻠﻌﺘﻲ ﺑﺪﺭﻱ 😂
ﺍﻧﺎ << ﻭﺻﻠﺘﻲ ﺍﻧﺘﻲ ؟
ﺃﻣﻴﺮﻩ << ﺍﻫﺎ ﺗﻮﺍ ﻛﻴﻒ ﻭﺻﻠﺖ ﻭ ﺍﺳﺮﺍﺀ ﺟﺖ ﻭ ﺗﻬﺪﺭﺯ ﻣﻊ ﻣﻴﺪﻭ 😂 " ﺑﻌﺪ ﻗﺎﻟﺖ ﺍﺳﻢ ﻣﻴﺪﻭ ﺑﺮﻡ ﻣﺤﻤﺪ ﻭ ﺑﺤﺖ ﻓﻴﺎ "
ﺍﻧﺎ << ﺧﻼﺹ ﺑﻌﺪ ﻧﻮﺻﻞ ﺗﻮ ﻧﻜﻠﻤﻚ
ﺃﻣﻴﺮﻩ << ﺭﺍﺟﻲ ﺑﺲ
ﺍﻧﺎ << ﻧﻌﻢ
ﺃﻣﻴﺮﻩ << ﺟﺎﻳﺒﻚ ﻣﺮﺍﺩ ﺍﻫﺎ ؟
ﺍﻧﺎ << ﻻ ﻻ ﻭ ﺗﺤﺸﻤﻲ 😳
ﺃﻣﻴﺮﻩ << ﻣﻌﻨﺎﻫﺎ ﺍﻳﻬﻢ ؟ ﻭ ﻻ ﻣﻨﻮ ؟ 😂
ﺍﻧﺎ << ﺗﻲ ﺷﻦ ﺩﺧﻠﻚ 😂
ﺃﻣﻴﺮﻩ << ﺣﻴﻮﺍﻧﻪ 😒 ﺃﻛﻴﺪﻩ ﻋﻤﻮ ﺍﻫﺎ ؟ ﺣﺘﻲ ﺑﻌﺪ ﺗﺰﻭﺟﺘﻲ ﻣﺎﺯﻟﺘﻲ ﻟﺼﻘﻪ ﻋﻨﺪ ﻫﻠﻚ 😂😪
ﻣﺤﻤﺪ ﻛﺎﻥ ﻣﺎﺳﻚ ﺿﺤﻜﺘﻪ ﻭ ﺍﻧﺎ ﻭﺟﻲ ﺍﻧﺤﻤﺮ
ﺍﻧﺎ << ﺟﺎﻳﻪ ﻣﻊ ﻣﺤﻤﺪ ﻳﺎ ﺳﻜﻨﺎﻥ 😅
ﺃﻣﻴﺮﻩ << ﻧﻌﻠﻴﺎ ﻭ ﺍﺧﻴﺮﺍ ﻧﺒﻲ ﻧﺸﻮﻑ ﺍﻟﻄﺮﻑ ﺍﻟﻠﻲ ﺗﺤﻜﻲ ﻋﻠﻴﻪ 😂😍
ﺍﻧﺎ << ﻫﻲ ﺑﻴﺒﺎﻱ 😕
ﺳﻜﺮﺕ ﻓﻲ ﻭﺟﻬﺎ ﻭ ﻫﻮﺍ ﻳﻀﺤﻚ
ﺍﻧﺎ << ﻣﺎ ﺗﺤﻜﻲ ﺷﻲ ﺍﻳﻮﺍﻩ ﻣﺶ ﻧﺎﻗﺼﻪ 😪
ﻣﺤﻤﺪ << ﺳﺎﻛﺖ ﺍﻧﺎ 😂 ﻛﻨﻚ ؟
