💞زواج تقليدي💞
# ﺍﻟﺤﻠﻘﻬﻪ ﺍﻟﺨﺎﻣﺲ ﻭ ﺍﻷﺭﺑﻌﻮﻥ 🌸
ﺻﺒﻰ ﻣﺤﻤﺪ ﻭ ﻳﺒﺤﺖ ﻓﻴﺎ // ﻓﻲ ﻧﻔﺲ ﺍﻟﻮﻗﺖ ﺧﺸﻮ ﻋﻴﺖ ﺧﺎﻟﺘﻪ ﻭ ﻣﺎﻟﻚ ﻣﻌﺎﻫﻢ ﻭ ﻣﻦ ﻗﺒﻞ ﻡ ﻳﻘﻮﻝ ﺍﻟﺴﻼﻡ ﻋﻠﻴﻜﻢ ﻗﺎﻝ
ﻣﺎﻟﻚ << ﻋﻴﻦ ﻣﻨﻲ ﻗﺴﻤﺎ ﺑﺎﻟﻠﻪ 😂 😌
ﺭﺍﻧﻴﺎ << ﻭ ﻉ ﺷﻨﻮ ﺍﻟﻌﻴﻦ 😕 ﻉ ﻃﻮﻟﻬﺎ ﻣﺜﻼ ! ؟
ﻣﻨﺎﺭ << ﺻﺎﺡ ﻣﺶ ﻃﻮﻳﻠﻪ ﺑﺲ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ
ﻋﺒﻴﺮ << ﺍﻟﺤﻤﺪﻟﻠﻪ ﻉ ﺳﻼﻣﺘﻬﺎ ﻳﺎ ﺑﺘﻲ / ﻋﻴﻦ ﻭ ﻃﺎﺭﺕ
ﻓﺘﺤﻴﻪ << ﺍﻟﻠﻪ ﻳﺴﻠﻤﻚ
ﻣﺎﻟﻚ << ﻧﻘﺎﻧﻬﺎ ﻡ ﻃﺎﺭﺕ ﻱ ﺃﻣﻲ 😎
ﻋﺒﻴﺮ << ﺍﺣﻤﻴﺪﻩ ﻛﻴﻒ ﺣﺎﻟﻚ
ﻣﺤﻤﺪ << ﻛﻨﺖ ﻛﻮﻳﺲ /: ﻣﺎﻟﻚ ﻛﻴﻒ ﻡ ﺗﺸﻮﻓﺶ ﻓﻴﺎ ! ؟
ﻣﺎﻟﻚ << ﻛﻨﻬﻦ ﺣﻮﺍﺟﺒﻚ ﺧﺎﺷﺎﺕ ﻑ ﺑﻌﻀﻬﻦ ﺑﺲ 😂
ﻣﺤﻤﺪ << ﻻ ﻏﻴﺮ ﺣﺴﻴﺘﻚ ﻭﺃﺧﺬ ﺭﺍﺣﺘﻚ
ﻣﺎﻟﻚ << ﻏﻴﺮ ﻧﺒﻮ ﻧﺤﻤﺪﻭ ﻉ ﺳﻼﻣﺔ ﺍﻟﻤﺪﺍﻡ ﺑﺲ 😎
ﻣﺤﻤﺪ << ﺍﻟﻨﻴﻪ ﻭﺍﺻﻠﻪ ﻣﻦ ﺑﻌﻴﺪ
ﺣﻂ ﻣﺤﻤﺪ ﻳﺪﻩ ﻉ ﻛﺘﻒ ﻣﺎﻟﻚ ﻭ ﻣﺸﻰ ﺑﻴﻪ ﺑﺮﺍ ﺷﻮﺭ ﺍﻟﺠﻨﻴﻨﻪ
ﻣﺎﻟﻚ << ﺑﺎﻩ ﺷﻦ ﺍﺧﺒﺎﺭﻙ 😎
ﻣﺤﻤﺪ << ﺍﻟﺤﻤﺪﻟﻠﻪ
ﻣﺎﻟﻚ << ﺧﻼﺹ ﺍﻓﺮﺩ ﻭﺟﻚ 😂
ﻣﺤﻤﺪ << ﺟﻮ ﺗﻤﺎﻡ
ﻣﺎﻟﻚ << ﺍﺳﻤﻊ ﻧﺤﻜﻮ ﻙ ﺭﺟﺎﻟﻪ ﻭ ﺑﻼﺵ ﻋﺼﺒﻴﻪ ﺑﺎﻫﻲ ! 😂
ﻣﺮﺍﺩ << ﻣﺎﻟﻚ ﺭﻳﺤﻨﺎ
ﻣﺤﻤﺪ << ﻻ ﺧﻠﻴﻪ ﻳﺤﻜﻲ 🌚
ﻣﺎﻟﻚ << ﺗﻮﺍ ﻧﺤﻦ ﺷﺒﺎﺏ ﻭ ﻟﻤﺎ ﻧﺸﻮﻓﻮ ﻭﺣﺪﻩ ﺳﻤﺤﻪ ﺣﺎﺟﻪ ﻃﺒﻴﻌﻴﻪ ﻩ ﻧﺒﺤﺘﻮ ﻓﻴﻬﺎ ﻭ ﻟﻠﺤﻈﻪ ﺍﺗﺨﻴﻞ ﻟﻮ ﺍﻧﻬﺎ ﺗﻘﻌﺪ ﻟﻚ
ﻣﺮﺍﺩ << ﻳﺮﺍ ﺍﺳﻜﺖ 😂
ﻣﺤﻤﺪ << ﻗﺒﻞ ﻡ ﺗﻜﻤﻞ ﻳﺎ ﺗﺎﻓﻪ ﺍﻧﺖ ﻭﻳﺎﻩ / ﻫﺬﻩ ﻣﺮﺍﺗﻲ ﺃﺯﻑ ﺷﻦ ﻭﺣﺪﻩ ﻡ ﻭﺣﺪﻩ
