في المستشفى
سلطان جالس ينتظر الدكتور ويفكر يحل المشكله الي بينه وبين ولده
الا يخرج الدكتور
سلطان : طمني يادكتور وش فيه
الدكتور : كيف ماتدري
سلطان : وشوو الي ما ادري
الدكتور : المريض عنده سرطان وواضح انه يتعالج من المرض
سلطان انصدم من الي سمعه
وقال : سرطان وش
الدكتور : سرطان الدم وحالته خطره لازم يقعد كم يوم عندنا
سلطان بحزن : ان شاءالله
قعد سلطان ويفكر وش باقي من مصيبه وبلاوي ماطاحت عليه وعلى ولده !!
دخل سلطان عند عبدالعزيز وشاف الاجهزه حوله وصار يبكي
في القصر
الجد صالح : عبدالعزيز بالمستشفى
العم خالد : توه عندنا ما شاءالله لسانه طويل وماحوله شر !
العم سالم : انا بروح ازوره
الجد صالح : كلنا
يوسف : ياعيال يلا نروح المستشفى
اتجهو للمستشفى
في المستشفى
صحى عبدالعزيز وشاف الكل مجتمع عنده
الجد صالح : الحمدلله على السلامه
العم سالم : ماتشوف شر
عبدالعزيز ناظر عمه سالم وقال : تعطي ريم لصالح
العم سالم: هذا النصيب
سلطان : ماهو بوقت هالسوالف
عبدالعزيز بحزن : سالفه ذي !! ذي حياتي
الجد صالح : شوف البنت جاها نصيبها لولد عمهااا
عبدالعزيز : وانا ولد عمهاا وابغاها وقد قلت لناصر
سلطان : عيب وش تبغاها ومدري ايش البنت خطيبة الرجال اقفل السالفه مالك نصيب معها
العم فيصل صمت
عبدالعزيز : وش جايبكم اصلااا ويناظر ابوه وقال جايبني مستشفى خاص بعد ادفعع اقساطط
سلطان : انا بدفعع ماعليك
الجد : لا انا
عبدالعزيز بعصبيه : لا انت ولا هو ويشيل الاجهزه من يده ويبي يقوم
سلطان : اجلسس اقوللل
عبدالعزيز: وخرر عنيي
العم فيصل : انت تعبان مايصلح
عبدالعزيز : حياتي وانا حرر اصلا انا جثه تمشي خلونيي اموتت وقامم وطلع
يوسف وناصر وسالم ونايف ورا عبدالعزيز
يوسف : عبدالعزيز
عبدالعزيز بصراخ بنص المستشفى : نعممممم
يوسف : شفيك انت مجنون ارجع انت تعبان
عبدالعزيز بدموع : من يوم جيت على ذي الدنيا وانا تعبان متى صرت بخير علمنييي يا يوسف علمنيي
سالم : عبدالعزيز بلا استهبال انت تعبان ارجع
نايف بحزن وشفقه : تكفى ارجع
ناصر: اذكر الله
عبدالعزيز ناظر لناصر بحقد وقال : انت لا تتكلم انت طعنتني انا مارحت الا عشان اعيش حياتي لي متى وانا مضطهد وخاضعع قلت احقق حلمي ولا حققته ويوم وارجع وابي اخطب ريم القاها خطيبة لغيري ولمين لصالح لصالح الي قهرنييي الي يكرهنيي حسبي الله فيككك
ناصر بحزن: هذا النصيب
يوسف : هذا قضاء وقدر وكون راضي
عبدالعزيز بدموع وضحك : صح متى القدر ضحك لي متى متىى ماغير تعب ومرض وكره وقهرر
يوسف: اذكر الله تعال امش معي
نايف حزن على عزوز
ناصر يبي يضم عبدالعزيز الا عبدالعزيز يبعد عنه ويمشي بعيد عنهم الا سلطان يركض اتجاهه
سلطان : عبدالعزيز وقف وقففف
عبدالعزيز : وش تبغى هاه قولل لي
سلطان : انت مريض ولازم لك مستشفى زين
جاء يوسف وناصر معه وقال يوسف : ايه انت تعبان ارجع
سلطان : يلا تعالل مايصلحح انت تعبان لازم تستريح وتتعالج
عبدالعزيز بضحكه : تعرف احسن شيء بحياتي
سلطان :تعال معناا
عبدالعزيز بدموع : لا لا قول وش قوولل
سلطان بحزن على ولده : وش هاا وش
عبدالعزيز بنظرة حقد وحزن : اني مريض وصارلي ثلاث سنين اعاني منه ادعي كل يوم اني اموتتت عشان افتككك من ذي الدنياا
يوسف : صبر صبر انت عندك مرض
ناصر يراقب بصمت
عبدالعزيز : لو يهمك يا يوسف كان عرفت وكان بحثت عني بس حتى صديقي صد عنيي ما الومك اذا امي وابوي صدو عني ماراح تصد انت !!