ﺍﻧﺎ << ﺷﻲ ﻣﺎ ﻛﻨﻲ ﺷﻲ 😒
ﻣﺤﻤﺪ << ﺑﻌﺪ ﺧﻄﺮﻫﺎ / ﺃﻣﺲ ﻣﺬﻛﺮﻩ ﺷﻦ ﺻﺎﺭ ؟
ﺍﻧﺎ << ﺷﻦ ﺻﺎﺭ ؟ ! 😳
ﻣﺤﻤﺪ << ﻻ ﻣﺎ ﻳﻤﺸﻴﺶ ﻋﻘﻠﻚ ﻟﻠﻤﻮﺿﻮﻉ ﻫﺬﻙ 😎
ﺍﻧﺎ << ﻉ ﻓﻜﺮﻩ ﺍﻧﺖ ﻭﺍﺣﺪ ﻣﺎ ﺍﺗﺤﺸﻤﺶ ﺭﺍﻩ 🌚
ﻣﺤﻤﺪ << ﻻ ﻋﺎﺭﻑ ﺭﻭﺣﻲ 🌚
ﺍﻧﺎ << ﺑﺎﻫﻲ ﺷﻦ ﺻﺎﺭ ﺃﻣﺲ ؟
ﻣﺤﻤﺪ << ﻗﺼﺪﻙ ﻧﺴﻴﺘﻲ 😍
ﺍﻧﺎ << ﺗﺤﺎﻭﻝ ﺍﻧﻚ ﺗﻠﻌﺐ ﺑﺎﻋﺼﺎﺑﻲ ﺑﺲ ﻣﺶ ﻩ ﺗﻘﺪﺭ 😌
ﻣﺤﻤﺪ << ﻭ ﺗﻘﻮﻟﻲ ﻳﺎ ﺑﻴﺒﻲ ﻣﺎ ﺗﺴﻴﺒﻨﻴﺶ ﻭ ﺭﻗﺪﺗﻲ ﻓﻲ ﺣﻀﻨﻲ ﺍﺧﺮﻩ 😍
ﺍﻧﺎ << 😳😳 ﺍﻧﺎ ﻗﻠﺖ ﻫﻜﻲ ؟ ! ؟ 😳
ﻣﺤﻤﺪ << ﻣﻌﻘﻮﻟﻪ ﺗﻨﺴﻲ ﺣﺎﺟﻪ ﻛﻴﻒ ﻫﻜﻲ ؟
ﺍﻧﺎ << ﻗﻮﻝ ﺍﻧﻚ ﺗﺒﺼﺮ ؟
ﻣﺤﻤﺪ << ﻋﻠﻴﺶ ﻧﺒﺼﺮ ؟ ﻋﺸﺎﻥ ﻃﻮﻝ ﺍﻟﻠﻴﻞ ﻛﻨﺘﻲ ﻓﻲ ﺣﻀﻨﻲ
ﺍﻧﺎ << ﺧﻼﺹ ﺍﺳﻜﺖ
ﻣﺤﻤﺪ << ﻟﻴﺶ ﻧﺴﻜﺖ 😂
ﺍﻧﺎ << ﻣﺤﻤﺪ ﺟﺪﻳﺎﺕ ﺍﺳﻜﺖ 😥
ﻣﺤﻤﺪ << ﺣﺘﻲ ﻟﻤﺎ ﺟﻴﺖ ﻧﺒﻲ ﻧﺼﺒﻲ ﻣﺴﻜﺘﻴﻨﻲ ﻭ ﺍﺿﺒﻄﺘﻴﻨﻲ 😍
ﺍﻧﺎ << ﻣﺴﺘﺤﻴﻠﻪ 😳