ﻣﺎﻟﻚ << ﻛﻨﻚ ﺧﺬﻳﺖ ﺍﻟﻜﻼﻡ ﻉ ﻣﺮﺍﺗﻚ ؟ ﺍﻧﺎ ﻧﺤﻜﻲ ﺑﺼﻔﻪ ﻋﺎﻣﻪ ) ﺍﻟﺒﻨﺎﺕ ﻛﻠﻬﻦ ﻭ ﺍﻧﺎ ﻭﺍﺣﺪ ﻣﻦ ﺍﻟﻨﺎﺱ ﻡ ﻧﻘﺪﺭﺵ ﻧﻘﺎﻭﻡ ﺍﻧﻲ ﻡ ﻧﺒﺤﺘﺶ ﻑ ﻭﺣﺪﻩ ﺳﻤﺤﻪ
ﻣﺤﻤﺪ << ﻳﺮﺩ ﻳﻘﻮﻝ ﻭﺣﺪﻩ 😕
ﻣﺮﺍﺩ << ﻗﺎﻟﻚ ﺍﻟﺒﻨﺎﺕ ﻛﻠﻬﻦ ﻛﻨﻚ ﻡ ﺗﺒﻴﺶ ﺗﻔﻬﻢ 😂
ﻣﺤﻤﺪ << ﺑﺲ ﻫﻮﺍ ﻳﺒﺤﺖ ﻑ ﻣﺮﺍﺗﻲ 🌚 ﻓﻄﻨﺘﻠﻪ / ﺳﻤﺤﻪ ﻣﺶ ﺳﻤﺤﻪ ﻣﻌﺶ ﺣﺪ ﻳﺒﺤﺖ ﻓﻴﻬﺎ ﻭ ﺍﻟﺪﻭﻩ ﻟﻚ ﺣﺘﻲ ﺍﻧﺖ ؟ ﻓﺎﻫﻢ ؟
ﻣﺮﺍﺩ << ﺍﺻﻼ ﻛﻴﻒ ﺍﺧﺘﻲ 💔🌚
ﻣﺎﻟﻚ << ﺍﻟﻠﻲ ﻧﺒﻲ ﻧﻮﺻﻠﻪ ﻟﻚ ﺍﻧﻪ ﺍﻟﺠﻤﺎﻝ ﻫﺬﺍ ﻧﻌﻤﻪ ﻭ ﻣﻦ ﺣﻘﻨﺎ ﻋﺎﺩﻱ ﻧﺘﻤﺘﻌﻮ ﺑﺎﻟﻨﻌﻤﻪ ﻫﺬﻩ (( ﻧﺘﻤﺘﻌﻮ ﻣﺶ ﺍﻟﻠﻲ ﻑ ﻋﻘﻠﻚ 😂 ﻗﺼﺪﻱ ﺷﺮﻳﻒ ﺍﻧﺎ 😂
ﻣﺤﻤﺪ << ﻣﺎﻟﻚ ﻡ ﺗﺨﻠﻨﻴﺶ ﻧﻨﻔﺼﻞ ﻭ ﻧﻮﺭﻳﻚ ﺍﻟﻮﺟﻪ ﻵﺧﺮ
ﻣﺎﻟﻚ << ﻧﺒﺼﺮ ﻳﺎ ﺭﺍﺟﻞ ﺑﺲ ﻫﺬﻩ ﺿﺮﻳﺒﺔ ﺍﻧﻚ ﺗﺄﺧﺬ ﻭﺣﺪﻩ ﻃﺮﻑ 😎 ﻳﻌﻨﻲ ﺗﺒﻲ ﺍﻟﻨﺎﺱ ﺗﻐﻤﺾ ﻋﻴﻮﻧﻬﺎ ﻋﺸﺎﻥ ﺣﻀﺮﺗﻚ ﺍﺗﺮﻳﺢ ! ؟ 😒
ﻣﺤﻤﺪ << ﻻﻻ ﻩ ﻧﺨﻤﺮﻫﺎ 😌
ﻣﺮﺍﺩ << ﻻ ﻳﺮﺍ 😂💔
//
//
//
ﺍﺳﺘﺒﺮﻕ << ﺍﺣﻜﻴﻠﻲ ﺑﺎﻟﺘﻔﺎﺻﻴﻞ ﺷﻦ ﺻﺎﺭ ؟
ﺍﻧﺎ << ﻣﻠﻴﺖ ﻭ ﺍﻧﺎ ﻧﺤﻜﻲ ﻑ ﻧﻔﺲ ﺍﻟﻜﻼﻡ 😂
ﺍﺳﺘﺒﺮﻕ << ﺟﺖ ﻋﻠﻴﺎ ﺍﻧﺎ 😂
ﺍﻧﺎ << ﻧﺒﻲ ﻧﺤﻜﻴﻠﻚ ﺣﺎﺟﻪ ﺍﺧﺮﻩ ﺑﺲ ﻡ ﺗﻘﻮﻟﻴﺶ ﻟﺤﺪ ﻭ ﺍﺻﻼ ﻓﺮﺣﺎﻧﻪ ﻭ ﻣﺶ ﻋﺎﺭﻓﻪ ﻟﻤﻦ ﻧﺤﻜﻲ ﻭ ﺍﻟﻤﻔﺮﻭﺽ ﺷﻦ ﻧﺪﻳﺮ 💔😂
ﺍﺳﺘﺒﺮﻕ << ﺣﺎﺟﻪ ﺷﻮﺭ ﺍﺣﻤﻴﺪﻩ ! 😂
ﺍﻧﺎ << ﺑﺎﻫﻲ ﻗﺒﻞ ﻡ ﻧﺤﻜﻲ ﻣﻤﻜﻦ ﻣﻌﺶ ﺗﻘﻮﻟﻴﻠﻪ ﺍﺣﻤﻴﺪﻩ 😔💔 ﻣﺶ ﻉ ﺣﺎﺟﻪ ﻭ ﻋﺎﺭﻓﺘﻚ ﺍﻧﺘﻲ ﻛﻮﻳﺴﻪ ﺑﺲ ﻭ ﺍﻟﻠﻪ ﻡ ﻧﻘﺪﺭﺵ ﻧﻮﺻﻔﻠﻚ ﺷﻦ ﻧﺤﺲ ﻟﻤﺎ ﻧﺴﻤﻊ ﺣﺪ ﻳﻘﻮﻟﻪ ﺍﺣﻤﻴﺪﻩ
ﺍﺳﺘﺒﺮﻕ << ﺗﺤﺴﻲ ﻛﺄﻧﻪ ﻗﻠﺒﻚ ﻳﻮﺟﻊ ﻓﻴﻚ ؟ ﻡ ﺣﻮﺗﻚ ﻡ ﺗﺰﻣﻄﻲ ﺭﻳﻘﻚ ؟ ﻭ ﺍﻟﻨﻔﺲ ﻛﺄﻧﻪ ﻩ ﻳﻨﻘﻄﻊ ؟؟
ﺍﻧﺎ << 😳😳 ﺍﻫﺎ ﻭ ﺍﻟﻠﻪ ﻭ ﺯﻳﺪﻱ ﺍﻟﺪﻧﻴﺎ ﺍﺗﻈﻠﻢ ﺍﺧﺮﻩ 💔