يوسف بدموعع وصراخ:: وش المرضض الي عندكككك تكلممم
عبدالعزيز ترك يوسف وخرج من المستشفى يدور تاكسي بس مالقى
يوسف ناظر عمه وقال : وش مرض عبدالعزيز
سلطان بحزن : سرطان الدم
ناصر انصدم
يوسف بحزن بينه وبين نفسه قال وش باقي ماطاح على راسك يا عزوز
سلطان خرج من المستشفى وشاف عزوز وقال : تعال اوصلك
عبدالعزيز مايرد
سلطان : اقول لك تعال معي بوصلك شقتك ماعليك
عبدالعزيز يمسح دموعه بتعب ومشى ورا ابوه
سلطان ركز على عبدالعزيز وكيف يمسح دموعه وبينه وبين نفسه انا وشسويت فيك الله ياخذني والله لعوضك والله
عبدالعزيز انتبه لابوه وقال : وش فيك تناظر
سلطان : ولا شيء بعدين هدي من نفسك تراك ناسي اني ابوك ولازم تحترمني
عبدالعزيز : يوم كنت احترمك كنت تضربني وتهيني كذا احسن
سلطان بصراخ : وربيي لوو ماترجع زي قبلل والله مايصير لك خير
عبدالعزيز بضحكه : بتضربني عادي واذا بتقتلني تريحني وش بتسوي غيره اصلا حلمي اني اموت
سلطان بعصبيه : انت تعبان وتدور مشاكل ماتتوب انت
عبدالعزيز بدموع وقال : تذكر طفولتي
سلطان : شدخل
عبدالعزيز : لا تتذككرها ولا لا
سلطان عارف طفولة ولده كيف كانت وعارف وش عزوز يبغى يقول
سلطان : انت وش تبغى بالضبط
عبدالعزيز : ماتبي تعترف انك ظلمتنيي !!
سلطان وقف السياره برعب وناظر لعبدالعزيز
وقال بصراخ : وربيي لو ماتسكت وربيي ساكت لكك قلت اسكت عشان لا يهرب مره ثانيه وقلنا تعبان بس تتجاوز حدودك ياعزيز لي هنا وبسسس
عبدالعزيز رجع له الخوف وسكت
سلطان بعصبية : هاه ليش ساكت تكلمممم تكلممم خفت صحح
عبدالعزيز بدموع: لان هذي هي طفولتي طفولتي كانت خوف وحرمانن
سلطان صار يبكيي وقال : اكسر الشرر وش تبيي اسوي لك واعوضك
عبدالعزيز بضحكه ودموع: تعوضني بإيش مثلا !
سلطان : بكل شيء
عبدالعزيز انتبه ان هذا الطريق مو طريق لشقته وقال : وين موديني
سلطان ساكت
عبدالعزيز : وينن انت قايل بتوديني شقتي
سلطان بينه وبين نفسه انت ماخليت لي مجال ياعبدالعزيز للصلح .
السؤال : وين سلطان مودي ولده ووش يبغى يسوي؟
أنت تقرأ
قدر عبدالعزيز
General Fictionقصة حزينه تتكلم عن ولد ذاق مرارة الحياه اتمنى تعجبكم طبعا ما احلل من يسرق روايتي لان من كتابتي كتابتي انا الكاتبة سلوى حسابي تيك توك www.tiktok.com/@rw.salwa حسابي انستجرام rwayatsalwa حسابي تيك توك rw.salwa ما أحلل احد ياخذ رواياتي 👏🏻
