قدر عبدالعزيز

٥

بعد مرور ٣ سنوات عام ٢٠٢١ صار عمر بطلنا ١٨ سنه
وهنا صارو يتكلمون عن تخصصاتهم اما بطلنا تخصص ادارة اعمال عشان جده طلب منه وهو حلمه طب بس تخاى عنه عشان رضى جده
الجد صالح شاف ولده سلطان سرحان قال : سلطان علامك
العم سالم:ابوي يكلمك
سلطان : هلا يبه
الجد صالح : شفيك اقول
سلطان : ولا شيء يالغالي استاذنك وطلع
الكل مستغربين فجاه كذا
الجده : يا عبدالعزيز روح ورى ابوك شوف وشفيه
الجد : انهبلتي تبغينه يذبح الولد
عبدالعزيز مسوي نفسه مو خايف وقال : بروح اشوفه
سلطان كان بالحديقه ومعصب وكانه يحاكي نفسه شافه عبدالعزيز
عبدالعزيز قرب من ابوه بخوف وحس سلطان ان احد قريب ناظر شاف ولده واستغرب
عبدالعزيز بتوتر وتلعثم : يبه ش شفييك
سلطان بعصبيه : شيء مايخصكك

عبدالعزيز وهو يرتجف: جدتي تبغى ءء تطمن عليك
سلطان شاف خوف ولده وقرب منه
هنا عبدالعزيز رجع على ورى من الخوف
سلطان بعصبيه رافع يده ويهدد قال : فكني منكك ومن شركك شيء خاص مايخصكم ابدد ابدد
وطلع برى القصر
اما عبدالعزيز شكر ربه ان ابوه ماضربه وراح للمجلس وقال لهم ان ابوه مافيه شيء
سلطان ركب سيارته وتوجهه لعبدالاله

في المجلس
ريم : بنات اخخ متى تبدا السنه ذي ونفتك واخلص من الثانوي
نوره : هاها ها مستعجله ههههههه
ريم : على وش!
رهف تغمز لريم
ريم : وجع
عند الجد سرحان على حال ولده سلطان والندم ماكله من ساسه الى راسه عشانه اجبر ولده على الزواج وسبب بهالمشاكل
عند سلطان وعبدالاله
عبدالاله :اذكر الله وش فيك
سلطان بعصبيه : سعيد طلع من السجن ببراءه يلعنننن ام القهرر
عبدالاله : مايستاهل تعصب خلاص اتركه
سلطان : والله مايروح دم علي على الفاضي
عبدالاله : لاتنسى يا سلطان ان الله ياخذ حق كل انسان ماعليك اذكر ربك اذا ماخذو حقه بالدنيا ربي بياخذ حقه في الاخره
سلطان تنفس وهدا وقال: لا اله الا الله
جلسو تقهوو وتعشو بعدها راح سلطان للقصر
دخل سلطان جناحه وراح غرفة عبدالعزيز شافه طايح من عالسرير في الارض وضحك من داخله على ذا الولد

اليوم التالي
صحى عبدالعزيز صلى الفجر وقعد يقرا عن تخصص ادارة الاعمال وبدا يذاكر
سلطان شاف عبدالعزيز بالصاله بالاوراق وقال : وش تسوي
عبدالعزيز قام احترام لابوه وقال : صباح الخير يبه قاعد اتجهز للتخصص
سلطان : اها طيب سو لي قهوه
عبدالعزيز ببراءه : يبه
سلطان : هاه
عبدالعزيز بخوف : عادي اطلع مع العيال
سلطان ببرود : لا
عبدالعزيز برجاء : تكفى يبه
سلطان بعصبيه وصراخ : اذلف سوو قهوه
هنا عبدالعزيز بلع ريقه من الخوف وراح سوا قهوه
الساعه ٤ العصر العائله متجمعه في الحديقه جالسين
يوسف : هاه بشر عمي سلطان وافق
عبدالعزيز بنبرة حزن وناظر الارض :لا
نايف : اجل مافي طلعه
سالم : عمي سلطان مايتغير من يفهمه انك كبير
ناصر : خلاص ماعليه خيرها بغيرها
عند النسوان
فهده : الا صدق قالو منيره اعرس عليها زوجها
رحمه : سمعت عمتي تقوله والله اعلم والي عرفته انها زعلانه عند اهلها
حصه : الله يمهل ولايهمل تستاهل
رحمه : اي والله
عبدالعزيز يبغى يطلع يجيب من سيارة عمه رائد شغله طلع برى القصر يمشي الا وشاف بيت جده عامر عنده رجالين يتهاوشون واحد خاله راكان والثاني مايعرفه استجمع قوته وراح يشوف
عبدالعزيز : السلام عليكم عسى ماشر
راكان : وعليكم السلام لا شيء بس واحد تافهه
مازن زوج منيره : شوف ياراكان انا تزوجت الثانيه على سنة الله ورسوله ود اختك ترجع لي حياها ماتبغى بالطقاق
هنا عرف عبدالعزيز ان امه الي تركته زوجها تزوج عليها
راكان : من زينك عاد
مازن ابو علي : من زينك انت ومن زين اختك ماهي بمره كفوو
هنا عبدالعزيز عصب : احترم نفسك عادد الزم حدودكك
راكان انصدم
مازن : من انت اصلا
عبدالعزيز بتردد : ولدها وش بتسوي !؟
مازن بضحكه استهزاء : اها انت عزوز الي امك تتشمت فيك ولا تجيب طاريك ومتبريه منك
عبدالعزيز بصوت عالي : ايه انا صح هي تكرهني بس مهما صار هي امي وواجب علي ادافع عنها
انصدم مازن من رده
راكان : يلا انقلعع وناظر عزوز وقال حياك
هنا عزوز خاف لو عرف ابوه بس دخل
راكان : تعال مافي احد غريب بس انا وامك وجدك وخالك محمد
دخل عبدالعزيز : السلام عليكم
الجد عامر : يازين هالوجه وبدموع راح ضم حفيده
اما عيون منيره على الولد البريئ الي ماخذ لون عيونها بس طول ابوه وملامحه
راكان يناظر منيره وبحده : هذا عبدالعزيز سلمي عليه
عبد العزيز : لا تضغط عليها ياخال بس اذا جاء هذا الي مايتسمى علمني
منيره وبعصبيه : هذا زوجي
راكان : زوجك قال عنك منتي كفوو
منيره منهاره
هنا عبدالعزيز حزن ودموعه نزلت وقال : اساعدكم بشيء ؟
الا جواله رن وشاف ابوه الي يرن عليه هنا عبدالعزيز صار يرتجف ويتلعثم ولاحظ الجد عامر على عبدالعزيز
وقال : وشفيك ياوليدي
‎🤝بقول عزوز 👏
عزوز :لا ولا شيء
هنا رد عبدالعزيز وقال : هلا يبه انا قريب اي اي يبه ا سس فف و الله اجي االحيينن
هنا منيره اشفقت عليه شافته كيف خايف
وناظرت اخوها وقالت : برجع لزوجي وخلاص
هنا عبدالعزيز خرج من الخوف
الجد عامر : مسكين هالولد شوفو كيف خاف
منيره : وشش اسوي يعني
راكان بنبرة حزن : بالله مايهمك امر عبدالعزيز؟
منيره صمت وخرجت
الجد : الله يحنن قلبها عليه