ﺍﺳﺘﺒﺮﻕ << ﻧﻌﻠﻴﺎ 😂 ﻫﺬﺍ ﻫﻮﺍ ﺍﻟﺤﺐ 😂🌚😍 /
ﺍﻧﺎ << ﻣﺎﻫﻮ ﻫﺬﺍ ﺍﻟﻠﻲ ﻧﺒﻲ ﻧﺤﻜﻴﻪ ﻟﻚِ
ﺍﺳﺘﺒﺮﻕ << ﺍﺣﻜﻲ ﺍﺣﻜﻲ
ﺍﻧﺎ << ﻗﺒﻞ ﻡ ﻧﻮﺻﻠﻮ ﻟﻠﻤﺴﺘﺸﻔﻰ ﺳﻤﻌﺘﻪ ﻗﺎﻟﻲ ﻥ ﺡ ﺏ ﻙ
ﺍﺳﺘﺒﺮﻕ << ﻣﺤﻤﺪ ﻗﺎﻟﻚ ﻧﺤﺒﻚ ؟؟ 😍😍
ﺍﻧﺎ << ﺍﻫﺎ ﺑﺲ ﻳﺤﺴﺎﺑﻨﻲ ﻡ ﺳﻤﻌﺘﺶ 😂
ﺍﺳﺘﺒﺮﻕ << ﻭ ﻛﻨﻚ ﻡ ﻗﻠﺘﻴﻠﻪ ﺣﺘﻲ ﺍﻧﺎ ﻧﺤﺒﻚ ﻱ ﻋﺒﻴﻄﻪ
ﺍﻧﺎ << ﺣﺴّﻴﺖ ﺍﻟﻮﻗﺖ ﻣﺶ ﻣﻨﺎﺳﺐ 💁
ﺍﺳﺘﺒﺮﻕ << ﻫﺒﻠﻪ ﺍﻧﺖِ ! ؟ ﻭﻗﺖ ﺷﻨﻮ ﺍﻟﻠﻲ ﻣﻨﺎﺳﺐ ؟ ﻣﺶ ﻋﺎﺭﻓﻪ ﺭﻭﺣﻚ ﻣﻦ ﻣﺘﺰﻭﺟﻪ ﺍﻧﺘﻲ ﻭ ﻻ ﺷﻨﻮ ؟
ﺍﻧﺎ << ﻉ ﺍﺳﺎﺱ ﻣﺘﺰﻭﺟﻪ ﻛﺮﻳﻢ 😒
ﺍﺳﺘﺒﺮﻕ << ﻣﺤﻤﺪ ﺍﺣﻠﻰ ﻣﻦ ﻛﺮﻳﻢ ﺏ 100 ﻣﺮﻩ ﻣﺶ ﻋﺸﺎﻥ ﻭﻟﺪ ﺧﺎﻟﺘﻲ ﻧﺸﻜﺮ ﻓﻴﻪ 😂
ﺍﻧﺎ << ﺍﻭﻙ ﺑﺎﻩ 😂 ﺷﻦ ﻧﺪﻳﺮ ﺗﻮﺍ ! ﺧﺎﻳﻔﻪ ﻛﺎﻥ ﻗﻠﺘﻠﻪ ﻳﻘﻮﻝ ﻫﺬﻩ ﺧﻔﻴﻔﻪ ﻭ ﻋﺎﺯﻗﻪ ﺭﻭﺣﻬﺎ 😕
ﺍﺳﺘﺒﺮﻕ << ﻋﺎﺩﻱ ﻧﻀﺮﺑﻚ ؟ 😪 ﺗﻲ ﺧﻔﻴﻔﻪ ﺷﻨﻮ ﻭ ﻋﺎﺯﻗﻪ ﺭﻭﺣﻚ ﻛﻴﻒ ؟ ﻱ ﻫﻤﻲ ﻣﺮﺍﺗﻪ ﺍﻧﺘﻲ 🌚 ﻣﺘﺰﻭﺟﻴﻦ ﺭﺍﻩ ﻣﺶ ﻣﺨﻄﻮﺑﻴﻦ 😒 ﻋﻠﻴﻚ ﺩﺭﻩ ﻛﺒﺪ 🙅
ﺍﻧﺎ << ﺑﺎﻫﻲ ﻛﻴﻒ ﻧﻘﻮﻟﻬﺎ ﻟﻪ 😂💔 ﻣﺎﻫﻮ ﺑﺮﺳﺘﻴﺠﻲ ﻡ ﻧﻘﺪﺭﺵ
ﺍﺳﺘﺒﺮﻕ << ﻧﺼﺒﻲ ﺧﻴﺮ ﻣﺎ ﻧﻨﺠﻠﻂ ﺍﻧﺎ 😂
ﺍﻧﺎ << ﻏﻴﺮ ﺧﻠﻴﻚ 😂
ﺍﺳﺘﺒﺮﻕ << ﻧﻘﻌﺪ ﺑﺲ ﺗﺴﻤﻌﻲ ﻛﻼﻣﻲ ﻛﻠﻪ 🌚
ﺍﻧﺎ << ﺑﺲ ﻣﻦ ﺃﻭﻟﻬﺎ ﺣﺎﺟﻪ ﻓﻴﻬﺎ ﺳﺨﺎﻓﻪ ﻻ 😳
ﺍﺳﺘﺒﺮﻕ << ﻧﻤﺸﻲ ﻧﺤﻜﻲ ﻝ ﺭﺍﻧﻴﺎ ﺧﻴﺮ ﺍﻧﺎ 😂
ﺍﻧﺎ << ﻻ ﺧﻼﺹ 😂 ﺍﺣﻜﻲ ﻫﻲ
ﺍﺳﺘﺒﺮﻕ << ﺑﻜﺮﺍ
ﺍﻧﺎ << ﻻ ﺑﻜﺮﺍ ﻡ ﻧﻘﺪﺭﺵ / ﻡ ﺯﻟﺖ ﻣﺶ ﻗﺎﺩﺭﻩ ﻧﺘﺤﺮﻙ ﻛﻮﻳﺲ ﻭ ﺑﻤﻨﻈﺮﻱ ﻫﺬﺍ ﻡ ﻳﺼﻴﺮ ﺷﻲ 💔
ﺍﺳﺘﺒﺮﻕ << ﻓﺮﺻﺘﻚ ﺑﻜﺮﺍ ﻻﻧﻪ ﻛﻠﻬﻢ ﻩ ﻳﻤﺸﻮ ﻟﻠﻌﺮﺱ ﻱ ﻏﺒﻴﻪ
