قدر عبدالعزيز

١

ببدا روايتي الاولى قدر عبدالعزيز ...طبعا روايه محترمه ومن خيالي بس اكيد في ناس ولو قليل من الاشياء عاشوها في الحقيقه طبعا هذي اول روايه اكتبها في حياتي فاذا السيناريو ماش المعذره

اولا تعريف بالشخصيات عشان تعرفون منهم وطبعا المهمين فقط العائله ..
الجد :صالح محمد المنير (اسم العائله من راسي) عمره ٧٠ طوله ١٨٨ حنطي وعيونه بنيه ووسيم وجماله عربي اصيل محترم ويحب عياله وبنته واحفاده ورجل ثري من اثرياء الرياض عنده شركات وعقارات ومحلات
الجده : نوره سعد ال منير بنت عم صالح وزوجته عمرها ٦٥ طولها ١٦٥ بيضاء وعيونها عسليه فاتحه مره طيبه وجميله جدا ومحترمه والكل يمدحها
الولد الكبير :فيصل عمره ٤٥ طوله ١٨٠لونه ابيض وعيونه سوداء ووسيم يشتغل دكتور عيون ورفض يشتغل بشركة ابوه بشوش ويحب الوناسه ومتزوج حصه يحبها مع انه زواج تقليدي وعنده ٤ عيال وبنتين وهم صالح والتوأم سالم ونايف ثم فايز ونوره وساره
الولد الثاني : سالم عمره ٤٢ طوله ١٧٩ لونه ابيض وعيونه بنيه يشتغل في شركة ابوه هو هادئ وحنون على عياله متزوج بنت خالته رحمه ويحب شيء اسمه عائله وعنده ولدين وبنت ناصر عيسى وريم
الولد الثالث : خالد عمره ٣٩ طوله ١٨٠ لونه حنطي وعيونه عسليه فاتحه يشتغل في شركة ابوه طبعا لان ابوه الي حدد هالشيء رايق وحنون وعصبي شوي ومتزوج فهده وعندهم ٤ عيال وبنت الي هم يوسف ابراهيم وعبدالله وفهد ورهف
الولد الرابع : سلطان عمره ٣٧ طوله ١٨٩لونه ابيض وعيونه عسليه فاتحه ووسيم جدا واجمل اخوانه وهو محامي ومخلص الدكتوراه عصبي مره ولا يبتسم حتى متنرفز ويلاقي اي فرصه يهاوش ومايحب سيرة الزواج لانه ماعاد يبغى يتزوج بسبب زواجه من منيره بنت عمه وطلقها ولا عاد تزوج مره ثانيه بس الله كتب ان منيره تحمل وتجيب ولد واسمه عبدالعزيز بعد ولادته بشهرين تطلقو امه وابوه وعايش مع ابوه سلطان
وطبعا الخامسه بنت وهي: فاطمه عمرها ٣٤ طولها ١٦٦ جميله جدا بيضاء وعيونها بنيه معلمه لغة انجليزيه انسانه حنونه وتحب اهلها ومتزوجه من ولد عمها اسمه راكان اخو منيره وعندها بنتين وولد وهم عماد وتولين وتالا
الولد السادس : رائد طوله ١٨١حنطي وعيونه بنيه طبعا اخر العنقود عمره ٢٨ ويشتغل بشركة ابوه مع ان تخصصه هندسه ماتزوج بدري عكس اخوانه بسبب انه تعقد من زواج اخوه سلطان وماحب انه يتزوج بدري وعن تقليد
نبدا الاحداث في قصر بالرياض يوم الجمعه عام ٢٠١٨ الساعه ٧ ونصف مساء
في جناح بطلنا
سلطان معصب بسبب انه خسر قضيته وكانت في صالحه وهذي مو من عوايده انه يخسر القضيه الي اشتغل عليها دخل عليه ولده عبدالعزيز
طبعا نعرفكم على بطلنا عبدالعزيز :
عبدالعزيز عمره ١٥ طوله ١٦٠ وسيم وجماله عربي بحت لونه ابيض عيونه عسليه فاتحه مايله للاخضر نفس لون عيون امه وعنده غمازات وشعره بني فاتح هو ولد سلطان ومنيره وحيد ابوه محترم ومتفوق في دراسته والاول على صفه يدرس اول ثانوي والكل يحبه ومستحيل احد يكرهه الا صالح ولد عمه فيصل و يخاف من ابوه ويحسب لابوه الف حساب ويسمع لابوه
سلطان : خير ياعبدالعزيز ماتدق الباب داخل كذا بدون احترام هذي تربيتي فيك هااه (صارخ عليه)
عبدالعزيز تلعثم وماعرف وش يقول وعرف انه اخطأ
عبدالعزيز : ءءءء يبه
سلطان : وحطبه ي مال التراب لا سلام ولا تدق ايش قلة الادب ذي تبغاني ادفنك بأرضك هااههه ماتسمععع انت
عبدالعزيز : السلام عليكم اسف يبه ماكنت اقصد بس اب..
