قدر عبدالعزيز

١٩

بعد ثلاث ايام
كان عزوز يفكر ينظم وقته لان يبي يشتغل مو حلو انه قاعد كذاا وحطو واحد مكانه بدون علمه وخرج من غرفته وراح مكتب ابوه
دق الباب
سلطان : ادخل
عبدالعزيز : يبه ممكن من وقتك شوي
سلطان : ايه تعال
جلس عزوز ومرت دقيقتين وهو ساكت
سلطان : عبدالعزيز وشفيك بخاطرك شيء؟
عبدالعزيز : يقولون حطو واحد بدالي بالشغل
سلطان : ايه مشاري ولد ابو سعود
عبدالعزيز : طيب ليش ماعلموني
سلطان بزعل : ياعبدالعزيز انت تعبان ومو قادر تتحمل الشغل كل يوم افضل لك كذا
عبدالعزيز : اصلا عادي بدور لي شركه ثانيه دام عمي طردني من الشركه
سلطان : من قال عمك طردك
عبدالعزيز بضحكه : حط واحد بدالي وفسخ عقدي يعني ماصرت اشتغل يبه تفهمم خلاص مالي مكان بالشركه
خرج عزوز من الجناح
شافه جده
ابو فيصل : هلا ياعبدالعزيز اخبارك
عبدالعزيز بضحكه: انت عارف ولدك وش سوا فيني
ابو فيصل : وش سوا سلطان
عبدالعزيز : مو ابوي عمي سالم فسخ عقدي
ابو فيصل بحزن : لا تقول كذا بس هذا افضل لك
عبدالعزيز بضحكه : هههههههههه صحيح افضل لي اصلا انتم ماتبغوني من اول وطرردتوني من الشركه بدون علمي ماعرفت الا من نايف
ابو فيصل: محد طردك وش هالكلام
عبدالعزيز : عمي سالم فسخ عقدي من الشركه كلها واعطى مكاني واحد غريب وش تسميها ذيي
ابو فيصل : اذكر الله انت تعبان عشان كذا
عبدالعزيز : ياجد انا اعرف اني مريض بس اقدر اخذ اجازه كم يوم مو تطردوني من الشركه وتقولون لمصلحتك يعني تبغوني اموت ترى المريض يكمل حياته وشغله ويسوي الي يبيه مو يعني مريض اجلس بالبيت طول اليوم لا شغل ولا مشغله بس عادي من انا اصلا من من
ابو فيصل : خلاص ولا تزعل بدور لك مكان بالشركه
عبدالعزيز بحزن وعصبيه: مبغى منكم شيء بروح ادور لي وظيفه
ابو فيصل : لا بتشتغل بشركتي
عبدالعزيز : خل شركتك لاحفادك الي تحبهم مو لي انتم طردتوني واضحه وصريحه وين تبي تحطني هاه ترى عندي كرامه
ابو فيصل : ياولدي ليه مكبر السالفه
عبدالعزيز دموعه تنزل : صحيح من انا عشان اكبر السالفه طردتوني من الشركه من حقكم وش تبغون بواحد مثلي انا ضيعت حياتي اصلا انا السبب وخرج يبي يخرج برى القصر وتذكر ماعنده سياره حتى جلس عند باب القصر
العم سالم : اخبارك ياعبدالعزيز
عبدالعزيز : وتسأل عن اخباري بعد وانت طاردني من الشركه
العم سالم : لا ماطردتك بس لازم نعين واحد يشتغل انت تعبان
عبدالعزيز بضحكه : المرض ماراح يمنع احد من الشغل بس انتم لقيتوها فرصه انت قهرتني قهرتني ياعم وتقولون مصلحتي ترى المرض مايمنععع الشغل هذا وانا مريض اوراقي بيدي وارسلها لنايف ونايف يعطيك ياها لين اداوم بس انت فسخت عقدي ووظفت واحد غريب مدير على ادارة التسويق يعني هذي اداره مايبي لها دوام اساسا كل يوم بس انت تبيها من الاول
العم سالم : بس انت كنت تعبان
عبدالعزيز : من انخلقت وانا تعبان تحسب المرض يمنعني هذا السكرتير حقك بالشركه عنده القلب ليه مافصلتوه تحسبني غبي !!