ﺍﻧﺎ << ﺑﺎﻫﻲ ﻛﻤﻠﻲ 😍 ﺣﺴﻨﻲ ﺗﺤﻤﺴﺖ 😂
ﺍﺳﺘﺒﺮﻕ << ﻭﺗﻲ ﻋﺸﺎﺀ ﺑﺴﻴﻂ ﻭ ﺭﻭﻣﻨﺴﻲ
ﺍﻧﺎ << ﺑﺴﻴﻂ ﻫﺬﻩ ﻓﻮﺗﻴﻬﺎ ﺑﻜﻞ 🌚 ﻳﻮﻡ ﺍﻟﻠﻲ ﻗﺮﺭﺕ ﻧﺪﻳﺮ ﻏﺪﺍﺀ ﺑﺴﻴﻂ ﻗﻌﺪ ﻳﺸﻔﻂ ﻭ ﻡ ﻛﻼﺵ ﺷﻲ 😂💔
ﺍﺳﺘﺒﺮﻕ << ﺗﻲ ﻭﺍﺗﻲ ﻳﻜﻮﻥ 😪 ﺍﻃﻠﺒﻲ ﺩﻳﻠﻔﺮﻱ ﻣﻦ ﺍﻟﻤﻄﻌﻢ
ﺍﻧﺎ << ﻧﻄﻠﺐ ﺍﻧﺎ ؟؟ 💔😳 ﻡ ﻧﻌﺮﻓﺶ 😒
ﺍﺳﺘﺒﺮﻕ << ﻱ ﺭﺏ ﺍﻟﺼﺒﺮ 😪
ﺍﻧﺎ << ﺧﻼﺹ ﺗﻮ ﻧﺴﻜﺖ 🌚
ﺍﺳﺘﺒﺮﻕ << ﻗﻮﻟﻲ ﻝ ﻣﺮﺍﺩ ﻳﺠﻴﺐ ﻳﻌﻨﻲ ﻣﺶ ﻣﻮﺿﻮﻉ
ﺍﻧﺎ << ﺑﺎﻫﻲ ﻭ ﺑﻌﺪﻫﺎ ؟
ﺍﺳﺘﺒﺮﻕ << ﺩﻳﺮﻱ ﻣﻴﻚ ﺃﺏ ﻭ ﺍﻟﺒﺴﻲ ﺷﻲ ﻓﺴﺘﺎﻥ ﻭ ﺗﻌﺸﻮ ﻫﻨﺎ ﻉ ﺍﻟﻄﺎﻭﻟﻪ
ﺍﻧﺎ << ﺗﻤﺎﻡ ﻭ ﺑﻌﺪﻫﺎ 😂😍
ﺍﺳﺘﺒﺮﻕ << ﻃﺒﻌﺎ ﻩ ﺗﻜﻮﻧﻮ ﺗﺤﻜﻮ ﻭﻗﺘﻬﺎ ﻣﺶ ﻛﻠﻬﺎ ﻭﻛﺎﻝ 😂 ﻛﺎﻥ ﻫﻮﺍ ﺣﺲ ﺑﺎﻟﺠﻮ ﻭ ﻓﻬﻢ ﻩ ﻳﻨﻄﻠﻖ ﻑ ﺍﻟﺪﻭﻩ ﻭﻟﺪ ﺧﺎﻟﺘﻲ ﻭ ﻋﺎﺭﻓﺘﻪ 😍😂
ﺍﻧﺎ << ﻭ ﻛﺎﻥ ﻡ ﺣﻜﺶ ؟
ﺍﺳﺘﺒﺮﻕ << ﺍﺣﻜﻲ ﺍﻧﺘﻲ 💃 ﻣﻊ ﺷﻮﻳﺔ ﺩﻟﻊ ﻭ ﺣﺮﻛﺎﺕ ﻭ ﻣﺎ ﻧﺤﻜﻴﻠﻚ ﺑﻌﺪﻫﺎ ﺷﻦ ﻩ ﻳﺼﻴﺮ
ﺍﻧﺎ << ﻋﻨﺠﺪ ﻫﻜﻲ 🌚 ﻻﻻ ﻡ ﻧﻘﺪﺭﺵ ﺗﻲ ﻳﻘﻮﻝ ﻫﺬﻩ ﺳﺨﻴﻔﻪ 😔💔
ﺍﺳﺘﺒﺮﻕ << ﺑﺸﺮﻯ ؟ ﺍﻟﻠﻪ ﻳﻀﻴﻖ ﻋﻠﻤﻚ ﺑﺎﻫﻲ 😂
ﺍﻧﺎ << ﺣﺎﻭﻟﻲ ﺍﻧﻚ ﺗﻔﻬﻤﻲ ﻭﺿﻌﻲ 😂
ﺍﺳﺘﺒﺮﻕ << ﺧﻠﻴﻚِ ﻫﻜﻲ ﻣﺎﺩﻩ ﻭﺟﻚ ﻋﻨﺪ ﻳﻀﻴﻊ ﻣﻨﻚ 😒
ﺍﻧﺎ << ﻩ ﻧﺠﺮﺏ ﺑﺲ ﻡ ﻧﻮﻋﺪﻛﺶ😂 💔
ﻣﻨﺎﺭ << ﺍﺳﻮ ﻛﺬﺍ ﻛﻠﻤﻲ ﻣﺮﺍﺩ ﻳﺎﺧﺪ ﺍﻟﺴﻔﺮﻩ
ﺍﺳﺘﺒﺮﻕ << ﻫﻴﺎ ﻫﻲ
ﺻﺒﺖ ﺍﺳﺘﺒﺮﻕ ﻣﻦ ﺟﻨﺒﻲ ﻭ ﺟﺖ ﻫﺒﻪ ﻭ ﺍﻧﺎ ﻧﻘﻮﻝ ﻓﻲ ﻋﻘﻠﻲ ﻩ ﺗﻀﺎﻳﻘﻨﻲ ﻭ ﻣﺶ ﻩ ﻧﻌﺮﻑ ﻧﺼﺒﻲ ﺑﺮﻭﺣﻲ 🌚💔
/
/
/
ﺍﺳﺘﺒﺮﻕ << ﻣﺮﺭﺭﺍﺩ ﺍﻧﺖ ﻱ ﺍﻃﺮﺵ
ﻣﺮﺍﺩ << ﺟﺎﻱ ﺟﺎﻱ ﻭ ﺍﻧﺘﻲ ﺗﻌﻴﻄﻲ
ﻣﺎﻟﻚ << ﻋﻠﻴﻚ ﺟﻮ ﺍﺧﺘﻲ ﻭ ﻭﻟﺪ ﺧﺎﻟﺘﻲ ﻫﻜﻲ ﻋﻴﻨﻲ ﻋﻴﻨﻚ 😂