ﻣﺤﻤﺪ << ﻟﻴﺶ ﻣﺴﺘﺤﻴﻠﻪ ؟ ﻣﺶ ﺭﺍﺟﻠﻚ ﺍﻧﺎ ؟ ! 😇
ﻣﻌﺶ ﺭﺩﻳﺖ ﻋﻠﻴﻪ ﻭ ﻗﻌﺪﺕ ﺳﺎﻛﺘﻪ ﻋﻨﺪ ﻭﺻﻠﻨﺎ ﻭ ﺍﻟﻐﺮﻳﺒﻪ ﺃﻧﻲ ﺟﺪﻳﺎﺕ ﻣﺶ ﻣﺬﻛﺮﻩ ﺍﻟﻠﻲ ﻗﺎﻋﺪ ﻳﻘﻮﻝ ﻓﻴﻪ
ﻣﺤﻤﺪ << ﺭﺍﺟﻲ ﻧﻌﻄﻴﻚ ﻓﻠﻮﺱ
ﺍﻧﺎ << ﻻ ﻣﺎ ﻧﺒﻴﺶ
ﻣﺤﻤﺪ << ﺗﻲ ﺍﻣﺴﻜﻲ
ﺧﺬﻳﺘﻬﻦ ﻣﻨﻪ / ﺍﺻﻼ ﻧﺒﻲ ﻓﻠﻮﺱ ﻏﻴﺮ ﻗﻠﺖ ﻧﺜﻘﻞ ﺷﻮﻳﻪ ﺑﺲ ﻫﺬﺍ ﻣﺎ ﻣﻌﺶ ﺛﻘﻞ 😂🌚
ﻧﺰﻟﺖ ﻭ ﺳﻜﺮﺕ ﺍﻟﺒﺎﺏ ﻭ ﻣﺸﻴﺖ ﺷﻮﻳﻪ ﻟﻘﻴﺖ ﻓﻲ ﻧﺎﺱ ﻣﻠﺘﻤﻪ ﻭ ﻫﺮﺟﻪ
ﺟﺎ ﻓﻲ ﺑﺎﻟﻲ ﺍﺳﺮﺍﺀ ﻭ ﻣﻴﺪﻭ 😕 ﺩﻳﻤﺎ ﻻﻣﻴﻦ ﻋﻠﻴﻨﺎ ﺍﻟﻨﺎﺱ ﺍﺻﻼ 💁
ﻣﺸﻴﺖ ﺷﻮﺭﻫﻢ ﺑﺲ ﻟﻘﻴﺖ ﺑﻨﺖ ﺗﺒﻜﻲ ﻭ ﺷﺎﺏ ﻣﺼﺒﻲ ﻗﺪﺍﻣﻬﺎ ﻭ ﻳﻬﺰﺏ ﻓﻴﻬﺎ
ﺷﻔﺖ ﺃﻣﻴﺮﻩ ﺍﻣﺼﺒﻴﻪ ﺗﻔﺮﺝ ﻭ ﺟﻨﺒﻬﺎ ﺳﻬﺎﻡ ﻭ ﺍﺳﺮﺍﺀ ﻭ ﺍﻭﻝ ﻣﺎ ﺷﺎﻓﻨﻲ ﺟﻦ ﺷﻮﺭﻱ
ﺍﻧﺎ << ﺷﻦ ﻓﻲ ؟ ! ﻛﻨﻪ ﻣﻨﻔﺼﻞ ﻋﻠﻴﻬﺎ ﺑِﺴْﻢ ﺍﻟﻠﻪ ؟ !
ﺃﻣﻴﺮﻩ << ﺍﻟﺒﻨﺖ ﺧﺒﻄﺖ ﻓﻴﻪ ﻭ ﻛﺎﻧﺖ ﻣﺎﺳﻜﻪ ﻃﺎﺳﻪ ﻧﺴﻜﺎﻓﻴﻪ
ﺍﻧﺎ << ﺑﺎﻫﻲ ؟ !