العم سالم : عبد..
عبدالعزيز: لا تبرر ما ابغى يكفي ريم اعطيتها لغيري والحين طردتني مشكور ياعم مشكور
وخرج يدور له احد يوصله مالقى ورجع القصر ودخل الجناح وجلس بالصاله
خرج سلطان من مكتبه
سلطان : انت بخير
عبدالعزيز مايرد
سلطان : رد وشفيك
عبدالعزيز : بخير ماعليك بخير
سلطان : تبي اساعدك تدور وظيفه؟
عبدالعزيز ودموعه تنزل: مبغى منك شيء
سلطان : ياولدي وش ذنبي انا بلي صاير
عبدالعزيز بصراخ : انت السبب انت خليتهم يتمادون علي ويكرهوني لانك تكرهنيي انت
سلطان بعصبيه اعطى عبدالعزيز كف وقال : للصبر حدود لا عاد ترفع صوتك علي انا ابوككك تفهم
عبدالعزيز بضحك : انت مره تحبني ومره تكرهني
سلطان بعصبيه : من قالل اني اكرهك
عبدالعزيز بدموع وضحك: انت
سلطان : ماعمري قلتها لك من قلبي انت ولدي واحبكك اطلب اي شيء واعطيك
عبدالعزيز : ههههههههههههههههههههههه
سلطان مستغرب: افضل لك رح قبل اجلدك
عبدالعزيز : تطردني اجل
سلطان بعصبيه : من قال اني طردتكك من قال روح غرفتك نام ولا تفكر تهرب تفهمم
عبدالعزيز : ماراح اناام بطلب لي تاكسي ابي اروح ادور وظيفه
سلطان : خذ سيارتي
عبدالعزيز : ما ابغاها
سلطان بعصبيه وبصراخ : خذ سيارتتتي
عبدالعزيز بصراخ : ما ابغاهااا
سلطان اعطى عزوز كفف وقال : لا تصارخ علييي تفهممممم تبي تطلع روح بسيارتي غيره لااا
عبدالعزيز : مالك دخل فيني تفهمم لي متى لي متى
سلطان : اكسر الشر مابي اضربك زياده
عبدالعزيز : ما شاءالله تهتم بمشاعري مره شكرا لك
سلطان بعصبيه: وش تبي وش تبي معصببب
عبدالعزيز : اذا صدق تحبني يبه روح لاخوكك وخذ حقي منه على اي اساس يطردني ابغاك توقف بوجهه ولا لا تكلمنيي
سلطان : تبيني اوقف بوجه اخوي الكبير
عبدالعزيز : بس اخوك طردني ويوم ابي السبب يقول انت مريض افضل لك ترتاح وهو فاسخ عقدي من الشركه كلها مو من المنصب وحاط غريب وهو السكرتير حقه عنده القلب ولا فسخ عقده هو مايبيني بالشركه واضحه لان المرض مايمنعني من الشغل وانا اسوي شغلي حتى وانا بالمستشفى اشتغل وارسله لنايف
سلطان : بشوف
عبدالعزيز : كلهم تحت بالمجلس يا توقف معي يا بصرك
دخل عبدالعزيز غرفته وقفل على نفسه
سلطان جلس يفكر وليش سمح بذا الشيء وكان عزوز يشتغل على اللاب في المستشفى واصلا قال سالم انه فسخ عقده من المنصب مو من الشركه
نزل المجلس وشاف الكل مجتمع
ابو فيصل : ارحب يابو عبدالعزيز تعال للقهوه والتمر
سلطان: مابي قهوتكم ولا تمركم
الجد ابو فيصل : افا وش صاير
سلطان: ولدك فسخ عقد شغل ولدي من الشركه كلهاا مو من منصبه ويقول عشان مصلحته وهو نائبه عنده القلب !