ﻣﺤﻤﺪ << ﺗﺤﺴﺎﺏ ﺍﻟﺸﺒﺎﺏ ﻛﻠﻬﻢ ﺗﺎﻓﻬﻴﻦ ﺯﻳﻚ 😂
ﻣﺎﻟﻚ << ﻧﻌﻠﻲ ﺩﻳﻤﺎ ﻇﺎﻟﻤﻨﻲ 😂
)
)
ﻣﺮﺍﺩ << ﺷﻦ ﺗﺒﻲ ؟
ﺍﺳﺘﺒﺮﻕ << ﺧﻠﻴﻚ ﺷﻮﻳﻪ ﻣﻨﺎﺭ ﺟﺎﻳﺒﻪ ﺍﻟﺴﻔﺮﻩ
ﻣﺮﺍﺩ << ﻭ ﻛﻨﻚ ﻣﺎ ﻃﻠﻌﺘﻴﻬﺎ ﻉ ﺍﺳﺎﺱ ﺍﺗﺤﺸﻤﻲ
ﺍﺳﺘﺒﺮﻕ << ﻧﺒﻲ ﻧﺤﻜﻲ ﻣﻌﺎﻙ ﻓﻲ ﺣﺎﺟﻪ ﺑﺮﻭﺣﻨﺎ
ﻣﺮﺍﺩ << ﻻ ﻣﺮﺗﺒﻂ ﺍﻧﺎ ﺭﺍ 😂
ﺍﺳﺘﺒﺮﻕ << ﻻ ﺣﻄﻤﺖ ﻗﻠﺒﻲ 😂💔
ﻣﺮﺍﺩ << ﺍﺣﻜﻲ ﺑﺎﻩ 😒
ﺍﺳﺘﺒﺮﻕ << ﺑﺲ ﻳﻘﻌﺪ ﺳﺮ ﺑﻴﻨﺎﺗﻨﺎ
ﻣﺮﺍﺩ << ﺗﻲ ﺷﻦ ﻓﻲ ؟ ﺭﺍ ﺗﻘﻌﺪﻱ ﺣﺎﻃﻪ ﻋﻴﻨﻚ ﻋﻠﻴﺎ ؟ ﻻ ﻣﺎ ﻧﺎﺧﺬﺵ ﻣﻦ ﺍﻟﻌﻴﻠﻪ ﺍﻧﺎ 😌
ﺍﺳﺘﺒﺮﻕ << ﻣﺮﺍﺩ ﻣﺎ ﺗﻨﺮﻓﺰﻧﻴﺶ ﻣﺎ ﺳﺎﺩ ﺍﻟﻬﺒﻠﻪ ﻛﻨﺘﻜﻢ 😒😂
<< ﺑﺸﺮﻯ ؟ 😂 ﺍﺣﻜﻲ ﺳﻘﺪﻳﻨﻲ
ﺍﺳﺘﺒﺮﻕ << ﺑﻜﺮﺍ ﻧﺒﻴﻚ ﺗﺤﺠﺰ ﻓﻲ ﻋﺸﺎﺀ ﻭ ﺗﻮﺭﺗﻪ
ﻣﺮﺍﺩ << ﻟﻤﻦ ؟ ﻛﻨﻚ ﻣﻌﺶ ﺍﺗﺤﺸﻤﻲ ؟؟ ﻗﻮﻟﻲ ﻧﻮﺻﻠﻪ ﻟﻚ ﺑﺎﻟﻤﺮﻩ ﻟﺤﺒﻴﺐ ﺍﻟﻘﻠﺐ 😒 ﻭﻳﻦ ﻣﺎﻟﻚ ﺑﺲ
ﺍﺳﺘﺒﺮﻕ << ﺗﻲ ﻫﻴﻴﻴﻲ 😂 ﻣﺶ ﺷﻮﺭﻱ ﺍﻟﻤﻮﺿﻮﻉ 😂💔 ﺗﻲ ﻟﺒﺸﺮﻯ ﻭ ﻣﺤﻤﺪ
ﻣﺮﺍﺩ << ﻋﻠﻴﺶ ؟
ﻣﻨﺎﺭ << ﻫﺎﻙ ﺍﻟﻘﻬﻮﻩ
ﻣﺮﺍﺩ << ﻩ ﻧﺸﻴﻞ ﺍﻟﺴﻔﺮﻩ ﻭ ﺍﻧﺠﻴﻚ
ﺍﺳﺘﺒﺮﻕ << ﻣﺶ ﻗﺎﺩﺭ ﻉ ﺑﻌﺪﻱ ﺍﻫﺎ 😌😂
ﻣﻨﺎﺭ << 😂
ﻣﺮﺍﺩ << ﺍﻫﺎ 😂
//
//
//
ﻫﺒﻪ << ﺍﻥ ﺷﺎﺀ ﺍﻟﻠﻪ ﺃﺣﺴﻦ ﺗﻮﺍ ؟
ﺍﻧﺎ << ﺍﻫﺎ ﺍﻟﺤﻤﺪﻟﻠﻪ
ﻫﺒﻪ << ﺑﺎﻳﻦ ﺍﻧﻪ ﻳﺤﺒﻚ
ﺍﻧﺎ << " ﺑﺤﺘﺖ ﻓﻴﻬﺎ ﻭ ﺳﻜﺘﺖ "
ﻫﺒﻪ << ﻭ ﺣﺘﻲ ﺍﻧﺘﻲ ﻉ ﻓﻜﺮﻩ
ﺍﻧﺎ << ﺷﻦ ﺍﺧﺒﺎﺭﻙ ﺍﻧﺘﻲ
ﻫﺒﻪ << ﻫﻬﻬﻬﻬﻪ ﺗﺤﺸﻤﺘﻲ
ﺍﻧﺎ << ﻻ ﻋﺎﺩﻱ ((:
ﻫﺒﻪ << ﻣﺎ ﻋﻤﺮﻳﺶ ﻫﺪﺭﺯﺕ ﻣﻌﺎﻙ ﻭ ﺗﻌﺮﻓﺖ ﻋﻠﻴﻚ //
ﺭﺍﻧﻴﺎ << ﻫﻬﻬﻪ ﺷﻦ ﺗﺒﻲ ﺗﻌﺮﻓﻲ ﻋﻠﻴﻬﺎ ؟ ﻉ ﺍﺳﺎﺱ ﻓﻲ ﺣﺪ ﻋﺎﺭﻑ ﻋﻠﻴﻬﺎ ﺣﺎﺟﻪ