ﺍﺳﺮﺍﺀ << ﺟﺖ ﻃﺸﺔ ﻧﺴﻜﺎﻓﻴﻪ ﻉ ﺍﻟﺘﻴﺸﺮﺕ ﻣﺘﺎﻋﻪ
ﺃﻣﻴﺮﻩ << ﻭ ﻣﻌﺶ ﺳﻜﺖ ﻭ ﻫﻮﺍ ﻳﻬﺰﺏ
ﺳﻬﺎﻡ << ﺑﺸﺮﻯ ﻭﻳﻦ ﻣﺎﺷﻴﻪ ؟
ﺍﺳﺮﺍﺀ << ﻓﻜﻴﻨﺎ ﻣﻨﻪ ﺷﻜﻠﻪ ﺷﻠﺘﺖ ﺑﻜﻞ
ﺍﻧﺎ << ﺍﻟﺒﻨﺖ ﺗﺒﻜﻲ ﺗﻲ ﻉ ﻧﺴﻜﺎﻓﻴﻪ 😏
ﻣﺸﻴﺖ ﺷﻮﺭ ﺍﻟﺒﻨﺖ ﻭ ﺍﻟﺸﺎﺏ ﻭ ﻫﻮﺍ ﻳﻘﻮﻟﻠﻬﺎ
ﺍﻟﺸﺎﺏ << ﻋﻤﻴﻪ ﺍﻧﺘﻲ ؟؟ ﺭﺩﺩﺩﻱ ﻋﻠﻴﺎ ﻧﺴﺎﻝ ﻓﻴﻚ ؟ ﻋﻤﻤﻤﻤﻴﻴﻴﻪ ﺍﻧﺘﻲ ؟؟؟ ﻗﻌﻤﺰﻱ ﻓﻲ ﺣﻮﺷﻜﻢ ﻛﺎﻥ ﻣﺎ ﺗﺸﻮﻓﻴﺶ ﻓﻲ ﺍﻟﻨﺎﺱ
ﺍﻟﺒﻨﺖ << ﻭ ﺍﻟﻠﻪ ﻣﺎ ﻗﺼﺪﻱ ﻭ ﺍﻟﻠﻪ ﻣﺎ ﻓﻄﻨﺘﻠﻚ " ﻭ ﻣﻨﻬﺎﺭﻩ "
ﺍﻧﺎ << ﺣﺼﻞ ﺧﻴﺮ ﺧﻼﺹ ﺳﺎﻫﻠﻪ
ﺍﻟﺸﺎﺏ << ﻭ ﺍﻧﺘﻲ ﺷﻦ ﺩﺧﻠﻚ ؟؟ ﺍﻣﺸﻲ ﻓﻲ ﺣﺎﻟﻚ ﺧﻴﺮ ﻣﺎ ﺍﺗﻬﺰﺑﻲ ﺣﺘﻲ ﺍﻧﺘﻲ ؟ !
ﺍﻟﺸﺒﺎﺏ ﻳﺘﻔﺮﺟﻮ ﻭ ﻣﺎ ﺣﺪ ﺣﻜﻰ ﻣﻌﺎﻩ ﻭ ﺍﻷﻣﻦ ﻣﺨﺘﻔﻲ
ﺍﻟﺒﻨﺖ ﻛﺎﻧﺖ ﻣﺎﺯﺍﻟﺖ ﻣﺎﺳﻜﻪ ﺑﺎﻗﻲ ﻃﺎﺳﺔ ﺍﻟﻨﺴﻜﺎﻓﻴﻪ // ﺗﻮﻛﻠﺖ ﻉ ﺍﻟﻠﻪ ﻭ ﺧﺬﻳﺘﻬﺎ ﻣﻦ ﻳﺪﻫﺎ ﻭ ﻉ ﻃﻮﻝ ﻳﺪﻱ ﻛﺒﻴﺘﻬﺎ ﻉ ﺗﺸﻴﺮﺗﻪ
ﺍﻧﺎ << ﻋﺸﺎﻥ ﺗﻬﺰﺏ ﺑﺮﺍﺣﺘﻚ ! 💁
ﺍﻟﺸﺎﺏ << ﻳﺎ ﺑﻨﺖ ﺍﻟـ ******* ﺗﻲ ﻭ ﺍﻟﻠﻪ ﻧﻮﺭﻳﻚ " ﻭ ﺟﺎ ﺷﻮﺭﻱ "
# ﻳﺘﺒﻊ . ..
زعما سادكم مرات بترقدوا😉
.
حفيدة نيوتن😎🔥
تنزيل وتصميم الغلافات: Rahafaltaher7