سلطان : صهه ولا اسمع حسك وش تبغى ماتشوفني مشغول تحسب ماوراي الا انت يالبزر
عبدالعزيز دمعته صارت على خده وخايف ويرتجف مايعرف وش يرد
سلطان شاف ولده صار يبكي ويرتجف وحس بتأنيب ضمير وقال : خلاص وش تبغى اخلص علي
عبدالعزيز ودموعه على خده وبتلعثم : يبه بس كاانن ج دددي يببغاك بالمجللس اهئ ( كان يتكلم وهو يبكي ماعليكم من التقطيعه حقتي 😭)
سلطان ناظر عبدالعزيز بحده ثم قال : ايه طيب هذا انا نازل
على طول عبدالعزيز راح المجلس من الخوف من ابوه
دخل سلطان المجلس وشاف ابوه وامه واخوانه وعيالهم والكل مجتمع وناظر ولده عبدالعزيز بحده ثم قال : امر يبه وش بغيت مني
الجد صالح بعتب : وش ابغى منك ؟؟ يا وليدي تعال اجلس معنا سولف ولا اي شيء بس مقابل ذا الشغل ياوليدي حنا اهلك تبغى تزعلنا ولا وش يا ابو عبدالعزيز
سلطان بتأنيب ضمير : المعذره يابوي والله ماقصدي بس الشغل لي راسي ولا انا افضى ولا والله اني تحت رجولك يالغالي وراح باس راس ابوه وامه
واخوه سالم ناوله فنجال القهوه
ونجي عند الشباب
ناصر : ياعبدالعزيز وش فيك كأنك تبكي ؟؟
نايف : الا والله وانت صادق ي نصور عبدالعزيز فيه شيء
عبدالعزيز متضايق وخايف ثم قال : لا ما ابكي ولا شيء بس عيوني تعورني
يوسف بتنهيده وهو عارف ان ولد عمه وصديقه عبدالعزيز مظلوم وحزين ثم قال : اكيد عمي سلطان ضربك او صارخ عليك صح يا عزوز عادي قول ؟
عبدالعزيز يفز قلبه وقال : لا والله ولا شيء صاير قلت لك عيوني فيها شيء عورتني
ناظر صالح في عبدالعزيز بنظرة حقاره وقال : يا عزوز تدري ابوي دكتور عيون عادي خله يشوف وش فيها عيونك !
طبعا نعرفكم على صالح هو ولد فيصل عكس اخوانه الي يحبون عزوز وهو مايحبه لانه يغار منه مع ان عمره ٢٢ وطوله ١٧٨ وحنطي ولون عيونه بني وشعره اسود
نرجع
عبدالعزيز بتلعثم : لا وين مافيني شيء بس حكه بعيني وتروح زي كل مره
يوسف بعصبيه : شوف يا عزوز اذا عمي سلطان سوا فيك شيء قول لجدي لا عاد تسكت له ابدا ابدا سلامات كل يوم يضربك ويجلدك وانت ساكت ترى ندري زين ان عمي معنفك مسوي نفسك ماتبغى احد يعرف عايشين بنفس القصر وانا صديقك ولا لا تعال معي وقول كل شيء لي
عبدالعزيز بحزن : انا مافي....
يوسف : قوم يابزر لا اهجدك قوممم تراك عورت قلبي شوف جدتي تناظر لك قلبها يوجعها عليك علمني وانا بقول لجدي
عبدالعزيز فقد الامل وقام مع يوسف وراحو الحديقه
يوسف : يلا قول ليش بكيت انت
عبدالعزيز بحزن وخوف وكان يرجف وقال : ماسويت شيء بس كنت انادي ابوي عشان جدي قال اناديه بس نسيت ما ادق الباب ودخلت وبعدها عصب علي ابوي
يوسف بحزن على ولد عمه وصديقه : يا عزوز عمي ماضربك الحين؟
عبدالعزيز بسرعه بديهيه : لا ماضربني
يوسف : غريبه بس هاوشك بدون ضرب مو من عوايده عمي سلطان هههههههههههههههههه
عبدالعزيز قام يضحك مع يوسف
اما يوسف بداخله كان حاسس في ولد عمه وحزنه ويناظر عبدالعزيز الي يضحك !! يضحك وكل حياته سوداء امه وابوه بعد شهرين من ولادته تطلقو وامه تركته ولا عمره شافها وابوه يضربه ويعنفه من كان صغير ومكرهه في عيشته ويتحكم فيه كانه لعبه مو انسان ومع ذلك يضحك !! قام يوسف ثم قال :
يا عبدالعزيز يلا ندخل نشوف سوالف الشيبان ههههههه
عبدالعزيز بطنه عوره وماسك بطنه وقال : طيب يلا
يوسف لاحظ ان عبدالعزيز ماسك بطنه ثم قال : يا عبدالعزيز بطنك يعورك فيك شيء ؟؟؟
عبدالعزيز : ابغى اروح الحمام وراح يركض