ﺍﺳﺘﺒﺮﻕ << ﻣﻨﺎﺍﺍﺍﺭ // ﻗﺎﻟﻚ ﻣﺮﺍﺩ ﺯﻳﺪﻱ ﻓﻨﺠﺎﻥ ﻟﻮﻟﻴﺪ ﺭﺍﺟﻞ ﻫﺒﻪ ﺟﺎ
ﻣﻨﺎﺭ << ﺣﺎﺿﺮ
ﺍﺳﺘﺒﺮﻕ << ﻭﻳﻦ ﻓﺎﺗﻦ ﺑﻌﺪ ﺧﻄﺮﻫﺎ
ﻫﺒﻪ << ﻟﻤﺎ ﺟﻴﺖ ﻗﺎﻟﺘﻠﻲ ﻣﺎﻣﺎ ﺩﻭﺑﻬﺎ ﻛﻴﻒ ﻃﻠﻌﺖ ﻣﺎﺷﻴﻪ ﻟﻬﻠﻬﺎ
ﺍﺳﺘﺒﺮﻕ << ﺍﻫﺎ
ﻫﺒﻪ << ﻋﻴﺖ ﺧﺎﻟﻲ ﻣﺶ ﺟﺎﻳﻴﻦ ؟؟
ﺍﺳﺘﺒﺮﻕ << ﺗﻮﻓﻴﻖ ؟
ﻫﺒﻪ << ﺍﻫﺎ
ﺍﺳﺘﺒﺮﻕ << ﻻ ﺟﺎﻳﻴﻦ ﺑﺲ ﻣﺶ ﻋﺎﺭﻓﻪ ﻟﻴﺶ ﻃﻮﻟﻮ
//
//
//
ﻣﺎﻟﻚ << ﻻ ﺍﻟﻤﻌﺮﺽ ﻟﻴﺎ ﻳﻮﻣﻴﻦ ﻧﻤﺸﻴﻠﻪ / ﻧﺪﻳﺮﻟﻪ ﻓﻲ ﺷﻮﻳﺔ ﺻﻴﺎﻧﻪ
ﻭﻟﻴﺪ << ﺑﺎﻫﻲ ﺗﻤﺎﻡ
ﻣﺤﻤﺪ << ﺣﺘﻲ ﺍﻟﺼﺎﻳﻊ ﺩﺍﻳﺮ ﻋﻤﻞ ﻉ ﺣﺎﻟﻪ ﺍﻻ ﻭ ﻣﺎ ﻗﺎﻝ ﺍﻟﻠﻪ ﻣﺮﺍﺩ
ﻣﺮﺍﺩ << ﻣﺎﺯﻟﺖ ﺻﻐﻴﺮ ﺍﻧﺎ 😂
ﻭﻟﻴﺪ << ﺍﻟﻠﻲ ﻛﻴﻔﻚ ﺑﻌﻴﺎﻟﻬﻢ ﺻﻐﻴﺮ ﺷﻦ ﺩﻭﺗﻪ
ﻣﺮﺍﺩ << ﺧﻠﻲ ﻣﺤﻤﺪ ﻗﺒﻞ ﻳﺠﻴﺐ ﻋﻴﺎﻝ ﺑﻌﺪﻫﺎ ﺳﺎﻫﻞ ﺍﻧﺎ 🌚 ﻓﻲ ﺃﺳﺒﻮﻉ ﻳﻜﻮﻥ ﻋﻨﺪﻱ ﻋﻴﻞ 😎
ﻣﺤﻤﺪ << ﺣﺘﻲ ﺩﻭﻩ ﻣﺎ ﻳﻌﺮﻑ ﻳﺪﻭﻱ 😂
ﻭﻟﻴﺪ << ﻭ ﻛﻴﻒ ﺗﺒﻲ ﺍﺩﻳﺮﻫﺎ ﻫﺬﻩ ؟ 😂
ﻣﺎﻟﻚ << ﻳﺼﺎﺣﺒﻬﺎ ﻗﺒﻞ ﺍﻟﻌﺮﺱ ﻭ ﻳﺪﻳﺮ ﺟﻮﻩ ﻭ ﻑ ﺍﻟﺸﻬﺮ ﺍﻟﺘﺎﺳﻊ ﻳﺘﺰﻭﺟﻮ 😎
ﻣﺮﺍﺩ << ﺍﻳﻮﺍﻩ ﺻﺎﺡ
ﺗﻮﻓﻴﻖ << ﻣﻦ ﺍﻟﻠﻲ ﻳﺒﻲ ﻳﺪﻳﺮ ﺟﻮﻩ ﻗﺒﻞ ﻣﺎ ﻳﺘﺰﻭﺝ
ﻣﺤﻤﺪ << ﺍﻭﻭﻭ ﺗﻮﻓﻴﻖ 😂
ﻣﺎﻟﻚ << ﺗﻴﻔﺎ ﻳﺎ ﻗﻠﺒﻲ 😂
ﺗﻮﻓﻴﻖ << ﻣﺎﻟﻚ ﺍﻣﺘﻲ ﺗﺒﻲ ﺗﻌﻘﻞ
ﻣﺎﻟﻚ << ﻧﺒﺼﺮﻭ ﻛﻨﻚ ﺳﺎﺧﻦ 🌚 ﺣﺘﻲ ﺳﻼﻡ ﺍﻟﻠﻪ ﻣﺎ ﻗﻠﺘﻪ
ﻋﺼﺎﻡ << ﺍﻟﺴﻼﻡ ﻋﻠﻴﻜﻢ
ﻣﺎﻟﻚ << ﺧﻴﺮ ﻳﺎ ﺧﺎﻟﻲ
ﻭﻟﻴﺪ << ﻭ ﻋﻠﻴﻜﻢ ﺍﻟﺴﻼﻡ
ﻣﺤﻤﺪ << ﻭ ﻋﻠﻴﻜﻢ ﺍﻟﺴﻼﻡ 😂
ﻋﺼﺎﻡ << ﺍﺣﻤﻴﺪﻩ / ﺣﻤﺪﻟﻠﻪ ﻉ ﺳﻼﻣﺔ ﻫﻠﻚ
ﻣﺤﻤﺪ << ﺍﻟﻠﻪ ﻳﺴﻠﻤﻚ ﻳﺎ ﺧﺎﻟﻲ // ﺗﻔﻀﻞ ﺗﻔﻀﻞ
ﺗﻮﻓﻴﻖ << ﺗﻘﻮﻝ ﻫﻮﺍ ﺑﺲ ﺍﻟﻠﻲ ﺧﺎﻟﻬﻢ / ﺧﺰﻱ ﻳﻠﻲ ﻣﺎﺗﺤﺸﻤﻮ