العم ابو صالح: ايش وش هالكلام هو بس العقد من المنصب لين يتعافى
سلطان : لا ي فيصل فسخ عقده من الشركه كامله
ابو فيصل : عشان مصلحة ولدك
سلطان : قولوا من الاول ماتبغونه مو تسوون كذا والمرض ما يمنع الانسان من الشغل صح يا سالم مو السكرتير حقك عنده مرض القلب ليش ماطردته
سالم ابو ناصر : وش قصدك يا سلطان
سلطان : انت كذبت عليي المهم عبدالعزيز ماعاد بيشتغل عندكم وحقه بيرجعع
ابو فيصل : لا حول ولا قوة الا بالله
الجده نوره دخلت وقالت : وش السالفه
سلطان : ولدك طرد ولدي من الشركه وقال لمصلحته قال وانا صدقته عشانه اخوي
الجده نوره : ومن سمح لك يا سالممم من
العم سالم : والله فاهمين غلط الولد تعبان ونبي واحد يشتغل
سلطان بضحكه : على اساس صالح ونايف يشتغلون هم يلعبون بالشركه طولل اليومم وديوانيات وسهرات وغياب وقفت على عبدالعزيز ولدي
ابو فيصل : محلوله لا تكدر على نفسك
سلطان : انت اخر واحد يتكلم انت صاحب الشركه وسمحت بهالشيء ان عبدالعزيز يفسخ عقده مو انت الي قلته لعبدالعزيز يدخل ادارة اعمال تحطمم حلمه عشان جده عشانك انت يبه وتسوي فيه كذا ما اقول الا حسبي الله ونعم الوكيل فيكم
خرج سلطان
اما الجد نزلت دموعه وقال : والله مو عن قصد
العم رائد : سلطان صادق عزوز كان يبي طب بس عشانك يبه دخل اداره وانت تجي تطرده وتقول لمصلحته على الاقل كان شاورتوه
الجده نوره : حسبي الله عليك يا سالم ماهقيتها منك
العم سالم بدموع: والله يمه مو الي ببالكم افدي عبدالعزيز بعيوني بس هو تعبان ماتجي ماتجي الولد كل يوم بالمستشفى
العم فيصل : مو تبرير لفعلتك انت قلت عشان مريض واصلا مساعدك مريض ليش مافسخت عقده ولا ماعرفت الا على عزوز مسوي حنون على الاقل كان غيرت منصبه انت قلت شلته من المنصب اثرك من الشركه كلهاا
العم سالم جلس يبكيي ويقول : تحسبونني العب عليكم والله ماقصدي كذا
الجد ابو فيصل: برجع الشركه واديرها طلعتوا مو ثقه وخرج
اما عند بطلنا عزوز اتصل على خاله راكان
راكان : ارحب ياعزوز هلا امر
عبدالعزيز : ليش تسمح لهم يفسخون عقدي
راكان : اتفقنا لمصلحتك
عبدالعزيز : ليش انا مو انسان ما ابغى اشتغل واصرف على نفسي المرض ماعمره كان عائق على الاقل كان خذيتوا رايي بس على طول فصلتوني ياخال صدقني ما انساها لك وقفل بوجهه خاله
منيره : شفيه عزوز
راكان : زعل مننا
منيره : ليش
راكان : حنا فسخنا عقده
منيره : من سمح لكمم
الجد ابو راكان : قلت لكم استشيروه حتى لو تعبان مالكم حقق
فرح : خير ان شاءالله تطردونه باخذ حق اخوي منكم والله
فاطمه : راكان يعني مالقيت الا عزوز تفصلونه كان خليتوه تراه متفوق واحسن من غيره المرض ماراح يمنعه
منيره وهي تبكي : هين ياراكان هيين هذا وانت اخوي مسكت نفسي من ولدي عشان مصلحته تجون انتم وتخربون حياته
مرح : يمه لا تبكين
فاطمه : ياعمري يامنيره دموعك غاليه ماعليك عبدالعزيز بيلقى له شغل احسن