ﻋﺼﺎﻡ << ﺍﻧﺖ ﺍﻟﻠﻲ ﻣﻌﻮﺩﻫﻢ // ﻭﻳﻦ ﺑﺎﺗﻚ ﺍﻧﺖ ﻭﻳﺎﻩ ؟
ﻣﺎﻟﻚ << ﺟﻮﺍ ﺟﻮﺍ
ﻣﺮﺍﺩ << ﻭ ﻋﻤﻲ ﺟﻮﺍ
ﻋﺼﺎﻡ << ﻓﻲ ﺣﺪ ﻏﺮﻳﺐ ؟
ﻣﺤﻤﺪ << ﻻﻻ ﺧﺸﻮ
ﺗﻮﻓﻴﻖ << ﻗﺒﻞ ﻣﺎ ﻧﺨﺶ ﻣﺎﻟﻚ ﻭ ﻣﺮﺍﺩ ﺍﻣﺸﻮ ﻏﺎﺩﻱ ﻧﺒﻴﻜﻢ
ﻣﺮﺍﺩ << ﻣﺎ ﻗﻠﺘﺶ ﺷﻲ ﺍﻧﺎ ﻫﺬﺍ ﻣﺎﻟﻚ ﺍﺻﻼ ﻳﺨﺮﺏ ﻓﻴﺎ
ﻋﺼﺎﻡ << ﻛﻨﻬﻢ ﺷﻦ ﺩﺍﻳﺮﻳﻦ
ﻣﺎﻟﻚ << ﻣﺶ ﺩﺍﻳﺮﻳﻦ ﺷﻲ ﻏﻴﺮ ﻳﺒﻲ ﻭﺍﺣﺪ ﻓﻴﻨﺎ ﻳﺄﺧﺬ ﺑﻨﺘﻪ ﻭ ﻧﺤﻦ ﻣﺎ ﻧﺒﻮﺵ 🌚 ﺷﻨﻮ ﺑﺎﻟﻐﺼﺐ ﻋﺎﺩ 😂😪
ﻋﺼﺎﻡ << ﻣﻌﻘﻮﻟﻪ ﻫﺎﻟﻜﻼﻡ 😂
ﻣﺤﻤﺪ << ﺍﻧﺘﻮ ﺍﻃﻮﻟﻮ ﺍﺻﻼ 😂
ﺗﻮﻓﻴﻖ << ﻟﻮ ﺗﻘﻌﺪﻭ ﺍﺧﺮ ﺍﺛﻨﻴﻦ ﻣﺎ ﻧﻌﻄﻴﻬﺎ ﻟﻜﻢ ﻛﻨﻲ ﺍﻧﻬﺒﻠﺖ ﺷﻲ ﻧﺎ
ﻣﺮﺍﺩ << ﻻ ﺍﻧﺎ ﻣﻮﺍﻓﻖ ﺭﺍ 😂
ﻣﺤﻤﺪ << ﺧﺎﻟﻲ ﻭﻳﻦ ﺍﻟﺸﺒﺎﺏ ؟؟
ﻋﺼﺎﻡ << ﻛﻼ ﻣﺮﻭﺍﻥ ﺳﻴﺒﺘﻪ ﺭﺍﻗﺪ ﻭ ﻣُﻌﺰ ﻓﻲ ﺍﻟﻤﺤﻞ
ﻣﺤﻤﺪ << ﺍﻫﺎ / ﺑﺎﻫﻲ ﺗﻔﻀﻞ ﺑﺘﻘﻌﺪ ﻣﺼﺒﻲ ﻫﻨﺎ
ﻣﺎﻟﻚ << ﺑﻨﺠﻴﺐ ﻧﻘﺎﻟﻲ ﻣﻦ ﺍﻟﺴﻴﺎﺭﻩ
ﺗﻮﻓﻴﻖ << ﻣﺎﺷﻲ ﻣﻌﺎﻙ
ﻣﺎﻟﻚ << ﻳﺮﺍ ﻭ ﺍﻟﻠﻪ ﻣﺎ ﻓﻲ ﺣﺎﺟﻪ ﻛﻨّﺎ ﻧﺤﻜﻮ ﻋﺎﺩﻱ / ﺗﻮ ﺑﺎﻟﻌﻘﻞ ﻫﻜﻲ ﻳﻌﻨﻲ ﻧﺼﺎﺣﺐ ﻭﺣﺪﻩ ﻭ ﻧﺄﺧﺬﻫﺎ ؟ ﺍﻃﻤﻦ ﻣﺶ ﻩ ﻧﺄﺧﺬﻫﺎ 😂
ﻣﺮﺍﺩ << ﺷﻔﺘﻪ ﻛﻴﻒ ﻳﻠﻌﺐ ﻉ ﺍﻟﺒﻨﺎﺕ ؟ ﻧﻨﺼﺢ ﻓﻴﻪ ﺩﻳﻤﺎ ﻭ ﻓﻴﻚ ﻳﺎ ﻭﺍﺩﻱ 💔🌚
ﺗﻮﻓﻴﻖ << ﺻﺒﻲ ﻗﺪﺍﻣﻲ ﻭ ﺑﻄﻞ ﻫﺎﻟﺴﻬﻮﻛﻪ ﺧﻴﺮﻟﻚ
ﻣﺤﻤﺪ << ﻭ ﺯﻳﺪ ﺍﻧﻪ ﻳﺒﺤﺖ ﻓﻲ ﺍﻟﺼﺒﺎﻳﺎ ﺍﻟﻤﺘﺰﻭﺟﺎﺕ 🌚
ﺗﻮﻓﻴﻖ << ﺍﺧﺮﻩ ؟؟
ﻣﺎﻟﻚ << ﻣﺶ ﺻﺒﺎﻳﺎ ﺗﻲ ﺻﻐﻴﺮﻩ ﻫِﻲَ 😂💔
ﺗﻮﻓﻴﻖ << ﻣﺎﺍﺍﺍﺍﻟﻚ ؟؟
ﻣﺎﻟﻚ << ﺧﻼﺹ ﺻﺒﻴﺖ 🚶
ﻣﺮﺍﺩ << ﺭﺍﺡ ﻓﻴﻬﺎ 😂🌚💔
ﻭﻟﻴﺪ << ﺣﻲ ﻉ ﺃﻣﻪ ﺍﻧﻔﺼﻞ ﺟﺪﻳﺎﺕ ﺧﺎﻟﻚ
ﻣﺤﻤﺪ << ﺗﻮ ﻳﻀﺤﻚ ﻋﻠﻴﻪ ﺑﻜﻠﻤﺘﻴﻦ ﻭ ﻳﻤﺸﻲ ﺍﻟﺠﻮ 😒
ﻭﻟﻴﺪ << ﺭﺅﻭﻑ ﺟﺎ
ﻣﺤﻤﺪ << ﻫﺬﺍ ﻭﻳﻦ ﻛﻤﻠﺖ ﻣﻌﺎﻳﺎ 😕
//
//
//
ﺍﻣﺎﻧﻲ << ﺯﻭﺑﺎ ﻭﻳﻨﻚ
ﺯﻳﻨﺐ << ﺗﻲ ﻣﺎ ﺗﺨﻠﻮ ﺣﺪ ﻳﺘﺮﻳﺢ ﺍﻧﺘﻮ 😒
ﺍﻣﺎﻧﻲ << ﻳﺎ ﻗﺮﺩﻩ ﻧﺒﻲ ﻧﺴﺄﻟﻚ ﻧﺤﺴﺒﻚ ﻓﻲ ﻗﻬﻮﻩ ؟
ﺯﻳﻨﺐ << ﻣﺆﻳﺪ ﻳﺒﻲ ﻳﺸﺮﺏ ؟
ﺍﻣﺎﻧﻲ << ﺍﻫﺎ 😂🌚
ﺯﻳﻨﺐ << ﻧﺒﻲ ﻣﻌﻨﺎﻫﺎ 😂
ﺍﻣﺎﻧﻲ << ﻗﺎﻋﺪ ﻓﻲ ﺍﻟﺪﺍﺭ ﺭﺍ ﻛﺎﻥ ﺗﺒﻴﻪ ﻓﻲ ﺣﺎﺟﻪ 😂
ﺯﻳﻨﺐ << ﻣﺎ ﻋﻨﺪﻱ ﻡ ﻧﺒﻲ ﻓﻴﻪ ﺧﺰﻱ ﻫﺎﻟﺨﺎﻳﻦ 🙅
ﺍﻣﺎﻧﻲ << ﺧﺎﻳﻦ 😂😳
ﺯﻳﻨﺐ << ﺁﺱ ﺁﺱ ﺟﺎ 😒
ﻣﺆﻳﺪ << ﻣﺎﺯﻟﺘﻲ ﻡ ﺩﺭﺗﻲ ﺍﻟﻘﻬﻮﻩ ؟ !
ﺍﻣﺎﻧﻲ << ﻛﻨﺖ ﻧﺴﺎﻝ ﻓﻲ ﺯﻳﻨﺐ ﺗﺒﻲ ﻭ ﻻ ﻻ
ﻣﺆﻳﺪ << ﻭ ﺍﻧﺎ ﺷﻦ ﺩﺧﻠﻨﻲ ﺑﻴﻬﺎ / ﺍﻣﺸﻲ ﺳﻘﺪﻳﻨﻲ ﻧﺒﻲ ﻧﻄﻠﻊ
ﺍﻣﺎﻧﻲ (< ﺑﺎﻫﻲ ﻭ ﺍﻧﺖ ﺗﻌﻴﻂ 😒
ﺯﻳﻨﺐ << ﺷﺎﻃﺮ ﻳﻌﻴﻂ ﻋﻠﻴﻚ ﺑﺲ ﺍﺻﻼ
ﻣﺆﻳﺪ << ﻭ ﻧﻌﻴﻂ ﻋﻠﻴﻚ ﺣﺘﻲ ﺍﻧﺘﻲ
ﺯﻳﻨﺐ << ﻻ ﻋﺎﺭﻓﺘﻚ /: ﺑﺲ ﺑﻌﺪ ﺷﻔﺘﻬﺎ ﻋﻴﻮﻧﻚ ﻗﺮﻳﺐ ﻃﻠﻌﻦ 😒 ﻻ ﻳﻘﻮﻝ ﻓﻲ ﻧﺎﺱ ﻻ ﻳﻘﻮﻝ ﺧﻮﻫﺎ ﻣﺮﺍﺕ ﻳﻔﻄﻦ / ﺷﻲ ﺷﻲ ﺗﻨﺢ ﻓﻴﻬﺎ ﺗﻘﻮﻝ ﺍﻭﻝ ﻣﺮﻩ ﻳﺸﻮﻑ ﺑﻨﺖ 😕
ﻣﺆﻳﺪ << ﻉ ﻣﻦ ﺗﺤﻜﻲ ﺍﻧﺘﻲ ؟ ! 😂
ﺯﻳﻨﺐ << ﻉ ﻣﻨﺎﺭ ﺍﺧﺖ ﻣﺤﻤﺪ 😒😒
ﻣﺆﻳﺪ << ﺍﻫﺎ 😍 ﻋﻠﻴﻚ ﺑﻨﺖ ﺳﺒﺤﺎﻥ ﺍﻟﻠﻪ ﻣﺎ ﻓﻴﻬﺶ ﻏﻠﻄﻪ 😌
ﺯﻳﻨﺐ << ﻭ ﺗﻘﻮﻝ ﻓﻴﻬﺎ ﻓﻲ ﻭﺟﻲ ؟؟
ﻣﺆﻳﺪ << ﻭ ﺍﻧﺘﻲ ﺷﻦ ﺩﺧﻠﻚ ؟
ﺯﻳﻨﺐ << ﻛﻴﻒ ﺷﻦ ﺩﺧﻠﻨﻲ ؟؟ ﻣﺎﻫﻮ
ﻣﺆﻳﺪ << ﻣﺎ ﻫﻮ ﺷﻨﻮ ؟ 😌
ﺯﻳﻨﺐ << ﺷﻲ ﺷﻲ ﺧﻼﺹ
ﻣﺆﻳﺪ << ﺧﻄﻴﺮﻩ ﻭ ﺍﻧﺘﻲ ﺗﻐﺎﺭﻱ ﺭﺍ 😂😌
ﺯﻳﻨﺐ << ﻧﻐﺎﺭ ؟ ﺗﺤﻠﻢ ﺍﻧﺖ 😒
ﻣﺆﻳﺪ << ﺧﻠﻴﻨﻲ ﻧﺤﻠﻢ ﺑﺎﻩ ﺑﺮﺍﺣﺘﻲ 🌚 ﻧﻌﻠﻲ ﺯﻳﻨﺐ ﺗﻐﺎﺭ ﻋﻠﻴﺎ 😌
ﺯﻳﻨﺐ << ﺑﺎﺭﺩ 😂😪
ﻣﺆﻳﺪ << ﺍﻳﻮﺍﻩ ﻧﺘﻌﺐ ﻣﻊ ﺍﻟﻀﺤﻜﻪ ﻫﺬﻩ 😍
